رواية لماذا احببتك الفصل التاسع 9 - بقلم اورجانزا الطائي

سلام  شلونكم اليوم مدللتكم بارتين

بنات فد ملاحضه من اغلبكم يكول عدت الاحدتث شنو الجديد للعلم انتبهو اني كايله من  تخرج شخصيه من القصه لوقت محدد او نهائي يدخل بطل جديد
واعتقد مشاعر. محجيت عنها ابد

وماعرفتو ليش ام هِجان  تعامل لبيب هيج وبالبارت السابق عرفتو ليش لان تشك بيها مو بنت هِجان..  وعرفتو دخول إسلام للقصه مو عبث واي بطل يتم ذكر اسمه  يعني بطل اساسي بس ال اخلي نقاط يعني موقت 

واذا تنتبهون هواي اجوبه لاسئلتكم بالبارت السابق بس للاسف  الاغلبيه ممنتبهين  لهذه حسو نفس الشي..

اعرف طولت بس تحملوني 

اليوم علمود اكتب الكم بارت واركز بالكتابه ادمنت  كوبين كهوه ساده وتلث كوابه جاي..

ملاحضه صغيره اليوم اذا  بس تصويت وماكو تعليق على الفقرات وتعليقات  اعتبرو اخر بارت مفاجئ 😂😂😂

ومعلومه صغيره من هذه البارت بعد ماكو سماح من ناحيه القفله متابعيني القداما يعرفون شنو قصدي وصدك اليوم الشعار ضهر عووووود

قصه لماذا احببتك

البارت الثامن "مفاجئ

بقلمي ا ورجانزا

.
.
.
.
.
.
.
.
.
...
ذات
سمعت صوت واحد يقرأ قران صوت يدخل لصميم الگلب..

صوت قشعر جسمي  لدرجه نزلن دموعي..

فتحت عيونيقوه الضوء  ماكدرت افتحهن رجعت غمضتهن.

فتحتهن مره لخ  هم ضوء بس اقلصهن وافتحهن لحد ما حسنت الرئيه..

توجه نضري للصوت الي يقرأ

هوه دائي ودوائي  بسببه وسبب لساني الي ماتحكم بي  ودوائي لان هوه نقذني..

اكثر انسان يعرف بيه من بعد جيلان  اني ماحب احد يفرض روحه عليه..

وسليم  بگلبي يسوه الف واحد. 

انتبه عليه  صدق وحط القران على راسه..

ابتسم وتقرب

هِجان شلونها الشالعه گليبي

ذات دنكت وهمست حمدلله

هِجان  اخذ نفس وزفره كال:  ايي يالذات

ذات هاا

هِجان: سلامتج اروح اشوف الدكتور واجي

ذات طلع شويه واجه وياه دكتوره

سألتني عن حالتي  شنو الي اهيس

... مشافاه ان شالله والضماد بعد 10ايام ويرفعو.

ذات من كالت الضماد تذكرت الضربه بلحضته رفعت ايدي خليتها على وجهي صحت بصوت اخخخ

.. لاهيج عزيزتي جروح بوجه   لاتتلمسينه  ولا توصلوله مي

والاكل حاولو يكون شوربه سوب حتى لاتنطر تحرك فكها لان فكها بي رض
وماتتوجع من الزرارات 

وها قبل لاانسى  ممنوع تمضغ شي مثل الخبز الخيار الطماطه والمقالي كلهن لان تاثر..

وحالته حمدلله متحسنه تكدرون اليوم تطلعوها..

ذات هِجان تشكر  من الدكتوره وطلعت.

كعد على الكرسي  مقابيلي حط رجل على رجل ايده اليمنه السبحه يفر بيها
والسيره كامش بيها ورقه.

حجيت شوكت اطلع.

بدون مايياوعلي رد
هِجان
   شواي بعد ونطلع بس حتى اتاكد

ذات  درت راسي بصعوبه على الجهه لثانيه

افكار كومه داهمت راسي  اخير شي سمعت صوته يحاجيني..

التفتت

هِجان: ليش ضربج؟

ذات باوعت بعيونه حجيت لان رفضت نهوتك.

هز راسه ومسح على شواربه بس مارد

هِجان اخوج الشفيه وينه عنج

ذات: ضحكت  بااستهزاء  بالديوانيه.

هِجان بصرم: امج وين جانت من اخذج للغرفه او بالاحرى الكل وين جانو عنه.

