رواية لم انضج بعد الفصل التاسع عشر 19 - بقلم عائشة نصر

جوزي ميت من شهر وعايزاني اتجوز. والد لطف: إيه اللي بتقوليه ده يا ولية؟ دا حرام شرعًا أصلًا. مامت لطف: يا خوي وهي هتتجوزه، دا هيتعرفوا بس. لطف: إنتي بتقولي إيه؟ أنا صحيح مكنتش بحبه، بس أنا مش عايزة اتجوز تاني، مش كفاية اللي حصلي. سيبيني في حالي يا ماما نبي. مامت لطف: يا نهارك أسود، عايزة تعيشي مطلقة؟ وبعدين يا أختي مين هيصرف على ولادك؟

أبوكي اللي لسه بيشد في فلوس جهازك، ولا أنتي يا حبيبتي هتنزلي تشتغلي ومين هيشغل عيلة ١٤ سنة؟ لطف: ومختيش بالك من عيلة دي وإنتي بتجوزيني؟ مامت لطف: أنتي بتردي عليا؟ وراحت ناحية لطف وضربتها جامد وشدتها من شعرها. والد لطف: اوعي تمد إيدك عليها تاني، إلا أقطعهالك. مامت لطف: بقى كده يا خوي؟ والد لطف: أيوه كده وكده أوي كمان، البت هتقعد في بيتها هنا، وولادها دول ولادي مش أحفادي وهصرف عليهم، ميشغلكيش انتي.

مامت لطف: طيب يا خوي. ودخلت جوه. لطف بصت قدامها بشرود وطلعت وقفت على السطح، وبقت باصة قدامها وهي زعلانة على حالها وهي اللي وصلت له. لطف: لو فضلت زعلانة مش هخلص ولا هوصل. لطف نزلت وراحت عند باباها قعدت جنبه. لطف: بابا أنا عاوزة أكمل تعليمي. والد لطف عيونه لمعت وبصلها بكل فرحة وقال: والد لطف: طبعًا يا بنتي، من بكرة نروح المدرسة ونجيبلك شنطة وكل حاجة.

لطف ضحكت جدًا وحست إن ربنا عوضها خير، ونامت عشان تاني يوم تصحى تروح المدرسة. صحت الصبح بكل نشاط وحيوية، وليست وراحت قعدت مع مامتها وباباها على الطبلية يفطروا. والد لطف: وشك نور. لطف: آه طبعًا فرحانة أوي. مامت لطف: رايحين فين؟ لطف: هروح أقدم في المدرسة أكمل تعليمي. مامت لطف شهقت وحطت إيديها على صدرها وقالت: مامت لطف: يلهوي! تعليم إيه يا بت اللي تكمليه؟

البنت ملهاش إلا بيت جوزها، وأقول إيه للعريس لو عملتي كده يا لطف أبقي تفي في وشي. بعد شهر، الساعة سبعة الصبح. لطف لابسة ونازلة المدرسة. لطف: باي يا ماما. مامت لطف بصتلها ومردتش. لطف نزلت وهي بتتنهد بألم. أول ما دخلت المدرسة كانت فرحانة جدًا ومتحمسة، كل اللي في الفصل كانوا بيبصوا ليها باستغراب، خصوصًا إنها المفروض تكون في تالتة إعدادي، بس للأسف رجعت لأولى إعدادي. البنت اللي قعدت جنبها. سمية: أنا سمية، وإنتي؟

لطف: أنا لطف. سمية: اسمك جميل. لطف: شكرًا. أول ما المدرس دخل. سمية: يوه، مبحبش مستر ده. لطف بهمس: ليه؟ المدرس: تعالي يا بت، أنتي اللي بتتكلمي. لطف بصت له برعب. المدرس: أيوه أنتي. لطف بدأت تروح ناحيته وهي عقلها بيقولها اجري. لطف: أجري إيه بس، هو حرامي؟ لطف راحت ناحيته. المدرس أول ما لطف راحت عنده بصلها باستغراب، جسمها كبير على سنها وشكلها وحجابها. المدرس: أنتي جديدة يا بت؟ لطف: أ... أيوه.

المدرس: امم، بعد الحصة تجيلي أوضة المدرسين عشان أعرفك، وأوعي تتكلمي وأنا موجود في الفصل أبدًا. لطف هزت راسها ورجعت مكانها وهي محرجة جدًا. سمية: ده مستر غتت. المدرس: قومي يا سمية، اقفي جمب الزبالة. سمية: يا مستر كنت بقولها تتحرك شوية عشان أعرف أقعد، وبصت لطف وقالت صح وهي بتنغزها في إيديها. المدرس والفصل كله بص لطف اللي اتوترت ووشها اصفر. لطف: لا. المدرس: قومي يا سمية. سمية بصت لطف بغضب وراحت وقفت جمب الزبالة.

