رواية لماذا احببتك الفصل السادس 6 - بقلم اورجانزا الطائي

هلا شلونكم  بنات  اليوم حابه اوضح اكثر من شي
بخصوص القصه هواي تسالون عنها الهجه  تعرفون بس مو هسه  بعد انتضرو وتعرفون  ليش هيج لهجتها وليش بقيه الابطال ميحجون نفس ذات  ..

وهذه البارت راح تعرفون شوي عن الاشياء الي تسئالون عنها..

وبنات  تفاعلو على الفقرات 
وصوتو على البارت
واذا شفت التفاعل كلش حلو باجر انزل بارت واذا لا تنتضرون على الثلاثاء 🌚

لماذا احببتك
البارت الخامس  «مفاجئة»
بقلمي اورجانزا
.
.
.
.
.
.
.
.
.
.
.
.

.... لبيب

هِجان عساااج لاتهنينيي من هيج سويتي...

ضرب قبضه  ايده بالمرايه تكسرت  ووكعت بالكاع وهوه اعصاب صار خفت حيل منه   زدت بالبجي واحجي وياه بابا ولله ماسويت شي ولله هوه وحده طلع اني مادخلني ولله بابا

اشهك وابجي  ضرب على راسه  وطلع..

ضليت بمكاني ابجي لحد مااجت  عمتي مشاعر وبيبيتي..

مشاعر  كومي حبيبتي وياي

لبابه  ولله ماسويت شي ليش بابا يصيح  عمه   واله ماسويت شي 

مشاعر  حجيت بگلبي  لله ينتقم منج يابسمه

كومي يبعد حيل عمتج  ماكو اشي..

لبابه عمه باباا

مشاعر  لبابه حبيبتي بنيتي ياله كومي وياي هسه ابوج يجي 

لبابه كومتني عمتي دخلت للحمام نزعت ملابسي   شفت الدم انرعبت   بسرعه فتحت الدوش وصرت جواه

غمضت عيوني  ادعي لله يروح الدم

خلصت سبح  تنشفت  وحاجيت عمتي تجيبلي ملابس

واكفه انتضرها  حسيت حراره نزلت

نزلت راسي  شفت دم ينزل   بجيت   وصحت عمه عمه عممممممه  تعاالي عممممه

مشاعر رحت اجيب ملابس لبابه   سمعت صياحه  رجعتلها اركض للحمام 

حاجيتها من يم الباب  شبيج يبعد عمتج
اسم لله شبيج حبيبتي

لبابه عمه دم عمه والله اخااف عمه 

مشاعر  ادخل عليج لبابه  

لبابه اي اي.عمه تعاليي ولله اخااف

مشاعر غسلي وانه ادخل ياله حبيبتي  لاتبجين مو كطعتي گلبي

لبابه رجعت سبحت مره ثانيه   ونشفت.جسمي   انطتني عمتي الداخليات   وياهه *****

حجيت بخوف عم مه شسووي بيها

مشاعر  حبيبتي تحتاجيهن هذني لبسيها وانه افهمج

لبابه  لبستهن وانطتني تراك برموده لون اصفر البدي والبيجامه سوده...

طلعت من الحمام

تلكتني عمتي اخذتني من ايدي ورحنه لغرفه ابوي

كعدت على السرير كالت

مشاعر حبيبتي  هذه الدم الي تشوفي عادي ينزل عليج بالشهريه هذه دليل على بلوغج  يعني هسه صرتي بنيه جبيره  مسؤاله وكل بنيه يصير وياها هيج..

لبابه عمه حتى انتي يصير هيج وياج

مشاعر هههه اي يعمري حتى انه   واخواتج من يكبرن  هم يصير وياهن هيج..

لاتخافين انتي ممسويه شي غلط  لاتبجين ولاتخافين

وهيه ايام من كل شهر تجيج وتروح  من تجيج ميصير تصلين وتقرين قران بيها..

لبابه بس عمه اني اخاف من الدم من انجرح  بيدي اخاف وابجي  وبابا يجي يعقمليا   ماتحمل اشوف الدم بس اشوفه ادوخ واوكع..

