رواية لماذا احببتك الفصل الثلاثون 30 - بقلم اورجانزا الطائي

ملاحضه صوتو وعلقو على الفقرات +نهايه البارت اكو شي مهم شوفو

قصه لماذا احببتك
البارت الثامن والعشرون
بقلمي اورجانزا الطائي
. .

.
.
.
بسيل...

. ما الفرق بين الحُب والإعجاب؟
الإجابة تختلف من شخص لآخر، لكن بوجهة نظري الإعجاب هو أن تلفت انتباهك نجمة لامعة في السماء وتظل تنظر إليها آخذة عقلك

فإن انطفأ نورها إما أن تغض بصرك عنها أو تظل تنظر لها نفس النظرة الأولى ولا تحيد ببصرك عنها.. وهذا هو الحُب أن يلمس قلبك شيء ما بانطفائها، أن تبحث بقلبك عن شيء بعتمتها يلامس روحك من الداخل..

أن ترى ما لا يراه غيرك بها.. شيء أعمق من أن تراه العين، شيء فقط يشعر به القلب! 

بقلم برو الطائي
.
.
.
.
.
بسيل بس اني ماريدك ومموافقه عليك..

رد بابا: بسيل مااجبرها گتلك قبل تكدر تقنعها اقنعها..

ديسم من رخصتك  عمي بسيل بنتك اني ناهي عليها..

بسيل محد يفهمني ليش اني ماريده..
متزوج واني مستحيل اتزوج متزوج لان ماارضاه لي ماارضاه لغيري..

باوعت لابوي مرد سكت..

ليث امي ساكتين..

بلعت ريكي گتله  من كل عقلك تنهي ومنو گالك اني اعترف بنهوه هه  ديسم اني بعيده عنكم اعتبروني غريبه لااعرفكم ولاتعرفوني وللصراحه متهموني اوكي..

وكلك على بعضك ماتهمني، ولعلمك اتزوج جلب من الشارع ومااتزوج واحد متزوج يوم  اليكم ويوم عليكم..

لهذه تره ماانجبر اني لو مدري منو يوكف بوجهي… لهذه لتتعب روحك.. وعيش حياتك ويه عائلتك..

كافي تخلف وين بعد تردونه نصير تره دخلنه 2012
هذني العادات طيرهن  لان مو من مستوه دكتور جامعي للاسف على الشهاده العندك..

بس سوال واحد جاوبني عليه؟!

هز راسه وبابا صاح بيه گال كافي بسيل..

گتله:بابا اذا مو انته توكفلي لاتنسه ربيت بنتك تاخذ حقها وماتسكت عن حقها حتى واذ كان ابوي الضالمني.. مو هذه  كلامك الي؟!!  هذه نتيجه تربيتك الي افتخر بيها..

  وانته  ديسم  شنو الي عفته لل جاهل المايدرس مايعرف شي مايعرف شنو دين مايعرف شنو محور الحياه؟!!

جااوب يااستاذي  وين كلامك عن التخلف وين حكمك الي تدعي العقل بيهن والله حاليا اشوفج اجهل من الجاهل..

شو سكتت بس عاذرتك ولله لان ولدت بنص عائله متخلفه..

ماتعرف الصح من الخطا..

عفتهم وطلعت من الهول رحت لغرفتي سديت الباب

امشي بالغرفه رايحه راده   كازه على اسناني احس روحي من العصبيه  راسي  يرج رج   كرصت ايدي   وگلبي مورم بس افكر..

  من كد مافكرت بطني مغصتني  وجع لايطاق بمعدتي..

حطيت اديه على حلكي  وصحت بصوت احسه جرح حنجرتي، اذاناتي صوفرن .. من قوته..

كورت نفسي مددت على الكاع البارده ودموعي تنزل..
اشاهك  بصوت يادوب يطلع..

محد يعرف شنو احساسي من  شخص انته واثق يوكف وياج وفجاه يصير ضدج..

مستحيل انسه هل تصرف من ابوي واخوي وامي..

احبه اي احبه واعترف بس شنو الحب اذا يطلع متزوج مستحيل اني الفكره اخذت عقلي شخص يشاركني بااحد مو اروح اني اشارك..

ابجي على روحي الي نكسرت، ابجي على گلبي الي تحطم ابجي على حياتي الي تخربطت ابجي على ضيم گلبي..

بابا ابد  مايجبرني  على شي لو مدري شيصير بس اليوم صدمني بكلامه..

ميدري بيه عندي استعداد اوافق على استاذ امير الي مابينه اي كلام..

ولا اتزوج متزوج  وفوكاها عنده طفل..

  كمت وكفت كدام المرايه  اشوف شكلي الي تعب بهل اشهر الاخيره..

هالات سوده تحت العين بهوت البشره ذبول العينين  وحزن مرافق لوجهي..

اني من النوع من احزن لو اضوج بسرعه يبين على وجهي..

غمضت عيوني  شفته هوه وزوجته وابنه..