ذات ناس حقوده وتضحك متشمته والخ منزله روسها
بس بنتك تبجي خطيه مدري شبيها

صدك امك ليش هيج ويه بنتك  تره طلفه حرام عليهم حط لله بين عيونكم  لاتخليهن من بيت لبيت متشتتات

هِجان بمكر هوه انتي قابله حتى اجمعهن بيت واحد واذا على امي تره لله الهادي  وبناتي بيتي ماخليهن يرحن يم احد غيرج لان لبابه تحبج لااكثر.

ذات هِجااان اني شعليه  وتعااال صدك يعني تريد تتزوجني لان بنتك تحبني؟؟

 
هِجان لو على بنتي جان بيها هوان بس اذا هذه يريدج شلون «اشر على قلبه»

ذات ماحجيت شي لان جوابه سكتني.

هِجان هسه عوفي هذه الكلام بعدين
كولي   معقوله البيت بكبره ماكو بي رجال شو من اجيت لكيت ولد عمج كلهم بس جساس  من اجيت اجه   وديسم ببغداد..

ذات: قصدك الحضاين واخوانك من ضمنهم 

هِجان بحزم: ذاات لاشفتيني زين وياج اكلتيني احجي عدل

ذات : قابل مجذبه اخوك الجبير من شاف شعري طلع هوه ولد عمي قاسم ومهوال الخابص الامه انتي الي وانتي الي تالي حتى موكف بوجه اخواني..

هِجان بتمسك: عيدي عيدي شنو  كلتي

ذات بخوف شنو كتلك قابل مجذب...

هِجان بعصبيه مكتومه: لامو هاي  منو رايدج  احجيي

ذات  : ااا انته غيرر

هِجان ذات لاتطلعيني عن طوري  مهوال شعليه بيج
وشنو يريدج احجي بسرعه.

ذات هاا اخوك الشفيه  خزرني حجيت  بس هوه هيج لاتخزر   تره مااحجي

كام وكف  مقابيلي وحضن  ادينه لصدره

هِجان كملي كملي هوه اني الشفيه  لان كاعد اسمعلج وانتي تجفصين..

ذات حشه الشفيه، وانته واكف تره

غمض عيونه وكز على اسنانه همس بصوت مسموع ياصبر ايوب   كال هِجان: كملي بويه اريد اشوف ليوين توصل سالفتج..

ذات  اخوك جان يتعرضلي كل مره احبج واريدج مره الي  واذا متصدك اسئل ديسم هوه جان موجود بوقتها

غمض عيونه وشد قبضه ايده  بقوه   فتح ايده وعيونه كال

هِجان : ديسم  يعرف.يعني

ذات اي

هز راسه وسحب جهازه وطلع من الغرفه

خفه وراحه  هستوني غمضت ومااحسه غير  واكف يمي
خرعني ابن خوش ناس.

ذات بسم لله شبيك

هِجان: ياله راح نرجع للبيت

راح ادز ممرضه واني اكمل الاجرائات

ذات : موكلت بعد مو هسه

هِجان: السوالف متفيدج وداعتج

ذات : عافني وطلع شويه اجت ممرضه  جبيىه بالعمر 
كومتني بس شنو جنت مدده مااهيس بالم بس من كمت وكفت حسيت  رجليه خيوط   وركبتي توجعني..

سالتها على الملابس كالت  رجلج جايبهن

صفنت لحضات تالي تذكرت هِجان  كتله مو رجلي تره

باوعت عليه وضحكت  كالت

... حتى لو

لبست دشداشه نيلي بيها نقاط ذهبي

وخرت الحجاب من راسي تفاجئت بس داركت الموقف من لبسني الشماغ مالته..

لبستني حجاب

كعدت على السرير لان ماامدر اوكف  ربع ساعه المره تسولفلي شلون جانت حالته من جابني
دشداشته كلها دم مني.

ضحكت كل كلمه والثانيه رجلج وابو بيتج

  اجه هِجان جايب كرسي متحرك

كال ياله كعدي

وكفت طلعت الممرضه

ردت اشيل العبا هوه اخذها مني وخلاها على راسي

ابتسم وكال

هِجان:  شكرا على الؤلؤه

ذات استغربت بالبدايه بس تذكرت قصده على لبيب بنته.. ابتسمت  العفو ماسويت غير واجبي.

