رواية لا تترك يدي الفصل الحادي والعشرون 21 - بقلم الكتيبات شهيد

بعد سبع سنين تمارا بزعيق: أنا قولتلك كام مرة متزعقيش لفريدة بنت عمتك. زياد بضيق: مهي اللي كانت بتلعب مع أكرم. تمارا بزعيق: وانت مالك؟ زياد قرب منها وقال: فريدة دي بتاعتي وهتجوزها لما أكبر. تمارا: عوض عليا عوض الصابرين. إياد من وراها: فيه إيه يا تمارا؟ زياد قرب من إياد وقال: بص يا بابا فريدة دي بتاعتي ولما أكبر هتجوزها. وسابهم ومشي. إياد قرب من تمارا وقال: متقلقيش هو عصبي زيي بس هيصالح فريدة علطول.

تمارا هزت راسها وابتسمت. نور وهي بتجري ناحية إياد: بابي. إياد حضنها وباس خدودها وقال: نور عيون بابي وقلبه. نور باست خده وقالت: وحشتني. تمارا بغيظ: وحش لما يلهفك. إياد: أمال فين؟ نور: بتذاكر. تمارا: أهي تالا دي أهدأكم. نور بتقليد لتمارا: أهدأكم واعقلكم وأجملكم. تمارا قلعت الشبشب وحدفته على نور اللي جريت. إياد بيضحك وهو ماشي ناحية أوضة تالا. تالا كانت قاعدة بتذاكر لحد ما إياد دخل. إياد

قرب منها وباس راسها وقال: حبيبة قلبي، كفاية مذاكرة عشان متعبيش. تالا وهيبوسه: متخافش عليا يا بابا. عند زياد. زياد قام من على سريره وطلع العروسة اللي في شنطته اللي كان جايبها لفريدة. وطلع من أوضته وهو بيبص حواليه لحد ما طلع من البيت وراح ناحية بيت مراد لأنه جنبهم. زياد قطع وردة من على الشجرة ودخل بيت مراد من الجنينة. بس أول ما دخل استخبى ورا الكنبة لما مراد ظهر. رنيم: يا مراد.

مراد رفع لها إيده بمعني تسكت وشاور لها على الجزمة اللي ورا الكنبة. ورنيم ابتسمت ومشت. زياد رفع راسه وملقاش حد فقام طلع لأوضة فريدة اللي عندها ٦ سنين. زياد خبط على الباب وفريدة قالت: ادخل. زياد دخل وهو حاطط إيده ورا ضهره وفريدة قامت ووقفت. زياد قرب منها وقال: آسف يا فري. فريدة بصتله وعيونها مليانة دموع. وهو طلع العروسة من ورا ضهره وقال: فاكرة لما شوفتيها واحنا راجعين من المدرسة؟ فريدة هزت

راسها وخدتها منه وهو قال: جبتهالك تاني يوم من مصروفي اللي كنت بشيله وكنت هديهالك النهاردة في البريك بس أديقت لما لقيتك واقفة مع أكرم. رنيم ومراد كانوا واقفين عند الباب وهما بيضحكوا. فريدة: و أديقت ليه؟ زياد: عشان بحبك♡. فريدة: يعني إيه؟ زياد: عروستك دي بتاعتك وبتحبيها حد ينفع ياخدها منك؟ فريدة: لأ. زياد: أهو انتي عروستي متزعليش بقى. فريدة ضحكت وقالت: بشرط متزعقليش تاني. زياد هز راسه وهي قالت: وعد.

زياد طلع لها الوردة وقال: وعد يا وردتي.