رواية لكنني احببتك الفصل الرابع 4 - بقلم شهد

أمير فضل واقف واتنهد براحة لما شاف فريدة نايمة، وهي حاضنة لبس مامتها. ولاول مرة من ثلاث ايام شافها نايمة براحة. أمير سابها وخرج يقعد برة لحد ما تصحى. في أمريكا، ليلي كان بقالها تلات أيام بتحاول تتصل باختها أو مامتها أو بتليفون البيت، ومفيش فايدة. ليلي اتصلت على تليفون البيت في مصر. أمير كان مغمض عينيه ومرجع راسه لورا، وفجأة سمع صوت تليفون البيت. أمير قام ورفع السماعة وسكت لما سمع صوت ليلي.

ليلي بتنهيدة: الو يا ماما، بقالي كذا يوم بتصل عليكم ومحدش بيرد. أمير قطع كلامها وقال: ده أنا يا ليلي. ليلي سكتت وخدت نفس وقالت: ازيك يا أمير؟ أمير: ليلي، انتي لازم تنزلي مصر. ليلي: ليه؟ أمير خد نفس وقال: ليلي، مامتك... تعيشي انتي. ليلي في الوقت ده قعدت على الأرض والتليفون وقع من ايدها وبقت تعيط. أمير: ليلي، ليلي. أمير ملقيش رد، فقفل التليفون ولف ولقى فريدة واقفة. أمير: كده يا فريدة، تخرجي من غير ما تقوليلنا؟

كلنا قلقنا عليكي. أمير: طب خلاص، المهم إنك كويسة. فريدة اخيرا اتكلمت وقالت: ومين قال إني كويسة؟ أمير: اتكلمي يا فريدة. فريدة دموعها نزلت وقالت: أنا تعبانة قوي. أمير: فريدة، غيري هدومك، هنروح مشوار. فريدة دخلت اوضتها ولبست فستان أسود هادي. وخرجت لقيت أمير قاعد. في أمريكا، ليلي بزعيق ودموع: يعني إيه مفيش تذاكر؟ الموظف: يا فندم، حاليا مفيش تذاكر. التذاكر المتوفرة لرحلة بكرة. ليلي بدموع: ماشي، احجزلي على طيارة بكرة.

في مصر، وتحديدا في بيت أمجد والد أمير وأدم وبتول. بتول بتوتر: أكيد لقيها. أمجد: متقلقيش يا بتول، يلا اطلعي ذاكري عشان امتحاناتك. بتول طلعت، وأمجد بص لابنه أدم وقال: لحد النهاردة متكلمتش معاك بخصوص اللي عملته وإنك سبت البنت في الفرح، بس أنا عايز أفهم دلوقتي، ليه؟ أدم: بابا، لو سمحت، ده مش وقت الكلام ده. أمجد: ماشي يا أدم. اتصل أخوك، شوفه لقي فريدة. قدام المقابر.

أمير وقف بعربيته وبص لفريدة. وتليفونه رن، لقاه أدم، فكنسل عليه. وبص لفريدة وقال: انتي محتاجة تتكلمي معاها. هي آه مش موجودة، بس هي هتحس بيكي. فريدة نزلت، وأمير رد على اخوه وقال: عايز إيه؟ أدم: لقيت فريدة. أمير: وانت مالك؟ أدم اتنهد وقال: أبوك اللي بيسأل. أمير بضيق: لقيتها. أمير قفل في وش أدم وبص للمدفنج. فريدة كانت قاعدة وبتعيط وقالت: أنا محتاجاكي قوي يا ماما. أنا لوحدي.