رواية لماذا احببتك الفصل الثامن 8 - بقلم اورجانزا الطائي

قصه لماذا احببتك
البارت السابع
بقلمي اورجانزا

.
.
.
.
.
.
.
.
.

.
.
.
.
.
.
. موكل واحد يحب يعيش فرحان..

اكو اليحب ويعيش يائس.

واكو لمن يحب يصارع الموت.

ميهمه يصارع الف فارس..

يذكرون اعضم حب بالكون  قيس وليلى ..

اشو محد ذكر بالحب عابس

قلمي..

...مشاعر

كل انسان عنده شخص قريب لگلبه يسولفله اسراره وهمومه.. اله انه ماثگ  باحد..

بنات عمامي اوخالاتي كلهن يستسرني انه بير  اسرارهن.

ذات، موده،ميسر،حتى اخواني هِجان ومهوال، شوك..
كلهم يسولفولي يومهم من يكعدون لحد مينامون عكس لبيب بنت هِجان الي من اسئلها تجاوب على كد السوال..

لبيب انسانه مختلفه من جميع النواحي تختلف عن امها بالشكل والتصرفات والاطباع.

عكس سبيل وبان الي ماخذات صفات امهن

خو بان نسخه مستصغره عن بسمه شكل وتصرفات واطبعاع.. وسبيل اخذت اطباع بان ماعلم بان اصغر من سبيل..

بس تحسيها اوعه وافهم من سبيل بس سبيل اذكه بالدراسه..

بسمه من تزوجت هِجان جان بوقتها عمري 10سنوات

والطفل الوحيد من الاحفاد إسلام عمره 7سنوات

اتذكر بزواجهم كلش فرحنه بيهم.. بس الفرحه مادامت بمشاكل بسمه ويه مرت اخوي..

لو شغل لبيت لو لبسها لبسمه جان ابد مو قانوني وميمشي عدنه بيتنه بي اخواني تلاثه وابوي من غير  الخطار ولد عمامي الي يجون علينه..

كل ماينزل هِجان تتلكي امك هيج سوت ابوك هيج حجه اختك هيج طلعت للخ...

لحد ما اخذت فتره تبجي وتصيح اهلك مسويلي سحر ماريد ابقى هناا.

لو مشتاقه لاهلي  وانتم حرمتوني منهم.

شكد تتجاسر على هِجان بس  ابد مجان يضربها عكس اخوي الجبير جان يحط مرته يشبعها كتل..

اذا هِجان موجود يمطرد من البيت اذا ضرب زوجته.

هِجان انسان غريب وطيب ومحبوب ساعاته براحاته ساعه تلكاه يضحك ويحشش وساعات عصبي مينحمل بس نتدرا ما تطلع عصبيته

بس اذا طلعت احسب عنده استعداد يسوي اي شي

لهذه هِجان ندر ما يعصب

هذه لسبب الي خلا قريب من عمي الشيخ وبقيه عمامي.

يخاف على بناته من الهوه الطاير عنده كل الدنيا بكفه وبناته بكفه..

يتعذب على عذابهن يتالم على المهن  يحزن على حزنهن..

خاصه لبيب جانت الروح والنفس الهِجان

من يكلوله اتزوج حتى يجيك ولد يشيل اسمك يجاوبهم وهوه يبتسم بفخر عندي بنيه تكفي سبع زلم مشوربه..

ماحتاج الولد..

مشت الايام وبسمه حبلت بلبيب جان مثل الحلم لهجان

اكثرمن مره حاولت تكتل لبيب هيه وبطنها..
مره لكيناها تصعد وتنزل  على الدجه مال الباب الي يفصل لبيت عن البستان..

راحتلها امي وخرتها  كالت صرتي مشلوعه اريد اسويها اححنه ببغداد هيج نسوي الصره صدكنه بيها  ومشت السالفه ومحد وصلها لهِجان.

مره امي صعدت الها تودي لغده لان ماتكدر تنزل جانت تنزف..

سمعنه صوت صياح وامي تجر بيها تنزلها الدرج وصدك وصلت سابع درجه وتدفع امي من الدرج

عمت عيني عليها بوقتها نكسرت ايدها ورجلها..

وصدك هنا امي حسمت الموضوع

اخذت هِجان للحديقه وحجت وياه الطفل الي بطن مرته اله لو لا 

وهجان عصب بس مابين الها
كال  رحمه الله والديج يمه وصلت

واميضلت تمتمت وتكله يمه لعد ليش تريد توكع الفرخ الي بطنها

وهوه ماحجه شي بس يدك بيده على رجله

اخر شي  امي كالت يطلع بيت وحده هِجان مرفض لان عنده عزه نفسه وكرامته مرتبه اولى بحياته..

يومين هِجان شال بسمه الضحكه شاكه الحلك...

