رواية لماذا احببتك الفصل العاشر 10 - بقلم اورجانزا الطائي

ملاحضه.. عدم التجاوز على اي شخصيه ✌😕
زائد علقو على الفقرات

قصه لماذا احببتك
البارت التاسع
بقلمي اورجانزا

.
.
.
.
.
.
.
.
.
.
.
.
.... مشاعر

إسلام
حالته عمي زينه بس لبيب حالتها سيئه محتاجه دعائكم داخله غيبوبه الها بعد اربعه وعشرين ساعه ياتصحه ياتموت غمض عيونه بقوه نزلت دمعته..

مشاعر عزاا العزاااني ولك شلونهم ومنو الي ضربهم

ولك سلوم شبيك

إسلام: عض شفايفه وضرب على راسه بقوه، نزلن دموعه..

كال: عمه احبها..

مشاعر: انقهرت عليه شا كله اذا هوه رجال مشورب وهيج منهار.

إسلام تحتاجين شي انه رايح

مشاعر روح سلامتك.

امي عرفت كامت تدك وتلطم والبيت نكلب ناس رايحه ناس راده.

هِجان الحمدلله بخير بس لبابه احتاجت دم

وانطوها دم او سالب بس المتطوع خافي هويته بحيث منطي بطلين ونص

بقت عدت الاربعه وعشرين ساعه ولبابه لاصحت ولا تحسنت حالتها.

يوم الثاني اجت ذات لبيت عمي صدمت الكل بيها وجهه ولا ينشاف بس الشاش بي..

بهل ايام محد افتقد ذات لان هوسه وفاتحه..

دخلت للبيت هيه وسبيل وبان.

البنات راحن لامي وانه رحت لذات

سلمت عليها ردت بس مو نفس قبل..

دخلت للصاله الكل يباوع عليها الي يشوفهم يكول مشايفيها من الف سنه..

صعدت لغرفتها حتى ماسلمت والنسون اخذن دور المحقق وكعدن يحجن ياا خطيه شبيها لو منو هذه

وامي تجاوبهن هذه ذات بنت الشيخ

الدنيا ضلمه ووكعت على المرايه..

ناس صدكت وناس لا

صعدت لغرفتها لكيتها نفسوكل مره كاعده يم لشباك وحاطه ايدها على خدها تشوف سليم..

غرفه ذات تطل على الحديقه والبستان
يعني تحسين تشوفين نص من الحديقه ونص البستان

كعدت يمها باوعت عليه ورجعت تباوع للحديقه

كلتلها وين جنتي

كالت بدون ما تلتفت
ذات: بيت اخوج

مشاعر : اعرف

ذات. لعد ليش تسالين

مشاعر ردت اشوف رده فعلج

ذات اي

مشاعر هستوني اريد احجي اندكت لباب

كلت منوو بدون ميردون نفتح لباب دخلت جيلان

جيلان هلاا ولله شلونجن

مشاعر ههه هلا هلا بجيلانه

كامت ذات حضنت جيلان وتشهك

جيلان تفاجئت من رده فعلها او بالاحرى من شكلها.

ابتسمت الهن جيلان وذات علاقتهن كلش حلوه وقويه حتى اقوه من علاقتي بذات

جيلان تصير كرابه بنت خال عمي لشيخ ابوها مهاجر..

عمي وهِجان متكفلين بيها.

هِجان يتخبل من جيلان لان جيلان من النوع العصبي
بس بارده يعني قمه عصبيتها ماتحجي تنتضرج تخلصين وتطلعين الي بكلبج تعوفج وتمشي لو تستفز بابتسامتها

بس هيه اعصاب لدرجه مره صار خلاف بينها وبين هِجان

اني وذات وجيلان وموده وسينينجانت هم ويانه كاعدين بالبستان

فا جيلان كالت ولي بربو* سمعها هِجان وحجه عليها

كدامنه هي ولا ردت عينها بعينه وحاضنه اديها وتبتسم

عافنه وراح هِجان رفعت ردان البدي واشوف ابدها زركه من الكرص..

