رواية لكنها ابنتي الفصل الثامن 8 - بقلم هاجر حسين

لسه هتقولها إن اسمه أسد. الخط بيتقطع. عمالة تضحك. بيدخل عليها فريد. فريد: إنتي بتضحكي على إيه؟ ملك: لا ولا حاجة، بس بصراحة أنا مش فاهمة ريم عايزة مننا إيه. فريد: ريم في إيه؟ ملك: وهي مضايقة من اهتمام فريد. فريد: هتجوز؟ ملك: إمتى وفين وإزاي؟ فريد: عادي يعني ماهي ياما عملتها. ملك: قصدك إيه؟ فريد: قصدي أوعي تتغري في حجابها والتزامها، ريم مش كده. فريد: قصدك إيه؟ ملك: بعدين ريم هتتجوز مين؟ فريد: هتتجوز ميكانيكي؟

ملك: زي ما سمعت كده، ميكانيكي يا فريد. فريد: بس ده مستحيل، ملك موافقتش عليا، أنا صاحب أكبر شركة تصميم. ملك: قصدك تاني شركة تصميم؟ فريد بغضب: قصدك إيه؟ ملك: قصدي إن معروفة يعني، أكبر شركة معروفة هي شركة أسد المنياوي، دي الأولى في التصميم يا ابني. فريد وهو متعصب من كلام ملك: عموماً ده مش موضوعنا. ملك: قولتلك كل اللي أعرفه إن هو ميكانيكي، حتى ماما كانت هتقولي اسمه بس الخط قطع. *** في الوقت ده في أوضة ريم.

ريم: أنا مش فاهمة حاجة. ناهد: أنا عارفة إنك النهاردة في حاجات كتير مفهمتيهاش، بس صدقيني أنا مكدبتش عليكي في حرف. ناهد: وأنا لسه عند كلامي، أنا مستعدة أكتبلك كل أملاكي في مقابل سنة واحدة بس. *** بعد أيام بيجي يوم كتب الكتاب. الأم: كتب الكتاب هيكون فين؟ ناهد: هبعتلك عنوان الجامع. الأم: جامع؟ طب ما كنا كتبنا الكتاب يوم الفرح وخلصنا. ناهد: معلش، دي وصية والده إنه يكتبوا في المكان ده.

ناهد: أنا وصلت أنا وأسد وهنستناكم على ما تيجوا. (في الوقت ده) ناهد: عملت كل اللي قولت عليه؟ الشخص: كل حاجة زي ما طلبت. ناهد: ساعة كتب الكتاب لازم تشغلي أمل بأي حاجة. الشخص: متقلقيش، كل حاجة تحت سيطرتنا. ناهد: أمل. الشخص: ناهد هانم. ناهد: أيوه. الشخص: مش كان لازم الأول نعرف ريم قبل كتب الكتاب؟ ناهد بغضب: إنت تنفذ أوامري وبس، إنت فاهم؟ الشخص: أوامرك. *** الأم وريم بيوصلوا. الأم: أنا كنت فاكرة إن هيبقي معاكم حد.

ناهد: كلهم هيبقوا موجودين بكرة في القاعة إن شاء الله. المأذون بييجي ولسه هيبدأ. ناهد بترن على الشخص وفي ثواني الأم بيجيلها تليفون وبتقوم. المأذون: أين الشهود؟ وفي نفس اللحظة بييجي شاهدين على الجوازة. المأذون: هل تقبلين أسد قاسم المنياوي زوجاً لكِ؟ ريم: أقبل. الجوازة بتتم والأم بترجع بتلاقي أسد وأمه. ناهد: هخلي الميكروباص يجبكم بكرة. الأم: لا لا لا، إحنا هنيجي بالعربية. ناهد: لا والله، بعدين الطريق طويل للقاعة. ***

تاني يوم ريم وأمها واقفين في قصاد البيت مستنين الميكروباص. الأم: ريم، ثواني هعمل تليفون وأجيلك. ملك: إيه يا ماما، عملتوا إيه؟ الأم: واقفين مستنين الميكروباص. ملك: ميكروباص إيه؟ إنتي بتهزري؟ العروسة هتروح في ميكروباص؟ الأم: لسه هتكلم ملك بتلاقي عربية آخر موديل وقفت قصاد ريم ونزل منها السواق. السواق: اتفضلي يامدام ريم عشان أوصلك للقاعة. الأم: اقفلي إنتي دلوقتي يا ملك. الأم: إنتي مين؟

السواق: أنا السواق الشخصي بتاع المدام ريم، وأوامري أوصلها لحد القاعة. الأم بتركب ومبتبقاش فاهمة حاجة وبيوصلوا للقاعة. في القاعة بتيجي ناهد هانم ولسه أمل هتكلم بتشاور لها ناهد إنها تستنى. ناهد: مختار خد ريم على فوق عشان تجهز. الأم: أنا مش فاهمة حاجة، إنتوا مين بالظبط؟ ناهد: أنا هفهمك، أنا ناهد المنياوي، حرم المرحوم قاسم المنياوي صاحب أكبر شركات تصميم في الشرق الأوسط، وابنه أسد قاسم المنياوي يبقى جوز بنتك. الأم: إزاي؟

ناهد: تعالي دلوقتي معايا عشان جه وقت نزول العرسان. ريم وأسد بينزلوا والصحافة بتبقى في كل حتة وعينيهم على ريم اللي بتبقى نازلة بالفستان الأبيض اللي بيبقى قاسم المنياوي مصممه مخصوص لمرات أسد المستقبلية قبل ما يموت. الفرح بيخلص وأسد بياخد ريم وبيطلعوا على فيلا المنياوي. الصحافة: ناهد هانم، نعتبر اللي حصل ده عودة صريحة وموضحة لأسد بيه. ناهد: أسد طول عمره موجود ومغيّب عشان يرجع. أسد المنياوي طول عمره موجود. ***

في فيلا المنياوي. ريم قاعدة وشايفة أسد قاعد بعيد وعمال ياكل في ضوافره. ريم: إنت كويس؟ أسد بيفضل ساكت وبياكل في ضوافره أكتر لدرجة إنها بتجيب دم. ريم: وريني إيدك بتنزف. أسد بطفولة: ملكيش دعوة بيا. أسد في ثواني بيحط إيده على بقه: ليه كده؟ ليه خليتيني أتكلم؟ ماما دلوقتي مش هتجبلي شوكولاتة بسببك، أنا مبحبكيش، إنتي وحشة. ريم: بتتصدم لما بتلاقي أسد قصادها كده وبتروح فاتحة باب الأوضة بتلاقي ناهد في وشها.

ريم: ليه عملتي معايا كده؟ أنا وفقتك على كل حاجة، لكن ليه تظلميني وتجوزيني لواحد مش متوازن عقلياً؟ وبتسيبها وتمشي. ناهد: ريم، أنا مش همنعك تمشي، بس قبل ما تمشي اسمعيني يا بنتي لآخر مرة وبعديها اعملي اللي انتي عايزاه.