رواية لماذا احببتك الفصل السادس وخمسون 56 - بقلم اورجانزا الطائي

رواية لماذا احببتك
البارت الخمسون

بقلمي، اورجانزا الطائي. .

.
.
.
.
.
.
.
.
. . . مشاعر رديت:مهوال هجان وين صارلي ساعه اتصل عليهم هوه واركان ميردون..

مهوال:هجان راح للمركز..

رديت ليش شكوو

اخذ نفس زفره: سياره اركان مفخخيها ونفجرت بطريقه للفندق الي جان بي هجان ..

مشاعر شهكت ضربت على صدري دموعي ينزلن جسمي رجف..

لا يالله ماتحمل..

رد عليه

مهوال:هوبج يمعوده موتي الرجال، روحي مابعد شي ونرجع.

مشاعر:مهوال شبيك فهمني شكو.
سد الجهاز بوجهي..

ضليت احوس مااكدر اكعد اركان شبي وشصار بي..
للمغرب كعدت عمتي سويت عشه..

كعدت وياها بس مال نفس اكل، بالي يمه

حجت عمتي
-مشاعر ديري بالج منها تراها حيه صفره تود وليدي بس هوه مامنطيها وجه.

ناس اشكال الوان تريدها وهيه تررفض بعد مديره مدرسه والها صيت ، وانتي تكفين زعل الحياه مره وحده نعيشها يبنيتي كفي الزعل منكم ، ولعلمج السبحه لبارحه الشفتيها ذهب وعقيق مطلي.

انه لو منج اكطها من السياره مو تنطيهيا بيدج.

مشاعر:هزيت راسي حجيت ان شالله.

نعست عمتي بدت تغفه بقه سيف يمها نام بس فتى تبجي تريد اركان..

شايلتها وافتر اتصل عليهم كلهم ميردون لل1ونص غفت فتى نومتها يمي بالغرفه.

دك جهازي شفت هجان متصل عليه بسرعه فتحت خط.

گال: طلعي فتحي لباب.

اخذت شال لبسته طلعت لباب الشارع..

فتحت الباب اركان بالگوه واكف كامشي هجان وجساس..

دخلو للبيت ولد عمه هم.
رحت للمطبخ دقايق اجه اسلام كبران صاير شاب عين الله عليه..

اخذ مي ودا الهم رجع گال

اسلام:عمه يردون چاي

سويت الچاي، سألته عن اركان

عصر راسه گال

اسلام : عمي اركان يحجيلج مااعرف شي.

مشاعر: كملت الجاي صبيته اخذه وراح..

فوك الساعتين ونص همه كاعدين.
للتلاثه ونص ياله راحو بقه هجان.

رحت للاستقبال وصلت للباب اريد ادخل سمعت اركان بالگوه يحجي يگول.

اركان:هجان سد الموضوع، لاتسولف لاحد بعدين اتصرف واسحب الشكوه.

رد عليه هجان:

هجان: انته ناوي تموت روحك، عوفه عليه ازوعه حليب امه من خشمه، هذه الحيوان يحط خشمه ويانه لا،مو هِجان الي يستهين.

رد عليه: سبوع واتصرف وياهم، هسه ماتكدر تسوي شي، انتضر بين مااستعيد صحتي وانت تصرف واني بضهرك..

هسه مااكدر اوكف وياك. انتضر هل اسبوع حتى بدون مناخذ قوه نداهم.

هسه متستفاد شي لان حفيد عالم ديني ،اذا حجيت حرف واحد يذبوك بتايهه، مو بعيده.يغتالوك اذا مو يسجنوك.

رد عليه هجان:دنعم عي**** نوب عليه واحد مبالغ يفرنه فر والاضرب ابو الحيوان يتخلصمنه واحد واحد.. بده من رافد وانت الله نجاك بقه اني وجساس.

رد اركان: لو مامتصل عليه جان هسه اني بخبر كان.

هجان:لعد شعبالك ابن الكلب يتصل عليه يگول نسيبك راح ينفجر.
لك الرقم ماكو وكل دقيقتين من رقم يتصل.

رد عليه اركان: روح يمعود لا زوجتك تدعي عليه تره البيه كافيني..

ضحك هجان گال: هوه اني رايح شصخم يمك، واخذها مني تدردم عليك اي بس ماتدعي..

