رواية لم يعد لك مكاناً في قلبي الفصل الرابع 4 - بقلم منة ايمن

زهره بعفوية وبرائة: بس انت أكتر واحد بحبه فيهم. صقر بتهته: يلا يا جماعة مش عايزين نتأخر. ... فضل يفتكر ذكرياته معاها لحد ما دموعه اختلطت بحبر خطه. صقر بعزم: والله لأرجعك ليا من تاني وساعتها بس أبقى صقر بن محمد بصحيح. ... عند زهره. صحيت وافتكرت الموقف وقررت إنها هتداري عليه، وتبقي تتكلم هي وجدها لوحدهم لأنها بتكره تدخل حد في حياتها. زهره ببرود لتغير الموضوع: هتعملوا الفرح امتى يا بكر؟

بكر بهدوء: لما نطمن عليكي الأول يا أختي. زهره بضحك: وانت شايفني بموت اياك؟ أنا كويسة والحمد لله. وبعدين أنا عايزة أهيص. فرحة بحب: بجد يا أختي لو عملنا فرح دلوقتي ما تزعليش. زهره: فيه إيه يا هبلة؟ ده أنا أفرحلكم يا فرحة. محدش له صالح باللي حصل. وبعدين مالك يا جدي مهتتكلمش ليه؟ الجد سليمان بحزن: أنا آسف يا بتي. زهره بهدوء وحب: أنا هعرف أخلص من البلوة دي كويس، أهم حاجة تحدد فرحهم. الجد سليمان: بإذن الله الخميس الجاي.

فرحة بصدمة: كيف يعني؟ ده النهاردة التلات. زهره بضحك: عادي يا فرحة، هنعرف نخلص كل حاجة. قومي يلا معايا ننزل ندور على فستان حلو يليق بفرحتي. ... قامت زهره تلبس بسرعة هي وفرحة. وهما بينزلوا سوا من على السلم كان صقر داخل وباين إنه مدايق. بص عليهم باستغراب وقال: صقر: على فين؟ زهره ببرود: والمفروض أعرف إن شاء الله. صقر بغضب وراح مسكها من كتفها: أنا جوزك يا زهره، أو عاكي تنسي. زهره فضلت تحاول

تنفض إيديها منه وقالت: ابعد عني يا صقر، وأنا مش موافقة على الجوازة دي. صقر بضحك: مش بمزاجك. أنا اللي أحدد بقى إذا هطلقك ولا لأ. زهره بضحك: خوفت أنا كده؟ براحتك يا صقر، مهتطلقنيش ماشي وخليني على ذمتك، بس أنا عمري ما هعتبرك جوزي ولو عملت إيه. وسع كده. صقر بغضب وصريخ: بجولك رايحة فين؟ فرحة بتدخل وخوف: أهدي يا خوي. جدي حدد فرحي أنا وبكر، وإنه هيبقى يوم الخميس. واحنا نازلين أنا وزهرة نجيب فستان الفرح.

صقر ببرود: مش موافق. أنا هبعتلكم صور لفستان فرح وتختاروا اللي يعجبكم. زهره بسخرية: شغل الروايات ده أنا ما أحبهوش. وتيجي البنت بقى وتعملي فستان ضيق وأنت تتعصب وتعملي معايا مشكلة تاني؟ وأيه بقى أضايق أنا ومنزلش صح؟ صقر بضحك لأول مرة: مين فينا اللي الروايات وكلت عجلة؟ على العموم أنا كنت عايز راحتكم، ولكن أنتوا مصممين، فخلاص هنزل معاكم. بكر بتسرع وفرحة: وأنا كمان. وبعدين عايز أشوف فستانك يا فرحتي.

