تحميل رواية «لماذا احببتك» PDF

روايه لماذا احببتك

البارت ٥٥

بقلمي اورجانزا الطائي

.

.

.

.

.

.

.

.

.

كمرة

اخذت ملابس رحت للحمام سبحت طلعت طريق طويل كله تعب اليوم من بعد سنه على وفاه سبيل ياله رحت شفتها

صفنت ثواني تذكرت شكلها شلون تبجي وتلطم طبعا حقها امها واخوانها وبنتها كلهم جوه التراب

كلها تعرف حربه وصمد جانو يموتون على جيلان بحيث مدلليها كل هذه على اساس لان ابوها هاجرهم بس وين طلعت اختهم وماندري

صدك لو كالو الدنيا دواهي ماتعرفين شينها من زينها

رغم مااحب حربه لاكن على منضر اليوم لان كلبي عليه لان مامعقوله شخص سيئ وهيج تبجي عليه وجيلان كلها تعرفها الي مايعجبها ماتجامله طك بط تحجيها بوجهك

كعدت بين القبور وتصرخ وتبجي تنادي ياامها تريد تكعدها بس وين تكعد بعد صفنت على منضر يكسر الكلب كعدت افكر لو اني بمكانها معقوله هيج ابجي واصرخ لو ماابجي زين اني كل وقت ابجي ليش من يموت احد حتى لو شخص عزيز يجفن دموعي

من بعد تفكير طويل بعدت هل افكار الخرافيه من راسي صحيت على واقعي من صوت الاشعار

-ابتسمت رغم زواجه هل يومين ومناسيني فدوة رحتلة حبيبي

رديت عليه -بكيفك يعمري ماعندي شي

رد اجي اخذج لو تلبسين على ذوقي

رديت بحماس - تتوقعني ارفض هيج طلب اكيد البس على ذوقك حبيبي بس ها كون فدشي خرافي

رد غاليه طلب رخصي يابه

ختمت المحادثه دخلت على الفيس كلبت شوي طلع اركان ناشر منشور

اليذكروني عفتهم لجل شوكي وياك

واني اتذكّرك وانت الي ناسيني

بايعني برخص واني بغلاة أشريك

مو انت الگلت بالروح تشريني ؟

روح وداعت الله بس أگلّـك ها

الي رب كريم الصبر ينطيني

نطيته اعجاب

دخلت على حسابه لكيته هم ناشر قبل دقايق.

إذا الدنيا أخذت مني وجودك فاعلم أنك في قلبي حي .. فكل شيء جميل لم تمحوه أثر السنين . في كل لحظة اتخيلك وأؤمل يوما بأن تعود ..

خرجت من الفيس وقتت جهازي نمت تعبانه ماحسيت غير على صوت المنبه كهدت بكسل وصلت لباب الغرفه رجعت نمت هستوني غفيت دك المنبه مره ثانيه غلقت جهازي هستوني اريد انام ندكت الباب صحت هاااا دخلو ياقووم

-بس صوت ضحكه نفت الباب فتحت عين شفت ديسم نسيت النعاس حضنته وافتر ضحك كال

- لاتكولين مسويه مكسوره هل هيج تتملعبين

رديت عليه بزعل

- شنو شايفني وهيج تحجي عليه

بتسم باسني من راسي كال

-شايفج كمر ويفتر من ديره لديره بعد حيلي

ابتسمت حضنته

تحمحم ابتعد عني كال

-ياله يوريده لاخوج شوفي الملابس على قياسج

اخذتهن من يمه فتحن اول علاكه بيها فستان لون سمائي كله تول مقفول مال محجبات لان العرس راح يصير بالقاعه مختلط

منسق وياه حجاب لون اوف وايت وقاط رسمي لون خردلي قميص اسود وشال ا اسود بشت خليجي واخر شي لكيت علبة لون بنفسجي حجمها متوسط ابتسمت بستغراب صديت على ديسم جامده ملامحه فتحتها لون اسود شلتها بيدي طويله وكفت كملت فتحها ضحكت التفتت لديسم الي منتضر رده فعلي غمضت عيون ي حجيت جايبلي عباة

تحمحم عدل كعدته كال

- مااجبرج على شئ الي يحلالج سوي الي عليه كدام ربي جبتلجن العباه وبقت يمجن

حبيتي تلبسيها لبسيها اولا بكيفج لاكن اكلج شي واحد العباه تزيدج جمال

دمعن عيوني سحبني من ايدي بحضنه كال

-المن هل دموع مو كلت مااجبرج ياروحه لاخوج لاحضتي جايبلج كله للمحجبات والبشت يعني الي تهوي سوي

ستهضمت حجيت

-ماتزعل مني اذا مالبست لعباه

ابتسم مسد على راسي كال

-اكو واحد يزعل من شريانه

حضنته وبجيت ضحك كال بعد اكو علاكتين اشر على وحده كال هذه فتحيها هسه والخ من اطع براحتج

فتحت العلاكه ضحكت وبنفس الوقت دموعي نزلن

حجه بعتراض

-جايبهن الج حتى تفرحيني بيهن وهذني غصبن عليج تلبسيهن

ابتسمت حجيت

-فاتتني سنتين

حجه بصرم

-اكتشفتي الذره وماادري كمره هذه السنهتدرسين

-ديسمم فدوة شلون ادرس ويه الاصغر مني

قطع الموضوع

-تدبريها درسين خارجي سادس

سكتت ماحجيت هز راسه بعدم رضه كال

-اختاري وحده من الاثنين

صديت عليه حجيت

-خارجي

ابتسم باس راسي طلع

فتحت العلاكه الاخيره نصدمت

ملابس داخلية وسانت...

خجلت كلش بجيت بدون سبب

خلص ليوم لليل حضرت الغراض لان باجر العرس

كملت التحضيرات نزلت جوه

كعدت على مرجوحتي

هيه قديمه بس دائما اصبغها لون الابيض

ومخليه على اركانها ورد متسلق نفس الي احلم بيها ..

شكد ديسم يحاول وياي يجيب جديده بس ارفض..

افكر بالي شاغل بالي هل فتره شلون لابس بدلته العسكريه

شكله كلش حلو.

اووف هيج الحب يسوي

حبيت عصبيته الي اكرها..

حبيت عيونه الي اخاف منها..

حبيت شكله الرجولي المتمرد الي جنت مااطيقه..

اعترف حبيت كلشي بي.

بس وين بعد ماوكع الفاس بالراس..

حبيته ولاجَني الي جنت ناويه انتقم منه..

رفعت راسي للسما سحبت نفس زفرته

اوف ياربي ليش جنت ناويه انتقم منه تالي نتقمت مني.

معقوله مايأذيني بعد مايعرف الحقيقه..

غلبتني ذاكرتي رجعتني قبل شهر ونص عمو صاحلي رحت يمه گال

_ ايي بنيتي تعالي كعدي هينه

ابتسمت كعدت بصفه عدل شماغة گال

_بيتي انه اليوم اجيت اخذ رايج

ستغربت حجيت

-بشنو عمو

ابتسم حجة بهدوء

- بنيتي اعرف بيج تحبين ابني هيج لو موهيج

نصدمت وخجلت بنفس الوقت حجيت بغصه وخوف

- لا مو صح

بلعت ريكي نشف من الخوف

ضحك بهدوء گال

_لابنيتي انتي تحبي

لعد منو غيرج يخابرها بنصاص اليالي وازيدج من طين بله هو اجاني وكلي يابة اخطبلي بنت عمي سنين على سنه الله ورسوله

حاولت اخفي الابتسامة والتوتر معقولة گالة؟!

قطع حبل افكاري صوته

.. هاا بنيتي موافقه

ابتسمن حجيت

- الي تشوفه عمو

ضحك گال

-يعني امشي بيها

دنكت راسي حجيت

_بكيفك

-وصل جوابج يابعد عمج

وره يومين خطبني عمي لجساس من ابوي وديسم.

وره عرس ديسم نعقد سيد..

رجعت لواقعي غمضت عيوني بقوة ضحكت

فتحت جهازي لكيته مراسلني

رديت عليه

هلا بيك حبيبي

رد

_شمحلة الهلا من لسانج

ضككت كتبت

_ وشمحلة هل كلام من لسانك

ضحك راسلنه شوي فاجئني بكلامة

-حبي انتي تحبيني

ابتسمت بستغراب كتبت

-لامااحبك اعشقك

دز ضحكة حياتي

رديت عليه

-ممم حبيبي

رد

-هاا حياتي

-هم يجي يوم وننجمع بيت واحد

رد -حياتي عد لله مو بعيده

رديت ونعم بالله

ختمت مراسلتي وياه صعدت لغرفتي قريت بارت غلبني النعاس نمت..

كعدت ثاني يوم بس تريكت وسبحت

للوحده بدلت لبست الفستان والحجاب رشيت عطر طلعت على صوت الفرقه..

طبعا شي اكيد الفرقه عباره عن ولد عمامي.

صار كدامي جساس غمزلي ابتسمت صديت على صفحه.

شافني ديسم ابتسم تقدم عليه كمش ايدي گال

-يووم الي اشوفج احلى خريجة

دمعن عيوني حجه هجان بشقه

هجان-ليش مو عروسة

حضني ديسم گال

-الشباب خيرات الله لاكن السند واحد مايصير ثنين وسند اخيتي شهادتها اني مدايم الها.

ضجت من كلامه حضنته بقوه

ضحك بصوت گال

- ياله امشي وياي

طلعنة زفافة صعدت ويه ديسم والشباب كل واحد اخذ زوجته.

عمامي اخذو نسوانهم بسياراتهم

وسيارتين كوستر لاقارب

الطريق كله دك وركص الاغاني والعزف على طول الطريق.

مرتين نزلو ركصو سويت الهم فيديوات صار كدامي جساس وديسم وهجان وجهاد يركصون حبيت ركصهم كلش حلو سويت الهم فيديو

ولقطات كلش حلوة ، نص ساعه صعدو واستمر صوت الاغاني..

وصلنه لبغداد كلهم راحو للقاعه بس اني وجيلان وهجان والولد رحنه لبيت عمو عماد.

نزلنه بيت عمو عماد دكو الولد

من الحماس حجيت

ديسم مرتك منين ****** والاصل زين كللللللللوووووش

ضحك ديسم حضني من اكتافي كال

-چا غير بنت عمج.

ضلو يدكون دخلنة للبيت نص ساعه اجت جيلان فتحت قران والمراية بيد بسيل.

عمو عماد سلم بسيل لديسم گال

-يا ديسم اليوم انطيتك عين من عيوني، هذه فرحه وزينة بيتي امنتك عليها اذا صار بيها شي فاتأكد انتَ وكعت ويه الشخص للغلط لان هذه حسنة من ربي نزلتلي لاتتوقع اهمل الحسنة وانت لو ما اشوفك خوش رجال يعتمد عليك فلا تتوقع انطيكياها..

ابتسم ديسم گال

-على كلامك حسنه واكو واحد يدفر الحسنة يا عمي بسيل احطها بين عيوني وعلى راسي تعرفني اقدس الانثى وهذه كدامك گمره

أمن وارتاح عمي اقدسها واحطها على راسي.

رد عليه عمي

-والنعم منك وليدي.

تخطون خطوات الرحمن..

باس راسها حضنتنه تبجي ابتسم عمي وخرها من حضنه، حطها على صدر ديسم گال

- هذه مهجعج من بعدي بيتي وروحي مفتوحات الج.

والايد الي تنمد عليج اكسرها.

الكل ضحكو على كلام عمي اخذناها وطلعنه.

صعدت وره وبسيل وديسم بالصدر وصلنة للقاعة، الكل نزل بقيت بس اني وياهم.

دخلنة من باب ثاني عدلت بدلتها عدلت حجابها والتول الي نازل من الحجاب.

ديسم حجه

_تره گلبي ريشه مايتحمل هل جمال الي كدامي

مريتي واخيتي جنهن العافيه..

بسيل ابتسمت دنكت راسها..

رديت عليه بشقة

-الله يساعد گلبك اي والله متشوف الخجل يابه ممكن ازحف عليج بزونة اخويه...

ابتسم ديسم گال

_ يابة لاتصيرين شاذه

ضحكنه سكتنه اجت بنيه گالت راح يبدي العد التنازلي حتى تدخلون.

ردت ارجع للقاعه حجت بسيل واخذت السلة من البنيه

بسيل:وين رايحه غير انتي ويانه

نصدمت ضليت صافنه مااعرف شنو احجي.

اخذ السلة ومال ورد ديسم انطانياها بيدي

اخذ جهازه اتصل على هجان ابتعد عنه ثواني اجت بان تركض نصدمت لابسة نفس فستاني.

اجت اخذت السلة من ديسم اجت يمي

كمشت ايدي حجة البنية

... ها هسه خلص تدخلون

رد عليه ديسم

-اي خلص ماعدنه شي.

وكفت بان بصف بسيل واني بجهه ديسم

عدلت البنيه وكفتنه

اشرت علينه گالت

_انتن تفتحن الباب بعد مااشر عليجن

تمشن على كيف ويه ماتبدا الاغنية وتشمرن الورد بالكاع

بتجاه الكوشه.

اشرت بيدها

فتحنه الباب ثنينه شتغلت الاغنيه وشعال شتغل مشينه بخطوات بسيطة نشمر الورد بالكاع..

وكفنه طرف الكوشه ديسم وبسيل كعدو على كوشه..

لحد الان احلى عرس عدنه هوه عرسهم

خلص العرس زفينه ديسم وبسيل للفندق رجع ديسم وجساس تفاجئت

انطه السويج لجساس وكال

- عوف سيارتك واخذ سيارتي وگمره ممنوع تنزل من السياره بيدك انت ترجعها.

باسني من راسي راح.

ضليت كاعده شويه واجت بان صعدت يمي.

كعدنه نسولف على على الدخوليه طلع ديسم متفق ويه هجان حتى بان متعرف.

رجعنه لبيت ديسم طريق كله جساس يتغزل طبعا بان تعرف بعلاقتنه اني وجساس.

وصلنه للبيت نزلنه اخذت صور بدلت..

اجت جيلان ومشاعر شوك وفج لبابهر هجان واركان وايهم وياهم.

من بعد تعب طويل كعدنه بغرفتي الي يم ديسم

طلعت فجر وشوك من الغرفه.

حجت بان

_ يابه لو هيج العشاق لو ميرادون

ضحكت حجيت

_چا شعبالج غير احنه منحجي.

حجت مشاعر

_ انتي وجساس صدمتوني صراحه

مو جنتي تكرهي شو هسه حبنچيات وكذا ياب

گمرة:تصدكن ماجنت احبة ردت انتقم منه ردت اكسر قلبه ردت اعيشه الي عشته ردت بس اذله واهينه ردت اهدم شخصيته واعذبه.

بس الي صار ابو البأر تغرب على حقدي ومخططاتي تخيلو ماحسيت غير واني اعشگ كل تفاصيلة صرت ماانام اله على صوته مااشوف احد غيره صار الي كلشي بحياتي..

ضحكت جيلان گالت

-من حفر حفرة لاخيه وقعه فيه وانتي كذالك وكعتي بحبه..

بس لو نفترض صح الي ردتي تسوي چان شوفيشصار بيج تأكدي حوبته تبقى مرافقتج وين مارحتي..

گمرة _اصلا تندمت لان فكرت هيج وكرهت روحي لان فكرت هيج اسوي.

لبابة-عيشي حياتج وياه تره عمو جساس حباب وباين عليه يحبج.

بهل اثناء دخلت فجر عيونها حمر تباوعلي صفح ماهتميت الها صديت على لبنات.

ثاني يوم رجعو ديسم وبسيل.

مرت الايام وصار عشر ايام لزواجهم ديسم مقبل ارجع للناصريه.

جنت كاعده اقره بارت اجت بسيل يميشكلها مخطوف تفاجئت شكو.

حجيت وياها ونصدمت بان مختفيه من الصبح ليهسه وديسم يريد يرجع للناصريه

طلعت اركض لديسم لكيته يدكم بالدكم حجيت وياه بتوسل.

-ديسم اريد اروح وياك.

غمض عيونه گال دقايق الج.

بسرعه لبست بشت فوك البرموده لفيته زين لبست الحجاب طلعت لكيت بسيل هم مبدله ديسم مقابل تبقه وحدها.

اخذنه ديسم للناصريه يسوق بسرعه بحيث مرتين ردنه نسوي حادث..

طول لطريق هجان يتصل عليه..

وصلنه للناصريه من لباب ذبنه وراح دخلنه للبيت جيلان تدك وتلطم وجهه مخرمش دشداشتها مشكوكه

حالتها تبجي الصخر.

بسيل تحجي وياها ماكو نهارت تصيح وتلطم اجت خالتي ام هجان وزوجت حسنين

بدل مايهدئن صخمن زوجه حسنين صفكت ايدباايد گالت

- عمه بس لا يذبحوها نفس ذات

هذيج همصخمت وجوهنه وهسه هذه كطيعه اي والله

صدمتنه بكلامها مانحس غير جيلان كايمه ضربت زوجه حسنين خرمشتها تخرمش درجه هذيج ماعت روحها وجيلان تصيح لاحد تحجي على بنتي..

اله خالتي صدمتنه من دفعت جيلان على الحايط تحضن بجنتها..

صيحت وعيطت طلعت من البيت

جيلان تفتر وتصيح خابرولي على هجان لا والله اكتل روحي ولكممم اريد هجاان.

اتصلت عليه اكثر من مره ياله رد حجيت وياه وفهمته الي صار.

وره نص ساعه اجه هجان شافته جيلان كامت حضنته تبجي..

بتعدت عليه حجت

_ عليك ابو فاضل ابو دم الحار ماتمس بان بكلمه وحده

ولا تأذيها اريدها سالمه غالمه..

حضنها بقوه گال

-ريت عمري يفداج يبعد عشيرتي امني تجيج سالمة غالمه.

حجت بصوت يكسر الگلب

-هجان ماريد الي صار ويهذات ينعاد هجان روح لاتخلي الي مسمين روحهم زلم يلكوها عليك العباس انته دورها لا ياخذون راحتهم ويذبحوها..

باس راسها حجه

-ماعاش الي يذبح بنيتي، خليني اروح وارجع اجيبها الج.

طلع هجان وجيلان ولا كعدت تحوس منا ومنا..

لثاني يوم ساعه بالثنتين باليل دخل هجان شايل بان مغطيها بطانية

مجرد شافته جيلان دكت على صدها تصرخ يمههه بنيتيييييي يمههههه راحتتتت بنتييييي ولكمممم بنتييييي ليشش كتلتوها ليشششش الله اكبرر الله اكبررر

گمره صرخت بخوف على شكل هجان كله دم وبيده بطانيه مبين بيها احد..

جيلان تلطم وتصرخ دخل هجان لغرفته ماكدرت اروح وراه گلبي وكف..

راحت جيلان تزحف زحف ماتكدر تمشي..

لتفت على جهه الباب جيلان ضحكت بهستريه سجدت بالكاع وتهلهل بصوت

سد الباب هجان ضليت على كعدتي بسيل نايمه بالاستقبال لان تخربطت.

نص ساعه طلعت جيلان وهجان..

جيلان تضحك بالگوه دمعتها تنزل وتمسحها..

غمضت عيونها حجت

_هجان اذبح ذبيحه لوجه الله والامام العباس دخيله مردني.

هز راسه طلع

حضنتني گالت

-تشم الهوه عايشه، وفالي هجان رجعلياها مابيها شي..

ضحكت حجيت

_اكدر اشوفها

هزت راسها گالت

_ روحي شوفيها.

دخلت للغرفه لكيتها متغطايه تباوع بالفراغ دموعها تنزل

كعدت يمها كمشت ايدها شافتني زادت بالبجي حضنتني وتبجي.

بالكوه سكتتها نامت حطيت راسها على المخده كمت من يمها..

طلعت يم البنات اجو الولد

كعدو بالاستقبال رحنه وكفنه يم الباب.

نصدمنه بكلام عمو ابو ذات من كال

- هجان جساس لاتدخلون القانون مامنه غير شلعان الفاد نحل السالفة عشاير هم تاخذ حگ بنيتك وهم ماتنسجن لاتنسة انت گتلت ابنهم.

شهكت جيلان ونصدمت معقوله هجان يقتل؟!!

صار كلام طويل بينهم بعدها حلوها اليوم يجون كعده بس ماتنفتح سالفه بان يحجون بس ب سبيل وصمد.

فعلا للضهر اجو ناس كومه هذه يحجي وذاك يحجي لحد مااخر شي گالو اخذتم ثار ابنكم كتلتو ابنه ونسد الموضوع واحنه نريد الصلح ناخذ بنت هجان لواحد من ولدنه

ثار بينهم الكلام حجه اسلام الي صدمنه بكلامه.

من رخصة الموجودين بس بنت عمي هجان الصغيره هيه خطيبتي ماتعقل تاخذون وحده معقود عليه ومقبوله على وجه زواج اقل من لشهر.

تعذرو منهم حجه شيخهم احنه نتكفل بزواجها.

رد عليه عمو الشيخ

_ وكفتكم ويانه تگفة.

نهو كلامهم الكل طلع دخل ديسم وجساس كامشين هجان الي وصل مرحله اخيره من الاعصاب.

دخل اسلام لل مطبخ مانحس غير هجان ضاربه.

يصيح عليهوهوه ولا انطه رده فعل.

غير من اجه عمي الشيخ وانجمعو گال

اسلام: جدي من رخصتك بس بنت عمي انه هاويها واريدها.

هجان تخبل ضرب اسلام وخرو عنه الولد حجه اسلام

اسلام: تعلمت النهوة منك عمي لو ما انت نهيت على عمتي وبنت جدي الله يرحمها.

نقاش وعركات بالنهاية انحط كدام الامر الواقع. وسكتو.

كلها طشت بقيت اني يم بان من سمعت هيج تخبلت تبجي وتصرخ

اجاها هجان حضنها يسكت بيها..

لل١١ونص دخل جساس رحت يمه حجيت منو هذه الي قتلهم.

كمش راسه گال

_واحد نذل من اتباع والايد اليمنى للسيد ********

واليوم هجان گتل ابنه تسترو على الموضوع سكتو حتى ماحجو بوفاته لا والاضرب يگولون سفرنا لتركيا وهو هجان سفره لدار السلام.

خفت كلش من هجان يعني قتل شخص بدم بارد!!

لليل كلش اجه ديسم اخذني لبيتنه..

مر اسبوع خالي من اي حدث لحد ما اليوم اجو بيت عمو ابو جساس.

جنت بالمطبخ كاعده احضر الضيافه حسيت على طكطكه وراي التفتت جساس واكف.

كملت الصينية التفتت عليه اخذ كوب عصير وشكر لمه قطعة وحده.

ردت افوت حجه

- تحبيني؟!!

صديت عليه حجيت بستغراب

-عندكشك؟!

ركز ثواني گال

- لابس احس بيج ضامه شي عليه..

بلعت ريگي حجيت لا مضامه.

كرصني من خدي گال

_اعشگج رغم حقارتج.

ضحكت حجيت

_ الخبيثين للخبثاء

هز راسه طلع.

رحت للاستقبال وديت الضيافه

بلسم كلش ضايجه مني ماعرف ليش.

ماطولو نص ساعه راحو حجيت ويه امي.

-شعجب ماطولو؟!

ابتسمت گالت

_حبيبتي ابن خالتج عكب باجر خطوبته.

تفاجئت لان كالت حبيبتي..

عفتها وصعدت هستونؤ ردت انام دك جهازي فتحته حجيت

-هلو حبيبي محتاج شي

رد بسرعه

- گمره روحي يم بسيل واكو صوره ندزت الها على الواتساب حذفيها بسرعه.

ستغربت حجيت ليش انت وين شو مختفي.

رد بعصبيه

- خارج المحافضه بسرعه لاتأخرين وابد لاتوضحين لبسيل.

سد الخط نزلت رحت لشقتهم دكيت الباب فتحها دريد بوسته سألته على بسيل گال نايمه.

جهازها لكيته على الميز

اخذته دخلت واتساب اول محادثه دخلت عليها نصدمت ديسم ويه بنت خالتي !!!

معقولة وين اقدس الانثى وين تاج راسي معقوله هيج يسوي لالا مستحيل هذه ديسم

مكتوب جوه الصوره

؛؛ اخذتي مني واسترجعته اليوم عقدنه اني وديسم

ناهيه المسج بضحكه طويله..

اخذت سكرين دزيتها الي حذفت المراسله والصوره شمرت الجهاز على الكرويته دخلت للغرفه لكيتها تفتر والدموع تنزل..

حاجيتها مترد

عفتها طلعت بالصاله نص ساعه دخل ديسم

شافني تقدم بتجاهي حجه بنفعال

_حذفتي الصورة

- هزيت راسي

عافني دخل للغرفه

ساعه كامله مااسمع صوتهم اشكال تخيلت.

رحت لغرفتهم الباب مفتوحه وديتناقشون بس صوت ماكو شنو فلمهم.

رجعت كعدت دقايق اجت بسيل شافتني تفاجئت ابتسمت اخذت جهازها راحت

نص ساعه ماكو الهم صوت

عرفت بسيل وديسم اعقل ثنين من ال مشلخ

عفتهم ونزلت،سالفتهم طويله..

خلص اليوم بهدوء ثاني يوم الصبح ب١١ونص اله خمسه

دكت علية بسيل، تريدني اصعد

بدلت رحت لها.

كعدت وكفت كدامي الي يشوفها يگول ضابط تحقيق

من بعد تحقيق دام نص ساعه كعدت يمي گالت

- گمره اذا صدك تعزيني اريد تدزين على فجر.

نصدمت بكلامها حجيت

_شسوين بيها

رفعت حاجبها گالت

_تره اخوج گالي گمره حذفت الصورة

غمضت عيوني حجيت

_هوه اتصل عليه والله

ابتسمت گالت

-من شوكت ديسم ينطي بااحد لا والنوب اختة

فتحت حلگلي حجيت

_بس لا ماگايلج

هزت راسها حجت

_ اشعار مال السكرين موجود.

ضحكت حجيت

_شدعوه هل ذكاء

ابتسمت حجت

-ابوي محامي وزوجي دكتور نفسي شتتوقعين اطلع

ضحكت حجيت

-كفوو منج ياب

ابتسمت حجت بجد

- لا صدك اريد فجر واليوم هم.

گمره:صار

اتصلت عليها تحجي من وره خشمها عاد من گلت مدري شيريد منج ديسم يگول اريدها بالشقه بدون مايشوفها احد

شو هاي من حجيت هيج لانت سألت على بسيل رديت عليها

_لبارحه زعلت وراحت لاهلها بدون متگول شي

سديت منها باوعت لبسيل الي عافتني وراحت للمطبخ.

رحت وراها اخذت سجينه حطتها على الطباخ گالت

خلص شغلج اخذي دريد وجمان وياج.

باوعت على السجينه الي بدت تحمر حجيت

_ولج شنو بالج

باوعت حجت

_كل الخير

اخذت الجهال نزلت جوه ، اقل العشر دقايق اجت شوك بس شكلها ضايج..

ماختلطت بيها.. مر وقت كلش طويل مانسمع غير صوت الصراخ جاي من فوك

لبست حجابي ركضت بسرعه لشقه ديسم اجت وراي شوك

ادك الباب ماكو اصيح يسيييل بسيييل ابد ماكو ماترد غير بس صوت الصياح

ربع ساعه ماكو وين ياله فتحت الباب بيدها سجينه خترعت من شفتها التفتت على شوك الي صوفرت

دخلت للشقه وانصدم فجر صايره خبر كان

الشعر مهوس وللوجه مخرمش كامشه ايدها وتصرخ

شفت ايدها شافت روحي التفتت على بسيل الي ماهمها شي.

عافتنه دخلت لغرفه رحت وراها كامشه جهازها تنتصر احد يرد.

ثواني گالت

-اهلا بيك هجان

لا والله شي تافه بس اريدك تجي للشقه كلش محتاجتك لاتگول لديسم.

هوه يمك، هاا لعد خوش بس اريدك تجي قبلة اي اي

هجان تذكر مره انت گلتلي اني اخوج بالناصرية بس انخيني.

اي اي، اليوم نخيتك اذا ماتسوي حل والله اتصل على والدي.

لا هذه هو يس تعال.

صدمتني فوك محاركه ايد اخته ومطيحه حضها تتصل على هجان لا هاي واكفه.

فجر وشوك اخذتهن امي بعد ما عيطت وفشرت بالاخير طلعت..

نص ساعه اجه هجان دك البلب طلعت اله ضحك گال

-لا ماطول انتي موجوده فا السالفه جايده، سويلي طريق.

ضحكت حجيت

- اصلا نصدمت تعال ادخل.

دخل هجان كعدت حجت وياه بسيل

_خويه اني بالناصرية ماعندي احد كول لها تشوف دم سنونها وبا تشوفني،

واليوم انت الوحيد اجيت بالي

، هجان تثريبا اسبوع عدل علاقتي بديسم متلخبطة رغم هذه ما نبين لاحد لاكن اخر مره تطورت السالقه طلع من الييت ساعه ١٢باليل بعد مااجه للخمسة يالي يمه لانوم نمت ولا كعدت اقتر بالي يمه اجلني مسج على الواتساب من رقم مااعرفه دخلت عليه لكيت دازيلي صورة وجواها كللم راح انطيك لصورة ولنت لحكم ترضاها لولا اعتبرني مشاعر اولبابه.

انطته الجهاز شاف الصوره فتح عيونه راد يگوم مخلته يگوم حجت

- اكمل

كعد هجان وكملت

- فار دمي من الصوره لتصلت على ديسم حجيت وياه گال اني خارج الناصريه بس الي عرفته من لتصلت على جيلان انو انت عايفه بيت اهلك.

حجيت ويه ديسم كله يرفظ يگول ما اله صحه وشبهني بمخبل على انو فقدت عقلي.

وفعلا صرت اشبه الخبل بحيث اضل افكر واصفن ساعات طويله اله لبارحه هم نعادت وندزت الي الصوره نفسها.

حجيت وياه ومافاد

اليوم راسلت فجر گلت الها اريدج تجين فعلا اجت فجر.

بس عذرني الايد الي نمدت على صدر زوجي والي انخذت بيها الصورة حركتها اخذت حقي منها.

اني مديت ايدي على فجر وضربتها هم.

عقد حواجبه گال فجر وين؟

_راحت هيه وشوك.

هسه اريد اروح لاهلي فترة بسيطة ارتاح تعبت نفسيتي.

دك على صدرة گال

-عد عيناج اخذج بيدي بس لبيتي بالاخير بيت جيلان الي هيه اخيتج

وفجر وديسم حسابهم يمي

راحت بسيل تبدل

هجان اتصل على جيلان انطاها علم.

راح هجان يغسل

دخل ديسم ويه طلعت بسيل شافها ضربها راجدي حجه شلون تسوين هيج ولج حاركتها متزوجلي عصابجيه خو مو عصابجية هسه شگول لهجان..

قطع كلامه صوت هجان هوه يگول

- انتهت وياك عضيدي.

التفت ديسم مصدوم راد يحجي مهتم هجان گال

_ياله خيتي.

مشت بسيل بدون متحجي حرف واحد ويه ديسم اخذت جمان ودريد

نزلت راد ينزل وراها ديسم دفعه هجان وخر ايده

ضربه بوكس صدمني صحت ديسم رحت يمه التفت گال

-تذكر هل بوكس كل ماتمد ايدك على بسيل.

طلع هجان كعدت يم ديسم الي يفتح عيونه ويسدها..

اخذ كلينس حطه على خشمه الي يصب دم..

طلع وراهم بدون مايحجي شي

نزلت للبيت لليل محد اجه وحدي صارت بالثنتين خفت محد يمي اتصلت على امي تسده اتصلت على ديسم هم مارد

مددت بالهول تغطيت فتحت قران لحد مانمت ماحسيت غير على صوت وامي..

باوعت للساعه٩ونص الصبح ياله اجو

هزيت ايدي كمت غسلت يعني مايگولون عدنه بنيه يصير ما يصير عليها..

مر اسبوع وبسيل يم هجان كعدت الساعة سته ونص الصبح بكل نشاط اليوم خطوبه ابن خالتي ..

اخذت ملابسي دخلت للحمام سبحت وسكربت جسمي..

طلعت نشفت شعري شسورته وكويته طبعا البنيه غريبه..

نضفت حواجبي من فوك حفيت شواربي، رحت للمطبخ سويت شوفان اسمر..

اكلته رجعت لغرفتي حضرت فستاني التويتي تول بڤ مال محجبات..

كعدت اسخت ماعندي شي او بااختصار كعدت اقره قصه..

ماحسيت بالوقت غير ساعة 11الضهر الحفله ساعه بتلاثه ونص..

هستوني ردت اترك الجهاز اجتني رسالة واتساب من «مشكلتي» كاتب..

-صباح الضهاري كاعده لا؟!!

رديت:اي احسن منك من غبشه كاعده..

- على هل سوالف تطربين.

رديت:چا اكو احلى من الاعراس؟

-اي اكو.

ستغربت من رده فعله رديت:شنو هوه

-عيونج ، شامتج الملزوكه بخدج فوك رصعتج..