هِجان  بمكر   ابتسم وكال: اكيد غير امها ان شالله

ذات  ابتسمت وكتله: بااحلامك مو اني الي انجبر 

هِجان  : ههههه  بقت يم الاكبر مني ومنج

ذات اكيد

هِجان ياله كعدي

ذات اي  كعدت وهوه دفعني

طلعنه من المستشفى للبيت
صافنه بالطريق

لهل درجه اهلي كارهيني  وميردوني  ومااجو عليه..

بعدت الافكار من راسي وكلت شكد بعد ونوصل

هِجان:   وصلنه ياله نزلي

ذات  هذه مو بيتنه؟؟

هِجان لعد مااعرف قابل نزلي ياله

ذات    هِجان وين

نزل من السياره واشر على البيت

نزلت وراه   دخلنه بالبيت كلش حلو اول مره اجي عليهم

دخلنه للبيت كال هذه الغرفه دخلب بيها الج

هزيت راسي ودخلت للغرفه  جان بيها تلث اسره

ومساحتها جبيره..

اكو مرايه مال ميز تواليت  تقربت ووكفت كدامها

  وجهي ملفوف بالشاش بس عيوني وحلكي طالع.

اهييس جبل وانهد  الموقف صعب مااتمناه لعدوي

نزعت العباه ومددت على اول سرير  تغطيت ونمت

اهيس ماعندي شعور عادي عندي اي شي.

  ماحسيت غير بس على دكه الباب.

كعدت   بالكوه افتح عيوني..

سمعت صوته تخلخل لمساميعي.

هِجان:  صح النوم يمعوده كومي اكلي عندج دوه

ذات: اجيت
كمت كدامه وصلت للباب سوالي مجال فتت من يمه

ردت اروح للصاله صاح

هِجان: على ايدج اليمنى يابه

ذات:  ماجاوبته رحت للمطبخ

كعدت  هوه اجه  صب شوربه حليب طاسه جبيره..

جر الكرسي الي بصفي كعد بعد مساحه

سحب لخاشوكه واخذ من الشوربه كتفت اديه  واباوعله ليوين يريد يوصل

باوع عليه ضحك  ورفع الخاشوكه كال بامر

هِجان بامر: فتحي حلكج بويه

ذات  : صدك هِجان  تدري انه وجهي منع ولسلفا مو ايدي

هِجان اختصري

ذات بتذمر يعني اكدر اكل

هِجان: يول انه معتبرج بنيتي  ودااوكلج

ذات: بس انه مو بنتك لاتصدك  روحك.

رفع حاجبه وابتسم بخبث  : يعني انتي مو بنتي مو

ذات: اي للاسف

تحمحم وقرب الكرسي: انه جنت معتبرج لبابه وماشفتج غير لبابه من دخلتي لبيت لحد الان،

بس انتي معاجبج تصيرين بنيتي نزل الخاشوكه

  ، عندج علم كل اثنين ثالثهم شيطان..

يعني بيت  شكبره شكده مابي غير بس انه وانتي والشيطان نهة كلامة بضحكه خبيثه..

ذات: هِجااااان تره خوفتني ولله 

عدل كعدته وكال لعد امشي  على مايي انه معتبرج لبابه لاتخلين النيه تشطح..

ذات: عفته وكمت   وصلت يم الباب  حتى اطلع مااهيس غير نجريت  من يدي وندفعت على الحايط

حاوطني من الجهتين بس اكو مساحه تفصل  بينه 

باوع بعيوني خزرته ابتسم وقرب راسه عليه وصله لحد  حنجي  بس مسافه تفصل دفعته بقوه

وخر من دنعل الحظ الي جابني عليك ولله ماعرفتك هيج اني اعرف بيك محترم بس طلعت...

هِجان:  كملي شطلعت؟؟

ذات : نذلل  ارتاحيت

هِجان  بعصبيه: لعد ماطول طلعت نذل تعالي اكلي وغصبن عليج لا والخلقج  اسودوجهج..

ذات : نذلللل مو بيدك

هِجان ذاااات

ذات : من لله يكصف عمرها لذااات بحق العباااس والله العظيم لعبت نفسي منك   ، كعددت ارتااح 

الدمعه بطارف عيني والغصه صعدت بلعومي

اخذت الخاشوكه واكل واشهك

حجه بس صدمني برده فعله..