جيلان ضاجت كتلها نصحج لااكثر لاتضوجين..

جاوبتني هيه وتبتسم

جيلان: مشاعر اخذيها مني الي ينصح مو كدام امه محمد ، يحجي وياج على جهه وينصحج بهداوه مو صياح.

مشاعر جيلان قويه بشخصيتها فارضه روحها على الكل تدرس جامعه وتشتغل اعمال يدويه

ابد متعلي صوتها على احد حتى من تبجي متبجي كدام مخلوق تكول مااحب احد يشوف دموعي لان عزيزات مو على الياهو اليجي ينزلن.

جيلان ولادتها كربلاء وكبرت بكربلاء لحد عمر9سنوات اجو لهنا لان جده جيلان ماتت.

اتذكر بوفاه حربه بجت من كالت بس وحزنت عليه ويانه عكس ذات الي لابسه الوان.

قطع سلسله افكاري كلام جيلان.

جيلان يا يا شبيج وجهج شبي؟

ماتحجين ليش البجي.

يبوو هذه ياكوا*

مشاعر انتي احجي شبيها.

ليش كل مااجي واسئل عنها تكولون يم بيت عمها.

اخذت ذات وكعدتها على السرير

مشاعر اخذت نفس وحجيت بدون واهس

هِجان نهه عليها..

ابد ماجنت متوقعه الي صار جيلان كاعده مقابل ذات الي تبجي.

بس كلت هل تلث كلمات

جيلان بسرعه التفتت على ذات وذات حجت بصوت اشبه للهمس وبالكوه تفهمه لان تشاهك.

ذات: ماريده ولله جيلان انه مااحبه وداعه صداقتنه
وانه ماقبت سألي مشاعر شوفي شصار بيه
وجهي تشوه من غير اثار جسمي..

مشاعر استغربت ليش تبرر لجيلان،

حضنتها جيلان ونزلن دموعها الي يكلك سباق

مااعرف اذا دمعاتها نزلن على ذات لو على شي اخر.

مسحتهن وضحكت بس ضحكه مليانه هم

جيلان: هسه المن لبجي ياعمري انتي

يمعوده عادي،

سكتت دقايق وحجت بضحكه لعد هذه الكوا* اخوج المبجي ذات..

مشاعر ضحكت وحجيت اي ولله هوه

جيلان: حجت بلهفه صددك مشاعر هرجان شلون صار ولبابه شلونها سمعت امي تكول بالمستشفى مصاوبين

مشاعر جيلان اسمه هِجان مو هرجان
وزين حمدلله بس لبابه حالتها خطره

جيلان اهووو كامت تتفلسف عليه ست مشاعر

مشاعر هذه الحقيقه ما متفلسه عليج.

ذات بتوسل جيلان

جيلان يبعد روحها لجيلان

ذات مااريده ولااحبه.
انتي اكثر وحده تعرف بيه احب سليم..
وهِجان مجرد اخ وابن عم لا اكثر.

جيلان بقله امل : بس گليبه يمج ياذات وانتي نهوته يعني اله شئتي ام ابيتي

ذات كتلج مااحبه ومااصير اله
ولاتصيرين مطيه وتتنازلين عن حبج تعلمي.

جيلان هههه من طرف واحد هذه فاشل وهِجان ميحبني بس انه اعشگه.

وانتن كلش زين تعرفن مو انه الي انزل راسي لواحد ميحبني نقطه راس السطر.

مشاعر هوب هوب يعني جيلان انتي تحبين هِجان

جيلان جان وانتهى قبل لايبدي اصلا

مشاعر لالا صدك واني الغبيه شلون فاتتني ،

شكد تسألين عليه، ماتراددي، واذا ماموجود وحجن عليه بنات خالاتي تسكتينهن وماتقبلين، والاضرب دائما، عصبي واعصار بس ماكو اطيب من گلبه مشي كلمته على الكل، تكولين انه اعشگ واحد متزوج وعنده تلث بنات.

