رواية لاجلك احببت الصعيد الفصل التاسع 9 - بقلم الحسناء

مراد: كنت عايز أتجوز. الجد: ساكت. مراد: أيوه. الجد: تتجوز؟ مراد: يا جدي، قصدي يعني خطوبة وكده. الجد: (يضحك) مراد: أي يعني بتضحك؟ الجد: أولاً، كان ظاهر عليك جداً. وبعدين، كنت متوقع بس مش بالسرعة دي. مراد: يعني أفهم إيه؟ الجد: الرأي مش رأيي. مراد: أمال رأي مين؟ الجد: هيا يا ولد. مراد: يعني إيه؟ الجد: يعني نقولها، هيا وأنت وحظكم. مراد: نعم، أي وأنت وحظك؟ الجد: أنت رأيك هتوافق ولا لأ؟ مراد: أتذكر اللي بيعمله فيها. الجد:

(يضحك) مراد: معرفش. الجد: المفروض تعرفها بطريقتكم. مراد: يعني أعمل إيه؟ الجد: يعني لمح قدامها وكده. مراد: شكلك كنت حبيب وأنت صغير يا جدو. (يضحك) الجد: (يزيح مراد بعكازه) اطلع يا واد من هنا، أنا غلطان. مراد: خلاص خلاص، أنا ماشي. *** بعد ما مشى مراد، الجد يقعد يضحك عليه. *** منسه تروح عند حمزة تخبط. حمزة: مين؟ منسه: عربية المجانين. حمزة: دا أنتِ المستشفى. ادخلي. تضحك منسه وتدخل. حمزة: قولي. منسه: أي قولي.

حمزة: أكيد عايزة حاجة. منسه: عايزة أعرف مالك. حمزة: ما أنا زي القرد أهو. منسه: مش عليا أنا، قول يا حبيب. حمزة: سبتيني يا بت. منسه: طيب قول يا خفة. حمزة: أقول إيه؟ منسه: مش مرتحالك، حاسة إن فيه حاجة من ورايا. حمزة: (بصلها وسكت) منسه: مش بقولك، قول بقا. حمزة: طيب يا ستي، عشان عارفك مش هتسكتي. بس اللي أقوله سِر. منسه: عيب عليك يا زووومه. قول بقا. حمزة: أنا عايز أخطب واحدة بحبها. منسه: أيوة بقااا.

(وتصفر مع أنها مش بتعرف بس صفرة وخلاص) مين بقا تعيسة الحظ، قصدي يعني سعيدة الحظ؟ حمزة: وطي صوتك، فضحتنا. ودا اللي عيب عليك يا زووومه. (ويقلدها) وبعدين أنا غلطان إني بكلم واحدة عيل زيك. منسه: فرحانة يا جدع. منسه: وبعدين متبقاش تقفش زي أخوك. حمزة: وأنتي عشان تفرحي تفضحينا. وبعدين يا رب أخويا يسمعكم. منسه: حقاً، تقول مركب حاجة في ودانه. منسه: كمل كمل. حمزة: بس يا ستي، وخايف، عن تكون مش بتحبني. منسه: طيب هي مين؟

حمزة: هالة. منسه: أيوة بقااا يا زووومه. حمزة: منسه قومي امشي يا بت، أنتِ مش عيل بس وكمان هبلة. منسه: يعني أنا غلطانة عشان فرحتلك. حمزة: لا يا ستي، افرحي بس من غير فضايح. منسه: ماشية. حمزة: المهم عايز أعرف هي بتحبني ولا لأ. منسه: دي بقا سيبها عليا. حمزة: أسيبها؟ أسيبها؟ ولا هتفضحينا؟ منسه: عيب عليك يا سطا. حمزة: حاسس إني قاعد مع سواق توك توك. منسه: المهم، متعولش هم، هعرفلك كل حاجة وأقولك. اشطا؟ حمزة: اشطا.

منسه: يلا باي يا دوك. حمزة: باي يا هندسة. وهيا طالعة تقابل مراد. طبعاً هيا مضايقة منهم. مراد: أي مالك، لاوية بوزك. منسه: مش لاوية ولا حاجة، عادي. مراد: طيب، عموماً كنت عايز آخد رأيك في موضوع. منسه: موضوع إيه؟ مراد: موضوع شخصي يعني، يخصني أنا. منسه: (وهيا رافعة رأسها بطريقة مضحكة) أنا عارفة نفسي إني مهمة. مراد: طيب شكلك مش هتخلصي النهاردة. أروح أشوف غيرك. (وسايبها وماشي) منسه: استنى يا جدع، رايح فين؟ أديني وراك أهو.

