رواية لقاء القدر الفصل الخامس 5 - بقلم لمياء نبيه

عز: حمل حور منك يا مراد؟ مراد: انت بتقول إيه؟ أنا ملمستهاش. عز: ادي التحاليل اللي تثبت كلامي. بص مراد فيها. مراد: يعني إيه؟ أنا قتلت ابني يا حور؟ نرمين: حور سافرت يا مراد. مراد: بتهزري صح؟ حور متقدرش تسيبني. عز: فضلت ماشي ورا دماغك والشيطان يا مراد لحد ما خسرتها. نرمين: وهو كان يعمل إيه؟ هو اتحط في موقف إيه؟ أي حد مكانه كان لازم يعمل كدا. عز: انتي إزاي كدا؟ مش دي صاحبتك؟

نرمين: عمرها ما كانت صحبتي. وغير كدا مش اللي بتتهمه دا صحبك؟ عز: صحبي غلط وخسر واحدة نضيفة. نرمين: انت إزاي تكلمني كدا؟ مراد: كفاااايه! وطلع أوضة حور. مراد وهو واقف قدام صورتها: أنا عارف إني غلطت في حقك وظلمتك، بس كنتي تعقبيني أي عقاب غير إنك تسيبيني؟ بدأت دموعه بالسقوط. تذكر موقف سقوطها من على الدرج. مراد: أنا قتلت ابني... قتلت حبل الصلة اللي بينا. ليه موثقتش فيكي؟ ليه محاولتش أوثق فيكي؟

أنا مش هفضل قاعد. أنا لازم ألاقيكي. تليفوني هو فين؟ جري على أوضته وأخذ تليفونه وطلع جري على أوضة حور. كان هيرن بس شاف رسالتها. بدأ يقرأها:

(مراد، أول حاجة متحاولش ترن، واقرأ الرسالة للآخر. في بداية جوازنا كنت عارف إنك مجبر عليه من باباك الله يرحمه، زي ما بابا جبرك عليا. المواقف والذكريات بينا كتير. حبيتك غصب عني. آه والله، لقيتني بحبك في يوم وليلة. صحيت سمعت إني حامل. عارفة إنك شايف نفسك الطرف المظلوم، بس انت عارف أنا كان ممكن أقولك نحلل تحليل نسب؟

واللي متأكدة إنه انت أبوه. أصل يا مراد بس انت مدتليش فرصة. كان كل شوية إهانة وضرب. أنا عمري ما غلطت وأنا قبل الجواز هغلط بعده؟

دا حتى تبقى عيبة. بس انت عارف الظاهر كدا مش مكتوب لنا حاجة تجمعنا. آه صح، نرمين بتحبك ومن زمان وأنا عارفة لأنها كانت باينة أوي، بس عمري ما توقعت منها كدا. قولها إني مسامحاها ومسامحاك انت كمان. وخلي بالك منها، هي حامل دلوقتي. لو بنت سميها حور، بس متكرههاش زي ما انت كرهتني كدا. حبها يا مراد الحب اللي انت محبتهوليش. وبكرة تعرف إن كنت حامل منك. ربك مش بيخلي حد مظلوم للأخر. وانت بتقرأ الرسالة دي هكون في الطيارة. متحاولش توصل لي لأني هبدأ حياة جديدة. سلام، حور)

مراد كان بيقرأها، دخلت نرمين عليه. نرمين: معلش يا حبيبي أنا معاك وجمبك. مراد: أنا لازم أجيبها، لازم أقولها إني عرفت إنها مخنتنيش وإني بحبها. نرمين بضيق: بس هي يا مراد معدتش عاوزاك. سيبها تبدأ حياة جديدة. مراد: إزاي؟ أنا أذيتها. نرمين: منا كمان أذيتها، بس هي سامحتني وهي مسامحاك. مراد بدموع: بس أنا بحبها يا نرمين. نرمين بتحضنه وتشعر بانتصار: انساها يا حبيبي. في أمريكا. ابتسمت حور وهي نازلة من سلم الطيارة.