هِجان: ذات موانه اليلعب بذيله فهمتي قسم برب الكعبه لو مخليتني ابوسج  لو يصيغوج ذهب هم ارفض وا،فع النهوه عنج

ابتسم بفخر  وكال طبعا اختياري  بمكانه ذات ونعم الذات اسم على مسمى.

ذات  صفنت بوجهه صدك يعني 

هز راسه بايجابيه

غميت روحي بگلبي لو مخليته يبوسني جان هسه رافع النهوه من اهمداج ذاات  ،، لا شبيج تخبلتي حرام  شهل  تفكير

خلصت اكلل  كال تعالي بالصاله

رحت كعدت كدامه كال

هِجان:  ذات انتي تامنين بالله

ذات: اكيد

هِجان: احمم كلنه على هل طريق  هم السابقون ونحن الاحقون 

اخوج حربه انطاج عمره  البقيه بحياتج

ذات: بتسائل  حربه مات  ؟؟

هِجان: اي

ذات: شلون مات

هِجان: موت لله...

ذات: الله يغفرله جان اخو مرته والنعم منه.

« اذكرو محاسن موتاكم 🙂»

  هِجان  امين

ماكول مانقرهت على حربه بس ابد مافد يوم حسسني اخ الي جنت دائما احجي على مرته لان عركات ويه امي

وهوه يوكف ويه مرته على امي..

اثار جسمي قويه عندي عصارات اخليلهن

وجعهن  مااهييس  بي احس وجع روحي اكبر اخواني خذلوني ..

خمس ايام اني وهِجان بيت واحد.

لافد يوم تقرب ولا شي حتى الغرفه مااقفلها  ونومي كلش خفيف اقل حركه اكعد.

بس تبقه بگلبي لوعه  سليم مرتين سمعته يحجي وياه

خلصن هل ايام بسرعه

كالي اليوم يجيب لبيب وسبيل بان

طلع العصر وانه نمت

حسيت على ايد على خدي

كمزت خايفه  معقوله هِجان رجع..

صاركدامي اخوي حربه  خفت  هوه ميت شرجعه..

كعد وانه واكفه  كالي

... عذريني خيتي

كتله لااعذرك ولا تعذرني انه ماراضيه عليك ليوم الدين انته الي كفرت وتريدني اعذرك

انت دومك تكفر وهذه جزاتك، روح يحربه لامحالل ولا موهوب ليوم الدين ..

طلع من الغرفه منحني ضهره ومنزل راسه.

مااعرف شلون وكعت  كمزت واشوف نفسي على السرير

التفتت الغرفه مابيها احد غيري  

معقوله حلمت بس الحلم اشبه بالواقع؟؟

حضنت رجليه لصدري وبجيت بس جروح وجهي وجعني ..

شويه ونفتح لباب  دخلت لبابه تضحك

كعدت يمي واني مالي واهس احجي كلمه وحده عاد هيه  عافتني  وكامت 

بقيت على كعدتي مدري شكد  واجه هِجان

كعد كدامي اكلت شوي وهو   استفسر ليش عيوني حمر

واني اطلقت العناء لدموعي وشهكاتي

وسولفتله الحلم  ..

شويه واجتي لبابه كالت تعال اكل

راحو  تقريبا ربع ساعه   نفتح باب الغرفه ودخلن سبيل وبان بس شافني وصرخن

جني ماجني  واني اخذني الواهس وياهن اصرخ عبالي صدك جني..

دقايق واسمع ثوت الطلق تخبلت طلعت اركض البنات تحاضنن وختلن يم السرير

طلعت للحديقه  اركض واشوف باب الشارع مفتوح  شطت سياره وراحت

ركضت على  لبابه نايمه بالكاع ودمها بطولها  الضوه قوي ويعكس عليها هيه وهِجان كامش ايدها نايم على بطنه  والدم ينزل من ضهره

موقف صعب ابد متخيلت فديوم اصير بي

من حركه كلبي لطمت على وجهي  .  وكعت على ركبي  بالكاع 

اصيح ياناااااس ياعااااالم  ماكووو احددد

شويه وكفت نفس السياره نزل منها  رجال مدري شاب ملثم بالشماغ مبينه بس عيونه منها بس عيونه يجدحن ويخوفن.