وانه عبالي تتشاقين مو صدك و هِجان كل هل صفات موجودات بي

ودموعج الي نزلن شلال وانتي تكولين مو ياهو اليجي ينزلهن لان عزيزات.

ذات بشهكه هسه عرفتي هذه احد الاسباب الي رفضت اخوج

شلون الي نفس بي وانه احب واحد غيره ونوب صديقه روحي تحبه ومستحوذ گلبها وعقلها.

انه مااحبه ولا افكر احبه والله ولله اكتل نفسي ومااتزوجه.

مشاعر.ذات لاتتخبلين علينه وهسه هوه بياحال وانتي اكتل روحي

عفتهن وطلعت

خلص ليوم بصعوبه

هِجان يروح لبيته ياخذ ملابس يبدل ويطلع.

كلامه اختصر يادوب يجاوب.

لساعه ب4لفجر خابرني

رديت عليه كالي لبسي عباتج وطلعي اريد اخذج للبيت وياي.

وانه ماجذبت خبر لبست حجابي وعبايتي وطلعت امي كاعده كتلها راح اروح ويه هِجان محجت شي..

طلعت من لبيت لاكيته بالباب لحيته عاليه زايته جمال وهيبه

ابتسم صعدنه بالسياره وساق

نص ساعه واهو ماكو بس تمشي بينه لسياره

حاجيته

اكلك هِجان شو صالك بالنص ساعه بس تسوق اوكف عاد بمكان.

هِجان مااكدر اوكف اريد اوصل من وكت.

مشاعر بتسائل: وين؟؟

التفت عليه وابتسم ورجع التفت على الطريق

هِجان: متعني لكفيل زينب.

مشاعر بتفاجئ كربلاء.

هز راسه بدون ميجاوب.

نعست والطريق طويل من الناصريه لكربلاء

انه من زمان محلفه هِجان بمعزه لبابه اذا يروح لكربلاء اروح وياه.

نوب وجهي ماغسلته لان ستعجلت و حجابي لافته شلون مجان ولابسه دشداشه مال بيت وتكرمون نعال لون اخضر ابو الكركوشات صغار ملونات.

ضحكت بگلبي على روحي وخليت راسي على الجامه ونمت.

ماحسيت غير على صوت هِجان يكعدني فتحت عيوني الشمش قويه
تثاوبت ونزلنه

هِجان: يابه ملكه جمال العراق متلحك بيج شهل جمال دخيل ربج ههه

مشاعر بزعل انت ماكلتلي اخذج لكربلاء عبالي للبيت

هِجان هههه امشي يابه هوه وين اكو احلى من خيتي

مشاعر صدكتك.

هِجان ياله ورانه طريق طويل.

مشاعر اي ولله

نزلنه مسافه الطريق ووصلنه للامام الحسين اول زرنه

نخيت من كل كلبي اذا ذات من نصيب هِجان تصيرله واذا لا كون تبتعد عنه ينزال حب ذات من گلب هِجان..

صليت وقريت الزياره

وطلعت لكيته منتضرني.

واكف ايد كامش بيها سبحه والخ جهازه يخابر

تمشيت اله نهه المكالمه تمشينه و كال

هِجان مشاعر الج نص ساعه ياله تطلعين من الامام وتلكيني واكف بهذه المكان اشر على نافوره.

مشاعر هزيت راسي وصلنه يم الامام دخلت بالتفتيش

وبعدها زرت ونفسدعائي دعيته ولبيب تصير زينه

بين الصلاةوالقران والزياره خلصت النص ساعه

طلعت من الامام رحت لنفس المكان شويه واجه يمشي بسرعه..

كالي تاخرت عليج هزيت راسي برفض

خلصنه ورجعنه للبيت

قريب مانوصل سألني نتغده كتله مااشتهي

باوعت عليه ورجعت التفتت
عاد هوه عرفني اريد احجي.

