رواية لقاء القدر الفصل الرابع 4 - بقلم لمياء نبيه

حور بعدم فهم عن مجئ صديقتها. مراد: أعرفك يا حور، نرمين مراتي. حور: مراتك؟ إزاي؟ مراد، أنت أكيد بتهزر صح؟ مراد ابتسم: دي قسمة جوازنا. حور: اتجوزتها؟ وهي دي صحبتي؟ واتجهت لنرمين. حور: صحبتي اللي قبل ما أعمل أي حاجة أقولها، أو لما يحصلي حاجة أجري عليها، اللي عمري ما رفضت ليها طلب، اللي دايماً معتبراها أختي قبل ما تكون صحبتي، تعمل فيا كدا؟ لينرمين: حور… قاطعتها حور: ششش! هتقولي إيه؟ جرت حور على غرفتها.

ابتسم مراد ثم طلع إلى غرفته، فلحقته نرمين. نرمين بدلع وهي تضم مراد: مرادي أنا، مش مصدقة نفسي إننا بجد اتجوزنا. عارف أنا قد إيه بحب… مراد بعدها عنه: نرمين، معلش أنا مرهق شوية، محتاج كوباية قهوة. نرمين: كوباية قهوة؟ بس عيوني، هروح أعملك. فكر مراد: وتروحي لي؟ بص لنرمين أنها تيجي في حضنه. مراد: يااا حووور! حور جت وحاولت تتمالك أعصابها: نعم يا مراد؟ مراد: اعمليلي قهوة وشوفي نرمين عاوزة إيه. حور: كنت الجارية اللي اشتريتها.

مراد ابتسم وبص لنرمين: عاوزة حاجة يا روحي؟ نرمين: لا يا حبيبي، هعوز إيه غير إنك معايا. مراد باس جبينها: ربنا يخليكي. حور كملت ببرود: كنت بتنادي لي يا مراد؟ مراد: ما قولنا قهوة، يلا يا حور. حور: وأنا قولت أنا مش خدامة. مراد بعد نرمين عن حضنه وبص لحور: لا، من النهارده هتشتغلي هنا، زيك زي أم حسن كدا، ويمكن أم حسن كرمها عنك. حور حاولت تتماسك أكتر: ولو مرضتش؟ مراد: هترضي، عشان مش قدامك حل غير دا.

حور: لا فيه، إني أسيبهالك، لإن عندي أهل. مراد: بتتهيألي أهلك لما يعرفوا إن بنتهم كانت حامل مش من جوزها، وإن جوزها مقربش ليها، هيكون ليهم رأي تاني. حور: أنت بتهددني؟ مراد: اعتبريها تهديد، أو إني بفهمك. يلا روحي اعملي القهوة. كانت تراقب الموقف نرمين بفرحة، فهي مازالت لا تصدق، فهي تظن أنها تحلم. حور راحت تعمل القهوة، وبعدها أخدتها ودتهاله ودخلت لغرفتها. انهارت. عدى اليوم ومراد يعطي أوامر لحور، ونرمين تحاول أن تقترب منه.

وفي صباح جديد. عز قبل ما يروح للشركة راح يشتري قهوة. عز: واحد قهوة لو سمحت… شكراً. وجه مكالمة من الشغل، رد وهو ماشي، خبط في واحدة ماسكة قهوة، فوقعت القهوة على قميص عز. عز من غير ما يبص ليها: مش تفتحي يا بنتي؟ حور: أنا اللي أفتح؟ ولا أنت اللي ماشي تحب في الفون؟ وهو يحاول تنظيف القميص: وإنتي مالك؟ امشي! أحب ولا أكره، أنا عاوز تعويض عن القميص. حور: تعويض إيه؟ طب وأنا عاوزة تعويض على القهوة. عز: قهوة إيه يا معفنة؟

انتي عارفة القميص ده بكام؟ حور: هيكون بكام يعني؟ رفع عز عيونه. عز: كام؟ حور: كام القميص؟ عز: قميص إيه.. آه القميص. طب والقهوة اللي اتدلقت؟ بردوا لازم أجيبلك قهوة غيرها. بصت باستغراب. حور: سبحان مغير الأحوال. عز: في إيه؟ تعالي. حور: أجي فين؟ أنت عبيط؟ عز: آه عبيط، هعديها. لازم أجيبلك قهوة. أخدها عز وجاب ليها قهوة. فضلوا ساكتين، هو باصصلها لحد ما القهوة جت. عز: القهوة. حور: شكراً. بصت في الساعة لقتها واقفه.

