رواية لم يعد لك مكاناً في قلبي الفصل العاشر 10 - بقلم منة ايمن

زهرة باتزان: أنا موافقة إننا مانطلقش. صقر بفرحة: عم تتحدّث صح؟ زهرة ببرود: ما تفرحش كده يا ولد عمّي. صقر باستغراب: يعني إيه كلامك ده عاد؟ زهرة بهدوء: أقصد إني هفضل وياك في اللي أنت ناوي عليه ده بس عشان أوصل للحقيقة. واوعاك تفكر إني وثقت فيك تاني، لا. أنا عايزة أرد كبريائي وكرامتي قدام الكل لما أقولهم على كل حاجة، وإنك وعدتني إني لو شاركتك في اللي أنت ناوي عليه هتعترف معايا صح. صقر: وأنا لسه عند وعدي يا بت عمّي.

يسود الهدوء فترة، وبتبدأ زهرة تتأوّب وتقوم تاخد مخدة وتحطها على الكنبة. صقر: إيه اللي بتعمليه ده يا بت عمّي؟ زهرة باستغراب: بعمل إيه؟ صقر: عايزة تنامي على الكنبة عاد؟ ماشى. مش عايز تنامي جنبي مع إنك... ويكمل بوقاحة وخبث: وافقتي يعني. على فكرة عدم الطلاق والصراحة أكيد مش هتوافقي إلا لو لسه بتحبيني. بس هعديها لأني عسل. لكن نوم على الكنبة ليه؟ انعدمت الرجولة. زهرة بضحك: مين دي اللي هتنام على الكنبة؟ معلش.

صقر باستغراب: أنتِ. زهرة بضحك: آسفة والله يا أخ صقر إني هقطع عليك المسلسل التركي ده، بس مش أنا اللي هنام على الكنبة. أنت يا صقر اللي هتنام كده كده على الكنبة. بقى أنا، زهرة، أتمرمط وأنت تنام باشا؟ لا، أولع أنا، ماليش صالح. تقرب منه وتبدلت نبرة صوتها من الضحك والهزار للوجع والحسرة: طول عمري صريحة وعمري في حياتي ما كذبت، فهيبقى بخونك وأخون عهدي معاك لو كذبت. سكتت شوية وقالت بوجع شديد: حبك لسه في قلبي يا صقر.

صقر بأمل: وأنا، وأنا أقسم لك بالله عمر ما حبك نقص. صدقيني يا زهرة، أنا مش هكرر غلطي وأبعدك عني. أنا تعبت. أنا كنت مانع نفسي عن عينيك من أكتر من 11 سنة. ليه؟ ليه ما لناش الحق نعيش من تاني؟ زهرة ببرود: عشان هيعمل إيه؟ الحب قصاد كره وعتاب أكبر بكتير منه. سكتت شوية وقالت بنبرة مخنوقة من العياط: على قد ما أنا بحبك يا ولد عمّي، على قد ما أنا بكرهك. كفاياك تمثيل عاد. أنا مبقتش الهبلة اللي بيضحك عليها. وبعدين كيف يعني؟

أنت مانع نفسك عني من 11 سنة؟ صقر بغضب: ملكيش صالح. ماشي يا زهرة، أنت مش طايقاني. أوعدك يا بت عمّي أحقق اللي بخطط له بقالي سنين وأطلقك. زهرة بجمود: ساعتها هيبقى يوم خلاصي وفرحتي. صقر ببرود: ما ترجعيش تندمي بس. زهرة بضحك هستيري: أندم عليك؟ أنا هعمل فرح. يتحرك صقر ناحية الكنبة ويقول بعصبية: اتخمدي يا زهرة وخلينا ننام في الليلة المطينة دي. زهرة بغضب: يكش خمدة تاخد اليهود وتاخدك معاهم يا بعيد.

صقر بعصبية: هي حصلت تدعي عليا؟ زهرة ببرود: وأنت بيحوج فيك حاجة؟ يغمض صقر عينه بغضب وعروق إيده بارزة من العصبية ونام. بعد تلات ساعات. بيقرب شخص من زهرة اللي باين عليها النوم وبيحرك شوية خصل من شعرها وبيشمها وبيقول بتوهان: أوعدك إنك هتبقي جنبي في أقرب فرصة يا زهرتي، بس الصبر. ويبدأ يمشي صباعه على عيونها: وهعوضك عن كل لحظة بكيتي فيها. أوعدك إني هحولك للأسعد. يقرب من ودانها وقال: بحبك يا أغلى ما صادفت.

في اللحظة دي، بتتململ زهرة وبتفتح عينها فجأة و...