فتحت الباب دخلت قبل لايطلع هجان..
ابتسم باسني من راسي وراح.

مدد على الكرويته، وحده من رجليه مضمده
وايده وراسه هم مضمديهن..

كعدت كدامه فتح عيونه گال.

اركان: ماتوقعت ارجع..

نزلن دموعي ابتسمت حجيت: الله كاتبلك عمر.

هز راسه سحب نفس زفره بااه.

كعدت كدامه، مااعرف شسوي..

طول مااني كاعده ماتحرك على نفس وضعيته.
صارت عيني على الساعه 5ونص نفسه ثگل.

تقربت عليه اريد اشوفه نام لولا..
حاط ايده على عيونه، تقربت يم وجهه مركزه على صوت تنفسه..

اخذني الواهس.. ماحسيت غير هوه يحجي بتعب.

اركان: رب مال خباثه، مشتهيه ومستحيه على گوله عمتج، تبعديني عنج وبنفس الوقت يمي.

مشاعر جفلت لان واضح نايم شكعده حضي..
بسرعه وخرت منه.. وخر ايده رفع حاجبه، هز راسه،رجع ايده على عيونه گال

اركان:طفي الضو واخذي راحتج.

مشاعر: غميت روحي حجيت..گبر فوك گبر عفيه مشاعر متكعدين راحه هيج احسن نطردتي.

قطع كلامي ويه روحي صوته..

اركان:ليش هل سمعه،ماطردتج، گلت اخذي راحتج.

محجيت شي كافي مصختها وهوه مريض.
طفيت الضوه، كعدت على كرويته بداية الاستقبال..

نعست طفيت، هستوني اريد انام صاح.

اركان :مشاعر

فركت عيوني حجيت
_ها اركان.

رد بتعب
- اريد السبحه اذا متصير زحمه.

مشاعر: والله عبالي بيك شي،طلعت تريد لسبحه؟!.

اركان: محتاجها.

مشاعر:فتحت باب الاستقبال رحت لغرفتي الستره بعدها بمكانها ماغسلتها، طلعت السبحه تلمستها اريد اعرف شنو المميز وليش حاطه مفاتيح وقفوله والاهم ليش مخطوط داغر مو اركان؟!! والاكثر شعجب ذهب وياقوت بس هذه الخرز من ينفرك يطلع عطر بي مامعقوله ياقوت!

كوووم اسئله على هل سبحه موتتني.

وديتها اله اخذها من ايدي قربها لوجهه شمها مدري باسها..

هزيت ايدي رجعت لمكاني ماتحملت غفيت..
حسين على صوت ونين وتئوه كعدت رحت يمه تك عين مفتوحه..

حاجيته شبيك اركان؟!
رد باالم وتعب
-تعباان، تعباان..

عجزت عن الكلام، مااعرف شنو احجي بهيج مواقف ابقه ساكته، بلعت ريگي حجيت..

-لله يبعدك عن التعب..

صد عليه گال
-مايهون عليه تبتعدين..

صفنت بوجهه ثواني عيوني بعيونه تجرئت حجيت

-اني سبب تعبك؟!!

قلص عيونه وابتسم بستسلام.
-اي انتي دائي..

تفاجئت،من رده فعله گلتله..
-لهل درجة،متعبتك؟!!

غمض عيونه بخفه سحب نفس بهدوء وعمق.
فتحهن گال
-واكثر، دائي افعالج ودوائي روحج ونقاء گلبج..
ابتسمت حجيت
-يعني نفسك هسه، تذم بعدها تمدح..

ماجاوبني بس نطاني ايده كعد گال
-اريد چاي ثگيل يعدل الراس..
هزيت راسي ردت اروح شفته ميل روحه على الكرويته خفت عليه رجعت گال

اركان:السبحه من يمج نطينياها.

مشاعر: نطيتها اله اخذها مني شتمها..
ضجت من حركته..

طلعت من الاستقبال، بالگوه لازمه روحي، سويت چاي جديد..

مجرد تذكرت السبحه نزلن دموعي، مسحتهن بسرعه صبيت چاي ،رجعت اله نطيته الچاي

اخذه مني بعدم اهتمام،رجعت لمكاني گعدت عيوني يوجعني،انتبهت للساعه 8ونص..

تفاجئت شعجب عمتي والجهال مگعدو.

