رواية لماذا احببتك الفصل السابع عشر 17 - بقلم اورجانزا الطائي

قصه. لماذا احببتك
البارت. الخامس عشر
بقلمي. اورجانزا الطائي
.
.
.
.
.
.
.
....
مشاعر بالنسبه الي شوفتها واكفه على رجليها تسوه الدنيا.. من بعد غياب اشهر طويله رجعت النه واكفه على رجليها، عيونها تلمع، ضعفانه حيل لدرجه الضعف محليها زياده عن حلاتها

كامشه ايد دسيم وتضحك شافتني اجتني تركض حضنتني..

من الصدمه مابادلتها الحظن

كمشت اديه بدينها تضحك كالت

لبابه عمه ترى عمو ديسم موجود، وانتي ملابسه حجاب

ضحكت بصوت حضنتها بقوه بستها من راسها ماهتميت لكلامها لان ممصدكه لبابه كدام عيني واني قبل ايام كدامي هجان خابر ديسم وكال نفس لشي ..

اجاني صوت شوك
.. يمعوده هاج لبسي

التفت عليها اخذت الحجاب لبسته...

لبابه. عمه اريد اروح لبيت ابوي تعالي وياي..

مشاعر غير يطيح حظي ابوج مانعني اني وبناته ندخل لبيته ههه

لبابه بتسائل ليش

مشاعر هوه يسولفلج حبيبتي

لبابه بحزن مشتاقتله لبابا ..

مشاعر هوه اكثر ولله شوفي شلون راح يفرح من يشوفج.

مشاعر ديسم يصيحج ياله روحي شوفي ابوج..
راحت لبابه ويه ديسم.

بس لصدمني امي تطش جكليت على لبابه وهيه قبل فتره تكول ماتموت وتخلصنه..

صخمان🤪

اصعب شي بحياتي فراك بيبي الله يرحمها امي الثانيه
صح جنت طفله بس حسيت بوفاتها امي الماتت ..

وليوم من جد خسرت امي الي اعجز عن لكلام بوصفها
من وعيت ولحد هذه ليوم مافد يوم حجت على احد ولاتركت صلاتها دمها من تصلي تكعد تبجي ومن اسئلها تجاوبني

لله هوه اليعرف الي بگلبي واني افرغله لان البني ادم ماينحزر اذا فرغتي الي بكلبج اله..

اخذتها قاعده بحياتي مااشكي همي لبشر غير ربي الخلقني.

حبيت حب على فطره هذه الحب كبر وياي لايوم ولا يومين سنوات واني اعاني بسبب حبه بس هوه ماحبني يشوفني اني المو زينه ، لبايعه نفسي.. حكم عليه من لبسي وشكلي..

معقوله يجي يوم ويحبني نفس حبي اله..

وشه وجع ماينجرعن براسي. من شده الالم دموعي تنزل بلا صوت.
ماعندي قدره تحمل الوجع .
مااعرف شنو نوع الوجع، گلبي مقبوض ، جسمي يوجعني..

نزلن دموعي بغزاره لدرجه مغمضه عيوني وينزلن
مااكدر اشد عليهن ، يصير الم بمنتصف راسي ..

حسيت باصابع دافيه تمسد على خدي
تخلخل صوته الهادئ ودافي:  مو كافي نوم  كعدي انتضرج ،  عايف بنتي وحدها  وكاعد يمج
هاي تحبيني وهيج لعد اذا تكرهيني شلون..

ماعرف ليش زدت بالبجي  وطلعت مني شهكه عضيت باطن شفتي اكتم شهكاتي..

كلامه عادي بس كلش اثر بيه..

حجه بهدوء مغلف بالقسوه،، ادري بيج كاعده فتحي عيونج بسرعه.

فتحت عيوني مغوشات بالكوه اشوفه ..

عدل كعدته تحمحم كال: مو مال عيني واغاتي وداعتج

ردت اشيل ايدي امسح دموعي  ماكدر احركها  باوعت عليها  قابضه اصابعي اريد افعها مااكدر

باوعتله والدموع تتطافر من عيوني  اريد احجي  بالكوه تطلع الحجايه من حلكي ..

بلعت ريكي وحجيت:  ايييي دد يييي

نزل راسه بدون ميحجي.

زدت بجي بشهكات   احاول ارفع ايدي بس عبث مااكدر..
رفعت ايدي الثانيه  نرفعت بسهوله  وخرت الاوكسجن  نقطع نفسي  بالكوه اخذ نفس..

بسرعه اخذ الاوكسجين  كمش ايدي الصاحيه  راد يرجع الاوكسجين  درت راسي على الجهه الثانيه..

