تحميل رواية «لماذا احببتك» PDF

نزلو لـ اخر البارت اكو تكملة عن گمرة ٤الاف كلمة.

تفاعلو على الفقرات

گولو مو زينة خو دللتكم بالنر ياله تفاعلو حتى تنطوني تحفيز اكتب،،، واليوم ضهرت بالبارت 🖤🏃

رواية لماذا احببتك

البارت الخامس «مفاجئ»

بقلمي اورجانزا الطائي 𓅙

.

.

.

.

.

.

.حال اركان.

.خذلتني تلك الذي ظننت انها أفضل شي حصل في حياتي

ليتها اصطفت ضدي، ولم تصطف خلفي

لتقاسم ظهري بخناجر غدرها المسمومة،

تركت لها ظلي ورحلت

لأنني لا أحمل رغبة الانتقام منها

فـ انني ورثت حبي لها بنار قلبي.

حفظت عهدها

وصنت ودها

والزمت بمرعاتها

فجأة يضيع في لحظةٍ كل شيء

والايام كفيلة برد اعتباري منها...

زدت بالبجي وحجيت

_والله اخاف عليهم خاف ياخذهم مني فتى وسيف روحي متعلكة بيهم..

هز راسة گال

هم اطفالج اذا قبل او ماقبل غصبن علية ما اله حق بيهم ولو اية وياي انعل صفحتة الي ياخذهم واني اشم الهوة..

رديت علية باانكسار

_ليش ما رديت علية من اتصلت عليك هذا مرة ثانية احتاجكم واخر الناس احصلكم...

غمض عيونة وفتحهن گال

_ حقج علية وانه لو ادري بيج تتصلين افتح بس كفيلج ابو راس الحار بوقتها جنت احقف وية متهم وجهازي مو يمي.

بعد ما كملت تحقيق لکينج متصلة.

انتبهت علية فعلا بعدة بـ بدلتة العسكرية..

باس راسي وطلع.

ضليت گاعدة وعمتي تاكل بروحها.

للعصر اتصل عليه هجان فتحت خط علية صاح علية بصوت كان كفيل بـ انكساري.

_شمصخمة ولج اني هيج معلكج مشاااعرر مااعرفتج هيييج انعل الساعة الي تزوجتي بيها ولج لهل درجة وصلت بيج لهل درجةةة شگد شفت نذالة وحقارة بس نفسج يا مشاعر ما شفت شيسوي بيج اركان تستحقي.

والله العظيييييم لو جيلان مسوووية سوايتج لـ اشنقها تسمعييين اشنقها ومايرفلي جفنننن مو اعوووووفها بحالها نفس ما سوة هذا الزييين ينكرة ولج نزلتي من عينيي ابد ما اتوقعتها منج يا مشاعر ابددددد

هو يصيح علية بقهر وغضب واني احس روحي طلعت الدنيا افترت بية ووكعت بعد ما حسيت بشئ..

حسيت على قطرات مي على وجهي فتحت عيوني شفت هجان. ابتسمت ارتكيت على ايده وگمت صار گدامي اركان حاضن ادينة..

لحضات صفنت علية تذكرت ماخذ اطفالي شهكت ورحت علية حجيت

_ارركان اطفالي وين؟؟!!!

رفع راسة ركز بعيوني گال

_ماعندج اطفال يمي.

فتحت عيوني بصدمة حجيت

_اريدهمم مو بكيفك انت مو ابوهم ما الك حق بيهم اركااان اريدددهم لاتسوي هيج...

صد على هجان گال

_مو گلتلك حجاية والثانية تگول مو اطفالك بس والله يا هجان

لـ احرمها منهم.

صديت على هجان حجيت

_ماتحجي هجان تسمعة شيگول مايرجعلي اطفالي..

هز راسة گال

_مشاعر جنت اگول خيتي وما تطلع منها العيبة بس للاسف طلعتي حالج حال البقية نزلتي من عيني..

