رواية لماذا احببتك الفصل السادس عشر 16 - بقلم اورجانزا الطائي

رواية  لماذا احببتك
البارت الرابع عشر
بقلمي اورجانزا

.
.
.
.
.
.
.
.
.
.
.
.
.
......
بسيل

سلمت عليهم ورحت سويت جاي انتضرته صار اخذته ورجعت للصاله ضيفتهم شربو ومن حديث الحديث

ليث جان بس جسد كاعد ويانه صافن ومدري شيفكر

حجت خالتي..
... ابو ليث اليوم اني متعنيتلك وجايه اريد اخطب بنيتك بسيل لحمزه زوجه على سنه الله ورسوله الولد هاويها وانه اجيتك.

بسيل صدمني كلام خالتي بحيث حتى مارديت عليها لان متاكده ابوي مايجبرني على شي..

باوعتله ارد اشوف رده فعله انتبه عليه غمض عيونه بخفه يطمئني..

حجه ابوي برضه. ام ليث انتي تعرفين هلو وحيده عندي
وانه يستحيل اجبرها على شي، هذع كدامج اذا موافقه انه موافق.. واذا رافضه فهذه تبقه يمها هيه وانه مااوكف بطريقها..

باوعت لابوي مبتسمه بفخل كون عندي هيج اب
حجت خالتي

... ها خاله شكلتي موافقه انتي لو لا.

بسيل باقناع. خاله اني طالبه نفس متعرفين وحاليا مستحيل اتزوج لان اريد احقق طموحي وحمزه يستحق احسن مني..

ردت عليه خالتي بااقناع
تعالي يمي، كملي دراسه وحققي طموحج وانتي تعرفين كلها اله الدراسه يستحيل اخليج تركينها..

بسيل بتوسل خاله ولله ممفكره بالزواج عذرينيي

هزت راسها خالتي وبعد محجت دقايق واستئذنو
امي مقبلت يرحون بس خالتي اصرت تروح..

طلعت اني وامي وابوي..
رجعنه كعدنه
ابوي خله ايده على عيونه بقوه عصرهن
ليث سأل بابا منو النذبح..

وخر اديده من عيونه وطلعت حسره ويه ما يحجي..

.. ذات ذبحوها

مجرد ماابوي حجه هل كلمتين مااحس غير الموبايل نركع بالحايط..

وكف وصاح

ليث ولله ولله عرفت هيه ذبحوها..
الله ينتقم منهم.

امي تفاجئنت على شنو نحجي جابوها ليث بعصبيه

ليث. بنت عمي الي مسوي نفسه شيخ ومشرع قوانيين
ذبح بنته الي حبيتها ونهه عليها الكوا* هِجان..

بعده ممكمل صاح بي ابوي بعصبيه

.. احترم نفسك اني ممربي ابني يتجاوز مها يكن يبقى ابن عمك، ماارضه تتجاوز عليه مهما كان.

امي دكت على صدرها عزااا العزاهم يايمه شلون انطاهم گلبهم هذه روح امانه.

رد عليه ليث منزل راسه.
اعتذر يابه بس ضايج.

.. حتى لو بقمه حقدك، ضوجتك، عصبيتك لاتفقدد احذرك ، واذا على كلامك انته دتصير نسخه ابن عمك..

كمل كلام وطلع..
امي لحكته.

بقينه بس اني وليث
كعد على الكرويته حط عكوس ادينه على رجلينه وكفوفه محتضنه راسه..

كعدت يمه حطيت ايدي على كتفه.. حجيت بهدوء
حبيبي ليوثي لاتسوي هيج قسمه ومصارت وهذه سنه الحياه ولله قاسملها تموت هل موته هم السابقون ونحن الاحقون...

ماحجه شي دقايق وكف فرك وجهه بقوه حجه هوه ويطلع..

ليث اذا ابوي يسأل عني كليله عنده تمرين..

بسيل اي روح بس لاتتاخر.
هز راسه وطلع.

شلت الضيافه للمطبخ غسلتهن.

رجعت صعدت لغرفتي.
افكار توديني وافكار ترجعني..

كعدت على طرف الجربايه حايره شنو وليش وشصاير حتى ذبحوها..