الاء: حضرتك مدام حور؟ حور: انتي تبع الأستاذ يزن؟ الاء: آه. اتفضلي معايا. مشت حور مع الاء اللي وصلتها لشقة في أحد العماير. الاء: يارب الشقة تعجبك. هسيبك، أكون وقت الغدا جه. في الشركة. وعد: فين الفطار يا نهال؟ نهال: أهو يا أختي. صحبة بخسارة. وعد: أنا بخسارة؟ مش هرد عليكي. نهال: أحسن. عند عز. عز: نهال، ابعتيلي وعد على المكتب. نهال: حاضر يا مستر عز. بصت لوعد. نهال: مستر عز طالبك يا وعد. وعد: طب أكمل فطاري هناك.

دخلت وعد لقت عز جاي عليها. عز: إيه دا؟ وعد: إيه؟ في إيه؟ عز قرب منها ومسك إيديها اللي كانت ماسكة سندوتش: فلافل سخنة في الشركة؟ وفي مكتبي؟ وعد: هو في إيه؟ مهو فطار ومبلحقش أفطر. عز: في حاجة اسمها كافتيريا أو في البيت. وعد: والله ما بتحلي الفلافل غير في الشركة. تاخد تدوق؟ عز: أنا عز الجار... قبل ما يكمل الكلمة، وضعت وعد الساندوتش في فمه. عز أكل بص لوعد: تصدقي حلو. وعد: منا عارفة. عز: حسابك في الفطار ليا المرة الجاية.

وعد: اوكي. نقول لنهال بقا. عز: هي نهال اللي فاتحة كافتيريا؟ وعد: لا، دنا هفهمك بقا. عند حور. حور: المطعم دا جامد يا الاء. الاء: ملك لمستر يزن؟ آه صحيح، انت تعرفي منين أستاذ يزن؟ أصل مش غريبة، محامي بتاعك وكمان يجيبك هنا ويهتم بيكي كدا؟ حور: يزن مش بس محامي، هو ابن عمي. بس فهماني، أهلنا مقطعين بعض، بس لما احتجته لقيته.

الاء: مستر يزن جدع وابن بلد، بس فهمتني الشغل علطول وهو هنا من أشهر المحامين. بس لما جت له مكالمة منك نزل مصر. حور: غريبة، مع إن يزن مقاليش إنه كان هنا. لما كلمته قال إنه في مصر. الاء: لا، هو كان هنا وسافر مصر في طيارته. حور: يزن دا غريب بشكل. الاء: طب يلا ناكل ونكمل كلامنا بعدين. عند مراد. يدخل يزن وفي الخارج حرسه. يزن: مراد الجارحي هنا. مراد: أفندم؟ مين؟ .... يزن! إيه اللي فكرك بيا؟ يزن: حور يا مراد. مراد: حور؟

يزن: رافعة عليك قضية خلع. مراد: حور تعمل كدا؟ يزن: قلت أحلهالك كدا بيني وبينك وخليك تطلقها، أصل شكل مراد الجارحي لما مراته تعمل خلع وحش. مراد: جه اليوم اللي تكلم فيه يا يزن. يزن: جه اليوم اللي أقدر أوريك اللي عملته فيا. عند نرمين. نرمين: إنت إيه اللي جايبك هنا؟ شخص: عاوز فلوس. نرمين: تمن إيه؟ شخص: تمن إني موريش الفيديو دا لمراد. مسكت نرمين الفيديو. نرمين: إنت إنسان حقير. بضحك: عزيزتي، كلنا حقراء. عند حور.