مشاعر انتي قويه  لبابه انتي مسواله عن ابوج وخواتج  ابوج ماعنده احد غيرج بس انتي وخواتج هم ماعدهن احد غيرج...  انتي اختهن واههن لاخواتج.

لبابه عمه ليش بابا كام يصيح.

مشاعر حبيبتي  مو عليج على المتخاف الله..

لبابه عمه  اذا اسئلج سؤال تجاوبيني ومتكولين لاحد.

مشاعر   بابتسامه كولي حبيبتي شنهو

لبابه عمه شنو يعني بنيه  وشنو شرف..

مشاعر   ههه عمه هوه اني الافهم حتى افهمج للاسف عمتج مالها بهل سوالف بس اكلج البنيه يعني مامتزوجه
ومايصير تخلف  لان بس المره  لمتزوجه تخلف  والشرف هوه عذريه المره

لبابه عمه  شبيج  شنو العذريه وليش مو كلتي المره بس الي تخلف شو  هسه كلتي عذريه للمره

مشاعر ولج هل سوالف اكبر من عمرج  عوفيهن مو زين انه فاهمتهن..

سكتت ثواني معدوده واردفت

ياله كومي  وياي شوفي ابوج خطيه شسويتي بي 

لبابه ليش شبي بابا

مشاعر هوه غير اجانه عقل ماعده بس يصيح هرج البيت  هرج   عد وصف على امي لان من سألناج  قبل فتره 

هوه كال لامي سأليها  .. واني حمد لله كلتي بالغه

لبابه ولله بيبي كالت لابوي بنتك  بالغه لبسها حجاب

مشاعر من طيح لله حظج يابسيمه  عرفت بس تدوح ماتعرف  تعلم بنتها

حبيبتي  امي قصدها بالغه السن مال الصلاه والصوم والحجاب يعني سن التكليف  مو بالغه  تجيج الشهريه

لبابه عمه  والله ماافتهم منج شي  اروح اشوف ابوي

مشاعر   فوك مااعلمج  تولي

لبابه ههه اروح لابوي

مشاعر  ولاجنج الي قبل شويه بستبجي وتصيح  وخيلتينه نجيج نفس بيب بيب امشي كدامي  ياله

لبابه عمه والله ازعل منج

مشاعر امشي لجوتزعل والج عيت هم

لبابه ضحكت  وطلعت ادور على ابوي

مالكيته  طلعت للحديقه  لكيته كاعد جوه السقيفه..

تمشيت اله اضحك

شافني  اشرلي على المكان الي يمه كعدت بصفه

حضني من كتفي وكال فهمتج هل هايشه

لبابه ههه اي بابا

هِجان  وطلع براسها حظ هايشتنه

لبابه اجت عمه مشاعر تحجي

مشاعر شنهو سمعت واحد يكلي هايشه  انه وين  والهايشه  ولله ضعيفه

هِجان ههههه  لعد انه.ليش اصيحلج هايشه  غير لان تاكلين بس خضره

ماتردين تسمنين.والهايشه كضت عمرها  تاكل خضره وحشيش وشسمنها ماتضعف

مشاعر ولله راح ازعل منك

هِجان لا كلها ولازعلج عمي مستفاد منج  شلون ازعلج

مشاعر مصلحه يبعد اخيتك

هِجان ههه  يعني

لبابه ابوي يحجي ويشاقه ويه عمتي  شويه  ورجعت عمتي وبيبي

مرات احس بيبي وجودها نفس عدمه ابد ما تحجي وياي يادوب مرات تحجي وياي بس ويه خواتي تحجي وتكعدهن بحضنها...

   صافنه على الكوب الي بي كهوه ساده  مشروب ابوي المفضل هوه حتى الجاية يشربه بي  مر وره نص خاشوكه جاي شكر

ماعلم ماعنده امراض.

   ندسني بكتفي نزيت كتله هاا بابا

كال

هِجان وين صافنه أميره ابوها

لبابه مصافنه بس ليش تشرب الكهوع مره حتى الجاي تشربه مر..

