رواية لم يكن لي من البداية الفصل العاشر 10 - بقلم زهرة اللوتس

عدي دخل على نسمة، لقاها قاعدة وسرحانة. باس راسها وقعد جنبها. نسمة فاقت من سرحانها. بصتله بلوم وعتاب. عدي بندم: عارف إني غلطت، بس إنتِ كنتِ دايماً صحبتي وعارفاني كويس. بس أنا مش جاي أعتذر، لأن الاعتذار الصح هو من شمس نفسها، مش منكم إنتو. وأنا هخليها تسمحني. دلوقتي عايز أعرف الحقيقة. نسمة باستغراب: حقيقة إيه؟ عدي: الحقيقة... إنتِ عارفة أنا قصدي على إيه. نسمة بتوتر: لأ، مش عارفة. عدي بتنهيدة: نسمة، مخبية إيه عني؟

نسمة: بص، أنا هقولك على كل حاجة. عدي بتركيز: قولي. نسمة: ـــــــــ فلاش ـــــــــ ركان صحي لقى شهد جنبه لسه. ركان بوجع: آآآه، دماغي. وبص جنبه اتفاجئ بيها. شهد. شهد صحيت بخبث: ركونتي، أنا مكنتش أعرف إنك بتحبني أوي كدا. ركان بعدم فهم: قصدك إيه؟ أنا ما بحبكيش ولا هحب واحدة زيك. وبعدين بص على نفسه بعدم استيعاب.

شهد بخبث ودموع: مش إنت قولتلي نتقابل هنا، وأنا جيت وحصل بينا اللي حصل، وكنت بتقولي بحبك. وأنا زي الهبلة وصدقتك، دلوقتي بتنكر؟ أنا هفضحك وهعرف الكل حقيقتك. ركان: أنا ما عملتش حاجة. وأعلى ما في خيلك اركبه. وسابها ولبس ومشي. وهي كانت بتتوعد ليه، لأن الكل كانوا بيخافوا من ركان وكانوا عايزين يخلصوا منه. شهد رنت على محمد وحكت له اللي حصل لما ركان فاق.

شهد لبست هدومها وراحت عاملة بلاغ في ركان إنه هو اغتصبها. وفعلاً جم وهي معاهم. ❤❤❤❤❤ عند ركان، كان وصل البيت، ولسه بيدخل أوضته لقى الباب بيخبط أوي. فاطمة راحت تفتح: خير؟ اللهم ما جعله خير. حاضر. يلا. بتخبط. وقفت لقتهم في وشها. فاطمة بخوف: خير؟ أي خدمة؟ الظابط: عايزين ركان علاء محمود نصار. فاطمة برعب: ركان؟ ركان خرج: نعم؟ أنا ركان. الظابط: اقبضوا عليه. فاطمة برعب: ليه؟ هو عمل إيه؟ العسكري كان بيحط الكلبشات في إيد ركان.

ركان: افهم، أنا عملت إيه؟ الظابط: مقبوض عليك بتهمة اغتصاب المدعوة شهد البردعي. ركان بصدمة: دي كدابة. أنا مستحيل أعمل كدا. فاطمة بصدمة وخوف: ابني مستحيل يعمل كدا. الظابط: خدوه. وأخدوا ركان، وهو نازل كانت نسمة طالعة. شافتوهم وهما واخدينه. نسمة برعب: أبيه؟ أخدوه وركبوا البوكس ومشوا. محمد كان هو وشهد قاعدين في العربية بعيد عن البيت وشافوا كل ده، وكانوا فرحانين إنه خلاص خلصوا منه.

محمد بضحك: جه دوري أنا. واتصل على نسمة، لقاها بتعيط. محمد بتمثيل: مالك ياقلبي؟ بتعيطي ليه؟ نسمة بدموع: محمد، أبيه أبيه ركان جهم خدوه. محمد بتمثيل الصدمة وهو كان فرحان: طيب، عمل إيه لكل ده؟ نسمة بدموع: البت اللي كان عدي بيحبها، اتهمته بتهمة إنه اغتصبها، وجهم خدوه. محمد: طيب، أنا جايلك حالا. نسمة: أوكي. وقفلوا. شهد بضحك: ممثل شاطر أوي. محمد بغرور وهو بيعدل قميصه: عارف. طيري إنتي بقى عشان أكمل. وهكلمك بليل. باي ياحبي.

