رواية لكنها ابنتي الفصل السابع 7 - بقلم هاجر حسين

ريم..بصدمه..فريد انت اللي جابك هنا المفروض تكون في الفرح دلوقتي مع ملك. فريد..بيدخل ويقفل الباب. ريم..انت بتعمل إيه؟ فريد..بعمل الصح والصح إني أكون معاكي وليكي انتي. انتي عارفه إني مبحبش ملك. ريم..وأنا مش ليكي يا فريد. واتفضل امشي بدل ما أعلى صوتي والناس تسمعنا. فريد..هو أنا مكنتش حاجة بالنسبالك خالص كده؟ ريم..وهي بتحاول تمسك نفسها..أيوه يا فريد، أنت ولا حاجة بالنسبالي.

فريد..وهو بيمسك ريم بقوة..أنا مستعد أنهي كل الفرح ده بس انتي قولي إنك معايا. ريم..أنا كده هتأخر على الفرح يا فريد. لو سمحت امشي. فريد..الرد وصل يا ريم. بس صدقيني هتندمي. *** (في فرح ملك وفريد) ريم..بتيجي وهما بيكتبوا الكتاب خلاص وواقفة بتتفرج عليهم وبتفتكر ذكرياتها مع فريد. الفرح بيخلص وملك وفريد بيسافروا وريم وأمها بيرجعوا على البيت. (في الوقت ده) الشخص اللي بيكلم الست..ملك خلاص اتجوزت وتقدري تظهري دلوقتي.

الست..تمام. مهمتك انتهت هنا. وقت ما أحتاجك هتصل بيك. (في نفس اليوم بليل) تليفون ريم بيرن. ريم..ألووو. الست..معادي معاكي بكرة. عرفي ولدتك. ريم..بس.. ولسه هتكمل كلام السكة بتتقفل. (في الصباح) الأم..صباح الخير يا ريم. ريم..صباح النور. الأم..بما إن البيت مبقاش فيه غيري أنا وانتي. قوليلي بقا ناوية تعملي إيه؟ ريم..في إيه؟ الأم..أنتي اتخرجتي من كلية التجارة. مش هتنزلي شغل؟ ريم..بحزن..كنت هنزل أتدرب في شركة فريد.

الأم..أنتي تبعدي عن فريد خالص. أنتي فاهمة؟ ريم..بكسار..متخافيش. مش هتشوفوا وشي تاني. الأم..يعني إيه؟ ريم..هتجوز. الأم..ده اللي هو إزاي؟ وإزاي أنا معرفش يا ست ريم؟ ريم..عمتنا هما جايين انهاردة وأنا موافقة. الأم..أنا هنا اللي أقرر مش انتي. ريم..لأول مرة بتقف قصاد أمها..ريم..ودي حياتي. المرة اللي فاتت اختو مني حبي. والمرة دي أنا مش هتخلى عن قراري.

الأم..بتتصدم من كلام ريم وإزاي بقت قوية كده وبترد عليها. وبتروح سايباها وماشية. (في أوضة الأم) الأم..ألووو ملك حبيبتي. معلش لو بتصل بيكي يوم الصباحية. ملك..بعصبية..صباحية إيه اللي بتتكلمي عنها؟ بنتك لسه بنت زي ما هي. الأم..ينهار أسود. إزاي؟ ملك..فريد مقربش مني. أكيد العقربة اللي اسمها ريم لسه مسيطرة عليه. الأم..لا ياحبيبتي. معتقدش إن ريم أصلاً بتفكر فيه. ملك..مالك يا ماما؟ شايفاكي متأكدة أوي.

الأم..عشان ريم جايبة عريس وجايين انهاردة. ملك..بسخرية..عريس وبسرعة دي؟ وده مين تعيس الحظ؟ الأم..لسه لما أشوفهم الأول. ملك..أوعي يكون غني يا ماما. أنا مش عايزة ريم تكون غنية زيي. لو غني متوفقيش. وكده كده هي لسه صغيرة لحد ما يجيلها نصيبها. الأم..متخافيش. أنا أصلاً مش مرتاحة للجوازة دي. ملك..خلاص عرفيني أول بأول. وأنا هستنى منك تليفون. الأم..اتفقنا. (في الوقت ده) الست..جهزت كل حاجة.