باوع يمنه ويسره

وركض علينه  كلبي خاف

بس صدمني شال لبابه   وفتح ايدها من ايد ابوها

وطلع حطها بالسياره وشخط 

هِجان يهمس بصوت اشبه للهمس بنيتي ويكح

طلعت اركض على بيت عمي لكيت مهوال

حاجيته طلع يركض اخذ هِجان للمستشفى

بعدين خابرو على عمي كالوله بنت ابنك موجوده بكذا مستشفى

الصدفه نفس المستشفى  الي بيها هجان

كالو  الها اربعه وعشرين ساعه  ياتعيش يا لا

خلصت الاربعه وعشرين ساعه  

هِجان حالته تحسنت   وبهل يومين شلت الشاش والزرار  وجهي مشوه تشوه بس اثار الخياط

وبان من تشوفني تكلي نفسي تلعب منج 
وسبيل تخاف مني

مشت الايام وشهر وعشر ايام  فاتت على الغيبوبه

ولبيب ماصحت  ابوها ساكنها ابد مايجي للبيتوغير يبدل بيته ويرجع 

ولحد الان محد عرف من السبب الحقيقي وره هل تهجم

اني نعزلت  عن الكل  ثقتي بنفسي قلت حسبي لله على من كان لسبب..

اخذت جهاز مشاعر خابرت على هِجان 

حجيت وياه شوي  طلبت منها اشوف لبابه

بالبدايه رفض بس بالنهايه اقتنع

كال  اني احجي ويه عمي اجي اخذج ويه مشاعر

صدك ربع ساعه  واجتني مشاعر  كالت  مسافه الطريق ويجي هِجان ياخذنه.

بدلت شلون مجان ولبست الحجاب نزلته على كصتي    وحضرت العباه 

شويه واجانه   هِجان  ضعفان والضحكه ممحيه

لايحجي ولا شي على كد السوال  والجواب

لبست العباه ولفيه بحركه بيدي  على وجهي بحيث ميبين غير عيوني

طلعنه للمستشفى مسافه الطريق  وصلنه

نزلنه من السياره  ودخلنه للمستشفى

مسافه وصلنه قريب غرفه لبابه كال عليها  هِجان

وكف الدكتور يحجي ويه  هِجان  بخصوص حاله لبابه

حاطينها على الاجهزه وماكو اي تحسن ملحوض بحالتها ختمها الدكتور بقت هيه وارادتها  للاسف ماعدها اراده..
حاولو من تشوفوها تحجون وياها بس بعيد عن الحزن 

صح هيه غايبه عن الوعي بس  تسمعكم وتحس بيكم

صارت عيني على غرفه  طلع منها نفس الرجال الي لابس شماغ هم لافه على وجهه تلفت ومشه بسرعه

الدكتور  واكف عينه على الغرفه انه صايره بين الدكتور وهجان بس بمسافه

كتله    هِجان  هذه الي صوبكم طلع من غرفه لبابه

التفت هِجان   على لباب  كال وين  اشرتله على المكان راح بي بس مالكه شي

كالي تتخيلين بنيتي

بس كلام الدكتور هوه الي ثبت كلامي

... ابن عمها يجي يوميه هيج وقت  يشوفها ويروح

هجان بعصبيه: ابن اخوي يجي وياي   وانه مو كايل مخلوق متخلو يدخل للغرفه اله بعد موافقتي   شهل فشل بالمستشفى

ضل يصيح عليهم

تالي دخل هجان شافها وطلع نوب مشاعر اخر شي اني لان دخت من ريحه المستشفى..

دخلت يمها  كعدت يمها بس اصوات الاجهزه

تطلع  ضجت حيل عليها   كعدت نزلن دموعي

لبابه ابد ماضوجتني بشي   ابعد مااعاملها طفله لان هيه واعيه  وعقلها اكبر من عمرها

حجيت وياها

لبابه كومي ياله ابوج ينتضرج   يكول انه ماعندي غير لبابه مو انتي امه وبنيته
شلون تعوفي وحده يركض منا ويرد منا مو خطيه

بس حجيت هيج   ارتفع جسمها ونخفض وطلع صوت بجهاز القلب طوووووووووط    الخطوط المتموجه  اتعدلت وصارت خط عدل   تخبلت   صحت بصوت

هِجاااااااان هِجااااااااااان   يتبع..

توقعاتكم للبارت القادم...

#ابد _ابد _مو _خبيثه 😇