مجرد شفت الرساله ابتسمت من كل گلبي حسيت فراشات يتطايرن وقمر مضوي حياتي..

رديت، ويلومني الحبايب چا حبيت الشايب..

دز ضحكه طويله كاتب

-بس دزيني عليهن اله اطيحلج حظهن وداعتج..

رديت: يربي شگد احبك.

-اليسمعج يگول مااحبج، والخلق الكون احبج احبج يابعد ناس اهلي وسنينه عشيرتي..

رديت: ربي يحفظك الي..

رد:احبج وربج، ياله روحي كملي..

ختمت المراسلة وياه..

12ونص، صبيت غده اجتمعنه كلنه كعدنه ناكل..

خلصنه اكل، غسلت المواعين..

رجعت للغرفه شغلت اغنيه اليسا يامرايتي..

لبست فستاني وكفت كدامي المرايه كلش حلو عليه

فتحت اديه وادور متناغمه مع كلمات الاغنيه..

يا مرايتي .. يا اللي بتعرفي حكايتي

زهقانه من كل الدني

تعبانه مدري شو بني .. كل يوم عم عيشو سنه

معقول هيدي نهايتي

سرعت بالدوران لدرجه حسيت بغصه..

مااعرف ليش..

يامرايتي .. شو ضيعت شو لقيت وشو باقي فرص

يامرايتي .. قلبي تعب عن جد من كل القصص

يا مرايتي .. يا اللي بتعرفي حكايتي

مقهوره من غدر البشر .. مهمومه قاتلني الضجر

في جروح عم تترك اثر ..

وصلت ترسم طريق نهايتي.. ماسيطرت دخت عثرت وكعت بالكاع..

بالكوه اخذ النفس نضمت انفاسي اردد ماكو شي لاتخافين مجرد اغنيه وانتي تحبيها..

كرصت ايدي بقوه حتى اهدء هزيت راسي كمت وكفت بس دوخه قليله..

مشطت شعري لفيته كبايه.. لبست حجاب لفيته لفه تركيه..

باودر خفيف ملئت فراغات حاجبي ومشطته..

ايلاينر ذيل كلشش خفييف حمره وردي فاتح..

كملت لبست الكعب مو كلش اخر شي اسوار سلسله رفيعه نازله منها فراشه سوده مكتوب بيها حرفي..

كملت طلعت انتضر اهلي يخلصون اخذت صور..

دقايق طلعنه لبيت خالتي خطوبه ابنها جهاد ..

وصلنه لبيت خالتي نزلت صار كدامي العريس صدمني شو لابس جينز شنو لسالفه اليوم خطوبته وخبصه يلبس ستره وبنطرون جينز وبدي ابيض؟!!

ماكدرت اباركله لان التمو عليه..

دخلت للبيت، تلكتني بلسم بنت خالتي.. سولفنه وضحكنه

دقايق اجتاح اسماعي صوت الي ساكن گلبي ومشكله حياتي..

صديت عليه ابتسمت

تلمس حاجبه مبتسم غمز گال

_مو حرام عليج

استغربت حجيت

گمره: ليش؟!!

ميل راسه عيونه لمعن گال

جساس: ماتحمل اشوف كل هل اناقه والجمال كدامي مو تدرين بيه ضعيف كدامج..

خجلت نزلت راسي گال

جساس: يتهو اليجي يخجل،عمي الخجل مرسوم بس لخديداتج..

ردت عليه بلسم: مو كافي تره عيب عليك لا تنسى عندك اخت خاف لايجي واحد ابن حرام يضحك عليه هيج.

عكد حواجبه رد: بلسم ليش تفسدين احلى لحضات

ردت عليه بعصبيه :اسئل روحك والله صدت عنه اردفت گومي گمره..

تفاجئت ليش هيج تحجي وياه الي اعرفه بلسم ابد متتجاوز على جساس..

دخلت للبيت هوسه كلش اخوات جساس الكبار ابد مااحبهن ملعبات وحده مرت حربه والثانيه صمد..

بس ميسر اخت ذات اموت عليها.

سلمت على خالتي حضنتني ولدمعه بعينها..

استغربت ليش هيج شنو لسالفه..

دقايق صعدنه بالسيارات رحنه لبيت العروس الطريق كله اغاني..

وصلنه لبيت العروس، نزلنه اني وبلسم جيلان ومشاعر ويه ازواجهن..

دخلنه للبيت البنيه كلش حلوه..

ربع ساعه كالو راح يعقدون..

كعدوها يم لباب بده لسيد يحجي ويوصلي لحد ما وصل

مروه بنت *** هل تقبلين الزواج من جساس ابن ****على مهر مقدمه ** ومااخره**اذا قبلتي قولي نعم وانت وكيلي..

_نعم وانت وكيلي..

گمره شايفين الي يبني امال وااوهام لحد ما وصل القمه وفجئه تهب عاصفه وتفلش هل بناء..

هيج صار وياي..

ج

دموعي نزلن احس بيني وبين الناس فجوه اسمع الهلاهل وگولاتهن جساس رايد راته عايف بنات خالاته..

حسيت على بلسم كامشه ايدي بقوه تهز بيها تريدني احجي نصدمت ابد ماجنت متوقعه يجي يوم اصير بهل موقف..

مسحت دموعي ضحكت حاجتني بلسم التفت عليها مااعرف شنو ارد..

خذلني كسرني هاني ذلني احس نار بصدري وجهي تطلع منه حراره قويه..

صارت عيني بعين امي تضحك وتهلهل..

طلعت هيه ام الهوسه جساس رايد راته عايف بنات خالاته..

كرهت كلشي حتى ايماني نزاح مني كرهت اليوم الي اجييت بي للدنيا كرهت ليوم الي صرت بنت هل مخلوقه..

باوعت لخالتي الي حاضنتني..

ماتحملت اكثر طلعت من باب المطبخ للحديقه وصلت للباب صار بوجهي ابن خالتي الي على اساس اليوم خطوبته الي هوه اخو جساس الصغير..

دفعته ردت اطلع جرني من ايدي سحبني لجهه الحديقه اجت بلسم وراي..

كعدت بالكاع دموعي تنزل شفايفي ترجف عيوني تفتر من جهه لجهه راسي يوجعني..

كل الي يجتاح تفكيري بيدي لبارحه نسقتله بيدي لبارحه اختاريتلة بيدي كلشي سويتله..

شلون نطا گلبه هيج يسوي بيه ليييشش

احجي وابجي

كعدت بلسم كدامي كمشت اديه اني ارجف احس نار بگلبي ماتنطفي.. جساس موتني اني وعايشه اخذ حگه مني..

موتني على البطيئ..

كرهته كرهت كلشي يخصه..

كمت اريد اروح كمشني من ايدي گال

جهاد: ششش كعدي افهم اول شي شنو السالفه لحد قبل سبوع على اساس تنخطبون ليش هيج سويتي مو تكرهي شو هسه تبجين فهموني..

گمره: دموعي تنزل احجي كلمه كلمه بقسوه وحقد والم ..: اكرها اكرها واكره كل شخص يخص الي تسمه امي، ماريد منكم شي غير تفكون ياخه مني..

ضغط على ايدي صحت شبييييك لاتصير رجاال براسي تره والله تشوفون وجهي لاعبالك اخوك غيرني لا وداعتك الحقد والحقاره بدمي يمشن..

ضربني بطرف ايده على حلكي حطيت ايدي عليه زدت بجي..

حجه بضوجه: مالوم خالتي من تمد ايدها عليج طلعتي فالته فد مره شبيج سكتي انطي فكه وصوتج لاتعليي بيت لناس.

صاحت بلسم بهدوء

شبيك جهاد طلعت فد مره لو تدري اخوك شسوه بيها متحجي هيج اخوك دمرها تفهم لو لا

اخوك دمر مستقبلها اخوك هسه كاعد يعقد وهوه واهمه اليوم عقدك..

استغرب گال: وهيه الغبيه وين اكو واحد عقده لابس جينز ساحليه من النوم شعره ممشطه..

لو لبارحه جنت يمهم واهلها مو يمنه امها مو تحضر ويه مره شغلات العرس..

ليش مو هيه دزت خبر مااحبه بس ردت اعلقه بيه اني اكرها..

بلسم:بعدين افهمك ابد مو وقت كلامك اخوك دمرها امشو نطلع يمعودين بيت العالم.

جهاد : انتضرن اتصل على حسام شلوت اخذجن ومحد يعرف..

گمره كرهت كل شي بالحياه.. مااحس طعم الحياه

هستونه نريد نطلع..

اجه جساس مبتسم بحقاره وخبث تقرب علينه گال

جساس:ضوكتج من نفس الكلاص الي شربتينياه..

عشتي شعوره شفتي من ترحين تستهزئين بحبي ولج جابولي تسجيل صوتج تكولين منو گال اني احب جساس لا انتو غلطانين اريد انتقم منه..

گمره: غمضت عيوني بحقد فتحتهن بزقت بوجهه

تخبل راد يضرب بس جهاد صده ضربه بوكس بوجهه..

سحبني من ايدي اني وبلسم طلعنه من لبيت..

صعدنه بالسياره من وره بلسم حاضنتني دموعي تنزل بهدوء..

وصلنه للبيت

جهاد گال راح اروح لديسم بعده بيته..

رحت لغرفتي فتحت علبه عندي طلعت الجداحه...

اخذتها منه بيدي صعدت لغرفتي القديمه الي يرتبونها لان بنائها قديم والسكف بعده مكامل..

اخذت جلكات بي بانزين مال المولده..

غمضت عيوني بدون تردد درته على جسمي..

شغلت الجداحه انفاسي مسرعه بلعت ريكي شغلت الجداحه مالته

ثواني معدوده اشتعل الثوب بالناار..

حراره مااحس بيها.. لان وجع كلبي اقوه اليوم نهايتي.. شستفاديت من حياتي غير الهم..

هذه هو يومي.. جسمي ملتهمته النار واكفه بمكاني دون احساس كل الي يمر بالي حقد امي حقاره جساس حياتي من اني وطفله ولحد هذه اليوم..

اريد اسلم امانتي للخلقني واخلص من حياتي الي مابيها شي حلو من نخلقت لحد هذه الساعه..

ارتخن رجليه غوشن عيوني اخترق اسماعي صوت بس مميزت المن..

وكعت بالكاع..

... ولج شسويتي بروحج..

اللله ينتقم منكم شسويتو بيها حسبيي الله ونعم الوكييل عليكم تعالو.... ويينكممم

حركت روحه الله ينتقم منكم..

سلام عليكم متابعيني شلونكم شخباركم.

طبعا نفس ماعودتكم انزل اشباه للابطال واليوم  بما انو البارت الجاي هوه الاخير فا حبيت انشر الكم صور الاشباه.

رغم الحزن الي شفتو كل هل فتره بس  راح تضحكون وتتشمتون هوااااي بالبارت الاخير.

ولاتنسون هذه كلها حياه عاشوها ابطالنه يعني ماضي  والحاضر يختلف منهم الي تعلم من اخطائة ومنهم الي استمر بالاخطاء.

لاكن عندي الكم خبر يمكن تحبو ويمكن لا بس  قصة لبابه راح تنحذف.

طلب من ايهم.

اليوم حجيت ويه البنات على انو مااكدر احذف الرواية بعد اسبوع من الختام.

هجان اقتنع انو  لعطلة نص السنه بما انو عدنه  قصة مكامله.

لاكن ايهم رفظ لو تنحذف قصتة لو تنحذف الرواية بعد اسبوع.

جنت موافقه على طلبه لاكن اليوم بنات راسلني لهذه اقتنعت  احذف قصة لبابة بعد بقت يمه وللصراحه عندي امل  ٧٠بالمية يقبل انشرها  .

لهذا هسه هذوله ابطال رواية لماذا احببتك

روحو ولعو الجو وصبغو الرواية باليوتيوب

الي ممشترك بالقناه روح اشترك وفعل الجرص لان  من توصل ٥٠٠مشترك ابدأ انزل فلوكات ويومياتي وهيج شي  يعني لهذه ياله بسرعه اشتركو من كل الاجهزه الي متوفره بيتكم.

واخر شي احب اگللكم ان شالله بالبارت الاخير احجي وياكم بخصوص شي مهم.

وهسه ضيفو هذه الرواية للمكتبة روحو صوتو وعلقو على المشاهد.

الرواية كلششش مختلفة 

واتركم برحمة الرحمن

رواية: لماذا احببتك.

البارت: بارت٥٦

بقلمي: اورجانزا الطائي

.

.

.

.

.

.

.

.

.

.

.

.

.

... جيلان

احيانا نحتاج البعد عن الواقع

ابد مو قليل صديقة عمري واختي، وامي واخواني ثنين وبنتي صعب كلش هواي عليه احس حيلي مهدوم نفسيتي تعبانه رغم هذه ابد مااشكي لاحد.

غمضت عيوني ارتاجيت على شباك مال السياره.

نزلن دموعي مسحتهن راسي موتني من موت سبيل ولحد الان صرت اخاف من كل شي القوة الي بداخلي نهدمت صرت اشوف شكل امي وذات بكل مكان..

هجان تعب وياي درجه اكثر من سبع مرات بالشهر وداني لكربلاء ازور بس گلبي ملجوم اعزاز گلبي كلهم جوه التراب..

افكار وافعال براسي كل شوي يجي ابالي افتح الباب واشمر روحي من السيارة لاكت استغفر.

سمعت صوت هجان يحجي وياي التفتت عليه صد عليه عقد حواجبة گال

_يعني دموعج مناويات يخلصن؟!

هزيت راسي ضحك هز راسة نزلت گمره بعد ماغيرتلنه الجو بكلامها..

رجعنه للبيت تعبانيين من غبشه طالعين.

دخل هجان يسبح اخذت ملابسي رحت للحمام البرة سبحت رجعت للغرفة.

لكيته عاقد حواجبة يشتغل على الحاسبة نشفت شعري حجيت

- شبيك حبيبي

صد علية شبه ابتسم گال

-بيه كل الخير

ضحكت بخفه سد الحاسبة بيده گال

-تعالي جناجلي

ابتسمت تقربت عليه سحبني كعدني كدامة اخذ المشط مني ضحكت حجيت

-تعرف تمشط

بعد شعرعن كتفي وارتاك علية گال

- لاتنسين بناتي جانن صغرار واني امشطلهن ويمكن نسيتي اكو فد وحده فتره من الفترات جنت امشطلها.

ضحكت حجيت

- ايي ايي تذكرت ياعيني نسيت قابل شكوو

ضحك وسكت نعست بالكوه مسيطره التفتت علية حجيت بصوت ناعس

-هجااان اريد انام

ابتسم گال

- اكملج تمشيط منتبه عليج صارلج اسبوع ماتمشطي زين المهم بس تنامين.

اجيت ابجي اله شوي ميته نعاس صديت عليه حجيت

_مشتاقة لحضنك همگول اكمل تمشيط

ضحك بصوت گال

-يابة من روحي تضل معلكه بروحج تعالي يبعد روحي وراحتي..

ادري بسوالفج تره مانغشيت..

ضحكت دحست روحي بحضنه بسرعه نمت..

كعدت ثاني يوم على صوته عصبي يكول

- بيك حظ تعال

لاماينفع السيد

ضحك ضحكه طويله كال

-ولك اني مااعترف من الي اكبر منك عمر ومنصب تجي عليه تهدد

-سبق وحجيت الي يمس عائلتي لايبقى بالدنيا لان هم خط احمر بيك حظ تعال وجه لوجه

- فلوسك خليهن بجيبك الله مكفيني وموفي

سد الجهاز مطط جسمه حرك ركبته طلع ملابس من الكنتور لبس القميص والبنطرون التفت شافني كاعده ابتسم تقدم بتجاهي باس راسي حضني كال

-شيصبر كلبي مو كافي حزن تره روحي راحت ويه ضحكج بس كولي شنو اسوي حتى ترجع جيلان العصبية الوكحة العرمه الماتسكت بس تحجي وين الي تقصف جبهاتي مو حرام تخليني بحصره بضحكتج

ابتسمت حجيت

- هسه شنو قابل باجيه شو هستوني كعدت

غمض عيونه زفر نفسه بااه كال

- اليل كله مانمت من وراج

ستغربت حجيت

-ليش

شبه ابتسم كال

نايمه على ايدي وتبجين نايمه ودموعج تنزل مو كافي ياجيلان تعبت شكد حاولت وياج بس انتي عبث

اريد صخماني وينها مو حرام اخذتيها مني يبعد ناسي وهلي نفسيتي تعبانه اريد صخماالي تجفص

ولج اريد هذيج ام لسان يجيلان منو يرضاها ايامنه من ينساهه عركاتنه وخبالنه وجفصاتنه عشرتنه ماتهون علية هيج تسوين بيه

نزلن دموعي مسحهن كال

ارحضنج واكسر ضلوعج حتى من تبجين تذكرين هل حضنه

ولج ليش تنسين عشرتنه وعركاتنه

ضحكت حجيت

-اصبرلي هل فتره وارجعلك جيلان القديمه

رفع حاجبة كال

-حجي يفيدج مريتي ماتدرين بحبييج اليل ماينامه من وره دموعج

ضحكت حجيت

-سوده عباتي من رحت الك فدوة حبيبي

ضحك شالني فرني يضحك يكول

-يابة يفداج الي بالي يبعد هلي

ضحكت حضنته قوي حجيت

-الله يديها هل ضحكه حبيبي

نزلني على الميز حضن وجهي بكفوك ادينه باسني قريب على شفتي ضحكت حضني كال

- تنطيني وعد ماتبجين

ابتسمت غمضت عيوني سحبت نفس حجيت وعدد وداعتك

باسني من راسي نزلني كال

-ياله كافي دلال اريد ريوك من ادينج

ابتسمت حجيت

-من عيوني والله

طلعت من الغرفه رحت للمطبخ سويت ريوك طماطه وبيض وياهن فلفل اخضر الريوك المفضل لهجان

سويت الجاي رحت لغرفه بان دكيتها وفتحتها لكيتها تضحك

شافتني كامت تركض حضنتني بقوه تضحك وتفر بيه على ضحكها اضحك بدون مااعرف السبب

كمشتني من اكتافي كالت

-واخيرا تزوج واخييييييرا تزوجووو

ستغربت بالبدايه بس بعده اضحكت حجيت

-اكيد الابطال مو

صفنت بدهشه كالنت

-شلون عرفتيي

ابتسمت حجيت

-ضحكاتج كلهاا من القصص ياله هسه كومي نتريك ابوج ينتضر

حضنتني كالت

-اروع زوجه اب ثواني واجي

عفتها طلعت لكيت هجان كاعد ينتضرنه

صبيت جاي اجت با ن حضنت ابوها كالت

- ماما ولا تحبك

تفاجئت حجيت

-ياا ليش

ابتسمت كالت

-لان تخلين بابا يطلع من البيت بهل شك الجميل

ابتسم هجان رففع حاجبه تلمس لحيته كال

-ليش شلون ترديني اطلع

سويت الها حليب وجاي نطيتهياه كالت

-والله يابابا هسه البنات يكتلن روحهن على الضخمين والي عدهم لحيه لا والنوب بالسلك والاضرب اربعيني لالاطار منج بابا ياامي

ضحك هجان كمل كلامها

- وانتي منهن باباتي

شربت الحليب كالنت

-اي والله بابا بس انت ماتبين بالسلك لان عندك لحية ولو هيه زايدتك جمال

ابتسم كال

-امشي وياج ومحد يعرفني اشتغل بالسلك واذا اللحيه مطلوبة منه

ستغربت كالت

- ليش شو الابطال ماعدهم غير الشوارب

هز راسه ابتسم كال

استخبارات بنيتي وحسب نوع الي يشتغل بي مثلا اكو جيش شرطه وكذا

هزت راسها كالت

-بس الي دااقره قصتهم يشتغل بالاستخبارات وعده بس لحية

شرب الجاي كال

اليوم حلمانه بالسلك

ضحكت سكتت تريكنه طلع هجان بقينه بس اني وبان بالبيت

علاقتي ويه بان كلش زينه علاقتي ويه عمي ابو ذات طبيعيه لابعد الحدود ابد مااستقبلته ك اب وهو متقبل صح ماانادي بابا لاكن كلش احبه ك عم بيوم من الايام جان هوه سند الي والامي ..

المغرب هجان اتصل عليه كال حضرو روحكم انتي وبان

كاعده يمي سمعت عافتنيي راحت تبدل

سديت الخط منه رحت بدلت بين ماخلصت اجه سبح وبدل وبان بعدها مامكملة

وين ياله خلصت طلعنه اشترينه ملابس على عرس بسيل

للوحدة ونص ياله رجعنه للبيت

نزلنه الاغراض بان راحت لغرفتها حضرت ملابس والغراض رجعت يم هجان حاط ادينه جوه راسة صافن بالسكف رحت يمه وخرت ايده من جوه راسه نمت عليها ضحك كال

-طيرتي شبيها

ابتسمت حطيت ايدي على صدره العاري احرك اصابعي بخفه حجيت بهدوء

الي بيه اريد اعرف هذه الحلو مالي شبي صافن معقولة اجه غيري الي يشغل بالة وماادري

كمش ايدي باسها وشمها كال

-اي والله اكو وحده شاغله بالي

رفعت راسي من صدره باوعت بوجه ضحك رفع راسه باسني ركز بعيوني كال

- ليش هل نضرات الي تريد تاكلني

بلعت ريكي حجيت تريد تموتني لو شنو بالضبط

ابتسم سحبني عليه عضنتي من كتفي دفعته دغدغني من خاصرتي ضحكت وخرت عنه بسرعه ضحك اجه وراي ركضت بتجاه الكنتور كمشني من ايدي سحبني عليه يدغدغني خربت ضحك

دارني علية ركز بعيوني كال

- شمحلاج هسه ضحكتج وصلت لسابع جار

رفعت حواجبي حجيت

-ماتغار علية

شمني من ركبتي كال

-الغيره تختلف

يعني اذا اغار اسجنج بالحياه احرمج من الحرية على انو اغار هذه ابد مو عذر

ابتسمت بخفة حچيت

-فدوه لليفهم

باسني من خشمي سحبني علية كال

- ياله نعسان امشي نام باجر ورانه كعده

فعلا خلص اليوم بضحك عكس باقي الايام ..

كعدنه ثاني يوم الصبح هجان راح ياخذ اجازه اني وبان حضرنه اغراضنه للوحده اجه هجان سبح حضرت الاكل اله طلع تغده رجع يبدل انطيته الملابس اتصل علية ديسم انطاني مفتاح الكومدينه مالته خاص بااوراق الشغل

فتحت الكومدينه دورت على الورقه الي طلبها مالكيته وخرت الاوراق صار كدامي دفتر اخذته فتحته نصدمت دفتر ذكريات ذات جسمي رجف بروده اخترقته

رجعت ذاكرتي اول اسبوع زواجنه من سالته عن الدفتر

- ذات ماضي وراح والدفتر ذبيته بجسر المسيب ..

ضجت وتفاجئت ليش حسر المسيب رديت علية

-شعجب بالمسيب

ابتسم كال

- ذكراها بده من المسيب ونهيتها بالمسيب

ستغربت حجيت

وذات شوداها للمسيب

ابتسم باسني من راسي كال

-علمي علمج خلينه نسد سالفه ذات

البنيه ماتت والله يرحمها جانت ماضي النه ثنينه وهسه اني مستقبلج وانتي مستقبلي .

قطع حبل افكاري صوت هجان التفتت عليه الدمعه بعيني

- شيسوي هنا شجابه من المسيب احجي هجان

احجي جسمي يرجف

كمش راسه بيده تقدم عليه راد يكمشني ابتعدت بلعت ريكي حجيت شيسوي هنا ليش ضحكت علية ليشششش

سحب الدفتر مني كال

- مو الي بالج وداعتج

كعدت على الجربايه حجيت بس هذه دفتر ذات احجي مو كلت انتي مستقبلي

ابتسم كال

-تغارين علية

حجيت

- والله كارثه شبيك هجان

-بيه البيج راحتي

-هجاااان

ضحك كالل

- دفتر فارغ شوفي سحبه مني كلب اوراقه فارغات بس الغلاف والورقه الي بالنص تخص ذات

حسيت عللى روحي تسرعت هواي غمضت عيوني كمت من يمه بدون مااحجي شئ كمشني من ايدي كال

-اكدر اكول رجعت خبلتي

هزيت راسي ضحك ترك ايدي طلع رحت وراه اني وبان رحنه لبيت ديسم ومناك لبغداد عفيه ولا يملون الطريق كله اغاني وركص

اخذنه بسيل رحنه للقاعه كاعدين اني بان وهجان يم جماعته شوي اجه نطاني علاكه كال

-نطيهن لبان تلبس وتكول حتى اوديها

ستغربت حجيت وين

رد بااستعجال

-شويه وتشوفين لاتستعجلين

انطيت العلاكه بان راحت وراه بقيت كاعده ربع ساعه شتغلت الاغنيه مال الدخولية تفاجئت وضحكت من شفت بان وكمرة

ثواني اجه يمي هجان ابتسم كال

-اول مره اشوفها بالفستان طالعه اميره

ابتسمت لان من صدك اميره اول مره اشوفها تلبس فستان لبسها كله جينز ورسمي

خلصت الحفلة رحعنه لبيت ديسم

صدمتني كمرة بس بالخير نالت نيتها بحبها لجساس..

خلصت هل فتره بهدوء وحب هجان الي ولبنته كلش عظيم..

بهل فترة هواي يتصلون على هجان..

خفت علية لاكن طمني، لبابة قطعت اخبارها عنه..

كعدت الصبح حضرت ملابس هجان وبان لان ست بان مناوية تروح..

بهل فترة هجان هوه ياخذها بيده للمدرسه ويرجعها ومسويلها خط يگول خاف اتأخر اتصل على وليد صاحب الخط يرجعها وياه...

سديت الباب وراهم عزلت البيت للتسعة خلصت الغدة والتنضيف ماعندي شى حتى سبحت..

دخلت على الفيس لگيت مشاعر ناشرة اغنيه، بهل فتره كل ماادخل للفيس الگه لو اركان لو مشاعر ناشرين لو اغنيه لو بيت شعر عتاب درجه الوحيدين متفاعلين

بس كلمات الاغنيه تدخل الگلب عفية هجان واختة ثنينكم تحبون حاتم والله جنت اكرها مااعرف ليش بس من وره هجان حبيته..

عدت المقطع دندنت وياه

ياطير يا مسافر له .. وصل له هذا الكلام

ميت حبيبك قله .. والليل ابد ما ينام

عشرتنا ما ناسيها .. كل يوم افكر بيها

والعشره ما تهون الا على ابن الحرام

خلص المقطع ضحكت يعني همه واحد يحب الثاني بس مشاعر تكابر واركان عقلة مدي شبي

بس الي ضحكني من كل گلبي الي كاتبته فوك المقطع

-فعلا العشره ما تهون الا على ابن الحرام ولو الاهل شعليهم.

دخلت على التعليقات خربت ضحك اركان معلق الها

- اول مرة تحجين شئ صح فعلا العشرة ماتهون اله على ابن الحرام زوجتي العزيزه.

راد على تعليقة هجان كاتب

- الله يساعد گلبك يااركان وكعت وية بنت ال مشلخ يقصفن ابو الجبهة

راد علية اركان

-اذا انتَ اخوها بعد شتوقع، كفو منهن ومن اصلهن

كلش مستغربه من هجان، لحد الان اتذكر دخل للبيت عصبي ولا وصلتله..

حسيته هدء رحت يمه استفسر شنو سبب عصبيته بس صدمني من گال

_ الحيوان ثنه على مشاعر.

فتحت عيوني بصدمة حجيت

_صددك ليش، منو تزوجها؟!

عصر راسة بقوة گال

-بنت عمه، الساقط اله اندمة اطلع حليب امه من خشمة لهل كوا*

كمشت ايده ماحجيت شي.

يومين هجان اعصاب تعارك ويه اهلة على مود مشاعر

وتكفل بكافه مسؤلياتها..

بس الي فاجئني هجان رجع يحجي ويه اركان وكأنو مصاير شي ومن اسألة يگول

- ماكو شي يبقة صديق واخ الي.

بس كلش واضح يضيع السالفه علية، لان مامعقولة هيج.

قطع حبل افكاري صوت جهازي يدك

انتبهت هجان متصل فتحت خط گال

-اخذتي دواج؟!

ضحكت بهدوء حجيت

-هسه راح اخذه.

زفر نفسه گال

-عافيه على گلبج.

سد الخط ضحكت مبين ضاج

اخذت العلاج، اخذت فرة بالبيت شوي رجعت للهول ماله ماعندي شي.

سويت بان كيك وكاكاو صارت بال١٢ضبط.

للوحدة ونص ندك الباب لبست حجاب الصلاه طلعت

فتحتها بتد ماعرفت اسلام.

دخل للبيت تفاجئت بي شكله كبران ولا يگلك نهاية لعشرينات الي يشوفه يگول ٣٠ وفوگ..

سلم عليه كعد بالاستقبال اخذتله مي وكعدت يمه

اليوم راجع من ماليزيا

إسلام ستقر بماليزيا تقريبا صارلة تلث سنوات او اكثر بس كل شهر يجي يومين ويرجع..

خطيه صارلة اربع جيات كل مايجي يصير شئ ولازم مايكعد بالبيت.

حجينة بخصوص هجان وشغلة.

صارت بالثنتين ونص بان وهجان ماكو ثنينهم.

ردت اصب غدة بس إسلام رفض اله ويه هجان..

للتلاثة ونص ندك لباب ردت اروح ماقبل راح يفتحها وكفت باب الاستقبال دخل هجان وحده بدون بان گلبي ندسني..

نسد الباب خفت رحت عليه حجيت

- لعد بان وين شو ماكو؟!

ستغرب عقد حواجبة گال

-غير الخط يجيبها اليوم اتصلت عليه وگال عد عيناك

شهكت حجيت

-هجان الساعه تلاثه وبان ماكو وين اكو خط لهل درجه يطول فدوة اتصل عليه تره بالي يمها...

هز راسة،طلع جهازه گال

-ماكو شئ ان شالله

اتصل شوي فتح الخط عافنه راح جهه الحديقة دقايق اجه علينه گال

- إسلام اتصل على جساس بسرعة رايح للمدرسه..

عافنه وطلع ، الرجفه سرت بجسمي خفت حيل بس لاصاير شي وياها

اتصل اسلام على جساس

كعدت بالحديقه اريد اعرف شصاير الف فكره اجت بالي

ستغفرت ربي وانخي باالائمة تطلع سالمةغالمة مابيها شي..

لليل محد اجه بس اني بالبيت خوف توتر قلق رعب وسواس كلهن نجمعن براسي بحيث افتر نفس المخبلة ماكو اي خبر عن بان نفسيتي تدمرت.

رغم بالگوة والف ياعلي كدر هجان يطلعني من هذيج الصدمه بمساعده ديسم وشكد حاولو ماينطوني مهدئات في سبيل جسمي مايتعود لاكن هسه رجع الخوف لروخي مو بس جسمي احس تدمرت بنتي ماعرف عايشه ميته لااحد اجاني ولاخابرني اتصل مايرد.

وين ياله اجت بسيل وگمره حاولن يهدئني لاكن خوف يصير مصيرها مصير ذات..

اجت عمتي وزوجه حسنين چملني خاف اني عايزه من حركه دمي كطعتها بيدي دفعتني عمتي طلعت..

تخبلت من بعد كلامهن اريد هجان هسه يجي اصيح واعيط اريده يجي ماريد مصير بان نفس ذات ناس لاذمه ولاضمير شتوقع منهم..

فعلا اجه هجان ارتميت بحضنه ابجي واصرخ اخذت وعد منه يجيبها سالمه..

للفجر كاعده اريد خبر منهم، نفتح الباب دخل هجان شايل شخص مغطي بالبطانيه..

حسيت هذه بان بس دنكت هجان خوفتني درجه شفتها مچفنه مو مغطاية فقدت كل ذره بعقلي..

بس اصيح الله اكبر عليكم حسينت مقتل ذات نعاد كدام عيوني دموعي تنزل حركه بصدري موتتني..

عبر من يمي راح للغرفه صاحلي رجليه ماكدر احركهن واوكف، زحفت زحف للغرفه بس مجرد سمعت صوتها تگول ماما وتبجي..

ركعت شكر لرب العالمين رجعلياها سالمه..

بحيث صارت عندي قوه اروح احضنها وابجي..

سبحتها بيدي نشفتها لبستهامن ملابسي اجه هجان شالها للجربايه غطاها راد يكوم حضنته تبجي..

هدئناها طلعنه من الغرفه

كعدت بالهول راسي مسطور.

ثاني يوم هجان ذبح لوجه الله وزعها للفقراء كلها بحيث ماموزع للاقارب.

صدمني هجان من عرفت قاتل الشخص الي قتل سبيل وصمد وامي والي محاول يغتال اركان..

ضجت لان قتلة مهما كان هذه روح والروح عزيزه اكو محاكم وقانون.