دقايق نفتح باب الاستقبال جنت رادته، دخلت فتى تدور على اركان.

هيه شافته ركضت بااتجاها.

رحت عليها شلتها، بچت، ماقبل اركان حجه وفتح ايدينه..

أركان:كم مره حجيت وگلت لاتتدخلين بيني وبين الجهال خاصته فتى خط احمرر.

اخذها مني بحضنه رغم المه الواضح بالگوه مسيطر..

ردت اخذها رفع حاجبه گال

اركان:كلب ينبح ويسكت، شحچيت هستوني.

مشاعر: ماتكدر هسه والله تأذيك، وااضح على ملامحك..

باسها من راسها غفت ن على رجله المتأذيه بحيث راسها على رجله وجسمها على الكرويته.. گال

-عاد احسن من امها، تسأل عليه.

مشاعر بدهشه:ليش ماتشوف جهازك شكد متصله عليك، والله العظيم ليل كله منايمه ولا اكلت شي من لبارحه بالي يمك،بس اريدك تجي وتالي هسه تحچي عليه وتغثني..

رفع حاجبه گال:جهازي ودع، واشتم. گفه ايدي مثلا
مختصر كلام انتي ماتبينين مشاعرج الي يگلك بفلوس..

مشاعر:ماتحملت نزلن دموعي، حجيت..

-ايي اني هيج.

ردت امشي سحبني من رسغي لحضنه..

خشمه على خدي، سحب نفس من خدي باسه بخفه حجه بهمس

-تخافين عليه..

هزيت راسي، اشتم مكان بين فگي ورگبتي..

چكچكت رفع كتفي كرصني من خاصرتي گال
-لعد ليش تأذيني، وتنفرين مني.

مااعرف شنو احجي سكتت مااحس غير عضني من رگبتي..

ابتعدت عنه بسرعه، كامشه رگبتي اريد ابچي اله شوي..

ضحك گال: احجي اريد اسمع صوتج صيري ام لسان بس تحجين، بختج بفتى نايمه بحضني..

مشاعر : اني هيج طبيعتي شسوي مثلا،بس والنبي اذيتني..

ابتسم گال: بس تعالي شوفي هذه شنو..

كمش راسه من وره..
تقربت عليه اريد اشوف كمشني من خصري گال

-ينضحك عليج بسهولة..

-لا والله غير انت مريض..

ضحك گال على گولت سيف
- بوسيني حتى يروح الالم

- هستوني ردت احچي سمعت صوت عمتي تناديني..

ضحك گال
-عمتج راح تشهد عليج..

- ياا وخر اركان..

ابتسم گال مو بكل وقت احضه، لو يجي ابوي الگواد منعول الصفحه، هم ماعوفج ليوم لو بالهدف او بالنجف.

- ماعليه والله ابقى على هذه كلامك متستفاد شي.

رفع حاجبه گال داء وداعتج..

-وخر شوي اختنكت واتأذيت ..

رخه ايده بسرعه فلتت منه ضحك بصوت گال

- ولخلقج اعرف هل سوالف وكلهن مارات عليه..

- باله كم وحدده..

عض شفته گال: 10موهواي..

دخلت عمتي شافت اركان ضربت على صدرها گالت

-عزاا بعينج يلميه..
ولك شصاير بيك يمعزه

ضحك گال
-حادث سير

اجت يمه كمشت ايده وتبجي ولك ييمه شلون بيه ماتقلل سرعه، انه شعندي غيرك يبعد ناسي وهلي..

ابتسم حجه
-اخذ مره ان شالله

صدت عليه گالت:شوكت اجه

_1ونص

ضربت على رجلها گالت.
-وماكعدتيني يمصكوعه..

ضحك گال
-يمه عوفج من جيتي تقبلين ماتنطيني حقي.

مشاعر فتحت عيوني من الصدمه.

ردت عليه عمتي..
- رجلك بالموت وتدور حقوق، بيك حظ تكمشها من صاحي، مو جاييني هسه لارجل ولا ايد صاحيه تريد حقوق..

ضحك بصوت گال
-ردتج عون طلعتي فرعون، تصفين عليه ويه جنتج.

صدت عليه گالت
-لاتفرحين انتي هم مصختيها لاعبالكم ما حاسه بس انتضركم تفرجوها..