نزلن دموعي.. غمضت عيوني ذكرت عمو وزوجته..

سرعان ماضحكت  على الشغله الاجت بالي  ..

اني وانته ي ديسم..

تحط خشمك وياي ههه لا ولله اله اندمك وانته الممنون...

سحبت هوه  بااطمئنان...

رجعت مددت   كبل نمت...

حسيت على ايد تمسد على شعري فتحت عيوني

امي  كاعده يم راسي  تبجي..

ابتسمت  وصبحت عليها   گتله شبيج ماما

حجت بقهر: سوده عليه نايمه والدمعه ناشفه على خديدج ييمه..

ابتسمت گتلها اني  لا ماما متوهمه.على شنو ابجي اصلا مومهم هل درجه حتى تنزل دمعتي..

.. ييمه لو شما تكبرين تبقين ذيج لطفله الي على اقل شي تبجي.. ولو شما تسوين ماتكدرين تخفين الي بگلبج عليه اني الحملت بيج تسع اشهر واني السهرت ورضعت.وداريتج لحد ماكبرتي..

ستهضمت  گتلها  نبع الحنان شلون ينضم عليج انتي..

باستني من راسي گالت: اني وياج شتردين  اني وياج حتى  لو على حساب حياتي مو بنيتي تنجبر على شي.. ماتريده.

حضنتها بقوه گتلها ماطولج وياي مااخاف من احد..

كالت: ياله كومي تغدي البارحه سهرانه حتى مارحتي للكليه  فاتج الدوام  واني خليت جيلان يوديها ليث..

هسه على جيه كال هوه يجيبها..

بستها من راسها ونزلت غسلت وجهي  وتغديت شوي   بابا اجه  ماحجه وياي زعلان  صاح لامي  راحت وراه

واني كملت اكل صعدت لغرفتي معندي شي اسوي..

ليوم الحنه بس  مانحضرها لان باليل نروح للناصريه وعلى باجر  الزفه ..

حضرت ملابس اخذهن وياي.. 
ملابس الي البسهن فستان خردلي  حياكه كصه عدله..
وشال اسود وشوز بوت اسود..

  مددت  تعبانه مابيه حيل مدري ليش..

ربع ساعه دخلت جيلان..  كبل شمرت روحها على الجربايه..

جيلانه..  تعبانه ياقووم

بسيل  هههههه صايره خرده  مابيج حظ للاسف.

جيلان تعبانه والله الطريق شطوله ولج اخووج
شك حلكي    ساعه حابسني جوه الشمس..

بسيل هههههه ولج انتي ولا تسكتين بس الفشار والغلط بحلكج..

جيلان ويينن اني شوكت غلطت لو فشرت ولج ليش تاخذين ذمتي...

بسيل هههههههه اكوم اسبح سالفتج مطوله انتي...

جيلان كومي شردي بسرعه لايكمشوج..

بسيل ولي  ههههه  اخذت ملابسي  دخلت للحمام سبحت طلعت..

مشطت شعري.. شلته ذيل حصان   نزلت  جوه  بابا نايم وجيلان  كاعده تابع تلفزيون..

كعدت يمها  گتله اريد اطلع تجين وياي لو لا؟

جيلان وين؟!

بسيل اطلع افتر  ضايجه..

جيلان اي اروح بس منو ياخذنه..

بسيل ليث ياخذنه..

جيلان اي اروح لعد 

بسيل كومي بدلي حتى مايتحجج

جيلان ههه وعمي شلون متكوليله؟؟!

بسيل اليسمعج  يكول طالعه وحدي  ولج ليث ويانه ميحجي بس اذا وحدنه يطيح  حضنه يعني..

جيلان هههههه بسس عبالي يسوي اكثر..

بسيل  اي يختي مو بابا رقيق ورزالته  تعادل  ضرب مال سنه كامله يخليج تحسين بذنبج..

جيلان هههههه هذاك اليوم رزلني بس بطريقه كلش نازكه بحيث خلاني اعتذر واني الممنونه ههههه

بسيل هههههوهوه هذه بابا عكس امي

جيلان اي ولله..

بسيل  اكوم ابدل اني.
عفتها ورحت لغرفتي طلعت ملابس تنوره كلوش جلد زيتوني وبدي لون اصفر فاتح وتوربان زيتوني..

بدلت نزلت صعدت جيلان تبدل.. وتني رحت ل ليث..

دكيت لباب  كال دخلي  دخلت  لكيته  مددت حاط الحاسبه على رجليه  ..

كعدت يمه گال وين رايحين..

رمشت بعيوني گتله اخويه حبيبي يطلعني لان ضايجه  وهو واعدني يوكلني فلافل طبوش..

ضحك بصوت گال لابشرفج ومته واعدتج  وتعالي شو بس انتي تبدلين وتعال شوفير ليث وديني..

لعد اكو غيرك يوديني غير انته اخوي سندي..

ابتسم بحزن گال بس مابيه حظ..