بس الي صدمني اهل الولد من صيتو ابنهم سافر لتركيا مدري وين والاضرب هوه ميت.

مشت الايام وبان تحسنت نفسيتها بس بالمقابل سائت صحتي..

جنت كاعده بالهول وبان حاطه راسها بحضني نتابع مسلسل تركي دخل هجان وبسيل والجهال تفاجئت من شفتهم لان صار هواي مشايفتها وكاعدين سوة.

وخرت بان من حضني سلمت على بسيل كعدنه بس الي فاجئني عيون بسيل حمر!

راح هجان لغرفته دقايق صاحني ترخصت رحتله

صدمني بكلامه معقوله فجر يطلع منها؟!لو ديسم..

مشط شعره طلع،رجعت يم بسيل عفتها على راحتها سويت عشه اتصلت على هجان گال اتأخر تعشوو

فعلا تعشينة وخلصنه بسيل نامت هيه والجهال وبان راحت لغرفتها.

ضليت انتضر هجان شوكت يجي..

لل١٢ونص دخل للبيت اعصاب كعد يمي بالمطبخ انطيته مي شرب.

حجيت وياه على سبب عصبيته صدمني بفجر معقوله يطلع منها هيج او ديسم الي حبه ينضرب بي المثل هيج سوة؟!

كمش راسة عصرة گال

- ديسم مامسوي شئ صوجي تني ليش ماخليته هنا ليش گلتلة روح لبيت اهلي، وهذه النذلة نازله للديوانيه ماخذه وياه صورة دازتها لبسيل راجعه نوب دازتها لديسم تهدده بيها لو تعقد علية لو اشوف الصورة لهجان لو بيها حظ وتشوفني هيج صوره ماا انعل سااس الخلفه

والله والله لو ديسم اجاني وگال

-ياخوي كذا وكذا السالف مجان وصلت ليهنا.

ضجت حيل على هجان عفية شكد ينقهر، لا والنوب اختة..

صفن بوجهي ثواني صد على صفحه كمش راسة گال

- هذه الي يصير وياي كله منج..

نصدمت بهت لوني حجيت

-انيي

ركز بعيوني گال

- بيوم من الايام تهمتج وشهرت بشرفج..

تذكرين من گلتي

-الدنيا دوارة ياهجان خاف عندك عرض بناتك واخواتك.

واليوم تأكدت فعلا الدنيا دوارة والدليل كدامج..

جيلان ابريني الذمة بوقتها الحقد والكره بااتجاه ابوج عمه على عيوني.

كرهتج لان نبت شعور اتجاهج حاولت اقتل هل شعور قبل لايتطور..

لاكن القلب وما يهوى..

الشي الوحيد الي يدور بعقلي ليش حبيتج؟!

شنو الي خله گلبي يهواج..

وشلون كدرت اتعدة موضوع ذات الي جانت مستحوذه على عقلي قبل گلبي..

ابتسمت تقربت عليه اخذت ايده باايدي حجيت

_ابد مشايله بگلبي عليك والله تبقى انت حب مراهقتي وحياتي..

احبك يالشالع گلبي

احبك يالمعشعش بگليبي.

احبك يا كل ناسي وهلي

احبك يااول امنية بحياتي

احبك يااول فطرتي

احبك بگد ايماني..

دمعن عيونة سحبني لصدره حضنتة بقوة باسني من راسي گال

-من طاح حظ گلبي بيوم من الايام اذاج يابه يرحولج عشيرتي بالجملة فدوة الج يبعد الراحو والاجو.

اليوم ياله عرفت وحسيت باالي سويته بيج.

تهمتج وشوهت سمعتج كله في سبيل وحده مابيوم من الايام حبتني.

ابتعدت عنه حجيت بعدم رضه

-لاتحجي على اختي

ضحك گال

-يابة عذريني يبعد راحة گلبي.

ابتسمت حجيت

-على گولة گمرو يلومني الحبايب چية حبيت الشايب، اعشگك يااجمل امنياتي..

ابتسم رجع كعد گال

- جيلان قررت اسفر بان.

نصدمت بكلامه حجيت برفض

-لا هجان ليش تحرمني منها،وشلون تأمن تتركها

غمض عيونه ضحك على ادينه گال

_اكون الها مستقبل وحياه، هنا مااكدر ابقيها طفلة بعمرها تعرضت لصدمة كلش قويه بحياتها..

نزلن دموعي حجيت

-زين شلون تدبرها وحدها تره اخاف عليها والله عوفها كدام عينك ولا توديها للغربه..

عقد حواجبه نزل راسه

-ليش تشوفيني مرتاح بهل قرار، بس كل الي اسوي على مودها هيه ومستقبلها اهم مني بالنسبة الي.

واذا على وحدها، فا هيه مو وحدها.

تفاجئت حجيت

-شلون مو وحدها؟!

سحب نفس عميق وزفرة گال

- تروح وية اسلام لماليزيا

-لا مستحيل شلون هيج شبيك هجان.

- استقرار بان اهم من كل شئ ومصرفها ودراستها كلهن عليه، واسلام وسيلة بس حتى تستقر وياه.

ضحكت بستهزاء حجيت

_يعني تشوفها حلوه، ليش تقرر بمكان بان، ليش تجبرها تعيش ويه شخص ماتهواه ولاتحبه وتكره طاريه شبيك هجان، يعني كل مااكول تغير ويعشق بناته تطلع بسالفه صفح.

هز راسة گال

-جيلان عوفي العاطفة فكري بعقلج، تردين تشوفيها مذلوله كدامج لو مستقره؟!

واسلام فقط يعقد عليها سيد لامحكمه ولا بطيخ.

حاولت اسيطر على اعصابي حجيت

- حبيبي اذا على الموت فا يعمري انت الموت حق على كل واحد ويوم الي نموت بي مكتوب بحياتنه سوه بالعراق او خارجه يعني الموت مو اجازه تكدر تاخذها بااي وقت يعجبك..

واذا على اسلام، فأ انت مالك حق تختار منو الي تكمل حياتها وياه، ليش بعدين تگول بسبب ابوي وبدل ماتحصل رحمه تحصل شتم وقهر..

فكر ياعمري هذه مستقبل وزين اوكي وياك عقدو سيد الجواز والجنسيه مامكتوب عليهن متزوجه.

يعني مسدوده من كل النواحي بوجهك..

رفع حاجبة گال

-محتاج بس موافقه بان، كل شيء جاهز حتى العقد يحتاج بس لتوقع وعقد السيد.

فتحت حلگي بدهشه حجيت

-يعني انت مكمل كل شي؟!

هز راسه وگام.

ماتحملت حجيت

_هجان حرام الي تسوي تقتل مشاعرها وياك سفرها بدون عقد..

حرك حواجبه گال

_سبق وحجيت كل ثنين ثالثهم شيطان لنفترض همه عايشين سوه والشيطان غلب عليهم لاتنسن ماليزيا تختلف عنه هواااي ماعلم اسلام بمنطقة ساكنين بيها عرب ورغم هذه لو تشوفيها بالشوارع يتبوسون بقت بس ال**ماسووها بالشارع..

لهذه السبب لحد الان زواجهم ورق وبس لاتنسين كعدتهم سوه ماتصير وماترهم...

وبهل حاله ياخذ بان بس لنفترض بعد شهرين سنتين تغير هل شعور وتحول لحب..

عصرت راسي كرصت رگبتي اريد اهدء

رحت وراه لكيتيه يريد يسبح عفته دخل للحمام واني افتر واكرص بر گبتي..

لحد ماطلع من الحمام شافت ضحك گال

هجان - شلون بيج اليوم

-شلون بيه اني لو انت الي جاي على الحاضر مخلص كل شي بس تاخذ الموافقه!

هجان- بعدين تترحملي وداعتج.

سكتت ماحجيت شي هوه قافل بعد.

تقرب عليه ضم كذلتي وره اذاني تلمس رگبتي ميل راسة گال

هجان- ماتبطلين هل عادة ابد

ستغربت حجيت

-الي هية

ابتسم بخفه گال

-تكرصين رگبتج، تدرين من صخنتي واتصلت عليه عمتي جانت لبابة بالمستشفى حالتي يثره لها بالي مصافي يربي شكد جنت اتخبل منج.

رفع حاجبي حجيت

-عود شكرا على الاعتراف

ضحك عظ شفته كمل كلام بدون مايرد علية

هجان- رجعت من المستشفى لبيتكم حالتج فد مره وبهل فترهوابد ماشفتج بيت عمي.

شلتج بيدي صعدتج بالسياره اخذت امج رحنه للمستشفى.

هناك شافوج حجيت ويه امج على لبسج كله ويه الكمر

عاد هيه رجعت تجيب ملابس ويه الولد امنتج يمي.

صرتي تحجين حجي ممفهوم رحت يمج اريد اعرف شبيج.

تقربت عليج وليتني ولا وصلت يمج

السحابه مفتوحه من البدايه نص الچتف طالع

من مريفسج الشرشف نازل على رجليج وبطنج نصها طالعه حتى بيومها نتبهت عندج شامة بخصرج.

منضرج كدامي وكف عقلي تعوذت من الشيطان جريت الغطه عليج رجعت لمكاني كعدت وره دقايق صوتج عله تگولين

شبيج جيلان قابل يعوف بنته ويگابلج.

هنا ضحكت من كل گلبي رجعت يمج وكفت بين الصاحيه وتهذربين صفنت على ابداع خالقج بهل ملامح

غرگت بتفاصيل وجهي ونقاء عيونج..

بحيث ماحسيت على روحي غير واني اگول

-منين اجت هل برائه وهية اربعه وعشرين ساعه تفشر..

نزلن عيوني لرگبتج الي كرهتني بيج شوهت صورتج كدامي..

ستغربت حجيت

_ليش؟!

احتضن خصري گال

- اثرين زرك برگبتج درجه باينات بوسة

تمنين عندي السلطه عليج واحطج اجنزج خاصته قبلها بفتره سمعتج تحجين على واحد بالحديقة من ذبيتلج حچي كدام البنات گلت-الثگل حلو للبنية.

ضحكت حجيت

_تدري بيومها جنت اقصدك

ابتسم كمل كلامه

_ المهم كل الكلام الي حچيته مو من گلبي بس شطت منوراج.

نوب ختمتيها بلبابة من گعدتي تسولفيلها

يابه بوقتها لو الزمج اله اطيح حظج شلون فار دمي.

لو بيوم الي اجيت لكيتج بغرفتي دون سابق انذار شبگتيني وكفتي شعر راسي بخبالج، ادري وين عايشين، بس مالومج الاتراك اثرو براسج.

حطيت اديه على صدره حجيت

_زين سؤال، تذكر من اجبت علينه، جنت تحجي ويه بنيه منو هذه؟!

ابتسم گال

-لبابة

ضحكت حجيت

_لعد ليش متگول اسمها

_ عرفت بالج يمي لهذه اريد اشوفج بعدج تحبيني لولا

بس بنت اللذينة شلون حركتي ايدي

جيلان_مامتقصدة

_روحي سولفيهن للدبدوب احسلج، بنيتي اعرفج من ساسج لراسج متكدرين تخدعيني..

ضحكت گال ولج انتي ولا تكعدين راحه بالوحده بالثنتين يحلالج السوالف واكعد ثاني يوم منعول ساسي .

خلص اليوم نفس باقي الايام هجان حجه ويه بان وصدمتني بان وافقت بهل فتره عقدو سيد

اله ثاني يوم من عقد بان اجه علينه جساس عزمنه على خطوبته كلنه نعرف جساس وگمرة على علاقه خاصته هجان .

من سمع راح يخطب شكد ستفسر منه شنو السبب الي خلاك تاخذ غريبه وانت تحب بنت عمك صدمني اني وهجان من گال

-گمرة خطبها والدي لجهاد وهي موافقة هنا ثنينه سكتنه.

بس هجان عتذر منه على انو مانكدر نجي باجر سفره بان.

ماعلم لا بعد شهر عليها..

اتصل على گمرة تنطيني رفص هجان وبسيل كذالك نتصل ترفض اخر شي دزت رسالة الي كاتبه بيها

- جيلان اريد انام اعرف على شنو تردين تحجين اجلي على باجر تعالي عليج الله.

تفاجئت بگمرة تحلفني وهذه اول مره گمره من النوع الي متگول عليك كذا امام لا كله وربي ماتگول الله..

نسيت السالفه وخلص اليوم حاسه راح يصير شي.

ثاني يوم ساعه تلاثه ونص اجه هجان من سولفتله گال

هجان: امشي نروح الهم مامرتاح لسالفه جساس احس بي يچذب..

وسالفه گمره مداخله بعقلي ديسم وين شو ماكو.

لبست الاسلاميه فوك ملابسي طلعت وياه بدون منگول لاحد.

نص ساعه وصلنه للبيت دخلنه اني وهجان لكينه بلسم واكفه شكلها خايف

شافتنه اجت بسرعه گالت

_هجان فدوه شوفو گمره مدي وين اختفت حالتها فد مره بس تبجي.

هجان من سمع هيج گال

_جيلان شوفيها بالغرفه بالحمام صاعد فوك اشوف.

جيلان صعد هجان بسرعه هستوني فتحت الباب ومااسمع غير صياح هجان.رحت اركض للسطح وليتني مصاعده مجرد شفتها صحتت بصوت گمرررررررره

فاقده الوعي والنار مشتغله بيها

طفاها هجان بالبطانية شالها ونزل ركضت وراه جسمي يرجف والدموع تتطافر من عيوني ابد ماجنت متخيله يوم بحياتي اشوف گمره الي كلها طاقة وايجابيه وحيويه بهل منضر..

طلعنه بالباب صار كدامنه ديسم وجهاد

شافو كمره ثنينهم نصدمو عفناهم صعدنه بسياره هجان المستشفى الطريق كله هجان يصيح ويفشر اتصل على جساس حجه بعصبيه.

_ عقد الگبر عليك عساك لاتهتين يا جساس تفرح بعقدك و گمره راااح تمووت قسممم باللله العيلي العظيم اذا صار شئ على گمره لاتشوفني شكلك والخلق سابع سماء اسفرك لدار السلام ياكلب وابوك الكو** حسابه عندي.

سد الجهاز بدون ميفهم جساس شنو الصاير..

وصلنه للمستشفى اخذوها منه گلبي وجعني راسي احسة يريد ينفجر..

ناس تدخل ناس تطلع مفهمنه منهم شي اجه ديسم بس شافه هجان ضربه بوكس بوجه وكعه بالكاع ويضرب بي اجو الممريضن والدكاتره فاككوهم وهجان صوته رج المستشفى

_ولككككك وين كلااامك وييين مو تگوووول اختي اعزز من روووحي ولك لو بالك عليها جاااان تلاحكتها قبل لاتحرك روحهاا ولكمممم بدل ماتحرك روحها تروح لصدر امها تشكيلهااا ولكم ذره ايمان ماعدكم كواااو**

وينها امك وينها ست الحسن عساها بالمووت حتى نگول يتيمه ولك لو مرت ابوها ماتسوي هيج بيها.

نص ساعه اجه عمو ابو ديسم هجان طرده من المستشفى ماخله اي واحد يدخل او يعرف شي عن گمره.

كعد يمي اعصابه ترجف طلع الدكتور گال

حمدالله على سلامتها بس بعض حروقها خطيره.

رد عليه هجان

-زين يادرجه او حالتها هسه مستقره لا فهمني دكتور.

رد عليه الدكتور

- الحروق مالتها درجة الثانية أكثر خطورة لأن الضرر يمتد إلى أعلى الطبقة العليا من الجلد

وهذه هذا النوع من الحروق يسبب التهاب بالجلد واحمراره..

كمش راسه گال

- زين اكدر اشوفها؟!

رد عليه الدكتور

-بالوقت الحالي لا لازم تبقى الحروق نظيفة حتى لاتنتقل عدوى وتشفى اسرع

هز راسه گال الدكتور

- تبقى من تصحه ياخذون افادتها على سبب الحرق معتمد او انتحار..

راح الدكتور..

واخذنه على هل منوال فوك الاسبوعين بالمستشفى ماعلم صارت احسن لاكن على كلام الدكتور هيه متريد تكعد لان يلاحظ دموع تنزل ومن يختبر اعصابها يعني واعية علينه.. لان مرتين اخذ ابره وجككك ابهامها هيه حست وعقدت حواجبها..

اخر مره طلب هجان ندخل عليها ثنينه..

كعدنه يمها حجه وياها هجان بحيث دموعها تنزل بغزاره

- شلونج گمره شخبارج شنو السالفه يا گمره ماكو مناويه تصحين، شوفي حالي وياج من اسبوعين حتى روحه للبيت ماروح كله على مودج انتضرج تصحين ورب الخلقج ياگمرة اصحي واخذلج حقج مربع من جساس وكل واحد اشترك بهل جريمة.

بنت عمي واخيتي وبنيتي شلون مااخذ حقها يابه اخذه وانه الممنون منج بعد شتردين، ومن تصحين كبل لبيتي احرمهم من شوفتج وداعتج شلون هسه كلهم نفس الكلاب يوكفون باب المستشفى ومانع احد يدخل يمج.

ابتسمت ضحك هجان گال

_يامنعوله لعد ليش متگعدين بس تتبسمين وتبجي اليوم ماعوفج براحتج مااطلع منا اذا ما اخذج وياي.

وانتي نايمه وصديقتج بالقصص بان راح تتزوج وتسافر شلون ينطيج گلبج تسافر بدون متشوفيها..

هوه كال هيج فتحت عيونها..

احسن شي صار وجهه ماتأذه بس رجليها وايد وحده مضرره يعني من صدك الله رحم بيها وله على حروقها ماتعيش.

صحت گمره اجه الدكتور فحصها حالتها كلش زينه

سجل الها عصارات والمهدئات واكثر شي گال

-علاج الطبيعي الي هوه مي بارد مو ثلج يعني لا بارد كلش ولا حارر يصير بس بروده بي اصبه على مكان الحرق بدون تدليك ينشف المي اخلي العصاره بدون مااحركها مره وحده باليوم..

اني الي اعرفه المي مايصير بس هوه فاجئني.

نزل هجان يسوي اوارق الخروج بين ما يجي ضابط تحقيق ياخذ اقوالها

ثواني ندك الباب دخلت الممرضه گالت

- راح يدخل الضابط ياخذ اقوالها

حطيت شال على شعرها دخل الضابط فتحت عيوني بصدمة جساس شجابة وهو مو ضابط حسب مااعرف..

التفت على گمره الي ماهتمت لوجوده..

وكف كدامها سألها عن الحادثة شلون صار

ضحكت بستهزاء گالت

گمرة: تعرضت لمحاوله قتل.

ستغربت صديت عليها

جساس عقد حواجبه ترك الي بيده گال.

- محاولة قتل منو؟!

حجت بدون اي تعابير

- انت قتلت گلبي..

رد بضوجه

-سنين بدون تحشيش جاوبي.

- جاوبت الي عندي شخص غريب عني اسمه جساس هوه الي حاول يقتلني اني وبالحياه..

كمش راسه گال

-سنين احجي بجد عوفي سوالفج.

غمضت عيونها گالت

-ليش خليتني احبك؟!

_ليش خليتني اتعلق بيك

_ ليش خليتني اتأمل بيك

ليش خليتني ارسم مستقبلي وياك

_ليش فهمني لاتسكت جنت ماشوف شخص غيرك

_تعرف جنت احلى شئ بحياتي

تدري وصلت مرحلة اتخيلك واحجي وياك.

صرت اتمنه يجي اليوم الي يجمعنة سوة

بس هسه هه انت اسؤ ذكرى كانت وصارت اكرهك اكرهك جساس اكرهك اطلع ماريد اشوف وجهك.عساك بعذاب گلبي..

نهارت گمره رحت يمها بالكوه هدئتها.جساس طلع من الغرفه..

نص ساعه اجه هجان طلعنه من المستشفى بعد ماهو كمل اجرائات التحقيق..

اخذناها لبيتنه بان شافته اجتها تركض، خلصت هل فتره وخطوه بخطوه ا ويه گمره هجان متركها ابد وياها وياها..

طبعا طبق كلامه بحرمهم من شوفت گمره شهرين ونص لاديسم ولا جساس ولااهلها شافوها حتى بلسم ماتطلعلها..

گمره تشافت حروقها نوعا ما لاكن ايدها اليمنى عباره عن لو جوزي..

رجليها ماتضررن هواي اثار خفيفه، صرت كل ماادخل للغرفه الكه گمره تصلي وتبجي من اسألها تجاوبني

-تندمت لان حاولت انتكر عقلي وين جان من هيج سويت كلش متندمه..

درجه گمره جتنت ولا ملتزمه بالصلاه بوم تصلي عشره ماتصلي هسه گمره تكعد على صلاه الفجر تصليها..

تغيرت جذريا مو ذيج الضحكتها تارسه المكان.

صارت عباره عن جسد يفتر بلا روح كل همها الله يغفرلها.

اليوم يحضرن البنات لعرس بان طبعا اليوم حنه والزفه وباجر السفر ..

رغم زواجها بس حتى نسكت حلوگ الناس من تسافر لاكن هجان خبص روحه بي.

سوه العرس بقاعة وحجز استوديو.

بالصالون اجه اسلام وهجان اخذونه للستوديو الي يشوف اسلام وبان يگلك حب من سنوات..

اخذنه لقطتين وياهم ورجعنه للقاعة، الطريق كله اغاني وركص.

وصلنه القاعه بقه هجان ويه بان لان هوه الي يسلمها لااسلام

فعلا دقايق دخل هجان كامش ايد بان سلمها بيده لاسلام كعدو على الكوشه.

ناس تبارك رايحه جايه دزت عليه رحت يمها

كعدت بصفها حطت راسها على كتفي تگول

_نعسانه وجوعانه وعطشانه نقذيني تره راح لچفص ببطن ابن حماج الانتيكا.

ضحكت بهدوء حجيت

-ولج فشله من الناس شنو نعسانه باله هسه اجيبلج عصير وكيك من تغيرين البدله.

هزت راسها غيرو اغنيه على احبه واحب كلمن يحبة..

نص الاغنية كومو بان تركص

هجان واكف يم الميز، سحبته من ايده تأشر عليه تفر بيده ضحكتني لان وصلت الاغنيه مقطع

حبيبي انت وحدك حبيبي

حبيبي انت وحدك حبيبي

انت الي ملكت الروح

والله وحدك حبيبي

حضنها نزلت دموعة فرك وجهه باس راسها..

مسحت دموعها شهكت جرتني من ايدي وكامشة ابوها بيدها الثاني تصد عليه نوب على هجان وتگول

احبكم والله واحب كل من يحبكم

احب الورد جوري

عبنه بلون حبكم.

حضنتني تبجي وطبعا لازم دموعي تنزل وابجي وياهه ضحك هجان حضنه ثنينه..

ضحكنة ثنينة خلصت الاغنيه شغلو اغنية رومنسية كامت بان تريد تغير البدلة

شگد حچيت وياها قفلت اله تروح.. تغيرها

فعلا اخذتها تغير البدلة.شو هاي تربعت بالكاع حچت

بان- هسة تجيبولي اكل والله جوعانه وعطشانه.

ضحكت طلعت لهجان حجيت وياه يجيب لفات لبان ضحك گال

- طفلة والله العظيم، رايح اجيب الها امري ل الله

ضحكت رجعت يم بان راح دقايق ندكت الباب

فتحت الباب صار كدامي اسلام ابتسمت گال

-من رخصتج عمه بس هذه العلاكه نطيها لبان

اخذتها منه حجيت

- من عيوني ابتسم راح

سديت الباب رجعت يم بان نطيتها العلاكه فتحتها

ضحكت جايب الها لفات صاج دجاج اكلت خلصت اخذت قوطية الببسي بيدها تشرب ندك الباب دخل، هجان بيده علاكه گال

-هذه اللفات

بس سمعت هذه الفات صديت عليها تكح بحيث خربت ضحك عليها ترست البدلة ببسي بحيث لون الوردي تلكع هجان ضحك عليها گال

-صحة صحة شبيج بنتيتي

نطيتها المي شربت گالت

_ لعد منو جاب الفات

رديت-إسلام جابهم

طلع هجان من الغرفه، بان غيرت البدلة مالتها لبست بدلة الزفة فوكاها البرنص على اكتافها ، طلعنه بره

استمرت الحفلة ساعتين، بعدها زفيناهم للفندق، رجعنه للبيت..

ثاني يوم سلمنه عليهم راحو.

مشت الايام حياتنه كلش حلوة خاصتة هجان وياي بكل خطوة..

كعدت الصبح من وقت سويت ريوك تريك هجان وراح

للضهر حاطه الهدفون ادندن ويه كلمات الغنيه الي صايره ادمان انام واكعد عليها

حبيت الاغنيه من هجان الها ذكريات بحياتي من زمن ذات ٢٠١٠ ولحد اليوم ٢٠٢٠

عليكم جذب الكال انا مرتاح

عليكم جذب الكال اني مرتاح.

يا راحه البلياكم تجيني

العطش ذبل شفافي وعافني وراح

متت لكن روني دموع عيني

شلون ارتاح واصبر يالبعيدين

ابد بفراكم ما نامت العين

اتمنى انه طير وعندي جناح ياخذني

وعليكم يوديني يا راحه البلياكم تجيني

اذا ما اشوفكم شيفيد عمري

واذا اضحك دمع ضحكاتي تجري

كبل يمكم واعيش بنار الاشواق

يا حالي شلون لمن صار الفراق

يا راحه البلياكم تجيني

تعالو بعينكم شوفوني

شلوني بعدك ما غفن لحظات العيون

ليالي تمر علي كل ليله ما نام

شوفتكم حلم ضاع ويه الاحلام

كل العاشقين ايامه افراح

وانا على الخد تسيل دموع عيني

... يا راحه البلياكم تجيني...

دموعي تنزل ويه كل كلمه

حسيت على احتضان خصري ودفو على ركبتي

صديت للنص ابتسمت مسح دموعي كال

-وين وعدج

لفني عليه ستهضمت غمضت عيوني تلمس خدي كال

- جناجلي ليش البجي يابعد حيلي موكافي تعبتي كلبي بدموعج

فتحت عيوني بجيت نفس العاده حضنته بقوة حجيت

-حبيبي لاتعوفني والله ماعندي احد غيرك

ضحك بهدوء كال

- كفيلج العباس ابو الراس الحار مااعوفج واريد من العباس كفيل زينب اذا بيوم حلت بعيني غيرج كون يقصفه لعمري

-اسم الله لاتكول هيج عمري من عمرك

حضني بقوة كال

- الله لايحرمني منج جناجله لهجان

ابتسمت حجيت

-قصدك صخمانه لهرجان..

ابتسم گال

- راحتي وروحي اعشگج عشگ السادة..

جيلان حياتي كتاب مفتوح كدامكم بستثناء بان الي هِجان مقبل لاسباب..

علاقتي ويه عيالي نفس الشئ .

شكرا لكل وحده حست بمعاناتي وحياتي..

جنت متوقعة اتندم بس لا لحد الان متندمت لان نشرت قصة حياتنة..

نيه الي جانت من نشر قصتنة اني والبنات هيه تشوفون ضلم بعض العشائر ضلم حقوق الانثى بشكل عام خاصة من ناحية الزواج والدراسة.

عايشين ببلد خالي من الامان انت وتمشي تموت..

من يطلع من البيت اضل كامشة گلبي لحد ما يرجع للبيت..

اتمنى ما اخذت من وقتكم وضوجتكم واحبكم كلكم نفرنفر.

ولهنا وصلنه لختامية

...قصة هِجان وجيلان من رواية لماذا احببتك..

شلونكم متابعيني طبعا والله خجلانه منكم لان غبت هل غيبه

طبعا كان موعد نشر البارت قبل ايام بس الحظ لعب وياي ونحذف البارت تخيلو 10000 كلمه نحذفن لا والاضرب ذابه جهد عليه

ورجعت اكتب من جديد وعوضتكم بالبارت الاخير15780 كلمه واليوم ياله خلصته فتره الي راحت فقدت تركيزي واسم الله عليكم تمرضت الشقيقة اخذت حيز مني عيني مااكدر افتحها موتتني تسمعون العافيه ان شالله

وقبل ايام جهازي من وحده عطل

لهذه نقطعت اخباري عنكم وارجع اعتذر

هسه اريد همتكم البارنت الاخير رجعو تفاعلو بي راح تخلصون مني

والي عدكم سوال بخصوص الرواية تفضلو .

وهسه ارجع لغلاف الرواية

اضاءة الغلاف اسود رمادي احمر

الاسود هوة الحزن والقوة الرمادي غموض الابطال وحكمتهم والاحمر الدم او الثار

سلسله متكونه من ثمن حلقات اخر حلقتين مكسورات تعني

ذات مشاعرجيلان مودة لبيب بسيل سبيل بان كمره والمكسورات ذات وسبيل

من بعدالسلسله

-النجومم الثلاث هم هجان اركان جساس يعني الي يشتغلون بالسلك والون لذهبي هية سمعتهم او انبرازهم بالمهنه

تحت النجوم الوشاح احمر هذه يعني خط واصل او صلة الدم .

بنصف الوشاح اكو رسمه ادين هذه يخص هجان اذا تذكرون كان يكول الايد الي تنمد على زوجتي وبناتي اكسرها وفعلا هجان وكف ويه بناته وزوجته وكمره وبسيل واي يخص ينخي ميتندم لان كول وفعل .

نهايه اليدين حبل صاير على رقبة البنت يعني قتل للستر ..

ونهاية الوشاح بنت عارية متغطي نصف جسمها

هذه يعني الستر والشرف ..

يخص موده وجيلان

بصفها موجود بنت حاضنه جسمها هذه اغتصاب ...

يخص زوجه ديسم الاولى وشخصيه مجهولة ..

والجهه الثانيه لملثم ايهم واذا تلاحضون بالثام ا كفوف ملاكمة شماغ تخص شيوخ

الدخان هوه شضايه الكلام بين العوائل

اذا تلاحضون اكو بنت وخيالها كاانو واكعه ودائرها بقعة دم

هذه اذات وسبيل نقتلن ضلم وبقعة الدم ام جيلان وصمد

القلب هوه اساس الرواية يعني الحب

والورده هذه الحب جوه الورده بنت مدده هذه كمر

وهذه كل الي موجود بالغلاف لو تنتبهون كان محتاجيتو تقرون النهايه

وبان على اساس اكتب قصتها ويه البنات بمكان لباب لاكن الي صار تدهورت صحتي ووضعي وضغط عليه من كل مكان اذ كان لرواية او حياتي

وانتم ماشاء وخلق تداعون بالبارت والتفاعل جوه الصفر الي تصوت ماتعلق والي تعلق ماتصوت

شيصير لو كل وحده قرت البارت تترك اثر الها بتعليقين

المهم الروايه اخذت نص من عمري اشكال والوان صار ويايه لدرجه هجان حجه وياي كالي وقفيها لاتنشرين ناسنه عرفو من خلالج واني بقيت مصره ونطيته كلمه بس تخلص احذفها

وبعدها ايهم خبص الامه اله تنحذف وهسه يخلص اسبوع واحذف قصه لباب .

كل هذه مر واخر شي يوصلني انو القضيه بعدها مستمره ولحد الان مرافعات وكذا وعمو عماد وراها

وبسيل تطلب مني اقلص الاحداث الي تخص القضية امنت بالله قلصت

كل هذه وانتم متدرون الي صار وياي من غير ليالي ماانام بالي مشغول بالرواية لاحضني زوجي وسوبفتله السالفة من البداية واصر على انو اترك الرواية كال حياتج بخطر ناس اعرفهم شرانيين وتتورطين وياهم واني اصلا جنت رافض ومن هل كلام لاكن يااخوان عنادي فول رفظت كلامه واستمريت وهو ابد ماايد لان يعرف مضر الي ..

هذه الحجي كله من نزلتاعتذار وتدعولي شغله بالي تصير يمكن اذا مالله كذبني فوك ال10 اشهر لان مو هواي جنت كاتبة

هذه كله ماخلصت غير لحد قبل فتره دار نشر طلب من الرواية يطبعوها وفوك كل هذه ماياخذون مني لو ربع وكل شي عليهم من ناحيه التصميم والنشر والتدقيق والتنقيح والغلاف مختصر كل شي همه يسوو بس اوقع عقد وادز الرواية بي دي اف

اول مره تجي هيج فرصه لكاتبه مبدئة لهذه كلش حبيت الفكره وسبق وحجيت وياكم بهل خصوص بس هذه الدار صدمني

حجيت ويه جيلان كالت اشوف هجان

اقل النص ساعه اعتذرت مني كالت راح ادز فويز لهجان

عاد صدك اقل الخمس دقايق وصلتني فتحتها يكول

-بنيتي ام كيان عذريني انه تفقت وياج من البدايه واذا على الكتاب اني اتفقلج ويه دار يسويلي طبعتين وحده الج وحده لجناجلي وانطيج الربح واعتبري دار جناج زرفه راسي صارل الها ساعه ياهجان ياهجان

من بعد هل كلام دزيت رساله انو مااقبل بهل شي ونسد هل موضوع والله فد نغثيت

المهم راسلت الدار ورفضت .