عز: الساعة كام؟ حور: طب شوف كدا الساعة كام؟ عز: الساعة 9. حور: إيه دا؟ سلام. عز: سلام إيه؟ استني. جري عز يلحقها. عز: يا آنسة استني! وقفت. فكمل عز: ده الكارت بتاعي، لو احتاجتي أي حاجة أنا موجود. وغمز. حور: ااه، مش تقول كدا من الأول. عز: بصراحة خوفت لتضايقي. ضحكت. حور: أضايق؟ عز: أه، شوفتي بقا. وضحك. حور: يا حبيبي. و أدته قلم ودا علشان تبقا تحترم نفسك يا كتكوت. ومشت. عز: إيه دا؟ أنا اتضربت؟ دنا بص…

ملقهاش، لقي مكالمة من الشغل. رد. عند مراد. نرمين: لي يا حبيبي منمتش هنا؟ ونايم على الكرسي؟ مراد: نرمين، أكيد شايفاني بقرا كتاب. نفخت نرمين. نرمين: طب أنا جعان. مراد نزل الكتاب وبصلها: اللي جعان بياكل يا نرمين، مش بيتكلم. نرمين: مش هتنادي حور يا حبيبي تجيب لنا الفطار؟ بصلها بحده: وحور كانت شغالة عندك يا نرمين؟ انزلي هاتي لنفسك، اخلصي. نرمين: تمام يا مراد. نزلت نرمين وقابلت حور في المطبخ.

حور بصت ليها وكملت تحضر لنفسها الفطار، ونرمين عملت ساندوتش. بصت لحور. نرمين: حور… حور لم تعطي لها أي انتباه. نرمين: يا حور، بصي لازم تسمعيني. حور: أسمعك؟ هتقولي إيه؟ هتقولي معلش أصل مراد ضربني على إيدي وقال اتجوزيني؟ وبدأت عيونها بالدموع. ولا مراد كان بيتمايع معايا ورغمني إني أعمل كدا؟ ولا مراد اللي أجبرك تخوني صحبتك؟ ولا هتقولي إيه؟ نرمين: يا حو… قاطعتها حور: مش عاوزة أسمع. ده أنا كنت بحكيلك؟

ده أنا كنت فاكرة إني صحبتك؟ لاء مش صحبتي، كنت فاكرة إني أختي؟ يا خسارة يا نرمين! مش عاوزة أسمعك ولا حتى أشوفك. وطلعت حور أوضتها. ونرمين كمان طلعت على غرفة مراد. عند عز في الشركة. عز: نادية، الموظفين الجداد جم؟ نادية: أيوا يا فندم. عز: اعملي اجتماع معاهم، يلا. نادية: حاضر يا فندم. في الاجتماع. دخل عز الاجتماع، وكل البنات الجداد كانوا منجذبين له إلا واحدة.

عز: أعرفكم بنفسي، أنا عز الدين، نائب رئيس مجلس الإدارة للشركة، وأتشرف بمعرفتكم. بدأ كل واحد يعرف بنفسه، حتى وصل إلى فتاة. عز: وعد؟ وعد: بتهيألي شوفتك قبل كدا. عز: بتوتر؟ مفتكرش يا فندم. اااه اااه، يمكن يوم التقديم أو لما جيت الشركة قبل كدا لنادية. عز: ما علينا، نكمل. كل واحد عرف نفسه من شباب أو بنات، وبدأ عز يشرح الشغل. في الخارج عند نادية. وعد: بت يا نادية، كنت هموت. الحقيني بالفطار.

نادية: اهوه ياستي الفطار. إيه حصل بقا؟ وعد: فكرة الشاب اللي ضربته بالقلم. نادية: اللي كان اسمه عز؟ وعد: طلع نفس عز بتاع الشركة. نادية بضحك: متخافيش، مش هيفتكرك. وعد: بقولك، ضربته بالقلم ده شبه عليا وأنا في الاجتماع. نادية: يمكن، بس عشان انتي أول واحدة تضربيه. بس إيه رأيك؟ حلو. وعد: إيه رأيك؟ حلو؟ يابت، أمال لو مكنتيش حامل كنتي قولتي إيه؟ نادية: احمدي ربنا إن محمد لحقني منه، كنت ضحية من ضحاياه. ضحكوا.

