رواية لماذا احببتك الفصل السابع 7 - بقلم اورجانزا الطائي

سلام عليكم عذروني بس ولله صار وياي ضرف لهذه منشرت بتلاثه 😥

وصدك كلش افتقدتوني يسلمو

عود تفاعلو على الفقرات 🙂😇

قصه لماذا احببتك
البارت السادس
بقلمي اورجانزا الطائي

.
.
.
.
.
.
.
.
.
.
.
.
.
.
.
....
ذات..

مااهيس غير جايت فوكاي ويضرب بيه
مااحسيت بوجع ضربه بكد ماحسيت بوجع گلبي..

دفعته مني رجع عليه جرني من راسي حتى شعري طلعه..

جرني من شعري وكفني كدامه ضربني راجدي

وشد لزمته لشعري ويصيح اباوع لابوي بتوسل

صارت عيني بعينه بسرعه التفت على الجهه الثانيه

ولدعمامي الشفيه من شافوني وكع حجابي طلعو ولا تدخلو.. بشي

وحربه تحسه طلع روحي جسمي رخه مااكدر اوكف

حراره تطلع من رجليه ضربني راجدي ويه الراجدي دفعني على الكرويتات نضرب راسي بالتاج مالتهن صرخت بصوت

كافي عاد رحموني بعدني ممكمله حجي رجع ضربني راجدي.. وكال

حربه باجر هِجان يعقد عليج فهمتي لو افهمج بطريقتي..

ذات انته هم حاسب روحك اخ هه حرام يسموك اخ ورب العزه..

التفتت على ابوي وحجيت وانت يابوي مو تكول انتي.ذاتي الي مافرط بيها اله اشوف ال يستاهلها مو كلت انتي بنيتي وماعاش الينهي عليج لو يوكفج اله..

ههههه انه بنت الشيخ ابو قامه نهو عليه.. وين هيبتك من بنتك نهو عليها وكدام عينك حتى ماحطولك احترام.

ابو ذات ذات لسانج اكصه اذا سمعت حجايه زايده منج.

ذات وكفت بالكوه ومسحت الدم ال بشفتي وكتله بوهن بويه لسان ذات تربايتك

ض وانتَ كلت ذات تربايه زلم .. هسه مارضيت.لان ماقبلت تضلمني نفس البقيه..

حربه بويه بس انطيني اشاره حتى اربيلكياها من جديد الضاهر الدلال اثر عليها...

ذات ابتسمت باستهزاء وباوعت لابوي المفروض يكون سندي شيكول..

بس نفس توقعي كاله ربيها.. ماتحملت ضحكت بصوت وباوعت لاخوي صمد غى

وينك موانت الي تكول انه وياج بكل شي انه سندج وعزوتج وينك صمد شوفني كدامك راضي على معاملتهم راضيي احجي لاتسكت ... دنك راسه وماحجه بحرف.

باوعت عليهم ابوي وحربه وصمد ولبابه التبجي وخالتي كامشه امي والدمعه تنزل وتمسحها..

ديسم ماكو مختفي لو موجود هوه وجساس جان وكفو بوجه حربه لان ميرضون عليه هِجان الي وكعني بالمصيبه وشرد ماله اثر ومهوال الي خابص روحه اريدج واريدج هم طلع ويه ولد عمامي لبقيه..

ضحكت وباوعت على ابوي واخواني حجيت وانه بقمه حقدي عليهم كل وعودهم كاذبه.. تفوو على شوراب الملزوكه انتو تحلون مشاكل الناس وبنت بيتكم وبنتكم ماتحلونها.. ماكملت كلامي وجرني حربه طلعني من الديوانية..

جارني من شعري ويسحل بيه ماكال اكو حرس لو خدم..

يسحل بيه ويه طلعتي واشوفه كدامي بكد مجان هم وقهر بگلبي راحن بس شوفته هيج سوت بيه ابتسمت بوجهه

وهوه غمض عيونه وفرك وجهه يربي شكد احبه..

عيني عليه لحد ماا ختفه اثره لان دخلنه للمطبخ...

سحلني سحل لغرفه امي شمرني وصاح مرته كاللها

حربه جيبيلي الحزام الاسود بسرعه

والحقوده ردت
... تدلل ثواني

صدك ثواني وجابت الاحزام..