ابد ماحبيت احطكم كدام الي يصير وياي واني ساكته تجيني على الخاص انتي تكبرتي لان نعلقلج وصعدنه روايتج

يابه وين صاعده متكولولي شو انتهت ومشاهداتها 67 الف حمدالله بس من تحجين انتبهي واذا على التعليق ترة معروفات الي يعلقن ينعدن على الاصابع

المهم كلامي موجه للبعض الي يدزلي مسجات تصفن تكبرتي نغريتي انتم تشوفوني مغروره اشو ارد على الكل خاصة اطلب منكم متابعه شو حتى مااكلكم تابعوني غير بس صوتو وعلقو.

,واخر شي تجيني كاتبة معروفه وكانت صديقه الي تطلب مني لسان حال عن بطل حجت عنه عرفت قصته ومحورها ومن غبائي كتبتودزيت الها بكل امتنان كالت يومين ياله انشر كلتاوكي

اني معروف عني مااحتفض بالمراسلة خاصتة اذا حاجيلي عنحياتهم له1ذه حذفت المراسلة خلصن اليومين لاسوت تاك ولا اشي حجيت وياها تشوف الرسائل ومترد وره فتره وحده من صديقاتي جنت مشوفتها لسان الحال راسلتني دازه سكرين طلعت الكاتبه ناشرته من يومين البارت وكاتبه جوه من كتاباتي

شطت مدري شصار بيه راسلتها تكالي شنو الي يثبت هذهالج

انطيني اثبات صفنت معندي شي لااثباث ولاهم يحزنون اني هم سلمتها بيد الله

مو حقي اتعب لو لا شايفين من ينكال حقكم وانتممتكدرون تسوون شي لاوالحلو هيه هكرت حسابي القديم وهسه بكل عين تجي تعلق سلبي وتشتمني لو بيها حظ تحجي من حسابهامو تسويلي وهمي

هواي حجيت عذروني بس مغثوثه هواي خاصته هل فتره ابني مصارلة غير ايامم من تشافه من كورونا واني مغلسة على الوضع

وهسه شكرا لكل وحده تفاعلت بالروايه

وثقو بالله والملائكة انتم عائلتي الاولى.

واتركم بحب وسلام ان شالله انزل الكم بارت يخص مشاعر صار وياها احداث

وصدك تردون بين فترة وفترة انزل بار يخص كذا بطل من احداث وكذا

صباح الراحه  النفسية والاطمئنانية لقلبكم 

شلونكم شخباركم مشتاقة يالبذاتين ولاحدة سئلت كالت عايشه ميتة ههه

المهم ياحلوين رجعت الكم بقصة مكتمله فقط تعديلات  اسمها البعيد القريب اصلا كاتبتها وناشرتها لاكن حسيت انو ضلمت القصه من السرد 

طبعا هذه القصةاقرب قصة الي  كلش تعنيلي لهذه السبب  رجعت كتبتها وعدلت بيها وطورت بالاحداث لان جنت مقلصة بيها سبب خيال وتاريخ معين وهسه ماعندي شي 

طبعا اغلبية يعرفون انو وقفتها ومن اجيت اكملها ماحسيت انطيتها حقها لهذه السبب باجر ساعة 9ونص باليل انشر اول بارت واذا شفت تفاعل استمر بالتنزيل يومي واذا ماشفت تفاعل ابقيها لعطلة نصف السنة 

ضيفوها للمكتبة واتمنى تستمتعون بيها 

طبعا القصة كلش مختلفة من ناحيه السرد والاحداث واهم شي حزن قليل الفكاهه  والرومنس متسلط بالقصه 

والوقت الي يناسبكم شوكت بتلاثة الضهر لو بالتسعة ونص باليل 

وهسه اتركم بحب وسلام 

تفاعلو على الفقرات

حساب الانسا القديم مااكدر افتحه لهذه هذه حسابي الجديد umkn. o2 راح اعوف رابطه بالمنصة..

....

حسيت على انفاس تضرب وجهي فتحت عيوني بهدوء صار وجهه كدامي ابتسم بلل شفته بهدوء رمش مرتين متتالية قرب وجهه عليه حط كصته على كصتي حرك خشمة بخشمي ابتسمت بعدت راسي عنه ضحكت بصوت..

سحبني عليه بقوة اعتلاني ، على اثر حركتة شهكت

ابتسم رفع حاجبة گال

_ مشاكسة

فتحت عيوني بصدمة حجيت

_ليش يابة شايف عليه شوف ومادري!!

دنك علية بهدوء ركز على عيوني شتت نضري عنه ابتسم نفخ على وجهي حركه لاارادية غمضت عيوني حسيت على دفو بخشمي فتحت عيوني صارت عيني بعينه غمز گال

_شفكرتي، مااخذ شي اذا مانتي تبادرين..

قلصت عيوني حجيت بهدوء تام

_لعد حلم ابليس بالجنه..

رفع حاجبه وابتسم بمكر گال

_الي كدامج ابليس بجلالة قدره ميلحگ بي لايخاف ولاهم يحزنون الي باله يسوي لو على الف راس والي اريده اخذة وداعتج بس للاسف انتي ياشبر من زري لاعبة بيه لعب..

ابتسمت حجيت

_ منيلك هل كلام ياعيوني..

دنك على ركبتي سحب نفس طبع بوسة خفيفة ابتعد ثواني تقرب عليه اكثر باس عيوني گال

_شوكت تتعودين علية.

ميلت راسي بلعت ريكي غمضت عيوني حجيت..

_من احس...

........

يا ام ثوب الاحمر حاجيني

محتار لاتخليني .. قلبي يفداج وعيني

وطفي لي هالنار اللي بيه

بالدنيا مثلج ما صار .. الخدود مشتعله بنار

خاتم اهديلج وسوار .. اهدي لي قلبج يابنيه

كمشت ايدي كالت

وجهج قمر ويلالي والله حيو .. شسويتي انتي بحالي

حلوه وشكلها صغيره .. خلتني اعيش في حيره

ما ادري من يا ديره .. احتارينا يا ناس بحبها

احتارينا يا ناس بحبها

ركصت وياها وخربانة ضحك گلتلها

والله الي دااشوفه راح تسطرين الولد من الله يساعده عليج

ركصت حواجبها ويه لحن الاغنية گالت

- اذا تعده على الحدود اشوفه العجب بالاحمر نهت كلامها بضحكة..

................

تسوي بالديجي والضاهر خبره الاخت..

اجاني اشعار فتحت جهازي لكيت رسالة كاتب.

؛؛ ثوبج فاضح اكثر مما ساتر، تفاصيل جسمج كلها واضحةمابعد شئ ويطك على كيفج يابة..

لا ارادي صديت عليه ابتسم مسد على شواربة

رفعت حاجبي عض شفتة

عقدت حواجبي كتبت

؛؛من تدخل بما لا يعنية لقي بما لايرضية.

ثواني رد

؛؛ ومنو يگول انتي ماتعنيلي؟!

زفرت نفس رديت

؛؛كلشئ بينه انتها من سنتين لهذه سد الموضوع لاانت تعنيلي ولا اني اعنيلك شئ

رد

؛؛بس قصدي ك بنت عمي وخالتي لااكثر ولااقل،المن عل كلام ليش متگولين انت تعنيلي ليش هل دوخة كلها..

عصبت كلش.رديت

؛؛الغي بعد

دز ايموجي يضحك

ابتسمت بعدم مبالا ماريد ابين ضوجتي..

..........

گلبت بالقنوات ماكو شي مميز زفرت نفس بملل شمرت الريمون على التخم تمشيت للحمام اريد اسبح من تضيق الدنيا عندي الجئ للسبح..

فتحت الدوش احس المي ينزل على جسمي حارر ماعلم بارد.

سحبت نفس بضيق سديت المي سحبت منشفة حجمها كبير نوعا ما لفيتها على جسمي اخذت الخاولي لفيت شعري..

طلعت من الحمام اسحل بروحي سحل مابيه امشي..

وصلت للصاله تفاجئت بوجودة تداركت الموقف بلعت ريكي التفتت ردت ارجع رفع راسه صارت عيني بعينه رفع حاجبه گال

_حضري روحج اليوم اخذج وياي اذا تردين طبعا..

ابتسمت حجيت

_ خمس دقايق

كام وكف ارتاك على التخم حضن ادينه لصدره گال

_الج ربع ساعه زين ياله خلصتي..

باوعتله صفح حجيت

_ مو رايحه لعرس

ابتسم طارف شفته گال

_ لايابة متأسف على راحتج ولو اعرف اتاخر بس تهون لهل عيون المخنزرة وعوزها تطلع..

تخوصرت بعصبية حجيت

_ تغاار والله

عض شفته گال

_الله وكيلج جنج ورد متسلق ضعيف وطويل..

نفخت بعصبية ضربت رجلي بالكاع. بقوة حسيت على المنشفة وكعت كمشتها بسرعه والحرارة امتدت بجسمي تمنين الكاع تنشك وتبلعني والافندي يضحك شافني عيني عليه گال

_هيبت عصبيتج طارت بس جنت ماخذ فكرة غلط طلعتي مو وردة متسلق..

نهه كلامة بغمزة.

عصبت كلش رفعت ايدي حجيت

_تعرف انت انت انت هفففف

ماعرفت شنو احجي عفته رحت لغرفتي واسمع يضحك بصوت..

عقدت حواجبي هزيت راسي طلعت بنطرون اسود وكيمونه جوزي وسترة جلد سودة وبوت جوزي..

بدلت اخذت المشط مشطت شعري سرح لاكن بي برمه كلش خفيفه..

سويته ذيل حصان طلعت خصلتين مبعثرات..

رتبت حواجبي وحمرة سحريه وكحل اسود طلعت للصالة شافني گال

_عشر دقايق

ابتسمت حجيت شوكت ناوي تبدل

ابتسم طرف شفته اخذ سترة جلد سوده من على الكرويتة گال

_ ماعندي شي انتضر اميره ديزني تخلص حتى نطلع..

هزيت راسي اخذت جهازي من الشحن مد ايده گال

_يالة تاخرنة..

كمشت ايده طلعنه من البيت تفاجئت السياره ماكو بس دراجه باوعتلة بتسائل حجيت

_لعد والسيارة؟!

ابتسم تلمس حاجبه گال

_ صعد على الدراجه صعدت وراه سحب ادينه لخصره صد علية گال

_تمسكي

سحبت نفس هزيت راسي حطيت راسي على ضهرة ثواني معدوده مااحس غير طار بالدراجه رغم خوف بگلبي بالبداية لاكن المتعه تسلط واتجرئ ارفع راسي وگلبي يدك بسرعة...

غضيت شفتي، شنجت رجلية عدلت كعدتي صاح بصوت قلق

_كم مرة مانعج من هل حركة لاتتخبلين علية يمعودة..

ضحكت حجيت

_قابل مرتين اموت هيه مره وحده عوفني مستمتعه..

هز راسة خفف سرعه لحد ماصف الدراجه نزل التفت علية گال

_باباتي تخبلتي لازم كل مااخذج وياي تقلقيني

عدلت كعدتي حجيت

_على كيفك شبيك قابل شسويت اريد استمتع بهل طبيعة الجميلة..

هز راسة گال

_هجم بيت طبيعتج لعد من نطلع بالسيارة شعندج تنامين وعلى حظي المسخم من اخذج بالدراجه تصحصحين..

هزيت كتفي حجيت

_اذا انت تسد كل الشبابيك ماتخلي واحد يتنفس بينما بالدراجه مجبرو تتحمل خبالاتي...

ثواني ركز علية ابتسم گال

_ تدرين بودي اكول لفد واحد مصعدج على الدراجه وياي اريد اشوف ملامحة شتصير..

حجيت بثقة

_كولة حتى هسه نلكاه واكف النه..

ضحك گال

_نزلي يابة

عقدت حواجبي ونزلت

صعد مدلي اديه ضحكت بستهزاء گال

_انتي فايخه منا لباجر مااخلص تعالي لج

هزيت اكتافي برفض بلل شفته مال علية سحبني شالني من خصري صعدني كدامة نفرت حجيت

_صدك تحجي شبيك يمعود والله فشلة..

هز حواجبة گال

_هذه مو العراق باباتي والي يشوفج يكول بنتي على حجمج..

بعد المن هل كلام هنا كلشي مباح نوعا ما، ولعلمج ماعندي وقت اضل كل شوي واكف..

حضنته ضحك وانطلقنة..

وكف الدراجه باب الخلفي نزلنه انطاني ايده كمشتها غمز سحبني عليه مشينه دخلنه من ممر ياهو الي يشوفة يسلم عليه..

وصلنه غرفة الاستراحه گال

_تبقين يمي لو اتصل على دفنه تجي تاخذج يمها!؟

ابتسمت حجيت

_اروح يم دفنه احسن هم تاخذ راحتك..

هز راسة ابتسم طرف شفته اتصل على دفنه اقل العشر دقايق اجت..

سلمت علينه رحت وياها وكفنه قريب من الساحة..

حجينه بااكثر من موضوع بهل اثناء صار كدامي بهيئتة الرجوليه..

قطع حبل افكاري صوت دفنه تگول

_تحبي؟!!

.....................

رحت للمطبخ اسوي اكل طلعت بورك حطيت الجاي على الطباخ

رجعت لغرفتي امشط شعري وكفت كدام المراية مبتسمه ميلت راسي وانصدم بالاثار الي بركبتي

واثر باايدي ضجت حيل رحت للهول وكفت كدامة حجيت ..

-ليش هيج والنبي ضوجتني شوف لان ناطيتك مجال هيج تسوي

ضحك كال

-جا غير مريتي، عندج مانع يابعد غوالي گليبي.

..............

حقج مسويتي شي غير بالجامعة مركزه عليه درجه ماكدرت ابقة زياده ..

وبالسيارة ركزتي علية وگلتي حبيبي رجعتيلي امل مقتول

وبالهول كدام عيني وتكولين اذا يحبك يبقى وكلش زين اعرفج اذا تضوج من احد ماتشوفه خلقتها مو نوب تعزمه يبات بنص بيتها

ومن جنه نحجي شلون مسلطه انضارج عليه درجه صرت اختصر الكلام واشغل تفكيري وجفتي علية بنفس لوقت الي جنت افكر بيج ولا الاضرب مركزه عليه

ودموعج الي غركتني بشگار عيونج و الحضن الي لاعلى البال ولاعلى الخاطر

وفوك ضيم لله طلعتي ضهرج وختمتيها بوستج شكول ل لله ليش هيج تعذبين كليبي المسكين تراة رجيج..

..؟..............

ياحياتي ماحبيت جسدج لا اني حبيت كلبيج وروحج وبرائتج ميهمني الجسم وداعة شكو عزيز على كلبي يانور عيناي كل سانتم بيج احبه لاتسوين هيج لان من صدك كرهتيني بروحي على هل حركه تشوفيني رايد جسمج لو شنو بالضبط

.......... .......

دموعي نزلن الي يكلك محضرتهن التفت شافني عقد حواجبة لبس قميص اسود قفل اخر دكمتين حضن ادينه الصدره كال

جساس- محتاجه شي

بلعت ريكي شتت نضري عنه مسحت دموعي نسيت الي اريد احجي هزيت راسي بنفي رجعت ردت اطلع كمش ايدي كال

جساس -بيج شي ليش هل دموع

مجرد حجه ماحسيت على روحي غير بنص حضنه ابجي قفل علية بقوة بدون مايحجي ولو حرف واحد

ماعرف شكد مر من الوقت باسني من يم اذاني بين ركبتي وفكي ابتعد عني عيونه حمر ابتسم ركز بعيوني كال

-مشتاك لشكار عيونج ملهمتي

ابتسمت نزلن دموعي مسحهن بيده كال

- افقد كدام هل عيون لاتبجين يبعد غوالي قلبي

غمضت عيوني حجيت بهدوء

-احبك

فتحت عيوني بصدمة على بوسته بين شفتي وخدي بلعت ريكي ابتسم كال

-اعشكج ياكمرة ضوت عتمه حياتي

ضحكت بهدوء كال

-تزوجيني حتى نخلص بقية حياتنه سوة على الحلوة قبل المرة لاتذليني بحبج يبعد غوالي قلبي

ضحكت حجيت

-تتحملني منا اله اخلص كليه لان مستحيل اتزوج قبل هل شي ..

-مجرد كلمه تكفيني ماريد اعيش بوهم وبالتالي انصدم

.....

منضر لاول مره بحياتي اشوفة ختنكت كلش هزيتها صحت لااااااا

........

تيشيرت زيتوني اوف سايز نصف ردن وبنطرون اسود حذار رياضي ابيض قبعة رياضية زيتوني نازل منها تلث حلقات كامش بيده سماعة يسمع من تك وحده متناغم ويه الموسيقى ويغني بقهر..

خاصتة من كال رااااح ضب قبضه ايده ضربهه بالهوة..

صارت عيني عليه عض شفته وغمز سوة حركه بيده مقابل شفايفه يعني ابتسمي..

________

اي شلونهن المشاهد جزء الثاني #رواية _لماذا _احببتك والي يكون اسم هذه الجزء

#للخُلة_رأي _اخر

اتمنه توجهون ستوري انستا وتسوولي تاك..

والي حابين يقرون قصة بان وگمرة فقط ابدو من هذه البارت لان قصتهن فقط..

اذا شفت تفاعل انزل قبل الجمعة.

واذا ماكو تفاعل يبقى على الجمعة ساعة ٩ونص باليل..

سوو تاكات لصديقاتكم يقرون هذه الجزء من الرواية..

ومعلومه الي حاب يقرا هذه الجزء ميحتاج يرجع يقرا جزء الاول لان مالهن دور بي..

وهسه مع الف سلامه على قلبكم وكلش فرحتوني البارحه على سوالكم..

رواية لماذا احببتك

البارت: الاول،

بقلمي اورجانزا الطائي.

يوزر حسابي الانستا umkn.o2

لطفاً تفاعلو على الفقرات.

اذا شفت تفاعل حلو باليل الكم بارت😶

.

.

.

.

.

.

.

.

.

.

.

.

.

.

.... ما أصعب أن تعيش في حيرة بسبب شخص يوماً تراه حبيباً، ويوماً لا تدري من يكون..!؛

دخل هجان نفس الاعصار عصبي

بحيث ضرب اركان بوكس وبدون تفاهم يغلط ويفشر عليه

ابد ماتمنيت انحط بهل موقف اخوي الي ماتخله عني بيوم من الايام وزوجي الي كسرني بيوم على مود حقوقه..

بعد دقايق طويله اركان ينازع بيد هجان

شمره بالكاع وكام وكف كال

- بسرعه حضري روحج ترجعين وياي

مشاعر خوف على توتر ماعرف شنو ال احجي فضلت لسكوت ولااخسرهم

اركان مقبل كام وكف عارض هجان بس هجان يستحيل يفرط بشخص يحبه

هجان بحركه وااعصاب

- ولك اركان تعرف هذه منو ولك هذه حالها حال لبابه وسبيل وبان ولك هذه اخيتي الي امنتكياها هيج مذبلها ولك اني الكواد الي امنتها بيد واحد نسونجي ولك تثني عليها ولا والخلقك لاتتوقع اعوفها يمك

رد عليه اركان

-لاتسبق الحداث هجان تبفى زوجتي واطفالي لاتتوقع بيوم اتركها

من بعد كلام وافعال هواي بينهم صار الي جنت خايفه منه

وهجان خيرني بينهم لو اروح وياه واحصل على كرامتي لو ابقه يم اطفالي واني الممتنه بدون كرامه واخ

هجان مستحيل يتركني بينما اطفالي مايرجعولي

واكبر غلط سويته هوه اختاريت اطفالي على اخوي

عرف ابوي وحسنين رايحين ويه اركان يحطبوله تخبل اخر شي كال

-رغم فضلتي حيوان وسرسري عليه بس لاتنسين عندج اخ بيوم من الايام اي شي تحتاجي بس اتصلي تلكيني يمج

طلع هجان واركان من لبيت بيومها نهرت لدرجه مو طبيعية.

ضليت بالهول کاعدة وابجي احس روحي نشالت ونلطخت..

هجِان سندي وكسرتة اليوم..

فضلت اركان علية.

راسي وجعني احس بي معركة.

اجت عمتي واستني لليل راحت.

اركان ماشفتة غير لثاني يوم لان فتى تبجي علية رغم عمرها ست سنوات وجبيرة على البجي..

سيف نام بسرعة.

فتى وسيف واعيين اعمارهم ست سنوات

اليوم ما اجة اركان وهل شئ قلق راحتي لان فتى تبجي علية..

كعدتها بحضني حجيت

_فتاوي حبيبتي ليش هل بجي

مسحت دموعها وتشاهگ بلعت ريگها حجت بصوت باكي

_اريد بابي اريد انام بحضنة مامي اتصلي علية والله احبة

حضنتها وتنهدت

_حبيبتي اليوم ما يجي باجر يجينة وعد مني.

وهسة بالثنتين باليل شلون يجيج؟؟

فتى: ما ما اريد بابي ما حبج اني ما حبج احب بابي..

نزلن دموعي مسحتهن حجيت

_يگلبي فتاوي لاتسوين هيج والله باجر يجي..

ضلت تبجي وتصرخ للـ خمسة الفجر اندكت الباب..

تفاجئت منو الي جاي بهل وقت؟؟

خفت وما گمت

دك جهازي اخذته اركان يتصل.

فتحت خط سبقني بالكلام

_ صارلي ساعة ادك الباب شوكت تحنين وتفتحين الصخام.؟

رديت بعدم اهتمام

_اجيت..

اركان: طلعيلي فتى وياج.

عقدت حواجبي حجيت

_ليش؟؟

سد الجهاز بدون ما يحجي.

گمت وفتى بحضني فتحت الباب دخل بالباب وما كلف روحة يصد علية.

فتي من شافتة نزلت من عندي وحضنته تبجي وتضحك..

ابتسم وحضنها مغمض عيونة..

التفت راد يطلع حجيت

_وين؟؟

رد بدون ما يلتفت

_لبيتي عندج مانع..؟

كزيت على اسناني حجيت

_ انت على راحتك لاكن فتى ما تطلع من البيت..

صد عليه رافع حاجبة

_مو هي بكيفج ست مشاعر

مشاعر: اي طبعاً فتى بنتي.

رد بـ عدم اهتمام

_على نفسج منعا باتاً تدخلين بيني وبين بنتي.

مشاعر: اعتقد بنتي ما الك حق تحجي هيج..

كز اسنانة گال

_مشاعر خلي فتى بعيده عن خلافاتنة ااي مالها داعي.

ضحكت بـسخرية حجيت

_ تحب و تزوج بنت عمك وما محترمني وتقلل من قيمتي وتگول مالها داعي باله يا اركان شنو الي اله داعي؟ فهمني اني غبية وماافهم شي.

رفع حاجبة گـال

_فعلا حبيت وتزوجت لاكن من شوكت قللت من قيمتج او ما محترمج؟

مشاعر احترامج من احترامي الي مايحترمج مايحترمني لاتحجين بهل اسلوب لخاطر الله

خلينها متصافين وفتى وين ما اكون هي تتواجد..

مشاعر: فتى ماتطلع من البيت.

اركان: لاتحجين بهل اسلوب.

مشاعر: اطلع انت وفتى اريد انام ياله

دخل للبيت كال

لا اشو الة انام يمكم عندج اعتراض؟؟

قبل لا احجي دخل للبيت.

هزيت راسي وسديت الباب.

دخلت للصالة ماكو احد..

والاستقبال كذالك.

اسمع صوتة من الغرفة..

فتحت الباب.

صار كدامي نازع السترة على الكومدينة

متمدد على الجرباية وفتى على صدرة نايمة..

ضليت واكفة وعيني عليهم.

ابتسمت تلقائية نزلن دموعي لـ تذكري زوجتة الثانية..

سديت الباب وطلعت.

دخلت للحمام سبحت  كعدت جوة الدوش حاضنة جسمي ودموعي تنزل بهدوء..

احس الي بـ داخلي ما اله تفسير.

ما اعرف الي اريدة شنو

ولا الي ما اريدة.

المهم كل الي اعرفة

اريد اعيش بـ سلام..

بدون تفكير بالماضي والمستقبل المهم الي اعيشة الايام.

بس عبث التفكير  والكتمان هن الموت البطيئ

تموت على مهل ماتعرف شوكت خلاصك او اذا اكو خلاص..

مر وقت كلش طويل واني بالحمام..

تنهدت وگمت  كملت غسل نشفت جسمي ورجعت على الدداشة القصيرة..

لفيت شعري بـ المنشفة وطلعت.

ما ردت اروح للغرفة لان اركان موجود بيها.

دخلت للهول  مددت على الكرويتة..

غلبني النعاس نمت..

صحيت ثاني يوم على صوت فتى

فتى: مامي كعدي تاخرنة..

فتحت عيوني  صارت على الساعة بـ الثمانية اله..

نزيت افرك بعيوني تأخرو عن الدوام..

انتبهت لـ فتى لابسة قميص ابيض وتنورة ام التعاليك سودة وشعرها مشط ضفيرة فرنسية وبنهاية الضفيرة شريط ابيض..

ومطارتها الوردية برگبتها..

عقدت حواجبي حجيت

_متريگة؟

ردت

_اي مامي

فتحت ادينها  وگالت

_اريد بوسة قويةةة حتى اداوم واني فرحانة..

ضحكت حضنتها وبوستها ضحكت بطفولة  وگالت

_احبج مامي احببببج.

اخذت جنطتها الوردية  وركضت  لان دك هورن السيارة..

سيف ماشفتة الضاهر سبق فتى.

هم ثنينهم يتسابقون على الصدر والي يگعد الاول الثاني مايحجي.

مطيت جسمي   وتنهدت.

صارت عيني على الغطة يمي

تفاجئت لان اني ما اتذكر تغطيت...

بعدت الافكار من دماغيى   وعزلت البيت سويت غدة  بين ما كملت اخذت سجادة والقران والازرار للاستقبال.

كعدت اقرة قران..

لحد ما سمعت صوت الاذان صدقت وصليت الفرضين..

رجعت اقرا قران بين مايجون الجهال..

سمعت صوت الجرص صدقت وگمت طلعت للباب.

فتحت الباب بدون ما اسأل لان صوت هورن سيارة اركان و حذاء فتى اكد   انو هم اجو.

دخلت  فتى تحضن بية ومن الباب بدت تسولفلي شلون قضت يومها..

سيف دخل ضايج.

من بعدهم ردت اقفل الباب دخل اركان.

بدون ما يحجي شي.

نزع السترة حطها على الكرويتة.

فتح ازرار اكمامة  رفعهن  بقة القميص بدون ما يقفل ازرار

دخل للمطبخ واني رجعت لـ فتى 

لگيتها مغيرة ملابسها.

وسيف كالك لاكن فاجئني بشئ

بالعادة يسبح ياله يغير يگول اختنك لاكن هل مرة لا..

ومو بالعادة هيج ضايج.

تنهدت كعدت كدامة حجيت وياه وهو يگول نعسان..

عافنة ومدد نام.

فتى لحت تريد تتغدة اخذتها ورحت للمطبخ.

صبت النة غدة  اخذتهن للصالة.

اجة اركان كعد ياكل.

صارت عبيني علية لان كح..

باقي بالكيمونة..

. وية ما ردت اصد عنة  صارت عيني بعينة ابتسم وغمز..

دنكت بسرعة بدون  اهتمام..

تنهدت وگمت مالي نفس اكل..

دخلت لغرفتي مددت نزلن دموعي على روحي ليش هيج ذالة نفسي؟؟

معقولة لهل درجة اني ما عندي احترام لذاتي او لنفسي الي انهانت!!

ابتلعت ريگي  مسحت دموعي.

غمضت عيوني اريد انام او بالاحرى اهرب من واقعي التعيس..

صحيت على صوت فتى تگعدني

اريد ارفع راسي ما اگدر جسمي كلة يوجعني..

من وجع روحي وجسمي نهرت ابجي بصوت مسموع احس معدتي توجعني..

لعبت نفسي ركضت للحمام تقيئت.

طلعت غسلت وجهي وگعدت بالمطبخ حاضنة جسمي ودموعي تنزل.

لحضات معدودة  صار كدامي اركان شكلة يوحي للقلق..

كمش ايدي گال

_شبيج مشاعر؟؟

هزيت راسي حجيت

_مابية شي..

من الالم الي يصير بيه ضربت راسي بالحايط  واعصر ببطني اريد الـ الم يخف..

  حاول يخليني اگوم ما كدرت  تقرب علية شالني وداني للهول  على الكرويتة.

اتصل على عمتي  ما احس بيها غير اجت..

كعدت يمي كمشت ايدي گالت

_خير ييمة شبيج عين الي ما صلت على النبي البارحة عفتج جنج ورة مفتحه ليش هيج ذابلة..

قبل لا اجاوبها صدت على اركان حجت بعصبية

_ولك عبيس المستعجل بس لا سويت شي للمگرودة والله واله اذا مسويلها شي لساني مايطخ لسانك  شبيها  احجي لاتصفنن يالدولة..

رد عليها

_هسة لو اعرف شبيها مو جان ما اتصلت عليج شبيج يمة لخاطر ابوي المسموط الصفحة عوفيني وشوفي شبيها..

ردت علية بعصبية

_هو ابوك لو بي حظ وبخت ما خلفك يا العار جان ذبك بالحمام وخلصنة من نقمتك لشوكت تبطل سوالفك المطيوح حظها ترى زودتها حاط هل مگروده وتحجي براسها بيك حظ ما تصير عربانة مرتك..

فرك وجهة بعصبية وگال

_هو ابوي المسموط لو بي خير جان ما خلفنة لهل حياة.

عقدت حواجبها گالت

_اسكت يالعار بس تحجي اريد اشوفها شبيها..

اركان: هسة صرت اني الي احجي  لعد منو طلعتني من الوحل   ؟؟؟؟

ما اهتمت لكلامة شافتني اشرت الها على مكان الوجع

صدت على اركان بعصبية گال

_ولك يالمكرن بس لا اخذتها ولاعب بيها لعب

ضرب لكمة بيدة گال

_اللهم صبرج ياروح يمة ابوس شيباتج شيبة شيبة بس عوفيني على صفحة ترى من يوم الي شفتها ولحد هل لحضة ما متقرب الها بس طلعيني من راسج حتى تعرفين شبيها.

غمتة وصدت عليه گالت

_امشي للمستشفى.

بين ما لبست حجاب والعباه  طلعنة فتى اجت ويانة وسيف بقة..

مسافة الطريق وصلنة بعد ما سوولي تحاليل اتضح عندي جرثومة بالمعدة.

انطوني علاج وابر حديد لان عندي فقر دم ونقص حديد.

منعوني من اغلب الاكل..

رجعنة للبيت وكل يوم اخلي كانولا وابرة بالمغذي..

مرت ١٥يوم واني ابر كلهن اركان يسويهن الي.

هو يعرف يخلي كانولا والمغذي.

والطبخ كله لو اركان يسوي لو يجيب جاهز عمتي تجي علية تگعد يمنة واخر فترة ضلت يمي..

بالايام الاولى عمتي ماقبلت لـ اركان يبقى يمي بس لان وكعت اكثر من مرة خلته يمي وهي تروح للبيت..

اليوم ما گدرت اكل هواي  معدتي فد مرة تأذيني.

الساعة بحدود الثنتين باليل عمتي والجهال نايمين.

دخل اركان  للبيت سبح و رجع  تقرب علية تنهد طلع الكانولا والمغذي والابر..

اخذ ايدي بيدة  مسح مكان الوريد بالكحول  فتح الكانولا

مجرد شفتها رجفت ايدي  ضغط عليها ايدة دافية..

تلقائية صديت علية رمشت والدموع بعيني.

ابتسم وهمس بخفوت

_تهون وتصير سوالف وداعتج..

هزيت راسي..

بحة صوتة جبرتني انزل دموعي..

ابتسم  اخذ ايدي قربها اله باسها گال

_مشاعري ما توقعتج جبانة وينها الي ماتنجرع و تتفيك براسي؟؟

هزيت راسي حجيت

_تعبانةةة..

عض شفتها سحبني لحضنة..

نفس الي تريد حجة حضنتة بقوة وراسي على صدرة ابجي بصوت مسموع..

يمسد على راسي وضهري  على كيف..

باس راسي بعدني عنة

سوالي الكانولا شهكت

  ضرب ابرة بالمغذي ونضمة ينقط على كيف..

اني دموعي على كيف تنزل.

مر وقت طويل نعست بس  اخاف امدد وتنكسر الكانولا..

حس علية  گعد يم المغذي اشر على رجلة گال

_حطي راسج اني گاعد  لاتخافين طفيتي من الرأيسي.

بدون مقاومة  مددت صفح  وراسي على رجلة    اخذ ايدي مسد على كيف هدء الالم  ما حسيت غير على طكطكة..

رفعت راسي صار كدامي يوخر المغذي..

گمت وكفت  اريد اروح للغرفة ما حسيت غير وكعت..

مر وقت وبس طنطنة بـ اذاناتي..

حسيت على روحي بحضن اركان يصحي بية..

رديت علية

_مابية شي اريد اگوم..

