رواية لكنها ابنتي الفصل الثاني عشر 12 - بقلم هاجر حسين

المجهول.. بيفضل واقف من بعيد وهو شايف العربية وهي خلاص هتقع من على الجبل. وبالفعل بتقع. (في الوقت ده) صاحب الصفقة: مدام ريم أنا مقدر مجهوداتك المبذولة وإزاي قدرتي تجمعيني وتجمعي منافسي في حتة واحدة. لكن للأسف الصفقة كان ممكن تبقى للشركة لو أسد بيه موجود. بس طالما... أسد بيه مش في حالته الطبيعية دلوقتي، فالصفقة هتروح لفريد. ريم: يعني إيه مش في حالته الطبيعية؟

أسد المنياوي واعي وفي كامل قوته العقلية، بس مش هينفع يجي الصفقة. صاحب الصفقة: دي التعليمات يا مدام. أنا عارف إن أسد بيه مكانه وكل حاجة، بس ده النظام. فريد: خلاص يا ريم المرة الجاية بقى يا حبيبتي. فريد: استاذ ماجد صاحب الصفقة... يلا نمضي العقود. ماجد: اتفضلوا. أنا آسف جداً مدام ريم. ماجد: لسه بيطلع الأوراق عشان يمضي هو وفريد. أسد: بالسرعة دي؟ طب مش تستنى شوية حتى. فريد: بيبص بيلاقي أسد قصاده وبيبقى مصدوم.

وبيبص لحد في الاجتماع بشر. وبيروح قايم وماشي. أسد: ما تبصلوش أوي كده، هو كمان هيحصلك دلوقتي. فريد: لسه بيطلع من أوضة الاجتماعات بتقابله الشرطة وبيقبضوا عليه. أسد: نفسي أعرف أنت شفت مني إيه وحش عشان تعمل كده فيا؟ جبت الوساخة دي منين؟ ده أنا اللي مربيك! أكرم: لسه هيتكلم. الشرطة بتاخده وتطلع بره. أسد: مستر ماجد آسف جداً على كل اللي حصل. أنت كنت عايز أسد المنياوي وأسد قصادك أهو وفي كامل قواه العقلية.

هتمضي العقود ولا إيه؟ ماجد: أكيد طبعاً. اعتبرهم اتمضوا. ماجد: بيمضي على الورق هو وأسد. بعدين بيمشي ويسيبه. ومبيبقاش فيه غير أسد وريم. أسد: أنتي مين؟ ريم: أنا... أسد: إيه؟ ريم: أنا ابقى... ولسه هتكمل. ييجي تليفون لأسد وبيتطر يطلع بسرعة. ريم: وهي بتكلم نفسها... إيه يعني كنتي فاكرة هيخدك بالحضن؟ ده تلقيه نسي أنا مين. مش مهم المهم إنه رجع وبقى كويس. ريم: بتاخد نفسها وبتطلع على البيت. *** في الوقت ده.

أسد: بيروح ڤيلا الشرقاوي. الشرقاوي: حمدلله على السلامة يا أسد. أسد: بلامبالاة. فين تاليا؟ وبيروح طالع بسرعة. تاليا: أسد! وبتروح جاريه عليه. أسد: أنتي كويسة؟ أول ما سمعت الخبر جيت بسرعة. تاليا: متسبنيش تاني يا أسد. عشان خاطري متسبنيش. تاليا: بتبقى حاضنة أسد وبتغمز لأمها من الناحية التانية. أسد: أنا لازم أروح الڤيلا دلوقتي. تاليا: أنا مش هسيبك لحظة. رجلي على رجلك. أسد: بيخدها في حضنه وبيروحوا على الڤيلا. ***

