رواية لعشقه قواعد الفصل السادس عشر 16 - بقلم رحمة محمد

راضي: كيف يعني ما حصلش حاجة وكمان صابر ده اختفى. هنية: مش عارفة، مهو ده اللي مخلي برج من دماغي هيطير. كيف ده، أنا قلعت هدومها بأيدي دي. سليم: ويا ترى عملتي كده ليه يا هنية؟ هنية بخوف: عملت إيه يا ولدي مش فاهمة حاجة. سليم: ااه مش فاهمة. رزق يا رزق. رزق: نعم يا بيه. سليم: عملت اللي قلت عليه. رزق: حصل، والراجل جاهز، بتليفون واحد يكون في المركز. هنية: المركز؟ غريبة يعني، مهو رقم المأمور نفسه معايا.

سليم: لا، أصل أنا عايز أعرف حاجات كتير في الأول، وإنتي هتقوليلي عليها يا هنية. هنية: هقول على إيه، أنا مش فاهمة. سليم بصوت عالي: لا، بقولك إيه، الكاميرات مصوراكي وإنتي وراضي شايلين أميرة وهي مغمية عليها. وكمان رزق سمع الاتفاق اللي بينكم وبين صابر جوز أم أميرة، ودلوقتي هو اتقتل. وبالشهود أقدر ألبسك. هتيجي معايا ولا عايزة الراجل يروح؟ هنية: حاضر، هاجي معاك. زينة: خالووووووووو وحشاني يا موزة. بنتك القميلة أميرة في.

فايزة: والله أنا مش عارفة أميرة إزاي بنتي، ده محدش طالعلي إلا إنتي. زينة: عشان تعرفي بس. المهم هي. فايزة: راحت تجيب ورثها من عيلة أبوها في الصعيد، وزي ما سمعت اتجوزت هناك ابن عمها. دي آخر حاجة عرفتها عنها. بس إيه ابن عمها ده عنده فلوس تضاعف بقى ورثها ده، وطبعًا كله هيرجع لأمها حبيبتها. زينة بتريقة: أمها حبيبتها؟

إنتي عارفة إن أميرة دي خايبة، ده مش بعيد ابن عمها ده ياخد فلوسها ويقول مع فلوسه، ما هي مراته بقى، ويقنع بنتك إنه بيحبها. وتطلعي إنتي من كل ده يا مولاي كما خلقتني. فايزة: تصدقي يا بت خوفتيني فعلًا، البت أميرة تعملها. طيب وبعدين؟ زينة: ولا حاجة يا خالتو، يا أمر إنتي. هنروح لبنتك ونبارك، وأشوف بنفسي الزبون. بعدها بقى هقولك المفيد. فايزة: آه، بس من غير ما أميرة تتأذى، دي بنتي في الآخر يا زوزو.

زينة: وبنت خالتي يعني، مني متخافيش يا خالتي، ده أنا تربيتك. بس يلا عشان منتأخرش أكتر من كده والليل يدخل علينا وإحنا ستات وحدانية برضه. فايزة: هههههه، طيب ما يدخل، إنتي هتعمليهم عليا أنا يا زينة؟ بس خليها يا ختي للصبح، عشان الناس هناك مش زي هنا، هيرغوا كتير ومسافرين بالليل لوحدهم ومش عارف إيه، ومش بعيد منعرفش نشوف البت أصلًا.

زينة: لا وعلى إيه، يبقى أروح أنا أجيب هدومي ومن النجمة هتلاقيني قدامك. هاتي بقى حضن يا فوفا، جيالك يا أميرة، جيالك.