رواية قزعتي المجنونه الفصل الثالث 3 - بقلم اسراء ابراهيم

دخلت وبعد مرور ساعتين خرجت مريم واترمت على الأرض من التعب. عبد الرحمن: ها عملتي إيه؟ مريم: الحمد لله نجحت. وفجأة قامت نطت من الفرحة. مريم: أنا مش مصدقة أنا نجحت. وحضنت ليلي. مريم: صاحبتي الجامدة. عبد الرحمن: تعالي يا مريم ورايا على المكتب. في المكتب. عبد الرحمن: بما إنك ما شاء الله عليكي شاطرة، فأنا عايزك تبقي مساعدتي في العمليات. مريم: تمام، ده شرف ليا. عن إذنك. وخرجت. مريم: أنا رايحة بقى يا لولي.

ليلي: اشطا. بقولك متيجي تباتي عندي؟ أنا عايشة لوحدي وبصراحة كده أنا على طول بخاف أبقى لوحدي بالليل، أصل العمارة غريبة. مريم: اشطا تمام، هكلم بس ماما أطمنها. ليلي: اشطا. بعد شوية. مريم: يلا بينا. ليلي: يلا. في بيت ليلي. ليلي أول ما فتحت الباب، في واحد مسكها من شعرها ورماها على الأرض. أبو ليلي (يوسف) : هاتي فلوس. هاتي فلوس. ليلي: لا مش هديك. مش هديك. ابعد عني.

مريم لسه هتقرب، ليلي شاورتلها بـ "لا". وكان يوسف لسه ما خدش باله منها. يوسف ضربها بالقلم: بقولك هاتي فلوس. ومسك شنطتها وأخد كل الفلوس اللي فيها ومشي، وزق مريم وقعها. مريم قامت وقفت وقفل باب الشقة، وخدت ليلي اللي كانت منهارة في حضنها. ليلي بعياط: اهو على كل شهر كده بيجي ياخد كل فلوسي ويغيب، ومعرفش عنه حاجة، ويجي الشهر اللي بعده ياخد فلوسي. مريم: طيب، إنتي كده لازم تقدمي فيه بلاغ. ليلي: لا مقدرش، ده أبويا.

مريم: أبوكي بس بيأذيكي يا ليلي. ليلي: مش عارفة. وقامت وقفت. ليلي: يلا تعالي غيري هدومك ونطلب أوردر ناكل. مريم: طيب، معاكي فلوس؟ ليلي: ليه؟ إنتي مفكراني مجنونة ولا إيه؟ طبعًا أنا معايا جزء من المرتب حاطاه في سوستة سرية في الشنطة، ولا هعيش إزاي يعني. مريم: يا جامد إنت. وغيروا هدومهم وطلبوا أكل وكلوا وهما بيتفرجوا على مسلسل. عند عبد الرحمن.

كان قاعد بيتعشى في فيلته الكئيبة جدًا، اللي مدهونة كلها أسود وأساسها كله باللون البني، بس مش دي المشكلة. المشكلة إن البيت أول ما تدخله تحس بالخنقة. عبد الرحمن فجأة من غير أي مبرر رمى طبق الأكل اللي قدامه، ودخل أوضة الرياضة وقعد يعمل رياضة لحد ما تعب، ودخل أخد شاور ونام. تاني يوم. مريم كانت ماشية سمعت اتنين ممرضات بيتكلموا وبيقولوا. جومانا: أنا مش فاهمة أخدها مساعدته على إيه يعني. زينب: عشان حتة عملية عملتها.

مريم بعصبية وزقت الكرسي وقعته.