حور: الاء، تعالي اقعدي معايا شوية. الاء: يلا. روحوا من المطعم لبيت حور. حور: تعرفي يا الاء، مع إني معرفكيش، بس استريحت ليكي. الاء: وأنا كمان. هو انتي مكنش عندك أصحاب؟ حور: كان عندي واحدة. الاء: أمال مرحتيش ليها ليه؟ حور ابتسمت: أصلها اتجوزت جوزي. الاء بصدمة: بتكلمي بجد؟ حور: آه والله. الاء: وعملتي إيه؟ احكيلي. حور: سامحتها. الاء: انتي أكيد فيكي حاجة. حور بضحك: لا مفياش حاجة، بس هعمل إيه يعني؟

مش قدامي غير إني أشيل منها أو أسامحها. الاء: انتي طيبة يا حور. حور: وانتي جميلة يا الاء. عند مراد. مراد: وأنا مش هطلق يا يزن. يزن بابتسامة باردة: هتطلقها يا مراد. مراد: يزن، خليك إنسان لو لمرة. متسمحش لخلافاتنا تأثر. يزن: وأنا مش إنسان. وطلقها. مراد: انت أكيد مش بتفهم. أنا مش هطلق. يزن: هتطلقها. مراد: لو مطلقتش هتعمل إيه؟ يزن: ياآآآه، تخيل كدا خبر عريض. مراد قاطعه: هتكتب خلافات زوجية بين راجل وزوجته، وهي عاوزة تتطلق.

ضحك يزن وبص لمراد: لا، مش جذاب. في صفحة الأولى خبر هام: رجل الأعمال الشاب مراد الكناني تطالب امرأته بخلعه بمساعدة المحامي ورجل الأعمال ومنافس زوجها يزن الأسيوطي. تصدق جامد. مراد: انت إنسان حقير. يزن ببرود: مقدر حالتك دلوقتي، بس مكنتش أتوقع إنك تقتل ابنك. مراد: مقتلتهوش. أعرف إنه ابني وأقتله إزاي؟ يزن وهو بيقوم وابتسامة: هستناك تفكر يا مراد في كلامي. ومشي. يزن في العربية: الو يا حور... لا، هخليه يطلقك أسهل... حلو صح؟

كمان أسبوع وتلاقيني عندك. قفل وبص للفيلا: اللعب بدأت يا كناني. وبص لتليفونه واحلو. عند عز ووعد. عز: وعد. وعد: نعم يا فندم. عز: متيجي أعزمك على غدا؟ وعد: النهاردة مينفعش. عز: لي؟ وعد: أصله معاد صافيه. عز: وانتي عرفتي منين؟ وعد: عرفت إيه؟ معاد صافيه وكدا؟ عز: آه. وعد: أصل أنا وني انتبهت أنها بتكلم عز وبتاخد وتدي معاه. عز: انتي وإيه؟ وعد بتوتر: هاااا. عز: تصدقي إنك حلوة وانتي متوترة. وعد: منا عارفة.

عز: ربع ثقتك في نفسك. وعد: أصل... تلفونها رن دقيقة ردت. الو... بتقول إيه... طب أنا جايه حالا. عز: في إيه يا بنتي؟ وعد: آسفة يا فندم. وطلعت تجري. عز جري وراها. وقفت تاكسي. عز فضل ماشي بالعربية ورا التاكسي، معرفش هو بيعمل إيه، ولي أصلا، بس اللي عارفه إن إحساسه بيقوله كدا. لحد ما وصل لمستشفى. هيا نزلت وهو معرفش يعمل حاجة. فرجع. عند نرمين. نرمين: لازم يموت عشان محدش يعرف والسر يموت معاه. بصت لمراد اللي نايم جمبها.

نرمين: وعلشان دا بتربي بينا. ونامت. عند حور. وقفت قدام المرايا وحوطت بإيديها على بطنها اللي ظهرت وابتسمت: حفظت عليك عشان مالكش ذنب. ماما بتحبك أوي. أيوا، خبت على بابا. أيوا، مراد باباك، ومردتش تقوله. راحت على السرير ورجعت رأسها لورا. دكتورة: ربنا نجاكي انتي والبيبي. حور: دكتورة، ممكن طلب؟ دكتورة: اتفضلي. حور: ممكن تطلعي بره وتقولي إن البيبي مات؟ دكتورة: بس دا مينفعش. أنا ليا ضمير مهني.