غلبني النعاس نمت حسيت على صوت فزيت مخروعه مااحس غير عضامي تكسرن وكعت من الجربايه..

فركت عيوني ركزت على صوت جهازي محطوط على ميز واني نايمه بطرف الجربايه..

كمت اخذتها قريت الاسم «توئم قلبي» ابتسمت باوعت للساعه مال الجهاز ب4 و48دقيقه.

فتحت خط عليه اجاني صوته مغلف بحزن

ليث. نزلي فتحيلي لباب.

ضحكت وحجيت ليش هسه الدنيا ليل ضهر

ليث بقله صبر شاربه ليوم لو شنو ساعه اربعه لفجر.نزلي لااجي اطيح حظج..

بسيل ههه نازله نازله
سديت الخط ونزلت الاضويه مطفيه، اذا شغلتهن ابوي يحس وهوه مانع شخص يدخل للبيت بعد الساعه 12ضبط اذا زادت دقيقه مايدخله مو نوب كل هل وقت

وصلت لباب رمشت عليه واكف يم لباب فتحتها دخل
وسد لباب.

عافني واكفه ودخل ولاكأنو اني الي فتحتله لباب

صعدت لغرفتي مددت على الجربايه ماجاني نوم

عزلت غرفتي طلعت قصاصات اكتب بيهن الي..
مر وقت سمعت صوت الاذان تجددت وصليت نزلت للمطبخ.

شغلت ضوء المطبخ، سويت جاي خدر فتحت الثلاجه مالكيت ريوك بس خضروات وفواكه هزيت ايدي، ولله مصيبه ليث ناسي روحه ومجايب ريوك.

اخذت حليب بودره على الجاي وشربته...

سمعت صوت الباب نفتح، عرفت ابوي كعد
اجه كعد يمي كال

.. ليوم اميره ابوها مغبشه

ابتسمت بهدوء وحجيت
نمت من وقت..

... ليث كعدج مو

ضحكت هزيت راسي بنفي

حضن اصابعه وحجه بسيل تعرفيني مااحب الكذب ليش تكذبين؟
وثانيا. لمسافه بين غرفتي وباب البيت مو هواي
ولاتنسين الدرج بصف غرفتي ونزلتج على الدرج بيها صوت.
وثالثا سمعت صوت رنه جهاز اخوج.
واخير شي الي اكد صوتج انتي وياه.

بسيل صفنت بوجهه ضحكت وحجيت.

يعني بابا حبيبي تريدني اعترف على اخوي هوه توئم روحي! والكدامك مو متهم تره..

وهوه تاخر بس ساعه...

حجه بحده بسييل قصدج ساعات اخوج دخل للبيت بالخمسه.

بسيل لا لا اجه بالاربعه وكسور

سكت مناقش استغربت لان بابا بالنقاشمحد يغلبه بس اذا كان الشخص يستحق..

حجيت بصوت ناصي اشبه للهمس. باابا

رفع راسه باوعلي بمعنى احجي

كلت تريد جاي؟؟!

هز راسه بدون ميحجي

حميت الجاي لان تقريبا برد بابا يحب الجاي حاار كلش.

صبيتله بستكان ونطيته.
اخذ من ايدي وابتسم.
شرب رشفه منه ، تحمحم وكف.

باوعت عليه دنك باسني من راسي راح لغرفته..
غسلت كوبي والاستكان، ضليت ادحفس بالمطبخ
متت جوع وهذه الحقير مجايب ريوك

فتحت الثلاجه واخذت خياره

كعدت اكرط بيها عسى وعل تصير بالثمانيه واروح للسوبر ماركت.

سمعت صوت التفت عليه ابتسمت تلقائي على منظر.

قاط رسمي لون كحلي، قميص سمائي، على ايده اليمين جنطه سوده بيها الاوراق الي يخصن شغله واليد اليسار لباسه ، ساعته الفضه واخير اسبحته الي مفاركته من وعيت ولحد نذه يومي.

كمت وكفت تقرب بوسته وحجيت بتفائل اتمنالك التوفيق بابا

باس راسي وحجه مبتسم
.. للجميع يبعد طوايف ابوج.
ضحك بهدوء كال مبينه جوعانه

ضحكت وكتله اي مييته من الجوع، وليث ناسي يجيب ريوك.

