رواية لعبة الحب الفصل الثاني 2 - بقلم عائشة الكيلاني

رقية: أنا موافقة. أمير ابتسم: كنت متأكد إنك موافقة. افتحي عينيكي وأنا بكلمك، وخلينا نتفق. رقية فتحت عينيها وبعدت شوية: ممكن تقولي ليه أنا؟ يعني أشمعنى أنا اللي عايز تستخدمني في لعبتك؟ أمير بص لها بإعجاب: مش بس جميلة، لأ وذكية. عجبني ذكائك، وده اللي خلاني أنجذب لذكاك. بس أولًا، لما نتجوز تنسي كل حاجة. عليتك أصحابك، هما أعتقد مش أهلك بجد، صح؟ ولا غلطت في حاجة؟ رقية تنهدت بغضب وربعت إيديها: أنت شايف إيه؟

ما أنت عارف كل حاجة عني، مفيش داعي للأسئلة. يا باشا، تمام موافقة، بس أنا كمان عندي شرط، وهو إنك تنسى خالص إننا متجوزين. اللعبة تخلص وكل واحد منا يروح لحاله. أمير بسخرية: ده على أساس إني ميت عليكي مثلًا. المهم، إحنا هنروح البيت. رقية: بس أنا مدخلش بيت واحد معرفوش. أقصد مرحش مكان معاك لوحدي. أمير بهدوء مخيف: ومين قال إننا لوحدنا؟ أنت دماغك وتفكيرك فين؟

أنا بقول هنروح على البيت، اللي هو القصر، بيت العيلة. ويلا بقى علشان مفيش وقت. يلا ورايا. أمير اتجه لباب وخرج. رقية بصت لطيفه بغضب: بن آدم مستفز وبارد. رقية خرجت وركبت معاه العربية، وفي دماغها مليون سؤال. أمير ببرود وثبات: بما إن محدش له سلطة عليكي ومش أهلك، نتجوز دلوقتي وبعدين نقول لعائلتك وعائلتي. مفيش داعي للقلق دلوقتي. هنروح للمأذون. رقية هزت راسها بالموافقة والحيرة جواها: تمام. أمير بص لها بغموض وكمل سواقة.

بعد وقت، تم زواج أمير ورقية. في قصر الألفي. صافي: بس أنا حاسة إنه متغير. معقول يكون في حد في حياته؟ سارة بحنان وطمع: يا حبيبتي، مش مهم أمير. المهم إن ثروة العيلة متكونش غير لينا. وكمان، مين هيحب أمير ويخاف عليه غير بنت عمه؟ أنا متأكدة إنه هيدخل من الباب وهيطلب إنه يتجوزك النهاردة قبل بكرة. عايزك تبقي زي القمر. مع إن بنتي مفيش أحلى منها ولا من عيونها. صافي

لفت وشها ليها وحضنتها بحب: أنتي أحلى أم في الدنيا. ربنا ما يحرمننا منك يا أحلى أم في العالم. بحبك أوي. سارة طبطبت على ضهرها بحنان وحب: ولا منكم يا حبيبتي. ربنا يحفظكم ليا. بعد شوية، وصل أمير. نزل من العربية، فتح الباب لرقية: انزلي. رقية نزلت بهدوء: تمام. أمير مسك إيديها ودخلوا القصر: مساء الخير يا جماعة. الأب: مساء النور. الأب بص لرقية: مين دي يا أمير؟ أمير ضغط على إيد رقية بكل هدوء وثبات: دي آسيا، مراتي.

الأم بعدم فهم: مرات مين؟ إنت بتهزر؟ ههه. إنت بتخرف بتقول إيه؟ جواز إيه وهباب إيه؟ مين دي علشان تتجوزها من غير علمنا؟ آخر ما تم تتجوز. أمير بمقاطعة: بعد إذنك يا أمي، لما تتكلمي عن مراتي أو معاها، تتكلمي بطريقة أحسن من كده. إحنا اتجوزنا، ما عملناش جريمة. الأب: إحنا قولنا إنك تتجوز بنت عمك، مش واحدة منعرفش أصلها. طلقها حالًا. صافي نزلت من أوضتها على الصوت، وسارة كمان. صافي: مين دي يا أمير؟

أمير ببرود: مراتي يا صافي. إيه؟ مفيش مبروك؟ سارة بابتسامة: والله ألف مبروك يا حبيبي. متعرفش إحنا فرحانين ليك أد إيه. سارة اتجهت لرقية بابتسامة مزيفة: مبروك يا حبيبتي. أنا كدا بقا عندي تلات بنات. أومال إيه؟ ما أنا تتجوز أمير تكون بنتي. رقية نظرت لها و..... يا ترى رقية بتبص لسارة أوي ليه؟ وإيه السبب اللي أمير اتجوزها عشانه؟ شاركوني رأيكم.