رواية لقب عانس الفصل الثاني عشر 12 - بقلم هاجر حسين

نسرين: انتي لازم تحلي الموضوع ده بسرعة. المفروض بطني تكبر وأنا مش حامل. خالد: انتي أي مش حامل؟ يعني أنا ملمستكيش ومجيتش جنبك؟ نسرين: أنا... أنا... خالد: انتي أي يابنت! وبيروح شاددها من شعرها ومجرجرها على السلم. لتحتجابر: انت بتعمل إيه؟ انت مش عارف دي بنت مين؟ خالد: عارف وفاهم، بس انت عارف إن مرات ابنك المصون مش حامل وضحكت علينا، وكانت هتجيب عيل من الشارع أول ما يجي معاد الولادة. جابر: انت بتقول إيه يا خالد؟

خالد: بقول كفاية يابابا. وإذا كان على شراكة أبوها معانا، فاأحب أقولك إنها انتهت، وإننا هنفضل واقفين على رجلينا زي ما إحنا. خالد: انتي طالق طالق طالق. مشوفش وشك هنا تاني. جابر: بيبقى واقف مزهول من رد فعل خالد وأسلوبه. خالد: عارف إنك مستغرب، بس أنا اتجوزت. جابر: بعصبية. خالد: أيوه يابابا اتجوزت من واحدة أنا عايزها ونفسي فيها. جابر: المحامية؟ خالد: عرفت إزاي إني اتجوزتها؟ جابر: أنا عارف امتى وفين وازاي اتجوزتها.

خالد: وممنعتنيش؟ جابر: كان عندكم حق. الجواز بالذات مش بالعافية، حتى لو كان عشان ترضوا أهلكم. أنا كنت بشوفك قصاد عيني كل يوم وانت بتنطفي نتيجة قراري. بس لما شوفتك مع أحلام عرفت قد إيه إن الحب بيغير، حتى لو مكنش حب بس متفاهمين. خالد: يعني انت موافق على أحلام يابابا؟ جابر: روح هات مرات ابني وتعالى، هتلاقيني مستنيكم. خالد بيسيب جابر وبيجري. مراد: رايح فين؟ خالد: رايح أجيب مراتي. مراد: عايز أجي معاك.

بتعدي أيام وخالد ومراد بيحاولوا مع أحلام. أحلام: بقي اللي ينقذك هو مراد اللي سجنته، واللي طلع أخو خالد؟ هالة: متظلميش خالد يا أحلام. خالد بيحبك. أحلام: لو بيحبني مكنش كدب عليا. هالة: هو كدب عشان ميخسركيش. أحلام: بس ده متجوز ومراته حامل. هالة: أظن إنك لازم تسمعيه يا أحلام، ولو لمرة. ممكن عنده تبرير. أحلام: اتجوزني وهو متجوز ومراته حامل، وأهله عايشين مش ميتين، وأبو طلع جابر. عارفة ياهالة اللي يشفع له عندي إن أخو مراد.

هالة: أخو مراد؟ أحلام: أخو مراد. هالة: انتي مش كنتي كارهة؟ دلوقتي؟ أحلام: أنا كارهة عشان ابن جابر، لكن هو كشخص أنا ظلمته. مراد اتحمل المسؤولية للآخر، وأبوه هو اللي كان عايز يطلعه بأي تمن. وكبر في نظري أكتر لما أنقذك من عادل. هالة: مراد. أحلام: أيوه مراد شب قمر وعسل وراجل كده. وكفاية إنه أخو جوزي. هالة: دلوقتي خالد بقى جوزك. أحلام: اسمعي بقى. الواد شكلُه بيحبك. لو وافقتي عليه، هوافق أنا كمان وأرجع مع خالد.

هالة: مينفعش يا أحلام. ده لسه شاب متجوزش، وأنا... أنا... أحلام: انتي أي؟ أوعي تفتكري إن عشان مريتي بتجربتين وفشلوا، تبقي الحياة انتهت. طول ما انتي فيكي نفس، هتعيشي تاني وتالت ورابعة. هالة: أنا مش زعلانة على اللي حصل يا أحلام. أنا استاهل كل ده ورضيانة، بس مراد يستاهل واحدة أحسن مني. في اللحظة دي بيدخل مراد. مراد: واستاهل ليه أحسن منك؟ انتي ناقصة إيد رجل عقل؟ ما انتي زي الفل أهو. وحتى لو ناقصة عقل هحبك برضه.

هالة: أي... مراد: أيوه ياهالة بحبك. عارفك مستغربة، بس الحب ده مش بإيدينا ياهالة، ده بإيد ربنا. وربنا اللي خلاني أقع في حبك. انتي مين وفين وإيه اللي حصلك؟ معرفش. كل اللي أعرفه إني حبيتك، وإني هفضل معاكي. هالة: هتفضل حتى لو مش عايزاني؟ مراد: هفضل موجود لحد ما ربنا يأذن بالفراق. هالة: يعني هتسبيني؟

مراد: انتي اللي بتسبيني، بس أنا مش هسيبك. قولتلك الحب اللي في قلبي ربنا اللي حطه من ناحيتك، وهو اللي قادر يشيله. ولحد ما ربنا يأذن، هفضل أحبك ياهالة. هالة: أنا مش قادرة أفهمكم.

مراد: ياهالة الحب جميل قوي. ومحظوظ اللي يجيله الحب ويتمسك بيه. كداب اللي قال إن فيه بنت عانس، أو إن البنت لو كبرت وراحت عليها، تبقى عانس. العانس الحقيقي هي اللي بترمي نفسها على أي فرصة من غير ما تفكر في اللي جاي. العانس الحقيقي هي بتقتل نفسها في علاقة عشان كبرت ولازم تتجوز. مفيش بنت عانس. أحلام: اسمحي لي أنا أكمل.

أحلام: مفيش حاجة اسمها عانس. إحنا اللي بنعمل من نفسنا عانس لما نرضى بحاجات إحنا مش عايزينها، ومن جوانا مش متقبلينها. ساعتها بس بيبقى اسمك عانس. مراد: الله عليكي يا أخت خطيبة. هالة: خطيبتكم؟ مراد: هو أنا مقولتلكيش؟ أنا لسه خطبتك من ماما في حضور بابا كمان، والكل وافق. هالة: بس أنا مش موافقة. مراد: أحلام ممكن تسيبينا شوية؟ مراد: اسمعي ياهالة، مش معنى إنك ارتبطتي بيا إنك مجبورة تبادليني نفس المشاعر.

هالة: وانت هتفضل مستنيني لحد ما أتغير؟ مراد: هستناكي العمر كله. مراد بياخد هالة في حضنه وبيطلعوا بره. بيلقوا جابر وأم هالة وأحلام بيهزروا مع بعض. أحلام: احم احم. نحنا هنا. جابر: أنا بقول ناخد مدام أمال معانا بدل ما تعيش لوحدها. خالد: والله الرأي رأي العروسة. أحلام وهالة في صوت واحد: ماتردي ياعروسة. الأم: اللي يشوفه جابر بيها. أحلام: بس انتي كبيرة ياماما وراحت عليكي، ولامؤاخذة كده عانس. خالد: يعني هتروحي معايا؟

أحلام: أفكر. خالد: ضحكت يعني قلبها مال. مراد: طب وإحنا مش هنروح؟ هالة: لسه بدري على روحتنا يا أستاذ. مراد: بحبك ياهالة.