ضحك كال اسم لله عليج.

طلع بابا من لبيت لمكان عمله

واني رجعت اكرط بالخياره.

خلصت الخياره كمت اريد اطلع الثانيه بس فاجئت وجود ابوي

ضحكت واخذت العلاكه من ايده.

كتله عرفتك راح تجيب .

ضحك كال اتريكي وليث حسابه من ارجع واني تاخرت اودعناكم

طلع ابوي واني صبيت الجاي وطلعت جبن وخبز كعد اكل.

خلصت اكل نضفت لبيت صعدت لغرفتي فتح جهازي
لكيت متصلين عليه..

خابرت على صديقتي وتفقنه ليوم نتغده بمطعم******* قريب على الجامعه حتى اوقع اوراق..

سديت لخط منها خابرت على بابا اخذت اذن منه وافق

طلعت ملابس الي بدلت وخليت مكياج كلش خفيف

اخذت جنطتي نزلت امي هستوهه كاعده بوستها
كعدت انتضر مرجان تجي.

ربع ساعه خابرت ودعت امي وطلعت.

لكيتها هيه ولبنات جايه بسيارتها

مرجان الوحيده بينه ملابسه حجاب وتسوق

اني بالنسبه الي السياقه محاجيه ابوي بس يكول اخاف عليج هسه مليها على سنه لتجي...
صعدت وره سلمت على لبنات..

نص ساعه وصلنه الجامعه

نزلت بالباب اني وودق

ودق تحب استاذ بعلم النفس ينطي محاضره بالاسبوع مره، ميته عليه درجه حتى حاطتها صورته الشاشه الرئيسه

دخلنه للجامعه لبنات طشن اني وودق رحنه للكافتريه
كعدنه شويه..

بعدها ستاذنت ورحت لاستاذي حتى اوقع على الاوراق.

دكيت لباب ودخلت، ضحكت بقلبي من شفت استاذ الي تحبه ودق موجود، صبحت عليهم.

انطاني الاوراق وقعت عليهن.

والاستاذ طلع من يمنه.

سألته اذا بعد يحتاجون توقيعات لان اريد ادرس وهذه يحتاج وقتت....

ستاذنت منه وطلعت مشيت بالممر دك جهازي دااطلعه مااحس غير عثرت بشخص ووكعت الارضيه سيراميك واني لابسه كعب والاضرب التنوره كلوش..

مااحس غير واكعه بالاكاع تمنينت نفس الهنود بس اعثر هوه يلزمني من خصري
حتى مااوكع بس عبث وين احنه بالعراق.

نرفعت تنوره شوي فوك لساق نزلته ووكفت بالكوه رجلي التوت.
الافندي منطيني ضهره

.. رفعت ايدي بعصبيه حجيت بعصبيه حتى الاتكيت والنزاكه نسيتهن. هيوووووو شبييييييك اعمممممى متشوووووفني كدااامك.

صد عليه بلعت طن هوه من شفته غمضت عيوني بقوه
حجيت وفتحتهن على كيف استاااذ ديسم

شديت على قبضه ايدي ونزلتها.
حط ايد بجيب بنطرونه القماش، والايد خربط شعره الكيرلي بيها كال

ديسم اول شي عذربني وثاني شي انتي انثى والانثى تكون لطيفه بعض الاحيان والهيوو مو من شيمج.

حتى مخلاني احجي عافني وراح.

اجتني ودق فرحانه
... حاجااج كليلي شكالج
تمنيت اني بمكانج ياربي

باوعت عليها وهزيت ايدي لج باابا الحقير وكعني وفوكاها يتفلسف براسي..

... تستاهلين متشوفين عميه

باوعت عليها وحجيت من لله يعميج انتي وياه امشي عني اكللها وكعني تكلي انتي عميه..

عفتها ومشيت الناس بالناس والكرعه تمشط بالراس
حمدلله والشكر ماكو طلاب ولله جان نفضحت..

صارت كدامي دفعتها من طريقي

رجعت وكفت كالت
... اسفه يعمري بس والله اعشقه وهوه ولا يحس جبل ميهزك ريح.

