رواية لقاء الاحبة الفصل السادس والعشرون 26 - بقلم فيولا عماد

بعد مرور ثلاثة أشهر لم تخلو من الحب والمرح والسعادة. على زفاف العشاق زين وخديجة، التي أنعم الله عليهما بطفل في أحشاء خديجة. وأيضًا قاسم وريم بطفلة. وفريدة التي اعترفت بأنها تعشق يوسف، وتمت خطوبتهما وعقد قرانها على يوسف. اليوم يوم زفاف فاطمة. فاطمة بدموع: مبروك يا حبيبي، عقبال ولادكم. يوسف بحب: يديك طول العمر انتي وجوزيه. فاطمة: لا كفاية عليا كده. يلا انزل عشان تاخد ست الحسن. يوسف بمرح: أنا بس اللي أقولها كده.

فاطمة بحب: طب يلا. يوسف من الخارج: ست الحسن. فريدة من الداخل تجري: وحشتني. ريم بضحك: إحنا يا بت مش قولنا اتقلي شوية. خديجة بغيظ: طالعة تجري زي الهبلة، ده اللي قولنا. فضحتنا. يوسف بمرح: امشوا انتوا بالبطيخ ده. قاسم بهمس: كلها أيام ونقولك مبروك على حمل فري. يوسف بحزن حاول إخفاءه: قول يارب. ذهبوا للفندق حتى يتم الزفاف. خديجة بزهق: سبني يا زين. زين بعصبية: هتروحي فين؟ اقعد. خديجة بزعل: انت بتزعق ليه؟

أنا اتخانقت، انت مش عايز تخليني أقوم أرقص وبابا في البيت. زين بحب: حبيبتي انتي حامل. خديجة: أنا عايزة أرقص. زين: لما رقصة سلو تيجي نرقص. خديجة بعبوس: لا عايزة دلوقتي، سامع الأغاني. زين: أغاني بيئة، مش شايف إن الكلمات ليها لازمة. اقعدي يا حبيبتي كده واهدي. ريم بهمس: أنا اتخانقت من الرجالة دي. خديجة نظرت لها بعبوس. ريم بهمس وغيظ: يا بت فكري في حاجة نقوم بيها.

خديجة: بصي أنا هعمل نفسي تعبت، وانتي قومي روحي ارقصي، وقاسم هيزعق ويجري وراكي، وأكيد زين هيحاول يهدي، وأنا أقوم وراكي. ريم بعبوس: حاسة إنها هتفشل. خديجة: نجرب حتى. خديجة بوجع: آآه، زين الحقني. زين بخوف حقيقي: مالك يا حبيبتي؟ نروح للدكتورة يلا. وفجأة قامت ريم تجري. قاسم بصوت عالي: ريم تعالي هنا. وفجأة خديجة قامت تجري. زين بعصبية: خديجة. والتورته دخلت، وخديجة وريم وزين وقاسم في حالة هرج. بوووووي.

يوسف بدموع مزيفة: عاجبك كده يا بن الطريقة انت وهو؟ خديجة لريم بصوت عالي: عجبك كده؟ التورته وقعت. ريم بصوت عالي: انتي اللي وقعتيها، مش هناكل النهارده. يوسف بغيظ: وانتوا جايين عشان التورته؟ اديكم وقعتوها. وأنا يوسف بالكراميل. يوسف بصوت عالي: الفرح انتهى يا جماعة. وذهب كل زوج بزوجته التي أشعلت غضبه وأحرجته. في سيارة قاسم. قاسم: عاجبك اللي عملتيه ده؟ ريم بعبوس: ما أنا عايزة أرقص.

قاسم: وأنا من البيت مش بنبه إن مفيش رقص، ولا تتحركي من مكاني. ريم بدلع: أرقصلك؟ قاسم بخبث: ليلتنا صباحي 😉. خديجة: زين. زين: ... خديجة: زيييييييين. زين: ... خديجة بغيظ: طب أنا عايزة آكل. زين: لا، مانا حرمك من الأكل. ورايحة فرح عايزة تأكلي تورته؟ لا وكمان بتتخانقي عشان التورته وقعت، أحرجتيني. خديجة وهي تتلاعب بزراير قميصه: ما انت مش بتاكلني حلويات. زين بخبث: مفيش حلو بياكل حلو يا روحي. نروح بس وهاكلك الحلو كله 😉.

في الفندق. فريدة بتعب: اليومين اللي فاتوا كانوا متعبين جدا، هموت وأطول السرير. يوسف بحزن حقيقي: وأنا كمان عايز أنام. فريدة باستغراب: يوسف، أسألك سؤال؟ يوسف: تفضلي. فريدة: هو انت زعلان من جوازنا؟ يوسف بنفي: لا، أنا بحبك أوي بس أنا تعبان وفي حاجة شاغلة تفكيري. فريدة بحب: إيه شاغل تفكيرك واحنا في يوم مميز زي ده؟ يوسف بدموع: أنا حقيقي قلبي واجعني جدا، ممكن تسبيني شوية.

فريدة بحب: بس أنا عارفة إنت بتفكر في إيه، وعايزة أصحح المعلومة الغلط دي. يوسف: فريدة رجاءً أنا. فريدة بحب: أنا لسه آنسة، أحمد مقربش مني، بابا لحقني. يوسف بفرحة ويحتضنها: بجد؟ ومقولتيش ليه من الأول؟ أنا قلبي كان بيتحرق من فكرة إن حد يقرب منك غيري. فريدة بحب: في كل مرة ببقى عايزة أقولك، إنت تتوه الموضوع. يوسف بخبث: مش هتوة الموضوع تاني، إحنا دلوقتي في صلب الموضوع. وتم زواج يوسف وفريدة أمام الله. بعد مرور 12 سنة.