تباوعلي وتبتسم بخبث..

سد الباب بالقفل..

طبك الاحزام ويضرب بيه بس صوت صرخاتي مناجاتي لربي الخلقني بهيج عائله مسموع..

ياااللله يابو فااضل انته كفيلييييي يابو فاضل انه كفلتك يابو دم الحااار حكي اريده منننكك

ابجي واصرخ وانخي كفيل زينب يكفلني ماعندي غيره..

بهل وقت لااب ولاام ولا اخ ولا اخت تنفع غير رب العباد..

حسبيي للله علييييك يا حربه اشهك وابجي

وهوه من يسمعني انخي ابو فاضل واتحسب يزيد بالضرب ويكول

حربه وينه التنخي خل اشوفةشلون يجيج.. «استغفرالله»

ذات لاتكفر ياكاافر ياخذ حكي منك ومن ابوك انه كفلته واهو ياخذ حكي انه كفلت الاقوه من ابووك انه كفلت كفيل زينب اخو خيته ياخذ حكي منك انته وكل وحد يسوي يعذب خيته..

حربه اليوم اريد اشوفه ****** شلوون يكفلج اليوم لو انه لو هو «استغفرالله»

ذات غمضت عيوني دنك عليه رفعني من شعري ضحك وكال

حربه.. هاا شو سكتي تدرين بي مياخذ حكج موو

ذات الله يمهل ولا يهمل ، مااهيس غير لطخ راسي بالحايط.. صرخت بصوت عالي رج اركان البيت ياعليييي

سد حلكي بيده وخنكني احس النفس انكطع بالكوه ساد حلكي وخانكني
انه اتنفس من حلكي موش من خشمي لان من تخذ نفس من خشمي اختنك واهييس ثكل..

غمضت عيوني وكلت اشهد ان لا الهه اله بعدني ممكملتها اسمع صوت الباب تكسر هذه الصوت مو غريب صوت هِجان يتهدد لحربه..

ضحكت بگلبي ماعافني ابن عمي..
وخر ادينه عن ركبتي وشمرني صارت وكعتي على الكزاز مال البوفيه وجهي طلع من الكزاز والكزاز تكسرت بوجهي صحت بصوت اخخخ يابو فاااااضل

وخرت راسي من البوفيه و باوعت لحربه صفن بوجهي

كتله حسبي لللله علييك حوبتي تطلع بيك انته وكل واحد ساعدك يحربه

وجهي يوجعني.ويحركني اهييس رطوبه على رجليه دنكت واشوف الدم ينزل من وجهي على ملابسي..

رفعت راسي عليه وبجيت بصوت دموعي نزلن لو حركني موتني اريد اخرمش وجهي على هل حركه..

نكسر لباب ودخل هِجان فتحت عيونه من شافني

جات على حربه الواكف يباوعلي..

ونومه بالكاع يضرب بي ويصيح

هِجان انته منو حتى تمد ايدك عليهاااااا صارت بااسميي وانه الي يمس شي خاااص بيه احسب الله ماخلقه

ولك اخييييتك تشوههه ولك اليوم اندمك ياساقط حرام لله خلقك رجاااال عابه على الزلم انته..

ذات اباوع عليه شلون يضرب حربه ذبه بالكاع واجه عليه يباوعلي

فرك وجهه باوع منا ورد منا وصااح جيبوشي تلبسسه وينجنننن

بس محد وصل وجاب شي

نزع غترته وطبقها ولبسنيها حجاب شالني حجيت

حرام ولله

غمض عيونه وكال حاسبج حسبه بنيتي لبابه وشايلج ماعندي غايه كفيلج العباس..

هزيت راسي رفعني من الكاع بس جفوف ايدينه مالامسن جسمي شالني بگفه ايدينه

غمضت عيوني صاح لاتغمضين اصحيي

بين الكاعده والنايمه سمعت صوت صمد

صمد هِجان وين ماخذها هدهاا

جاوبه هِجان

الصمم لا والخلقك اعدمك بمكانك منو انطاكم حك تضربونهااا احجي ياكو** كالكم تضربوهاا بس خل تطلع سلامات وانه اتصرف وياكم

مشااااعرر وينهاااا

مشاعر هاا خويه

هِجان حسابج بعدين يبعد اخووج خابرري على ديسم جساس وينهم

جساس اجيت خويه شبيك تصيح

ذات هِجان منطي ضهره للباب اجه صوت جساس التفت انصدم جساس

كال ذات شبيها..