ابتسمت  كتله ليش؟

اخذ نفس وزفره كال: اختي كدامي ينهون عليها ومابيه حظ احجي شي..

ابتسمت بتفائل گتله ياله كوم طلعني وانته ماكو احسن منك.انته اخوي سندي ولضلع ماينشلع.. مالك دخل  ب ستاذ حشره..

ضحك كال حشره صار هههههههه    ياله طلعي بلا مطرود ابدل ونطلع...

ضحكت كتله هوه انته طردتني بعد..

عفته طلعت   نزلت جيلان لابسه بنطرون اسود جلد  وبدي فوك الركبه بيجي وشال ماروني..

اجت كعدت يمي  گالت هاا شگال؟

ابتسمت بنصر: وافق بس يبدل ويجي..

ضحكت گالت وكفوو منج

ههههه لعد شعبالج.. اقل العشر دقايق طلع ليث لابس بنطرون اسود كابوي وبلوز بيجي اطرافه ماروني

ضحكت گتله شنو فلمك منسق ويه جيلان..

باوع لملابسه رجع باوع لملابس جيلان ضحك كال وداعتج ماادري والله..

امشي عوف التعذر مالي واهس اسمع مبرراتك..

 
ضحك گال ولج ياهو الجبير شو انتي ماخذه خاوه..

بسيل اكبر منك عقل مو عمر يعومري هههه على كولت هذولاك الناس..

ليث بسييل تره مااطلع اذا تبسمرين..

بسيل اخرمره ولله هههه طلعنه من البيت   طلعنه اخذنه  لفات كعدنه بالسياره اكلنه.. خابر  گال تعالو راح نطلع للناصريه..

حسب مافهمت من ليث اني وجيلان وياه نروح

وبابا وماما سوه  راح يطلعون قبلنه ..

رجعنه للبيت بسرعه بدلت  وجيلان مقبلت تبدل بقت عليهن  اخذنه ملابس طلعنه..

حطيت الجنط بالسياره..

صعدت بالصدر وجيلان وره..

طلعنه بالثمانيه ونص.. طريق كله اغاني ساعه حزين ساعه هوسه  اخر شي تعبت نمت

ماحسيت غير على ليث يكعدني  كعدت   واصلين باب البيت..

  نزلت   جيلان واكفه كدامي عيونها حمرر

  حجيت بهمس شبيج..

جيلان ردت مابيه بس تعبت..

سكتت بس مبين عليها باجيه لان حتى صوتها مو طبيعي..

سئلتها عن البيت المن گالت بيت ابو ذات..

مجرد سمعت بيت ابو ذات مدري ليش جسمي رجف..

اباوع عليها عينها على جهه الزرع مدري بستان..

نزلن دموعها  قربت عليها مسحت دموعها  حضنتني بقوه بجت..

تبجي وتكول ماريد ادخل للبيت فدوه..

اجه ليث گال شبيجن ليش مدخلن ولجن والله فشله واكفات هيج وشبيها جيلان؟؟!

باوعت عليه گتله ماتريد تدخل تخاف..

تفاجئ گال منين تخاف؟ وين نروح ولج همه بس عمامي هنا ماكو غيرهم..

  ماادري انته دبرها فدوه متشوفها شلون تبجي...

  رجعنه گعدنه بالسياره وره.. وليث كال اخابر ابوي اگوله فشله ادخل وحدي شيكولون اول مره تجين ومدخلين..

ثواني طلع.بابا وهجان..

تقرب علينه بابا گال شبيها جيلان؟؟

رديت عليه تخاف تدخل جوه بس تبجي حتى نفسها مامنتظم..

فتح باب السياره الي من يم جيلان صعد حجه وياهه وهيه زادت بجي متريد تخاف...

يكلها هذه ابوج اكو واحد يخاف من ابو،ياله بنيتي اني وياج  لاتخافين..

ردت عليه: والله اخاف منه،  هوه گتل امي وذات والله گالولي انتي وراهن تموتين..

  رد عليها بابا: بنيتي ابوج تغير وانتي حبابه هذه ابوج شوفي هو دز عليج يريد يشوفج..

تحجي وتشاهك: ماريده اني ماريده صار شكد اريده وهوه مو يمي الاب امان بس مو الي مو الييي

كسرت گلبي كلامها يجرح حجيت بهدوء: بابا عوفها لاتجبرها خطيه ماتشوفها..

هجان  عمي عوفها اني اخذها لبيتي محد بي
وانتم تعالو بي تاخذون راحتكم بي اكثر واني حجيت وياك بس انته لله يسلمك قافل..

ردت عليه حتى قبل لايرد ابوي  للا. ولله ماروح لبيتك  مارووح  والله اريد ارجع ماابقى يمكم والله..  عموو فدووه لاتاخذني يمه..

رد بابا  هجان مهما يكون ابوها  وانته بعدني تره ماخلصت شغلي وياك يعني ترجع وياي بس ادبر مكان لجيلان..

