رواية لعنة حبه الفصل الثامن عشر 18 - بقلم جنى محمد

شخص بيكتم بوق جنى وهي عمالة ترفس وكوباية وقعت من ايدها اتكسرت. راحت جنى عضت إيده اللي كان بيكتم بيها بوقها، وبتلف لقيته يعقوب صاحب سامر. جنى بصدمة: يعقوب... أنت مش ميت؟ يعقوب بجنون وماسك سكينة: لا طبعاً، هو أنا هطلع بالمولد بلا حمص وأسيب سامر يكوش على كله. جنى مسكت الفازة وحدفتها ولكنها مجتش فيه. يعقوب قرب منها وبيحاول يصيبها ولكنها زقته بقوة وهي وقعت على الأرض.

وفي نفس اللحظة باب الشقة اتكسر ودخل بدر وسليم وجنى واقعة على الأرض ومغمى عليها. بدر بشر: جيت لجحيمك، تعالى بقا. يعقوب اتصدم وبان عليه الخوف، ضربه سليم. وبدر جرى على جنى المغمى عليها، وسليم وقع على الأرض. بدر طلع سلاحه وضرب رصاصة في رجل يعقوب. يعقوب من بين سنانه: سامر مش هيرحمكم و بيلعب عليكم لعبة واوسخة. بدر قرب منه وبدأ يضربه، ويعقوب بينزف من شدة الضرب. لحد ما وقف بدر ضرب، وسليم رماه بره الشقة.

بدر بعصبية: شوفلي أخوك مختفي فين!! بدر شال جنى وحطها على الكنبة وقال بحنان: فوقي يا حبيبتي، أنا جيت. جنى فاقت بتعب: أنت عرفت إزاي إني في خطر؟ بدر مسك إيدها وقال: أصل في كاميرا على باب الشقة.. أنت عارفة إننا بنمر بوقت صعب. جنى غمضت عينها وقالت: عايزة أنام وأحلم بدل الكوابيس دي!!! عدى اليوم بسلام مع اختفاء سامر. في مساء اليوم التالي. جنى بإستغراب: بص، أنا نزلت معاك بس مش فاهمة هنروح فين في الوقت ده...

وجبت الموتوسيكل ده منين؟ بدر شدها من إيدها وقال بسخرية: سرقته. بدر قعد جنى قدامه وغمى عنيها بشريطة حمرا. جنى: أنت بتعمل إيه يا بدر؟ بدر بمرح: هخطفك يا ستي. بدر ساق الموتوسيكل. جنى ماشية وماسكة في إيد بدر وشريطة على عنيها، فقالت: براحة يا بدر هقع. مش كفاية منزلني بالبيجامة واللاكلوك. أنا مش عارفة أنت موديني فين، أنا خايفة بجد. بدر بضحك: امشي بس وبعدين إزاي تخافي وأنا معاكي.. خلي بالك في سلالم، يلا واحدة واحدة كده...

اوقفي بقا. وساب إيدها وقال: أنا هعد من واحد لعشرة وأنت هتشيلي الشريطة. تمام. مشى بعيد عنها. جنى فضلت واقفة شوية من غير أي حركة، فقالت: أنت روحت فين يا بدر؟ بلاش هزارك السخيف ده. فشالت الشريطة وكانت الدنيا ضلمة، فقالت بخوف: يوه بقا على ده هزار.. خلاص يا بدر أنا فعلاً بخاف من الضلمة. أنت لسة فاكر رهان الجامعة؟

وفجأة بتحس بنفس حد وراها، ولسة بتلف الأنوار نورت، وكان المكان عبارة عن ساحة كبيرة وكانت متزينة وشكلها راقي جداً. وبدر واقف قدامها وبيضحك وقال: ظهر الحق، يعني طلعتي بتخافي من الضلمة. بصتله جنى ببلية بوز. بدأت المزيكا تشتغل، فمد إيده وانحنى زي الأمراء وقال: تسمحي لي بالرقصة دي؟ جنى بتبص على إيده بلمعة عين، ومرة واحدة شدها ليه جامد ورقص معاها. وبعد ما الرقصة خلصت قعد على ركبته وطلع

خاتم من جيبه وقال بحنان: تقبلي تكوني نصي التاني وأم لولادي؟ بس المرة دي بجد، عشان الواحد عايز يدخل دنيا برضو. بصتله جنى بصدمة وقالت: بمنظري ده يا بدر؟ وبعدين ما إحنا فعلاً متجوزين... أنت إمتى عملت كل ده!! فقال بدر: أنت حلوة دايماً، أنت العوض الحقيقي ليا يا جنى... وبعدين إحنا عايزين فعل بقا. وغمز لها. ضحكت جنى بكسوف، فقام بدر وقف ولبسها الخاتم، فقالت: هتفضل تحبني يا بدر ومش هتزهق مني؟

بدر بص لها بحب واكتفى بأنه حضنها ولف بيها، فقالت: نزلني يا مجنون هقع. بدر شايلها وبيطلع على السلم: والله ما يحصل.. أنا هثبتلك حالا صحة كلامك ده. ضحكت جنى جامد ومسكت في رقبته. وبكده جنى بقت مراته قولا وفعلا. بدر وجنى روحوا بعد ما قضوا يومين من أسعد أيام حياتهم، محاولة من بدر بالتخفيف الضغوطات عن جنى. بدر بيشرب قهوته، فقال سليم: في أخبار مش حلوة يا بدر. بدر: خير يا جلاب الخير، قول. سليم طلع ظرف ذهبي وأداه لبدر.

بدر بيبص في الظرف وقال: كده كملت، هو عرف مكاننا إزاي! وأخوك فين؟ سليم قال: سيبك من أخويا لأني معرفش عنه حاجة ومش عارف أوصله. وبعدين دي مش أي دعوة... دي دعوة VIP... الخواجة ناوي على نية مش تمام، بس كده كده إحنا لازم نروح... وبعدين ده بعتها قبل الحفلة بساعات. جنى من وراهم: رجلي على رجلكم. بدر بعصبية: مستحييييل يا جنى، أنت برا الموضوع ده تماماً. في المساء.

جنى لبست فستان أسود حرير بحمالات رفيعة ومفتوح من الضهر، وعملت شعرها كيرلي. بدأت تحدد عينيها بالكحل وتحط روج أحمر يبين شفتيها الكرزية. لبست هيلز حمرا. نزلت جنى تحت العمارة، وبدر واقف ساند على العربية وسليم ماسك تليفونه. بدر شافها وفضل متنح. جنى قربت منه وباسّته من خده، وقالت: مش يلا بقا؟ بدر مازال باصص دون كلام. سليم خبط على كتف بدر وقال: يلا يا فلانتينو. في الحفلة.

جنى وبدر وسليم قاعدين على ترابيزة، والخواجة بيتر كان قاعد مع ناس على ترابيزة تانية ومش شايل عينه عن جنى. بدر بعصبية: وربنا هروح أضربه. سليم: اهدي يا بدر، هو عايز يستفزك. جنى بهمس: أنا هروح الحمام. بدر بغضب مكتوم: ناقصاكي هي! جنى: إيه يا بدر، محتاجة أروح الحمام. بدر: طب خلي بالك على نفسك. جنى قامت وراحت الحمام للسيدات، ظبطت نفسها وعدلت الروج بتاعها، ولسة هتطلع حد بيشدها و...