وية ما گمت راسي افتر.

شالني وداني للغرفة مددت على الجرباية غطاني.

استسلمت للنوم.

ما اعرف شگد مر وقت حسيت  فتحت عيوني.

  صحصحت وانتبهت  نايمة بحضن اركان..

والايد الثانية عليها فتى..

متمسك بينة ثنينة..

ابتسمت لشكل فتى  راد يصد رگبتة على جهتي رجعتها بـ يدها على ملامسة حنجة..

گمت من يمهم  غسلت وجهي  وسويت غدة..

وية ما  دا اگلي البيذنجان حتى اسوي تبسي  دخت  والدوخة وكعة..

مر وقت حسيت على ضربات خفيفة على خدي فتحت عيوني  اريد انام..

رشات مي  صحيت  ريحة ولا طيبة خنکة اللبيت..

صفنت بوجه اركان الي عاقد حواجبة..

تذكرت التمن حاطتة على المي من فار وطاوة البيذنجان على الطباخ وية ما اريد اگوم بسرعة سحبني علية  حجة بعصبية مكتومة

_مقصر بشي عبيج وگاعده تسوين غدة؟؟؟

رديت

_اشتهيت تمن وتبسي عندك مانع؟

رد

_من تصحصحين ذيج هسة بكيفج شتردين تسوين سوي.

هسة ممنوع منعا باتا تمدين ايدج اشو الجهال اني ابدل  واغسل الهم  بعد شكو؟؟

سكتت ماحجيت شي.

هز راسة وگام طلع اخذ فتى وياه..

رحت للمطبخ  الدخان مالي المكان والريحة  ماتسولف.

الطاوة سودة و التمن صاير شوربة فد مرة..

ردت اغسلهن دخت  رجعت للهول لاهم اوكع ومحد يمي..

كعدت اريد ارتاح..

ربع ساعة دخل اركان وفتى بيدهم علاكة.

حطو بصينية واجو جايبين غدة..

اركان يسويلي لفات صغار وفتى تغار تكول

_مو اني حبيبتك وبنتك الضغيرة غير توكلني الي..

ضحك وشالها لحضنة كعدها يوكل بيها  وهي تضحك وتگول

_بابي  اني كبيرة نزلني.

رفع حاجبة گال

_ هسة انتِ صغيرة لو كبيرة ثبتي على رأي.

حضنت ادينها گالت

_انت بابي  الي مو لـ ما مي.

ضحك بصوت عالي گال

_ياملعونة على هل دگة

يعني تغارين من امج؟؟!

هزت راسه گالت

_ لا  انت الي وحدي

باس راسها گال

_من باباتج يروحلج فدوة ياقرة عيني..

ردت علية

_ابووسك بابي

ضحك وحضنها.

خلص الاكل اخذ المواعين اسمع صوت طكطكة بالمطبخ.

مدددت   بين ما يجون.

ربع ساعة اجو بيدم الجاي وكوب عصير.

انطاني العصير وبيد الجاي.

كعد كدامي  يشرب جاي..

خلص اليوم وصار اليل عمتي كاعدة تقرا قران.

دخل اركان طلع الادوية.

رش كحول ومسحة حط الكانولا صحت  بصوت

_اخخخخ يمةة.

ردت عمتي

_ولك يالـ اغبن شسويت لـ مشاعر هو انت غنم هواي عليك مو نوب تخوط وتخربط بشرايين اابنية مزورك تادينها...

ما حجة شي  رغم عمتي حتى غلط غلطت..

اخذ المغذي شكله.

گعد يمي بسوي بي حتى ينزل على كيف.

مر وقت ومعدتي وجعتني صديت على المغذي بعد شوي وتخلص.

الم فضيع زاد بكثرة..

والخنگة اختنكت اريد اخذ النفس ما اگدر..

افتح حلگي  وخشمي بس اريد استنشق الهواء ما اگدر صدفة عمتي صدت علية شهكت ضربت على صدرها گالت

_عزا العزاااككك يا اركان سممت البنبة..

ولك يا الراعي  تعال موتت البنية ولك يا الاغم تعال مريتك ماتت

وادت عصبية عمتي واني مختنكة..

تصيح وتعيط علية اخر شي گالت

_الله ينطي زوج للماعندة فلوسي ما الله اخذك وخلصني منكموتت مريتك نوب علية قتالين قتلة..

.

.

.

.

.

.

.

.

گمرة

مشيت خطوتين فتحت باب كلش جبير وقديم..

مجرد خطيت خطوتين نسد الباب جفلت التفتت ردت افتحه مااكدر نفسي يصعد وينزل بسرعة خوف على توتر على قلق مصير مجهول وواقع مضلم..

بلعت ريكي انتبهت على الطريق الي واكفة بي عبارة عن طريق كلشش طويل اكو ضوة لون ابيض بعيد..

التفتت على الجهه اليمنى مكان كلش حلو عبارة عن ورد وصوت زقزقة العصافير وضحك..

ابتسمت قطع اندهاشي بالمنضر اصوات مرتفعة مامفهومة التفتت على مصدرها عباره عن ضلام ودخان واشواك مكان رعب.

خفت جسمي رجف التفتت على الجهة اليمنى كلها حياه وزرع التفتت على الجهه اليسرى عباره عن دخان واشواك ومكان يخوف لدرجة مو طبيعية..

خوف مو طبيعي سمعت صوت ديسم يگول

؛؛ تعالي گمرتي منا تعالي بنيتي انتضرج تعالي..

بلعت ريگي مشيت بخط مستقيم بس كل ماامشي اميل لجهه المضلمة البيها الاشواك والدخان..

بس من اردد استغفر لله استغفرلله اميل على الطريف الي امشي بي..

وقت كلش طويل يالة وصلت قريب ديسم..

شفتة ضحكت نطاني ايدة كمشتها سحبني طلعت من المكان التفتت اريد اشوف شكو ماكو شي عباره عن اجهزة طبية..

صديت على ديسم اختفة ماكو.

فتحت عيوني خوف مالي جسمي وروحي عيوني تفتر رجفة مو طبيعية..

مر وقت معين ارتاحيت نوعا ما بعد ما ردتت استغر لله..

وجع مو طبيعي بجسمي.

احس على جيلان تجي يمي تحجي وياي بس ماريد اشوف احد..

تحاسبت على غلطي، شلون ثقيت بشخص يرجع لامي ؟!

مرت الايام والالم جسمي يزيد خاصتة من الدكتور ضربني بااصبعي بالابرة..

رغم اتألم لاكن اتحمل بس كلام هجان الي فقدني قدرة الادراك بحيث بجيت دون وعي..

هنا نكشف امري..

طلع هجان يسوي اجرائات الخروج وكل الي بالي شو ديسم ماكو ليش مااجة.

اخر شخص اتوقع اشوفه هو جساس.

ماعرف شلون انطا گلبه واجه ولو هوه گلبة ميت على گولتة..

اول مرة اقسو وية شخص ولحسن حضي ماكو غير الي احبة..

رغم قساوة كلامي بس مجرد حجة وضهرت لدغة الراء احس نار ولهبت بگلبي..

كلش احب لدغتة خاصتة من يكول گمرة.. الراء تئسرني بجمالية نطقها..

وگمرة من يگولها احس الها طعم مختلف وكلش احب هل اسم بنطقة..

جساس لدغة الراء كلش واضحة عندة.

رغم شكد ادعيت القوة لاكن لابد واجة يوم الي انكسر..

رجعنة للبيت الطريق كلة افكر بمصيري المجهول ليش سويت هيج على مود شخص ميستاهل اكثر شئ اكرهه بالانسان من يحكم حكم مسبق بدون مايسمع من الطرفين لا والنوب هوةبالاستخبارات

عابت الجيش الي شكو سكط ملفي..

هزيت راسي بستهزاء ارتاجيت عل الكشن غمضت عيوني محسيت غير على صوت هجان يكول:

-وحق الخلق يكمرة محد يستاهلج لاتضوجين روحج واعتبري الي صار الج درس حتى ماتثقين بالناس زيادة.

ويا كمرة الحياه طويلة كدامج لهذة السبب اوكفي على رجليج لان الجاي هوايبس الله يستر منة ...

ابتسمت حجيت

-بعد اضرب واقوة من الي ديصير

هز راسة بموافقة فتح باب السياره نزلت تلكني لبنات بسيل وبان كعدت يمهن شوية عرفت بسيل حامل فرحتلها هواي يستاهلون هل طفل ..

بس بنفس الوقت اختنكت خفت علية لايعيش بعائلة مشتته .

طيرت هل افكار من راسي كمت وية بان لغرفتها كعدت على الجرباية راحت بان جابت مي شربت كعدت بصفي كالت

-حمدلله على سلامتج خبلة ولج ليش هيج سويتي بروحج من دنعل الحب حياتج اهم من هل مخلوق

ابتسمت حجيت

-هسة صرنه متعادلين

سحبت نفس كالت

-لا الله لايكولها انتي تكدرين بالعمليات التجميل تخفين اثار الحروق بس اني الي لله ماكدر اخفي بالعمليات ..

نزلن دموعي حجيت

-مو ذنبج لاتلومين روحج وعوفي الماضي ورقة وعديتيها..

ضحكت من بين دموعها مسحتهن بقوة كالت

-محد يعرف عني شئ غير انتي وماما جيلان وبابا والله

اي مخلوق غيركم مايعرف ..

ابتسمت حجيت

-لازكة يمعوده عوفي الراح وانتي بنت اليوم

بان- اتناسة بس ماانسة عوفج مني كوليلي شلونج هسه

مددت تنهدت حجيت

-نفس لونج بس الفرق نعسانة

بان - لوني مطيوح حض حضة نامي وارتاحي بعدين نسولف

-هوه هم هيج اريد انام ومااكعد ...

بان -متسكتين ترة طينتي عيشتي

-ولي اريد انام

طلعت بان صفنت بالسكف كل شوي جاي على بالي جساس ولدغتة ..

ساعة ابتسم ساعة اتحسب علية لحد ما رسمت شكله بالسكف ونمت

ماحسيت غير على طكطة فتحت عيوني جيلان مبتسمة

-اريد اغيرلج الضماد

كمره ابتسمت بدون مااحجي كعدت كعدت تفتح الشاش كله دهن يزعج حطت طشت على الجرباية غسلت الحروق بمي احس حراره تطلع من ايدي موتنتني من غير لالم ماعولت خلصت .

ااستمرت بان وجيلان على هل منوال لحد ماشافة الحرق بس بقة اثر باايدي كلش قوي

بسيل حالتها فد مرة نفسها تلعب

بهل فترة كل ما يجي اسلام بان ماتطلع ومن تسمع صوته تختفي تماما

صادف الدنيا عصر طلعنه بالحديقة ثنينه قبل زواج بان بيوم ..

جيلان مسوية كيك وبقلاوة كاعدين ناكل ندكت الباب صاحت بان منو

رد عليها

-اسلام

فتحت الباب شالتها ركضة للبيت خربت ضحك عليها

دخل اسلام سلم علية وسال على هجان يريد يشوفة كلتله ماموجود استاذن وراح

اسلوبة بالكلام يصفن بحيث اجت بان ضربتها على كتفها تتشرد منه وهو عجيب

شكل واسلوب واخلاق صدمني جوابها

بان -معودة منيلة شكل اوصل لصدرة متشوفي تيل ومعصعص

ضحكت حجيت

-ولج مبين رياضي وترة نسخه هجان بعد هاي اذا عندج هجان معصعص

ردت بدهشه

-لاضلمتي بابا والله يخبل مو نفس هذه

كلبت عيوني حجيت نطيني جهاز

اخذت جهازها دورت عليه بالفيس لكيتة مناشر شئ بس صورة الة..

زفرت نفس بملل حجت بان

بان: شسوين بي هسة يمعودة عوفي قابل فد نمونة.

رفعت حاجبي حجيت

-ايي عيني باجر تسنفرين وياه ومن تجين علينة احبة اعشقة اموت علية..

بان: ولي عني لااحبة ولاشئ تدري بيه اتخبل من هل سوالف.

گمرة: انستا اكيد هجان متابعة..

بان: اي اكيد.

گمرة: دخلت على حساب هجان ناشر كومة صور الة

دورت الي متابعهم مو هواي ٥٠واحد نصهم اقارب..

لگيت حساب اسلام دخلت علية نصدمت

حسابة عام يتابعونة ٥٦٠الف

هزيت ايد بان حجيت يعني نص مليون!!!

بان:خير ولج شكوو

گمرة:اسلام متابعينة نص مليون

بان: واذا الرشق موجود.

گمره انجبي سمعي

المعلومات صدمني اكثر.

إسلام

ملاكم عراقي مقيم في  ماليزيا

هاوي لكل شيء خطير..

بان:معقولة ههذه نفسة اسلام!!

گمرة: وربي اي شوفي الصور والتفاعل.

گلبنة الصور اغلبهن يلاكم بيهن وصور بالمنطاد والاحصنة واكو سباق دراجات وسفن حسابة متنوع لكل شئ لا ونوب صدمني شكلة حتى بان صفنت علية..

ولا الي يكلك يمنة لايبتسم ولا اشي..

باوعتلها شلون مركزة بصوره ضاحك بيها ورافع حاجب غارس ايدة بشعرة والثانية بجيب البنطلون هجان واكف يمة..

ندستها حجيت

-الضاهر وكعتي بحبة يول

باوعت صفح گالت

_اي مواني عايشة بالقصص

هزت راسها گالت

-واللة وطلع بي حظ يلاكم بس شعجب من ضربة بابا مرجع البوكس؟!

ضربتها بخفة على ايدها حجيت

-اخلاقة ياب چا غير عمة وين صايرة يضرب عمة..

رفعت حاجب گالت

-بابا ضرب اخو..

ضحكت ردت ارد عليها صاحتني جيلان رحت الها نطتني جهازي گالت

جيلان: اعذريني واللة ناسية انطي الج  من جنتي بالمستشفى ديسم انطا الي..

دمعن عيوني مجرد ذكرت ديسم حجيت

- مشتاقتلة ليش مايجي.

نزلت راسها گالت

_ مابعد شي وداعتج.

بلعت ريگي ححيت

_هوة وين ليش متگولين والله بالي يمة..

ردت علية بدون ماتباوع بوجهي

-مسافر..

رديت بتسائل

گمرة: وين؟!

دنكت  گالت

جيلان: علمي علمج...

تنهدت حجيت بقهر

گمرة:جيلان هجان ميضم عليج شي

ابتسمت گالت

-وشلون انطي بي وهو موصيني؟!

هزيت راسي مسحت دموعي رجعت للحديقة لكيت بان تشوف مقطع لإسلام يلاكم.

كعدت يمها وهية مندمجة..

مر وقت خلص المقطع حجيت

-الضاهر حبيتي الجو..

شهكت حطت ايدها على حلگها گالت

-عزا بعينج ولج جفلتيني..

گمرة:جريت الجهاز منها نطيته متابعة شمرتة عليها

ضلت تطفر وتكول

بان: لا ولج ليش ليش تابعينة.

گمرة:مصيرج تابعي.

صدر صوت اشعار من جهازها فتحته گالت

بان:هذه نشط بكل وقت!!!

گمرة:منو؟؟

بان: إسلام طلب المتابعة

گمرة: صدك والله

بان اي، بس اكيد مايعرفني لعد شكد هيلك اي بنية دز متابعة يرجعها..

گمرة باوعتلها صفح حجيت

- اعتقد شفتي متابع  كم واحد يعني تلاثين گرايبج والبقية اصدقائة اذت مو العكس..

والغباء الف عندج غير العشيرة كلها متابعتج فأاكيد يعرفج من بان هِجان انتي غير كاتبة اسمج الصريح

بان:فوكاها مكيفة

گمرة:خير من لله وداعتج.

بان: وليي حقيرة

گمرة: تدرين هسه مال نشغل حاتم اغنية شعلومة

بان: اي والله فكرة حلوة بس احسن تغير المود

يالة رايحة للاستقبال كدامج تعالي..

گمرة: ضحكت حجيت بگلبي ماعولت بسرعه وافقت..

رحت للاستقبال لكيتها مشغلة الاغنيه ام ثوب احمر تركص وتهز شعر ..

ضحكت سحبتني رجعت عادت الاغنية

يا ام ثوب الاحمر حاجيني

محتار لاتخليني .. قلبي يفداج وعيني

وطفي لي هالنار اللي بيه

بالدنيا مثلج ما صار .. الخدود مشتعله بنار

خاتم اهديلج وسوار .. اهدي لي قلبج يابنيه

كمشت ايدي كالت

وجهج قمر ويلالي والله حيو .. شسويتي انتي بحالي

حلوه وشكلها صغيره .. خلتني اعيش في حيره

ما ادري من يا ديره .. احتارينا يا ناس بحبها

احتارينا يا ناس بحبها

ركصت وياها وخربانة ضحك گلتلها

_والله الي دااشوفه راح تسطرين اسلام من الله يساعده عليج

ركصت حواجبها ويه لحن الاغنية گالت

- اذا تعده على الحدود اشوفه العجب بالاحمر

ضحكت حجيت

_اصعد جبل واعبر نهر لعيون الغالي يابةة

ردت عليه

_اها اها اها اها.لعيون الغالي لعد شعبالج

اجت جيلان على الصوت ضحكت گالت

-عاد شلون اثنين كدر ولگه غطاء.

جرتها بان گالت

بان: اليوم بس وتخلصون مني تعالي على الواهس

جيلان:لا وين صار المغرب هسة يجي هجان ياله اسوي العشة.

صدك تذكرت اسلام عشا يمنة..

بان:هلا والله باابن عميي البهبه

مارضت جيلان لان حجت على حسنين..

طلعت من يمنة

رجعنة فتحنه الاغنية ونركص.

عطشت عفتها تركص وحدها و  رحت اخذ مي التهيت ويه دريد يريد اكل نطيته سمعت الباب نفتح لبست حجاب طلعت.

لكيت اسلام واكف باب الاستقبال وست بانو ترگص..

رجعت للمطبخ صارت كدامي جيلان گالت

جيلان:تكدرين تسوين زلاطة بين مااكمل.

گمرة؛ اي عادي

طلعت خيار وطماطة وكفت يم الكاونتر اثرم بالي كله يم ست بان انتضر اسمع صوتها..

اقل العشر دقايق مااحس غير على ضربه براسي التفتت عليها اعصاب وجهه احمر دمم ماتحملت ضحكت على شكلها حجيت

-شبيج سالمين

بان:انجبي سكتي حقيرة ليش هيج تسوين والله فشلة مرتين مجمعنه بمكان واحد الاول عطت على مود بارت وهسة اركص لا والاضرب اهز واغني شنو السالفة

عليج الله شفتي لولا

كتمت الضحكة حجيت

گمرة: اذا انتي طالعة زايد شسويلح واذا ماتهتميلة المن تفكرين شلون يشوفج. وو اي شفته.

كرصتني من ايدي گالت

_والله والله كون الزمح فد مرة واخلي استاذ جربوع جسوس يشوفج تركصين ذيج هسة تحسين بموقفي

ابتسمت حجيت

-بحلمج يبعد روحي، اني وجساس طريق مسدود واذا على اسلام تره واكفة اگله من رخصتك وخر لاتباوع على زوجتك..

بان:حقيرة كلام الليل يمحي النهار، اروح اسبح احسن

گمرة، راحت گمرة كملت الزلاطة وكفت يم جيلان انتضرها تخلص البورك..

اقل الربع ساعة اجه هجان نفس كل عادة يتغزل بجيلان ويدخل غرفتة..

نص ساعة اجه هجان شال الصينية فرش السفرة

انجمعنة كلنة ناكل بستثناء بسيل الي متكدر تاكل وبان الي مغلسة..

نتبه هجان على بان ماكو گال

-گمرة بان وين.

ابتسمت مجاملة حجيت

-بالحمام تسبح.

بعدني مكملت كلام  غص إسلام بالمي

بالكوة سكتت مضحكت على الموقف..

ابتسم هجان گال

- على كيفك إسلام شجا ك بعد ك بالبداية، وهيج صار بيك

نهه كلامه بضحكة..

صد على جيلان غمز الها والتفت علية گال

-من رخصتج گمرة متصيحين لـ بان تجي على العشة.

هزيت راسي  و گمت رحت لغرفة بان متغطية وخرت الغطة لكيتها تبجي وشعرها اخضر..

كعدت بصفها حجيت

-المن هل بجي ولج شبيج.

تشاهك وتگول

-ايع ايع والنبي لعبت نفسي ماتحمل گمرة ماتحمل نفسب تلعب.

ستغربت حجيت

-ولج شبيج شكو احجي غير افهم.

مسحت دموعها حضنتني گالت

-النذل باسني لعبت نفس ماتحمل اييعع لعبان نفس والله.

ضحكت بگلبي حجيت

-ولج ياعيني هسه المن هل بجي يولي لاتهتمين

شهكت گالت

-نفسي تلعب مستحيل...

قبل لاتكمل كامت بسرعة رحت وراها دخلت للحمام تتقيئ

عشر دقايق طلعت غاسله وجهه

ميلت راسي حجيت

-تهون وداعتج بس لاتخلين هل اشياء بالج وشوفي وهسة هجان يريدج..

صفنت بوجهي ثواني گالت

هذه عود ماما جيلان هم هيج يبوسها بابا عوووع متلعب نفسها.

ضحكت بصوت من كل گلبي حجيت

-من طيخ الله حظج ولج شجابج على جيلان عوفي للسالفة هسه لعد وين الي تقرة القصص وتتخبل على مشاهد رومنسية طلعتي فاشوشي بوسة ولعبانه نفسج..

بان:لو اعرف بهل قرف فلا انطي مجال بس مجرد ردت اعيش الحضة

ضحكت بقوة حجيت

-يعني فوك ماانتي قابلة فاندام تالي شسويتي بالولد اكول ليش غص بالمي..

بان:هوة غير تقيئت عليه ماشفتي غير ملابسة هههه

گمرة:لا لا مستحيل.عززااا وماحجه

بان:عوفي يمعودة بس من هسة حطيت خط احمرعلى المشاهد الرومنسية الي بالقصص طلعن بس كلام عيشني احساس وااو شعور ولا بالاحلام هوه فعلا درجه تقيئت عليه..

گمرة: الله يساعده على هل قرف.

بان: ولي عني وانتي اكثر وحدن تعرفني فاانجبي ست گمرة.

گمرة: كدامي يقمر ابوج دز عليج بسرعة

بان: امشي انتي واني وراج.

گمرة: امري لله

رجعنن للاستقبال اسلام عينه على بان كعدنة ثنينة..

حجة هجان

-جايات على غسلة المواعين.

ضحكت حجيت

- لا على الاكل

ابتسم صد على بان گال

-اليوم اكو.فد وحده مالها صوت خانسة.

ماردت علية ندستها گالت

-هااا تحاجوني.

ضحك هجان گال

-ماكو شئ يستحق التفكير.

ابتسمت گالت

-اي اكيد كل شئ من بعدك انت وماما تافه وماله قيمة..

هز راسة هجان بدون مايحجي شي..

كملنة الاكل شلنة المواعين غسلناهن اني وبان.

خلص اليوم ثنينة نمنة وقت متاخر..

كعدنة ثاني يوم على هوسة العرس بين الصالون والقاعة كومة شغلات صارت..

اخر شي ختمنا ثنينه بالقاعة حجيت وياها انو تنسة كل شي وتعيش.حياتها وتجرب تنطي لإسلام فرصة اذا تشوفه يستحق..

زفينه بان واسلام للفندق رجعنة للبيت التعب يقرا الف

باليل هستوني نمت دك جهازي شفت بان ستغربت وخفت عليها بنفس الوقت...

فتحت خط حجيت الو بان!!

رد علية اسلام

_ هلا گمرة احجي ويه بان تريدج.

رديت بخوف وتوتر نطينياها

اسمع تبجي وتشاهك نكسر گلبي وخفت لا متمم زواجه منها..

درجه كرهت روحي ونصيحتي لو ادري مناصحتها..

-بانه حبيبتي وياي تسمعيني ليش هل بجي مصار شي يعمري، هذه سنة الحياه لاتبجين يروحي..

ردت من نص دموعها

-اريدج يمي گمرة والله ماتحمل وجع كلش قوي.

ياا ولج يعمري شلون اجي باعي ماكو شي كومي سبحي وارتاحي اخذي بندول ونامي.

ردت

- ضحكت گالت يااغبية، البندول شجابة بالنص مو الي بالج، ولج مشتاقتلكم باجر اسافر وماشوفج والله امووت عليج الله تعالي

گمرة: تدرين تمنيتج يمي حتى اطيح صبغج حقيرة والله افكار كوم اجت بالي الله اكبر عليك تزوجتي وماخلصت ولج ساعة ١١ونص باليل تخابريني هيج تخبليني..

ضحكت بصوت گالت

- على گلبج والله هسه راح نجي اني واسلام ناخذج سوي روحج متدرين هسه اسلام يحجي ويه بابا

گمرة: ثنين عرسان شدخلني بنصنم شبيج باباتي تخبلتي عوفي الشيطان ثالثكم احسن.

بان: ولي هسة حضري روحج شخسرانة مثلا.

گمرة: ولاتكعدين راحه

بان ولج بابا وافق كومي حضري روحج.

گمرة: كايمه دماغ سزز

سدت الخط وياي ثواني اجت جيلان كالت اسلام وبان جايين عليج..

گمت بدلت اقل النص ساعة اجو دك الجرص طلعت

كاعدة بالصدر يم اسلام شكلهم كلش حللو ومناسبين لبعض.

سلمت عليهم صعدت وره ساق السيارة اسلام لحد ما وصل حديقة عامة كعدنة على مصطبات بمكان بعيد عن الاضوية بان تصور راح يمها اسلام شوية رجع كعد قريب بمسافة قريبة كال

-هسة شصيحلج عمة لو كمرة

ابتسمت حجيت

_ بكيفك.

شبك اصابعة ببعض كال

اسلام _اذا مرجع للاصل فاانتي عمتي لصغيرة

ابتسمت بهدوء حجيت

-لامراهمة انت اكبر مني عوف هل رسميات ناديني بااسمي

تحمحم كال

- اي ياكمرة شخبار كليبج

تفاجئت من سؤاله جاوبته بتوتر ملحوض

-يسلم عليك

سحب نفس طكك اصابعه كال

-بما انو انتي انثى اريد اعرف منج شي عندي صديق غبي صارت وياه سالفة واريد راييج

انتضرته يكمل كلامة بدون مااحجي.

تحمحم كال

-ياكمره كل مافي الامرصديقي يحب وحدة علاقة طويلة بينهم لحد ما دخلو بنصهم المايخافون لله

وحدة حاولت تنتقم من البنية رايحه مسولفه لصديقي ومنطيته هواي ادلة منهن صور وفيديوات وتسجيلات وصديقي ملاحظ الي يحبها اختلفت اخر وقت

تسال اسئله عجيبة مما ثار الشك وتااكد من كلام البنت الي حاولت تخرب بينهم مطلع ملفات وتسجيلات ومسجات من خلال رقم حبيبته لحد ماعرف هيه ما  خاينتة ..

طبعا قسم باالله العلي العضيم جنت شاهد على كل الي يصير اشوفه كداميي تعذب بس ما باليد حيلة

اخر مره قبل فترة جنت ويا بالقاعة يرفع حديد فجا وكع منه الحديد انهار بالكاع درجه ضرب ايده بااحدا  الالات بهل وقت اتصل علية ابو

كالة خطبت فلانة لاخوك تعارك وياه فترة الاسبوعين قنع ابو انو هوة يحبها واهله شاهدين بيومها يحجي ويه حبيبته عادي يريد يفهم منها لحد ما دزو بصمة تسجيل اله بوقتها سمعتها لان جنه بهل المكان الي كاعدين بي هسة

تكول اله افاجئة بـ خطوبتي فجا البصمه نحذفت سالته منو الي يدز يكلي اتركها علية...

لحد ما صارت مشكله راح هوه صار كلام واهل البنية انطو موافقة لابو وصار خطوبتهم رسمي

كمرة

نقهرت على صديقة شلون متعذب زفرت نفس بالم حجيت

-الله يساعده الصديقك حقه والله هيج متعذب خاصتة ماصدك ..

هز راسه صد علية للنص كال

-بس حبييبته هم خطيه..

تنهد  وزفر نفسة  اردف

_بيومها رحت ورا ضل يضرب بالسيارة درجه عافني راح للسايد يريد يعبر ضربته سيارة والله سترة مصار بي شي

ثاني يوم راسل حبيبته هنا نصدم من الرسالة كايلة

؛ ماحبك ولااريدك كل همي انتقم منك وهسه نتقمت من خليتك تتعلق بيه منك لجهنم الحمرة يانذل

هنا طكن عده وتخبل اله يتزوج بيوم الي جانو على اساس خطوبتهم راح خطب اخت صديقة

وفعلا بيوم خطوبته صار الما يكن بالحسبان وحبيبته انتحرت او بالاصح حركت روحها ...

و  عرف جساس بحبيبته كمرة تحبة وكل هل مخطط من امها وعمتي فجر واختي بطة.

كمره :  مركزة وياه لدرجة دموعي بعيني صارت..

مجرد ذكر جساس وذكر ني احس الخنكه ترست صدري بحيث ماكدرت احجي شي بس دموعي تنزل وصوت شهكات احس كلبي يريد يطلع..

نفسي سرع وشهكاتي علت..

ماكدرت احجي حرف واحد اسلام مركز عليه كال

- اهدئي هيج تاذين نفسج زفري نفس بهدوء

كمرة: شفايفي ترجف اوبااحرى جسمي كله يرجف بان رادت تغسل وجهي غمضت عيوني بقوة اريد اصيح بصوت يسمعه العالم كلة شنو ذنبي اجيت بهيج عائله  امي الي ولدتني  طلعت من احشائها هيج تسوي بيهة بياذنب اقترفتة....

لحضات  عطره ترس نفسي  ما اشتم غير عطرة معقولة حنيت او اشتاگيت للـ كان بسبب دماري...

شديت على عيوني ما اريد افتحهن واشوفة تمنيت الله ياخذني بهل وقت..

بهل لحظة فلا  تندمت لان نتحرت ابد ماجنت متخيلة اصير بيهيج موقف...

حسيت على دفو احتضن  ايدي رجفه كلش واضحة ثواني معدوده صوته اخترق مسامعي..

-كمرتي، بنيتي، هدئي اني يمج..

حسيت فراشات ويتطايرن بداخلي..

فرحت لان وجوده امان الي..

بس مجرد مر طيف عقدة وشماته الي تسمه امي..

كرتهة كرة الذين كفرو.

لحد الان اتذكر  هوستها جساس رايد رادته وعايف بنات خالاتة.

ونضرات الشماتة فلا انساهن..

فتحت عيوني  بحقد  صديت علية كاعد قريب علية وكامش اديني..

التفت على الجهة الثانية  اسلام وبان كاعدين شوي عنه.

صديت علية ركزت بعيونه  اعاتبة على الي سواه وياي..

مر وقت طويل مجرد تذكرت كلامه الي حجاه  عليه ورده فعلة.

كرهت كل شي كزيت اسناني بقوه نترت اديني منه و كمت ركضت لجهة  اسلام وبان.

اجه وراي راد يحجي قاطعته .

-رغم كل الي سمعته هسه بس تستاهل جساس انت شي حلو بحياتي وانتهى قبل لايبدي فااترجا ك يا جساس اتركني ما الك نصيب وياي وانت عاقد لاتصير اناني..

عقد حواجبة شد قبضة ايده كال

- على الاقل  نبقة نفس قبل اصدقاء

ضحكت بستهزاء مسحت دموعي  حجيت

- لاتنسة جنه اصدقاء وتطورت العلاقة لهذه ياجساس ماكو صداقة بين الذكر والانثى لازم احد الطرفين يميل للحب .

ابتلعت ريگي واردفت

عيش حياتك ومتهني بعروستك انت الله يهديك على الطريق الصح واتركني  بحال سبيلي

راد يحجي قاطعتة

صدديت على اسلام حجيت

_اعتقد خلصت النص ساعة وراكم سفر

هز راسة وتنهد بصوت مسموع گال

اسلام .بان روحن كدامي هسه اجي

انطتني بان  ايدها مشينه بعدنه ماتركتنة مسافه اجه ورانه كملنه طريقنه للسيارة طول الطريق السكوت سيد الموقف

وصل قريب باب البيت التفت عليه كال

-الصبح احنه مسافرين بس حبيت ابين الج الموضوع لان اختي جانت من ضمن مخطط عمتي لهذة لاااكثر بقت يمج اتمنه ماتشيليم بكلبج علية

ابتسمت حجيت

- بان امانه يمك تره هذة طفلة لايغرك شكلها ولسانها ومشاكلها بس تدوس وياها تبجي وتعال الي يراضيها

ردت بان

-اووي عيني صرتي الجبيرة هسة على كيفج كلبي

ضحكت نزلت بعدما ودعتهم انتضروني ادخل للبيت ياله راحو

بيومها ولا كدرت انام ندم على ضوجه على حقد شعور مختلط..

