رواية لكنها ابنتي الفصل الرابع عشر 14 - بقلم هاجر حسين

أسد.. أنا قولتلك تمشي. انتي هتستني هنا لحد بليل، واللي أنا أقول عليه هو اللي هيمشي. انتي فاهمه؟ ريم.. انت عايز مني إيه تاني؟ مش كفاية إهانة لحد هنا؟ أسد.. (بيسيب ريم وبينزل تحت) أسد.. عثمان! عثمان.. أمرك يا أسد بيه. أسد.. عندك كام ولد؟ عثمان.. اتنين يا بيه، بنات. أسد.. أمك عايشة؟ عثمان.. أيوه يا بيه، وهي اللي بتربي البنات. أسد.. طب خد ده، حطه لولدتك في الأكل. عثمان.. أنا مش فاهم حاجة يا باشا.

أسد.. مش مهم تفهم، المهم تاخد اللي معاك ده. سم، ومقابل السم ده 10 مليون، وتق، ل أمك. عثمان.. انت بتقول إيه يا أسد بيه؟ ولا ملايين الدنيا تخليني أعمل كده. أسد بيمسك عثمان وبينزل فيه ضرب. أسد.. لما انت كده ومش راضي تأذي أمك، أذيت أمي ليه؟ أسد.. كنت فاكر إني مش هعرف اللي أنت متعرفوش، إن الذكرى رجعتلي يوم ما شفت فريد. وفضلت كده عشان أعرف مين اللي وراه. عثمان.. والله يا باشا أنا عبد المأمور، وهددوني بأولادي.

أسد.. أنا مش هدخلك السجن عشان اللي متعلقين في رقبتك، بس شغل ليك هنا مفيش. والفلوس اللي بتيجي لبناتك كل موسم هتفضل زي ماهي. اطلع، متورنيش وشك تاني. ناهد.. ليه عملت كده يا أسد؟ أسد.. كنتي عايزاني أعمل إيه بعد اللي عملوه فيكي؟ حتى لو مأذوكيش، بس أنا مش هقدر أثق فيه تاني. ناهد.. ريم. أسد.. بفكر أطلقه. ناهد.. حتى بعد ما شفت كل حاجة، هي عملتها معاك وانت تعبان.

ناهد.. بص يابني، أنا هقولك حاجة واحدة. ريم متتعوضش، وعمرها ما طلبت فلوس أو خدت فلوس يابني. واللي أنا شوفته في البنت دي يأكدلي إن دي اللي هتسعدك يابني. والقرار عندك. ناهد.. (بتسيب أسد وتمشي خطوتين، وفجأة بتقف) ناهد.. أسد. أسد.. أيوه يا ماما. ناهد.. آخر حاجة هقولها ليك قبل ما أمشي. أسد.. تمشي؟ ناهد.. أيوه، أنا كنت نذرت إن أول ما أقوم بالسلامة، لازم أزور كل الأماكن. وهاجي بكرة لو الوقت اتأخر. ناهد.. (قبل ما تمشي)

ريم بتحبك يا أسد. ناهد بتسيب أسد وتمشي. وأسد بيفضل يتردد في دماغه كلمة "ريم بتحبك". لحد ما بيطلع، وبيكون واقف قصاد أوضة ريم. أسد.. (واقف، شايف ريم بترسم ومندمجة جداً، وبتخلص رسم وبتدخل الحمام) أسد.. (بيدخل يبص على رسم ريم، وبيلاقي فستان بلون الأزرق، وورود بيضه صغيرة ورقيقة على كم الفستان والديل) أسد.. (بيندهش من التصميم، وبيطلع تليفونه وبيصور التصميم، وبيمشي) في بيت أمل.. ملك.. أنا نازلة يا ماما. أمل.. رايحة فين؟

ملك.. عند واحدة صحبتي. أمل.. طب متتأخريش. ملك.. (وهي بتكلم نفسها) طول ما أنا مش مبسوطة، انتي كمان مش هتنبسطي. في الشركه.. أسد.. الفريق كله يجمع. التصميم هيتنفذ انهاردة. الفريق.. بس ده مستحيل، الخامات والأقمشة. أسد.. انتو مش هتشتغلوا فيه، أنا عايز في ظرف ساعة تكون كل الخامات عندي. أنا اللي هعمل الفستان. يلا اتفضلوا على معمل الباترون، بتكونوا خلصتو. مفهوم؟ أسد.. (بيقعد يشتغل كتير جداً، لحد ما خلاص بيكون بيفنش الفستان)

السكرتيرة.. أسد بيه، في واحدة عايزك بره. أسد.. مين؟ السكرتيرة.. بتقول إنها أخت المدام بتاعت حضرتك. أسد.. طب دخليها. أسد.. أهلاً وسهلاً، اتفضلي. ملك.. أنا جاية أحذرك. أسد.. تحذريني؟ ملك.. ريم مش زي ما أنت شايفها وعارفها. ريم كانت على علاقة بجوزي. أسد.. جوز مين؟ وإيه اللي بتقولي ده؟ ملك.. فريد. أسد.. بعد الاسم ده، أنا استحالة أصدقك.

ملك.. حقك، بس لازم تعرف إني سبت فريد، واتطلقت منه. فريد.. ريم لفت عليه زي ما لفت عليك بالظبط. ولما لقت فريد متمسك بيا، لفت عليك انت. أسد.. وأنا المفروض أصدق الكلام ده؟ ملك.. أنا اتطلقت من فريد عشان القضية اللي عليه. ولما عرفت إن انت اللي رافع القضية، حسيت إنها ممكن تكون خطة من فريد وريم عليك، خصوصاً بعد ما طلبت الطلاق وفريد وافق بكل سهولة. أنا جاية أحذرك من ريم، وانت حر. ميغركش الوش البريء، ريم شيطان على وش ملاك.

ملك.. بعد إذنك.. (وبتروح سايبة أسد وماله ماشية) أسد.. (بيقعد يفكر في كلامها، وبيروح فاتح الكاميرات، وبيلاقي فريد بيقرب من ريم وماسكها من وسطها) (ساعة اليوم اللي فريد دخل فيه مكتب أسد) أسد.. (بيركب عربيته، وبيروح على بيت ملك) أمل.. أسد المنياوي. أسد.. مش هتخليني أدخل ولا إيه؟ أمل.. إزاي، اتفضل يابني، ادخل. أسد.. أنا جاي أسألك سؤال واحد بس وهمشي على طول. أمل.. خير يابني، ريم كويسة؟

أسد.. ريم تمام والحمد لله. أنا بس عايزك تجاوبيني بكل صراحة. أسد.. ريم كانت على علاقة بفريد؟ آه ولا لأ؟