رواية لحن الغرام الفصل السابع 7 - بقلم ساحرة القلم

دخلت رنين وانصدمت لما شافت نارين بين أحضان عمر ومقربة منه أوي ولف إيدها حولين رقبته. توتر وارتبك عمر أول ما شاف رنين وشرار الدنيا بيطلع من عينها ووشها اتغير لونه. كشرت. عمر:يلا كملت. تضع رنين يدها على عين هنا، وهي تقول بسخرية: رنين:غمضي عينك يا بنتي، أصل في ناس بجحة هنا. تسيب نارين عمر وتلتفت لرنين بغضب. نارين:إنتي شو قلتي؟ رنين بتعجب واستهزاء: رنين:هي الحلوة مش من مصر؟ طيب كنت قلي كنت هظبطك، مش تروحي ترمي نفسك كده.

نظرت لنارين من فوق لتحت باستنكار وقرف. نارين بغيظ: نارين:إنتي يا بتاعة إنتي، كيف تقولي هاك؟ إنتي ما بتعرفي مين أنا؟ نظرت لعمر اللي بيجز على سنانه من الغيظ وهمس: عمر:الله يخربيت الغباء كله، نيلتي الدنيا. نارين بضيق: نارين:آه بقي يا عمر، هو إنت إزاي مشتغل عند ناس ما بتفهم؟ تنظر لها رنين بغيظ: رنين:مين دي يا بتاعة إنتي اللي شغالة هنا؟ ألحقها عمر وأرْدَع. عمر بتوتر: عمر:دي...

دي بنت عمتي وجاية تقعد معانا شوية، أصل هنا حبيتها أوي، مش كده يا قلبي؟ تبصت له رنين. رنين:بقي كده يا عمر يا ابن ال... أنا بنت عمتك بس، طيب صبرك ده اللي بتفكر فيه. فتنظر لها هنا بمعني اعمل ايه. تغمز لها رنين فتفهم، وتجري على رنين وتحضنها. هنا:أيوه يا بابا، أنا بحب رنين أوي أوي. نظرت لنارين. تنحني لها نارين وتقرب منها وتبتسم لها وتمد يدها عشان تلمس خدها. نارين:تقبرني، كتير حلوة. أنا أبقى خالتو نارين، عارفيني؟

أنا وإنتي هنبقى أصحاب، شو رأيك؟ لكن هنا تكشر في وشها وتبعد إيدها وترد بضيق. هنا: هنا:أنا مش بصاحب حد غريب، وإنتي غلسة. طلعت لسانها وجريت على أوضتها. نارين بحرق دم: نارين:شو هاد قلة الأدب؟ إنتي ما عرفتي تربي يا عمر؟ رنين بنرفزة: رنين:إنتي اللي مش محترمة عشان تحضني رجل غريب عنك وكمان تلبسي كده، وإياك تغلطي في بنتي مرة تانية، هقطع لسانك.

يسمع عمر دفاع رنين وحمقتها على هنا بنته ولا كأنها أمها ويبتسم لأن هناك من يحب هنا مثله ويدافع عنها. جرت رنين على غرفة هنا، وعيون عمر تتحرك معها في كل خطوة وكان سرحان فيها. نارين: نارين:عمر، يا عمر، وين رحت؟ عمر بشرود: عمر:ها؟ لا ولا مكان. نارين بدلع سخيف: نارين:موري، عجبك اللي صار من شوية؟ وتقرب منه وتضع يدها حول عنقه بدلع. يبعد عمر يدها بضيق. عمر:

عمر:بصي يا نارين، إنتي جاية هنا عشان شغل وشراكة بينا، وأنا وافقت بس عشان خالتي. أنا مش عايز مشاكل مع رنين طالما إنتي هتقعدي هنا، وسلام عشان أنا ورايا شغل. وسابها وخرج. نارين: نارين:هي البت دي ناوي تخطفه مني؟ لا ده أنا لازم أطيرها. رنين: رنين:حبيبتي هنا زعلانة. هنا: هنا:أنا مش حابة الست اللي تحت دي. وتجري تحضن رنين. رنين بمكر: رنين:طيب يا روحي، إيه رأيك لو نطفشها؟ هنا بفرحة: هنا:وأنا معاكي يا ماما.