وتقعد هيا ومراد. منسه: قول. مراد: يعني كنت عايز آخد رأيك في حاجة. منسه: قول، أديني بستمع. مراد: كنت عايز أخطب. منسه: (وشها أحمر) طيب كويس، مين بقا؟ مراد: بنت. منسه: ما أنا عارفة إنها بنت، يعني مثلاً هتكون ولد. مراد: أبو غبائك يا شيخة. منسه: أنا اللي غبية، ولا أنت اللي مش عارف تتكلم. قول اسمها، مواصفاتها كده يعني. مراد: بنت كويسة وحلوة وطيوبة. منسه: (وهوا بيتكلم عنها، اضايقت جداً، ومراد لاحظ) قدام.

منسه: بتتكلم بالعافية. هيا منين؟ مراد: من بحري. منسه: طيب كويس. مراد: أي مش هتسألي اسمها إيه، ولا بنت مين، ولا تعرفيها ولا لأ؟ منسه: (مش قادرة تمسك نفسها أكتر من كده) لما تيجي تخطبها هعرف. (وسابته ومشيت) مراد: صعبانة عليا، بس أعمل إيه، برضو في رغما. *** منسه سابته ودخلت أوضيتها وقعدت تبكي. ومسكت صورة أمها.

منسه: شوفي يا ماما، اللي كنت خايفة منه حصل. عشان كده مكنتش عايزة أتعلق بيه ولا أحبه. طلع بيحب واحدة غيري، بس هو مش ذنبه إني بحبه. فينك يا مامااا تحضنيني وتخففي عني. (وقعدت تبكي) وهيا بتبكي، يجوا البنات هالة وسمر وليلي. منسه: مالكم؟ ليلي: مش علينا، احنا قولي مالكم. منسه: مراد. سمر: ماله؟ منسه: هيخطب. هالة: وأنتي عرفتي منين؟ منسه: هو اللي قالي. سمر: طيب قالك مين؟ منسه: (حكت اللي قالوا مراد) سمر: بت انتي غبية. منسه: لي؟

سمر: قالك البت حلوة ومن بحري، يبقى مين؟ منسه: ما بنات بحري كتير. سمر: يربي، ع الغباء. ومن امتى مراد بيتعامل مع بنات أصلاً، ولا يعرف بنات غيرنا. منسه: قصدك إيه؟ سمر: يعني قصدي، كان بيختبرك يا غبية. منسه: سمر، بالله عليكي، أنا مش عايزة أعلّق نفسي بحبال دايبة تاني. ليلي: سيبيها على الله. وعلينا نشوفلك مين. سمر: (وهيا بتكلمهم، يرن عليها عماد) عماد: فينك؟ سمر: فوق عند منسه. عماد: طيب خلصي وتعالي. سمر: حاضرة.

هالة: الله يسهلوا. سمر: تعرفوا، محدش بيجيبنا ورا غير نقم علينا. هنزل أنا لعماد وهحاول معاه، رغم إن مراد مش بيقول لحد حاجة. ليلي: اسطووووب. معنى إن مراد مش بيقول لحد حاجة، والنهاردة قال ل منسه، معنى كده كلام سمر صح، بيختبر منسه. سمر: ما إحنا بنقول إيه من الصبح، بس اللي يفهم. يلا تصبحوا على خير. وبعد ما قعدوا، منسه وهالة وليلي معا بعض. كل واحدة تروح تنام. ومنسه من كتر تفكير، تنام. *** يصحى مراد، يمسح ع وشه.

مراد: يارب، عدّيها على خير. أنا عارف إني زودتها عليها امبارح، بس أنا لازم أعمل كده عشان أعرف بتحبني ولا لأ. يقوم يغتسل ويصلي، ويلبس بدلة لونها رمادي تبرز عضلاته، ويلبس الساعة، ويسرح شعره، ويحط البرفان اللي مشهور بيه، طبعاً. وينزل ميلاقيش منسه. *** تصحى منسه، وتتمنى اللي حصل امبارح يكون حلم. تقوم تغتسل وتصلي فرضها، وتلبس دريس لونه زيتي وعليه خمار لونه أوف وايت. وتنزل. منسه: صباح الخير. الكل: صباح النور.