غمضت عيوني بقوه اطلب الصبر فتحتهن وحجيت بحده

خلصت الاوراق خلي نرجع تعبت

... والغده

حجيت بحده وددددق شبعت مغثه امشي كدامي.

غلست محجت شي وتمشينه طلعنه من الجامعه خابرت على جيلان اصرت بس رفضت خرب واهسي سألت على مكاني كتله باب الجامعه ..

ربع ساعه واجتي تمشي بسرعه..
جابت لسياره ورجعتني للبيت.

دكيت لباب طلع ليث عاقد حاجبه خشمه ميكصه الطبر
ضحكت ودخلت للبيت كبل لغرفتي اخذت ملابس سبحت ونزلت.

فتحت الثلاجه طلعت خياره وكعدت اكرط.
وامي تسوي غده

وكفت يمها شفت مسويه تمن باكله لعبت نفسي من ريحته..

اني الباكله والوبيه الخضره واليابسه مااكلهن ريحتهن مااحبها.

عفتهم وصعدت لغرفتي طلعت كتاب اقتباسات واشعار قصيره

كلش عجبني،، لا تسألني عن الندى فلن يكون ارق من صوتك ولا تسألني عن وطني فقد اقمته بين يديك ولا تسألني عن اسمي فقد نسيته عندما احببتك.

قرئته اكثرمن مره

اخذت قصاصه صغيره كتبت عليها معقوله اكو هيج حب.. واكو من يستحق هل الحب؟..

لزكتها على الورقه الي جنت اقره بيها..

تركت الكتاب.
تجددت، صليت
نزلت جوه شغلت التلفزيون كعدت اتابع كارتون كل احبه..

مااعرف مرةشكد من الوقت واجه ابوي
صبت امي الاكل بين مايسبح بابا..

خلص سبح وطلع مبدل كعد ياكل.اني كعدت اكل لان امي مسويه كبه الي.

كملنه اكل حطيت الجاي على الطباخ، غسلت المواعين وامي وابوي وليث كعدو بالصاله

صبيت الجاي وديته الهم.

كعدت يم امي دك جهاز ابوي
رفعه شاف الاسم عقد حواجبه وفتح خط

حجه بابا

_ياهلا شلونكم شخباركم.

سكت واردف ببتسامه برحمه لله كاعد وساكت

_ اي شنو الي تردو
عقد حواجبه وصنت شويه وحجه

_ خويه وين صايره تذبح بنتيك

_لا تحجي من يمك وابنك مذنب ويتحمل جزاءه اذكرك لو لا خويه دم تلاثه بركبته لابنك زين اذا نحكم مأبد مو اعدام..

لا اكو فرق بينهن الاعدام يموت كدام عينك والمأبد ينسجن شوكت مايموت يطلعو للمقبره..

_لا ولله عاشت ايده ولبارحه خابرني واني واكف وياه وان شالله نربح القضيه بس ادعيلنه.

_ بنتك نذبحت كدام عينك وانته تريد يشفعون لابنك ليش هيج تسوي مو حتى الثار راح صارله 25سنه لايوم ولا يومين، بس انته رجعتنه لنقطه الصفرر

_ لا محترمك وتاج راسي انت بس اخطاء وذنوب الدنيا كلها بيك انته ولدك.

_هل كلام ميوكل خبز اني وياه ماعليه بيك ومن هسه اكلك لاتفشل رووحك.

_لا ولله مااعتبرها بنت اخوي ولا مرت اخوي ناس غربه واساعدهم

_اعذرني مابيها مجال اني حالف على كتاب لله مااوكف بالزور

_ لا منيلي بنات هوه بس هل ليث عندي.

_غيرت ماارجع يمكم ماطول رجعت سوالفكم.

_لا يخوي من تقاربو تخاربو واني ماريد اتخارب وياكم.

_داعت لله.

ختم ابوي المكالمه وامي حجت

.. بخوف بس لاتكلي عرفو عدنه بنيه.

اخذنفس وكال اي بس مانطيتهم مجال نكرت..

... يمه بنتيتي وحيدتي.

كام ابوي لغرفته امي لحكته.
ليث ضارب صفنه ولا يمنه..