ولطف طول الحصة زعلانة على صحبتها الجديدة وصعبانة عليها، ساعة ونص واقفة لأنهم كانوا حصتين. سمية بتلم حاجتها. لطف: أنا آسفة، دا أول يوم ليا ومكنتش أعرف. سمية: أيوه أيوه، أنا هروح أقعد هنا. لطف زعلت جدًا وجت تشدها من إيديها تحضنها وتصالحها، فسمية زقت لطف، حامد ولطف وقعت. لطف: آآآه. وعيونها دمعت، وسمعت جرس الفسحة بيضرب، وكل البنات نزلوا ومعدش غير لطف وقعدت تعيد أفكارها ليه صاحبتها زعلت، وافتكرت لما المدرس قالها تروح له.

لطف: صحيح. لطف ماشية في الممر بتاع المدرسة وسألت مدرسة. لطف: لو سمحتي يا مس، منين أوضة المدرسين؟ المدرسة: الأوضة اللي جمب الحمام دي يا حبيبتي. لطف: شكرًا. وراحت ناحية الأوضة وخبطت بهدوء. المدرس: ادخل. لطف دخلت بهدوء وتوتر. لطف: نعم يا مستر، حضرتك كنت عاوزني؟ المدرس: آه، اتأخرتي ليه. لطف: أصل نسيت. المدرس وهو بيقرب من لطف وبيمسكها من دراعها جامد. المدرس: مم، أنتي عندك كام سنة؟ شكلك كبيرة وحلوة.

لطف صوتت جامد أوي وخافت جدًا، وجسمها بدأ يتنفض، متوقعتش أبدًا لأنه قد والدها. فدخلت مدرسة وزعقت فيه وقالت له. المدرسة: عملتلها إيه؟ المدرس: معملتلهاش حاجة. المدرسة: عملك إيه يا حبيبتي؟ لطف: م... مسكني جامد وقالي أنتي حلوة. المدرس: آه يا كدابة. وراح عندها عشان يضربها. المدرسة شدتها وخرجت بسرعة. لطف وهي بتتشحتف. لطف: عايزة بابا. المدرسة: متخافيش يا حبيبتي، متخافيش.

وخدتها في حضنها، وراحت المديرة قالت لها إن البنت تعبت شوية ولازم تروح، واتصلوا بباباها اللي ساب الشغل وراح لها بلهفة بمجرد ما قالوا له إنها تعبانة. راح وهو يجري ودخل أوضة المديرة، بيبص لقاها نايمة على كنبة الاستقبال ووشها أحمر جدًا ودموعها ناشفة وسايبة أثر على خدها. والد لطف: إيه اللي حصل بنتي؟ متعيطش كده إلا بسبب. المدرسة: في مدرس حاول يلمسها، بس محصلش حاجة، متقلقش. والد لطف: ناعم، واسمه إيه ده؟ هو فين؟

المديرة: اهدى يا أستاذ، مش هقدر أعمل حاجة، حولناه للتحقيق. والد لطف قعد بحسرة: مش كفاية اللي شافته، أنا هاخد بنتي وأمشي وهي مش هتيجي تاني إلا لما هي تبقى عايزة. راح ناحية لطف وشالها على كتفه وحضنها وقال: والد لطف: نامي يا حبيبة بابا. لطف كانت بتعيط وهي نايمة. أول ما والد لطف روح ومامتها شافته شايلها. مامت لطف: انزلي يا بت، أبوكي تعبان. والد لطف: ششش، البت نايمة. ودخلها على السرير وقلعها الشنطة وغطاها وقفل الباب وخرج.

مامت لطف: نامت في المدرسة، قولتلك دي مش بتاعت تعليم، دي تتجوز. والد لطف: يختي اسكتي، في مدرس لمسها. مامت لطف بشهقة: نهار أسود، شرفك يا خوي. والد لطف: ما تسكتي بقى. مامت لطف دخلت المطبخ تكمل الأكل وهي بتمصمص في شفايفها. لطف كانت صاحية وسامعة كل ده من أول ما باباها راح المدرسة، بس أعصابها مش شايلها أصلًا. تاني يوم والد لطف بدأ يحاول يفكها شوية ويهزر معاها وقالها: تعالي وخدها واطلعوا السطح.

والد لطف: بصي، لما حد يقرب منك اضربيه هنا. لطف اتكسفت جدًا. والد لطف: برجلك، ولو مسكك من إيدك عضيه وصوتي. وبدأ يعلمها ويهزروا. لطف بضحك: أنا بحبك أوي يا بابا، بحبك أوي أوي. والد لطف: وأنا مليش غيرك يا قلب بابا.