اخذ نفس   خله اديه وره راسه وارتاك على الكرسي كال

هِجان  بنيتي انه مستحمل مروره الحياه بقت على الكهوه  والجاي

لبابه هاا

هِجان ههه لاتفكرين بنيتي ماكو شي
لبابه ابوج  من اليوم اي شي تحتاجين كليلي انه اجيبلجياه  حتى *****  كتبي من ضمن المسواك  ماريدج تحتاجين غيري مفهوم بنيتي

لبابه  نزلت راسي اسنحيت من بابا يمكن جنت ناسيه بس من ذكر *****    تذكرت..

رفع راسي بيده كال

هِجان لاتنزلين راسج بعد ابوج   ولا تستحين هذه الشي الله  هوه الي  رايده لاخجل ولاعيب

لبابه اي بابا

مشت الايام والاشهر  وصار عمري 13 احس عمري  صار نهايه العشرين..

تحملت مسؤليه اكبر من عمري

بهل فتره عرفت الحياه مو بس لعب وضحك واكل وشرب ولبس  لا الحياه طويله..  بيها اشكاال بيها

تعلمت اطبخ بس اكلات بسيطه

مثلا مقالي وكبه كباب بورك  تعلمتهن من  عمتي مشاعر..

الي بعمري حاطه لعابتها بحضنها اني حاطه بنات ثنين واب  مسوله  عن اكلهم شربهم لبسهم  ..

حتى الي يشوفني ينصدم عمري 13 اكثر الناس عبالها عمري 19لو 20  بنيه جسمي وشكلي يوحي هيج بس مو ضخمه لا بس واضحه  اجزاء جسمي..

ابوي شكد راد مني ارجع للدوام بس اني ماقبلت   بس يلح عليه ابجي وهوه يسكت..

اخواتي ابتدائيه سبيل  كبرت وكدرت  اعتمد عليها  درس بان

بان شلعت گلبي ماتسكت من بابا يلتحق للدوام تضل تبجي   وتعال الي يسكتها..

علاقتي بعمتي مشاعر  وذات موده  وجيلان كرايب ابو موده كلش قويه  بهل فتره  حتى من ماروح عليهم يسألن  عليه..

لاحضت علاقه ذات وجيلان كلش قويه حتى اقوه من ذات وعمتي..

البارحه اجت بيبي باتت يمنه   لان  عمتي مشاعر  باتت يم موده   وليوم اجت  باتت يمنه عمتي مشاعر وابن عمي حسنيين إسلام

نايم  بالديوانيه وانه وعمتي واخواتي بالغرفه.

باجر ابوي ينزل من الدوام  وعم ابوي عازمنه على الفطور يمه..

عمتي مشاعر  نايمه واخواتي نايمات  كمت من السرير  فتحت كنتوري طلعت دفتر مذكراتي  عمتي جابته الي  هيه وذات  من  يسالني ويشوفني مااحجي شنو الصار وياي او الي يصير وياي   ..   كالتلي  ذات كتبي بدفتر ومحد يشوفهن غيرج  اني اسوي هيج...

صرت   كل يوم اكتب بي الي يصير وياي  ..

كتبت اليوم شصار وياي.. وقتت الساعه على 9 ونص  ونمت 

بعد ماحسيت بالدنيا  شصار مصار كعد الصبح على صوت بان تكعد بيه حتى اسويلها ريوك

اخذتها من ايدها   وطلعت للمطبخ

سلكت بيضه  وطلعت باكيت الحليب  وصمونه   غسلت وجهه ورجعت كعدت  على الكرسي يمي بالمطبخ
عفت البيضه تستوي وغسلت وجهي  رجعت للغرفه مشطت شعري..  واخذت الحجاب وياي للمطبخ   خاف يدخل إسلام..

رجعت يمها   لكيتها كاعده   وخاله راسها على الميز

كعدت يمها حجيت شبيها بان  اشو زعلانه

بان لبابه امي وين

لبابه يمكن ابد ماجنت حاسبه حساب يجي يوم وحده من خواتي تسال على امي  

لان امي بنضري ميته ومااعترف بيها  حتى لو تجيني ندمانه

هواي عانيت بسببها  شنو ذنبي اتحمل شي اكبر مني

لا ومن كبرت بهل سنه عرفت شنو جانت رايده تسوي امي..

