رواية لحظة غضب الفصل السادس 6 - بقلم نور عصام

جاسر. قرر إن لازم يمشي مال علي فجر. شالها. فجر. فتحت عيونها وقالت بنعاس: في إيه يا جاسر؟ جاسر. ف إن لازم نرجع البيت دلوقتي. فجر. إيه اللي حصل بس فهمني؟ جاسر. فجر مش عارف أنام وعندي شغل بدري ومحتاج أرتاح شوية. فجر. يعني إيه بقى؟ جاسر. يعني هنرجع البيت دلوقتي. فتح باب الأوضة. فجر. فهمته وقالت: طيب نزلني وروح أنت، وأنا الصبح بإذن الله بس أرجع من المدرسة برجع البيت. جاسر. لأ. فجر. هو عند وخلاص. جاسر. كان بيفتح باب الشقة.

فجر. قولتلك نزلني. جاسر. صوتك ما يعلاش، ولاحظ إن الناس نايمة ومش عاوزين نقلق حد. فجر. لمحت أمها بتفتح باب أوضتها. أمها. شافتها وابتسمت وأومأت لها بعيونها. جاسر. قفل الباب ونزل بيها. وبعد شوية وهما في العربية. فجر. ينفع بقى اللي حضرتك عملته دا؟ جاسر. أيوه. فجر. عمومًا أنا فهماك وهعديها بمزاجي. جاسر. مبصش ليها. فجر. ماشي يا جاسر أما أشوف آخره عمايلك إيه. وبعدين قالت: طيب كنت خليتنا نغير بدل ما نمشي كده.

جاسر. إحنا راكبين العربية ومحدش شايفنا وهننزل قدام البيت من جوه يبقى مفيش مشكلة. فجر. طيب وحاجتي؟ جاسر. عادي أخوكي يجيبلك فونك وحاجتك بكرة بالمدرسة، أو أنا أوصلك بدري عند باباك ونجيبهم. ياريت تهدي بقى شوية. فجر. بزهق: حد قالك إني مجنونة وبشد في شعري ولا بقطع في هدومي؟ جاسر. قولت متعليش صوتك عليا، فاهمة؟ فجر. أنت مفيش فايدة فيك وأنا لازم أرجع عند بابا. جاسر. والله يا فجر لو ما ظبطي واتعدلتي لعدلك بطريقتي. فجر. ما ردت.

جاسر. أيوا كده. فجر. أوعى نكون فاكرني خايفة منك، تبقى غلطان. أنا. جاسر. قاطعها وقال: مش عاوز أسمع صوتك، ممكن؟ وكانوا وصلوا. نزل وقالها: اتفضلي يا مدام انزلي. فجر. نزلت وهي على آخرها وطلعوا أوضتهم. وقالت: اللي حصل ده مش هعديه بالساهل عشان تكون عارف بس. جاسر. مردش عليها وراح على السرير ونام. فجر. يا ساتر. على برضه. ونامت هي كمان.

وحل الصباح على الجميع. والكل اتفاجئ بوجودهم وهما نازلين مع بعض، لكن كانوا فرحانين برجوع فجر البيت. وعدى كام يوم والأمور زي ما هي. فجر. رجعت من المدرسة. ميان. وأمها كانوا موجودين. ميان. أول ما شافتها قالت: إيه ده؟ هو أنتِ رجعتي؟ فجر. للأسف، كان لازم أرجع عشان أشوف وشك تاني يا بومة. ميان. أنا بومة؟ فجر. إيه؟ مش شايفة نفسك ولا إيه؟ أم ميان. جرى إيه يا فجر؟ حاسبي على كلامك. فجر. منورة يا خالتي. أم ميان.

قالت في نفسها: ماشي يا حرباية بتردي عليا ببرود. جاسر. دخل وسلم على خالته وميان. أبو جاسر. قال: سلمت مشروعك يا جاسر؟ جاسر. أيوا يا بابا الحمد لله. أبوه. تمام، عشان بكرة بإذن الله هنروح الصعيد نحضر فرح زينة بنت عمك. اتصل ومصر كلنا نحضر كتب الكتاب والفرح. جاسر. بص لفجر وقالها: هتقدري تروحي؟ ميان. أكيد لأ. المشوار طويل وهي حامل وده غلط عليها. فجر. وأنتِ تردي عني ليه؟ حد قالك إن لساني اتقطع؟ ميان. بهمس قالت: إن شاء الله.

