رواية لم تكن البداية سعيده الفصل السادس والثلاثون 36 - بقلم رودي عبد الحميد

شالها مازن وحطها على السرير ورن على الدكتور وقعد جنبها باصص لها بقلق واضح. الباب خبط، قام فتح وقال: "تعالي يا دكتور." دخل الدكتور وقال: "هكشف عليها وهقول لحضرتك." وقف مازن جنب الدكتور وهو بيكشف على ريهام. بعد دقايق، نزل الدكتور السماعة من على ودنه وقال بابتسامة: "مبروك، المدام حامل." مازن بابتسامة: "عارف، بس إيه علاقته بإنها تفقد الوعي وتفضل ترجع؟

الدكتور بابتسامة: "ده طبيعي في أول شهور الحمل، بس لازم تتابع مع دكتورة نساء وتوليد علشان هي تقريباً متابعتش." مازن هز راسه وقال: "تمام يا دكتور، شكراً." طلع الدكتور وحاسبه مازن ودخل لريـهـام تاني وفضل قاعد جنبها لحد ما تفوق. بعد فترة، صحيت ريهام وأول ما فتحت عينيها شافت مازن باصص لها بعتاب ولوم. اتعدلت وقالت: "هو إيه اللي حصل؟ مازن بعتاب: "مش متابعة مع دكتورة ليه يا هانم؟

مش فيه بيبي دلوقتي في بطنك والمفروض إنك مش شايلة مسؤولية نفسك، بس إنتي شايلة مسؤولية اتنين دلوقتي، إنتي واللي في بطنك." ريهام بتعب: "أسفة." مازن بهدوء: "أنا حجزت عند دكتورة كويسة وهنروح لها، تمام؟ ومن هنا ورايح هتهتمي بنفسك ومواعيدك عند الدكتورة هروح معاكي، أنا اتفقنا؟ قامت وقفت قدامه وحضـنته وقالت: "اتفقنا يا أبو العيال ♡." بعد مرور شهر. "عيسي بزعيق: ما تنجزي يا زينة! "زينة بصوت عالي من جوه: خلاص يا حبيبي خلصت."

طلعت زينة وهي ماسكة في إيديها فردة حلق وبتقول: "مش عارفة بتزعق ليه إنت." عيسي بنفاذ صبر: "لأ يا اختي، مفيش حاجة مستاهلة خالص، كل الحكاية إن النهاردة فرح رامي على تقي وحضرتك مأخرانا جامد." زينة بابتسامة: "خلاص أهو خلصت، بس مين كان متوقع إنهم في خلال شهر يتجوزوا! عيسي قال وهو بيعدل شعره قدام المراية: "ده تعب على ما أقنعت أبوها إنهم يتجوزو على طول من غير خطوبة."

لف ليها وبص على شفايفها لقاها حاطة روج لونه أحمر، قرب منها وبـاـسـها بعمق، مسحلها الروج. بعدت لورا وقالت: "يا ربي، إنت دايماً خارب لي أي روج بحطه كده." ضحك عيسي وقال: "بدوق طعم." زينة مسكت الروج وقالت: "ابقى دوقه من الصابع بتاعه بعد كده." وقف وراها وحضـنها وقال وهو باصص لها في المراية: "على شفايفك طعم تاني." سابت الروج وابتسمت وقالت: "يلا." لفها وبـاـس إيديها وقال: "يلا."

نزل عيسي وزينة سوا وهما مشبكين إيديهم في إيد بعض. لقوا نيهال واقفة وماسكة في إيديها زين اللي لابس بدلة نفس البدلة بتاعة عيسي. طلعوا كلهم سوا من البيت على القاعة مكان الفرح. بعد نص ساعة. دخل عيسي وزينة و نيهال وزين القاعة. قرب مازن عليهم وقال: "إيه يا عم، كل ده بتيجي؟ أنا مكلمك من ساعتين وقولت لي قدامي خمس دقايق." عيسي بص لزينة وقال: "شايفة بسببك كل ده." زينة نفخت في ضوافرها وقالت: "فدايا يا بيبي."

عيسي بص لمازن وقال: "مش فرح أمك هو، خلاص اتأخرت مفهاش حاجة." قربت ريهام وقالت: "إيه يا جماعة، هتفضلوا واقفين كده كتير؟ شدت إيد زينة وقالت: "تعالي يا زينة، عايزاكي." مسك عيسي إيد زينة التانية وقال: "لو رقصتي هعلقك." زينة بثقة: "لا تقلق، مش هر قص أصلاً مبعرفش." بعد 15 دقيقة. زينة واقفة في وسط دايرة بنات وبترقص هي وريهام وتقي على أغنية "حبيبتي افتحي شباكك أنا جيت." عيسي كان رايح يجيبها،

مسكتو نيهال وقالت: "يا حبيبي، اهدي، متخربش اليوم بقا، مينفعش كده يا عيسي، وبعدين دي في وسط بنات." عيسي بعصبية: "والمصور ابن الـ*** ده! نيهال: "هنقوله ميصورش، بس إهدي بقا." عيسي بص للمصور اللي بيبص عليهم وبيصور وقال: "محدش هيقوله غير كده." قرب عيسي بخطوات هادية جداً من المصور وقاله: "عايزك ثواني." المصور كان هيرفض، بس شاف ملامحه ونظراته، خاف وقال: "حاضر."