فتره بسيطه اجو بيت عمو عماد عزمونه على خطوبة ليث حضرنه اغراضنه اني وبسيل رحنة لبغداد مشت الايام وصارت خطوبة ليث ومرجان وزواجهم ررغم حلو اجواء زواجهم ..

جساس ماعندي اي تواصل ويا رحت للهول لعمتي اريد ادخل نصدمت بكلام عمي

-المهم ياديسم هسه العمليه نجحت وانت بخير

-ايي ايي هلا بيك تعال البيت مفتوح

- الله ويك اخذ راحتك وليدي.

دخلت للهول سالت عمو

_ شبي ديسم

ابتسم  وگال

_ ديسم قبل اربع ايام رجع من السعودية جان مسوي عملية.

شهكت  ونزلن دموعي.

كعدت عمتي ام ليث  وياي  گالت

_گمرة مايصير بسيل تعرف لان بس الله يعلم بحالها  اذا ترفت وهي حامل وهل فترة مزعجة الها..

بيومها قتنعت  وماحجيت.

عمو وعمتي يردون  يرحون لكربلاء  مجرد كال

_بنتي گمرة تجين ويانة؟؟

ابتسمت بدون مقدمات حجيت 

_اي والله عمو

ثاني يوم الفجر توجهنه لكربلاء زرنه وندعيت لـ بان و اسلام وهجان وجيلان  وديسم وبيسل درجه نسيت روحي غير من ردنه نطلع من الامام العباس ركعت بدون اي سبب ونطقت هل كلمات درجه بروده وراحه اخترقت جسمي وقلبي..

دخيلك ياكفيل الايتام  احلفك بحق زينب عند الله  تكفلني اني يتيمه  بضل اهلي..

طلعت من الامام مرتاحة درجة اوزع ابتسامات..

فترينه بين الحرمين وشوارع قريبه..

عمتي اخذت ملابس لـ ابن بسيل وثوب لمرجان والي ودريد وجمان اخذو العاب العصر تغدينه رجعنه لبغداد..

الطريق كلة صافنة...

لحد ما  وصلنه لبغداد  تحديدا  بيت عمو عماد..

دخلنة جوة البيت  فارغ لا مراجان ولا بسيل  طريق المطبخ والدرج كله دم..

عمي نصدم توقع ليث ضارب مرجان طلع بره يخابر وتحلف لـ ليث ركزت عمتي على بقعه الدم كالت

- بسيل صاير عدها ولاده هذه وينه باين

طلعت وره  عمو مستعجلة  واني اطرش بالزفة ما فهمت قصدها..

حجت وية عمي  اتصل على مرجان

طولت يالة ردت واتضح  وفعلا بسيل والده

عمتي غسلت البيت ردت اساعدها مقبلت كالت

-لومتزوجه جان خليتج بس مايصير انتي بعدج..

تفاجئت على المعرفه الي عدها بالنهاية كله دم شلون فرقت  وليش مايصير اغسل بمكانها؟؟  شنو الفرق.

كملت عمتي  ودخلت للحمام سبحت بسرعه  طلعت مجهزة نفسها..

راحو عمي وعمتي وبقو  وياي  الجهال لـ  نص اليل  اجة  ليث. مرت الايام وبسيل بالمستشفى.

مرجان وليث بيناتهم مشاحنات تمنيت اشوفهم متصافين..

اليوم المفروض تطلع بسيل

كعدت  من وقت ويه الجهال

نزلت مرجان وجهه مورم  واضح عليها اثار الضرب..

بس رغم الدموع الي بعيونها تضحك..

سألت عن عمتي بالكوه فهمتها شتكول ختمت ضحكة..

لليل جابو بسيل  الطفل كلش حلو  ضليت سهرانة وياها..

ثاني يوم اجة ديسم  اخذونة  اني والجهال للبيت.

مرت الايام وقدمت خارجي سادس.

ايام ماشفت طعم النوم  والراحة بيهن..

ليل نهار سهرانة ادرس  اريد اعوض عن الي  ستهانيت بي..

ديسم وبسيل  ابد ما تركوني الي يشوفهم ما يگول ادرس سادس لا عبالك رابع ابتدائي   يتبعولي  ويسوولي امتحانات  واذا اخذ اقل المية  ارجع اعيد الفصل لحد ما اخذ بي مية..

حفضت المادة على الغيب من گد ما درستها..

اجت الامتحانات والت تر فول احجي وية بان تخفف عني وتروح.

لحد ما اخر امتحان قبل فترة خلصتة..

واخيرا ارتاحيت..

لحد ما اليوم النتائج..

گلبي نار ديسم كامش ايدي وبسيل تطلع النتيجة..

خوف على رعب  على توتر مخلوط بقلق..

اصعب وقت بحياتي لان اذا رسبت الف شامت وراي..

كلها تستهين بـ ديسم لان درسني ووكف وياي.

قطع حبل افكاري صوت  سدت اللابتوب..

صديت عليها تنهدت  گالت

-شكد تنطوني حتى تعرفون النتيجة!!؟

رد عليها ديسم

-الي تردي انطيجياه بس احجي

بسيل: تعفيني من الماجستير

رفع حاجبة كام وكف گال

ديسم: تسلمين ست بسيل خليها على گلبج النتيجة  والدرجة اعرف بـ بنيتي ناجحة، وسوالفج بطليها  والماجستير وراج وراج لو يطلعلج مشلخ هم.

ردت بسيل بستفزاز :

_والمعدل ماتريد تعرفة شگد!؟؟

ماتحملت حجيت

_ ولج احجي يمعودة والله گلبي نار احسة صوت دكاته دتطلع لـ برة..

ردت بسيل: ها ديسم ، شتگول؟

ديسم: سلامتج بزونتي بس الي بالج نكعي وشربي مية.

بسيل: ٥٩واعشار

گمرة: اييي المهم نجحت

باوعلي صفح گال

ديسم : غردي بسيل شكد المعدل ، ماصدك هذه المعدل.

ردت بسيل : شووف بعينك اذا ماتصدك

فتحت بسيل  اللابتوب لديسم رفع حاجبه وابتسم سحب نفس براحة رفع راسة گال

-ماقصرت..

بسيل:هسه تستحق عزيمة.

كمرة:شبيكم يمعودين ترى دوختوني طرشة بالزفة..؟!!

ابتسم گال

ديسم: معدلج ٩٩واعشار مبروك يبعد هلي، رغم خارجي بس جبتي نتيجة وكسرتي شكو واحد شك بنجاحج..

مجرد حجة ديسم احس برودة واخترقت جسمي من فرحتي صرخت حجيت

_ صدكككككككك واللله معقوووولة هل معدل

ماعرف شلون اعبر عن فرحي بحيث ابجي واضحك..

ابتسم ديسم كال

- تستاهلين بنيتي.

بلعت ريگي حجيت بحماس

_اريد علم نفس

رد علية ديسم

_ليش مو طب واختصاص علم نفس وشعجب مو جنتي تردين دماغ حسب ماتذكر؟!!

گمرة:من جنت بالثالث هذه امنيتي بس هسه تغيرت اريد علم نفس.

ديسم:انطيج نصيحة وانتي بكيفج.

گمرة: اكيد بس شنو هيه

كعد مقابيلي گال

ديسم: علم النفس بالعراق مالة مستقبل نصيحتي لج اخذي طب يااما اسنان صيدلة نسائية عام قلبية يااما دماغ..

ولاكثر استفادة الج نسائي والقلبية والدماغ واذا عن علم النفس هذه عليه  اني ادعمج بكل شي يخص علم النفس.

وبهل حاله انتِ دكتورة كذا شغلة ومدعومه بكل شي يخص علم النفس من لغة لجسد الادراك، قراءة الافكار، عقل لاوعي وتحضرين محاضراتي داخل الجامعه وخارجها، انتِ  بهل حالة مستفادة ومطورة نفسج بـ كذا مجال.

لان هنا العراق العظيم اذا سمعو واحد رايح استشاري نفسي مو دكتور يصيحون علية مخبل مو نوب  دكتور نفسي وانت من خيالج تخافين.

بسيل: گمرة احسن الج والله

تنهدت حجيت

_ديسم وعدد بكل محاضرة ويا ك!!

ديسم:اذا ماعندج محاضرة او دوام اكيد.

گمرة: اوكي لعد ياله قدمولي

ضحك ديسم گال

-بعد غير يفتح التقديم

بسيل:اي مو احنة، نحضر العطبة قبل الشعلة مدري شلون هه

گمرة :لو ما انتم فلا اخذ هل معدل

بسيل:اي مو احنه قرينة وامتحنه، حبيبتي والله انت شاطرة بس مجرد زودناج بالمعلومات وانتي درسيتي وسهرتي.

گمرة: احبكم واللة

ديسم:بنيتي هذه تعبج على گولت بسيل

گمرة: اخذت صورة للمعدل والدرجات

نشرت على الفيس كتبت

بعد كل هم وغم فرج.

شكرا كلش هواي الكم بفضل اخوية سندي بالحياه ديسم وزوجتة بنت عمي لو ماانتم فلا اخذ هل معدل تعبتكم هواي يااعز من فل وجود ربي يحفضني الكم واتعبكم زياده نهيت الكلام باايموجي يضحك سويتلهم تا ك ثنينهم.

شاركو المنشور وباركولي

هجان والولد ولبنات كلهم علقو باركولي من ضمنهم جساس كاتب

؛؛الف مبروك النجاح فعلا ديسم اخ والنعم منه

نطيت اعجاب مارديت علية ..

ورة شوي راسلني يباركلي.

مافتحتها.

باليل هجان عزمنة على العشة وعيد ميلاد جنى بنت لبيب

حضرت اغراضي ونمت

كعدنه الفجر بدلت طلعت لكيتهم مخلصين طلعنه للناصرية الطريق نمت لان مطفية وصلنة للبيت هجان كملت نومتي بغرفة بان..

ماحسيت غير على ضربة جفلت بحيث اتلفت منا ومنا تفاجئت بوجود بان

ضحكت اجت حضنتني تباركلي وتگول

بان:يوم الي اشوفج احلى عروسة

قلصت عيوني حجيت

-على گلبج

بان:يالة كومي تعشي

-ليش بيش الساعة

بان: ٦ونص

گمرة عزا صارلي شكد نايمه

بان:من الامتحانات غير سهر وتعب

گمرة: ياله لعد امشي بس منو اجه

بان:كلها وداعتج

نهت كلامها بغمزة

رفعت حاجبي حجيت

_ لاتوسخين دماغج

بان:كومي ضلعي سوالفج بطليهن طالعه كدامج تره جساس والولد هنا

گمرة:وتگول جيلاان هسة بان تعقل من اسلام

بان خلصي واشوفج الفيديوات خبال وربج وانت مو تشوفين ستوريات الانستا ماوصلتلج فكرة خبالنة..

گمرة:لا اصلا الخبال يدك الكم تحية.

ابتسمت بغرور وطلعت، لبست حجاب وطلعت وراها كلهم كاعدين بالهول عمامي وابوي وامي.

غسلت وجهي رجعت سلمت عليهم ديسم اشرلي اكعد يمه.

جساس كاعد بصفه من جهه والثانية دريد وجمان وبسيل.

ابتسمت تقدمت بصفة من جهه دريد.

تعشينه والكل يحجي مادرت بال لاحد خلصنه اكل اني وبان رحنه نبدل مشاعر وجيلان وبسيل ومودة ولباب كلهن يغسلن المواعين..

طلعت فستان وردي فاتح لبسته اجت باان بيدها مغلف نطتنياه گالت

-هدية نجاحج وتفوقج وكسر خشم كرايبج واتمنه اليوم تلبسينه.

ضحكت حضنتها حجيت

-يحبيبتي ليش متعبة نفسج

ابتسمت گالت

-تستاهلينه والله ياله بسرعة لبسي.

ضحكت رحت بدلت رجعت يمها وكفت يم المراية تفاجئت شلون جايبتة على قياسي فيت

بينصل طويل لون نبيتي

حطيت مكياج قليل كلش وحمرة نفس لون الفستان

دخلت مودة وبسيل شافني تفاجئن لان بعادتي البس بڤ..

حجت مودة

- عين الله تحرسج ولج شنو هل جمال ، ليوم وين اضمج من عيون ذولاك الناس.

قلصت عيوني حجيت

-يولن.

ضحكت بسيل گالت

-فدوة لله تخبلين والله..

بان:لعد شعبالكم اختار شئ محلوو

گمرة:مو بالحيف اصبغج شوي.

بان: طايحه حظ تعرفين.

گمرة: للاسف اي

بان : ديلا ولي ، وصدك عمة بسبس امي وين

بسيل:بغرفتها تبدل.

بان: طالعة اشغل الديجي وانتن تعالن

گمرة بدلت بسيل ومشاعر ومودة لبست حجابي طلعنة للهول صاحتني جيلان رحت عليها گالت

-هجان يريدج انتضري شوي.

گمرة:اوكي

كعدت يمها طلعت جيلان شوي اتصلت عليه بان فتحت خط سدته دزت رساله

؛؛تعالي بسرعة ولج بابا يريدج

مارديت عليها رحت للحديقة مالكيته فتحت باب الاستقبال ويطكون بوجهي زينه ضحكت دخلت

تقدم عليه هجان گال

-كل عام وانت بخير،والف مبروك النجاح والمعدل.

هدية بسيطة بمناسبة نجاحج وتفوقج.

من فرحتي حضنت هجان ودموعي تنزل.

كلهم ضحكو ابتعد ت عنه بخجل..

سحبني عليه باسني من راسي گال

-بنيتي واخيتي گمرة لحد يضحك چا غير هيه بعمر لبابة.

ابتعدت بهدوة

تقرب علية ديسم باسني من راسي

طلع علبة من جيبه فتحها اخذ السلسلة

سحب ايدي لبسني اسوار فرفش بي قمر وفراشات..

ستهضمت حضنته ضحك ابتعد عني گال

_ مو دموع اليوم بس ضحكي ممنوع اشوف الدموع

ضحكت حجيت

-قابل ببدي، انتم لازم تبجوني..

عمي باركلي و انطاني ٥٠الف

وبابا تفاجئت بي انطاني ورقة اول مرة تطلع منة..

ابتسمت بدون مااحجي رحت للبنات عيون جساس مراقبتني كل مالتفت تصير عيني بعينة.

كعدت يم بان الي تسوي بالديجي..

اجاني اشعار فتحت جهازي لكيت رسالة من جساس كاتب.

؛؛ ثوبج فاضح اكثر مما ساتر، تفاصيل جسمج كلها واضحة مابعد شئ ويطك على كيفج يابة

لا ارادي صديت عليه ابتسم مسد على شواربة

رفعت حاجبي كتبت

؛؛من تدخل بما لا يعنية لقي بما لايرضية.

ثواني رد

؛؛ ومنو يگول انتي ماتعنيلي؟!

عقدت حواجبي رديت

؛؛كلشئ بينه انتها من سنتين لهذه سد الموضوع لاانت تعنيلي ولا اني اعنيلك شئ

رد

؛؛بس قصدي ك بنت عمي وخالتي لااكثر ولااقل،المن عل كلام ليش متگولين انت تعنيلي ليش هل دوخة كلها..

عصبت كلش.رديت

؛؛الغي بعد

دز ايموجي هواي يضحك

ابتسمت بعدم مبالا ماريد ابين ضوجتي..

ثواني حجت بان

_گمرة تعالي شوي.

هزيت راسي گمت وراها لاحديقة، ابتسمت گالت

-ولا ردت اجي واحجي وياج بس استاذ مغرور الي هوة اخوج دزني عليج يگول خل تلبس اي شي على الفستان..

گمرة: صد ك والله هل درجه ضيگ

بان:لامو كلش بس ماعرف والله، شو دز عليه والي گالة حجيتة الج.

گمرة:البس فوكة بشت لو اغيرة!؟؟

بان: لاهذه ولا هذه عندي شنر شيفون لو اسود يكعد ويه النبيتي لبسي ولاتقفلي، يطلع كلش حلو وهيج تبقين لابسة الفستان..

گمرة:تعالي طلعي غراضج كومة.

ضحكت گالت

- مال شهر غير.

مشت كدامي للغرفه طلعت الشنر لبستة حلو.

رجعت وياها للاستقبال

لكيتهم ينتضرني شغلو الشمع والشعال كلها تكول هابي بيرث دي جو كلش حلو اول مره احب عيد ميلادي..

طفيت الشمع كصيت الكيكة، جهاد انطاني مغلف فتحته كرة الثلج وبنصها روبانزل تهز بشعرها وتفتر شكلها كلش غريب وحلو تشكرت منه حطيتها على الميز

ساعة كاملة خلصت الحفلة، الكل كاعدين على حب لله والوطن بس عمي ماهان عليه يشوفنة نضحك ستأذن من الكاعدين گال

-من رخصتكم بس ياديسم تعنيت اليوم حتى اخطب اخيتك گمرة لوليدي جهاد على سنة الله ورسولة..

من صدمتني صفنت بوجة ديسم رمشتلة غمض عيونة بهدوء گال

-اعذرني عمي بس گمرة عدها دراستها وينها وين الزواج

بعد ماحملها مسؤلية هسه وحالف وماازوجها اذا ماتخلص جامعتها.

رد علية عمي

_شتحچي وليدي گمرة جبيرة وواعية وخليها هسه بس عقد ورة ماتتخرج يزوجون.

ديسم: عادي ماكو اشكال ينتضر ورة التخرج يعقدون ويتزوجون نفس الاسبوع.

رد جهاد

-ليش تصعب الامور بالنهاية گمرة واعية وتعرف تاخذ قراراتها عوفها هية تختار.

ديسم:هذه كدامك اسألها واذا وافقت انطيكياها بعبايتها واليوم هم اجيب السيد يعقدلكم، بس قسم بذات لله اذا رفضت منعن باتن واحد من گرايب يخطب گمرة لان يصير غير حجي.

گمرة: فرحت وافتخرت بكوني اخت ديسم، تقدم علية جهاد گال

_ گمرة موافقة على كلام ديسم.

باوعتلة بستهزاء حجيت

_كلامي مايعلى على كلام ديسم لو بحرف.

ماريد اتزوج من زمان كلكم تعرفون بالي انجح واحقق من طموحي.

كعد جهاد صار مرادد بين ابوي وعمي على ماعندك سيطرة

دخل هجان واركان هدئوهم وجساس على كعدته الكاع تحركت وهوة ولايم احد..

كعدو من بعد كلام ومجادل طويل كام جهاد هستوة راد يحجي سبقى جساس گال

_شكد شايف كواو** وشلنفصية بس نفسكم مشايف، بس اريد اعرف لو ما العشيره كلها تعرف بنت عمري رايدها وهاويها وصلنه للخطوبة لو ما ولد الكح** المايخافون الله حطو خشومتهم.

وصلت كوادت** تخطبون حبيبتي لـ اخوي وكدامي هم عاد لو ميت لو مقصوف اعماركم احسن، وين حرام والحلال مالتكم.

رد عليه عمي

-شبيك حمار المن هل غلط ولا يكلك بالجيش موصخ سمعت الجيش العراقي الباسل بسوالفك..

ضحك رد

_الي يسمعك عراقك الباسل معلك بالسماء ولايكلك هذه الي بعتة انت وامثالك هَي هيييِ من يومي وثلث يومي كوا* وماستحي وتخجلوني مني

وجهاد الابن الواعي المثقف الي يسمع كلامك، عوفني من سوالفك حجي اريد احجي بالمهم انت وامثالك متفيد.

المهم گمرة ام غمازة و خدود الي ممنوع احد يقربلها لان والله العظيم طلقة وحده اسفره لدار السلام وله لكلكم عندي الافضل الي هيه البسكم قضيه تهريب، تفجير والله ومحمد وياكم..

كام جهاد گال

-شبيك ياخوي تسابقني على بنت الي اخطبها،لابالعين ولابالعقل..

رفع حاجبة عصر عيونه التفتت على جهاد گال

-هو منو الي يسابق اني لو ابوك الي يطبل، لك كوا* ما تاكل عسل، ترة وصلت وياكم لاتشوفوني تاركمم تجون تنعثلون..

تقرب جهاد على جساس دفعة من كتفة گال

-مو انت عفتها لو اني غلطان..

مااحس غير جساس ضرب جهاد بوكسين واحد وره الثاني وكع بالكاع دفرة بخاصرتة گال

- ملصوم على حلگي ومااحجي ليش تخلوني افتح المضموم..

عمي مارضة دفع جساس وضربة راجدي

عاط جساس بصوت عالي گال

-مو كافي خليني محترمك لان والدي تدري بيه محترك دمي منك لاتتدخلل اطلع من السالفة والله والله الشيطان متربع بعقلي لاتخليني اطلع من حدودي.

ضرب ايده بالبلازمه كسرها نفض ايدة بقوة حسيت بي توجع درجه نزلن دموعي بس لان تأذة..

بابا وكف ويه عمي گال

-بنتي سنين اني هاديها لابن اخوي جهاد

صا بيناتهم كلام ومرادد لحد ما حجة جساس

-اي مو هيه سلعة وتهديها متسكت رحمة لدينك كافي نعثلة وبنت عمي اني ناهي عليها واريد اشوف كوا* ابن كوا* يحجي كلمه وحده والله والله احركم انتم وعايشين والعلمك عمي العزيزخاف على شيباتك خاف تنحط برگبتك قضية تهريب..

صاح بي هجان طلعة برة لحكة إسلام وحسين.

مصدومه من رده فعلهم مااخلص منهم!!

اجت بان كمشت ايدي گالت

-هدئي ماكو شي..

بلعت ريگي عيني على ديسم كاعد ولا مهتم لاحد.

كام وكف گال

- كلامكم كلة مااهتملة، گمرة واعية ومن تخلص دراسة هيه تختار الي تحس بي مقدرها.

عركاتكم وسوالفكم اجلوها بعد ست سنوات.

رد علية بابا برفض

-لاتخرب العوائل يابو دريد

ابتسم گال

- انتم منو يمكم گمرة يمي والبي حظ يجي لبغداد ويحجي هل حجي مو جايين بيت هجان تخطبون وتسوون نقطة راس سطر خلص الموضوع الي يريدها من صدك ينتضر ست سنوات..

ابتسمت وافتخرت لكلام ديسم فعلا سندي.

صار بينهم كلام دخل هجان بدون جساس..

فوك الساعتين بحجون لحد ما ستأذنو وطلعو.

بقة بالبيت بس لبنات وازواجهن، ثواني دك جهاز هجان.

كضاها كل اي،

اني احلها

لا تبقة براحتها

بي حظ يقنعها

لا تنسة اذاها

اي كافي بس لاتنطي مجال

ايي همه

كفوو

اي هذه الصح

گلة يجي لبيتي انتضرة

اي اي

غلق جهازها

ابتسم حط رجل على رجل گال

_الشيطان الي بداخل جساس طلع..

رد عليه اركان

- الي بالي بالك.

ابتسم هز حاجبة گال

- مورط جهاد بقضية انتحال شخصية،لان ماخذ مستنداتة وجساس ترك السالفة بس هسة رجع فتح الملفات وتهريب مخدرات يتبع..

.

.

_توقعاتكم للبارت القادم.

_تفاعلو على الفقرات. 

وبالنهاية

كل عام وانتم بالفةخير صحة وسلامة وراحة البال ماتفارقكم ربي يبعد عنكم كل حاسد وحاقد ويجمعكم مع من تحبون 𓅙🖤

رواية لماذا احببتك

البارت الثاني

بقلمي اورجانزا الطائي.

حساب الانستا umkno22

.

.

.

.

.

.

.

.

.

.

...

ابتسم حط رجل على رجل گال

_الشيطان الي بداخل جساس طلع.

رد عليه اركان

- الي بالي بالك.

ابتسم هز حاجبة گال

- مورط جهاد بقضية انتحال شخصية،لان ماخذ مستنداتة وجساس ترك السالفة بس هسة رجع فتح الملفات..

رد علية ديسم

_يعني ينسجن

هجان:لا بس يزوعة الـ ٨مليون، هسه النقيب حجة.

اركان:الله يساعدة.

هجان:هسه بالطريق..

لحضات ندك الباب طلع هجان دز على ديسم واركان طلعو وراة ضلينه بس البنات..

نجمن كعدن يمي بالي كلة يم ديسم..

ندستني لباب گالت

_ تذكرين بزواجي من گلتي لـ ابوي كلكم نهيتو على البنات بقيت بس اني وهسه انتي على الواهس نهو عليج.

نهت كلامها بضحكة..

ضحكت جيلان گالت

-بعد شتردين الي تحبي وتكابرين عليه نهة عليج وسكت ابو واخو وابوج

تنهدت واردفت

ترة جساس نضلم حاله حالج ويمكن اكثر منج..

ردت مودة: لا هم الاثنين نضلمتو

ضحكت واردفت

_فكوها عاد ترى مصختوها الوجوة معبسة لعلمجن بس اليوم يمجن.

اخذت نفس وحجيت

_دخت والله عوفو الموضوع اريد ارتاح نعسانة

گمت وكفت ردت اطلع اجت وياي بان طلعنة من الاستقبال.

صارت عيني على الحديقة كلهم مجومعين وجساس الوحيد الي ساكت.

دخلنة المطبخ رحنه للغرفه نزعت الشنر كعدت على الجرباية..

كعدت يمي بان گالت

_شبيج گمرة

ابتسمت حجيت

-مابية شي بس نعسانه..

ردت

-تره واضح شكد يحبج ،لاتنطين بي خطية والله عينج ماشافت شلون، يتصل علية اسلام وشكد يحجون وكل كلامة ياگمرتي وياگمرتي..

بلعت ريگي وحجيت بحزن.

_ متعجية شلون تقنعيني وهو خاطب، مستحيل ارضة..

ضربتني على راسي گالت

-منو كالج، غير هوه فصخ من جنتي بالمستشفى

فتحت عيوني حجيت

_صدك شو محد گال.

بان : اي والله شبيج، هوة فصخ وحتى عمو ديسم يعرف وعمة بسيل حتى ماما جيلان

رديت عليها بتعجب

_محد گال والله

بان : كفوو منهم متشوفين جبتي معدل.

باوعتلها صفح حجيت

_راسي موتني والله، والمعدل شعليه انتي هم مدري شلونج

بان - عوفي كل هل كلام لان ميوكل خبز

كمرة - اي اكيد .

بان -بدون متضوجين ضلعتي بس عمو جساس هوه الي كالي على الشنر لان الثوب ضيك لهذه ام سسوسووري واحبج وعيونه ملاحكتج بكل ثانية شيلي وياج خرزة زرگة.

فتحت عيوني بصدمة حجيت

-ايا طايحه الحظ ليش هيج حقيره هاي عود انتِ ضلعي

ضحكت گالت

_ لان اسعى بينكم زائد زائد انتي ام الانستا لو غيرج الي بفضل جهودج رد الفولو اسلام.

كمرة : وحده بوحدة حقيره

عقدت حواجبها گالت

_ماتسمعين صوت صياح برة؟؟

رديت

_روحي انت ماريد اطلع كدام احد تعبانه حيل.

طلعت بان

غمضت عيوني احس صراع بدماغي ..

عصرت عيوني بقوة حجيت وية روحي يربي الي بي خير الي يصير والله تعبت زفرت نفس بقوة قطع سلسلة افكاري صوت بان

بان : كمره بابا يريدج بالهول

سحبت نفس كمت مشيت كدامها رحت للهول لكيت جساس وهجان كاعدين ستغربت كعدت مقابيلهم

هجان تحمحم كالل

_كمرة تعرفين معزتج ميحتاج اكلج شگد..

بس يابنتي لازم تختصرون الكلام ليش ماتتواجهونن وتحجون حتى تتفاهمون

ليش يوصلكم طشار ويدخل بينكم شيطان اخذت اذن من ديسم تحجون وتاخذون قرار.

وهم هو ايد كلامي حتى تخصمون الموضوع لان اذا طول هل شئ انتِ وجساس تتأذون..

تنهدت هزيت راسي

گام وكف تقرب علية حط ايده على كتفي گال

_بالهداوة كل شي ينحل.

و طلع من الهول

عم الصمت بالهول مر وقت طويل لا اني الي احجي ولا هو..

لحد ما كسر الصمت صوت جساس يگول

جساس: فرصة وحدة!

سرع دگات گلبي احس اركض مو گاعدة

غمضت عيوني اسيطر على نفسي

اخذت نفس عميق و حجيت

- انطيتك ..

اسمع صوت تنهيداتة الي تعذب بية على البطيئ..

لحضات اخترق صوتة اسماعي

-لاتغمضين عيونج

اريد اشوف شگارهن لو هم حرام...

سكت ثواني واردف

_ يبنت الناس سابيتني سبي لاعقل الي يفكر بغيرج

و لاگلب الي ينبض لغيرج..

ولا العيون الي تشوف غيرج.

وحق العباس ابو الدم الحار لاحلت ولاهويت ولافكرت بوحدة غيرج.

عم الهدوء للمرة الثاني اسمع صوت تنهيدتة وية ما اخذ نفس همس بصوت مسموع..

_گميرتي لاتكسريني وتذليني بحبج..

ما تحملت كلامة فتحت عيوني ودموعي تنـزل بسرعة..

حجيت بصوت باكي

- جساس ليش هيج تگول لعد منو الي

ذلني

وكسرني

وهاني..

لهمت شفتي وحجيت بالگوة

ومااكتفيت بهل شي حتى انتقام انتقمت مني..

مسحت دموعي بيدي حجيت

بعد شنو الي تريده كل شي صار من ايدك انت جساس تعبتني والله

لا ليلي ليل ولا نهاري نهار..

فرك وجهة وعصر عيونه بقوة لحضات ركز بوجهي حجة بـ اصرار.

-احبج يـ قاسية

احبج يجمرة تجوي كليبي

احبج يكمره تضوي حياتي

احبج يتاج كلبي

احبج يا رتبة جتافي

ماتحملت كلامة الراء شلعت گلبي شلع

شهكت حطيت اديني على وجهي وابجي ..

حسيت على ادينة تبعد كفوفي ركز بعيوني گال

-ليش حبيتج يبلوة گلبي

يـ شلعان گلبي هل دموع تيزاب وتنزل على كلبي

لاتبجين يبعد عشيرتي كلها من چبيرها لصغيرها يبعد اليسوون والـ ما يسوون..

تنهد گال

_ وحق سابع سماء احبج وناكعة بـ عقلي وگلبي بس ياگمرة دخلو بينه الما يخافون الله وانتِ تعرفين كل شئ..

عندي استعداد انتضرج لاخر يوم بحياتي بدون ملل او تضجور

ركزت بعيونة بللت شفتي وابتسمت حجيت بهمس

- عندك استعداد تنتضرني ست سنوات واكثر..

رد بـ اصرار

_واذا اكلج العمر كله انتضرج وحتى عقد ماريد بس المهم كليبج بااسمي وامتلكه..

رمشت وابتلعت ريگي حجيت

- اريد اثبات منو يكول تنتضرني لـ ست سنوات..

ابتسم وتنهد گال

-كليبي و روحي وتفكيري وجسمي كلهن الج، اكثر من هيج.

هزيت راسي بنفي حجيت

_بس هذني ما يخفن اثر ايدي وگلبي؟!!

غمض عيونه بقوة بعد ادينة عني وبـ خطوات بطيئة رجع ليورة..

ابتسم كال

- اخذج لـ ارقة واحسن الدكاترة والمستشفيات

ضحكت بستهزاء حجيت

-لو اريد من المستشفيات والدكاترة كان سويتهن من زمااان لاكن اريدهن يختفن من الله.

تنهد گال

_كل شي يخفي وداعتج بس تفائلي..

رديت بـ سخرية

_التفائل شعلية بالاثر طبعاً ماتحس لان مو بـ ايدك..

ابتسم وتنهد همس بصوت مسموع

_عد عيناج.

تقرب علية خفت.

گمت ردت اطلع كمش ايدي بقوة.

مركز بعيوني رجف گلبي خفت لا اضعف كدامة.

اخذ ايدي صديت على ايدة بيده جداحة..

رفعت راسي صديت عليه حجيت

_ششتسوي بيها؟!!!!!

ابتسم بدون ما يحجي

عصر كف ايدي فتحتها لزمني الجداحة.

وشغلها حطها جوة ايدة بجيت بصوت حجيت

_ايدددك وخررهاااا

.

ابتسم ويمرر الجداحة يمنة يسرى على ايدة..

الشعر الي بيها اخترك ووضح علامات الحرق بيها..

صديت علية ما تحملت المنضر حجيت

_ايدك كافيي.

تنهدت وابتعد.

اخذ الجداحة ضمها بجيبة صد على ايدة سحب ايدي الي بيها الاثر گال

_اثار حرق بسببي بيدج وانتِ اخذتي حقج بيدج حرگتي ايدي بيدج ماتطلبيني دين بعد..

بجيت بصوت مرتفع حجيت

_والله غبي.

تنهد گال

_هسة شنهي يا گميرتي موافقة لا..

ضغطت على روحي مسحت دموعي حجيت

_اذا اكلك لا شتسوي؟؟!

غمض عيونه گعد على الكرويتة فتحهن گال

-ارفع النهوة وابتعد عن طريقج وما تشوفين وجهي.