امي ضلت بالها لبيب احتمال مو بنت هجان

اني وامي بس نعرف ب بسمه مو بنيه

هسه تكولون شلون اول شي

امي عرفت من البياض لان لحت كلش عليه وجانت هيه وابوي السبب بالزواج لان امي صديقه ام بسمه وابوي صديق ابوها..

حتى هِجان مجان يعرف بسمه بس امي وابوي ضلو يلحون

وابوي وصلت عنده يتبره من هجان على ابو بنت صديقي وهداك ياها ليش تردها  وتخايني بسواد الوجه..

وانه عرفت من هِجان  من جان يجينه حتى سبب طلاكه اعرفه هوه سولفلي عليه

مشت حياتهم بعيده عنه مانعرف عنهم شي غير بس من ولدت بسمه رحنه الهم.

وابوي وامي بس بولاده بسمه يرحون

عكسي انه الي جنت اروح كل خمس اشهر.

كبرت ومشت السنوات  لحد مادخلت جامعه بعد رفض من عمامي واخوي الجبير بس هجان ومهوال جانو وياي

دخلت جامعه.

مرحله ثانيه الجامعه عالم مختلف  لبس وشكل  بس اني الي جان الكل يشوفني مغروره متكبره

لان مااحب  اصادق شباب  بس بنات وهم بس ثنين.

اربع مرات اعترفولي ورادو يخطبون بس انه اسد الموضوع

لان شي اسمه وجع «الحب »  ماريدها..

الهم الوحيد الي  بگلبي هوه شلون اخواني يحبون نفس البنيه وشنو راح يصير..

وهيه اصلا متحبهم  تحب  صديق هِجان  او بالاحرى الكهوچي مالتهم

«احم احم عرفتو منو تحب ذات 😂»

ذات وسليم علاقتهم شبه مستحيله لان ذات بنت الشيخ  وسليم كهوجي الشيخ

اهيس عمي مايوافق  واخونها هم

لان ميسر اجه عليها واحد غريب يشتغل بمحل مال ملابس ماقبل لان اقل منه..

مو انوب يشتغل عنده كهوجي

بس ولله سليم خلق واخلاق رجال حوك.

ابعد هل افكار لان متجيبلي غير وجع الراس

والي يشوفني اصفن عباله اعشگ ميدرون انه والعشگ  مستحيل.

لان ماائمن بشي اسمه حب حتى اعشگ  وعلى هل عذاب الي اشوفه بموده وذات و هِجان ومهوال ولا ولااريده ولا اقربله..

نتقل يمنه هجِان  وفهم اهلي على انو تطلكو بسبب الجيه للناصريه.

بس كعدنه اني وياه وفهمت من خلال كلامه مرته تريد تشرد  ويه اخوها ومقابل السفر والجواز شرف بنتها لبابه..

من سمعت كلامه مدري شصار بيه اليل كله مانمته..

مشت الايام   وامي مامستقبله لبابه بس سبيل وبان تموت عليهن 

و هِجان يكلي شوفي بناتي شيحتاجن وتقربت منهن بس لبابه اهيسه نفسي ماتثق باحد.

نصحتها ذات تكتب بدفتر مذكرات لان متحجي..

كالت ماعندها  انه جبتلها دفتر مذكرات ابو القفل لون وردي..

مشت الايام وخلصت السنه بسرعه انه صرت مرحله  ثالثه
شكد حاولنه انه وهِجان نقع  لبابه تدرس بس هيه قافله ماتدرس..

لبابه تحملت كلام امي الي يعذب الواحد وكلام مرت اخوي وبناتها..
شكد يضوجنها بكلامهن بس هيه ولا يمهن تسكت ماتحجي شويه وتروح لبيتهم واخير فتره كامت ماتجي كطعت رجلها منه...

كل هذه بجهه ويجيني اسلام يحجيلي يحب لبابه يريد يحجزها..

من كالي شكد فرحت بي هوه ولبابه كلش لايكين بس

من كالي حجز رفضت  وهوه زعل مني  بس كتله تكرهك

انته خليها تحبك لانهوه ولا بطيخ انه گلبي خايفمن النهوه ويجيني سلوم يريد ينهي بعدك بكد زري وتحجز..

صادف اليوم العزيمه الي اهيسها مشؤمه على الكل مو اكل صار زقوم

وره الفطور  انه بالمطبخ ويه بنات عمي الي هنه نسوان  حربه وصمد.

سمعت صياح بس كلت عادي همه كلامهم بالصياح...

  ربع ساعه واشوف حربه جاي عصبي  يسحل بذات

گلبي نمرد كلت بس لا عرفو ذات تحب سليم.

اخذها سحل لغرفه خالتي  صاح لمرته  اختفت شويه واجتي يمنه تضحك بشماته..

كتلها شبيج وش بي حربه..

حطت ايدها  على خصرها وتهزه وتضحك بشماته

كتلها وجع شبيج احجي  وش بي رجلج هيج سحل البت

كالت

والله اخته ويربيها عندج مانع

مشاعر يربيمنو ولج انتي الي ممربايه هيج تسوين بنت عمج وحماتج..