هِجان وين جنت انته وديسم وينه مختفي اخابر عليه مغلق.

جساس ديسم رجع لبغداد العصريات لان عنده خطا بالتسجيل.

هِجان جسااس اخذ حربه للمركز واريدك تضيفه ضيافه مال شيووخ..

جساس حربه ابن عمي

هِجان من دنعل ساعه الطلبت منك شي اخذه للمركز ومعليك واذا مالكيتك مضيفه احسب حساب ترفيعه ماكو.

جساس بضحك غالي والطلب رخيص

ذات بعد مااكدر افتح عيوني غمضتهن..

.
.
.
.
.
.
.
.
.
.
.
.
..
.
.
.....لبابه

معقوله اكو هيج ناس انصدمت منهم كلها تباوع ولا واحد تقرب..

دموعي تنزل اول مره اشوف اخيضرب اخته بهل وحشيه ولله ابد مو انسان ماعول ابو كاله ربيها

وهذه جرها جر وطلعها ابوها كاعد ولا يمه واخوها يلعب ببنته..

واخوات بيبي يسكتن بام ذات..

اجتي مشاعر تركض كعدت يمي كالت

مشاعر لبابه شصاير ليش حربه ضرب ذات واخذها لغرفه خالتي

لبابه من بين دموعها بابااا نهه على ذات

مشاعر عزاا ولج شووكت.

لبابه مساعه

مشاعر وابوج وينه

لبابه طلع لان خابرو عليه..

مشاعر وابوج سوه المصيبه وطلع.. انه اعرفها لذات مستحيل توافق

لبابه عمه تره اني بنته كدامج ماارضه تحجين على ابووي.

مشاعر شوف انه احجي وين وهيه وين

لبابه لديوان بعيد عن غرفه اخت بيبي..

يارب العالمين شلون باردين عفتهم وطلعت صار بوجهي الكهوچي

اعرفه كلش زين صديق ابوي من الطفواله مرات يجي يمنه للبيت حتى من جنه ببغداد هو يجي علينه بس ميبات يعني ساعه ويرحع ويكضوها هوه وابوي بره..

وابوي ميعتبره كهوجي..

دنكت راسي وحجيت عموو خابرلي على بابا بسرعه..

بسرعه نطاني جهازه متصل على ابوي تفاجئت من سرعته اخذته حطيتها على اذاني

وباوعت عليه ابتسم بوجهي واني تلقائية ابتسمت جنت قبل عبالي من يكول ابوي

اجه صديقي وامي ترده قصدك الكهوچي وتستهزء بي.وانه

عبالي شكله محلو ولبسه هم

بس هذه لايختلف

كلش حلو عيونه رصاصي وسماره فاتح حواجبه سيوف على كوله عمتي مشاعر

وعنده لحيه كثيفه شوي بس محدده لاف غتره على راسه لفه بدون عكال نفس لفه ابوي لابس دشدتشه سوده..

قطع سلسله افكاري صوت ابوي بااذاني

هِجان هلا بسليم شلونك عضيدي..

لبابه. اا بابا اني لبيب..

هِجان لبابه هذه مو جهاز سليم ؟؟

لبابه بلعت ريكي وكلت اي بابا بس ذات...

هِجان بفزع شبيها ذات منو وياها

لبابه بابا ابن عمك ضربها وشحطها للغرفه، تعال فدوه بابا
محد فزعلها..

هِجان سدي بنيتي جايج انه مسافه الطريق

لبابه غلقت الخط من بابا وانطيته لسليم الي بس سديته حجه بسرعه

سليم شكالج وينه جااي

لبابه دنكت وحجيت اي راح يجي شكرا..

قبل لايجاوب عفته ودخلت للبيت نسوان اخوه ذات كاعدات يتمضحكن حركن دمي ولا عبالك الي دصيح بني ادم من لحم ودم..

واكفه حاطه ايدي على گلبي انتضره ابوي يجي ..

ثواني وسمعت صوت ذات تصيح يالله بس صوتها رج البيت رج من قوته مدري شصار بيه جسمي قشعر و رعش من قوه نطقها لذو الجلال..

