رواية لقب عانس الفصل الرابع 4 - بقلم هاجر حسين

المحامي: متقلقش يا جابر بيه، مراد مش هيبات ليلة وحدة في السجن. جابر في ثواني كان رافع إيده على المحامي وضربه بالقلم. (في الشركة) خالد: ها يا هشام، جبت لي معلومات عن اللي في المحامي؟ هشام: كل اللي انت عايزه هتلاقيه في الظرف ده. وصورتها. خالد بيقرب عشان يفتح الظرف، بيجيله تليفون من أبوه وبيتطر ينزل بسرعة. في بيت أحلام الأم: مدي إيدك يا هالة عشان عادل يلبسك الشبكة. هالة بتمد إيدها وعادل بيلمسها، بيلقاها بترتعش.

عادل: انتي كويسة يا هالة؟ إيدك برضه وبترتعش كده ليه؟ هالة بتبص لعادل ومستنية الفرصة اللي تحكيله فيها. هالة: أنا كويسة. وبتم خطوبة هالة وعادل، وأحلام بتبقى واقفة ومبسوطة جداً لأختها. خالد: انت طلبتني يا بابا؟ خير. جابر: المحامية دي لازم تتأدب. خالد: متقلقش، محضر لها حاجة عمرها ما هتنساها، بس بعد أسبوع مش دلوقتي. عشان محدش يشك. جابر: مش عايز أسمع بأسمها تاني.

عادل: أنا جاهز من كل حاجة يا ماما، لو هالة كمان جاهزة، أنا مستعد على الخميس الجاي نكون متجوزين. الأم: وإحنا كمان جاهزين يا ابني، على بركة الله. الخميس الجاي هالة هتكون في بيتك. هالة بتسيبهم وبتقوم تجري على الأوضة. الأم: معلش بقى كسوف البنات. أحلام بتروح على أوضة هالة. أحلام: العروسة اللي انكسفت ودخلت جري على جوها. أحلام: هالة، هالة، انتي بتعيطي؟ هالة بتروح رامية نفسها في حضن أحلام. أحلام: مالك؟

احكي لي، انتي مش عايزة عادل؟ هالة وهي بتفكر تقول لأحلام إنها حامل أو لأ. هالة: أحلام، أنا... لسه هالة هتتكلم، بيدخل عادل. أحلام: تعالي يا عادل، في حاجة؟ عادل: أنا حابب أتكلم مع هالة كلمتين. أحلام: آه طبعاً، اتفضل. وبتروح سايباهم وخارجة. هالة: عادل، في حاجة لازم تعرفها قبل ما نتجوز. أنا أنا... عادل: انتي حامل يا هالة؟ هالة بصدمة والكلام بيطلع منها بالعافية. هالة: انت عرفت ازاي؟

عادل: عارف إن اللي هقوله ده غريب، بس أنا زي ما انتي عارفة مقطوع من شجرة ووعيت على وش الدنيا معرفش غيرك انتي وأحلام. ومن وأنا صغير وأنا بحبك يا هالة. ويوم ما كنت هعترف لك بحبي، شفتك في عربية آدم. وساعتها عرفت إنك بتحبي آدم بيه. قولت لنفسي ساعتها إزاي هتسيبي آدم وتبصي لحتة موظف زي، وتقبلت قدري. لحد ما عرفنا كلنا في الشركة خبر موت آدم. هالة: بس انت عرفت إزاي إن أنا حامل؟

عادل: اسمحيني يا هالة، بس انتي كان شكلك تعبان وخايف. فمشيت وراكي وشوفتك لما دخلتي وطلعتي بنقاب. هالة: انت عايز مني إيه يا عادل؟ عادل: أنا عارف إنك عمرك ما هتحبيني زي آدم، بس اسمح لي اتجوزك ياستي وبعد سنة اتطلقي مني. هالة: انت ليه عايز تعمل كده في نفسك؟ انت تستاهل حد أحسن مني. عادل: صدقيني يا هالة، كل اللي بعمله ده أنا راضي عنه. والقرار عندك. ولازم تعرفي إن عمري ما هغرمك على حاجة مش عايزها. أنا همشي وهستنى قرارك.

هالة: استنى يا عادل. أنا موافقة. عادل بيطلع وبيكلم مع أم أحلام، وخلاص بيحددوا معاد الفرح بعد خمس أيام، الخميس الجاي. أحلام وهالة بيناموا في اليوم ده وكل واحدة بتفكر. هالة في عادل، وإنه إزاي قدر يفهمها من غير ما تنطق، وكان ده مسبب لها غموض في حاجات كتير. وأحلام كانت بتفكر في خالد، وبتفكر يا ترى هتشوفه تاني.

أحلام بتصحى، بتروح على مكتبها وبتخلص، وبتروح تقعد تاني على البحر. بس المرة دي بتروح على أمل إنها تشوف خالد وتعرف اسمه إيه. وفجأة بتلاقي اللي بيحط الجاكت على كتفها. بتبص، بتلاقيه هو. خالد: وحشتيني. أحلام: ؟؟؟؟ أي. خالد: أنا آسف، صدقيني مش عارف أنا قولت كده إزاي. بس أنا طول الليل كنت بفكر فيكي وفي اسمك، طول الليل بحلم بأسمك. خالد بيفوق لنفسه تاني. خالد: أنا عارف إن المفروض مقولش كده، بس تفتكري أنا إيه اللي بيحصلي؟

أحلام: هو انت حبيت قبل كده؟ خالد: لا. أحلام: يبقى طبيعي جداً. أنا أصلاً حلوة وكلامي بيشد أي حد. خالد بيقرب على أحلام وبيشيل شعرها اللي بيبقى من الهوا عمال يجي على وشها. ولسه هيكلمها، بياخد باله من الدبلة اللي في إيده وإنه متجوز. أحلام: كنت عايز تقول حاجة؟ خالد بتوتر: لا، أنا لازم أمشي. أحلام: حابة أقولك حاجة قبل ما تمشي. أنا كمان حسيت بنفس الإحساس. أول مرة أحس إني عايزة أشوفك و... خالد: لو سمحتي، أنا لازم أمشي.

خالد بيسيبها وبيركب عربيته وهو شايف أحلام واقفة لسه مكانها، مش فاهمة حاجة. خالد بيبقى سايق وبيفتكر إنه وعد نسرين إنه مش هيعمل أي حاجة تقلل كرامتها كأنثى. بتعدي الأيام وبيجي يوم فرح هالة. خالد: انت قولت لي إن أحلام متجوزة ولا آنسة؟ هشام: أنا بعت لك كل حاجة في الظرف، انت مشفتهوش؟ خالد: نسيت، هنزل المكتب أفتحه وأشوفه. هشام: عموماً، هي بنت عندها 31 سنة ولسه متجوزتش. خالد: ومش هتتجوز. أظن انت كده عرفت انت هتعمل إيه.

هشام: متخافش، هالة النهارده هترجع ست مش بنت لأمها.