طلع المصور مع عيسي برا القاعة. وأول ما وقفوا في مكان مفهوش حد، مسكه عيسي من ياقة قميصه وقال بحدة: "لو لمحتك بتصور البنات وهي بترقص، هنهيك من الدنيا دي كلها، إنت فاهم؟ المصور بخوف: "يا باشا، لازم الفرح كله يتصور." عيسي خبطه في الحيطة وهو مازال ماسكه من ياقة قميصه وقال: "صور الفرح كله، لكن متصورش الرقص يا روح أمك، إنت فاهم ولا لأ؟ المصور بألم: "حاضر، حاضر، مش هصور الحريم وهما بيرقصوا." زقه عيسي لورا وقال بزعيق: "غور!

جرى المصور من قدام عيسي ودخل القاعة. عدل عيسي الچاكيت ودخل وراه وقال: "ألمحك بتصور بقا." أول ما دخل القاعة، دور على المصور، لقاه بيصور كل الفرح ما عدا الحريم اللي بيرقصوا. قرب مازن من عيسي وقاله: "فيه إيه؟ هو المصور بيبص لك كده ليه؟ عيسي بإستغراب: "بيبص إزاي يعني؟ مازن وهو بيبص على المصور: "بيبص بخوف." عيسي ببرود: "طيب." مازن بشك: "عيسي، إنت عملت إيه للمصور! عيسي ببساطة: "مهددته." مازن بصدمة: "إيه!

عيسي ببرود: "زي ما سمعت." مازن بصدمة: "إنت عبيط ولا إيه؟ ودا ليه أصلاً؟ عيسي ببرود: "الحريم بيرقصوا وهو بيصورهم، أخرب الفرح والليلة ولا أهدده هو! مازن بضحك: "هددته هو." عيسي بإبتسامة: "ودا اللي حصل." "كمل بصوت واطي: لحد ما نروح بس." بعد مرور ثلاث ساعات. "تقي بدموع: هوحشيني يا ماما والله." حضـنـتها أمها وهي بتعيط وبتقول: "مش كان نفسك تتجوزي علشان تمشي من وشنا برضه؟ تقي بعياط: "هتصدقي كلام واحدة هبلة زيي يعني؟

أكيد لأ، بس بجد هوحشكم أوي." بعدت تقي عن مامتها وبصت لباباها بـلوية بوز وقالت: "مش هوحشك يعني؟ شدها لـحضـنه جامد وقال: "هتوحشيني يا طفلتي، هتفضلي تقي اللي كنت بشوفها قدامي بالضفاير وهي بتلعب مع العرايس بتوعه." بعدها عن حضنه ومسح دموعه وقال: "هستناكي تيجي تزورينا يا نور عيني." بص لـرامي وقال: "في عيونك، لو جرالها حاجة مش مسامحك ولا هرحمك." رامي بثقة: "تقي في عيوني يا عمي والله، وأكيد مش هتوصيني على مراتى."

سلمت تقي عليهم وركبت العربية مع رامي ومشوا متجهين للڤيلا بتاعتهم. عيسي همس لـزينة: "ده أنا هعلق أمك لما نروح." زينة شوحت بإيديها وقالت: "ألاه ليه يا ببلاوي." عيسي بغيظ: "هتشوفي يا قلب ببلاوي لما نروح." زينة بهمس: "عديها على خير يارب." نيهال قالت لـعيسي: "عيسي حبيبي، أنا هروح مع خالتك سهير أبات معاها النهارده." زين مسك في بنطلون عيسي وقال: "وأنا كمان يا بابا هروح معاها بليز." عيسي بص لـزينة بخُبث

وقال: "روح يا زين يا حبيبي مع تيتة." زين سقف بحماس ومسك إيد نيهال ومشي مع مازن وريهام وسُهير وروحوا. وعيسي أخد زينة وروحو. بعد ساعة. "زينة بصويت وهي بتجري: لأ وحياة أمك يا عيسي خلاص." "عيسي وهو بيجري وراها: بقا عاملالي فيها صافينار بروحمك وتقوليلي مبعرفش." "عيسي بزعيق: مسامح كريم إيه، هو إحنا مع چورچ قِرداحي؟ مش هسكت لك وهطلع عينك على كل واحد كان بيبص عليك." "زينة شوحت بإيديها وقالت: محدش كان بيبص يا كداب." "عيسي

شاور على نفسه وقال: أنا كداب؟ طيب غلطتي وأنا مستنيكي تغلطي." طلعت من الصالون وهو طلع وراها وفضل يجري وراها. "زينة بصويت: خلاص يا عيسي بقا كفاية أرجوك، أنا فرهدت وح... يختااااي! صرخت بالصوت لما لقت عيسي مسكها و...