رواية لقاء الاحبة الفصل السابع والعشرون 27 - بقلم فيولا عماد

ريم وقاسم بصدمة: طلاق! خديجة بزعل: أيوه. ريم: ليه؟ مش إحنا متفقين إن فرحهم كله مع بعض؟ يوسف بهدوء: أنا مش زعلان ولا فرحان، أنا بس عايز أعرف إيه اللي خلى تفكير حورية للطلاق. زين ببرود: ابنك باس بنتي وهي عايزة تطلق. فريدة بشراسة: وفيها إيه يعني؟ مراته وده حقه، وكمان ولادك بيعملوا كده مع سيلين وجوري ومحدش اتكلم، ولا ابني أنا بس اللي حرام؟ وبعدين إنتوا متستهالوش ابني، يبقى حد يقبل بقا ببنتك اللي بدماغ طفل عبيط؟

يلا يا يوسف أنا في العربية. وذهبت. يوسف بهدوء: أنا بعتذر، بس إنتوا عارفين فريدة بتحب رحيم إزاي، ودي يا حورية حاجاتك، ربنا يوفقك، مع السلامة. وذهب هو الآخر وهو حزين من أجل ابنه. زين بحب: متزعليش يا حبيبتي، بكرة يجي اللي أحسن منه، وبعدين دا عيل مرمط. حورية بدموع: أنا غلطانة يا بابا.

خديجة: آه غلطانة، وأبوكِ وإخواتك بيغلطوا. أبوكِ عمل معايا كده وكان بيبوسني قبل الجواز، وإخواتك أنا عارفة هما بيعملوا إيه. أنا مش نايمة على وداني، وبعدين م ده حقه. انتي المفروض تصالحي رحيم، هو كويس وصديق طفولتك وبيحبك وحبيبك، وزين وأحمد وسليم في نفس واحد. زين: متقوليش حبيبها بس. خديجة بصوت عالي: اخرسوا، إنتوا هتخربوها على أختكم. قاسم بهدوء: أنا شايف كلام خديجة صح. ريم باتفاق: وأنا كمان. حورية باستئذان: بعد إذنكم.

وذهبت. في الجنينة. أحمد وهو يقبل جوري: كام يوم وتبقى ملكي يا فرولة انتي 😘. جوري تكاد تموت من الخجل. أحمد بمشاغبة: أكمل؟ جوري: ...... أحمد بخبث: السكوت علامة الرضا، استعن على الشقاء بالله. جوري وهي تركض: قليل الأدب. أحمد وهو يتحسس صدره: انتي لسه شفتي قلة أدب 😂. سليم وهو يحتضن سيلين: بس أنا زعلانة جداً عليه. سليم بحب: إحنا بنغير على حورية أوي لأن هي أصغرنا.

سيلين: طب أنا وأنت لو مكانهم وإخواتي بيعملوا كده وخانقيننا هتعمل إيه؟ سليم بتهرب: سيبك إنتِ من الكلام ده، انتي إحلوتي كده ليه؟ سيلين: اهرب براحتك. سليم بيقرب أكتر: متجيبي بوسة كده. سيلين بعند: لا، ومن هنا وجاي مفيش بوس ولا أحضان ولا كلام حلو. سلام. وذهبت. سليم برفعة حاجب: مالك يا مرا انتي……. فريدة بدموع: اهو ابني سافر وملحقش يعيني يفرح منهم لله. يوسف بهدوء: هيرجع، وبعدين رحيم قوي، متخافيش عليه.

فريدة بشراسة: أنا ابني سيد الرجالة وميتخافش عليه، وهياخد واحدة أحسن من بنت الصيعين دول. يوسف بحب وابتسامة: خلاص بقا، سيبهم في حالهم. بقولك إيه، البيت فضي والواد مشي، متيجي أقولك سر كبيررر. فريدة بحب: إحنا في إيه ولا إيه بس؟ الخدامة: اللواء محمود يسري بيرن يا بيه. يوسف باستغراب: هات. اللواء: إزيك يا دكتور. يوسف بابتسامة: الحمد لله يا فندم، وحضرتك؟

اللواء: الحمد لله يا ابني، أنا آسف جداً بس رحيم اتصاب، ممكن تتفضلوا على *****. يوسف بخوف: أكيد، مع السلامة. فريدة باستغراب: كان عايز إيه؟ يوسف بخوف: تعالي بس هنروح مكان كده. فريدة: ابني كويس؟ يوسف: …… فريدة بدموع وصوت عالي: ابني كويس، رد عليا. يوسف: اتصاب في مهمة وهو في المستشفى. وفريدة فقدت وعيها. يوسف بصوت عالي: افتح العربية يا ابني وبسرعة على مشفى******. خديجة: الو.

الممرضة: ممكن حضرتك تيجي لأن الرائد رحيم اتصاب وحالته مش مستقرة. خديجة بحزن: جاية حالاً. زين بتساؤل: على فين؟ خديجة باستعجال: رحيم اتصاب وحالته مش مستقرة. وذهبت. وهناك من يحترق قلبه 😭💔.