نزلن دموعي بقوه وانخي بالامام الكاضم كون يجي ابوي بسرعه..

شويه وسمعت صوت ابوي بره ركضت طلعت له كال

هِجان عمييي ذااات وينها اريد اشوفها كدامي مابيها لو شخط واحد.

يجاوبه ابو ذات بتلكه وانته شدخلك اخوها يربيها وانته باجر جيب الشيخ وعقد...

قاطعه هِجان بتهجم رفع سبابه ايده وكال

قسم بعضمه اللله اذا ماشفت ذات كدامي حسبو لاانه اعرفكم وبا تعرفوني..

صمد بعدم اهتمام وانته شحارك دمك اختنه وحرين بيها.. شنسوي نسوي عسما نموتها احنه حرين..

هجم عليه هِجان ،ضربه بوكس على حلكه كال

هِجان اذا عدتها احسب روحك يم جدك وانه عد عيناك اوفيك بوعدي يابن عمي الشفيه اختك هذهمو سلعه الحلكك..

صمد اه اح وانتهمنو وتضربني

هِجان محسوبك عزرائيل الكدامك،

سكت ثواني واردف ذاااات وين احجو لا اهجم عليكم وانتَ عمي هذه بنتك مو سلعتك فهمتت.

لبابه كلها ساكته يخافون من عم ابوي الشيخ..
حجيت منبين دموعي بس شنو صمد والشيخ اكلوني بعيونهم .. نزلت راسي وحجيت بسرعه خايفه من رده فعلهم

بابا ذات بغرفه اخت بيبي ابن عمك صمد يضرب بيها والجناين يضحكن.

هِجان بصياح عميي بنتك الجناين يضحكن عليها ولك انته يالشفيه اخو مريتك ولك اختك وواكف كدامي من طيح لله حظ هيج زلم.

لبابه تقدم عليه غمضت عيوني بقوه اخاف يضربني على عصبيته رفع راسي بيده وكال

بنيتي تعادل ميت زلمه مشورب. ماهانت عليها تشوف بنت عم ابوها تتعذب.

باسني من راسي ابتسمت اله باوعت على عم ابوي وبيبي ماكليني بعيونهم وبيبي تاشر بيدها ولا هتميت لان الكدامي يتعذب بني ادم مو حيوان ولو هوه حتى الحيوان يتعذب.

حجه هِجان من رخصتك عمي انه داخل قبل لايسمع الاجابه دخل للبيت..

لبابه بس دخل ابوي انه وراه بسرعه دخلت اخاف لايضربوني..

صاح بصوت على الجناين بصوت حاد لدرجه ثنينهن نزلن راسهن، حجت مرت صمد

... خويه ببغررفه عمتيي هذه

لبابه دك الباب ابوي محد جاوبه بس صوت ذات الي تنادي باااااااابووووووو فاااااااااااضل..

يدك ماكو اخر شي دفعها بجتفه مرتين تلاثه بالرابعه نفتحت دخل للغرفه وانه دخلت وراه بس نصدمت بشكل ذات ضليت فاتحه حلكي

الدم ينزل من وجهه وعيونها ذابله حتى لون عيونها الزرك مامبينات من حمار العيين، وكف ابوي قبلي شويه وحجه بصوت عالي

هِجان انته منو حتى تمد ايدك عليهاااااا صارت بااسميي وانه الي يمس شي خاااص بيه احسب الله ماخلقه

ولك اخييييتك تشوههه ولك اليوم اندمك ياساقط حرام لله خلقك رجاااال عابه على الزلم انته..

لبابه ثواني واشوف ابوي فوك حربه يضرب بي وخر عنه
وتقدم على ذات
هِجان

فرك وجهه باوع منا ورد منا وصااح جيبوشي تلبسسه وينجنننن

بس محد وصل وجاب شي

نزع غترته وطبقها ولبسه حجاب تقرب عليها راد يشيلها كالت

حرام ولله وشهكت بصوت

غمض عيونه وكال حاسبج حسبه بنيتي لبابه وشايلج ماعندي غايه كفيلج العباس..

طلع يركض من لبيت وانه وراه اخاف ابقه وحدي..

