رواية لمة العيلة الفصل الرابع 4 - بقلم هدير عبد العليم

فرح: بسعادة، ماما ماما شوفي مين جاي عندنا. ماما: بعصبية، أيه ي فرح، قصدي مين ي فرح ي حبيبتي؟ فرح: ما خلاص بقا هروح أقوله. ماما: مش عايزة تشوف حد. فرح: لو بابا قوليله ماما مش هنا. فرح: ضحكت، ي غباء أنا قولت بابا خالص! لو بابا مش هدخله أساساً. تسنيم: يبقا خالك!!؟؟؟ فرح: اسكتي ي سمسم. يلا ي ماما بقا. ماما: طلعت تشوف مين. فرح: داا. ماما: بدهشة، ازيك ي متر. فرح: يعني أيه متر ي ماما؟! كله عمال يقول ل عمو عمر ي متر ي متر.

ماما: يعني محامي ي فرح. فرح: امم. ماما: كمان ي ستي إبن عمي. فرح: بدهشة، هااا بجد؟!!! (مكنتش أعرف إنه إبن عم ماما لأنه مش من بلدنا، هو عايش في القاهرة لكن نزل عشان قضية ماما) إسراء: بابا هيرجع صح؟؟ فرح: أكيد اه هو جاي عشان كده، وإحنا مش عايزين بابا.

(كلنا اتصدمنا لما عمو عمر جه، إللي هو الخوف اتزرع فينا كلنا، ما إحنا مش عايزين نرجع عند بابا، ما هو هنرجع إزاي وفيه مرات أب كمان، ولو رجعنا بابا جاب الولد من مراته التانية، تيتة هتعمل أيه فينا، فضلنا ساكتين شوية محدش بيتكلم لحد ما عمو عمر قطع الصمت وقال) المحامي: لا ي بنات، دا أنا جاي عايز ماما في حاجة، ممكن تدخلوا جوه. ماما: مش هيمشوا ي عمر، قول فيه آيه؟ أو عايز أيه دول عيالي.

(كلنا استغربنا، أيه ممكن عمو عمر يكون عايز يتجوز ماما، هااا، و لكن عمو قال) المحامي: والله العظيم مش هاخد الفلوس دي غير بعد سنة، مش أنا أخوكي الكبير. ماما: مستورة الحمد لله، وأنا لو كنت عايزهم كنت خدتهم ي عمر. المحامي: يلا سلام عليكم، الفلوس أهي. ماما: طب استني. المحامي: أيه؟ ماما: فين ورقة الطلاق. المحامي: هتوصلك في أقرب وقت. (وبعد مدة فعلاً كانت ماما اتطلقت، وكنا عند خالي الكبير في بيت العيلة مع تيتة أم ماما)

^^ بعد سنة ^^ ماما: ي بنات. كلنا: أيه ي ماما. ماما: هنسافر النهاردة. يمني: بجدددددد أخيرا هنتفسح ي ولد. فرح: لولوووو. ماما: اعملوا حسابكم مش هنرجع تاني. (كلنا فضلنا نفكر ماما تقصد أيه ب كلامها ده، طب ليه كلامها مش واضح، لحد ما اتوقعت حاجة و قولت) فرح: يعني أيه؟! هنموت هناك! إسراء: تقصدي أيه ي حجة؟! ماما: هنمشي من البلد. إسراء: اااااية؟؟؟!!! قصدي ليه. تسنيم: بجد فرحت اووي ي ماما.

إسراء: خبطتني ب المخدة، اسكتي خالص ي تسنيم، بس ليه ي ماما؟؟ فرح: هييااااا مش هنقعد في البلد دي تاني و هنبعد عن مرات خالي الحرباية دي. يمني: بحزن، تسنيم شدي أنتِ و فرح على جوه. فرح: ب استغراب، إحنا مش صغيرين و هنقعد و نسمع بتقولوا أيه. يمني: أيه إللي حصل بينك و بين خالي ي ماما. ماما: بعصبية، مفيش و مش عايزة حد يكلمني في حاجة، زي ما قولت جهزوا شنطكم هنمشي بعد يومين. يمني: ب استفهام، كده بدون أسباب هنسافر؟

ماما: فضلت ساكتة و هي مش عارفة تقول أيه، لكن قالت بحزن و دموع، جيت أسند نفسي عليك لاقيتك زي إللي قبلك حيطة مايلة. إسراء: ماما أيه إللي حصل؟! ماما: انهارت عياط. (كلنا حضنها و كلنا بدأنا نفهم أننا هنمشي لأن فيه مشاكل بين ماما و خالي، لكن محدش قدر يتكلم و ماما قالت) ماما: ادخلوا جوه ي بنات، محتاجة أقعد لوحدي. يمني: أنا هقعد معاكِ بقا هنا في الصالون. ماما: أنا نازلة اقعدوا أنتوا بقا. إسراء: رايحة فين؟!! ماما: مشت.

يمني: ي ولاد تفتكروا ماما مالها. فرح: ماما زهقت من هنا زينا و حابة تغير جو. تسنيم: تعرفي تسكتي خالص ي فرح. فرح: بعصبية، أنا مش صغيرة على فكرة. إسراء: مش عارفة ليه حاسة ان ماما مش كويسة، خالي قالها اااا. تسنيم: قالها أيه؟؟؟ إسراء: بصراحة خالكم عايز. يمني: عايز أيه. إسراء: يطلعنا من التعليم. يمني: دا إللى هو إزاي. إسراء: أمك قالتلي كده من يومين و. يمني: بس ليه !!؟ و هو حتى مش بيصرف علينا. تسنيم: اسراء ما تردي.

إسراء: علشان.