الجد: مالك يا بنتي؟ منسه: مفيش يا جدي. الجد: أبوه إزاي مفيش، عينك مالها محمرة؟ منسه: سهرت امبارح شوية. الجد: (بص ع مراد وعرف إن مراد قالها حاجة) بعد الفطار، مراد يقول: منسه. منسه: أنا همشي بأي عربية بعرف أسوق. مراد: (اتعصب منها جداً) معندناش بنات تسوق في الصعيد. زينب: ما ناقص غير تسوق عربيات. حمزة: زينب، تعرفي تقولي كلمة عدلة ولا تنقطينا بسكاتك. زينب: يعني أنت مش شايف اللي بتقوله وعايز تعمله. عماد: زينب، تعرفي تخرسي.

(قالها بعصبية) منسه: وأنا هاخدها أنا معايا وأنا رايح الشغل. مراد: ما هيا بتروح معايا كل يوم، إيه الجديد. عماد: مراد، خلاص أنا هوديها الشركة، وروح أنت. ولسه كل واحد هيمشي، يطلع الجد من غرفته. الجد: مراد عايزكم. مراد: (يروح ل جده) نعم يا جدي. الجد: أنت قلت حاجة ل منسه؟ ومن غير كدب. مراد: وأنت علمتنا ع الكدب عشان أكذب؟ الجد: طيب قول يا ولدي. مراد: (آه) كلمتها وحكى ل جده اللي حصل.

الجد: غلطان، وجالك قلب تخليها تبات بتبكي. (كان بيتكلم بعصبية) مراد: يا جدي، مكنتش أعرف إنها هتبكي. الجد: لما أنت متعرفش، مين يعرف. المفروض كنت بعد ما كلمتها، كنت قلت لها: "أنتِ البنت اللي كنت بكلمك عليها". مراد: لا طبعاً يا جدي. الجد: حتى دي يا مراد. مراد: يا جدي، مش كده بس يعني. الجد: بلا بس، بلا مبسش. وإن جا حد ل منسه ورضيت، أنا هوافق. مراد: نعم. الجد: زي ما سمعت، ويلا روح ع شغلك. مراد: بس يا جدي.

الجد: خلصنا كلام، روح ع شغلك. مراد: (يمسح ع شعره بعصبية ويمشي) وهوا طالع، يلاقي الكل قاعد. أمه ونسوان عمامه والبنات سمر وهالة وليلي وزينب وجدته. جدته: مراد. مراد: نعم يا حجة. جدته: متزعلش يا بني منها. مراد: حصل خير، ودي حاجة تخصها هي، بعد إذنك. (ويبوّس إيدها ويمشي) ربنا يستر عليك يا بني. *** عند منسه وعماد في العربية. عماد: قولي مالك. منسه: مفيش. عماد: مش عليا أنا، قولي مراد قالك إيه ضايقك. منسه:

(عارفة إنها مش هتعرف تهرب من عماد) منسه: (حكت ل عماد اللي حصل) عماد: وأنتي إيه اللي مزعلك إنه هيخطب. منسه: عادي، أنا مش زعلانة. عماد: واضح جداً إنك مش زعلانة. عموماً يا بنت عمي، إن مراد يقولك حاجة زي كده، ومراد مش بيقول حاجة لحد، المفروض أنتِ تفهميها لوحدك. منسه: قصدك إيه؟ عماد: قصدي، باين جداً، وقصد مراد برضه باين، بس أنتِ اللي غبية. انزلي دلوقتي وفكري كويس في اللي قاله مراد.

تنزل منسه، والكل مستغرب إن منسه لوحدها من غير مراد. تصبح ع الكل وتدخل المكتب وهيا تايهة. بعدها بشوية، يوصل مراد الشركة. يصبح ع الكل ويدخل المكتب ويقعد يفكر في كلام جده، وهل فعلاً غلط إنه مقللهاش. ومش عارف يعمل إيه. يبعت ل منسه تيجي له المكتب. توصل منسه المكتب، تخبط. مراد: ادخلي. منسه: نعم. مراد: أي نعم دي. منسه: عادي، قول بعتلي لي. مراد: كنت عايز أقولك.