رواية لم اكن اريده الفصل الأول 1 - بقلم مريم محمد

وسط فرحة ناس وزغارط. الأب بزعيق: بصي يا بت انتى هتتجوزيه غصب عنك. ليان: أنا مش هتجوز واحد مجرم. الأب: لا هتتجوزيه ده غنى وهيعيشك احسن عيشه. ليان بضيق: وأنا مش عاوزاه يا بابا. قاطع كلامها أبوها ضربها بالقلم. وقعت على الأرض. بصتله بكسرة والدموع في عينيها. بس هو تجاهلها وخرج وقالها إنها تجهز نفسها لأن خلاص الناس على وصول.

ليان بحزن: مش أول مرة يجبرني على حاجة بس ده مستقبلي. أنا آه مشوفتهوش بس سمعت إنه مخيف وعصبي ولو حد عصاه بيقتلوه وغيره كلام كتير اتقال عليه وأنا مستحيل أتزوجه. جه الليل عليا وأنا كل اللي بفكر فيه إني أهرب إزاي. قاطع تفكيري خبط على الباب. فتحتُه بسرعة لأنها كانت منى صحبتي وبنت خالتي. منى بخوف: جبتي اللي قولتلك عليه؟

ليان: آه جبته بس يا ليان فكري في اللي هتعمليه تاني. انتي عارفة لو العيلة عرفت إني ساعدتك في الهروب هيعملوا مني بطاطس محمرة. ليان بشرود: آه أو كفتة مشوية. بقولك يا منى أنا جعانة هاتيلنا حاجة ناكلها. منى بغيظ: إحنا في إيه ولا في إيه. البسي يا ليان بسرعة دول زمانهم وصلوا. أومأت لها بتوتر. ولبست النقاب اللي جابتهولها منى. وجت تفتح باب الأوضة لقيت أبوها بيرحب بأهل العريس. قفلت الباب تاني بسرعة وقررت تنط من الشباك. فتحتُه.

ليان بخوف وهي تنظر لأسفل: ربنا يستر. توكلنا على الله. ونطت وركضت في الجنينة بفرحة. بس خبطت في جسم صلب وكان لابس كاب مش مبين وشه. ولقت أخوها في الجنينة بينادي عليها. ابتلعت ريقها بس حاولت تهدى نفسها بأنه مش هيعرفها لأنها لابسة نقاب. جت تمشي لقت الشاب اللي خبطت فيه مسك إيدها بقوة. ليان بصوت منخفض: سيب إيدي مش وقتك أنا هتمسك. بس هو مردش عليها. مسك إيدها وجرها وراه. لقيته واخدها وداخل بيتها تاني.

ليان بخوف: يا أستاذ سيب إيدي أنا مصدقت خرجت. الحقيني يا منى. ليوقفهم شاب آخر. الشاب الآخر: إيه يا عمر كنت فين؟ لينتبه للشاب الذي كان يمسك ليان. ليان بخوف: ممكن تقوله يسيب إيدي عشان عايزة أمشي. الشاب الآخر: إيه يا عمر مالك سيب البنت. عمر بقا يشاوره بالإشارة إنه شافها بتنط من الأوضة وبتجري ومعاها شنطة. أكيد حرامية. ليان بعدم فهم: هو بيقولك إيه؟ الشاب الآخر بقا ينادي على

سيف أخو ليان بصوت عالي: يجى بسرعة عشان في حرامية كانت في البيت. ليان بصدمة.