رواية لمة العيلة الفصل الخامس 5 - بقلم هدير عبد العليم

تسنيم: بس ليه يا إسراء خالك يعمل كده؟ يمني: عشان مراته الحرباية دي أكيد. إسراء: لا يا حلوة أنتِ وهي، دا عشان... فرح: أنا مبسوطة أوي إننا هنسافر، هقوم أحضر شنطتي. لولووووي أخيراً هبعد عن العيال الرخمة اللي في المدرسة. يمني: بعصبية اتنيلي ادخلي جو يا فرح. فرح: داخلة أهي. يمني: ليه يا إسراء خالك يعمل كده؟ وليه يظلمنا؟ إسراء: حاسة ماما مكسورة أوي يا بنات بسبب كل اللي بيحصل ده. يمني: بحزن هي الناس ليه بتتغير كده؟

تسنيم: بس أكيد فيه حاجة حصلت بين ماما وخالي؟ إسراء: اه خالك جايب عريس ليمني. يمني: بتهزري صح؟ إسراء: لا والله بتكلم جد. تسنيم: مبروك يا يمني. يمني: بعصبية بس أنتوا عارفين إني عايزة أكون دكتورة. إسراء: عشان كده ماما هتمشي من هنا، عشان نكمل تعليم. تسنيم: بس هو مين العريس؟ يمني: بصوت عالي وعصبية تسنيم ادخلي جوه أنا مش ناقصاكي والله. تسنيم: بس بجد هو إزاي حد يطلب من ماما طلب زي ده وهم عارفين إنها مصممة على تعليمنا كلنا.

إسراء: البيه خالك، لا وكمان ابنة العريس. يمني: وأيه كمان؟ تسنيم: الحقوا ماماااا جاءت يا بنات. إسراء: كنتِ فين يا ماما؟ ماما: مش مهم. إسراء: ... ماما: يا بنات اعرفوا إني همشي من هنا عشانكم، عشان تكملوا تعليم. هتكونوا قد إنكم تكملوا ولا... يمني: طبعًا يا ماما وهكون دكتورة. ماما: ربنا معاكم. يمني: بس ليه هنمشي يا ماما؟ ماما: بعصبية مش مهم. فرح: طلعت من الأوضة وأنا بقول، أنا عارفة إحنا هنمشي ليه يا ماما.

ماما: ضحكت وهي بتقولي اسكتي يا فرح. فرح: طب والله بقا أنا عارفة علشان يمني كانت هتتجوز. ماما: بصت لإسراء بدهشة، إللي هو إزاي فرح عرفت. ماما: فضلت ساكتة وهي عمالة تبص لإسراء بزعل لحد ما إسراء قالت: والله يا ماما أنا كان هدفي إنهم يعرفوا علشان يذكروا ويحققوا حلمك. ماما: فضلت ساكتة وبعدين قالت، مش ده السبب بس يا بنات دا كمان علشان خالكم عايز، ولأ أقولكم بلاش تعرفوا. إسراء: عايز إيه تاني؟

ماما: خالكم عايزكم كلكم تنزلوا تشتغلوا في الغيط و... يمني: هو عبيط ولا إيه؟ ماما: بعصبية عيب يا يمني. يمني: آسفة يا ماما بس هو إزاي يقول كده؟ فرح: بجددد بقا أكيد مرات خالي ورا الموضوع ده. ماما: مش مهم، المهم هتكملوا علم. يلا حضروا الشنط، ملكمش دعوة بكلام حد.

فضلنا اليوم ده كلنا صاحيين ظاهر علينا الخوف والتوتر. وأكتر حد باين عليه القلق هي ماما. ماما اللي هتروح بلد تاني بأربع بنات المفروض ترجع بيهم راسها مرفوعة ومكملين تعليم. حاولت أضيع التوتر شوية ف قولت: فرح: ماما عارفة إحنا كلنا مبسوطين إننا هنمشي من هنا. يمني: بضحك علشان مرات خالي الحرباية دي. فرح: أنا مبسوطة علشان مش هشوف العيال الرخمة اللي في المدرسة. يمني: بضحك وأنا علشان مش هتجوز ابن خالي.

إسراء: وأنا كمان ما أنا كان ابن خالي الصغير هيتجوزني بقا، ما هو فرح العمدة. ماما: فضلت تضحك معانا. فرح: وأنتِ بقا يا تسنيم ساكتة ليه؟ تسنيم: ها. ماما: مالك يا تسنيم؟ تسنيم: خايفة أوي من الغربة وكمان لأني بحب هنا أوي ولأننا بناتي. يمني: ضحكت وقالت خلاص ممكن نخليكي هنا عند الحرباية مرات خالك. ماما: ديما بحس إنك أكتر حد عاقلة فيهم يا تسنيم. فضلنا نتكلم لحد الفجر وبعد الفجر ماما قالت: ماما: يلا يا بنات.

تسنيم: خلاص هنمشي؟ يمني: هنرجع بس وإنتِ راسك مرفوعة يا ماما ان شاء الله. ماما: واثقة فيكم يا بنات يلا. يمني: بس إحنا هنروح فين؟ ماما: أرض الله واسعة يا بنتي. تسنيم: اه برضه هنروح فين؟ ماما: بعصبية عند خالكم اللي هنا. تسنيم: بس ده... ماما: مش عايزة أسمع صوتكم. فرح: عارفة يا ماما بيقولوا نتيجة الثانوية هتبان بعد بكرة. ماما: بصدمة مين قالك كده يا فرح؟ فرح: أصحابي في الدرس. يمني: متخافيش يا ماما أكيد هجيب مجموع كويس.

ماما: أنتِ عملتي اللي عليكي يا يمني. يمني: حضنت ماما وكلنا كمان حضنا ماما. ومشينا حاولنا طول الطريق نهون على بعض. إللي تقول حاجة من زمان بتضحك، وإللي تفتكر كلام بابا ونضحك عليه، وإللي تقول حكايات عرفتها من أصحابها علشان نضحك. ماما: يا اها أخيراً وصلنا. فرح: هو خالي هنا؟ ماما: اه. فرح: المكان وحش أوي. إسراء: تعرفي تسكتي يا فرح؟ تسنيم: إحنا جايين نتعلم وهنرجع يا بنات نستحمل. فرح: بس اااي. يمني: أمشي يا فرح وأنتِ ساكتة.

أول لما دخلنا عند خالي كأن مستغرب أوي، لكن بعد كده فرح بينا أوي. خالي: تعرفي يا أختي أنا عندي بنتين، النهاردة بقا عندي ست بنات. ماما: ربنا يخليك يا أخويا. بدأنا نحس بالأمان عند خالي وحب خالي وعياله لينا كان مطمنا أوي. بعد يومين وإحنا عند خالي. خالي: بيقولوا نتيجة الثانوية العامة هتظهر النهاردة. فرح: ماماااااا الحقيني. ماما: إيه... فرح: ...