فهمت وعرفت نيتها حتى تسافر ويسوولها جواز  رادت
تنهي حياتي اني و عايشه...

تنطي شرف بنتها حتى تستمتع بحياتها

رادت تشوف حياتها وتهجم حياه بنتها..

هه شنو هل ام  ولله حرام الام اكللها

يَيَمًهّ رآحً آصّبًر
وٌآصّبًر خِوٌآتٌيَ  وٌنِرهّمً بًلَيَآجّ
لَآعٌبًآلَجّ  آبًجّيَ وٌآحًنِ عٌلَيَجّ..
تٌرهّ مًآآحًطِ صّوٌرتٌجّ کْدٍآمًيَ وٌآشُکْيَلَجّ
مًآآکْلَجّ نِسِيَتٌجّ يَيَمًهّ
لَآنِ جّرحًجّ بًروٌحًيَ مًآيَنِسِهّ..
«بقلمي اورجانزا»

قطع شريط ذكرياتي التعيسه صوت بان

بان لبابه امي وين

لبابه  غمضت عيوني  بقوه امنع نزول دموعي فتحتهن 

كتله ماادري عفتها وكمت   للطباخ

رجعت كررت سؤال واصرت بس تلح اليوم شذكرها حضي خو مو حضي...

محجيت بس فرغت لحليب بدله وخليته على الطباخ
و اخذت البيضه خليتها بمي بارد  وهيه اجتي وراي تجر  بدشداشتي خبلتي  صحت بوجهه

بااان  والله راح اكتلج اذا تلحيين

تورطت على عمري حجيت هيج كعدت بالكاع تبجي اريد امي 

  اخذت نفس وحجيت بگلبي هيه امج اعترفت بيه حتى تعترف بيج وجايه تدورينها   عايشه حياتها وانتي اليوم اريد امي اريد امي هزيت راسي ودنكت عليها..

احجي وياها بتوسل وهيه رافضه

حبيبتي بان ياله كومي اكلي مو سويتلج اكل كومي

بان ماريدج انتي تصيحيين عليه اني اريد امي  وخري عني

لبابه بامر  باان بسرعه كومي امج وين وانتي وين
ياله كومي  اكلي

بان وخري وخري عني مااحبج  اني اريد اميي

لبابه بان  حبيبتي امج ماموجوده كومي  اكلي مو سويتلج الي تحبي بيض سلك وحليب

كامت تشمر بديها عليه تدفعني عنها..
صحت عليها باان كافي عاد

سمعت صوت وراي التفتت كملت السبحه سبيل واكفه  بباب المطبخ

سبيل  لبابه اني هم اريد اعرف امي وين ليش متكولين انتي وبابا وبن امي

لبابه   بان تحجي وتبجي تريد امها وسبيل تصيح عليه هم تريد تعرف  وين امها الي عافتهن  وماسئلت شصار مصار  بيهن..

ماتحملت  وكفت حجيت والله الي تحجي  حرف تنكتل وانتي بان لاتصيحين سمعتي  وسبيل ابوي يجي وهوه يحاسبج

بان نزلت راسها.بس سبيل ام لسان  كالت

دروحي بس تهددين  ودفعتني بدفعتها صرت على الطباخ  نجويت بيدي ونكب  الحليب  على الكاع  صرخت بصوت ودموعي تنزل  ابجي من وجع  گلبي الي معذبني امي عافتنه  وماهتمت شصار مصار بينه..

ابجي واصرخ  واضرب بروحي  الله ياخذني واخلص منجن امجن مااتتت مااتتت   افتهمنن موو والله لعبت نفسي منجن  وينن ابوي العافني يمجن   خلي يجييي يشوووف بنااته يصييحن علييه  على  اثر صوتي  كعدت عمتي مشاعر  واجتي علينه..

عفتهم وركضت لغرفة.بابا  قفلت الباب  مددت بالكاع حضنت  رجليه  وابجي واشاهك..