ضحك بهدوء گال مو كتلك من تقفل على شغله ماتعوفها لو مدري شيصير..

زين بقه مكان واحد بس هسه بسيل الترفض مو جيلان ههه

بسيل وليش ارفض  اذا مكان ترتاح بيه جيلان!

هجان شقه ديسم مقفوله محد يدخل الها غيرديسم من يجي من بغداد..

بسيل   محجيت شي سكتت  واخر شي  اتفقو نروح لبيت ديسم..

ابوي گال انتي نزلي على الاقل سلمي على عمج وبعدين اني اخلي  واحد من الولد يوديج..

بسيل  اي بس ماابقه هنا تره..

ضحك هجان  گال عمي هيه كوه محد يريد اخوك وانته مصر..

رد عليه ابوي  مصيرك تعتذر من عمك مو كافي ابوك تبره منك  صير زلمه وابقه على حجايتك واعتذر منه

وصلته للموت وهسه تحجي عليه..

عدل غترته  ومسح على لحيته  گال:  انه كدامك واكف قابل نهزمت من شفتك..

هز راسه ابوي گال  امشي كدامي هجان انته نيتك واضحه مثل عين الشمس..

نزلت من السياره  ليث اخذ جيلان..

دخلنه لاستقبال بس شنو شكبره يمكن بحجم بيتنه..

حاطين جربايه ام النفر   نايم عليها..

تقربت عليه  رجال جبير  مبين عليه القوه رغم العمر والحاله مالته  عاقد حواجبه  عيونه لونهن غريب وحده عسلي والثانيه عسلي بس بيها لون خضار  

تقربت عليه سلمت عليه باسني من راسي گال  هسه ياله نورت الديره..

ابتسمت بخوف كعدت يم ابوي..

يمكن اذا اكول عكس السمعته عليه  توقعته حاط القامه بصفه  وشكله لعبان نفس وبي اثر خياط شو هذه انسان حباب لحد الان..

هجان كعد بدون سلام وابوي خزره بس ولايمه كعد ولا يمه..

شوي اجه ولد  لابس دشداشه ولاف غتره.. جاب كهوه لابوي ولهجان بس شنو هجان خزره

والولد بس شاف هجان نخطف لونه..

طلع الولد  وابوي كال  ياله هجان  كوم اطلب السماح من عمك..

ضحك هجان كام وكف عدل دشداشته كال اييي عمي العزيز شلون صحتك ان شالله ماتاذيت هواي..

ولو يكولون البي حظ مايموت..

ابوي خزره هوه ضحك  تقرب على عمو   كمش ايد عمي والثانيه على كتفه احسه عصره قوي بس عمو مبتسم..

بوسه  من راسه  گال انه رجل بنتك الوصلت لباب بيتك تخاف تدخله   طالب السماح منك عمي العزيز..

ابوي بالكوه متحمل لهجان الي يستفز بعمي..

بابا باوعلي گال  روحي يم امج
رديت عليه مااندل منين اروح..

كال طلعي ورحي على ايدج اليمنى  باب دخل منه..

طلعت وعلى المكان الكال عليه بابا فتت منه  ..

جانت اكو بنيه مو جبيره   لابسه اسود گلت سلام عليكم..

ردت عليه ببتسامه  وعليكم السلام بنت عمي انتي

هزيت راسي گلت اي اني..

ودتني يم امي سلمت على زوجه عمو  كعدت يمها  تحجي وتسلم  ساعه تقريبا..

دز عليه بابا گال انتي وامج ترحون ديسم اجه ياخذجن..

ابوي بقه يم عمي واني وامي رجعنه لشقه ديسم..

صعدنه لشقه ديسم  دخلنه كلش حلوه  مرتبه غرفتين ومطبخ وصاله  وصحيات بنائها تركي.. الوانها ابيض والاثاث نيلي وماروني..

دخلت للغرفه الي النه عايفينها..

  بدلت ملابسي كعدت يم جيلان نايمه

شوي  صارت هوسه وامي صاحتني..

طلعت لكيت ام ديسم جايه وسنين وياها سلمت عليها وهيه من وره خشمها ترد..

كعدت يمي سنين تحجي همست الي

سنين: ديسم يكول شتحجي امي لاتردين عليها..

بسيل هههههه اي بس اليوم اريدج تبقين يمي

ضحكت گالت خابري ديسم كليله اذا قبل  اضل يمج..

ابتسمت گتلها هوه وين

كالت جوه يم ابوي..

گتله لعد تصيرين نفس الشطوره وتروحين تكوليله  بسيل تريدني يمها اليوم..

ضحكت كالت اي راح اروح نزلت سنين..

وام ديسم فتحت موضوع  ديسم يريد يخطب بنت خالته..

امي باوعتلي   ضحكت بستهزاء حجيت بصوت ناصي..

والله حلوه متزوج وابنه بطوله  ويردون يزوجو ههه

حجت ام ديسم منو ألمتزوج عليمن تحجين انتي..