العصريات طلع ابوي كال حضرو روحكم معزومين على العشه
صديقه عازمنه الي هوه ابو مرجان صديقتي ..

ابتسمت هذه سوالف مرجان لان ماقبل اروح وياهن ولغنها...

صعدت لغرفتي طلعت تنوره لنص الساق سوده، تيشيرت شيفون سماگي، توربان اسود وشوز كعب تقريبا نفس البوت لون سماگي، جنطه سوده.

بدلت حطيت مكياج خفيف ونزلت

لكيت امي بعدها مامكمله.

كعدت اراسل بمرجان وطلعت من صدك فكرتها..

شوي وطلعنه من لبيت وصلنه المطعم المتفقين عليه..

لكيناهم قبلنه واصلين معدنه طلبنه الاكل

جابو الاكل اخذت عصير رمان طبيعي والبقيه اخذو غازيات..

مرجان بصفي كاعده وتهمس على الطاوله المقابيلنه

الولد يباوع عليها ويضحك...
شويه والي منطينه ضهره دار وجهه، نصدمت هسه شجابه استاذ ديسم...

ابتسم وكف عدل سترته واجه بتجاهنه.
اباوع لامي الوجه صوفر وابوي ارتبك بس مابين ارتباكه..
وليث اضرب منهم...

تقدم على ابوي تصافحو واستاذ ديسم اكل ابوي اكل بالسلام..

ليث وكف سولف وياه والاستاذ عينه عليه

ابو مرجان ستاذن لان اجته مكالمه..

امي، ليث، ابوي،مرجان سلمو عليه بس اني ماسلمت عليه..

التهيت اشرب بالعصير. ابوي حجه بتوتر
ااا ابني ديسم هذه بسيل تصير بنت عم..

بعده ممكملها حجت امي
بنت عم ابوي خطيبه ليث ابني..

بسيل بس سمعت كلام امي غصيت بالعصير احسه يطلع من خشمي خرب اخووي سوتني خطيبته.
اكح واباوع لدسيم وامي على هل كذبه

لان واضح مامرت عليه لان رفع حاجب مرجان ضحكت
واني غصيت..

بس الصدمني كلام ابوي

... بسيل يابه هذه ابن اخوي ديسم

نذهلت من شده الموقف درجه دون وعي حجيت انته ابن عمي..

مااحس غير انكرصت حجيت ويه مرجان هيوو شبيج تكرصين.

اباوع ل ليث كاعد منطيهم ضهره يضحك ، مرجان حاطه ايدها على حلكها دنكت لمستواي حجت

... فضحتينه لله يفضحج يالدوث امج كذبت وانتي كذبتي امج صوتج عالي انتبهي عليه.

كعدت ودنكت راسي لان من صدك خبصت الامه.

ديسم حجه بااصرار: المايجينه احنه نروحله لا وبنت عمي الغالي.

غلست محجيت بس صدمني من مد ايده الي صافحته
وغلست ماحجيت.

شوي راح للطاوله مالتهم وامي استلمتني
شلون تحجين هيج ولج سمعج لولد عزا بعينج اكص ايدي اذا بعد كم يوم وينهي عليج وذيج هسه بيدي اني انطيج اله لان انتي مو مال واحد يحاميج.

ابوي حضن اصابعه ببعض وحجه سدو الموضوع واني تحجي وياه ديسم عاقل وفاهم.

ربع ساعه وره جعنه للبيت الواهس صفرر
بالروحه رحت ويه ابوي وامي بس بالرجعه زوج الي يروح وياهم حتى اترزل.

رجعت ويه ليث مصارله هواي من اشتره سياره..

ليث الطريق كله يضحك عليه لان هيج حجييت
وصلنه للبيت واني هزيمه ياعرب كبل لغرفتي
سديت لباب عليه ولله اذا تشوفني امي تقتلني بدم بارد لان طلعتها كذابه...

بدلت ملابسي ،اخذت جهازي اتصل رقم غريب فتحت خط بدون مااحجي.

اجاني صوته الهادئ هذه سادس صدفه تجمعنه سوه وكل صدفه اكول ماريد اواجها
بس عبث.. بنت عمي الغاليه لهل درجه متحمسه تتعرفين علينه...