محد يعرف شعوري غير الي مجربه..

ابجي  واشاهك لحد ماخلصن دموعي اسمع صوت عمتي مشاعر  تصيح وصوت إسلام

اكثر من مره  دكو الباب عليه بس ماحجيت ولا فتحت الباب..

محتاجه وقت وحدي اكعد  اريد اترك المسؤليه لساعه وحده بس اريد اكعد كلشي اريده يوصلني  بدون مااني اجيبه.. اريد ام حنينه تعلمني على الصح من الخطا
اريد ام تنومني على ايدها.. اريد ام تحجي وياي..
اريد ام تسأل عليه شبيه شمحتاجه...  احلامي بسيطه بس صعب تحقيقها  لان الام هيه المشكله  وين الكه هيج ام..

معقوله اني مسويه شي غغلط حتى لله يعاقبني هيج..

من كد مافكرت  وبجيت راسي وجعني  وعيوني حركني ماكدرت اتحمل نمت  عالمي الي الجئ   اله من تضيق الدنيا بيه..

اذاناتي صوفرن ونمت ...

حسيت على ايد صارت جوه راسي  ورجله ونرفعت

فتحت عيوني بتعب  شفته كدامي ابتسمت ورجعت نمت..

مااعرف شكد مر وحسيت على صوت حنين يمي   عرفت صوته  وهل يخفى القمر صوت ابوي

فتحت عيوني بثقل وتعب  كتله بااباا.

هِجان عيون ابوج

لبابه   اون اريد احجي مااكدر  با.    با    كملت البابا بونه

با.   باااا

هِجان  هاا يبعد عمر ابوح شبيج

لبابه باا با   ان  ي اكرره اميييي  كملت كلامي  بدموع تتسابق

هِجان اخذ نفس وزفره بنيتي كافي بجي 
وكومي مو خبصتيني البارحه الصبح ترديني اجي اليوم اجيت  ومااستقبلتيني  ضايج منج

لبابه لا لا باابا

هِجان اياا لوتيه مساعه بالكوه تطلعين الحجايه وهسه تحجين بسرعه الببغاء ميلحك بيج.

لبابا هههه مابيه شي بس راسي يوجعني

هِجان ياله مومي حتى تصيرين زينه

لبابه اي

كمت كعدت بس احس راسي طبل  مااكدر احجي

سحبني  بابا عليه  وكال

بنيتي انسي كل شي حياه كدامج لاتخلين الفات ياثر عليج..

لبابه  الفات عايش وياي بابا مااكدر انسه..

هِجان باباتي تنسين بس لاتضلين تفكرين بي..

لبابه اي

هِجان ياله كومي سبحي حتى ترتاحين شوي

وخواتج عاقبتهن.

لبابه  لا بابا ليش تعاقبهن  يكومن يكرهنه..

هِجان  باباتي  هنه ما واعيات على الي صار قبل جانن مكضياتها نوم ولعب مايعرفن الدنيا طشت لو رشت 

وامج عايفتهن على هواهن..

لبابه بس لاتقسي وياهن

هِجان مااقسي وياهن بس اقسي ويه وحده  ماطول صحصحت

لبابه  اني ليشش  ولله مسويت شي

هِجان من عمتج تحجي وياج ليش متردين عليها  وابن عمج مكسر لباب وانتي ماكو ماتردين. قالقتهم عليج.

لبابه ياا والله مره وحده سمعتهم  وبعدها نعست..

هِجان اذا تنعاد طنكورتج ازعل وياج..

لبابه لالا بابا كلشي  ولا زعلك عليه..

هِجان بنيتي ياله  سبحي وارتاحي  انه طالع

لبابه طلع ابوي  وانه كمت   طلعت من الغرفه  رحت لغرفنه فتحت الباب.

لكيت بس بان استغربت مو من عوايدهن كاعدات..

راحد تحجي  عفتها اخذت تراك وطلعت

نزعت ملابسي وفتحت الدوش  صرت جواه  غمضت عيوني

مر كدامي شريط  طفولتي من جانت امي تضرب بينه لحد الي صار اليوم..