في بيت ملك. أم فريد: يلا يا بنتي نروح لفريد القسم. ملك: أروح لمين يا أختي؟ أروح لقاتل القتلة برجلي؟ بقولك إيه؟ أنا رايحة عند ماما. وورقة طلاقي تجيلي بدل ما أرفعها أنا عليكم. أم فريد: بتقرب من ملك ولسه هتلمسها. بتروح ملك زقاها على الأرض. وواخدة شنطتها وماشيه. أم فريد: حسبي الله ونعم الوكيل. أنا اللي اخترت. *** في القسم. أكرم: هنعمل إيه دلوقتي يا فريد؟ فريد: يعني هنعمل إيه؟ هتشلها كلها. أكرم: أنت بتقول إيه يا باشا؟

قضية إيه اللي أشلها لوحدي؟ ده شروع في قتل. فريد: 50 مليون. أكرم: بيبتدي يفكر ويهدى. أكرم: بس أسد ده صاحب عمري. فريد: ماهو باين 80 مليون ومتكلمش. أكرم: حيث كده بقى 100 مليون. وأنسى إن اسمك ييجي في القضية أصلاً. الظابط: بييجي. وأكرم بيعترف بكل حاجة على نفسه. وفريد بيطلع منها. أم فريد: ابني! وبتروح جاريه عليه. فريد: إيه اللي جابك هنا؟ وبعدين فين ملك؟ أم فريد: مش وقته يا فريد. خلينا نروح على البيت الأول.

فريد: بقولك فين ملك؟ أم فريد: ملك طالبة الطلاق يا ابني. فريد: طلاق ومن مين؟ مني أنا؟ بقولك روحي على البيت. أم فريد: يا ابني اغزي الشيطان وتعالى معايا. فريد: ماما أنتِ اطمني عليا خلاص. لو سمحتي ارجعي على البيت. فريد: بيركب أمه العربية وبيسبها تروح. وبيروح يركب عربيته. فريد: الو. أكرم يموت النهارده. فايز المحامي: أنت مش اتفقت معاه على 100 مليون ويشيل القضية؟ فريد: أكرم عضمه طري ومش هيستحمل السجن.

وكل شوية هيقولي كبر المبلغ. وأنا في الحالتين كنت هقتله. بس بعد ما أطلع من قضية أسد. فايز: أمرك. فريد: هستنى تليفون تقولي فيه إنك عملت المطلوب. *** في بيت أم ملك. أمل: إيه اللي جابك من بيتك دلوقتي؟ ملك: إيه اللي جابني؟ اللي جابني الجوازة المهببة اللي انتو جوزتهاني. فريد طلع قاتل قتلة. هو اللي كان مدبر قتل أسد. أنا جوزي يطلع قاتل قتلة. والست ريم تتجوز أغنى رجل في عالم التصميم. ملك: بقولك إيه؟ أنتِ لازم توقفي معايا.

أنا لازم أدمر حياة ريم. الأم: بصفعة قوية على وش ملك. أنا مش قادرة أصدق إن أنتِ بنتي من لحمي ودمي. جايبة الكره ده كله منين؟ فريد: وخدتيه منها وقلتي عليه حب عمرك. واتجوزتيه. ودلوقتي جاية تقولي إن هي اللي دمرت حياتك. الأم: أنتِ اللي دمرتي حياتك بأنانيتك. ولازم تعرفي حاجة أخيرة. لو قربتي على حياة ريم. لا انتي بنتي ولا أعرفك. وأنا اللي ساعتها هقفلك يا ملك. أنتِ فاهمة؟ *** في ڤيلا أسد المنياوي.

أسد: دخل الڤيلا وفي وهو ماسك في إيده تاليا. ناهد: وهي طالعة بريم من الأوضة. أسد: هي مين دي؟ وبتعمل إيه هنا؟ أنا مش لسه سايبك في الشركة. ناهد: هو أنا مش قولتلك البنت دي متدخلش البيت ده. أسد: ماما أنتِ عارفة إن ده مش موضوعنا. أنا بسألك البنت دي بتعمل إيه هنا؟ ناهد: البنت دي مراتك...