هِجان؛/: احجي يبعد اخوج شني بالج ومخليج تتلفتين
عسه الشاغل بالج خير.

مشاعر: حجيت بتردد
تعرف جيلان موو

هِجان وشبيها صخمان

مشاعر تره مااقبل تحجي على اسمها

هِجان شغل جكارته وكال كملي انتي مهندسه مالج دخل بالمحاماه.

مشاعر اي سالتك عليها تدري جنت اتمنه تصير زوجه لواحد بيكم
شتكول خلي ناخذها لهموال

هجان : يبعد عافيه اخوج انتي شتحجين هذه ام لسان ناخذها
ولج انتي سامعه فشارها ولبسها والاضرب حتى متعترف بشخص.

هيي هيي اني مخلصت من بسمه للله يكرفها تجيبيلي نسختها بس اذا جانت بسمه تشتغل من جوه هذه بالعلن شغلها.

مشاعر تره ضلمت البنيه وشبيها تخبل جنها العافيه ومن تفشر تتشاقه ولله.

هِجان مشاعر سدي موضوعها لو تنامين احسن

مشاعر هههههه انام لعد شعندي غير النوم

وصلنه لبيتنه لساعه 9باليل سبحت ونمت من التعب

يوم يجر يوم وصار الاربعين مال حربه كلها راحت للنجف بس اني وذات مارحنه

الايام تمشي بسرعه وخاليه من الاحداث غير الروتين

لحد مصار لبابه شهر وعشر ايام هيه غيبوبه والدكاتره تكول هيه ماعدها اراده.

موده مختفيه اجتي بس اول يوم الفاتحه وبعد مااجت

حسب الي سمعته ابوها موديها بيت عمها ابو حسين الي سوه حادث.

كعدت الصبح بدلت وهِجان وداني بيت عمي،

بين الشغل والكرب
شويه نزلت ذات اخذت جهازي ورجعته

حجيت ويه هِجان كال راح اجي اخذج انتي وذات حضرن روحجن

سالته على عمي كال اني احجي وياه

وفعلا عمي دز خبر كال روحن.

بدلنه وطلعنه اخذنه هِجان ودانه للمستشفى.

وكف ويه لدكتور

كالت ذات طلع نفسه الي صوبكم

بس صدمنه كلام الدكتور من كال ابن عمها

إسلام ويه هِجان يجون سويه وصادف اليوم هِجان مودي اسلام لمنطقه تبعد عنه ساعه..

كام يصيح هِجان لان يدخلون ياهو الجان.

وامي ماتقبل تجي يمها

ولااني الي اكدر اجي يمها.

هِجان مأجر ممرضه خاصه لبنته بدل المرافق الي وياها.

دخلت عليها تكطع الگلب شكلها صايره صفرره

وملامحها تضحك كعدت يمها بستها من ايدها ام الكانونه.

حجيت وياها

لبابه حبيبتي ابوج ميت قهر عليج شلون ينطيج كلبج تعوفي وحده بالبيت حتى اكل مياكل ينتضرج انتي ترجعيله

لبابه هذه النومه مو الج هذه لعدوانج يعمري بعدج انتي ورده مفتحه، ليش هيج انتي مو قويه متردين ترجعين لابوج، الدكتور يكول هيه ماعدها اراده ليش هيج يبعد عمتج..

شويه وطلعت منها دخلت ذات

واكفين اني وهِجان اقل الخمس دقايق ونسمع صياح ذات..

خترعنه دخلنه ثنينها عليها وكفه وتصيح...

ذات...

خفت حيل من شفت الخط مال القلب تعدل صيحت على هِجان

اجه هوه ومشاعر

هِجان صار وجهه اصفر

طلع وكف يم الباب وصاح للدكتور

دقايق واجو. الدكاتره ثنين وممرضات

طلعونه من الغرفه وسدو الباب

هِجان يفتر يمنه يسره وانه ومشاعر بس نبجي ونشاهك

ناس تدخل وناس تطلع مانعرف شنو الي ديصير جوه.