زهره بغضب: مينفعش يا بكر، ده في العفش. وبعدين إحنا مهنتخطفش يعني. وسعوا كده. ... وفعلاً مشيت زهره وفرحة. وساعتها صقر اتضايق إنها كسرت كلامه ومشيت من غيره. وبكر كان نفسه يشوف الفستان. بكر بخبث: بجولك إيه، الروحة للسوق حرام؟ صقر بخبث هو كمان: لأ، وخصوصاً لو نازلين نشتري هدايا لمراتتنا. "فستان فرح مثلاً". بكر بضحك: عفارم عليك. بينا نفرحهم. ... كله صقر وبكر بسرعة على السوق.

ولمحوا زهره وفرحة داخلين محل، فدخلوه بسرعة وراهم. صقر بأدب: سلام عليكم. الموظفة باحترام: وعليكم السلام. اتفضل حضرتك. صقر وهو بيشاور على زهره: مرتي وخيتي جوه. الموظفة: تمام. اتفضل. ... مشي صقر. وكان سبقه بكر، اللي كان واقف والضحكة مرسومة على شفايفه، أثر إنه شاف فرحة بالفستان. واللي لف بسرعة يمنع صقر من إنه يجي. بكر بغيرة شديدة: معلش يا خوي مهينفعش تدخل. زهره بشعرها. ...

أتفهم صقر غيرته ونده على زهره إنها تجيله، بس هي مهتمتش. صقر بغضب: ماشي يا زهره، أما أوريكِ. ... بعد فترة بتطلع زهره تشوف فستان غيره لفرحة. فتلاقت عيونها مع عيون صقر، اللي اتحولت لأحمر أثر غضبه منها. بس محبش يحرجها قدام اللي موجودين وسكت وفضل قاعد يتفرج عليها بهدوء وهي بتختار. زهره بخبث لنهى الموظفة وبصوت واطي: نهى، هو الخروج من هنا بطريقة غير مباشرة إزاي؟

نهى بخبث: من الباب التاني ده، كأنه بروفة. وأنا هخلي سمية تقف بره تاخد منكم الفستان. زهره بغمزة: دي صاحبتي اللي أعرفها. عايزة أجننهم. نهى بضحك: عيني. ... وفعلاً زهره بتاخد الفستان ونهى بتدلهم على الباب كأنه بروفة. وصقر قاعد عمال يفكر هيعمل إيه. وبكر سرح في حاجة. وبعد ربع ساعة. صقر بغضب: خبر إيه عاد؟ بجالهم ربع ساعة جوه. فيه إيه؟ نهى بتوتر مصطنع: معرفش يا فندم، هما كانوا جوه. صقر بغضب: ادخلي شوفي. ...

بتدخل نهى والابتسامة على شفايفها. وبتفتح بروفة بجد وبيبان إن مفيش حد فيها. بكر بقلق: يعني إيه؟ انخطفوا؟ واحنا قاعدين كيف النسوان؟ صقر بغضب مكتوم: لا يا بكر، أختك غفلتنا وهربت. بكر بغضب: امشي معايا ندور عليهم. صقر ببرود: وندور ليه؟ مش هما عايزين يهربوا؟ خليهم. عايز تبوظ خطتهم عاد؟ لأ سيبهم. ... بيمشوا من المحل والعصبية متملكاهم. وبترن نهى على زهره. نهى بخوف على صحابها: أيوا يا زهره. زهره بهدوء: مالك يا نهى؟

نهى: صقر مهيعيديش اللي حصل ده على خير. ده مستحلفلك يا خيتي. زهره وهي بتبلع ريقها: ها، ولا يقدر يعملي حاجة. اقفلي انت دلوقتي. ... بعد فترة بتروح البيت. وبتلاقي النور مطفي بتاع الصالة وجدها مكنش موجود في البيت. وقعدت تدور على بكر ملقتهوش. فرحة بتوتر: طيب، أنا همشي أنا بقى عشان بكر تلاقيه قلقان. زهره بصوت واطي: هانت عليكي العشرة؟ روحي يا أختي، أنا مهخافش.

صقر ببرود قام وقرب عليها واتكلم بفحيح أفعى جمب ودانها بـ**** خلي التوتر يسري في عروقها وقال *****