عند عز في المكتب. عز: البت دي أنا فاكر إني شوفتها قبل كدا، بس فين مش فاكر. رن على نادية. عز: ابعتي وعد على مكتبي وهاتي 2 عصير. نادية: تمام يا فندم. بصت نادية لوعد اللي قاعدة بتفطر. وعد: والنبي يا بت يا نادية، أي حاجة أشرب بس. نادية: ماهو انتي هتشربي جوه. وعد: جوه فين؟ نادية: أستاذ عز طلبك. وعد: هيرفدني؟ أنا عارفة حظي. نادية: لاء، مفتكرش. أصله طلب اتنين عصير. وعد: شكله عاوز قلم تاني.

نادية: لاء، اجمدي كدا. قلم تاني إيه؟ دنا كمان أطرد فيها؟ يرضيكي؟ أطرد؟ بلاش أنا، يرضيكي بودي ابني مجابلوش بلاي ستيشن الجديد؟ ولا يرضيكي؟ وعد قاطعتها: خلاص، أمّال لو مكانش محمد بيشتغل بره كنتي قولتي إيه؟ نادية بضحك: طب يلا ادخلي لعز. وعد: داخلة. خدي ساندوتش دا؟ ولا أقولك، هاتيه. دخلت وعد لعز. عز: متأكدة إني مش شوفتك قبل كدا؟ وعد: لاء يا فندم. عز: متأكدة؟ وعد: أه والله يا فندم.

عز: طب وإنتي خارجة، قولي لنادية تجبلي قهوة. وعد: مانتا لسه شارب الصبح. ق… ااااعز: افتكرتك… ااا إيه؟ علقتي؟ أنا؟ تضربيني بالقلم؟ وعد: هو كان قلم؟ دنا كنت بضرب الناموسة اللي كانت على خدك يا فندم. وجرت من المكتب. عدى شهرين والوضع كما هو. مراد بيحاول ينتقم من حور، وعز ووعد في مشاغبات دايماً، ونرمين بتحاول تقرب من مراد. نرمين راحت لحور: حور، أنا حامل. حور: حامل؟

نرمين: لو فعلاً يا حور، كان لسه عندك قلب. امشي، أنا عاوزة ابني يتربي بين اتنين بيحبوا بعض، مش أبوه مع اتنين. حور: حاضر. نرمين: حبيبتي… لاحظت نرمين لبس حور الواسع. نرمين: حور، لي دايماً لابسة واسع وفضفاض؟ حور: ااه، كدا برتاح فيه. نرمين: حاضر. نرمين راحت لمراد. نرمين: مراد، عندي مفاجأة. مراد: اللي هي؟ نرمين شالت إيديه وحطتها على بطنها: كمان شهور وهيبقي عندنا بيبي. مراد: إيه؟ إزاي؟ نرمين: هو إيه اللي إزاي؟ أنت ناسي؟

مراد افتكر لما كان راجع وهو شارب وصحي من النوم لقي نرمين جنبه. مراد: أه، مبروك يا حبيبتي. حور جهزت شنطتها وراحت لمحامي ترفع دعوة خلع لمراد، وحجزت طيارة على أمريكا، وروحت ظبطت المنبه على صلاة الفجر، وصلت، ثم اتجهت إلى المطار. أما عند عز. عز: الو، أستاذ عز؟ حضرتك في تحاليل باسم مدام حور. عز: إزاي نسيت حاجة زي دي؟ والله يا وعد، لموريكي انتي تنسيني كمان مشاكل صاحبي. عز: أفندم؟ عز: أقدر أجي أستلمهم أمتي؟ عز: بكرة.

عز: تمام. في الصباح. حور في طيارة، وضعت يديها على بطنها وابتسمت. أما عند مراد. مراد صحي على رسالة من حور على الفون. مراد: نرمين؟ ده صوت إيه؟ نرمين: فونك يا مراد. مراد فتحه: ده حور بتبعتلي رسالة وهي في الأوضة اللي في آخر الممر. مراد: يا مراد، انت يابني… مراد نزل. مراد: إيه ده؟ عز: أيوا يا عز. عز: قولتلك قبل كدا يا مراد، وانت اللي مسمعتش كلامي. مراد: قولت إيه؟ عز: حمل حور منك يا مراد. مراد: انت بتقول إيه؟ أنا ملمستهاش.

عز: ادي التحاليل اللي تثبت كلامي. بص مراد فيها. مراد: يعني إيه؟ أنا قتلت ابني؟ يا حووور! نرمين: حور سافرت يا مراد.