خديجة وزين معاهم (أحمد وسليم وحورية) قاسم وريم معاهم (جوري وسيلين) فريدة ويوسف معاهم (رحيم) بعد مرور 12 عامًا أخرى. خديجة: هي دي بقا حكايتي أنا وأبوكم، كنا بنحب بعض أوي. زين من الخلف: ومازلنا بنحبك. سليم بمرح: إيه ده؟ مش تحترمنا يا بابا؟ حماك وابوك قاعدين. زين بغيظ: بس يا واد، وانت عامل زي جدك كده. خديجة بزعل: كده يا زين؟ بابا. زين بحب ومرح: أنا قصدي إن كان بيقطع عليا كده برضه 😹. خديجة بدموع: ربنا يرحمه.

سليم بحب: ربنا يطولنا في عمرك يا حبيبتي. زين بغيرة: ابعد بس وانت بتتكلم كده، مش لازم تحضن وتبوس. سليم: بابا، آهي، آهي. زين بغضب: في إيه يا حوريتي؟ مين زعلك؟ حورية بدموع: رحيم يا بابا، أهي، أهي. سليم بغضب: ماله زفت؟ رحيم: زفت في عينك، يلا احترم نفسك. أحمد بغضب: إنت في بيتنا وبتشتمنا كمان؟ إنت عايز تتربى. رحيم وهو يجلس ويضع قدم فوق الأخرى: اعملها، خلينا أحبسك. زين بغيظ: حوريتي بتعيط ليه؟ إنت عملت إيه لبنتي؟

رحيم بهدوء: بوستها. زين بهجوم: إنت واحد مش محترم و ****. رحيم بهدوء: مراتي وأبوسها، أحضنها براحتي. زين: براحتك ده لما تبقى في بيتك، هنا عندي لأ. رحيم: طب يلا يا حوريتي على بيتنا. حورية ببراءة: عشان تبوسني تاني؟ أنا هقعد مع بابا. رحيم بجنون: إنتي مراتي، أومال أنا كاتب الكتاب ليه؟ زين بعصبية: طلق بنتي حالاً. خديجة: زين. زين بعصبية: متتدخليش انتي يا خديجة لو سمحت. رحيم بهدوء ونظرة عتاب لحورية: عايزة تتطلقي يا حورية؟

حورية تبكي فقط، هي تحبه كثيرا، فهو أمير طفولتها ومراهقتها وشبابها والآن زوجها. رحيم بهدوء: ماشي، حورية ورقتك هتوصلك في أقرب وقت. خديجة بزعل: استني يا رحيم. رحيم بهدوء: لا شكراً، بعد إذنكم. وذهب. خديجة بصوت عالي وزعل: عجبك كده يا زين؟ وبنت لسه مكملتش 24 سنة وهتاخد لقب مطلقة؟ مبسوط كده؟ مبسوطة يا حورية إنك هتسيبي حبيبك وصاحبك وجوزك؟ إنتي يا بنتي اللي بتعمليه ده غلط. وذهبت. أحمد بحب: متزعليش يا حوريتي، إحنا جنبك.

زين بغيرة: متحضنهاش. أحمد بزهق: يا بابا، هو إحنا غرب؟ منحضنش ماما ولا أختنا؟ زين: آه، ويلا امشي. خديجة من الأعلى: زين عايزك. زين: حاضر. حورية بدموع: أنا هنام يا بابا شوية، بعد إذنك. زين بحب: ماشي يا حبيبتي. خديجة: ناوي على إيه يا زين؟ زين باستغراب: أنا عملت حاجة؟ خديجة بزعل: إنت مش بتعمل، إنت بتهدي. حب بنتك وانت عارف كده عشان غيرتك بس، بنت بتحب رحيم. زين: بس هو يبوسها ليه؟

خديجة: مش مراته وحر فيها، إنت ناسي يوم كتب كتابنا حصل إيه؟ زين بتهرب: معرفش. خديجة: إنت فاكر بس بتتهرب من الموضوع. وذهبت. فريدة بحب: مالك يا رحيم؟ رحيم: مفيش يا ماما، بس ممكن تيجي دقيقتين. فريدة: حاضر يا حبيبي. في جناح رحيم. رحيم: بصي بقا يا ماما، هدايا حورية كلها هتلقيها في المكان ده، حطيهم في الشنطة هنا وابعتيها على هناك. فريدة باستغراب: ليه يا حبيبي؟ رحيم بهدوء: لو سمحتي يا أمي، اعملي اللي قولتلك عليه.

يوسف: إيه اللي حصل للطلاق؟ رحيم: أنا آسف، بس حقيقي عندي مأمورية ولازم أمشي. لما تبعتي الحاجات يا أمي، يبقى اسألي طنط خديجة، سلام. وذهب. يوسف: معرفش طالع لمين ده. فريدة بدموع: أنا خايفة على ابني أوي. يوسف بحب: رحيم راجل ويعتمد عليه، يلا بس ابعتي الحاجات ونروح نشوف الموضوع. في قصر الأنصاري. قاسم: تمام، على خيرة الله، الفرح كمان 4 أيام. خديجة بحزن: مبروك يا ولاد. سيلين وجودي: الله يبارك فيكِ يا عمتو.

يوسف بتساؤل: هو إيه اللي حصل يا زين عشان حورية تطلب الطلاق؟ ريم وقاسم بصدمة: طلاق؟