شهد بستُه من خده: هستناك. باي. ونزلت. ومحمد بص عليها بقرف ونزل وراح يكمل تمثيله. ❤❤❤❤❤❤ عند ركان. كانوا وصلوا. أخدوه وراحوا يحققوا معاه. الظابط: هتعترف ولا أعرفك بطريقتي؟ ركان بهدوء: حضرتك، أعترف بإيه؟ بحاجة أنا ما عملتهاش. الظابط: قام وشمر كمه. يعني مش هتعترف؟ ركان: أنا ما عملتش حاجة. الظابط: شكلك عاوز تشوف طريقتي. وكان هيضرب ركان. بس الباب خبط ودخل شخص. ❤❤❤❤❤ عند فاطمة. كانت قاعدة بتعيط، ونسمة جنبها، وإلهام وشمس.

علاء جه بقلق: طيب، خدوه ليه؟ فاطمة بدموع: كله من الحر*باية اللي كان ابنك هيبل*ينا بيها. قالت معرفتش أوقع الصغير، أوقع الكبير أحسن. محمود: طيب، معرفتيش أخده على مركز إيه؟ نسمة: معرفش، بس أكيد أقرب مركز لينا هنا. أحمد: اهدوا، إن شاء الله هيطلع ويكون بخير. شمس بدموع: أبيه ركان مستحيل يعمل كدا. محمود: أنا هرن على أيمن أشوفه يمكن عندهم، وهو يتصرف. ورن عليه. أيمن: ألو، بابا؟ فيه حاجة؟ محمود: إنت في المركز ولا في مأمورية؟

أيمن: لا، في مأمورية. فيه حاجة؟ محمود: لا ياحبيبي، بطمن عليك. خلي بالك إنت من نفسك. أيمن: حاضر. عايز حاجة؟ محمود: لا، سلمتك. وقفلوا. إلهام: ها، قالك إيه؟ محمود: هو في مأمورية. فاطمة بدموع: يعني مش عارفين ابني فين؟ علاء: هو عدي فين؟ فاطمة: معرفش، برن عليه. إلهام: إنتوا هتقفوا تتفرجوا؟ ما تروحوا تشوفوا الواد فين. محمود: يلا يا أحمد، تعالى معايا. علاء: أنا معاكم، يلا. وسابوهم ومشوا. ❤❤❤❤❤ محمد طلع ليهم، وفتحت له شمس.

محمد سرح فيها. شمس باستغراب: أفندم؟ أي خدمة؟ محمد فاق: آه، أنا محمد الفرجاني. شمس: فيه حاجة؟ محمد: عايز آنسة نسمة. شمس: نسمة؟ ثواني. ونادت على نسمة. ونسمة دخلت. ودخل لقاهم قاعدين بيعيطوا. محمد بنصر عليهم: بس... مثل إنه زعلان: أكيد راجع، ما تخافوش. أنا هخلي بابا يخرجه. فاطمة: بجد؟ محمد: آه طبعاً. أنا بابا له اسمه في الدولة، وأكيد هيطلعوه. شمس جابت له عصير: اتفضل. محمد أخده من شمس وكان تايه فيها: ميرسي.

محمد كان قاعد وعيونه على شمس. ❤❤❤❤❤❤ عند ركان. لقوه راجع البيت. لقى محمد هناك والكل. فاطمة وإلهام أخدوه بلحضن. محمد انصدم إنه طلع، وازاي. ركان لما شاف محمد اتأكد إنه هو اللي وراها. ركان بخبث: شرفتنا يا محمد، والله. محمد بتوتر: الشرف ليا أنا. ركان كان كل شوية يبص عليه ويقوله: منور. ومحمد يتوتر أكتر. وكل اللي في دماغه إنه خرج إزاي. ركان كان بيبص عليه بخبث. ـــــــــ باااك ـــــــــ عدي كان مصدوم: وإنتي عرفتي إزاي؟

بدأ كله. نسمة بدموع: سمعته وهو بيكلم شهد وبيفتكر معاها اللي عملوه في ركان. عدي باستغراب: بس ركان طلع إزاي؟ ... أنا هقولك ركان طلع إزاي. عدي ونسمة بصوا لبعض بصدمة. ووووويتبع. ❤❤❤❤❤❤❤ رواية لم يكن لي من البداية ❤❤❤❤❤❤❤❤ للكاتبة زهرة اللوتس الجزار ❤❤❤❤❤❤ اشوفكم بخير ❤❤❤❤ باي ❤❤❤❤