كملت سبح بدلت وطلعت   تلاكيت باابوي

هِجان شلون صرتي.

لبابه حمدلله احسن  بس بابا شوكت نروح مو معزومين

هِجان نص ساعه ونروح 

لبابه بس بعد وكت.

سحبني علي وخله اديه على كتفي وكال

هِجان  لبابه ابوها نايمة ماتدري هسه بالخمسه ونص

لبابه صددك باابا  ا اني نمت  يمكن با9لو ثمانيه ونص.

هِجان  ههه اي حبيبتي  ياله روحي بدلي بس لاتحجين ويه خواتج معاقبهن..

لبابه خطيه بابا

هِجان اذا مااعاقبهن باجر عكبه يحطنج ويكتلنج  نهه كلامه بضحكه..

لبابه  هه لا مو لهل درجه

هِجان هسه كومي بدلي ياله..

لبابه بسته من خده ورحت للغرفه اخذت ملابس وطلعت لغرفه ابوي.

قفلت الباب  غرفه ابوي ممليه مرايات  بالكنتور والميز التواليت والزاويه  وحده جبيره خالها بضلع  بأي اتجاه تصدين تشوفين روحج..  نزعت ملابسي انطيت ضهري للمرايه الجبيره  درت وجهي باتجاها  صارت عيني على المرايه..

مجرد شفته  استهضمت ونزلن دموعي..

درت وجهي  بسرعه ولبست الثوب النيلي  بي كشكش بالصدر   ردان طويل  قماشه شيفون..

صارلي سنتين البس ملابسي كلهن بيهن كشكش من جهه الصدر اخجل مااعرف  ليش..

حتى من تروح عمتي تخيط واخيط وياها اكلها اريد كشكش  وهيه ماتمانع تضحك وتسويلي...

مشطت شعري   وضفرته   خليته جوه الثوب  ولبست حجاب الاميره ابيض والكب مالته نيلي عمتي مشاعر كالت من تلبسين حجاب لون ابيض لبسي الكب غير لون.. بعد هيه تدرس بالجامعه واني اثق بذوقها بملابسي

كملت وطلعت لكيت ابوي كاعد على حافه الكرويته وحاضن اديه..  ابتسمت وكتله.

اخذت من وقتك   موو

ابتسم وتقرب عليه  كال

هِجان  يرخصلج  وقتي كله  سكت واردف

اليوم اميره ابوها شلون طالعه..

لبابه  طالعه على ابوي  ههه

هِجان انتي كسرتي على ابوج اليوم

وين اضمج عن العيون بنيتي كبرانه..

لبابه ههه بابا ويني وين جمالك اشو طول وضخامه
و العيون سود ومكحلات   يخوفن جنهن اليل
والرموش جنهن سعفات
والحواجب مشمورات االي يشوفن يكول معصب     وحنطي بعد منين اني كاسره عليك اني

هِجان  لبابه هذه تمدحيني تدمين  مافهمت  ساعه تكولين يخبلن وساعه يخوفن..

لبابه اوو بابا اني دااحجي الناس شلون تشوفك اني اشوفك احلى واجمل اب بالعالم..

صدك بااباا   تعرف بنت ام اسما هذه الجدو الشيخ متكفل بيهم لان  زوجهه مسافر. بنت ابن عمكم مدري شتصير منكم.

هِجان باانزعاج  اي عرفتهم شبيهم... وانتي شجابج عليهم.

لبابه  شبيك بابا والله اني معليه بس هيه مياطه وخياطها يخبل واني احب بنتها جيلان يمكن كالت هيه من الموصل بس كرايبكم حابها ومتزوجها لان ماعندها  اهل امها.

هِجان حتى لو بنيتي عوفيهم..