حور: أرجوكي يا دكتورة، أنا بكلمك كانسانه. أنا حرفيا حياتي عذاب. أرجوكي. دكتورة: حاضر. رفعت رأسها. حور: ماما استحملت كتير يا حبيبي عشانك، بس مقدرتش. عارف ماما بتحبك قد إيه؟ مستنياك. ونامت حور. عند عز. عز: أنا لازم أروح صح؟ لا، استنى شوية. طب هروح. بصفتي مين؟ فونه رن. صوت خليع: عزي، مش هتيجي؟ عز: اقفلي دلوقتي، أخلص. قفلت. عز: هتعمل إيه يا عز؟ أرن عليها؟ مفيش حل غير كدا. الرقم الذي طلبته مغلق أو غير متاح.

عز: يوووه، روح نام يا عز. في إيه؟ مكنتش موظفة عندك. دخل عز ينام، ولكن معرفش. فتح النور. عز: في إيه بقا؟ مالك؟ طب هتروح تقولهم إيه؟ نام يا عز، ربنا يهديك. قام عز ولبس واتجه نحو المستشفى. دخل لقي وعد بتعيط ومامتها في ناحية وبتعيط. بدون تردد قرب. عز: وعد. بصت وعد ليه ومسحت دموعها: أستاذ عز. عز: في إيه؟ وإيه اللي حصل وخلاكي تجري؟ وعد بدأت بالعيط مرة أخرى: أخويا بيلعب، راحت عربية خبطاه وجرت.

عز طبطب عليها: هيبقي بخير إن شاء الله. وعد بدموع: أخويا في العمليات ولسه مطلعش منها. عز: باباكي فين؟ وعد: بابا في الأردن. هعمل إيه يا عز؟ عز مسح دموعها: متعيطيش، أنا معاكي. عز مكنش عارف هو فيه إيه. كل أما هيا بتعيط، كان حد جاب سكينة ودخلها في قلبه. وفضل معاها. عند يزن. بدأ يجهز أوراق طلاق حور من مراد وخلصها ومضي لحور. يزن: آه، اللعب لسه مبدأتش، بس بدأنا نسخن. نام الجميع. في الصباح ذهب يزن لمراد.

يزن: مراد بيه، يلا امضي. مسك مراد الورق ولقي أمضة حور، فمضي. أخذ يزن الورق وهو حاسس بانتصار وقدمه في المحكمة وخد نسخة يديها لحور. وتم الطلاق بنجاح. ورن على أحد متابعينه يحجز له أول طيارة لأمريكا. وأجري مكالمة. يزن: تمام يا ابني، نفذ. عند مراد. تليفونه بيرن من رقم غريب. مراد: الو، أستاذ مراد معايا. شخص: أيوا معاك مين؟ مراد: مش مهم. لما تيجي تشوفني، عندي فيديو لازم تشوفه مهم بخوصك انت والبيت عندك، بس هات 200 ألف.

مراد: البيت و200 ألف؟ انت هتنصب؟ بطل يا ابني هزاركم دا. شخص: مش مدام حور كانت حامل؟ مراد: حور؟ وفيديو؟ دقيقة، انت مين؟ شخص: أنا بقا أما تيجي، بس هات 200 ألف. مراد: حاضر. العنوان. شخص: عارفه شارع ***، العمارة المهجورة اللي هناك. مراد: تمام. قفل معاه. نرمين: مراد. مراد وهو يلبس: نعم يا نرمين. نرمين: انت بتلبس ورايح فين؟ مراد: الشركة، مرحتهاش من زمان. وزمان عز قالب الدنيا.

نرمين: طب يا مراد، لما تيجي أعرف إنه فيه دكتورة. مراد: تمام يا نرمين. راح مراد هنا. مراد: ها؟ في حد هنا؟ شخص: تعالي، أنا هنا.