واذا الله راد يجي يوم وتحنين علية لان موگميرتي تنسه العشرة..

شد على ايدة وهمس

_واريد من الله كوا** ابن كوا* يتقربلج حتى تهمه وحدة اذبه وره لشمس وانتي ممحلفتني محاجة اسولفلج مكاسري.

بلعت ريگي حجيت

_ لعد ماريدك وانهي كل شي هسة بعل وقت..

رفع راسة ركز بوجهي رمش مرتين بسرعه گال

- لاتسوين هيج ماتعرفين الي مريت بي ولج حتى اليل مانمتة من وراج..

ركزت بعيونة حجيت

_وين كلامك؟!

ضرب لكمة بـ جف ايدة گال

-ليش الحب هوه لبسة شوكت ماتعجبج ترجعيها

ولج الحب لو اكون او لا اكون....

كافي مذلة ياگميرتي و الج ست سنوات ياما اني العايش يالله ماخذني وخلصان من هل دنيا..

غمض عيونة بقوة واردف

_بس اريد اگلج هل حجاية لان وراي طريق...

كوني لنفسج لروحج الله يوفقج بحياتج اذا جنت موجود بيها او لا والكاتبة الله يصير.....

تقرب علية ابتعدت تقدم بسرعة اخذ كفوفي ضحك بستهزاء گال

_زمنن جنتي تحسيني الامان وهيسة هه تنفرين..

تنهد قربهن لوجهة باسهن بقوة طلع من الهول بدون ما يلتفت..

مجرد طلع ختنگت حسيت حرارة براسي دموعي تنزل بسرعة جسمي يرجف معركة حاشده بدماغي...

تعبت درجه عصرت راسي اريد يخف الصوت ا ضرب بقوة غوشن عيوني، ثگل مو طبيعي على راسي ماحسيت غير وكعت بالكاع وجع كلش قوي بـ كصتي ..

حسيت على صوت جرس يد ك صوت طلاب يكولون هيييييييييه واطفال تبجي بصوت عالي...

اصد على الصفحة الثانية سوك مخضر ويصيحون الكيلوو باالاف

التفتت على صوت واحد صاعد على بايسكل يصيح شعر بناااااااات شعرربنااات وين اولي وين ابااات.

و عربانه دفع تصيح حااجه الف حاجة الف

صديت للصفحة الثانية على صوت

ولد يميشي ويصيح يابجاااامة يابرمودة..

حطيت اديني على اذاناتي واحس الدنيا تفتر بية..

غمضت عيوني وفتحتهن و اشوف

مكان لا هو سوك ولا هو مدرسه ولا هو حضانة..

شمرت ادية بالهوة سمعت صوت ضحك

التفتت شفت جساس ضحكت رحت عليه احجي ويا ميجاوب ضايج مني عقدت حواجبي حجيت

_ليش هيج تسوي شبيك هاجن عند ك خبالات ال مشلخ..

ابتسم بخفه راد يحجي فجا تطاير نفس الدخان الاحمر ترس الجو

صرخت بصوت عالي

_جسااااااااسسس جسااااااااااس

اسمع النسوان والزلم يكولون

-الله يرحمه هذه شهيد..

ثواني اختفة الدخان اسمع صوت وراي التفتت

واشوف تابوت شايلينه ديسم وهجِان واسلام وحسين ويصيحون لاالاله اله الله لاالاله اله الله

مجرد سمعت شبة تخبلت اصيح واضرب على راسي واصيح جسااااااااااااااااااس جسسااااااااااس ارجععع ارجعع جساااااااس اشاهك وابجي واضرب بروحي..

تقربت وحدة بيدها بطل ماء ورد رشت عليه مبتسمة..

ويه ما صديت على صفحة حسيت على صوت بان تحجي

گمت بسرعة اتنفس سريع اصد منا ومنا

ديسم وبسيل وبان وجيلان كلهم يمي..

حضنت بان اصرخ وابجي

_اريد جساااااااااس جيبووووو الي والله احبة

هدئتني بان وبسيل

حضنت رجلية لجسمي وابجي وانادي بـ اسمة..

ديسم اتصل على جساس فتح مكبر صوت سمعتة يگول

_خير ياطير متشمت.؟؟

ابتسمت لـ سماعي صوتة مابي شي..

ضحك ديسم طلع من الغرفه.

ضلت بان يمي تگول

_ولج هيج الحب يسوي هرجتي البيت يا جساس يا جساس.

ضحكت ومددت..

خلص اليوم والفجر رجعنه لبغداد حياتي شبه استقرت..

مشت الايام وحضرت للجامعة طلعت القبولات طب عام بغداد وااحلى نفس جامعة ديسم..

بدا الدوام اروح ويه ديسم وارجع خلصت سنه الاولى وحدي اخلص محاضرات اروح لديسم.

طول هل فترة جساس مبتعد عني لـ ابعد الحدود توقعت هل بعد راحة بس الي صار

صرت اتمنة اسمع بـ اسمة ديسم ابد مايحجي بي گدامي رغم من ما اتواجد وياهم اسمعهم يحجون بي او يتصل علية...

بدينه السنه الثانيه تعرفن على ايناس صديقتي بنيه كلش لطيفة وهادئة ماتختلط بااحد تقريبا نفسي..

صادف اليوم الاحد خلصت محاضره حطينه ملازمنه على الستول طلعنه للنادي.

اقل الربع ساعة رجعنه..

و مالكيت ملزمتي بس ايناس لكت ملزمتها بمكانها بيها ورده جوري لون احمر..

ستغربت منو الي حاطلها الورده لان ماعدها علاقة بااحد ضحكت كالت

ايناس - وحدة من الاثنين لو حاطين الوردة بالغلط لو الي حط الورده حلت بعينه ملزمتج واخذها..

باوعتلها صفح حجيت

-اي مومعجبيني واكفين بالسرة ومادري.

ردت ايناس

- وحاتم الي كاتل نفسه عليج مو خطية على الاقل انطي فرصه.

رفعت حاجبي حجيت

-لو يبقى اخر بشر بالكون مايرفلي جفن علية واحد نسونجي وعين

زايغة هسه تلگين ماكو وحده ماحاجي وياها

ردت ايناس

-يايابة الغرور الف

رديت عليها

- لا يمعودة شنو السالفه.

د ك جهازي ديسم رفضتة واستئذنت من ايناس.

تمشيت رحت للمكتب دكيت الباب يمه استاذي سلمت عليهم.

و اشرلي ديسم اكعد يمهم.

ابتسمت و كعدت مر وقت وهم يتناقشون بموضوع..

مليت ونعست ارتاكيت على ايدي وبالگوة فاتحة عيوني..

قطع نقاشهم العميق صوت الباب.

ديسم اذن بالدخول ثواني معدوده نفتح الباب

دخل جساس بـ بدلته العسكرية نزع نضاراته بيد الي بيها جكارة وسلم كام الاستاذ احتراما اله..

درجة صدمتي وانذهالي ضليت صافنة بوجهة بدون مااحجي..

گام ديسم سلم علية وگعدو يتناقشون..

بالي ولا يم الموضوع فقط على الي سالب حرية تفكيري و روحي مني..

حاط رجل على رجل، نضارته وباكيت جكايرة وجداحته السودة المحفور عليها اسمة بالون الذهبي على الميز الي يكون بين الكرسيين يم المكتب.

بيده جگارة و اوراق مركز بيهن لدرجة عاقد حواجبة..

ضجت كلش ولا معبرني حتى ما باوع بوجهي..

تنهدت وسألت ديسم

_بعدلك شگد وتخلص؟؟

صد علية گال

_بعد.

مرت ساعه كامله متحنطه انتضر ديسم يخلص.

درجة نعست..

كام جساس ودعهم راد يروح حجه ديسم

ديسم- جساس بلا زحمه عليك تكدر توصل گمرة بطريقك اتاخر وهي قفلت وباجر عدها امتحان.

بدون مايكلف نفسة وينطي ردة فعل غير لبس النضاره كال

جساس_رحمة قابل شايلها على ضهري انتضرها برة.

طلع من المكتب

صديت على ديسم عقدت حواجبي، ابتسم ورمش بهدوة ستأذنت وطلعت لكيته واكف بالباب مجرد شاف ضلي عدل النضاره وورث الجكاره مشة كدامي..

هزيت ايدي رحت وراه نتمشى بالممر مسافة كلش بعيدة بينه

طلعنه من الجامعة للكراج فتح باب السيارة وصعد.

كعدت بالصدر ساق السياره بهدووء درجه استغربت معقولة هذا جساس!!!

شغل موسيقى كلش هادئة

التفتت عليه مطلع نصف ايدة من الشبا ك

والايد الثانية على الستيرن

عاقد حواجبة ومركز على الطريق

د ك جهازي طلعته من الجنطه ايناس فتحت خط گالت

-هلو كمرة ويه منو طلعتي؟؟

ستغربت من نبرة صوتها غريبة رديت

-ليش، شبي صوتج

ردت

- ولج حاتم اتصل علية عصبي يكول طلعت ويه النقيب مدري الضابط ابو البأر وانتي منين تعرفين ابو البأر

رديت عليها بستغراب

-ابو البأر، صديت على جساس نزع النضارة وركز بعيوني عاقد حواجبة..

احس غركت بعيونة دون وعي جاوبتها

-حبيبي...

صحاني صوتها تصيح

ايناس -حبيييبج شنووووووانت شوكت حبيتي كمرة احجي

غمضت عيوني بقوة حسيت على الجفصة الي جفصتها التفتت على الشبااك نعلت الحظ وايناس سديت بوجهة بدون مااحجي.

فوك الخمس مرات تتصل وارفضة لحد ما اتصل علية ديسم فتحت خط حجيت

-هلو حبيبي

رد -هلابيج بنيتي وصلتو لولا

-حياتي والله بعدنة

رد- ليش ازدحام لو شنو الموضوع صارلكم ساعة اله ثلث والبيت مايبعد غير 15 دقيقة؟؟

ابتسمت حجيت بمكر

-والله ياحبيبي نمشي على بيض نخاف نكسرة

ضحك بهدوء كال

- ديرو بالكم على البيض لعد

ومن توصلون لاتخلين جساس يرجع ربع ساعة واطلع.

- اوكي اشوف منو يكول يقبل احتمال عندة شغل..

رد - انطينياه احجي وياه

-حبيبي يا قلبي انت عندة جهاز اتصل علية

رد- بنيتي هيه دقايق ياله حبيبتي انطي سوالفج بطليهن.

ميلت راسي صديت على جساس رافع حاجب ويباوع بستهزاء

مديتله ايدي بدون مااحجي شئ

اخذه مني بنتر حجة ويه ديسم كله ايي وان شاء لله ستغربت معقوله هذه جساس !!

سد الجهاز شمره بحضني مرديت عليه وصلنه للبيت احس جبل ونزاح من فوك صدري.

نزلت كدامه دكيت الباب فتحها دريد دخلنه ثنينه لكيت بسيل تحضر بالزلاطه سلمت عليها دخلت لغرفتي اخذت ملابس وسبحت نشفت شعري ولفيته لبست حجابي طلعت للمطبخ.

كملت الزلاطه وهيه هدرت التمن احمر

كعدت يمها ننتضر ديسم دقايق ند ك الباب طلع دريد فتحها

دخل ديسم بيده صينيتين مبين سمج شوي.

اخذته منه حطيتهن على الميز فتحت السليفون شكلهن يشهي اخذت الروبه والطرشي من دريد وديسم راح يسبح.

فرغتهن بالطوس صبيت التمن انتضر ديسم يخلص صاحني دريد رحت يمه كعدت بصفه كال

دريد -عمة قنعي عمو جساس يبقى يبات يمنة

كمرة - صديت على جساس لي من شافني التها بجهازة

ابتسمت حجيت

-هوة اذا يحبك اكيد يبات يمك واذا ما يحبك يروح ولا كأنو سمعك..

رد دريد

- بس هوة يكول تعبان واريد ارجع..

- بوستة من خدوده حجيت

_بعد تبقى يمة اذا يبات او لا هو حر بتصرفاتة..

قاطع كلامنة صوت ديسم وهو يكول

ديسم- اي جساس شخبارك صاير مااشوفك

عدل كعدته رد

-هو انت محد يشوفك غارك بالجامعة والببيت

ديسم - وداعتك البيت مااجي هيج وقت بـ اليل اجي

و من الجامعة للشركة وارجع انام بالبيت

بس انت مختفي اخر مره شفتك من اجيتك للناصرية.

جساس- والله يااديسم وقت ماكو بس هل فترة تشبع وتمل مني شغلي ببغداد.

ديسم - شكد تبقى؟!

جساس- تقريب الشهر اذا مو اكثر الله اعلم.

ديسم -على مود ذيج السالفه لو غيرها؟؟!

جساس - يمعود بالجامعه مالتكم كليه گميرة اكو واحد يتاجر اعضاء والولد مختفي شكد ادور علية بس ماكو كل الي نعرف عنه هو الاسم..

ديسم -زين شلون عرفتو وشلون يتاجر بيهن بالجامعة؟؟!

جساس -والله ياديسم عن طريق الورد بيهن نسبة مخدر البعض يغتصبوهن والبعض يتاجرون بااعضائهن واكو يغتصبوهن ويتاجرون بيهن..

ديسم -حسبي لله ونعم الوكيل عليهم دير بالك جساس ترة مكانك خطر وحساس اقل حركة ممكن تورط روحك بالاخص اليوم اجيت بـ زيك شعجب بالعادة مدني؟

جساس - الاعمار بيد الله والي بي حظ يوصلني، لان اريد اثير الشبهة واكيد اذا شافوني بالزي راح يتحركون.

لان كذا مرة اجيت بـ المدني ومصارت اي حركة..

ديسم -عوف هل سباعية ترة الانسان بيده يخلق الاشكال لروحه

جساس - وحق سابع سماء الدنيا طالعه من عيني واصله عندي للستار، اذب روحي وين ما كان..

ديسم -يااخوي كول يالله لاتنسة مصارلك غير شهر واحد...

جساس- والنعم بالله..

كمرة -طول كلامهم وبالي يم ايناس اليوم لكت بملزمتها ورده بس لاصار بيها شي..

الف فكره وفكرة اجت بالي شتت الافكار نقلت الاكل للسفرة كعدنه نتغدة اقل النص ساعة خلصنه غدة نقلنه المواعين غسلتهن ويه بسيل اخذت قواطي سفن وديتهن وكعدت يم ديسم راسلت ايناس مترد عليه.

ساعة اربعه اله ربع ستأذن من جساس راح الغرفته.

مرت ساعه كاملة بس يكنك مليت عفته وكمت رحت لغرفتي.

اتصلت على ايناس مترد جهازها مغلق رجعت اتصلت على اختها طولت ياله ردت بس تبجي مافهمت شئ منة غير

_ ايناس مختفية ماكو الها خبر..

من صدمتي رحت للهول مالكيت جساس

سألت دريد كال

-بالاستقبال يبدل عندة واجب

رحت ركض فتحت الباب دخلت وليتني مدخلت درجه نسيت السالفة الي اجيت عليها..

عيوني على خاصرته الي واضح بي اثر العملية..

شهگت وحطيت ايدي على حلگي دموعي تسابق..

التفت شافني عقد حواجبة

لبس قميص اسود قفل اخر دكمتين...

حضن ادينه الصدره كال

_خير ياطير؟؟! يتبع...

تفاعلو على الفقرات

اذا شفت تفاعل حلو انزل الكم باجر بارت.

توقعاتكم للبارت القادم.

اكو احداث جديده ضفتهن.

_ايش رأيكم بشخصية هجِان و جساس وگمرة وديسم.

تفاعلو على الفقرات..

واية لماذا احببتك

البارت الثالث

بقلمي اورجانزا الطائي.

حساب الانستا umkno22

.

.

.

.

.

.

.

.

.

.

.

... مشاعر

. دخل اركان طلع الادوية.

رش كحول ومسحة حط الكانولا صحت  بصوت

_اخخخخ يمةة.

ردت عمتي

_ولك يالـ اغبن شسويت لـ مشاعر هو انت غنم هواي عليك مو نوب تخوط وتخربط بشرايين اابنية مزورك تادينها...

ما حجة شي  رغم عمتي حتى غلط غلطت..

اخذ المغذي شكله.

گعد يمي بسوي بي حتى ينزل على كيف.

مر وقت ومعدتي وجعتني صديت على المغذي بعد شوي وتخلص.

الم فضيع زاد بكثرة..

والخنگة اختنكت اريد اخذ النفس ما اگدر..

افتح حلگي  وخشمي بس اريد استنشق الهواء ما اگدر صدفة عمتي صدت علية شهكت ضربت على صدرها گالت

_عزا العزاااككك يا اركان سممت البنبة..

ولك يا الراعي  تعال موتت البنية ولك يا الاغم تعال مريتك ماتت

وادت عصبية عمتي واني مختنكة..

تصيح وتعيط علية اخر شي گالت

_الله ينطي زوج للماعندة فلوسي ما الله اخذك وخلصني منكموتت مريتك نوب علية قتالين قتلة..

صاح اركان بصوت كان كفيل يسكت عمتي..

اخذني للمستشفى   طللو الابر من شافهن الدكتور  ضال يحجي على اركان لان حديد.

اكبر غلط الي جرثومة المعدة ياخذ ادوية للفقر الدم  ونقص ڤايتمن.

لان  الجرثومة نفس النبات كل ما  تدارينة يكبر.

الفرق الوحيد الجرثومة تتفاعل مع الحديد وتزيد.

ولو ما متلاحگني للمستشفى احتمال القلب يوقف.

خلولي مغذي وابر  بقيت بهل يوم بالمستشفى.

ثاني يوم رجعت.

الجهال يم عمتي..

مددت احس الدنيا تفتر بية..

استمرت حالتي ست اشهر لا اگدر اكل ولا اگدر ارتاح الم ابد موطبيعي  وفوك هل شي ملازمتني نوبات بكاء.

حاليا نهاية ٢٠١٩.

ضهرت على عمتي اعراض صخونة وسعال واختناق..

اخذها اركان للمستشفى اكتشفنة بيها ڤايروس كوفيد 19.

ولاززم تنعزل.

   زوجة اركان تخاف لاتنعدي وهي  مصار الها هواي من ولدت تقريب الشهرين..

بقت يمي اداري بيها واركان يداريني على گولتة

جنت بوحدة صرت بثنين وشلون ثنين يعاندن.

زوجتة راحت لبيت اهلها.

رغم اني واركان ملامسين لعمتي لاكن ما انصابينة.

الجهال باعدينهم ولحسن الحظ صار حضر تجوال  والاطفال ماعندهم مدرسة..

شهرين و١٥يوم عمتي تشافت من الڨايروس بس بقيت اني الجرثومة وياي..

تعودت على المرض بحيث عادي ماعندي فرق...

عمتي بغرفتها نايمة.

واني واركان وفتى كاعدين بالهول

اركان مطلع فلم رعب.

طول الفلم هي تابع  وتضحك لو ما وصل  مشد من صدك مخيف

حطت ادينها على عيونها تصرخ وتگول

فتى: بابي اخاف اخاف وخرة بابي  فتاتك تخاف بابي.

اخذها لحضنة   حضنتة  لحد ما خلص الفلم هي نايمة بحضنة..

ثاني يوم

گعدنة الظهر مجموعين بالهول حجت عمتي.

_اركان اريد اروح لـ بغداد يومين  وارجع ناذا اروح ازور الكاظم.

رد عليها اركان

_ غير حضر شلون تزورين والمراقد كلهن سدوهن.

ردت علية بصياح.

_شبيكك ولك تعلي صوتك علية هاي من شوكت،  واليوم اروح اروح اذا ماتوديني  البس غبيتي واطلع واريد اشوف يا ادبسزز يفتح حلگة..

ضليت صافنة عليها  اول تالي عمتي لهل درجة تنفعل..

  اركان ضاج من كلامها  واخذها لبغداد بقينة وحدنة بالبيت اتصل علية مهوال گال

_ام سيف اليوم جاي عليج اريد جاي مهيل يرد العقل

ضحكت حجيت

_غالي وبغلات الروح تعال عد عينا ك

فعلا ربع ساعة وصل فتحت اله لباب دخل بيدة علاليك.

ميلت راسي حجيت

_ليش متعب روحك..

رد

_اذا مو الـ ام سيوفي اجيب المن اشو ماعندي احد  لا اصرف على حفاضات ولا حليب..

ضحكت حجيت

_ترى لعلمك امي هم ماعندي  سيف وفتى كبار..

ضحك گال

_اصرف ما في الجيب يأتيك ما في الغيب..

ابتسمت وحجيت

_ادخل هسة وبعدين نسولف.

هز ايدة گال

_الله يساعد اركان عليج.

رفعت حواجبي حجيت

_ هاي شنوو

ضحك ودخل  اخذت صينية الجاي والبسوبسة.

وديتها يمة كعدنة نسولف..

صفت على فتى  وگال

_ مشاعر..

رديت

_ها خوية.

اشر بحواجبة على فتى گال

_مو تنطي شبة لـ ذات الله يرحمها..

ركزت بوجة فتى حجيت

_لا وين ولا تشبها بس تنطي شبة لـ بنت هجان.

صد علية گال

_ماتعرفين تشبهين انتبهي على حنجهة يصير  بي عرض وبي غمازة  محفورة حفر.

وخدودها من  ضاجت وضحت عدها غمازة الزعل وحدة بخدها..

صديت على فتى والتفتت علية

صدمني شلون مركز..

بدون وعي حجيت

_بعدك تحبها..

غمض عيونة بقوة وتنهد فتحهن ابتسم گال.

_دمعة تسيل والضوء ينطفي والعمر بدونها ينتهي..

برأيج اگدر انساها وهي كل ما ارمش اشوفها محفورة بجفوني..

وصوتها لحد الان يرن بـ اذاني..

ابد مو راضي او گادر انساها بالرغم هي ابد ما بادلتني لو ربع المشاعر الي اكنها..

تدريتي  ام سيف احيانا اتمنة الله ياخذ من حسناتي وينطيهياه..

تصدكين اصلي الها خاف مطلوبة بيوم..

حتى اكل اخذ من المطعم اهدي الها وانطي للجهال والمگادية..

صافنة بوجهة معقولة اكو هيج؟؟

دمعتة نزلت  فرك وجهة بقوة ضحك  گال

_تعالي اشوفج هذا.

تقربت علية شغل فيد ضليت فاتحة حلگي من كد ما مصدومة..

واحد  واكف يتعمر الها  .

منضر يقشعر  بيده ورقة مكتوب اسمها ويقرا ويگول انوي العمرة نيابة عن ذات....

ما اعرف ليش نزلن دموعي.

لان ما اتوقع اكو احسن من هيج يصلي الها  وداز يتعمرولها  وهي مجانت تعترف بي اصلا..

وكعن دموع على الجهاز  صديت علية دموعة ينزلن  ..

مسحهن ويضحك  ركز بزجهي گال

_تدرين حتى صلاة دفعت الها.

عقدت حواجبي حجيت

_ليش مو تصلي الها امتَ.!!؟

ابتسم بخفوت وهمس بصوت

مهوال:  خاف ماتوصل الها صلاتي لا اخوها ولا ابوها عود ابن عمها..

لهل سبب دفعت الها مال سنتين واني صليت الها تلث سنوات.

وبعيد الاضحى بوفاتها سويت الها ضحية.

ابتسمت حجيت

_كل هذا ومحد يعرف بيك مسوي..

رد_الي سويته مو لبشر كل هذا لح..

غمض عيونه  تحمحم واردف

_مسوي كل هذه لبنت عمي.

هزيت راسي بدون مااحجي.

اكل بسبوسة گال

_شعجب طلعتي من البيت وتزوجتي اركان؟؟

مشاعر: بسبب بنت اخوك.

عقد حواجبة گال

_منومنهن.

رديت

_بان  ذبت فتى من الدرج.

رد

_بان ماتسويها.

رفعت حاجبي حجيت

_وليش ماتسويها

مهوال: اعرفها.

هزيت راسي بدون مااحجي.

ابتسمت حجيت

_سؤال

مهوال: جواب

_عليك الله  تحب بان لان حباية ومفشوگة من ذات الله يرحمها؟!

صفن بوجهي ضحك گال

_بان بكل حركاتها تذكرني، بـ ذات بس الفرق ذات عاقلة مو نفس بان تنطيها بالوجه  بس كـ شكل احسها ذات

مشاعر: تصدك عرفت والله

هز راسة بدون ما يحجي.

لليل راح للبيت.

الجهال نامو  واركان اتصل گال ما اجي اليوم..

لبست دشداشة فالينة وگعدت بالهول ساعة تسعة وربع..

دك جهازي گمت  اخذتة شفتة زوجتة.

فتحت خط حجيت

_هلا والله.

ردت

_مشاعر اريد احجي وياج بشغلة مهمة.

ستغربت منها حجيت

_تفظلي اسمع..

ردت

_مشاعر اريد اطلع من ذمتج انت واركان  والله عذاب الضمير مأذيني وكارها نفسي لدرجة احس الدنيا دارت علية..

عليج الله ابربني الذمة  تعبت من كل شي لا ليل ليل ولا نهار نهار الاحلام ماتفاركني لان مشيت بطريق...

گمرة

بلعت ريكي شتت نضري تحمحمت ومسحت دموعي.

نسيت الي اريد احجي..

هزيت راسي بنفي والتفتت ردت اطلع

كمش ايدي حجة بنبرة خوف..

-گميرة بيج شي ليش هل دموع.؟!

مجرد حجه هيج شمرت روحي بحضنة وابجي..

بادلني الحضن بقوة بدون مايحجي ولو حرف واحد..

ماعرف شكد مر من الوقت واني حاضنتة ما اريد ابتعد..

نفس المغترب ورجع لبلدة من بعد معانا..

نفس المظلوم وضهر حقة..

تنهد بصوت واهن باسني من يم اذاني بين ركبتي وفكي..

ابتعد عني عيونه حمر.

ابتسملي و ركز بعيوني كال

-مشتا ك لشگار عيناج ملهمتي..

ابتسمت اله نزلن دموعي

مسحهن بيده گال

- افقد الادراك كدام نضرات هل عيون لاتبجين يبعد غوالي گليبي

غمضت عيوني ميلت راسي حجيت بهدوء هامس

-احبك جساس

مااحس غير حرارة..

فتحت عيوني بصدمة على بوسته بين شفتي وخدي بلعت ريگي بدون مااحجي..

ابتسم بهدوء كال

-اعشكج ياگمرة اضائت عتمه حياتي.

ضحكت بهدوء حجيت

_ترى اخجل على كيفك..

ابتسم وحجة بهدوء

_خجلي على كيف كيفج شعندي غيرج اخجلج.

تنهد واردف

-كميرتي تزوجيني حتى نخلص بقية حياتنه سوة على الحلوة قبل المرة..

ردت احجي سبقني گال

_لاتذليني بحبج يبعد غوالي گلبي..

ابتسمت حجيت

-تتحملني منا اله اخلص كليه لان مستحيل اتزوج قبل هل شي..

ابتسم گال

-مجرد كلمه «اريدك » تكفيني ماريد اعيش بوهم وبالتالي انصدم..

هزيت راسي حجيت

_ واني اريدك يبعد روحها لـ گميرتك..

بلعت ريگي وحجيت بـ توتر..

- بس قبل كل شي اريد اشوفك شي حتى مو بعدين تجي وتكول تفاجئت لو تلعب روحك ...

عقد حواجبة بستغراب كال

_الي هو؟!

ركزت بعيونة حجيت

-غمض عيونك اول..

ضحك بهدوء كال

-وعيوني شعليهن شبيج كميرتي.

جسااس اذاصدك تحبني غمضهن وماتفتحهن اله اگلك..

اصريت اله يغمض عيونه..

تنهد گال

_روحه وعيونة لـ جساس ترخصلج.

غمض عيونة وعاقد حواجبة..

فتحت سحابة التيشيرت طلعت نص ضهري والتفتت

حجيت بخوف والم..

-افتح عيونك جسااس..

ثواني معدوده نرفع التيشيرت احتضني من ضهري كال

- ياكميرتي ما فد يوم حبيت جسمج..

اني حبيت كلبيج ل وبرائتج ميهمني جسمج اذا بي شي اولا وداعة شكو عزيز على كلبي.

ياكميرتي كل سانتم بيج احبه واعشقة لاتسوين هيج لان من صدك كرهتيني بروحي على هل حركه تشوفيني اثر..

اني حبيتج الج ما حبيت جسمج لان الجسم الة وقت وتضهر التجاعيد..

او من الحمل يترهل..

ابتسمت من نص دموعي حجيت

- هذه اثر الحرك تقريب من شي 10 سنوات او اكثر جانت امي تسوي السخان واكفه يمها مانحس غير طك علينه المي الحار بدل ما امي تحميني وتبعدني عن المي الحار..

خلتني كدامها تتحامه بيه واحترك ضهري..

ماكدرت اكمل كلامي لان ماسيطرت على شهكاتي لـ مجرد تذكري الموقف..

حضني بقوة كال

-الله موجود لاتبجين يا خذ حقج منها..

لاتبجين يبعد غوالي كلبي دموعج تيزاب يحرك بكلبي.

وتعالي گميرة اني وين حجيت وانت وين رديتي شخبار نوافقتج..

التفتت عليه سحب السحابة وهو مركز بعوني ضحكت حجيت

-موافقة والله بس ياجساس ابالك تكسرني لان والله ماتحمل

ابتسم مركز بعيوني مبتسم وهمس

-الله يكسر ضلوعي واحد واحد اذا بس انوي اكسرج.

ضحكت رفعت رجلية وكفت على اطراف اصابع رجلية

وبسته من ارنبة خشمه كال

- ترة تورطين روحج واني حالف ماسوي شي اذا مااعقد عليج.

ضحكت حجيت

-لا وفوكاها شنو السالفه قابل شسويت اني..

قرب وجهه على وجهي انفاسه تلفح وجهي ابتسمت غمز كال

_ حقج مسويتي شي غير بالجامعة مركزه عليه درجه ماكدرت ابقة للن لو باقي افضح روحي بالف ياعلي ما صديت عليج..

بس وداعة شگار عيونج حركاتج ونضراتج مغرية..

فتحت عيوني بصدمة حجيت

_لا هيج جساس ليش هل تفكير.

ابتسم بمكر گال

_ بس وداعتج لو باقي بعد ربع ساعة يمكن اجرمت بيج گدام اخوج.

باكيت جگاير خلصتة من ورة مكيدتج.

لو بالسيارة ركزتي علية لدرجة عاقد حواجبي بس حتى ماابتسم او اضعف گدام عيونج الي ضاربتهن اشعة الشمس.

ما اكتفيتي بهل شي تزودين النار نفط تگولين حبيي.

تصدكين رجعتي امل معدوم لان من يوم الي طلعت من يمج حلفت ماا اقرب الج واخليج على راحتج واذا الله راد يجمعنة يجمعنة.

واثبت الي بعدج تحبيني بـ لهول كدام عيني وتكولين

اذا يحبك يبقى وكلش زين اعرف كميرتي اذا تضوج من احد ماتشوفه خلقتها مو نوب تعزمه يبات بنص بيتها.

ضحكت حجيت

_خطيةة هاي شمسوية بيك اني.

نهيت كلامي بضحك.

ابتسم وهز راسة گال

_ اني فقير كدام جرئتج.

ومن سولفنة اني وديسم شلون مسلطه انضارج عليه درجه ما مهتمة لوجود اخوج..

تخيلي صرت اختصر الكلام واشغل تفكيري بس حتى مااضيع الاول والتالي..

وختمتيها بـ جفتج علية بنفس لوقت الي جنت افكر بيج انو معقولة اذا احجي وياها ماتصدني؟؟!

لان من حجيت وياج اخر مرة رغم نضراتج نفسهن لاكن صديتيني..

كل هذا يهون بس مال مركزه عليه ودموعج الي غركتني بشكار عيونج و الحضن الي لا على البال ولا على الخاطر وفوگاها

طلعتي ضهرج ضيم مال الله وختمتيها بوستج شكول لـ لله ليش هيج تعذبين كليبي المسكين..

وما ادراك ما كيد النساء..

لـ اول مرة من بعد هل مدة احك من كل كلبي

حجيت بخباثة

-لالا خطية معقولة هيج والله قهرتني.

هز رااسه كال

- ارجعها الج قابل ما الزمج والله العظيم نذر علية ليوم الدين من تصيرين خطيبتي اطلع القضة والمضة بيج يگميرتي.

ضحكت بصوت عالي

حط ايدة على حلگي گال

'فضحتينة الله يذبج بين اديني.

تعالي جفتج مو ل لله خير ياطيري شصاير؟؟

ضربت على راسي بخفة حجيت

- يووو نسيت اگلك  صدك جساس اليوم  اني وصديقتي تركنه الملازم بالقاعة على الستول رجعنه لكيت ملزمتي مختفيه وملزمه صديقتي ايناس بيها ورده جوري لون احمر  شكلها كلش حلوو 

بعدها  تركتها ورحت يم ديسم عاد من رجعت ويا ك اتصلت عليه حجينه وراحت

بس مساعه اتصل عليها ماكو مختفيه اتصلت على اختها اكتشفت انو هيه من الضهر لحد الان مختفية.

