رواية للحياة والحب فرصه اخيرة بقلم شهد مصطفى | كاملة

شايف البنت اللي هناك دي؟ مراد: أي واحدة؟ ياسر: اللي لابسة كاب. مراد: هي دي بنت؟ سيف: آه، واسمها أيسل عبدالرحمن. مراد: مالها؟ ياسر بخبث: الرهان المرة دي على لو قدرت توقعها. علي: انتوا إيه؟ متبطلوا القرف ده. علي سابهم ومشي. ياسر: سيبكم منه. سيف: البنت دي صعب حد يوقعها. مراد: خلاص، البنت دي بتاعتي وهكسب الرهان. مراد المنشاوي، ٢٠ سنة، كلية هندسة، أبوه راجل غني. مراد راح اتجاهها وخبط فيها وهو قاصد. مراد: أنا آسف... سكت لما شافها. برغم لبسها الولادي، بس جميلة. آه، اللي يشوفها من بعيد يقول ولد، بس اللي يشوف وشها يقول ملاك. عينيها زرقا، وشفايفها صغيرة، ومناخيرها صغيرة، وبشرتها بيضا. أيسل: خلاص، ولا يهمك. وسابته ومشيت. مراد: إزاي بنت زي القمر زيها تبقى عاملة في نفسها كده؟ إيه اللي بقوله ده؟ فوق لنفسك يا مراد. ومشي وراها. مراد: لو سمحتي يا أيسل. أيسل لفت وقالت بحده: آنسة، والزم حدودك بدل ما أعرفك له. مراد: ممكن...