ضل يصيح بره لحد مااجه جساس وكاله ياخذ حربه ضيافه يمه بالسجن..

طلع ابوي يركض شايل ذات للسياره..

وجساس اخذ حربه على كولت ابوي ضيافه للسجن

وگب الصايح مرت حربه تصيح وتلطم..
واكفه اني ومااحس

غير مرت حربه جايه عليه تصيح
وتضرب ضربتني راجدي وخرمشت خدي

وخرتها خاله ابوي ام موده.

بيبيي ولا كامت كاعده وحاطه اخواتي وحده منا والثانيه منا

صدك استهضمت لان مدافعتلي..

البيت هدئ نوعا ما كعدت بالصاله

بيبي واخواتها كاعدات يهدئن على ام ذات شويه واتصلو على ام موده..

فتحت خط ثواني ولطمت على صدرها

يمه وليدي مايستاهل شلون صار...

سدت الخط وتضرب على رجلها..

سألتها بيبيتي شصاير

كالت
حسين ابن حامد ابن عم موده مسوي حادث هسه بالمستشفى حالته خطره..

كالت بيبيتي خطيه ميستاهل حسين خوش ولد

لبابه ساعه وزوج ام موده دز عليه يرحون

راحت ام موده.

كعدت يمي عمتي مشاعر.

ولاكأن صاير شي تسوالف عادي واني گلبي يكطعني على ذات..

تقريباً الساعتين ونص خابرو على بيبيتي ومااسمع غير بس اليبووووووووووو.

نفسي سرع احس الهوه انكطع كل تفكيري ذات ماتت.

بس الصدمه حربه ابن عم ابوي مات بالسجن حتى قبل لايحققون وياه..

ضج البيت بصايح اليبوو عمت ابوي تخربطت مرته شكت ثوبها وتصيح وتبجي..

عم الحزن بالبيت..

والبيت صار عباره عن لون الاسود...

من بعد ماحققو بموت حربه، اتضح ميت موت لله..

ثاني يوم بجي وصياح جابو الجنازه للبيت

كالت المله ابرو الذمه حتى يرتاح كلها برته الذمه اله ذات الي بالمستشفى..

أخذ الجنازه قبل لايطلعوها من البيت

خلو مرته تفوت من جوه الجنازه بيدها قران تلث مرات فاتت وطلعت..

حسب الي عرفته حتى لاتبقه نفسه بيها ماعرف شنو المقصود..

خلصن تلث ايام الفاتحه وابوي ماشفته بهل تلث ايام اني بيت الشيخ.

اخواتي شلعن گلبي بس يتعاركن ويتجاسرن عليه...

العصريات كاعده اجه ابوي علينه اخذنه للبيت..

رجعت اني واخواتي لبيتنه

راحن للمطبخ جابن حلويات وكعدن على الحشيش بالجهه الثانيه

وانه گعدت يم ابوي سألته عن ذات طك ركبته بيده وميل جسمه يمنه ويسرى ، كعد على الكرسي الي بالحديقه تحمحم وكال نايمه بغرفتجن..

لبابه هااا ذات يمنه بالبيت يعني..

ابتسم بنصر وكال

اي بعد اهل ابوج.

ضحكت على كلامه وكتله زين عمك يعرف بيها هناا

خله ايديه وره راسه وارتاج على لكرسي وابتسم كتله

هاا يدرون لولا

رفعلي حوجبه وكال نجج

باا باا يعني ميعرفوون لو شنوو

هِجان ههه شبيج باباتي واذا يعني خلي يطكون روسهم ب اقرب حايط عليهم..

لبابه بس بابا بيت عمك شرانيين مو تشوفهم شسوه ب ذات..

هِجان ههه بنيتي لاتخافين تره بس صوت مابيهم اي فائده..

لبابه بتوسل: بابا سؤال بس تجاوبني

هِجان بثقه انه شعندي غير لبابه ومااجاوب كولي بويه اذا اكدر اجاوب ليش لا..

لبابه بخوف شلون مات ابن عمك حربه...

ضحك ضحكه طويله ، تلمس مكان لحيته وكال

هِجان: بنيتي مات ولله وياه بس حسافه لله اخذ روحه قبل لااخذ حكي منه.. نهه كلامه بابتسامه.