الشخص..البطاقة المضروبة زي ما طلبتي. بس خليت اسمه زي ما هو وغيرت اسم الأب. الست..مش مهم. المهم دلوقتي إن أم ريم تبلع الطعم وتوافق. وساعة كتب الكتاب كل حاجة هتتغير. الشخص..بس تفتكري ريم لما تسمع الكلام الجديد اللي هتقوليه مش هتشك؟ بعدين انتي قولتلها لو طلبتي كل أملاكي تحت أمرك. لما تروحي وتتكلمي على إنكم ناس بسطاء. أكيد هتشك.

الست..كل اللي أنا متأكدة منه إن ريم مهما سمعت هتوافق في مقابل إنها تخرج بره البيت ده. أما بقا الحكاية اللي هألفها أنا عايزة بس الأم هي اللي تصدقها. وريم أنا عارفة هأقولها إيه. الشخص..تمام كده. الست..بالظبط. *** (في المساء جرس الباب بيرن) الأم..أهلاً وسهلاً. اتفضلي. الست..أهلاً بيكي. أنا ناهد. أم أسد. ناهد..أسد ادخل. أسد..شاب في الواحد والثلاثين من عمره. ذو شخصية حادة. لا يتكلم كثير. أسد..بيدخل ويقعد.

الأم..في سرها..رغم شكلهم اللي يعبر عن الفقر. لكن في حاجة غريبة في الشاب ده. رغم ملابسه البسيطة. بس برضه شخصيته قوية. يلا خلينا نشوف حكايتهم. الأم..بتريقة..وأسد بيه شغل إيه؟ ناهد..أسد شغال ميكانيكي قد الدنيا. الأم..ميكانيكي؟ انتي بتقولي إيه؟ وأكيد بقا معاهوش شهادة. ناهد..لا ازاي. معاه إعدادية. الأم..لا تمام أوي. ريم رررريم. ريم..بتيجي قصاد أمها ومبتبقاش باصة على أسد.

الأم..سمعتي اللي بيتقدم لك. يبقى ميكانيكي ومن غير مؤهل. يعني واخد إعدادية. ريم..وأنا موافقة. الأم..بتصنع..انتي اتجننتي؟ إيه اللي جاب خريجة تجارة لميكانيكي من غير مؤهل؟ ريم..أظن إن ده اختياري. الأم..يعني ده آخر قرار؟ ريم..أيوه. ناهد..خلاص خير البر عاجله. وأنا جبت معايا دبلتين. الأم..بتبص على الدبل وتضحك في سرها..كمان جايب دهب. ده لو شاف فريد هيغمي عليه. ناهد..بتقرأ الفاتحة وأسد بيلبس ريم الدبلة.

ناهد..معادنا بعد خمس أيام. الأم..بس مش بدري شوية؟ ناهد..ولا بدري ولا حاجة. أنا ابني جاهز. عنده شقة أوضتين وصالة. الأم..بتريقة..لا عدوكم العيب. خلاص بعد خمس أيام ريم هتبقى في بيتك. ناهد..بس قبل الفرح بيوم هنكتب الكتاب. الأم..إزاي؟ إحنا عندنا بنكتب الكتاب يوم الفرح. ناهد..بس دي عادات عندنا. الأم..تمام. يبقى بعد أربع أيام كتب الكتاب واليوم الخامس الفرح. (وبيمشوا وبرضو ريم بتبقى عيونها كلها في الأرض ومبتشوفش أسد) ***

الأم..بضحك مستمر..الوووو ملك. ملك..في إيه؟ إيه كل الضحك ده؟ الأم..مش هتصدقي أختك هتجوز ميكانيكي. ملك..انتي بتقولي إيه؟ أه صحيح. أنا كنت عايزها تتجوز أي جوازة والسلام. لكن مش لدرجة ميكانيكي. الأم..اهو اللي حصل. ملك..وهو اسمه إيه؟ الأم..لسه هتقولها إن اسمه أسد. الخط بيتقطع و...