كمش حنجي بصابعه مسح دموعي، رجع الاوكسجين

انتضم تنفسي نوعا ما.

غمضت عيوني  حسيت طلع  من صوت لباب.
ردت اصد على الجهه الثانيه

اريد ارفع رجلي مااكدر احسها ثكلانه ولااكدر احركها..

دقايق ونفتح لباب.
هِجان والدكتوره.

تقدمت عليه مبتسمه  شلونج ليوم

  ردت احجي مكدرت من الاوكسجين.

وخرته  مني كالت: على كيف اخذي النفس

انتضم تنفسي    رجعت كررت لسول جاوبتها بثكل:موزينه

ابتسمت كالت لا انتي بخير الحمدلله

فحصتني  كالت: نفس ما كلت استاذ هِجان ايام وتصير زينه بس اهم شي الي وصيتك عليه.
والڤيتامينات  اهم شي 

صدت على هِجان كالت: انته شتعودلها ابوها اخوها؟؟

نهضمت من جابت سيره اب واخ  صارت عيني على هجان 

حك طرف شفته رد باابتسامه: زوجها،ابوها،اخوها،كل اهلها اعتبري.
بس ليش؟؟

ابتسمت   باوعتلي: هنيالها عليك
كل الي يجونه حالتهن نفس زوجه حضرتك  يجون وياهن  اهلهن  يعني بالمختصر 30بالميه يجون ازواجهن.

بحجه بقهر  الزوجه مو بس للفراش وانتي خيتي  المفروض الزوج يصير الها  الاب واخ قبل الزوج والحقوق

يكون مصدر الامان والاستقرار بالاخص هذه لوقت

هزت راسها   كالت: كتبت عصاره  تستخدمه الها باليل تسبح بمي دافي  وتدلك المكان  حتى من تستعيد الحركه ما تتاذه.

هسه راح اسويها مساج وكزن تنتبه عليه حتى تسوي الها.

  كمشت ايدي حطت اصبع السبابه بين اصابعي  وتفتح بيهن   كررت اكثر من مره 

رفعت نضرها لهِجان كالت: انتبه شلون  تنفذ بالحرف الواحد احتمال اقل حركه خطا  تسوي كارثه.
رفع ردان لحد الكتف

رجعت ست مساج  لمفصل ايدي  ختمتها بالكتف لحد ركبتي مكان النبض...

خلصت من ايدي انتقلت لرجلي
رفعت الغطه   و الدشداشه لحد عضمه الحوض متت خجل والدكتوره ركز زين
بدت بالمساج  من اصابع رجلي  لحد الركبه
بعدها  من الركبه لحد عضمه الحوض 

كالت: استاذ  ركز وياي هنا عصب اقل حركه منك  تنهيها عن الحركه طول العمر

  رفع نضري لهِجان الي حاط ايده جوه حنجه مركز لابعد حد.

صارت عيني بعيني ابتسم وغمزلي   بسرعه   حجيت بس شنو احس الحراىه تطلع من وجهيي

  كا ا ا ا فييي  تعبت

ضحكت  وكالت: اي  مبين عليج ارتاحي
غطتني..

هِجان تحمحم كال:  شوكت اكدر اطلعها

  باوعت عليه مبتسمه كالت: باجر تكدر ليوم خليها ترتاح.

طلعت الدكتوره  وهِجان كعد  قريب عليه
خلص اليوم بس ادويه  ولعبت نفسي من المستشفى تذكرت اول مره اجيت للمستشفى  صار نزاع بينه..

ثاني يوم خرجوني من المستشفى

ملاحضه
الفرق بين السكته الدماغيه  والجلطه الدماغيه العابره..
الجلطه الدماغيه العابره  . هي نقص مؤقت في تدفق الدم في جزء من الدماغ.

الاعراض متشابها بين الحالتين ولاكن الجلطه العابره.

عبارة عن تحذير، فحوالي ثلث من الذين أصيبوا بالجلطة الدماغية العابرة يصابون في نهاية المطاف بسكتة دماغية،
مع حدوث نصفها تقريبًا في غضون عام من الإصابة بالجلطة الدماغية العابرة.
وتعطي الجلطة الدماغية العابرة فرصة لمنع حدوث السكتة الدماغية في المستقبل.

بالنسبه الي اشبه الجلطه الدماغيه العابره  بالاسناب 
من شخص يراسلك يضهر عندك فلان يكتب  من توصلك الرساله يجيك اشعار ارسل اليك فلان رساله

لهذه لسبب الجلطه الدماغيه لعابره هوه اشعار ارسل اليك  حتى تتعالج وتتجنب السكته.

