رواية لكنني احببتك الفصل الخامس 5 - بقلم شهد

الدكتور: انتوا متعرفوش ان فريدة عندها السكر. أمير بصدمه: السكر؟ الدكتور: اه. ولأنها مخدتش إبرة الأنسولين حصلها كده. أمير بص لليلي بغضب ورجع بص للدكتور وقال: تمام يا دكتور. ممكن ندخلها؟ الدكتور: هي لسه نايمة بس تقدروا، بس ياريت متزعجوهاش. شكلهم دخلوا يطمنوا على فريدة. عدا أدم وليلي. ليلي بصتله بغضب وقربت منه وضربته بالقلم. ليلي: انت وهي كنتوا السبب في موتها. أدم مسك دراعها

جامد وقال بنفاذ صبر: أنا مستحملكم كلكم لحد دلوقتي، فمتجيش انتي كمان تزوديها. أدم زقها ومشي من قدمها. في الأوضة. أمير بص لفريدة وقال: بابا روح انت وبتول ارتاحوا، وأنا هفضل هنا. أمجد هز راسه وأخد بتول وخرجوا. أما أمير فقعد على الكرسي اللي جنب سرير فريدة ومسك إيدها وقال: فريدة أنا بحبك. أمير غمض عيونه بتعب لحد ما نام وهو ماسك إيدها. في صباح يوم جديد.

فريدة بدأت تفوق ولقيت أمير قاعد على الكرسي وراسه على السرير وهو ماسك إيدها. فريدة بتعب: أمير. أمير. أمير صحي وبصلها ومردش عليها. فريدة: طب مالك دلوقتي؟ أمير بصلها وقال: كنتي تعبانة ومقولتيش، وماشية إنك متخديش العلاج وتتعبي. فريدة: آسفة. أمير اتنهد بتعب وقال: وإنتي عارفة من إمتى؟ فريدة: بقالي سنة من بعد ما خلصت الكلية. أمير سكت وهي مسكت إيده وهو بصلها وهي قالت: فريدة: أمير أنا كويسة خلاص.

أمير هز راسه وهي نامت بتعب وهو خرج. في صباح يوم جديد. أمير خرج من المستشفى بعد ما أبوه وأخته جم. فريدة: هو أمير فين؟ بتول: تلاقيه روح يغير. بعد ساعتين. فريدة كانت غيرت لبسها وبتول سندتها وكانوا خارجين من المستشفى. أمجد: أهو أمير أهو. فريدة بصتله وهو قال: أنا عايز أتكلم معاكي. فريدة بصت لخالها وهو هز راسه وهي مشيت مع أمير. في بيت أمجد. ليلي كانت قاعدة زعلانه ولقيت بتول وأمجد وصلوا. ليلي بصتلهم وقالت: هي فين؟

بتول: مع أمير. ليلي بحزن: أمير. بتول سابتها وطلعت وليلي طلعت من البيت. بره وتحديداً في عربية أمير. فريدة بتعب: هنروح فين؟ أمير وقف عربيته في مكان هادي وقال: أمير: فريدة أنا عايز أقولك على حاجة. فريدة: قول يا أمير. أمير مسك كف إيدها وهي بصتله وهو قال: أنا بحبك. فريدة بصتله بصدمة وبعدين سحبت إيدها ونزلت من العربية وهو نزل وراها. أمير: طب أنا قولت إيه غلط؟

فريدة قربت منه وقالت: أمير أنا فريدة مش ليلي، انت عشان ليلي سابتك بتدور على بديل وأنا عشان شبهها أخدتني بديل. أمير كان هيتكلم بس هي قالت: وأنا مش موافقة. وجت تمشي مسك دراعها وشدها من دراعها وشدها وقال بزعيق: انتي عمرك ما كنتي بديل، أنا اللي خدت ليلي على أنها بديل. أنا محبتش غيرك، بس لما لقيتك بتحبي أدم وهتتجوزوا حاولت أبعد وقربت من ليلي. أنا عارف إني ظلمتها لما حاولت أنساكي بيها، بس معرفتش. فريدة قربت منه

وضربته بالقلم وقالت بدموع: انتوا إزاي كده، انت وأخوك مفرقتوش عن بعض. أمير أنا مش هرجع البيت ومش عايزة أشوفك تاني. أمير بصلها و...