ابتسمت وحجيت والله يعمه قصدي على ابنج ديسم متزوج  وابنه عمره سنه ونص تقريبا وهسه تردون تزوجو..

امي خزرتني. وام ديسم عصبت   گالت ومنو گلج ابني متزوج وانتي منو حتى نحجين على ابني  ديسم باجر اخطبله بنت خالته تسوه راسج وراس الخلفج..

نوب عليه بنوات بغداد  ماخلصنه من امج رجعتيلنه انتي..

فتحت حلكي على كلامها گلتلها  بنات بغداد على راسي هنه يمج وامي دومها مماذيه بشر  والله يستر من التردين تخطبيها..

ردت عليه اييي بعد بنت امج شترجه منج صدك لو كالو فرخ البط عوام..

ضحكت گلتلها:عمه لا تشوفين الناس بعين اطباعج..
ولعلمج عمه ابنج نهه عليه يعني  ابنج يلعب عليج..

هيه سمعت هيج لو تخبلت  منو منو نهه عليج.
والله ولا اصدك  هوه گال ماريدها  لاتجذبين صيري ادميه..

والله يخاله روحي سئلي ابنج ليشش مكالج على زواجه ولا كالج عندج حفيد اسمه دريد يخبلل.   وليش نهه عليه  واني مااريده..

التفتت يمنه يسره هستوها دخلت سنين  صاحت بيها روحي صيحي لاخوج بسرعه.

نزلت سنين  وام ديسم تلطم اني  ولك اني تضم عليه زواجك عسااك لاتهنيت بهل زواج يديسم  .

بهل اثناء دخل  دخل ديسم بالبرموده  والفالينه شعره مهوس وشكله جان نايم..

باوع عليه   رجع التفت على امه گال خير يمه شبيج تصيحيين؟؟

ردت عليه تعال شوف هذه لمتسمه  تكول متزوج وعندك طفل صحيح حجيها ولك احجي لاتسكت..

باوعتله اريد اشوف رده فعله  باوع عليه بعدم مبالا كعد على طبله حط رجل على رجل،  ابتسم غظ شفته الجوانيه خربط شعره گال  اي  دريد وازيدج من الشعر بيت نهيت على بسيل..

ام ديسم تلطم وتصيح  وهوه ولا يمهه  مركز عليه..

مااحس  اله اجتي عليه  ضربتني  بوجهي وجرت شعري  صحت بوجع اخخخ..

امي تحجي وياهه ماكو بس تصيح وتضرب
ديسم  وخرني من ايدها جرني وره ضهره..

حجه برود:مو كافي يوم!

ردت عليه بعصبيه:ولك وخر من يمي اريد اعلمها الادب شلون يصير.. نوب عليه بنوات شوارع يحجن  ولك شلوون تنهي عليها..

رد عليها بعدم مبالا: حياتي اعتقد متخص احد بيكم؟

ولك يبن بطني هيج تحجي ولك انه التعبت وسهرت عليك هيج تحجيي  اييي صدك لو كالو الك*** غلب الدو**..

صاح بصوت رج البيت : يوم كفيلج العباس تعبت من مشاكلج لاتخليني اخذ سنين واطلع من هل بيت  وبسيل الي متصير لغيري   فهمتي لو لولا؟؟!

ردت عليه: اخذهاا واطلع بس والله والله يديسم اذا تزوج هذه المتسمه لاعرفك ولا تعرفني وعساك لاتهنيتت  بحيااتك وياهاا، هذه البنيه ماتبقه بيتي هسه تطلع  ...

بسيل  ختنكت  من كلامها  ،   وخرت من ديسم  للغرفه .

لبست شال   طلعت..  حجيت ويه امي..

امشي ماما نروح  ماابقه هناا..

ردت هسه اخابر اخوج انتضري..

ديسم وين خاله شنو هل كلام  ساعه وحده اله وين ترحون..

بسيل مالك دخل انته ماابقه هنا لو مدري شيصيرر فهمت لو لا!

ديسم  بسيل اهدئي

بسيل  عفتهم نزلت  امسح بدموعي حتى مايشوفونها..  وصلت نص الدرج اجه ديسم  كمشني من ايدي

گال  بسيل مو حلوه طلعتج زعلانه من البيت  ارجعي وباجر الصبح اوديج بيدي..

بسيل  مالك دخل والله والله بيتك بعد مااطبله  خرب بيهج عيشه هيه منو حتى تحجي هييج هاا.. اني محترمتها لخاطر بابا والله  وماتجاوزت بحرف بس امك فرد مره مصختها..

ضحك بهدوء گال:بزونتي  الخبيثه لو ماانتي حاجيه  م جان صار هيج  بس لعلمج بزونه هيج تخليني اصر عليج  ..

بسيل  ديسم  اريد اروح

خربط شعره الكيرلي  رفع حاجب  مسد على لحيته  وابتسم گال: عادي ياله كدامي اخذج  لبغداد..

