وجدي: جوزك فين بصتله تغريد وهيا بترجع خصله من شعرها ورا ودنها وقالت بارتباك: منا قولتلك معرفش عنه حاجة وجدي: جوزك مات يا تغريد فركت اديها وبصت لتحت ودموعها بدأت تنزل. قرب منها أكتر ومسك دقنها ورفع وشها وقال: بصيلي وقوليلي اللي حصل بصتله وقالت وهيا بتعيط: أنا مقتلتهوش... أنا معرفش إيه اللي حصله ولا مين اللي عمل فيه كدا حاوط وشها بكفوف إيديه ومسح دموعها بسبّابته وقال: طيب اهدي وفهميني إيه اللي حصل بالظبط تغريد: ......
فلاش دخل جاسم الفيلا وصرخ فيها بقوة وغضب وقال: غوري هاتي السلاح من فوق بسرعة انتفضت من مكانها بخوف وهزت راسها وطلعت فوق بسرعة دخلت الأوضة وفتحت الدولاب وفتحت الخزنة لسه هتاخد المسدس منها سمعت صوت ضرب نار من تحت مسكت المسدس وهيا مرعوبة وخايفة. طلعت من الأوضة وبصت لتحت بحذر ورجليها بتخبط في بعض. انصدمت لما لاقت جاسم على الأرض غرقان في دمه. وفي تلات رجالة واقفين بيبصوا حواليهم لمح واحد فيهم تغريد شاور عليها وقال: هاتوها
جريت تغريد دخلت الأوضة وقفلت الباب على نفسها من جوه ورجعت لورا وهيا بتبص على الباب اللي خلاص هيتكسر من قوتهم ودفعهم ليه. بصت حواليها وجسمها بيترعش بخوف شديد بتدور على أي حاجة تنقذ نفسها بيها. طلعت على البلكونة وبصت لتحت مكنش فيه حد والمسافة مكنتش عالية قوي. دخلت الأوضة رمت السلاح وخدت ملاية السرير وطلعت ربطتها في سور البلكونة وهيا بتبص على الباب بخوف ورعب شديد وهما كانو خلاص على وشك إنهم يفتحوه.
نزلت من البلكونة وهيا ماسكة في الملاية. وقفت وهيا بتبص حواليها بخوف شديد وجريت بسرعة هاربة من المكان. بعد اللي حصل بساعات رجعت الفيلا وهيا بتبص حواليها بخوف ورعب بس مكنش في حد. دخلت الفيلا حتى جثمان جاسم مكنش موجود. غير آثار دمه على الأرض. طلعت فوق بسرعة خدت شنطة حطت فيها هدومها وخدت فلوس من الخزنة وغيرت هدومها وطلعت بسرعة على المطار. باك خلصت كلامها بعياط وقالت: هوا دا اللي حصل
وجدي: مقولتيش ليه دا كله من الأول ليه سكتي؟ كنتي خايفة من إيه؟ على الأقل كنت اتكلمت مع حد هناك كان عرف إيه اللي حصل ومين دول وكانوا عايزين إيه وجاسم فين. ليه سكتي؟ تغريد بانفعال وعياط: لإنني عايزة أنسااااااه مش عايز افتكر منه أي حاجة واللي حصله ميهمنيش وأنا مبسوطة إنه مات وارتحت منه. يستاهل اللي حصل له. مش عايز افتكر أي حاجة منه. بصلها بشدة مكنش يتوقع تقول كده وقال: ليه؟ إيه اللي حصل؟
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!