رواية لكنني احببتك الفصل الثاني 2 - بقلم شهد

فريدة رجعت لورا وسندت على الحيط قبل ما تقع. أمير بيبصلها بحزن. فريدة هزت راسها يمين وشمال وقالت بدموع: لا هي أكيد مسابتنيش. فريدة بصت لأمير بدموع وهو سكت. فريدة ضحكت ودموعها نازلة وقالت: هي زعلانة بس عشان اللي حصل لكن ما"تتش. أمير بحزن: فريدة اهدي. فريدة عيطت وطلعت من الأوضة وهي بتسأل عن المكان اللي مامتها فيه. في ثلاجة المو"تي. فريدة حطت إيدها على وش مامتها وقالت:

ليه ده انتي عارفة إني مليش غيرك ليه تعملي فيا كده ها. فريدة صرخت بدموع: قومي ومتسيبينيش. أمير شدها والممرض دخل مامتها تاني وفريدة بتعيط وبتحاول تبعد عن أمير. فريدة بصريخ ودموع: ابعد عني هي عايشة. أمير ضر"بها بالقلم عشان تفوق وقال بزعيق: هي ما"تت افهمي بقى انتي كده بتعذ"بيها حر"ام عليك. بعد ست ساعات. أمير وأبوه أمجد واللي هو أخو زينب خلصوا الإجراءاتوكانوا دف"نوا زينب وفريدة كانت هادية ولا بتتكلم ولا بتعيط.

بعد ثلاث أيام من مو"ت زينب. فريدة كانت لابسة أسود وخرجت الصبح بدري من الأوضة اللي في بيت خالها ونزلت بس وقفت لما لقت أدم في وشها. أدم كان هيتكلم بس هي خرجت وسابته من غير ما تتكلم. بعد ساعة. أمير لأخته بتول: خدي الأكل لفريدة فوق يا بتول. بتول: من يوم اللي حصل وهي مش بتاكل أنا خايفة عليها. أمير: هتبقى كويسة هي محتاجة وقت اللي حصلها مكنش سهل. بتول خدت الأكل وطلعت فوق وبعد دقيقة نزلت بسرعة وقالت. بتول بخوف:

أمير الحق فريدة مش فوق. أمير وأبوه أمجد وقفوا وأدم قال: أنا شوفتها خارجة الصبح حاولت أكلمها سابتني ومشيت. أمير بزعيق: ومقولتش ليه. أمير اتنفس بضيق وقال: انت سبب كل اللي حصل ولو هي حصلها حاجة هيبقى بسببك. أمير خرج بسرعة عشان يدور عليها. بعد ساعتين. أمير: هتكون راحت فين يعني ديه مش معقول وليه لاءممكن تكون في شقتهم. أمير ساق عربيتة وراح عند الشقة اللي زينب وفريدة عايشين فيها. أمير وقف قدام الباب وخبط ومسمعش رد. أمير:

فريدة انتي هنا طب لو هنا ردي عليا. أمير حاول يكس"ر الباب لحد ما عرف ودخل الأوض وهوبيدور عليها لحد ما دخل آخر اوضة ووقف لما شاف.