بسيل  اي  لعد امشي..

طلعنه من لبيت  دخلني لبيتهم 

_كال هسه اجي اوكفي هناا

هزيت راسي  دخل للبيت شوي طلع لابس سويتر فوك الكيمونه وياه سنين..

ابتسمت شافتني اجتي ركض كمشت ايدي..

  ابتسمت  كدتها  مشينه للسياره   كعدت وره واني كعدت بالصدر يمه..

صعد وانطلقت السياره بينه..

نص الطريق وسنين تحجي عن اخوها يمكن مذكرت احد غيره..

نامت سنين الدنيا بارده تكص كص  وهو طرك السويتر والبرموده..

شغل اغنيه لحسام الرسام  يغني وياها بحيث اله شويه اسد المسجل لان حافضها بس فاجئني صوته كلش حلوو

راح أكتب أحبك جوة جفن العين
حتى لو نمت ما تروح من بالي
أول ما أغمض من يجيني النوم
تظل كلمة أحبك صايرة قبالي

أحبك حيل أحبك، ما أريد أنساك
وأحب جروحي جي من عندك جروحي
روحي وما أقولك شو بعيدة بعيدة الروح
أنت أقرب إليا حتى من روحي

وهل مقطع انت اقرب اليا  حتى من روحي.. مادري شنو من شعور اجتاحني خلاني التفت لديسم الي متعايش ويه الاغنيه ويغني وياها.. معقوله  يحب زوجته   اووف شنو هل غباء غير زوجته...

تفكير تفكير موتني..

الدنيا ليل  اني وياه  سنين نايمه..   باوعت للسماء من الجامه نزلت دمعتي  مسحتها..

وصل لمقطع   احسه حجاه بقهر لان كلش ردده

أحبك حيل أحبك، ما أريد أنساك
وأحب جروحي جي من عندك جروحي

روحي وما أكولك شو بعيدة بعيدة الروح
أنت أقرب إليا حتى من روحي..

مغمضه عيوني ودموعي تنزل بهدوء..

واستمع لصوته للي  تغلب على صوت حسام درجه نصيت المسجل  وصوته الوضح اكثر من حسام..

حجه ديسم:  بسيل هيه وحده مو اثنين انتي ليش رافضتني..

مسحت دموعي و التفتت اله گتله:ابسط شي متزوج وعندك طفل..

هز راسه گال وصل جوابج..

سد الاغنيه  وكمل سياقه اني تغلب عليه النوم ونمت..

ماحسيت غير لمن سمعت صوته يحجي بعصبيه..

_ ايي شكو هسه تره ماراح اكلها وسنين ويانه

_لالا بس لاتخلون بالسالفه بيها انه ومايصير شي

_ههههااااي لهل درجه ماواثقين بيه الي يسمعك تمي يكول  راح اكلها..

_تره تبقى عرضي ومو اني الي يلعب بعرضه

_ عمي مو رحت يوم للناصريه صرت تفكر نفسهم واذا ليل قابل مسوي مكسوره

_ عمي باجر تعال واخذ حكك مني  طبعا هذه اذا عندك حك يمي

_يارب العباد اكول  اني اريدها اريدها زوجه الي لاتحجون هيج

_ عمي ليش تجذب الجذبه وتصدكها اني من تزوجت بناء على طلبك مني وماردت اردك وانته اكثر شخص يعرف اني ماردت اتزوج  وعلاقتي باام دريد فقط الطفل لو مالطفل جان من زمااان مطلك..

_عمي ومو ماتعرف شيطاني شلونه احتمال يطكن عندي باجر قبل لاتجي تلكيني ماخذها عاقد عليها...

_خره بالكوا***  بس اكلك لاتط اعذاار عمي   الله ويااك وصلت البيت  ياله ياله ايي ايي فهمتت..

خفت  شكو معقوله هذه بابا معصب عليه لا شنو السالفه قابل شكوو..

بقيت ادعي النوم فس سبيل افهم شكوو

حسيت عليه 

كعدني  فتحت عيوني گتله  يااا نسيت المفتااح  ماجبته...

ابتسم گال هذه وينه اخذته من عمتي ياله نزلي..

نزلت  هوه هم نزل ردت اكعد سنين ماقبل

گتله لعد شلون تبقى هنا؟؟

گال  لا ماطول ادين اخوها موجوده  مو لازم اصحيها خطيه  هاج المفتاح فتحي لباب..

اخذت المفتاح فتحته التفت گتله  فتحت لباب..
  شالها  ودخل للبيت  حطها بالهول على الكرويته..

طلع سد لباب ورجع.. كعد يم راس سنين..

التفت عليه گال رغم انتي حقيره  بس راسي مصدع واستاهل كهوه من اديج على هل تعب؟؟!

حجيت بقهر:هسه اني الحقيره لعد انته اناني من تنهي عليه وانته متزوج..

كمش راسه گال شكرا وتعبتج وياي هذه هو ماريد كهوه بس اريد انام راسي موتني وانتي تلغين..

