رواية قيود العشق الفصل العاشر 10 - بقلم عائشة الكيلاني

حطت المخدة على أنفه بغل. فضلت تتغطى عليها. فجأة الباب اتفتح وكانت مرام. فتحت الباب بعصبية ورهبة. مرام: انتي بتعملي أي هنا؟ عايزة إيه؟ منه. سيبيه في حاله. ولا مقدرتيش على سارة؟ قولتي أخلص من ابنها. نيفين بخوف وتوتر: أنا كنت بطمن عليه برضو. مهما كان ابن أختي. مرام اتجهت ليها ومسكت إيديها ولولتها ورا ضهرها بغضب وغل: تاني مرة مسمعش الكلمة دي منك. تعرفي إيه انتي عن الإخوة ولا عن الصحابة؟ ها؟

أنتي لعنة وحلت على أختي. أول وآخر مرة تقربي من زين. أوعي تكوني فاكراني مش فاهماكي. لا أنا ولا سارة ولا عمي ولا أي حد من اللي انخدعوا فيكي بسهولة. نيفين بصت ليها بتوعد وحقد. مرام جريت على زين وقالت بصراخ: بررررررة. سمعتي قولت إيه؟ بررررررة. وإياكي تهوبي ناحية أختي ولا ابنها. يا ***. يخطاف الرجالة. نيفين خرجت ورزعت الباب. مرام حضنت زين وغمضت عيونها. وهنا انهارت في البكاء. *** عند تميم. كان لسه واقف في المخزن.

تميم: ممم. عملتوا كل ده إزاي؟ جاسر: الصور كانت مع نيفين. لأنها معظم الوقت بتتصور هي ومراتك. شوية على فونها وشوية على فون سارة. خدت صور سارة وركبتها على واحدة تانية. وطبعًا غير صوتها. خدت الصور وصوتها وبرضه ركبتها على واحدة علشان تثبت إنها سارة. ولم خافت لتتكشف خططها. والباقي عند رحمة. اسألها. تميم اتجه له ولكمه وقعد يضرب فيه بغضب وبركان لحد ما جاسر أغمى عليه. تميم قام بزق على وش جاسر ومشي.

تميم بعد ما قفل المخزن كويس وهو وشه مش يبشر بالخير. *** بعد وقت في منزل صغير. كان تميم قاعد على الكرسي وفي إيديه مسدس موجه لرحمة. تميم: أنا محدش بيحبني. حتى سارة. تهرب مني. يعني مش باقي على حاجة. فتتكلمي. يا أل**س بدلة الإعدام. مع إن هلبسها هلبسهالك. رحمة بتوتر: إن أقول إيه؟ مانت شفت بنفسك. سارة أختي. (وتقول بدموع مزيفة) أنا بجد مش قادرة أصدق إنها خانت. ليه؟

قولتلها عيب يا سارة. تميم معيشك مليكة. بلاش يا سارة. فضلت تقولي. أنا مش بحبه. أنا واخدة كوبري. لو بتحبني ومعتبراني أختك بجد. داري عليا. لأني مقدرش أعيش من غير جاسر. أو حتى من غير ما أشوفه. تميم: ما تتهدي شوية يا سارة. رحمة مش صغيرة وبتعرف تحل مشاكلها. سارة نازلة بتجري على السلم: يا حبيبي. هي في مكان مقطوع. وفوق كل ده مش معاها فلوس. يبقى لازم ألحقها. ليحصل حاجة ليها. (ولفت وشها له)

مش انت قولت أعمل أي حاجة عشانك وعشان أكون مبسوطة. تميم: يا حبيبتي. أنا مستعد أحط نفسي في قلب النار عشانك. مش عشان صحابك. سارة خفي شوية من الخروجات. رحمة. سارة زفرت بضيقة: تمام. لما نرجع أبقى أشوف الموضوع ده. هتجي معايا ولا إيه؟ تميم: مفيش حل تاني. اتفضلي يا ست الكل. تميم بيسمع وهو بيفتكر الماضي. وأن الحقيقة إن سارة عمرها ما أذت واحدة فيهم. بس الأذى جالها من أقرب الناس ليها.

تميم بغضب: يبقى أنفذ اللي في دماغي. مانا قولت إني مش باقي على حاجة. رحمة بخوف وكذب: خلاص هقول. والله هقول. مرام. مرام هي اللي هتهددني. إني لو معملتش كدا. هتودي الشيكات للبوليس. حتى حاولت أقنع فيها وأقولها. عيب يا مرام. دي أختك. يا مرام. فقالت. أختي سرقت حبيبي مني. وهي اللي دفنت سارة وهي حية. تميم بص ليها بذهول. فكها. *** رحمة اتصلت بنيفين. رحمة: كله تمام. قولت زي ما اتفقنا.

نيفين بابتسامة: برافو عليكي. كدا اللعب أحلى على الآخر. كدا الشك بعيد عني. هنخلي الشك حوالينا. مرام. أخص عليكي يا ميرو. تعملي في اختك كدا؟ تو. مليكيش حق. *** تاني يوم. مرام خرجت من أوضة زين ونازلة على السلم. نيفين بحزن: ألف سلامة على سارة. هي عاملة إيه دلوقتي. مرام مردتش عليها. كانت هتنزل. نيفين: هو حقيقي زين يبقى ابن تميم؟

أصل هقولك إيه ولا إيه. سارة كانت صحبتي الروح بالروح. وقالت إنها بتحب حد تاني. وكانت ناوية تهرب معاه. معقول؟ استغفر الله العظيم. إيه اللي بقوله ده. مرام لفت وشها ليها. طلعت مسكتها من شعرها. مرام: آخرررسي. أختي أشرف منك ومن أهلك. يا زبالة. انتي مين أصلًا عشان تتكلمي عن أسيادك بالطريقة دي؟ يا رخ.يصة. نيفين: الزبالة دي اللي تحب واحد وتتجوز واحد عشان تمشي مصلحتها.

مرام جن جنونها: والله ما في أز*بل منك يا حيوان. آخرررسي. آخررررسي. نيفين شالت إيديها من على السور. اتزحلقت ووقعت. عدت السلالم ووقعت. نيفين حطت إيديها على بطنها وقالت: ابني. ابني. مرام بصت بذهول على اللي واقعة على الأرض والدم حواليها. يعيني عليكي يا مرام. جت تدفع. لبست مصيبة. البجاحة في أنهي صورة 🥰