لبابه يعني انته جساس مالكم دخل بموته

هِجان ههههههه لا بنيتي انه جنت بالمستشفى بس هذه حوبه ذات

لبابه لعد بابا ليش مقبلتو تكشفو من اخت بيبي ومرته رادن يشوفنه..

هِجان باابتسامه مشرحي يابه شلون يشوفو..

لبابه شنوو يشرحون ليش

هِجان باباتي لازم كل ميت يشرحو هذه الماشي عدنه..

لبابه ليش بابا

هِجان اي بابا عوفي السالفه هسه وروحي شوفي ذات

لبابه صار عندي شك من صيغه كلامه وابتسامته خفت
لا ابوي يكون بسببه مات

بسته من راسه ودخلت للبيت

ذبيت عبايتي على الكرويته نزعت الحجاب ودخلت لغرفتي فتحت الباب ضلمه..

فتحت الكنتور واخذت دشداشه ودا*****

وملابس لاخواتي وطلعت من الغرفه انطيت الملابس لاخواتي سبحت بان وسبيل هيه سبحت مشطتلهن ضفيره فرنسي..

اخذتهن يم ابوي مدد بغرفته دكيت الباب وكتله

جبتلك الحشريات بعد يمك اروح اسبح واجي

فتح ادينه بان وسبيل ركضن صعدن على السرير نامن بااحضانه..

ضحك وكال

هههه سبح الهنه مقدما

لبابه هه شكرا بابا

سديت الباب ورحت للحمام سبحت وطلعت اني ملبست اسود على حربه على الي شفته منه ماالبس عليه..

بس بالفاتحه لبست من عمتي مشاعر بس شنو شطوله عليه..

طلعت مشطت شعري وضفرته.. شفت الضوه الغرفه مفتوح..

دخلت للغرفه مبتسمه

لكيت ذات لابسه الوان حجاب مدنكه و كاعده على السرير راسها..

حجيت ذاتت

رفعت راسها وريتها مرفعت راسها..

وجهه ميبين منه شي غير العيون حمررر. والحلك كله مسوينه بشاش..

منضرها يكطع الگلب ، حاولت اتماسك بضحكتي ماابين الها ضايجه..

كعدت يمها وحجيت شلونج اليوم..

ذات حمدلله

لبابه تحتاجين شي
مجاوبت بس هزت راسها..

لبابه اذا تردين شي كليلي اني بالمطبخ

هزت راسها ودارت على الجهه الخ .

طلعت من الغرفه رحت للمطبخ طلعت بورك وباكله خضره من المجمده ، وبيذنجان وبتيته

غسلت الباكله وخليتها على طباخ تستوي
شرحت بتيته وبيذنجان قطع

اجه ابوي كال

هِجان باباتي بنيتي طلعيلي العدس

لبابه ههه تسوي اكل

تلمس كصته ضحك وكال

هِجان هههه اي ولله يبوي..

لبابه طلعت العدس انطيته لابوي سوه شوربه لذات لان ماتكدر تمضضغ الاكل..

فضولي كتلني كتله بابا..

هِجان روحه وكل اهله لابوج

لبابه عمري ولله بس ذات تدري اخوها مات

اخذ قطعه خيار اكلها وهز راسه بعدم مبالا

لعدشو لابسه الوان واحمر هم

هِجان هههههه اي شفتها لبست دشداشه من مشاعر واذا على الالوان انتي لابسه الوان.

لبابه اني بنت ابن عمه وهوه قاطعني ابوي من كتل انطيني مي

انطيته وكملت لله يرحمه جان ثور وهايج على الي شفته مستحيل البس اسود

يشرب بالمي من سمعني غص بالمي

دكيت على ضهره ضحك كال

هِجان: شلون دبرتيها لله يرحمه وجان ثور

لبابه بااباا حجايه وطلعت بعد

هِجان ههههه هايهيه بنيتي ياله اني راح اودي اكل ذات وانتي كملي من تحتاجين شي صيحيلي

لبابه ههه اي
راح ابوي واني

ثرمت كرفس وطماطه وخيار خليت ملح عليهن

گليت البيذنجان والبتيته والبورك

استوت الباگله صفيتها حمست بصل خليت خاشوكه معجون حمستهن وخليت فص ثوم مثروم ورشه خفيفه بطنج ونومي بصره مطحون وملح ونص كوب مي فار شوي خليت الباكله نصيت النار خمس دقايق وخرته عن الطباخ خليته بطاسه حتى يبرد..