طلعت من يمه رحت للمطبخ  سويت على كده كهوه صارت وديتها اله اخذها مني

گال:  شعجب تشربين  كهوه اني الي اعرفه البنات مايشربن كهوه خاصته مره..

ابتسمت حجيت هذه زوجتك ماتشرب بس اني لا اشرب كهوه خاصته مره.

خربط شعره الكيرلي  گال والله ذكرتيني بيها مشتاقلها.. بهل برد   كون دفو حظنها ولو هيه راسها يابس.. بس المهم هيه..«  ركز على اخر كلمه»

رديت عليه  : انته شكد شايف روحك دخيل لله  تدري شنو لو بيدي هذه شعرك الكيرلي  احطه وبالموس ازينه صفر كل حجايه والثانيه وانته محرك
شعرك..

ضحك  حظن ادينه لصدره كال:هيج محمله عليه

رديت بتحدي  واكثر بعد

تحمحم گال: لعلمج بزونه  تره ماانسه شي  ويجي يوم احاسبج على سوايه اليوم!؛

وهاا ازيدج من الشعر بيت من گال عمي بسيل مكيفه على الروحه غسلت اديه بتيزاب هم لان عرفت راح تسوين هيج.

بس ساكت بمزاجي

حظنت اديه لصدري حجيت بجديه: بابا هوه الخابرك مساعه؟؟!

غلس مارد على سوالي گال ليش الكهوه محروكه ولو مو من كل گلبج وفوكاها بارده..

قلصت عيوني حجي: ديسم سوالفك مو عليه كول شنو السالفه وليش بابا خابرك وشكوو.

اخذ رشفه گال  كل مافي الموضوع ابوج تعقد نفس عمج وحاليا متخبل ليش اني وحدي جايبج لبغداد  ..

واني ناهي عليج والشيطان ثالثنه.  وضحتله اذا اكو شيطان فا ماكو غير بنته بسيل على افكارها الخنفشاريه  ابليس بجلاله قدره مافكر يسوي هيج وانتي اصلا ابليس  يرفعلج القبعه...

هذه لو دراسه مافالحه بيها  بس مشاكل لاشلون لازم تتفوق..

بسيل ضليت فاتحه حلكي على كلامه ضجت منه بسةضحكني مثلاگتله : عااش ذوقك استاذ مغرور ولعلمك انته انذل استاذ شفته..

عفته وطلعت اخذت بطانيه  ودوشك ومخده لسنين    فرشت الها كعدتها نامت على الفراش طلعت   لغرفتي قفلت الباب  مددت على الجربايه..

اخذتني الغفه نمت لطريق طويل ومتعب..

ماحسيت غير على صوت الباب يندك..

كتدت صحصحت فتحت لباب سنين..

صبحت عليه سئلتها على الساعه صدمتني 8ضبط باليل..

ضحكت گالت: ردت اكعدج بس ديسم گال عوفيه تنام.. وهاا صدك تره عمو بالطريق هوه وعمه وجيلان..

ابتسمت گتله ان شالله يوصلون بالسلامه..

كدتها ونزلنه غسلت وجهي رحت للمطبخ ماكو مواعين لعد منين اكلو.؟؟

ابتسمت حجيت: حبيبتي سنين لعد وين اكلتو

سنين :  ديسم جاب دجاج مشوي  وعاف حصتج بالفرن..

حجيت  ببتسامه: بالعافيه حبيبتي.. 

كعدت على الكرسي   ربع ساعه ندكت لباب طلع ديسم فتحها..

دخلو بابا وماما وجيلانه بس ليث ماكو

بابا مبين عصبي  وامي ماحجت شي بس سلمت عليه وعلى سنين راحت وره بابا..

جيلان الوحيده التضحك  اجت كعدت يمنه: كالت ولج يمعزايه شمسويه حتى خليتي امج ماتروح للعرس

ضحكت بهدوء گتلها ماسويت شي..

هزت راسها كالت  تره عمي سولف ومتحلفلج  يعني

ضحكت هيه صعدت،  ثواني اجت امي  گالت بسيل ديسم  عماد يريدكم بالمكتب.

    كمت وكفت اجه ديسم راد يفوت اني كدامه گال:السيدات اولا  اشر بيده  ..

فتت كدامه  فتح لباب دخلنه للمكتب  بابا كاعد وره مكتبه گال تعالو تفضلو   ليش واكفين  اخاف تعبتو من طريق..

ديسم ابتسم وهز راسه بهدوء  كعد 

واني هم كعدت كدام ديسم  صرنه  واحد بوجه الخ..

بابا ساكت وديسم ساكت، هدوء وهذه الهدوء  قبل العاصفة..

ثواني حجه بابا گال: ايي ديسم  كم  عم عندك بالناصريه ؟؟!

رد ديسم خير من لله..

