رواية لكنها ابنتي الفصل الحادي عشر 11 - بقلم هاجر حسين

فريد..أسد لازم يموت. ريم..بتخلي الدكتور يكمل علاج أسد من البيت وبتنقل أسد على بيتنا. ناهد..أنا مش عارفه أشكرك إزاي. ريم..تشكريني أنا؟ كنت فاكرة إنك هتزعقيلي بسبب اللي حصل. ناهد..أنا عرفت كل اللي حصل وإزاي أسد قدر يتعرف على اللي قتله. ريم..معاكي حق، بس أنا خايفة عليه. أسد لحد دلوقتي مصحيش. ناهد..والصفقة بكرة. ريم..مش مهم الصفقة، المهم عندي دلوقتي ابني أسد. ناهد..بيبقى لازم ترجع على الشركة عشان ملفات مهمة.

وفعلاً بترجع. ريم..لسه هتدخل مكتبها بتلاقي مكتب أسد منور. بتروح تشوف مين. بتلاقي فريد قاعد على مكتب أسد. ريم..أنت بتعمل إيه هنا؟ فريد..بطمن على مكاني الجديد. ريم..عمرك ما هتاخد مكانه. المكان ده لأسد وهيفضل طول عمره ليه. فريد..مالك متعصبة أوي كده ليه؟ أنتِ حبيتيه ولا إيه؟ ريم..ده حتى مجنون. فريد..المجنون ده أحسن منك يا قاتل القتلة. فريد..لا، حقيقي ابتديت أخاف. فريد بيقوم من مكانه وبيِقرب من ريم وبيمسكها من جمبها.

فريد..اللي أنتِ بتعمليه ده غلط. أنتِ بتدفي شبابك جنب واحد مجنون. وأنتِ واحدة ست، وأكيد ليكي متطلبات. فريد بيدوس أكتر على وسط ريم. ريم..بتروح بعده فريد من عليها وضربه بالقلم. ريم..آه يا حيوان يا ندل! أنا مش عارفة إزاي فكرت في يوم إني أحبك. إزاي مشفتش وشك الحقيقي. فريد..بجنون ورجع يمسك ريم من إيديها بقوة. فريد..أنتِ مستحيل تبطلي تحبيني. أنا حبك الأول وهفضل حبك الأول. لا فيه قبلي ولا هيجي بعدي. أنتِ فاهمة.

ريم..سيب إيدي يا فريد، أنت بتوجعني. فريد..صدقيني يا ريم، أنا بحبك. وبعدين دلوقتي أنا حبيتك أكتر. بس عشان نبقى مع بعض وأسامحك على كل حاجة عملتيها. فريد..لازم تبقي معايا يا ريم. أسد لو مات، أنتِ اللي هتبقي الوريثة الشرعية لإمبراطورية أسد المنياوي. وساعتها نتجوز وأبقى أنا وأنتِ رقم واحد في عالم التصميم. ريم..أنت صعبان عليا أوي يا فريد. أنا وأنتِ ورجع انت بتحلم. أنا استحالة أرجع لك تاني. بعدين حب إيه؟

أنت حتى الكره خسارة فيك. وحقيقي أنا مبسوطة لك بمراتك جداً. أنتوا الاتنين لايقين على بعض. ريم..اطلع بره، اطلع بره بدل ما حرم أسد المنياوي تنديلك الحراس. فريد..قصدك حرم المجنون. ريم..حتى لو فيه أي، أسد هيفضل جوزي طول عمري. *** فريد بيرجع البيت وبيضحك جامد. ملك..بتضحك على إيه؟ فريد..أصل بصراحة كنت في الأول مضايق وقولت مش معقول يكون كل اللي بيحصل ده عدل. لكن اللي حصل في الآخر كان غير متوقع خالص. ملك..ما تفهمني بقى.

فريد..ريم اتجوزت واحد أهبل. ملك..فريد، أنا مبقتش فاهمة حاجة. أمي تقولي ميكانيكي وبيطلع أسد المنياوي، وأنت بتقولي أهبل. يا ترى هيطلع مين؟ فريد..أسد المنياوي. ملك..لا، أنا مبقتش فاهمة حاجة. فريد..أسد عمل حادثة ولما صحي اتحول لطفل وتصرفاته كلها بقت أطفالي. يعني أسد المنياوي بقى مجنون رسمي. ملك..وهي بتتلون. ده عقاب ربنا. بس برضو لا حرام. ريم متستهلش كده. أنا لازم أشوفها. فريد..اعملي اللي تعمليه.