فجر. إن شاء الله أنتِ. وبعدين قالت: وأنتِ مالك أصلاً عشان تتكلمي؟ ميان. عشان إحنا كمان رايحين. فجر. قولتيلي بقى. أبو جاسر. فجر حبيبتي، أنا شايف إنه عادي نروح، هنروح بالعربية وهنسوق براحة. فجر. تمام يا بابا. أنا هتصل بـ مريم تعملي إجازة يومين. أبو جاسر. خليها ثلاثة. فجر. حاضر يا بابا. وبعدين قالت: هطلع أغير وأنزل. جاسر. وأنا كمان. ومشوا. وبعد ما طلعوا وقفلوا الباب. فجر. شوف بقى أنا كرامتي أهم حاجة عندي.

جاسر. إيه اللي حصل بس يا فجر؟ فجر. قسماً بالله لو خالتك وبنتها ما حلو عني مش هيهمني حد. جاسر. وأنتِ من امتى بيهمك حد؟ ما أنتِ على طول بتردي عليهم. فجر. برد عشان حضرتك مش بترد ولا بتجبلي حقي منهم، برغم إنك عارف إنهم بيعصبوني وقاصدين ينرفزوني. جاسر. طيب ممكن تهدي شوية. فجر. جاسر، بلاش تعاندي بيها عشان ده مش هيبقى كويس. جاسر. بخبث راح عليها وقال: إيه ده؟ هي فجر بتغير ولا إيه؟ فجر. بغيظ قالت: وأنا أغير على القرد ليه؟

جاسر. بقى أنا قرد؟ وبعدين قالها: عمومًا ميان شايفاني أسد. فجر. اتلم يا جاسر عشان ردي مش هيعجبك. جاسر. قرب عليها وأنفسه تلفح عنقها وقال: أتمنى أشوف الرد اللي. فجر. قاطعته وقالت: بلاش أحسن لك. وبعدت عنه. جاسر. ابتسم على خجلها. وبعدها. وبعد شوية. فجر. كانت نازلة السلم سمعت. يوسف.

بيقول: تمام، اليوم نكتب كتابنا، ولما أرجع من فرح بنت عمي نعمل الفرح. ومعلش يا قلبي هتأخر عليكي شوية عشان خالتي هنا. بس متقلقيش، هحاول أخلع بدري. فجر. بدون وعي فتحت باب أوضته ودخلت. جاسر. كان خارج من أوضته هو كمان. شافها وقال: المجنونة دي عملت كده ليه؟ وإزاي تدخل كده من غير ما تخبط؟ يوسف. اتخض وبعدين قفل الفون وقال: إيه يا فجر؟ أنتِ إزاي تدخلي كده؟ وبعدين سهر تحت مش هنا. فجر. راحت عليه وزقته.

قعد على السرير تاني وقالت: احمد ربنا إني أنا اللي دخلت. وقالت: ممكن أعرف إيه اللي حضرتك قولته ده؟ يوسف. بتوتر قال: إيه؟ في إيه؟ فجر. يوسف، بلاش لف ودوران، أنا سمعتك وأنت بتتكلم. يوسف. رفع جابه وقالها: أعتقد دي حياتي ومحدش له دعوة. فجر. طيب وسهر مش برضه دي حياتها معاك والمفروض تقولها، وياما ترفض أو تقبل. يوسف. نعم؟ فجر. حقها تعرف إن جوزها هيتجوز عليها ولا إيه؟

ولو حابة تكمل معاك هي حرة، مش حابة يبقى طلقها وتخليها تشوف حياتها زي ما أنت عايز. يوسف. أنتِ اتجننتي يا فجر؟ أنا مستحيل أسيب سهر. فجر. ليه الأنانية دي؟ يوسف. أنا مش أناني، أنا راجل ومن حقي أكون أب ويكون عندي عيال. فجر. وهي ذنبها إيه؟ مفيش دكتور قال إنها فيها عيب؟ يوسف. بس بقالنا أكتر من سنتين. فجر. ولو ناس بتقعد أكتر من كده. يوسف. فجر خلاص، أنا قررت وانتهى الموضوع. فجر. حاولت تهدي وبعدين قالت: طيب مين العروسة؟