لبابه اي بابا 

هِجان اليوم زعلانه مني ماتحضرين ملابسي

لبابه لا ولله بس نسيت  شنو تلبس  بنطرون لو دشداشه

هِجان انتي شتعرفين شالبس اذا هيج مناسبه

لبابه ههه دشادشه بس كلت اكتمال يعجبك تغيير

هِجان لا بنيتي هيه الدشداشه البيجيه لو البيضه طلعيها

لبابه اي
عفت ابوي ورجعت للغرفه.طلعت دشداشه البيضه   خليجيه  وغتره بيضه بيها اسود

طلعت السبحه السوده والمحبس الاسود والساعه الفضه..

طلعت كتله ملابسك حاضرات  باسني من راسي ودخل لغرفته..

كعدت بالحديقه   انتضر هم يخلصون..

شويه واجتني بان مستهضمه   طاح گلبي من شكلها مكفشه ومستهضمه 

سويت روحي  ملتهيه اباوع للشجر  سحبت الكرسي وكعدت يمي.

بس تباوعلي متحجي  شويه وحجت 

بان لبابه اسفه  مشطيلي شعري هذه سبيل ماتقبل تمشطلي

لبابه حبابه والله اسفه  بعد ماعلي صوتي عليج  بس لاتضوجين..

لبابه  اخذت المشط مشطتلها شعرها  وضفرته بس بدون مااحجي وياها..

باستني  درت راسي  عنها..

دنكت وراحت..

ابوي ميقبل  احد يضرب طفل  يكول بعدين يتأثر بالي صار وياه بطفولته ويأثر على حياته بالمستقبل..

شويه  وطلع ابوي   واخواتي ثنينهن

فدوه رحتله بابا طالع يخبل  ابتسمت ووكفت كدامه..

تقدم  عليه كال ياله بنيتي   خلنه نروح تره تاخرنه
اخذت عباه الرائس  من الكرسي ولبستها

اجه عليه رفع العباه من راسي وقدمها ليكدام  كال

هِجان  قدميها على راسج حتى متعثرين وتوكعين

لبابه ههه بابا موزين اعرف البسها وماوكعت بيها

هِجان عبنج مدله ماوكعتي بيها وبدون مااحد يكلج  لبسيها لبستيها...

لبابه  بس عمتي مشاعر  وذات هنه كالن  انتي لؤلؤه  ولؤلؤه محد يشوفها لان متغطيه ب الصدفه ومن ناخذها نستعز بيها لان محد شايفها غيرنه..

  والبنيه نفس الؤلؤه. والعباه نفس الصدفه الها

ابتسم ابتسامه  عريضه وباسني من راسي كال

هِجان واني بنياتي لئالئ  محد يشوفهن غير اليستحقهن..

لبابه ههه اي بابا

هِجان ياله التهينه بالسوالف امشن نروح عيب شيكولون علينه

لبابه  طلعنه من البيت صعدنه بالسياره. وانطلقنه لبيت عم  ابوي

نزلنه دخلنه للبيت  تلكو ابوي وانه وخوتي دخلنه للبيت   من باب المطبخ

لكينه عمتي مشاعر  تنتضرنه شافتني حضنتني وكالت

مشاعر شلون صرتي

لبابه مابيه شي احسن

مشاعر حمدلله تعالي دخلي

لبابه دخلنه للبيت   سألت عمتي  عمه ذات وين

مشاعر هههه ذات شردت من الصب راحت تصلي

لبابه لله يتقبل منها

مشاعر امين  يارب سكتت ثواني واردفت

تعالي  اعرفج على زوجه عمي عماد اجو علينه

لبابه هزيت راسي ورحت وراها  اخواتي  راحن ويه بنات ابن عم ابوي..

رحت وياها  سلمت عليها  وهيه رحبت بيه  والضاهر تعرفني  لان كالت انه رايحه لبيتهم مرتين ويه ابوي بس مااذكر..

كعدت شويه يمها  نوب صاحتلي بيبي اروح يمها  كعدت يمها  هيه وام موده

ام موده سئلت على عمري انصدمت كالت ولله عبالي بعمر موده  . لان كل ماتجي عليكم ترجع تسولف بيها..

لبابه جابو الاكل نقلو اني مامديت ايدي وياهم ..

كملو نقل الاكل  وكالو   تعالو بالديوانيه  كلنه انتقلنه للديوانيه...