اثلا مراجعة من الجامعة...

ابتعد عني عاقد حواجبة  ركز بوجهي  كال

- الورده بيها ورك لون اصفر فاقع؟!..

هزيت  راسي مبتسمة

_ اي ككلش حلوة

ضرب بوكس بكف ايده كال

_ تعرفين اهلها وين بالضبط او ارقامه!!؟

هزيت راسي

رد

_كعدي ديسم اريد عنوان مفصل عن هل بنيه هذه الضحيه الخامسة لهذه الاسبوع.

بلعت ريكي بخوف حجيت

-لاااسم الله ماكو شي..

دكم  ازرار قميصه بسرعة  اخذ سلاح من الميز حطه وره ضهره كال

_شو بعدج واكفه روحي يمعوده روحي حاجي

نزيت من صوتة طلعت اركض

رحت لديسم دكيت الباب طلعت بسيل سولفتلها عن ايناس راحت تكعد ديسم اقل الربع ساعة طلع ديسم وجساس

ضل  بالي يمهم اتصلت على اخت ايناس بعدها مختفيه..

للـ تلاثه باليل وماكو خبر من ديسم وجساس اتصل لو يرفضو لو مشغول..

لحد ثاني يوم ساعه ب2ونص الضهر اني على كعدة الوحدة

دخلو للبيت 

رحت تلكيتهم وجوهم متتفسر خاصتة جساس..

خفت حيل بلعت ريكي حجيت

- هاا شصار

تقرب عليه ديسم كمش ايدي كال

-حضري روحج اخذج الها نص ساعة ويدفنونها..

احس بروده خترقت جسمي وشهكه جرحت بلعومي شفايفي يرجفن دموعي تنزل ماتحملت كعدت بالكاع بالكوه حجيت

-  مااااتت

زفر نفس حط ايده على راسه كال

- مغتصبيها وماخذين نص اعضائها منهن الكبد والكلى والقلب والاضرب شامريها كدام سيارة ..

شهكت حطيت ايدي على صدري وابجي

-عزا الله ياخذهم شلون انطاهم كلبهم هيج يسوون والي سوو هيج بيها ماعرفتوهم

رد علية جساس

- تعرفين حاتم ال**** وياج نفس المرحلة هوة هذه الي ندور علية وياه اربعه من غير جامعات.

كمره: اي اعرفه هوه جان يحجي وياها ومن اتصلت عليه بالسياره هوه كايل الها كمرة منين تعرف ابو البأر هوه يعرفك توقعت صديقك.

رد علية جساس

-لو حاجيه جان احتمال نقبض عليه قبل ماتنقتل  البنية

گميرة  بهيج مواقف لاتسكتين احجي وگولي.

كمرة -ماعرف والله  نسيت كل السالفه وتوقعت يعترف الها لان بـ اخر فترة يتودد الها.

هز راسه  كعد على مسطبة

وديسم دخل للبيت..

ضل نص ساعة وصاني على روحي وراح.

على اساس يجي الاحد.

يعني بعد يومين..

لليل اخذني ديسم اني وبسيل لـ اهل ايناس عزيناهم امها  واختها يشلعن الگلب يلطمن ويبجن..

انصدمت  بـ  طفل  تقريباً  عمرة ٨سنوات  يهلس بشعرة كعد كدام ام ا يناس  ويصيح بصوت مجروح طفولي

_جدة امي راحت جدة بعد منو الي جدة رجعيها الي مااكدر بدونها..

بهل يوم نصدمت بيها  عدها طفل.

من سألت اختها گالت

ابن زوجها بعد ما توفة بقة يمها...

الطفل يكسر الگلب الوجه مخرمش تخرمش  واني من تشوفني صورة توقعت اخوها لو ابن اخو ها..

لل١٢باليل رجعت

اليوم كله مانمتة خايفة كلش.

كعدت ثاني يوم رحت للدوام  ورجعت وية ديسم.

مرت الايام والاشهر مابعد شي وندخل سنة ٢٠٢٠

طول هل فترة اتراسل وية جساس.

الحلو بي هو يحفزني حتى ادرس.

سألته على الاثر گال

_تعرضت لحادث بس ماقبل يگول نوع الحادث..

اني هم ما لحيت علية ترطتة على راحتة..

كعدت الصبح جهازي يدك

لگيت ٥مكالمات من جساس.

فتحت خط  علية حجة بسرعة

_گميرتي لاتسمعين من احد قبل لاتسمعين من عندي لاتصدگين بيهم.. يتبع..

_توقعاتكم للبارت القادم

_اكثر شخصية حبيتوها اليوم.؟!

تفاعلو على الفقرات

شاركو مشاهد الي تعجبكم ستوري.

رواية لماذا احببتك

البارت الرابع

بقلمي اورجانزا الطائي.

. حساب الانستا umkno22

.

.

.

.

.

.

.

.

.

. في بعض الاحيان عواطفنا تتغلب علينا لدرجة لا نعرف ما هو الصواب..

..

الجهال نامو  واركان اتصل گال ما اجي اليوم..

لبست دشداشة فالينة وگعدت بالهول ساعة تسعة وربع..

دك جهازي گمت  اخذتة شفتة زوجتة.

فتحت خط حجيت

_هلا والله.

ردت

_مشاعر اريد احجي وياج بشغلة مهمة.

ستغربت منها حجيت

_تفظلي اسمع..

ردت

_مشاعر اريد اطلع من ذمتج انت واركان  والله عذاب الضمير مأذيني وكارها نفسي لدرجة احس الدنيا دارت علية..

عليج الله ابربني الذمة  تعبت من كل شي لا ليل ليل ولا نهار نهار الاحلام ماتفاركني لان مشيت بطريق...  واركان نقذني وحط اسمة للاولاد  لان  ابوي ماسكت بس هو نجاني من القتل واركان مو ابوهم والله العظيم..

رديت عليها

_ليش اصدك بيج؟؟

من يگول صح كلامج!!؛

قبل لا ترد سمعت صوت طكطكة وصفارة بخفوت.

عقدت حواجبي واردفت

_شنو هل صوت الي يمج.

ردت بتلعثم

_هذا صوت الغسالة.

ماهتميت لكلامها و

غمضت عيوني احاول اسيطر على نفسي.

ابتلعت ريگـي حجيت بنبرة شك

_ليش اصدگ بكلامج؟!  وشنو يثبت الي صحتة.

سكتت ثواني  و اردفت

_مشاعر افهمي  اركان لو يحبنـي كان صرت زوجة فعلية  او يعـترف بية زوجة گدام الناس.

لاتستهينين بحب اركان لان  ما تركت طريقة ما استخدمتها معا وهو ما رفع عينة الي.

كل ما احاول اتقرب الة يبتعد عني الف متر.

اسمج واسم فتى ميوگع منة كل حجاية والثانية فتى فتى.درجة وصلت اتقرب لفتى حتى احصد مكان بگلبة..

مشاعر اركان   مو من اليـوم...

طول كلامة اني مصدومة منها انتضرها تخلص كلام  وصلت من اليوم سگتت عم الصمت للحضات معدودة بعدها تنهدت واردفت

_مو من اليـوم يحبج اي صدكي هو يحبج  واني اعترف اذيتكم هواي بس والله العظيم مو بقصد مني شغلة صارت فوك قوتي..

بس احب اگلج يا مشاعر عمرج خسارة اذا ماتتمسكين بـ اركان..

ضحكت بسخرية واردفت.

_اعتقد انتِ الي جنتي تتصلين علية من جهازي او انتِ الي بحجة لهدية والصداقة العميقة اخذتيها سبحة بالذهب..

والله مو راضية اصدك بيج لان الي شفتة ابد مو مال انتِ الي تحجينة..

اذكرج شفتج وين لولا اني اني زوجتة مامتقربتلة لهل حد..

ردت

_مشاعر العلية حجيتة بقت يمج شي راج الج صار ساعة احجي وانت ماكو اگلك اركاان مو اب اطفالي وانت مصرة ابوهم  زين تعالي ليش اني مطرة اتزوج سكتاوي لو ما اريد اتزوج؟؟؟!

فهمي مشاعر  ترى  حتى اركان مايعرف حجيت وياج.

زفرت نفسي حجيت بشكل جدي 

-افهميني اني واركان وصلنة لخط ماله رجعة وكع من نفسي دام فكر بغيري 

وانت اذا بيج حظ وبعدج تحبي  خلي يحبج لان مستحيل اتقبلة زوج الي..

ردت

-صدك تحجين انت مشاعر ترى واضح حبج اله لا تكابرين وتدمرين حياتكم..

ابتلعت ريگي حجبت

_كرامتي فوك حبي مستحيل اخذ شغلة نعرضت لغيري.

وانت تقربيلة خلي يحبج زودتها ترى اني مااريد اشمئو منة لحد الان اتذكر من شفتكم وكارها حتى الزلم.

ردت بصوت خافت

_بس هو ما يحبني يحبج..

زفرت نفس حجيت

_اني اساعدج حتى يتقرب الج وناركم تاكل حطبكم.

ردت

_شلون؟!!

غمضت  عيوني بقوة حجيت

_عوفيها علية بس كوني الكظن الي يتلگاه وهذا كافي يصيح مرة مرتين بالنهاية يتقبل..

ردت

_انتِ ليش هيج وياه ترى يحج ويخاف عليج من النسمة بادلي لمشاعر واني اطلع من حياتكم  لان دخلت بنصكم..

رديت بعصبية مجرد تذكرت شكلهم الي مرافق خيالي..

_سمعيني زين  انتِ واركان ماتسوون الي لابستة برجلي  اني مااحب اركان افتهمي دجرد ردت اخذ اطفالي ولو ما هم  ما جان لگيتيني يمة وعلى روحي مخليتة يدخل انت قربي الج حتى بعد ما يجي لان مجرد شوفتة تلعب نفسي اريد استفرغ.

انسان بايع المستحة ماعندة حلال وحرام وفوگ كل هذا عينة علية واني زوجة اخو انتِ گولي شيگولون الي يسمعون كاط عينة على زوجة اخو غير. كو**  واني ابد ابد مامستعدة احصد هيج القاب من تحت راسة.

ردت بصوت يادوب ينسمع

_والجهال فتى ما يگدر بدونها اركان..

رديت بااصرار

_اني ابعدها عنة لاتدخلين ماريد بنتي تتعلق بي.

ردت

_اخر كلام انت ماتحبي وترديني  اثير شهوتة؟؟

لعبت نفسي من مفرداتها حجيت

_گدر تدهده ولگة غطا ثنينكم نفس الاخلاق.

ردت

_لاتحجين علية هيج اركان انسان رائع..

رديت عليها

_كافي اريد اروح ارتاح لهنا وخلص نفس اتفاقنة انتِ قربي اركان الج واني بالمقابل اطين عيشتة حتى بعد ما يوصلني اخاف على اطفالي منة..

ردت

_لاتنسين هو الي رباهم وشغلة ثانية

اسوي اي شي حتى اقربة الي ماكو شي ممسموح حتى لو ت..

قاطعتها حجيت

_سبق وگلتلج مايهمني انت وياه شتردبن تسوين سوي.

ياله راح اسد..

ردت باندفاع

_مشاعرررر

رديت

_نعم.

ردت بنبرة  هادئة وشبة حزينة.

_اببني الذمة خاف ضوجتج..

ابتسمت حجيت

_مبرية الذمة.

سديت الجهاز منها.

نصدمت بـ اركان نتصل ١٠مكالمات بس ولا حسيت

او سمعت صوت الجهاز..

قطع تفكيري صوتة يگول

_على الاقل قفلي البوب.

شهكت وگمت بسرعة حاطة ايدي على گلبي.

رفع حاجبة گال

_شفتي عزرائيل؟

كعدت على الكرويتة  وگلبي يدك بسرعة    طلع من الهول دقايق رجع بيدة كوب مي.

اخذتة منة شربة وزفرت نفس.

گعد كدامي حط رجل على رجل حاضن ادينة لصدرة..

لحضات صفنت على القميص راح يطگ من اكمامة..

رفع حاجبة گال

_اي ست مشاعر شخبار الاتصال ان شاء الله بخير.

رديت بتلعثم

_اي زين.

هز راسة بهدوء گال

_ما گلتيلي منو كان يحجي وياج لدرجة طولتي اكثر من  ١٥دقيقة.

بدون تفكير حجيت

_هم تحاسبني جنت احجي وية هِجان عندك مانع احجي وية اخوية؟!!

رفع حاجبة گال

_متأكدة وية هجان؟؟ لو مهوال

هزيت راسي بقبول. حجيت

_لا هجان..

احس گلبي من كد ما سرعت دگاتة يريد يطلع.

گام وكف ضرب على رجلينة و تقرب علية  دنك راسة بمستواي

ركز بعيوني ماگدرت ابقة مركزة غمضت عيوني..

انفاسة الدافية المدخنة تلفح وجهي..

حسيت على خشونة ايدة الي اخترقت خدي..

ابتلعت ريگي فتحت عيوني قابت نضراتة الي عجزت عن تفسيرهن..

تقرب علية اكثر لدرجة انفاسة اخترقت رگبتي ميلت راسي مغمضة عيوني..

وكأني انطيج الضوء الاخضر..

رجف گلبي لقربة مني درجة احس نفس المغناطيس يجذبني اله..

رغم لحد هل لحضة بس انفاسة تلفح بشرتي..

لحضات كانت كافية حتى توديني لعالم وردي ما بي غير اني. اركان.

لاكن سرعان ما اختفة هل عالم وتحول لضلام قاتم..

اختفت ابتسامتي من گال

_نزلتي من عيني يا الورثت حبج بنار گلبي..

فتحت عيوني بصدمة رمشت اكثر من مرة احس حرارة اخترقت جسمي..

ابتسم ابتسامة كانت كافية تهد حيلي..

نضراتة الي بيها عتب وكلام اجهل عن تفسيرة...

ابتلع ريگة وهمس بهدوء بعد ما ابتعد عني مسافة.

_حضري الضيافة هجان يم عقيل هسة على جية..

فتحت عيوني بوسع حجيت

_هجان كان ويا ك؟؟؟

عض شفتة ركز بعيوني  گال

_مو جنتي تحجين وياه معقوة ما گال الج رحت وية اركان لبغداد؟!.

لو ومن اتصلت بيج  جنة گاعدين يم صديقي؟؟

ركزت بوجهة حجيت

_ما الك اي دخل بية اني زوجة اخوك لا اكثر عوفني اعيش براحتي انت حرُ بـ تصرفاتك وانا كذالك.

لاتضل تراقبني هيج تكرهني حتى بروحي.

ضحك بستهزاء  وحجة بصوت عالي

_ اي ست مشاعر كل هل حقد اتجاهي؟!؛

بس اريد اعرف هذا من شوكت اني اشك بيج ..

لعلمج يا مشاعـر روحي اشك بيها

بس كفيلج العبـاس ابو فاضل لافد يوم شكيت ولا فد يوم حلت بعيني غيرج

رغم اني رجل من المفترض اتجة لشهوتي لاكن هذا الملعون الصفحة هاويج  و مراضي يبدلج..

واكفة گدامة  هو يحجي بعصبية مكتومة.

و يضرب  على گلبة بقوة.

ابتسمت بسخرية وحجيت

_بس اني ما اريدة،اتركني اعيش بعيدة عنك،وانت متزوج وعندك اطفال  هذا هو بعد المن تركض وراي.

والله اعلم شلون هيج تزوجتها بسرعة كلة سكتاوي بـ سكتاوي.

على فكرة ترى حاسبتلكم اتزوجتو وسبع اشهر ولدت الله اعلم شلون صار هيج..

ولو اتوقع كل شئ منكم على اخر مرة شفتكم بيها بعيد ميلاد فتى وسيف..

فتح عيونة درجة دمارات وجهة وضحن  والي ماجنت متوقعتة بكلامي اهيج الوحش الي بداخلة  والي اول مرة اتعرف على شخصيتة الجديدة..

تقرب علية ماتفصل بينة غير مسافة بسيطة.

ركز بعيوني همس بعصبية مكتومة.

_ احجي عدل شتقصدين بكلامج هذا الي كدامج مو طفل حتى تحجين هيج بيج حظ احجيها طك بـ طك لا تضمين راسج.

ح

ابتلعت ريگي وادعيت القوة ججيت

_ واضح قصدي نفس عين الشمس تدعي ما هويت غيري بس انت تزوجت وخلفت  وليش هل صدفة كلة بالسر وين اكو وحدة تقبل تزوج بهل طريقة؟!  وانت ليش هيج كتلت روحك عليها الة اذا مسلمتك روحها وتزوجتها حتى تستر عليها..

خزرني  وضرب لكمة ايدة بالحايط الي كان نهاية السيراميك..

صاح بصوت عالي

_مشاعر ادوس على گلبي بالي لابسة برجلي ولا اخليج تحجين بعرضي.

ولج بـ شنو اذيتج وهيج تمسيني ول كلام تحجي بحقي.

منعا باتاً تجيبين اقاربي بسالفة تخص الشرف ان كفيلج العباس ما اضمن تصرفاتي.

ولج تطعنين بية  لعلمج لو اريد بـ اشارة وحدة مني هسة اجيب احلى مرة بهل كون.

مو داغر الي يمس شرفة حتى لو بكلمة.

ولج ابوي الكوا*السرسري  هم ما سوة سوايتج   خليج بهل نذالة

بس اياج ثم اياج ثم اياج يامشاعر تمسين شرف اقاربي  خافي الله عندج بنية.

ماتحملت ابقة ساكتة رديت

_اي طبعاً  ماتقبل غير منطيتك الي تريدة قبل لاتزوجك  وانت الي تخاف على الحلا ل والحرام اتزوجتها تستررر عليها.

رد كاز اسنانة   ومشنج وجهة

_ولج لو گح*ب واشوفهن بحيني يگو** هم ما اقبل تحجين عنهن لان كل شخص باافعالة.

مشكلتج وياي ول اخر مرة انبهج عوفي اهلي بحالهم.

ضحكت بصوت وحجيت

_حقك حقك ولعلمك ما تهمني لا انت ولا اهلك للجحيم.

المهم اطفالي..

ركز بوجهي وهمس

_خايف على مستقبلهم لان عدهم ام جاهلة العقل  والتفكير تسقط بسمعة الناس ماتخاف لا الله يگلبها بيها وينعاد الي صار بـ اطفالها.

ولعلمج لو غيري وحاجية  بـ اهلة هيج  يجنزج بس ما اريد. اتصرف تصرف اندم علية على الاقل  بيوم من الايام اگول  هي الغلطت بحقي.

صرت اشك بـ ام سبيل  ام ايليا  وام دريد  يصير بنات عمج.

وبالاخص ام سبيل امج ما كو مكان ماحجت وطعنت بشرف بي لاكن وضح عرجها نحس وراحت على المگرودة تطعن.

والي اتضح الي هسة  يا مشاعر انتِ نسخة امج على گولت المثل مرايتها..

نضرلي نضرة كرهت روحي من وراها  طلع من يمي وصل باب الكلدوو  حجة وهو منطيني ظهرة.

_

لعلمج لو على گلامج تهمني الهوة كان تم زواجي منج برضاتج اوعدمها.

طلع من البيت بعد ما سد باب الشارع بقوة درجة جفلت..

كعدت بالگاع  نصدمت  بقعة دم!!

گمت وكف صارت عيني على الحايط..

الي كان لكمتة بين جهة السيراميك ولحايط عبارة عن خسف..

شهكت حطيت ايدي على حلگي..

كان نازل موديل الحايط بي سيراميك تلث  وحدات يعني تقريباً  نصف الحايط سيراميك والنصف الاخر بورك..

ركضت لجهازي اخذتة   اتصلت على هجان ثواني رد.

قبل لايحجي حجيت

_عفية هجان تلاحك اركان  ايدة متأذية وتذب دم..

سد الجهاز حتى قبل لا اكمل.

صارت عيني على الارضية طول طريق الي مشة من دم ومو نقاط لا بكثرة..

حضنت جسمي وكعدت ما اعرف شنو اريد ليش هيج سويت رغم عرفت الحقيقة ليش يارب العالمين ليش. 

غمضت عيوني نزلن دموعي..

نضفت الارضية ونمت.

صحيت ثاني يوم.

راسي فد مرة مرة يوجعني.

گمت وكفت  دخت  والدنيا افترت بية..

بالگوة انتبهت للساعة بـ تلاثة العصر.

سيف وفتى كاعدين يتابعون كارتون.

دك جهازي فتحته حجيت

_خيرج؟؟

ردت

_البارحة اركان اجة اخذني وسويت نفس ما گلتي لاكن ما استقبلني..

رديت عليها

_حاولي البارحة كرهني  ضلي حاولي اريد اخلص منة.

ردت

_اليوم ناوي يجي يمج..

تنهدت حجيت

_عوفيها علية اني اتصرف بس سوي نفس ماگلتلج.

ردت

_يالة رايحة وشكرا الج لان تحاولين تقربينة رغم عرفتي الحقيقة واركان م اب اطفالي..

_طبج مرض انت وياه كل همي اطفالي اخاف عليهم يمة.

سديت الجهاز  ودموعي نزلن.

ماانكر حبي لـ اهتمام  اركان لاكن گلبي مايتقبلة لان فرض علية زواجة..

دائما انطي اعذار لنفسي.

لاكن مااعذر المقابل...

  سويت اكل  تغدو الجهال  وكملو لعب لليل ندك الباب  راحو فتى  وسيف يركضون  يصيحون  فتى تگول اجة بابي..

وسيف يگول ابوية.

هل اثنين يختلفون بـ كل شئ..

فتى مدبدبة ووجهة يضحك للرايح والجاي من غير هذا اجتماعية  وتحب الهوسة والطلعة.

وسيف ضعيف كلش ودائما شكلة ضايج حتى لو يضحك  ويستغرب ومنعزل ما يحب يگعد يمنة رغم اخر فتره اركان يطلعة وياه اجباري لاكن من يرجع يبجي..

حتى بالدوام درجاتة ولا زينات اقوة شي خمسة من عشرة  وفتى ماعدها درجة تسعة..

حتى المعلمات حجن بهل شي لان  بالمدرسة ما يشارك رغم ثنينهم اهلية على حساب اركان..

دخل اركان شايلهم ثنينهم فتى فرحانة تحضن وتضحك وسيف حاط راسة على كتف اركان وشكلة ضايج رغم الابتسامة مرسومة على محياه...

ونفس العادة كل واحد بيدة علاكة حلويات.

نزلهم وكعد  فتى رجعت گعدت على رجلة لاكن سيف كمل طريقة للغرفة..

نادة علية اركان رجع  اشرلة يگعد على رجلة ابتسم وكعد.

مر وقت طلعو فلم گعدو يتابعون..

صار اليل  سويت عشا خفايف.

رجعت نزلت الاكـل گعدنة ناكل.

بعد ما خلصنة غسلت المواعين ونضفت المطبخ والبيت لان گعدت متأخرة ومانضفتة والله يسلم فتى لاعبة لعب.

بعد ما خلصت تنضيف. سبحت ورجعت للهول مشغلين فلم رعب.

اني وافلام الرعب ابد مو اصدقاء مو قصة خوف لاكن ماارغب الافلام بگد المسلسلات..

اخذت جهازي.

گعدت كدامهم لگيت گمرة وبان يحجن بالگروب

حجيت وياهن.

گمرة تسولف عن القصص  وصدمتني تريد تكتب قصتها..

رديت عليها

_ولج خاف تنعرفين وشلون ماتگولين لـ احد

ردت

_ولج تعرفت على كاتبة لطيفة رغم حسيتها معقدة ومتكبرة اصلا غريبة كلش اكو يضحكن للهوة وهي لا جدية بكلامها.

(شكرا على الوصف گميرة 🙄🖤)

رديت

_لعد ترديها ملطلطة نفسج كل شزي سالفه شكل حمدالله لگينة  وحده عاقلة.

ردت

_شو سكتي وتعالي صدك ماتكتبين قصتج وياي ولج اني مكاملة لان ممتزوجة على الاقل انت ولدج بطولج وداخلة بالعمرين واسنانج واگعة وعلى ساعة تموتين واركان الله ظلمة وياج خطية الرجال بعدة شباب واختنة بالله الي يشوفها يگول بالخمسين ..

قريت رسالتها وضحكت  صارت عيني على اركان الي مندمج وية الجهال..

شكلة كلش حلو رغم  ملامحة عادية..

بس يتغلفهن القسوة.

حتى ضحكتة احس يشتريها بفلوس لان مو دايمن يضحك على گولتة يگول

اكو شغلات تافها ماتستحق الضحك..

اكثر شغلة احبها حنيتة على فتى وسيف.

حاضنتة من رگبتة  وگاعدة عكس سيف متوسد على صدرة..

شكل مثالي اب وابنائة..

لاكن اكو خوف واحساس يگول اركان ياخذهم مني..

ابتلعت ريگي  ورديت على گمرة

_تدرين احسد نفسي على اركان احس حنيتة حنية هجان بس اكيد مايوصل لهجان..

ردت

_ترى اركان خوش اركان ابد لاتنطين بي خطية..

استئذنت منهن وصديت عليهم فتى نايمة  تقربت عليهم ردت اخذها منة..

رفع حاجبة گال

_ الكح** اتوب وانت ماتوبين الف مرة گايل عوفي فتى لا تاخذيها من يمي من تنام.

فتحت عيوني بصدمة حجيت

_ شبيك انت غير نايمة..

رفع حاجبة گال ابتعدي.

عقدت حواجبي ضحكت بستهزاء مااهتم الي بعد سيف وراح هو ودة فتى للغرفة ورجع  اخذ سيف لحضنة

حضنة بقوة گال

_ولك سرسري ناگع بگلبي

تعال اليوم دورك تنام بحضن ابزك يبعد انفاسي.

ابتسمت لشكلهم لاكن سرعان ما انمحت ابتسامتي لكلام سيف..

_بس انت مو بابا..

صديت على اركان الي بانت علية علامة الصدمة..

عقد حواجبة بخفة همس

_ليش مو ابوك انت ابني نفس فتى..

هز راسة سيف گال

_لا انت ابوية مو بابا.

رد علية اركان

_شنو الفرق بين ابوية وبابا

رد علية

_

ابوية لان تشتريلي وتحبني وتطلعني بس بابا سيف اخوك  راح فوك يم الله..

نزلن دموعي لان اول مرة اسمع كلام سيف والي واضح احد ملقنة لان ممعقولة بهل عمر يفهم..

مو بس هيج يشرح هم..

صد علية اركان هز راسة ونضراتة عذبتني الضاهر توقع اني گايلتلة..

ابتسم صد على سيف گال

_حبيبي سيوفي الي گايلك هيج يكذب عليك اني ابوك وتحبك واطلعك وياي  مو صح.

هز راسة برفض گال

_اني ما حبك احب بابا اريد بابا..

دفع اركان وراح للغرفة.

اركام واضح علية مصدوم كلش.

گام وكف  فرك وجهة بيدة  بلل شفتة صارت عيني بعينة هز راسة وضحك بستهزا گال

_ابد ما توقعتها منج تحرضين سيف علية..

هذا الثانية وياج مشاعر.

ردت احجي  حط اصبعة السبابة على شفايفة گال

_ششش هاي هية سدي الموضوع الضاهر واصلة لدرجة حاقدة تحرضين الاطفال علية رحمة الله امج وابوج..

طلع من البيت.

گعدت بالكاع احس الدنيا سودت بوجهي..

ابد مااصل هل درجة احرضهم علية لا مستحيل..

ابعدهم اي بس احرض لا..

مرت الايام وعلى هل روتين من اخر يوم بعد ما شفت اركان..

حتى ماسمعت صوتة كرهت روحي لدرجة استحقرت روحي ليش هيج سويت؟!!

اخر فترة زوجتة حجت وياي گلتلها مالي دخل بعد.

لان حسيت على روحي..

اليوم راس السنة  واحد بالشهر سنة ٢٠٢٢

البارحة اليل كلة الشعال والطلق..

گعدت تعبانة لدرجة هل ايام تقيؤ ودوخة رجعت حالتي وللحظ هل مرة اسؤء..

فتى وسيف دوامهم صبحي.

  ساعة بالوحدة بالعدة يرجعون للبيت.

صارت التلاثة وهم ماكو...

اتصلت على اركان كذا مرة يرفظ الخط ومايجاوب..

احس الدنيا وكفت..

اتصلت على هجان  ما رد علية.

ومهوال  غالق جهازة.

روحي فرفحت عمتي   نايمة هل ايام حالتها حالة.

الم بمعدتي مو طبيعي راسلت اركان.

_اركان عليك الله شوف جهالي وين لحد الان مارجعو من المدرسة  بس لا نخطفو..

كل الي اجة ببالي نخطفو لان بان سبق ونخطفت..

ثواني دز صورة انتضرها تحمل..

و وصلت منة رساله كاتب بيها

_لو تنصاغين ذهب بعد الجهال ماتشوفيهم  .

شهكت ضربت على صدري نفتحت الصورة فعلا  بملابس المدرسة ماخذ وياهم صورة بمطعم..

الدنيا افترت بيه  احس لهنا وخلص يومي.

فتى وسبف روحي من الدنيا ما اعوبرهم اطفالي بالعكس احسهم هم اهلي  واصدقائي..

الم معدة ودوخة فد مرة بالگوة عاودت 

الاتصال  على هجان   هستوني حجت الو هج..

فقدت الوعي..

اسمع يصيح ويگول تسمعيني مشاعر الو. وينج

ما حسيت غير على قطرات مي..

فتحت عيوني  صار گدامي هجان مجرد تذكرت الي صار  حضنتة واشاهگ..

بادلني الحظن گال

_شبيج خيتي منو وياج بس گولي الة اندمة..

زدت بالبجي وحجيت

_اركان اركااان اخذ اطفالي يگلي لو تنصاغين ذهب ما ارجعهم الج..

رد

_مو هي هيتة بكيفة جهالج الج غصبن على اكبر راس واريد اشوف يا منعول الصفحة ياخذهم.

بعدت عنة حجيت

_رجعهم الي اركان رجعهم فدوة اروحلك والله ما اگدر اعيش بدونهم..

باس راسي گال

_قبل لاتغرب الشمس الجهال بحظنج وانت بعد ماتبقين يمة ترجعين وياي  واريد اشوف ياهو الي يگول لا.

هزيت راسي   واشاهك  تنهد اخذ ايدي ضغط عليها گال

_اجيتج وگلتلج تعالي احطج بعيوني واسدهن عليج وما اخليج بعازت احد  وانطيج الطابق الثاني تعيشين بي وكدج لا يمج احد ولا شي بس انت الله يسلمج..

زدت بالبجي وحجيت

_والله اخاف عليهم خاف ياخذهم مني  فتى وسيف روحي متعلكة بيهم..

هز راسة گال

هم اطفالج اذا قبل او ماقبل غصبن علية  ما اله حق بيهم  ولو اية وياي انعل صفحتة الي  ياخذهم واني اشم الهوة..

رديت علية باانكسار

_ليش ما رديت علية من اتصلت عليك هذا مرة ثانية احتاجكم واخر الناس احصلكم...

غمض عيونة وفتحهن گال

_ حقج علية  وانه لو ادري بيج تتصلين  افتح بس كفيلج ابو راس الحار بوقتها جنت احقف وية متهم  وجهازي مو يمي.

بعد ما كملت تحقيق لکينج متصلة.

انتبهت علية فعلا بعدة بـ بدلتة العسكرية..

باس راسي وطلع.

ضليت گاعدة وعمتي تاكل بروحها.

للعصر اتصل عليه هجان فتحت خط علية صاح علية بصوت كان كفيل  بـ انكساري.

_شمصخمة  ولج  اني هيج معلكج مشاااعرر  مااعرفتج هيييج انعل الساعة الي تزوجتي بيها ولج لهل درجة وصلت بيج لهل درجةةة  شگد شفت نذالة وحقارة بس نفسج يا مشاعر ما شفت شيسوي بيج اركان تستحقي.

والله العظيييييم لو جيلان مسوووية سوايتج لـ اشنقها  تسمعييين اشنقها ومايرفلي جفنننن مو اعوووووفها بحالها نفس ما سوة هذا الزييين ينكرة ولج نزلتي من عينيي ابد ما اتوقعتها منج يا مشاعر ابددددد

هو يصيح علية بقهر وغضب واني احس روحي طلعت  الدنيا افترت بية  ووكعت  بعد ما حسيت بشئ.. يتبع..

_الي ما متابع حسابي الشخصي تابعو لان انشر غش بالمنصة umkno22

شكرا لتحملكم تأخير البارت لاكن البارحة تدهورت حالتي الصحية 𓅙🖤

_توقعاتكم للبارت القادم

_تشوفون تصرف مشاعر صح ام خطأ

_ شخصية اركان عجبتكم ام لا وغيرتو نضرتكم عنها؟

_سؤال بخصوص البارت

_تتوقعون من الي گال لـ سيف انو والدة متوفي؟!