يوسف. شرين زميلتي في الشغل. فجر. آها. وهي بقى عرفة إنك مش هتسيب مراتك؟ يوسف. أيوا، هي عرفة إني بتجوزها عشان الخلفه وموافقة. فجر. اممم. طيب بما إنك قررت خلاص ومتفق على كل حاجة، إيه رأيك أجي معاك؟ أهو يبقى حد من عيلتك موجود بدل ما تبقى بطولك كده قدام أهلها؟ مش حلوة في حقك. يوسف. استغرب كلامها. فجر. متستغربش، أنت أخويا وعارف معزتك عندي قد إيه. يوسف. ولو قولتلك لأ؟

فجر. هنزل وأقول لكل الناس، وشوف بقى إيه اللي هيحصل. حتى لو اتجوزت الموضوع مش هيتم النهاردة، لأن أكيد هتحصل مشاكل أنت في غنى عنها، ولا إيه يا عريس؟ يوسف. بتلوي دراعي يا فجر. فجر. أنا. يوسف. بص لها وهو متغاظ وقالها: ماشي يا فجر، أنا موافق. بس إزاي حضرتك هتيجي معايا؟ أنا من السهل أخرج، أما أنتِ؟ فجر. متقلقش، أنا هتصرف. يوسف. تمام، مش عاوزين نتأخر. ساعة بالكتير ونمشي. فجر. من عيوني يا عريسي. يوسف.

بغيظ منها قال: مش مرتاح للمجنونة دي، أنا عارف هي بتحب سهر قد إيه. وبعدين في نفسه تاني قال: جايز تكون فهمتني وعذرتني. فجر. يلا ننزل عشان البت المايعة بنت خالتك اللي تحت دي. يوسف. ابتسم وقال: اسمها ميان. فجر. مايعة، هو ده اللي يليق عليها. واتجهت لتنزل. جاسر. نزل بسرعة قبل ما ياخدوا بالهم إنه سمعهم. وف نفسه قال: أكيد يا ست فجر مش هتعديها على خير. كريمة. يلا بقى يا ولاد، الأكل جاهز من شوية.

فجر. آسفة يا ماما، أنتِ عارفة بقى الحمل. كريمة. ربنا يقومك بالسلامة يا قلبي. فجر. ويخليكي ليا يا حبي. وبعد ما خلصوا أكل وقعدوا شوية. يوسف. بابا، أنا عندي معاد مع واحد صاحبي ولازم أروح. أبوه. وماله يا يوسف، بس متتأخرش عشان السفر بدري، أنت عارف الطريق طويل وعاوزين نوصل قبل كتب الكتاب. يوسف. إن شاء الله يا بابا. فجر. راحت على جاسر وقالت: جاسر حبيبي، أنا هروح عند مريم زميلتي شوية عشان أخليها تعملي إجازة. جاسر.

قال: طيب، متتصلي عليها. فجر. اتصلت كتير وفونها مغلق، ولازم الإجازة، أنت عارف. جاسر. بخبث قال: تمام، لحظة البس وأجي أوصلك. فجر. لا يا حبيبي، يوسف هيوصلني في طريقه. مش حلو نخرج كلنا ونسيب خالتك وميان كده. جاسر. وهمس قالها: من امتى وخالتي وميان بيفرقوا معاك؟ فجر. ابتسمت وقالت: أنا هطلع أجهز على ما أنت تجهز يا يوسف. يوسف. تمام يا فجر، بس انجزي. وطلعوا. جاسر. في نفسه: طيب أعمل إيه؟ أروح معاهم ولا أستنى وأمشي وراهم؟

ولا أسيب المجنونة الشرسة دي تخرب الدنيا وخلاص؟ أنا عارف إنها مش هتعديها على خير، بس يا ترى إيه اللي في دماغها. وبعد دقائق نزل يوسف وفجر. سهر. بصت ليوسف وقالت: إيه يا روحي؟ كانك رايح فرح مش مقابلة مع واحد صاحبك. فجر. ردت قبل يوسف منعاً لإحراجه وقالت: ما هو لازم يكون متشيك يا بت، أنتِ عارفة إنه دكتور ودا شيء طبيعي، أومال يروح كده زيه زي الغير؟ ده حتى يبقى عيب في حقك. جاسر.