رد بابا گال:ومن خير من لله ماكدرت تجيب بسيل لبيت عمك اني مو يمه لو بيت عمك ابو جساس لو لبيت عمك ابو هجان اكو واحد منهم يحجي اذا توديها يمه.. انته تشوفها حلوه  تجون وحدكم من  الناصريه لبغداد..

رد عليه ديسم  من رخصتك عمي شنو الفايده من الكثره بلا نفع..    ولاتخلي الحجو بعقلك يمشون رايهم ترانه مادست اصبعها لبنتك  وهذه كدامك..  كاعده نفس الحصان.

رد بابا فكره منو تجيبها لبغداد!

رد عليه ديسم فكرتي اني لان اشوف بيوت اخوانكم مكثره بلانفع..

صار نقاش حاد بين ديسم وبابا وختم النقاش بابا بكلام ابد ماانساه حسسني بقيمتي عنده.. راح يوم واحد يم عمو تغيل الف درجه...

گال ديسم اسمع باجر تجيب سيد وتعقد على بسيل مو تريدها واني منطيكياهه بعبايتها..

من صدمتي ضحكت بستهزاء واني من يمته البس عباه  ،  هيج ترخصني بابا تره ماسويت شي غلط لعلمك اني نطردت ونهنت ونضربت وهسه انته ختمتها بكلامك..  مسنحيل انته ابوي  لا مستحيل بابا يخاف عليه من نسمه الهوه مو نوب ينطيني لابن اخو وفوكاها متزوج وعده طفل..

بابا ولا يمي لاحجه ولا كال ديسم عينه بعيني ماوكعت بلعت غصتي حجيت : بابا تعرف الي دسوي حرام واكبر حرام هم انته دتخرب عائله  وشوف اذا ماخربت حياتي    كما تدين تدان

  يوم اني اخرب عائله باجر عكبه تجي وحده تخرب عليه.. بس احب اكلك بابا حبيبي انته نزلت من عيني طلعت مو انته سندي وعزوتي لاانته انكساري انته خذلاني انته قهري..

عفتهم وطلعت بابا صاح وراي اني مرديت عليه..
ركضت للغرفه  شمرت روحي على الجربايه تغطيت   واجبرت روحي على النوم...

كعدت ثاني يوم راسي يوجعني احسه ثكييل حيل  مابيه احجي صوتي بالكوه يطلع حالتي مزريه لابعد حد..

غمضت  عيوني وفتحتهن  كمت وكفت كدام المرايه..

اريد احس شي ماكو ماعندي اي احسااس معقوله مات الاحساس عندي!!

نزلت جوه لكيت امي وجيلان وسنين  كاعدات وبابا بالهول كاعد..

كعدت يمهن بالمطبخ    ماكو اقل لساعه ندكت لباب  طلع بابا   فتح لباب شوي رجع حاجه ماما

_ كوليلها خلي تحظر روحها السيد اجه يعقدلهم هيه  وديسم..

نصدمت منه  كبل باوعتله  فاتحه عيوني   ليش هيييج بابا ليشش شمسويتلك حتى هييج ترخصنييي شبيك بابا انته مو هيج لاتخليهم يخربون تفكيرك..

مااحس عليه غير كمشني من حنجي بقوه 

خزرني گال والله ثم والله اذا ماتكومين اموتج على ايدي فهمتي..

بسيل عيني بعينه  ولا حنيت اله كل مره اخجل حتى اركز بعيونه.بس هل مره لا اختلف كل شيي...

  سمعت صوته من وراي يحجي..

ديسم عمي عوفها اعتقد راح تصير زوجتي وانته مالك حق تمد ايدك عليها؟؟!

بسيل شمر ايده بقوه طلع   ديسم لحكه امي تبجي..

وجيلان مصدومه..

ثواني طلعت وره لباب حجه الشيخ كلام هواي اخر شي كال  بسيل بنت عماد تقبلين التزويج من ديسم  امام الله وامام الشهود على مهر مقدمه** ومااخره
**

عادها تلث مرات جاوبته بنعم   احسها جرحت بلعومي من طلعت...

وتم  عقدنه اني وديسم صرت زوجته امام لله..يتبع..

سلام شلونكم صباحكم تفائل ان شالله

بنوتاتي ليش هل تعليقات السلبيه  بدل هل تعليق السلبي كتبو تعليق ايجابي يحفزني على الكتابه..

تخيلو اني البارت صايره يومين ياله اخلصه لان مصابه بڤايروس كورونا طبعا ماجنت حابه اصرح بس ااغلبكم يعلق تعليق سلبي  ..

لمهم حبايب اريد همتكم بالقصه واني دااحاول  اختموالقصه بااقرب وقت والنشر بين يوم ويوم..

اتمنه منكم تتفاعلون على الفقرات  وتدعولي بالشفاه  واتمنه اذا غبت ومامني خبر تبروني الذمه.. فا احنه گلنه ضيوف في الدنيا..

ولعلمكم لبارت 5500كلمه..

القفله مو خبيثه نفس قبل 🥺