اعراض الجلطه الدماغيه لعابره.

حدوث اضطراب لغوي.

صعوبة جسدية عند التحدث(عسر الكلام Dyslexia).

اضطراب في الرؤيا.'

الارتباك.

فقدان التوازن.'

تنميل.

التغير في مستوي الوعي.

الشعور بالدوار.'

فقدان الوعي.'

صداع شديد.'

ضعف أو خدر في الجانبين الأيمن أو الأيسر من الوجه أو الجسم.'

العمى بإحدى العينين أو كليهما
•

التقيؤ

الاعراض غير متشابها من شخص لاخر احتمال يصير عرض او عرضين

هذه العلامه حاطتها للاعراض الي صابت جيلان '

حبيت اوضح الكم الفرق  معلومه عرفتها من  عام ونص  وليوم فاقت لي ذكره سيئه للاسف

اذا تحبوت بالبارت القادم اوضح الكم شلل النفسي.

.......
جيلان.
خرجوني للبيت  هجان هوه الي هتم بيه
صادف المغرب سوه شوبه
   شالني من خصري ورفعني  خله وره ضهري مخده

وكلني شويه لان ماكدرت اكل
احس حلكي بس عواج بس من اسئله يكلي تتخيلين.

انطاني الدوه   اخذته  نعست كلش
 
حجيت وياه بخجل من حالتي :  هجان   اريد انام وخر المخده.

هز راسه   وكام وكف  طلع ملابس اله  وطلع  .

رجع للغرفه لابس برموده وفالينه  نصدمت من الموقف طول عمري مشايفه هِجان هيط  يلبس.

تقرب عليه  وخر الحجاب

حجيت بصدمه:  ليش

ضحك  تلمس طرف شفته كال: عاجبني اشوف شعر صخمان اخضر اصفر.

هستوني اريد اجاوبه مااحس غير نرفعت 

حجبت  :   يمااا شبيك وين موديني.
باوعلي وضحك بصوت.

دفع باب الحمام  ودخل حاط كرسي
نصدمت   فتحت عيوني    شسويي

كعدني على الكرسي  رفع دشداشتي   من يم رجليه
وشالني  على كعتي  نززعني الدشداشه واني قطره دم مابقت بيه..

تندمت لان كتله اريد انام  تذكرت كلام الدكتوره

نزلت راسي صارت عيني على رجلي المعوجه 
شهكت ونزلن دموعي..

باوعتله ابتسم 
جر الدوش المحمول يصير نفس الصونده   سبحني بسرعه  بمي دافي.

جاب منشفه لفني بيها  وشالني

وداني للغرفه  حطني على الجربايه  جاب العصاره  دلك ايدي..

رجع دلك رجلي بس شنو عيني مارفعتها وهوه ولا يمي نفس ماكالت الدكتوره سوه.

جاب دشداشه  الي مدري منين يجيبهن

رفعني من ضهري صار وراي  لبسني الدشداشه من راسي مااحس غير نفتح الست***    بلعت ريكي وحجيت  وخر هجاان

ولا هتم كمل...
لبسني الدشداشه  حجيت بصوت   هذه دشداشه مرتك موو 
جاي تلبسنياهه  وخر  وخر بجيت

«اختصر وقت بدايه شلل جيلان لولا »

ضحك بصوت وكال
  لا يابه شلون تردين اشاركج بغراض زوجتي
لايصير عقلج وصخ
هاا تره عندي حساب وياج على كلامج  ويه لبابه..

حاولت مابين خوفي وتوتري  كلت: قابل جذب  هذه الحقيقه..

تقرب عليه مبتسم يعني اعتراف انتي تحبيني..

شهكت وكتله بندفاع لا قصدي على الك وا*، الن ذل، الحق ير

ضحك بصوت مستهزء كال  لو نذل وكوا* على كلامج جان هسه انتي مرتي كول وفعل

هستوني اريد احجي مااحس غير على  حراره  واحساس اول مره احسه  يتبع...

سلام بنات البارت البارحه كتبته 3000كلمه واجيت لكيت10كلمات وليوم رجعت كتبت

احتمال تكمله لبارت ليوم اذا رجعت من الدكتور من وقت واحتمال باجر يعني مو اكيد وماحبيت اخليكم تنتضرون.

ليش هيج تفاعلكم ولله قهرني واني معايزني قهر
القصه قبل اسبوع جانت المرتبه الاولى  سبوع كامل مرتبه اولى وهسه لا نازله..
ولله فد نقهرت 

ترى بنات  ماتاثر عليج التعليق الواحد  
  ولله حتى واهس اكو وحده تتفاعل وعشره لا..