ملك بتسيب فريد وبتنزل عشان تروح لريم. بتقابل أم فريد في وشها. أم فريد..أنتِ مش ملاحظة إن خروجاتك كترت؟ ملك..وأي المشكلة؟ ده مضايقك في حاجة؟ أم فريد..يا بنتي مش قصدي… بس أنتِ دلوقتي متجوزة. ملك..وعشان متجوزة أتمنع من الخروج ولا إيه؟ بقولك إيه، وسعي لي كده. مبقاش إلا أنتِ كمان. أم فريد بتقف مصدومة من اللي سمعته من ملك. *** في ڤيلا المنياوي. ناهد..الباب يا عثمان. ملك..مساء الخير. ناهد..أنتِ إيه اللي جابك هنا؟

ملك..مش بيت أختي ولا إيه؟ بعدين جاية أهنّيها بجوازها. صحيح، فين جوزها المجنون؟ يوه، قصدي أسد بيه. ناهد..احترمي نفسك يا ملك. أنتِ هنا في بيتي، وممكن أطردك دلوقتي. ملك..ومين اللي هيطردني؟ أنتِ ولا الهبلة ريم اللي مبتعرفش تاخد حقها من حد؟ ناهد..نفسي أعرف الغل ده كله جايباه منين وليه الكره ده لريم. ملك..بقولك إيه، متوجعيش دماغي. أوعي كده. ملك لسه هتزوق. ناهد بتيجي ريم وبتمسك إيدها. ملك..سيبي إيدي ياريم.

ريم..بتبص لملك بصة استحقار لأسلوبها الرخيص. وفي ثواني بتنزل بقلم على وشه. ملك..غلطتي أوي لما رفعتي إيدك عليا. ريم..يا حراس، طلّعوها بره وممنوع تدخل هنا تاني. ملك..بصوت عالي. اللي أنتِ عملتيه ده هتدفعي تمنه غالي، غالي أوي يا ريم. وبتمشي وتسيبها. *** ناهد..عملتي كده ليه يا بنتي؟ ريم..كان لازم تفوق. مش كل حاجة هتعوزها هتاخدها. لازم تعرف إن سكوتي مش ضعف خالص، وإني اكتفيت من أساليبها الرخيصة.

ناهد..أنا فخورة بيكي أوي يا ريم. النهارده بس قدرت أعرف إن ورا كل ضعف قوة. ريم..أهم حاجة دلوقتي أنا هروح بكرة على الشركة وأنتِ هتبقي هنا مع أسد. خلي بالك منه. ناهد..هتوصيني على ابني… وبتاخد ريم في حضنها. *** في الصباح. ريم في الشركة وأصحاب الصفقة بييجوا. بحضور ريم وكمان فريد ودراع أسد اليمين أكرم. أكرم..متخافيش يا ريم. أنا واقف معاكي والصفقة هناخدها إن شاء الله. ريم..أنت اتأخرت كده ليه يا أكرم؟

أنت عارف إني مبعرفش أتصرف من غيرك. صاحب الصفقة..مدام ريم، أنا مقدر مجهوداتك المبذولة وإزاي قدرتي تجمعينا وتجمعي منافسك في حتة واحدة. صاحب الصفقة..لكن للأسف الصفقة كان ممكن تبقى للشركة لو أسد بيه موجود. بس طالما… أسد بيه مش في حالته الطبيعية دلوقتي فا… في الوقت ده… ناهد..عثمان، هتلي كوباية عصير. عثمان..بيجيب عصير لكن بيبقى حاطط فيه منوم، وناهد بتنام. وعثمان بيروح يفتح الباب لشخص مجهول.

عثمان..أنا كده هروح في داهية لو حد عرف. المجهول..متخافش، محدش هيعرف حاجة. المجهول..بيطلع على أوضة أسد وبيدخله جوه. المجهول..تحب تلعب معايا؟ أسد..أ أ أ ألعب. آه، آه. أنا بحب ألعب. المجهول..هالعّبك لعبة حلوة بس لازم تنزل معايا من غير صوت. أسد..طب وماما؟ أنا مبعملش حاجة من غير ما أقول لها. المجهول..متخافش، ماما كمان بتلعب معانا. يلا بينا. أسد..بينزل مع المجهول وبيركب العربية بتاعته. أسد..آيوه، آيوه. أنا بحب السواقة.

المجهول..طيب يلا. أنا هتّنقل هنا وأنت سوق. المجهول بيبقى واخد أسد على حتة آخر الطريق بتاعها جبل وتحتيه صخور وبيسيب أسد وبينط من العربية. أسد..أنا بسوق، أنا بسوق. المجهول..بيفضل واقف من بعيد وهو شايف العربية وهي خلاص هتقع من على الجبل. وبالفعل بتقع وووووو.