واسمع يااركان، ام سبيحه ماتنطيها مجال تراها وصلت عندي اطردها..

أركان: البنيه ماعدها شي مجرد وصلتلي لسبحه والعطر..

شهكت گالت: نوب عطور وانت شبيك جايف ماعدك شامبو وصابون لو قله عطور تاخذ منها..

ضحك گال
-اشكرج نبع الحنان صرت جايف..

ضجت وهوه لاحظ ضوجتي عفتهم طلعت..

غسلت، سويت ريوك اخذته بصينيه وديته الهم

نزلن الصينيه رجعت للمطلخ اخذت صينيه اركان
كعدت بصفه تفصل بينه الصينيه..

سويت لفه مديتها اله اخذها..

اكل بس مو هواي..

شلت الصينيه سويت غده..

دك جهازي بنت عمه شورطني واخذت رقمي.
فتحت خط تبجي وتتوسل تريد تحجي ويه اركان..

ستغربت الوضع ضجت حيل بس غبائي وديت الجهاز لاركان..

رجعت للمطبخ كملت التمن وسبحت فتى ومشطتلها رحت اله لكيته بعده يحجي وياها..

شافني نهه المكالمه نطاني الجهاز اخذته صبيت اكل وتغدينه.
لليل هم دااسوي عشه اتصلت وهم تريد تحجي وياه بالها يمه، وديته اله رجعت اشتغل بين ماكملت شغلي واخذت العشه بعدهم يحچون..

مر اسبوع على هل حاله كل وقت تتصل وتحجي وياه من غير مرتين اجت شافته..

ليوم حالته احس من قبل.. صادف يوم الاثنين عيد ميلاد فتى وسيف.. واليوم احد

اركان اصر نسويلهم عيد ميلاد ونعزم عليه..

اني رفضت بس هوه وعمتي ماقبلو ضلو يحجون عليه..

وفعلا عمتي عزمت اقارب اركان واني عزمت لبنات.. باليل

گمره وجيلان ولبابه متاكده يجن..

عمتي جابت الاغراض، نفخنه النفاخ وحضرت الزينه.
اتصلت على اسلام وصيته على الكيك والمعجنات والعصاير..

لليل كمل كل شي ولبنات اجن..

على گوله اركان ديسم مسوي طريق بغداد الناصريه شمره عصا شوكت ميريد يجي والاضرب ميطول ساعات طويله..

البنات اجن وياي يصبن العشه..
بان كبرانه حليانه زياده كاسره على لبابه وسبيل.

رغم كل وحده الها جمال خاص.

بان ماتلبس عباه ولا اسلاميه عكس سبيل الي تلبس اسلاميه..

الحلو بهجان مايجبر على شي، جيلان الها سبع ايام وهيج مغيرتها لبان.
درجه وياها وياها.. سبحان مغير الاحوال.

ودينه العشه الكل التم تعشينه وبس صوت الضحك
ثمانيه ونص خلصنه كل شي نضفنه المطبخ
لبنات بغرفه الجهال..

بدلت لفتى فستان تويتي تول شعرها عفته مفتوح وسيف بنطرون تويتي وقميص سمائي تعاليك جوزي.

كملت عفتهم بيد گمره تاخذلهم صور بالاستقبال.

عفتهن يبدلن، رحت لغرفتي فتحت لباب نصدمت صدمه عمري..

اركان واكف بس الشورت لابسه.. وبنت عمه حاطه ايدها على صدره والثانيه ترش عطر على ركبته.

من صدمتي ضليت واكفه فاتحه حلگلي مااعرف شنو احجي..

شافوني نزلت العطر وطلعت.

كزيت اسناني ضغطت على روحي فتحت الكنتور طلعت ملابس اخذتهت ردت اطلع حجه..

- ماتحچين شي؟

غمضت عيوني فتحتهن جاوبته..
- لا

ردت اطلع كمش ايدي گال
-لا كل شي تشوفي تحكمين عليه.

بلعت ريگي حجيت.
-سؤال واحد وبس اذا تشوفني هيج ويه واحد من ولد عمي شنو تفكر؟!

عقد حواجبه گال
-اسمعج لان مستحيل، اسوي شي بحكم مسبق.

صديت عنه حجيت
- واني شعليه لااحكم ولا الي دخل عسى ما تتزوجها

- هيج صار الحچي، زين لعد مشيلي عليها.انتي.