يرن التليفون فترد رنين. رنين: رنين:الو يا هادية. هادية: هادية:هو إنتي رجعتي تاني ليه؟ مش إحنا فيه معاد مع وسيم مدير أكاديمية الأزياء اللي إنتي هتموتي وتقدمي فيها عشان تتعلمي وتبقي مصممة مشهورة؟ رنين بضيق: رنين:أعمل إيه؟ ما أنا نسيت الفلاشة اللي عليها التصميمات ورجعت عشان أجيبها، بس لقيت مصيبة اسمها نارين، بتاعة كده، لبسة محزق وقصير وحاطة 50 كيلو مكياج في وشها، بتاعة كده برده. هادية بمكر:

هادية:آه دي بقي يا ستي، تبقي أخت نادر بس من الأم، عشان بعد عمي ما مات اتجوزت واحد تركي بس غني أوي، وهي عايشة دلوقتي هناك، ودي بقي تبقي بنتها نارين من جوزها التاني. بس هي ونادر مش بيتفقوا. بس خلي بالك، إنها راسمِة على عمر من أيام هنا مراته الله يرحمها، وكثير هنا اتخانقت مع عمر بسببها. يعني استعدي. رنين بتمثيل لا مبالاة: رنين:وأنا مالي يا أختي؟ ده حتى مرضيش يقول إنها مراته. طيب يا عمر. هادية:

هادية:ما إحنا قولنا بتحبيه، قولتي لا. رنين بعصبية: رنين:طيب اقفلي أحسن ما أجي أرميك في حمام السباحة. هادية: هادية:طيب اهدي بس، آه على فكرة فيه حفلة بليل، هتيجي ولا... رنين بتعجب: رنين:حفلة؟ حفلة إيه؟ هادية: هادية:هو عمر مقالكش؟ دي حفلة بمناسبة الشراكة اللي حصلت بين عمر ونارين. رنين: رنين:آه عشان كده هي هنا وهو أصفر وأخضر. طيب صبرك يا عمر. سلام يا هادية. عمر:

عمر:أنا مش عارف يا باهر أعمل إيه في الكارثة اللي اسمها رنين دي، هتطير البرج اللي فاضل من عقلي. باهر بإعجاب: باهر:يا صاحبي، دي حتى شقاوتها جميلة ولذيذة أوي، أنا حبيتها. عمر بضيق: عمر:باهر، احترم نفسك أحسن، وإياك تنسى إنها مراتي وبنت عمتي. باهر: باهر:طيب يا عم عمر، متتعصبش كده، آه صحيح هو إنت هتجيبها الحفلة؟ عمر بعصبية: عمر:وبتسأل ليه؟ باهر إنت صاحبي عمري، وأنا مش عايز أخسرك. باهر بضيق:

باهر:خلص يا عمر، أنا رايح أشوف العمال خلصوا ولا... يمر اليوم ويأتي المساء. رنين بخبث: رنين:إيه الشياكة دي كلها؟ على فين العزم؟ عمر بسخرية: عمر:وإنتي مالك؟ بتحكميني ليه؟ وهو إنتي فعلاً مصدقة إنك مراتي؟ لا فوقي. رنين بعصبية: رنين:لا أنا عارفة إنها جوازة مؤقتة، خلص يبقى أنا كمان ملكيش دعوة بحياتي، أنا حرة وهعمل زيك بالظبط وأكون في حضن أي رجل. يتعصب عمر ويجذبها من خصرها مقربها إليه. عمر: عمر:إنتي قولتي إيه؟

لا يا حلوة، ده أنا أدَفنك مكانك. إنتي ملكي أنا وبس، إنتي سامعة؟ رنين بتحدي: رنين:إنت بتكذب، وابعد عني بقي. عمر بتحدي: عمر:تحبي أثبت إنك ملكي أنا؟ رنين: رنين:ولا تقدر. يرد عمر بقبلة طويلة يعلن فيها أنها ملكه هو وبس. في البداية رنين قاومت، لكنها سرعان ما اندمجت معه. يتركها عمر وهو يضحك. عمر: عمر:عشان تعرفي إنك دايبة فيه وبتغيري عليه وبتعشقيني. سلام يا قطة، وإياك تفكري رجلك دي تعدي بره البيت. نارين: نارين:مش يلا يا عمر؟

يصفر عمر بإعجاب. عمر: عمر:واو، إيه الجمال ده؟ يلا بينا. وهو عمل كده عشان يستفز غيرة رنين. نارين كانت لابسة فستان أحمر قصير جداً وضيق وشعرها منسدل على كتفها وتضع الكثير من مساحيق التجميل. رنين ببكاء وعند: رنين:كده يا عمر؟ طيب صبرك عليه. يرن جرس الباب فتفتح رنين. رنين: رنين:شكراً يا هادية إنك جيتي عشان تقعدي مع هنا، هي اتعشت ونامت. عمر: عمر:يا نادر، أنا بتصل على رنين بس هي مش بترد. نادر بإعجاب: نادر:مش هي دي رنين؟

دي حلوة أوي. وهو اللي داخل وهي في إيده، ده يبقى نادر. يتجنن عمر أول ما شافهم ويتجه ناحيتهم.