  نزلت ذات سلمت عليها..  رحنه للديوانيه

  كعدت يم عمتي مشاعر من الجهه الثانيه طول الكعده  كل شوي وتندس ذات.. ويحجن خلصنه فطور..

وشالو الاكل  بقينه كاعدين  

ضلو يحجون ويسولفون  على الشغل لحد مااحجه عم ابوي

لحد ما حجه عم ابوي

عماد مرخصت الكاعدين 

... مرخوص

عماد يخوي انه ناوي عن قريب اشتري بيت بالناصريه بقربتكم
واريد اقوي علاقتي بيكم اذا تقبلون انه اريد ذات لابني ليث زوجه وانت تعرفون ليث  شنو..

حجه عم ابوي

ابو ذات..  ليث والنعم منه  وين الكه احسن منه اعتبرها صارت ل ليث  اخذها بعبايتها..

لبابه باوعت على ذات المصدومه

وابوي الي شكله وحه انو عصب..

كام وكف تحمحم وكال

هِجان  عمي  من رخصتك انه هاوي بنتك
وكدام الكل ذات نهوتي لحد لمماات ..

لبابه كام  عم ابوي كال

عماد  هِجان  انته ابن عمها وليث ابن عمها نهوتك  واكعه

هِجان بس انه هاويها وكدام الكل ذات الي  والي يخطو خطوه وحده  ويخطبها  يعتبر هذه نهايته..

عماد  واذا جان ابن عمك

هِجان من رخصتك عمي حتى لو  اخوي  كان ينكتل  ومحد يحجي حرف  واحد..

عماد.. يخوي شترد على ابن اخوك موافق على كلامه..

ابو ذات  هِجان نهه وذات نهوه هجان..

عماد بس ثنينهم ولد عم  النهوه   واكعه

ابو ذات بااصرام وعصبيه
موانته الي تعلمني شنهي اسوي  بنتي ذات لا بن اخوي هِجان..

لبابه طلع عم ابوي هوه وعائلتة  زعلان  وطلع وياه   هم عمو ابو سينين  هوه وزوجته..
اباوع على ذات اريد اشوف رده فعلها شنهي  ابوي غلط حبه الذات عماه  وخلا ينهي مايعرف نتيجه هل نهوه شنو..

كامت وكفت ذات وحجت  ويه ابوها..
.......

ذات

نصدمت صدمه عمري هِجان ينهي عليه  مو انه الاسكت على حكي

يابه  انه مااقبل شنهي هِجان ينهي عليه..

انه مااقبل

ابو ذات  كلمتي مااثنيها

ذات  شنهي المتثنيها انه بنتك

ابو ذات امشي طلعي لا والخلقج اكصبج ومحد يوكف بوجهي

ذات  كصب مااخاف انه   وانته  هِجان ترفع النهوه.وغصبن عليك سمعتت

ابو ذات ذاااات والله اذا  تحجين اعتبري هذه اخر يوم الج

ذات  بعصبيه موو بكيفك مو انه الي  تمشي عليه كلامك سمعت ياااابه

ذات احجي منفعله مستحيل اقبل  بي انه مااحبه بس احترمه  منو هوه حتى ينهي.. مااحس غير على حراره على خدي. تخبلت   حربه ضربني

دفعته بقوه واصيح 

وخر عني

... ذاات  موانتي الي تكسرين كلمه ابوي فهمتيي

ذات   مو انه اختك  ماتوكف ويااي 

حربه سكتي وغصبن عليج هم

ابو ذات هِجان باجر تعقد على ذات ..

لبابه   رعب الموقف  شلون ذات تصيح وحربه يصيح  ابوي جهازه دك   اكثر من مره   طلع

ذات مو بكيفكم  سمعتوو مو بكيفكم والله اهج ومحد يعرف مكاني والله والله..

حربه ولج منو الي تهج   تعالي انتي ممربايه  اليوم  اربيج

لبابه الي يكلك ثور وهاج  طفر على ذات   يضرب بيها وهيه الله يسلمها بس تكله تفوو على الشواربك يتبع...

توقعاتكم للبارت القادم..