مشاعر: ابتسمت بستفزاز تقربت عليه اخذت العطر من الميز حجيت

-اسفه اركان ابتسم شمرت العطر بالكاع نكسر.

نمحت ابتسامته جرني من زندي گال

-ليش كسرتي؟!!

رديت عليه
-لاتحكم حكم مسبق مو تگول مااحكم عليج احتمال العطر اذاني.

ابتسم گال وحده بوحده.

هزيت راسي طلعت من الغرفه، بدلت ملابسي خليت مكياج بسيط لفيت الشال.

طلعت يم لبنات يضحكن ويسولفن واني بغير مكان..
الولد كعدو بالهول حتى ناخذ راحتنه..

دزو عليه يردون چااي سويت وديته الهم بالهول

ديسم واركان،وهجان وجساس واسلام ولد عم اركان ثنين..

ابن عم اركان راد السبحه ااركان ماقبل ينطيها..

طلعت من الهول وديت لصينيه، لحكني اركان گال

-شبيج ليش دخلتي تضحكين وطلعتي مكلوب وجهج؟!!

ماحجيت شي ردت اطلع كمش ايدي

-مو احجي وياج

صديت عليه بيده السبحه اول مره اتجرئ واگول

-اركان تحبني؟!!

لانت ملامحها لمعت عيونه گال:
- اعشگج مو بس احبج.

بلعت ريگي حجيت
-نطيني السبحه.

عقد حواجبه گال
-ليش شتسوين بيها.

-اذا من صدك تحبني تنطيني السبحه.

ابتسم نطانياها گال

-الج هيه وراعيها..

اخذتها منه صديت على الكاونتر طلعت مكص كصيت خيطها الثخين صديت اله حاط ايده اليسرى بجيبه..

سحبت ايده حطيت بيها السبحه..

ضحك اخذها حطها بجيبه گال
كطعتيهت بدون ماتعرفين منو صاحبها.

ستغربت حجيت
-غير الك

ابتسم گال:اني وسيط لااكثر.

نصدمت عافني وطلع..
رحت للبنات سوينه الحفله لل11باليل خلصت .

بيت عم اركان راحو.

بس اهلي اجتمعنه بالاستقبال..

هِجان راد مي انطته گمره..

گال الها يوم عرسج واني ازفج..

كلها ضحكت اله گمره ردت عليه..

گمره:والله ياخي الزواج مو كل شي بالحياه اكو اشياء اهم منه ابسط شي الدراسه مو صح ديسم.

رد عليها ديسم اي اكيد.

ابتسم هجان كال نهايتج تزوجين قابل تعنسين.

ردت عليه: والله الفكره حلوه..

رد عليها
- لاهايهيه قفلت بعد.

ابتسمت كعدت بصف ديسم.

شوي واجت يمنه

لاحضت بلسم وگمره ميتحاجن ماعلم هنه اقرب ثنين لبعض.

حجيت ويه گمره
-شبيج ويه بلسم لاحضتجن ولاحجيتن اليوم.

ردت: سالفه طويله..

طلعت قصه تقراها عفتها، دك جهازي الكل انتبه، صارت عيني على اركان حركت حواجبي وعيوني على الباب،وطلعت..

بالگوه كامشه اعصابي، دقايق اجه اركان گال

-خيرج شبيج بوزتي..

ابتسمت صديت عليه الجهاز حجيت بنت عمك تدك

رفع حاجبه وابتسم راد ياخذه مني لطخته بالكاع.

نصدم من رده فعلي، ماتحملت حجيت

-وين عايشيين متگلي تتصل عليك بالوحده باليل لو ترشلك عطر لو تلمس صدرك...

لك اركان اني ماتقربلك هل قرب ضحكك وسوالفك وياها.

ماعدها لاحسيب ولارقيب، وشغله ثانيه تره حررام تركز بعيونك مو تقرب هل قرب تعتبر عليها غريب.

ولعلمك انتو زنيتو بس بطريقه ارقه..

مااحس غير ضربني راجدي نزلن دموعي حجه بعصبيه..

-يرحون ويصير خير تجاوزتي هوااي، هيج الغيره تسوي..

ضحكت بستهزاء حجيت
لاعبالك احبك لو اغار عليك لا والله العظيم اكرهك اكرهك نفسي لعبت منك.. يتبع.