مشاعر..

ماحجيت لاحد على كلام هِجان لان مو مال اني احجي وكلها تصير براسي اهل العريف..

سكتت تقريبا ساعه ونص وصلنه خبر وفاه ام جيلان.

امي تخبلت عليها تدك وتلطم ..
صمد سجنو بس محد يعرف ليش .
خلص ليوم وام جيلان مانطوها والسبب مجهول

جيلان حالته صارت احسن وتخطت مرحله الخطر بس رجلها اليمنه وايدها اليمنى مشلولات المهم تشم الهوه

نقهرت عليها حيل بس لدكتور مطمن هِجان حاله نفسيه وان شالله بمروور الايام تتشافه بس اذا تحسنت نفسيتها..

ثاني يوم خرجو جيلان من المستشفى اني مكدرت اروح لان اذا رحت يشكون والفاتحه راح تصير بيت عمي الشيخ..

انطو الجنازه ماجابوها للبيت كبل دفنوها ..

الفاتحه ولا يكلك عزيز وميت لا شي عادي لان لابنتها التبجي وتنعه ويواسونها ولا ولدها الي ياخذون من خاطرهم..

يوم الثاني نصدمت خالتي ام ديسم خطبت فجر لديسم وهوه كايل اريدها..

بس بالاسم فاتحه..

تلث ايام عادي ماكو شي درجه اول يوم اجت المله والايام البقيه مااجت دزت خبر اني مااقره حتى تضحكون وتحجون وهذه عزاء.

باليوم الرابع هِجان جمع العائله كلها بما فيهم عمامي وصدم الكل
بكلامه الي ثار الجو بي

هِجان اليوم جمعتكم حتى اوضحلكم شي وهذه الشي حك وانه يستحيل اسكت عن الحك انه تزوجت جيلان
وجيلان بيتي معززه مكرمه.

تحجون شي لان بنت عمي وانه هاويها

عمي حجه بعصبيه
.... سد الموضوع احنه وين وانت ويين

سكت عمي وكمل كلامه

لا ياشيخ مو انه الاسكت، وجيلان بنتك اعترف بيها ليش ناكرها وله اكلك انه ماريدك تعترف بيها

لان ماتشرف اتزوج بنت ضالم واخت كااتل.

... الشيخ بعصبيه احترم نفسسك هِجان

هِجان ههههههاااااااي محترم نفسي شيخنه
وان شالله مابعد اله القلييل وصمد ينحكم كول اميين شيخنه

رجع باوع لامي وانتي يمه سبيل وبان ومشاعر يبقن يمج قسم بعظمة لله اذا يخطن خطوه وحده للبيت موتهن على ايدي.

عافنه وطلع وسط صدمه..
عمامي ماقبل عليه لان متزوج بدون علمهم هذه عود قدوتهم...

سالو على جيلان وهو اثبت كلام هِجان جيلان بنته شرع وقانون

امي تدك وتلطم وتصيح والله ماتصير مره لابني انه اخذ بنت ضره اخييتي لا ولله
اله اهججها بليله ضلمه..

اني وموده وسنين الوحيدات الي فرحن بهذه الشي لان حياه جيلان تأمنت..

رجعنه للبيت بيومها..
احنه دخلنه للبيت وامي طلعت مبينه رايحه لبيت هجان..

نص ساعه واجتي تدك وتلطم سووتله سحر مخليته مايشوف غيرها والنوووب داخل عليها ولكممم شوفني نيشانهااا. ولكم مكضيها بااحضانها طلعلي بطرك الشورت

والنوببب ابن بطني يكلي ييمه شلوون جسم... باجر اجيبها الج تباركيلنه ليوم تعبتها ، من الله شوهه جسمهها..

مشاعر معقوله هجان وجيلان لاصدك صدمه جبيره معقوله، والنوب مشوفها نيشانها..

صدك لو كالو كل شي بيد لله..

صعدت لغرفتي مددت بس شنو ميته ضحك على امي...

ثاني يوم الصبح كعدت على هلاهل زرفن اذاني وهوساات نزلت بسرعه وانصدم بيها واكفه تضحك وامي تطش الجكليت وتهلهل سبحانه مغير الاحوال يتبع....