بص لها وقال: آه من كلامك اللي بتاكلي بيه الكل ده. سهر. امم، دكتور، ماشي. يوسف. راح على سهر وباسها من خدها وقال: عاوزة حاجة يا روحي؟ سهر. ترجعلي بالسلامة. فجر. متقلقيش. يوسف. بص لها وبعدين قال: يلا ولا إيه؟ ميان. أول ما شافتهم قالت: طيب يوسف وعنده مقابلة، أنتِ بقى إيه الشياكة دي كلها؟ فجر. ببرود عوجت بؤها وقالت: من يومي شيك وحلوة، وابن خالتك مجنون بيا، ولا أنتِ مش واخدة بالك؟

ميان. لا، واخدة طبعًا، وعارفة كويس إنه مش فاكرك. فجر. ده قدامك بس، لكن متشوفيهوش معايا في السرير بيكون إيه؟ واعتقد إن ده مش محتاج تفكير وذاكرة من أصل. ميان. اتغاظت من ردها. سهر. ضحكت. يوسف. قال: يلا بقى ولا إيه؟ جاسر. قاعد متابع الموقف وقال: والله الجنية دي لو استمرت معايا في بيت واحد على هذه الحالة، فعلاً لازم أتجنن وأعمل اللي ماسك نفسي عنه بالعافية. وابتسم وقال: قريب قوي، وهي اللي جابته لنفسها. فجر.

بصت لميان وقالت: عن إذنك يا مايعة. ومشيت قبل تشوف ردها. يوسف. ركب العربية وقالها: اتفضلي، ويا ريت بلاش طولة لسان مع الناس، أنا عاوز الجوازة تتم مش تخرب. فجر. براءة قالت: بقا أنا يا يوسف؟ عاوزة أخرب الجوازة؟ تصدق أنا غلطانة إني جيت معاك ومش سبتك لوحدك. يوسف. ده على أساس إني عيل ولا مش واعي للي بعمله؟ فجر. يعني دلوقتي لما يستغلوكم ويخلوكوا تكتبوا مؤخر كبير وشبكة كبيرة وقايمة بنص مليون، ده مش استغلال؟ يوسف. نعم؟ ليه؟

فجر. عشان عارفين إنك بتتجوز من ورا أهلك، وكمان عندك ظروف بالنسبة لهم وهي الخلفه، فلازم يستغلوك، وأنت ساعتها مش هتقدر تتكلم عشان عاوز تعدي الموقف. يوسف. لا طبعًا، وبعدين حتى لو حصل أنا أعرف أرد عليهم. فجر. مستحيل، لأن زي ما قولتلك، أنت عاوز تعدي الموقف ومحدش يعرف. لكن لما يشوفوا حد من أهلك معاك، هيعرفوا إن أهلك عارفين، بس أكيد مراتك لأ، وده مراعاة لشعورها، وبالتالي محدش يقدر يستغلك. يوسف. مش مقتنع بس.

فجر. مفيش بس. ودلوقتي تشوفوا. وبعد بعض الوقت وصلوا. يوسف. نزل وأخد فجر وطلع بيها شقة العروسة. فتحي. أخو العروسة الكبير رحب بيهم جداً. يونس. قال: مين القمر؟ يوسف. بغضب قال: دي فجر مرات أخويا جاسر. يونس. آها، ومد إيده يسلم عليها. يوسف. حطت إيده وسلم هو. وبعدين قال: أومال فين العروسة؟ فجر. يا ريت لو نشوفها. فتحي. منه، خدي طنط فجر ودخليها عند عمتك. وفعلاً. فجر. دخلت وقالت: مبروك يا عروسة. شرين. بصت لها وقالت: مين حضرتك؟

فجر. راحت عليها وقالت: أنا سلفتك العقربة. شرين. اتخضت من كلامها. فجر. ههههه. وبعدين قالت: أهدي، أنا بهزر معاكي. أنا فجر مرات جاسر أخو يوسف، أعتقد سمعتي عني وعن العيلة كلها. شرين. اتوترت وقالت: أيوا بس. فجر. مبصش، محدش يعرف غيري. ممكن بقى تهدي كده ونتكلم شوية بالعقل عشان إحنا لازم نتكلم قبل كتب الكتاب. شرين. دقات قلبها سرعت وخافت. فجر. مسكت إيدها وقعدتها وقالت: طبعًا أنتِ عارفة إن يوسف متجوز. شرين. أيوا.