شويه و ومانحس غير هِجان يفتح الباب ويدخل

انه ومشاعر بسرعه وراه وكفنه وليتي ماوكفت

شلون يسوون صدمات ويه كل وحده تشيل روحها ليفوك وتنزل..

حاولو يطلعون هِجان بس هددهم يشتكي عليهم لان ولد يدخل ومحد يعرف منو.

عاد ابتعدو عنه

واكفه وانخي بكفيل زينب نخيته مره وماردني واليوم نخيته لبيب

دخيلك يابو فاضل لبابه دخيلك يكفيل زينب اكفل هل طفله..

دموعي تنزل وكلبي يدك..

سبحانه رب العباد من بعد الله والامام العباس ماردنه

رجع گلبها يدك مره ثانيه هِجان كعد بالكاع خله ايدينه على راسه ومغمض عيونه بقوه

قاسو ضغطه هابط.

رجعت لبابه للحياه مره ثانيه بس ماصحت وهذه الي خله الدكاتره تتعجب ليش مصحت المفروض تصحه؟؟

رجعنه للبيت عادي لان هِجان ماقبل نحجي ل كائن

يومين صار النه من رحنه للمستشفى..

صادف الضهر لساعه ب3 نزلت سمعت صوت صمد ومرته يحجون بالمطبخ

يكللها ابوي قرر بس تصحه لبيب يعلن النهوه و يعقد لذات وهِجان.

ضحكت وصعدت جانت يمنه بنت هِجان سبيل

اخذتها وياي وصعدت

كتلها تصيح لابوها اني راح اروح للبستان يم النخله الجبيره.

وهيه ضحكت وهزت راسها..

انتضرت شوي وطلعت هِجان بالمضيف يم ابوي لان طالبه بشغله.

ربع ساعه وطلعت

ذات اتلفت منا ومنا خاف احد يشوفني..

مشيت مسافه بعيده من البستان كعدت جوه شجره

انتضر ه يجي و اشوفه با لبستان..

اباوع لشمش قويه والدنيا حاره موت الساعه 2 ونص الضهر..

غمضت عيوني نزلن دموعي حركن خدودي .. ليش هيج ربي اني مالي غيرك ياالاهي..

لاعندي الاخ ال يسندني ولا عندي الاب ال يحاميني..

ياالاهي انته خلقتني اذن انته ابوي وانته اخوي وانه مالي غيرك انته ارحم الراحمين.. ربي نجيني كما نجيت يونس من بطن الحوت..

غمضت عيوني ورتاجيت على جذع الشجره...

ثواني وسمعت صوت هِجان يحجي..

فتحت عيوني باوعتله جان ضله صاير عليه..

واكف حاضن ادينه الصدره.. لابس دشداشه خليجيه ولاف غترت على راسه..

عدلت كعدتي.. عكدت حواجبي درت دجهي عنه..

كرفص كدامي كال

هِجان افاا عليج بنت عمي وين ملكاج ..

ذات التفت عليه باوعتله عاكد حواجبه..

انه شسمي اول اشيي

هِجان ههههه اسمج ذات

ذات وانته تعرف ذات الي ياذيها مالها ملكه وياه

هِجان افاا افا عليج انه اذيتج وبشني اذيتج

ذات هِجان انته نهيت عليه وانه لاريدك ولا اهوك.

هِجان واليحبج شيسوي مثلا يكعد وينتضر تنزفين كدامه..
لوشنو احجي يبنت عمي انتي دازه خبر بيد بنيتي تردين تحجين وياي وانه كدامج احجي هاااء اهاا كعدت شوفي كدام عينج تربعت

احجي ليوم منتضرج تحجين الي بگلبج شنهو..