بردت الباكله وخليته على الزلاطه الخيار والطماطه والكرفس خليت نومي حامض وكچب

هذه الاكله تعلمتها من ابوي لان يحبها
«لبابه العالم 😂😂 بس ولله جربتها طعمها طيب نوعاما واني مااحب الباگله واكلتها 😕»

خلصتهن خليتهن على الميز الطعام وصحت لابوي
ورحت كعدت خواتي كعدن بالف ياعلي ..

كعدن ياكلن رحت لابوي اريد اصيحه وصلت للباب جانت مردوده..

سمعت صوت شهكات ذات

انته جنت الامان الي محد يكدر يجيسني لان انته ماتقبل ويخافون منك..

وهسه انه بهل شي بسببك انته لان نهيت عليه..

هِجان افهمني ولله احبه لحربه بس هوه مدري شلونه ماشفته شلون صربني وشوه وجهي انه متاكده وجي مشوه ماطول بي خياطات ولله اعلم كم خياط ..

شهكت بصوت وكملت

هذه كفره هوه الي موته ولله كفره

هِجان ليش هوه كفر؟؟

سكتت ثواني وكالت

من يسمعني انخي ابو فاضل واتحسب عليه يزيد بالضرب ويكول

اريد اشوفه شلون يكفلج انه لو هوه...

وهذه نتيجه كفرانه واستكواه لكفيل زينب

لبابه بين كلمه وكلمه تحجيها تشاهك من البجي

مسحت دموعي بديه ودكيت لباب ،فتحته

كلت، بابا الاكل صار

التاف عليه وابتسم ابتسامه خفيفه كلش بادوب تبين

هز راسه ، اني عفتهم رجعت للمطبخ ..

كعدت يم اخواتي لكيتهن قاصفات على البورك والبتيته عايفات بس البيذنجان ..

كامن ثنينهن

حجيت وين رايحات

تخوصرت وجاوبتني بان ام لسان

بان يووو شبيج ويانه تره رايحيين للصاله

لبابه بقله صبر روحي روحي بس اذا سمعت صوتجن حسبن حساب اكول لابوي..

بان اووف فهمت ولله

لبابه عافني وراحن.. مااعرف غلط وياي لو وياهن..

قطع حبل تفكيري صوت ابوي

هِجان شبيها اميرتي

لبابه ابتسمت بوجهه بس ابتسامتي مليئه بخيبه الامل والم وحزن..

عدل البنطرون وكعد كدامي خله رجل على رجل وكال

هِجان: باباتي الصفنه مو الج بعــــــد كدامج طريق شكبره كدامج..

لبابه ههه ماصافنه

هِجان حجه وضحك اي صحيح

ياله سمي

لبابه اي

كعدنه ناكل ثاني لفه اكلتها وكمت اشوف سبيل وبان مو عادتهن يسكتن ومالهن صوت هل الاثنين

شالعات گلبي لو ينامن لو يتعاركن لو يتجاسرن خوفي بالمستقبل منهن لان دا لاحظ بان ماخذه صفات من
الي تسمه امي النتره والجساره وتخوصر بعد لله اعلم...

شفتهن كاعدات يتابعن كارتون عفتهن حتى محاجيتهن

رجعت يم ابوي حطيت القوري على الطباخ.. ورجعت كعدت يم ابوي..

شويه وسمعنه صوت صياح اخواتي رج لبيت رج

وباب الشارع تكسرت من الدك وطبه قويه صارت

والاضرب صوت صياح ذات

كلهن انجمعن سوه طلع ابوي بره يركض يريد يشوف شكو واسمع صوت الطلق گلبي وكف

ركضت وره ابوي باب الشارع مفتوح واكفين ولد متلثمين يرمون علينه شفت ابوي وره الحايط كامش كتف ايده

ركضت عليه ومااحس غير حراره اخترقتني اريد احجي مااكدر فتحت حلكي من الشهكه

ودموعي نزلن بلعت ريكي ونزلن دموعي وكعت بالكاع اشرت لابوي اريد احجي مااكدر بببب بابا يتبع...😣

توقعاتكم للبارت القادم..