باوعت لمرت صمد تضحك وتكول قابل شراح يسوي هوه راجيين  وتطلع..

مشاعر من لله يحرك گلوبجن ولجن راجديين شنو

حجت مرت حربه مو راجديين جبتله الحزام  راده

مشاعر ضربت على صدري وصحت عزا بعينج ولج شكد حقيره.
عفتهن ورحت للديوانيه بطريقي شفت سليم يفتر

من شافني هز راسه بتسائل

هزيت راسي ومشيت للديوانيه  لان ولد عمامي موجودين بالحديقه ..

دخلت للديوانيه كلهم الوجوه مكلبه

كعدت يم لبيب سالتها  ولا يمي كالت ابوي نهه على ذات  وطلعت

لزمت گلبي ياربك شراح يصير  ..

يارب العالمين  دخيلك ماتنعاد بعد سنوات..

ربع  ساعه اذا مو اقل وسمعت صياح هِجان

طلعو كلهم على اثر صياحه

صيح وعيط  صاح  عليه طلعت اركض
شاير ذات على كفه ايدينه ولاف الشماغ على راسها ولا شفنه شكل ذات

تحلفلي من يرجع لله يستر

صاح على الولد اجه جساس ابن عمي

كاله ياخذ حربه   جساس اصغر من ابوي بتلث سنوات..

طلع ابوي وجساس اخذ حربه وطلع

تقريباً ربع ساعه كاعدين بالصاله  ومااحس غير مرت حربه تهجم على لبيب

خرمشتها وضربتها

وخرتها عنها  وامي ولاتحركت  ضجت منها مها كان بنت ابنها..

خابر خالتي سماد ابن عم موده مسوي حادث  بالمستشفى حالته خطره

طبعا حسين كامل مكمل بيت وشغل وحده مستقل  وكلبه طيب  ولله لو توافق عليه موه احسن لان  الي يحبج تكدرين تحبينه او اطباعه وحنانه تحببج بي

بس الي تحبي لله اعلم  وش بي گلبه..

موده تصيحه حسيوان عود حيوان بس دائما احجي عليها  لان مها يكون هوه ابن عمج مو غريب...

والاحترام حلو مهما كان الشخص.

هيج تعكس تربيتها بس بنت خالتي قافله.

مااعرف افرح وله شنو بس خالتي كالت ابو موده مرجع لموافقه لاهل لولد.

قطع سلسله تفكيري صوت اليبوو فززني

  اباوع بالوجوه اريد اعرف منو مات.

شويه وسمعت عمت عيني عليك يحربه  الموت خذاك مني
وبجي وصياح مرت حربه حتى ثوبها شكته..

نوعا ما ارتاحيت
بس شلون مات؟؟

حربه مايعني من اي نوع مرض
حتى ضغط ماعنده..

ثاني يوم جابو  بالتابوت ملخن روحن خالاتي عليه

خالتي امه رادت تفتح التابوت مقبلو.

ايام الفاتحه بقينه بيت عمي

لحد السبعه  بيت عمي عماد اجو اخذو من خاطر عمي وثالث يوم راحو حسب ماسمعت.

عمي وصمد استفسرو شلون مات وهوه ماعنده مرض مزمن

كالو موت لله 

تبقى الاعمار بيد لله مانحس شوكت نموت.. الموت حق.

بهل ايام محد سأل على ذات  بس ضل بالي يمها

خابرت على هِجان

سالته عليها كال بيتي

صدمني جوابه والاضرب يريد يخليني وجه مدفع من يكلي

اذا سألو عليها كليلهم بيت هِجان ومعليج.

وحسابج بعدين وياي

سد الخط بوجهي 

ضليت فاتحه حلكي يربي شسويله هذه  من اكول ذات بيت الي نهه عليها يرحبون بالسالفه اكيد لا.

ثاني يوم العصريات اجه اخذ بناته وراح.

صمد ماكو ياهو الي يسأل عليه ميلكاه..

باليل الساعه 10تقريبا  اجو اخوتي لبيت عمي الشيخ

كعدو بالديوانيه وسالفه شكبرها صايره..

خابرت على إسلام

اجاني للمطبخ سالته وانصدمت

إسلام صوت اشبه بالضعف والضياع: عمه  لبيب بالمستشفى حالته خطره ياتعيش ياتموت متصاوبه بين جتفها وگلبها مكان حساس.

وعمي هِجان الضاهر رايد ينقذها ومصاوبي طلقتين جتفه الايسر.

حالته عمي زينه بس لبيب حالتها  سيئه محتاجه دعائكم داخله غيبوبه الها بعد اربعه وعشرين ساعه ياتصحه ياتموت  غمض عيونه بقوه نزلت دمعته  يتبع...

علقو على الفقرات..