فجر. وسبب جوازه منك الخلفه، بس يا ترى أنتِ ممكن تخلفي ولا حتى يوسف؟ أعتقد إن دي حاجة بتاعة ربنا. شرين. همت لتتكلم. فجر. شاورت لها إنها تسكت وتسمعها الأول. وبعدين قالت: سهر ويوسف راحوا لدكاترة كتير، وبحكم إن يوسف دكتور طبعًا له أصدقاء كتير في التخصص ده، والكل قال إن سهر معندهاش مشكلة، كمان يوسف. يعني الموضوع كله وقت مش أكتر، ولسه ربنا ما أذن. أنتِ بقى ضامنة تخلفي؟ طبعًا لأ. يبقى ليه تكوني سبب في خراب بيت حد تاني؟

ليه تكوني سبب في تعاسة واحدة تانية ست زيك؟ ليه تجرحيها؟ ليه تقهريها وتحرقي قلبها؟ حطي نفسك مكانها. واحدة اتجوزت وحبت جوزها ومستحملة كل الكلام اللي بتسمعه من أهلها أو من أهلها أو من أي حد متغاظ منها عشان عندها ثقة في ربنا وفي حبها لجوزها. ليه تدمريه؟ شرين. بس أنا يوسف قالي إنه مش هيطلقها، وأنا وافقت. فجر. عارفة ليه؟

عشان بيحبها وعاوزها تكون دايماً في حياته. يعني حتى لو أنتِ خلفتي، هي برضه هتكون موجودة. ويا سلام بقى لو هي خلفت قبلك أو حتى بعدك، صدقيني يوسف هيندم لأنه بيحبها. هيندم على تسرعه وهيبقى محتار بينك وبينها. ولو رضي بالأمر الواقع، أنتِ اللي دايماً هتعيشي في شك لأنك عارفة إنه بيحبها واتجوزك لهدف معين مش حبًا فيكي قوي يعني ولا حاجة. واعذريني في كلامي اللي هقوله ده. شرين. بصت لها.

فجر. سهر حلوة وجميلة، وأنتِ يعني مش هقول إنك وحشة، لأ، بس عادية. لكن سهر حلوة بمعنى الكلمة، يعني دايماً يوسف هيميل لها طبعًا لجمالها وهدوئها ولحبه لها وحب أهله كمان ليها. وطبعًا أنتِ عارفة هما لو عرفوا الدنيا هتقوم وهتحصل مشاكل. ولو سهر عرفت وأصرت على الطلاق، يبقى ده حقها. وطبعًا حضرتك السبب، وعمر يوسف ما هيسامحك أبدًا لأنك خربتي بيته وطلقتي مراته وكنتي سبب زعله مع أهله. شرين. أنا ذنبي إيه؟

هو اتقدم لي وأنا حبيته ووافقت. فجر. أنتِ محبتيش يوسف، أنتِ حبيتي تخلصي من جوز العقارب اللي بره دول، مراتات إخواتك، صح؟ أنا من أول نظرة ليهم عرفت إنهم مش سهلين. فبالتالي أنتِ عاوزة تخلصي من عيشتك معاهم وخلاص. لكن لو فكرتي بعقلك، ربنا هيعوضك بشخص كويس يحبك أنتِ لذاتك أنتِ مش يتجوزك لسبب معين في دماغه. شرين. دموعها نزلت. فجر.

حضنتها وطبطبت عليها وقالت: أنا عاذراكي، لكن لسه قدامك فرصة تلحقي نفسك وتسعدي غيرك. لأنك لو بنيتي سعادتك على دمار غيرك، عمرك ما هتتهني أبدًا بحياتك. وهيجي اليوم اللي واحدة تانية تدمرك، بس أضعاف ما عملتي، ممكن في جوزك، في ولادك، وساعتها هتندمي، لكن بعد فوات الأوان، وللأسف مش هتقدري تعملي حاجة. كل اللي هتعمليه إنك هتعاني وحدك ومحدش هينفعك. شرين. مش بترد. فجر.

فتحت فونها وقالت: شوفي الصورة دي. وكانت صورة ليها مع سهر، وبعدها كام صورة لسهر لوحدها، وصور لها مع يوسف. وقالت: شوفي قد إيه هي حلوة، شوفي قد إيه الحب بينهم بيتكلم لوحده. وشوفي أنتِ عاوزة تقتليه وتدمريه إزاي بجوازك من جوزها. عمر يوسف ما هيسيب سهر. ولو اتطر يختار بينك وبينها، هيختارها هي. وأنا متأكدة من كلامي. شرين. يعني عاوزاني أعمل إيه دلوقتي والناس بـ.

