رواية لعشقه قواعد الفصل الحادي والعشرون 21 - بقلم رحمة محمد

مرات مين يا عم الحج؟ فاروق: احم، هو انت مش قايلها انك متجوز؟ ولا إيه يا سليم؟ أميرة: لا والله يا جدي ما قال أي حاجة. انت بتضحك عليا يا سليم؟ انت ساكت ليه؟ ما ترد. سليم: مجتش مناسبة. وبعدين أنا مكنتش عامل حسابي إني اتجوزك، بس جات كدا معايا مش أكتر. أميرة: انت هتستهبل يا سليم؟ أنا بقالي شهور هنا وبتقول ملقتش مناسبة؟

سليم: أميرة، أنا مقدر إنك مصدومة، لكن ده مش معناه إني هسمحلك تغلطي فيا. أنا راجل والشرع محلل بدل الواحدة أربعة. وبعدين أنا متجوزك انتي عليها، يعني هي الأولى. أميرة: طلقني يا سليم. سليم: مليش مزاج. وأنا مش تحت أمرك تتجوز على مزاجك وتطلق على مزاجك. أنا هنا اللي أقرر أعمل إيه. أميرة: وأنا مش هقبل بالوضع ده يا سليم. ولو حصل إني أخلعك هعمل كده. أنا أميرة شاهين يا سليم.

سليم: مش هتعرفي يا ميرو توصلي لحد المحكمة وترفعي القضية. فتقبلي بشروطي والظروف اللي انتي عايشة فيها وخلصنا. وأنا معنديش كلام تاني. وأعتقد إنك متبصيش لجدك أوي كدا، انتي اللي رجعتي بمزاجك يا أميرة. أميرة: انت زبالة وحيوان. وأنا مش هسكت. سليم: أنا خارج شوية. تعال يا جدي معايا عشان نتكلم. عشان البيت هنا بقى يضيق ويخنُق. هنا: يا أهلاً يا أهلاً بضيوف جدي. منورين. فايزة: آه أهلاً. بقولك يا اسمك إيه؟

حضري الحمام عشان آخد شاور وأرتاح، لأني تعبانة من السفر. صفية (أم زيد) : ليه يا فايزة؟ وانتي متعرفيش تحضريه لروحك إيه؟ إياك! ما عندناش هنا حد بيدخل الأوض. وبعدين فاطمة بتساعدني في المطبخ ونضافة البيت. وهنا دي تبقى مرات زيد ولدي، يعني ست الدار. هنا: يا ربي. عندي حماة أي سُكّرة عسل كدا؟ والله انتي أحلى من ابنك. زينة (بقرف) : أيوا يعني آخره وصلة المشاعر دي إيه؟ أنا زهقت.

هنا: آخرها إنك تطلعي تتخمّدي وتحمدي ربنا. لأن لولا إن إكرام الضيف واجب، ومينفعش أرد عليه. كنت وريتك مقامك دلوقتي. زينة: لا مهو واضح. بس واضح إنك مشوفتيش تربية أصلاً، فلاحة صحيح. فاطمة: هي مين دي اللي فلاحة يا بت انتي؟ أنا بنتي.

هنا: صلى على النبي يا أمي. أهدي. أنا فعلاً فلاحة وأصلي فلاح. بس الفلاح ده يا عسلية من غيره هو واللي زيه هتموتي من الجوع. الفلاح ده اللي مهنته دلوقتي بيتعلموها في كورسات عشان يستغلوا السطح ويزرعوا فيه. أنا بقا فخورة وجداً كمان إني الفلاحة دي. لأن أنا أهلي مربييني على إن رزقي بجيبه بسعي والشقى في أي حاجة. وكل حاجة في حياتي بيور.