رواية لعشقه قواعد الفصل الثاني والعشرون 22 - بقلم رحمة محمد

رزق: سليم بيه يا سليم بيه، ست ندى وصلت برا يا سليم بيه. سليم: طيب خليها تدخل يا رزق وهات عنها الشنط. رزق: حاضر يا بيه. رزق: هههه دي هتبقى عروسة مليحة دي، لما يتجمعوا الاتنين الضراير ونلم بقى في عدد الضحايا. سليم: بتقول إيه يا رزق؟ بطل برطمة وروح. رزق: أهلاً أهلاً يا ست ندى، نورتي بيتي. ندى: شكراً، بس قولي يا رزق، هو فعلاً سليم اتجوز بنت عمه دي؟ رزق: أيوا اتجوزها عليكي يا ست ندى. ندى: وعلى إيه يا ست ندى؟

ما تخليها يا بت أنتِ شماتة فيا يا رزق. رزق: لا يا ست ندى مش قصدي، أنا كنت بس. ندى: خلاص يا رزق، لا كنت ولا مكنتش. خلصنا. سليم حبيبي وحشتني أوي، كل ده متسألش عني يا روحي، وإيه كمان موضوع جوازك ده؟ سليم: اطلعي ارتاحي يا ندى ونتكلم بعدين، أنتي أكيد جاية تعبانة. ندى:وياترى هرتاح في أوضتك ولا المكان اتغير؟ سليم كان لسه هيرد بس أميرة سبقته: لا يا حبيبتي اتغير، أصلي أنا قاعدة فيها مع جوزي.

أميرة: ولا سليم بيه ناوي يخرجني من أوضتي؟ ندى: أنا الأولى وأنا اللي ليا الحق إني أفضل في أوضة سليم، مش أنتي اللي الناس مش بتسميكي غير بخطافة الرجالة. سليم: ندى، التزمي حدودك في الكلام مفهوم، وأميرة مكنتش تعرف بموضوع جوازي منك أصلاً غير امبارح وصدفة، فياريت تاخدي بالك من كلامك معاها. ندى: بالصدفة يا سليم؟ ليه كنت ناسي؟ أنت إزاي كدا؟ ليه دايماً جاي عليا؟ أنا ليا حق فيك يا سليم.

أميرة: لا إله إلا الله يا حاجة، فقرة عشق الزوجة المحظوظة دي، اعملوها بينكم وبين بعض تمام. سليم: وإنتي حضرتك لابسة إيه ورايحة فين كده إن شاء الله؟ أميرة: رايحة عند جدي، مهو أكيد مراتك راجعة من السفر هتحب تقعد معاها على انفراد، فقولت أبقى حسيسة وأمشي يعني. سليم: لا، والأخت ملكة الإحساس ملكيش فيه، واطلعي على أوضتك، وياريت متبقيش تاخدي قرارات من دماغك، مش متجوزة راجل كرسي.

أميرة: مع اعتذاري لرجل الكرسي. بص يا سليم أنا هروح لأني مخنوقة وخلاص، عن إذنك بقى. بس سليم كان أسرع وشالها. أميرة: نزلني نزلني يلا، في واحد يشيل عجلة زي دي؟ هتوقعني يخرب بيتك، أنت فاكر نفسك في مسلسل تركي؟ يالهوي.