ذات يبن عمي انه مااهواك هذه هو

مسح على شواربه بقله صبر كال

هِجان ذات انه احبج قبل لاتزوج ، وكل الديره تدري انتي الي بس ابوي الله يهدي.. ورطني ببنت صديقه وانه مااهواها حتى ماشايفها...

ذات لعد اني شنو ذنبي احجي انته متزوج ومطلك وفوكه اكبر مني انه ماريد هيج..

هِجان يبنت الناس انه احبج والعمر موش مقياس واذا عليه انه من تزوجت لحد هذه ماطلكت ماعشت مرتاح مو نوب انتي عليه..

وانتي من كل عقلج تحجين ترانه بعدني هستوني كلت يالله يابه بعدني بدايه  التلاثين.. لهل درجه ماخذني العمر..

ذات شوف انته همك العمر بس انه لا همي حياتي وياك بعدين هِجان انه مااحبك ولاتتوقع تعشعش بگلبي..

قاطعني كلامه..

هِجان واني شمعرفج يمكن اليوم ماكو احد فارغ بس بعد ايام انه اعشعش بگليبج ودماغج..

ذات مسحت دموعي وحجيت لا ماتكدر تاخذ گلبي..

هِجان وليش مااكدر ، احجي شنهو عندج، تحبين واحد احجي ذات اعتبري اليوم اذا كلتي احب قسم بالله العلي العظيم ياذات انه اسبوع بالهواي واحجي ويه عمي واشيل النهوه عنج..

ذات اباوع بوجهه خايفه من رده فعله .. غمضت عيوني ونطقت من بين دموعي اي احب

كام وكف حجه وحجه

هجان هذه هو اسبوع وانتي محرره يبنت عمي.

بس هاا اكلج انتي اختاريتي حياتج ولا تتوقعين بيوم تجين وتلكيني نفسي بس اكلج اذا على مساعده انه

بخدمتج
واياج تحجين لاحد انتي حابج تره ابوج ابو قامه لاتنسين

وهسه عذريني خيتي اودعناكم اروح لبنيتي

ذات يمكن صار اليوم عيد عليه لان كال راح ارفع النهوه

ضحكت ورجعت للبيت طلع من الديوانيه يضحك

شافني ولا كنما واكفه مشه وراح..

دخلت للبيت كبل لغرفتي طلعت دفتر مذكراتي وكتبت الي صار وياي اكتب كلشي يصير وياي بس بخصوص سليم مااذكر شي خاف اي واحد يكمش يقره الدفتر.

مره الاسبوع وهسه يرفع النهوه هجان وماكو ومر الاسبوع الثاني والثالث وهجان مرفع النهوه.

لبابه لحد هذه اليوم غيبوبه.

الدكتور كايل اذا مصحت بهل اسبوعبن يرفعون الاجهزه عنها وهجان متعارك وياهم.

ضارب الدكتور كاسر سنه وصارت طلابه

دفعو فصل.. للعشيره الثانيه

باليل سمعت ابوي يكل لامي باجر الصبح الشيخ يجي يعقد لذات وهِجان.

خلي نخصم الموضوع احسن بنت هجان مطوله..

صعدت لغرفتي ابجي ماريده هل جذاب مو كالي اىفع النهوه عنج..

مسحت دموعي و طلعت جنطه صغيره حطيت بيها دفتر مذكراتي..

صار الفطر وانه منايمه.

بس ابجي الساعه 4 ونص كتبت اخر مذكره

«لاحبيب سوا حبيب الاول وانه اعشگك عشك سنين مو يوم ويومين »...

لبست حجابي واخذت عباتي بيدي ونزلت

طلعت من جهه البستان وشلتها ركضه لحد نهايه البستان يتبع...

#ابد _ابد _مو _خبيثه

_توقعاتكم للبارت القادم.

_ وشكر لكلامكم الجميل وان شالله مااقصر وياكم

بنات اكثر غلاف عجبكم صوتو عليه

الاول

الثاني

الثالث

وهذه الكم مو غلاف 😂😂