رواية لقب عانس الفصل الثالث 3 - بقلم هاجر حسين

سما بتنزل من عند الدكتورة وبتلاقي حمام عام في الشارع. بتدخل وبتقفل الباب وراها وبترفع النقاب وبتطلع. هالة... هالة... بتفتكر آدم حبيبها، وإنو وعدها إنهم هيتجوزوا أول ما يرجع من السفر. لكن للأسف الطيارة وقعت وأدم مات. هالة بتصحا من تفكيرها وبتفكر إن عادل هيخطبها بكرة. ومبتبقاش عارفة تعمل إيه. (في الوقت ده في مكتب أحلام) سعد سالم: أنا جاي أحلفك من أي وعد أو كلام. أحلام: إنت بتقول إيه يا عم سعد؟

أنا اللي اخترت أمسك القضية دي وابنك هيطلع منها. سعد: يا بنتي، إحنا مش قد جابر بيه ولا ابنه. وحتى لو ابنه اتحاكم هيطلع تاني يوم. أحلام: حتى لو هيطلع بعد نص ساعة، المهم إن ابنك يطلع بريء وميقضيش ليلة واحدة في السجن. في فيلا جابر العزيزي جابر: عملت إيه مع أبو الود؟ المحامي: المفروض إنه مع المحامية اللي ماسكة القضية وهيتنازل عنها. جابر: احضر بكرة الجلسة وألاقي ابني بريء، إنت فاهم؟

المحامي بيمشي وبيدخل خالد ابن جابر الكبير. خالد: قولتلك سيبني أتصرف مع المحامية دي. جابر: خلاص، المحامي حلها. خالد: أما نشوف... وبيطلع من المكتب. نسرين مرات خالد: متجوزين جواز صالونات. وأبوها شريك جابر بنسبة بسيطة جداً. بس قدر هو وبنته يلعبوا في دماغ جابر وبقت مرات خالد عشان فلوسه والمكانة الراقية بتاعته في المجتمع. لا هي بتحبه ولا خالد بيحبها. مجرد جواز على الورق. (نرجع للرواية) نسرين: إنت لسه في موضوع أخوك؟

خالد: لو ناويه تبتديها، فأنا مش فاضيلك. نسرين: إحنا معزومين بكرة على العشاء عند أهلي. خالد: قولتلي قبل ما تقولي لهم إني جاي. نسرين: وأقولك ليه؟ أهلي وعزمونا. خالد: تروحي لوحدك. وراح سايب نسرين وخارج. خالد خرج وطلع بالعربية ووقف عند البحر ونزل يتمشى. وفي نفس الوقت كانت أحلام هناك. خالد قعد على نفس المكان اللي كانت أحلام فيه بس بعيد شوية. بس لو كان حد فيهم اتكلم كلمة، التاني هيسمع. أحلام كانت قاعدة بتكلم نفسها.

أحلام: وبعدين هتفضلي موقفة حياتك كده؟ مفيش حد كامل ولازم مع الوقت تغيري تفكيرك. بس الجواز ده مشروع فاشل. خالد: أخيراً قولتي كلمة صح. أحلام: إيه حضرتك بتكلمني؟ خالد: معلش، بس الكلمة لفتت انتباهي جداً. أحلام: كلمة إيه؟ خالد: إن الجواز مشروع فاشل. أحلام: بس أنا مكلمتش. خالد: قصدك إيه؟ أحلام: قصدي كتير. والجواز الفاشل أسبابه كتير وأنواعه كتير. خالد: ممكن تكملي.

أحلام: إنك تتجوز حد مبتحبوش فشل. وإنك تتجوز حد بتحبه برضه فشل. إنك تتجوز حد عشان حد قالك اتجوز وانت مش مقتنع فشل. وإنك تتخلي عن حد بتحبه وتروح تختار غيره برضه فشل. خالد: مش شايفة إنك معقدة الأمور شوية؟ أومال إمتى هرتاح؟ أحلام: ومين قالك إنك هترتاح؟ خالد: أومال هرتاح إمتى؟

أحلام: لما ترضي. لما تلاقي اللي في عز المشاكل معاك وعز ما إنت هادي تكون السكينة والطمأنينة ليك. تحبك في وقت عصبيتك، نرفزتك. أقولك من الآخر، تحب وشك الحقيقي. خالد: على أساس إني هكون معاها مزيف؟ أحلام: كل حاجة في الأول بتبقى مزيفة لحد ما تتأكدي إنك خلاص عرفت الشخصية اللي قدامك. فـ ساعتها بتبدأ الشخصية الحقيقية بتاعتك تظهر وبتقدر ساعتها تتحد انت هتكمل ولا لا. خالد: تعرفي إنك صح.

أحلام: ياريت كل قصة حب تبدأ من نصها، من بعد التعود. خالد: ليه قولتي كده؟ أحلام: عشان بعد التعود بتفهم. وكأن عقلك بيشتغل. الخناق والنكد وقلة التفاهم بتظهر. كلنا ساعتها بنفتكر إن خلاص هي دي نهاية القصة. بس الحقيقة.. إن في اللحظة دي بتكتشف إن كل الحاجات اللي إنت عيشتها ما كانتش حب. خالد بيبقى قاعد سرحان وحابب يسمع أكتر وأكتر من أحلام. لكن بيصحا من سرحانه على صوتها. أحلام: ياه، الوقت اتأخر. معقول إحنا بقالنا ساعة بنتكلم؟

أنا لازم أمشي. خالد: هشوفك تاني. أحلام، ولاول مرة بتحس إنها مبسوطة وبينطبع على وشها ابتسامة جميلة. أحلام: سيبها للظروف... وبتمشي وتسيب خالد. خالد بعد ما بتمشي بخطوات... بقولك إنا معرفتش اسمك. أحلام وهي بتجري... أنا كل يوم بجيلك، حظر فظر، يبقى أنا مين؟ خالد بيضحك... وكمان بتقول فوازير. في الصباح في المحكمة أحلام بتروح وبتكسب القضية وبيتحاكم ابن جابر بالسجن لمدة سنة عشان خبط ابن سعد سالم، الرجل الطيب البسيط.

جابر بيبقى قاعد وبيبص لأحلام بحقد. خالد: مراد طلع من الحبس. جابر: إنت كنت صح، أخوك هيتسجن يا خالد. خالد: يبنت 🐕 أنا مش هسيبك.