فجر. عاوزاكي تفوقي قبل تندمي. وبالنسبة للناس، محدش له عندك حاجة. قولي إنك غيرتي رأيك ومش عاوزة تتجوزي واحد متجوز. شرين. طيب ويوسف؟ فجر. متقلقيش عليه. ولو عاوزة تعملي حاجة قوية، قوليله: طلق سهر وقول لأهلك، وأنا موافقة أتجوزك. شرين. طيب لو وافق. فجر. بصت لها وهي عارفة إجابة يوسف ومتاكدة منها. وبعدين قالت بهدوء: يبقى أنتِ كسبتي وهو خسر. وساعتها اتجوزوا. شرين. مش فاهمة كلامك.

فجر. لو يوسف اختارك، يبقى بيحبك. وساعتها أنتِ تستاهلي حبه وتقدري تكملوا مع بعض. شرين. تمام، وأنا هطلع وأقوله كده وهنشوف. فجر. لو ما وافق، من بكرة تنقلي في مستشفى تانية وتبعدي عنه وتشوفي حياتك مع حد يحبك بجد. وبعدين قالت لها: متزعليش مني ولا من كلامي، أنا بنصحك ومش عاوزة أخرب بيت أختي. أنا بحب سهر فوق ما تتخيلي. واللي يقرب منها أدمره. شرين. بصت لها ولحظة اتوترت من كلامها وتهديدها.

فجر. يلا نطلع وبهدوء كده، انتهى الموضوع. وفعلاً طلعوا. فتحي. تعالي يا حبيبتي، المأذون وصل. فجر. بصت ليوسف وزغرطت. يوسف. ابتسم لها. فجر. راحت وقفت جنبه وقالت: مبروك يا عريس. يوسف. الله يبارك فيكي. المأذون بدأ في إتمام كتب الكتاب. شرين. قالت: أنا مش موافقة. الكل قام وقف وهي بتجنن. يوسف. احرج وبان عليه التوتر. فتحي ويونس. راحوا على أختهم وقالوا: إيه اللي أنتِ بتقوليه ده؟ شرين. قالت: أنا مش هتجوز راجل متجوز غيري. فتحي.

بصوت عالي قالها: يعني إيه؟ شرين. يعني يطلق مراته الأول، وأنا أتزوجه. يوسف. قالها: وجاية دلوقتي تقولي كده بعد ما وافقتي والمأذون موجود؟ شرين. معلش، فقت لنفسي، أنا مش عاوزة شريك، عاوزة حياتي معاك لوحدك، إحنا لوحدنا ومفيش حد تاني يزعجنا. يوسف. مين قال إن حد هيزعجنا؟ شرين. قالت: يوسف، طلق مراتك وقول لأهلك، أنا مش أقل من حد، أنا عاوزة أعيش حياتي بدون خوف وقلق. يوسف. أكيد الكل هيعرف، بس مش دلوقتي. وبعدين مرات أخويا معايا.

شرين. المأذون موجود، طلق سهر واكتب عليا، ونروح بعدها لأهلك وأعيش معاك وسطهم، ودا آخر كلام عندي. يوسف. وأنا مش موافق عليه. شرين. خلاص، يبقى انتهينا. فجر. اهدوا يا جماعة، مش كده. فتحي. قال ليوسف: فيها إيه يعني لما تطلق مراتك اللي مبتخلفش؟ يونس. هو أنت جنيت؟ منها إيه يعني عشان تتمسك بيها؟ طلقها. فجر. دي لسه عمرها، وكفاية إنها متحملة سنين وهي مفهاش عيب. يونس. يعني إيه؟ فجر. يعني الدكتور قال إنها بتخلف، بس وقت مش أكتر.

يونس. يعني الدكتور كان بيخدعنا؟ وهو اللي مش بيخلف؟ فجر. لا طبعًا. فتحي. يعني إيه كلامك؟ فجر. يعني هما الاتنين كويسين، بس مسئلة وقت، وده كلام الدكاترة. يونس. بحده: ومقولتش الكلام ده ليه قبل كده؟ فجر. بغيظ من رده قالت: اسأل أختك اللي لفت عليه. يونس. بعصبية قال: أختي؟ فجر. أيوا أختك، ومتعليش صوتك، واحترم نفسك وأنت بتتكلم. يونس. راح عليها ومد إيده و.. توقعاتكم إيه اللي هيحصل؟ وإيه رد فعل فجر ويوسف وشرين؟