نصدمت بكلامة شهكت حجيت

_هسة اريد اطفالي مااريدكم.

اركان: سؤال واحد وجاوبي علية اذا الي واصلي فبركة والو اعرف حقيقي لاكن يا مشاعر هسة اجيبلج لجهال والي تردي يصير.

مسحت دموعي حجيت

_شنو هو؟

عض شفتة ركز بعيوني گال

_من وديت الحجية لـ بغداد واتصلت عليج وما رديتي جنتي تحجين وية منو گلتيلي؟؟!

فتحت عيوني ابد ماجة ببالي يسألني هل سؤال صديت على هجان وعلى اركان غمضت عيوني حجيت

_ وية هجان..

تنهد وگال

_وهو منو كان؟!

صديت علية ركزت بعيونة حجيت

_زوجتك..

ضحك بستهزاء گال

_حمد الله حجيتي الحقيقة.

بلل شفتة گال

_كدام هجان عندج حجي تحجي لولا تبرين روحج لولا.

رديت بخوف

_لا ماعندي شي

هز راسة گال

_من رخصتك هجان دقايق..

رد علية هجان

_غالي.

طلع اركان اقل العشر دقايق دخل وياه زوجتة.

كعدت كدامي.

بدون اي مقدمات شغل تسجيل صوت بيني اني وياها.

فتحت عيوني بصدمة الحقيرة مسجلة صوتي طول المكالمات الي بينة..

ما تحملت گمت عليها ضربتها وجريتها من شعرها ذبيت حرگة گلبي بيها هجان يحجي واركان وعمتي تگول

_حيل بيها تستاهل.

لاكن هجان سحبني من ايدي راد يضربني كمش ايدة اركان گال

_حدك بعد اخوك مااسمحلك تمد ايدك على مرتي وبنص بيتي.

رد عليه

_اخوها واكسر راسها واكفين كدامها ماانطت احترام لـ احد وفوك شينها تعارك..

رد عليه اركان

_ثنينة ربينة بالجيش واطباعنة تقريباً متاشابها اذكرك بحجايتك الي يمد ايدة على مرتي اكسرها مها يكون.

حتى لو تطعن بية بس سابع المستحيلات تنمد ايد عليها لان الله وكيلك والحسيف كفيلك اكسرها حتى واذا تكون ايدك صديقي واخوي.

عيني ولا نزلت من اركان معقولة رغم كل لي سمعة يدافعلي!!

رد علية هجان موجة الكلام الي

_ولج من عاب هل حلگ الي حجة هل كلام

ضرب ماقبل امد ايدي عليج وهيج تحجين علية.

ماحجيت شي بس دموعي تنزل ضحك اركان بستهزاء گال

_بعدك ماسمعت لعد.

تنهد واردف اگعد اسمعك شتگول سر حجيتة الها انت اخوي ماتعرف بي وهي تروح تحجي للمايسون ربع.

ستغربت شنو السر الي حجيتة..

هجان ماقبل يگعد ضل واكف.

واركان غل تسجيل ثاني.

_ترى اعرف مايتقرب منج لان هوى فاقد قدرتة **** وانت مجلبة بي طلعيني من السالفه لهنا وخلص بعد منج اله ثنينكم ماتهموني..

ابتلعت ريگي صديت على هجان الي گال

_ كل هذا وبعدك مبقيها بـ اسمك.

التفت عليه گال

_كل شئ ييوي وياج تستاهلي ماكو هيج حقد صدك لو گالو مراية امج صايرة..

صرخت بوجهم حجيت

_اريد اطفاليييي ثنينكم ماتهموني فتى وسيف اريدهم هسة...

احس قطعة من گلبي ونشالت اصرخ وابجي وماكو استجابة اخر شي تقدمت على هجان صرخت بوجهة

_ مو گلتتتتتتت قبل المغرب جهالج يمج وينهم وينهم احجييييي ليش ما جبتهمممم الي ليشش هسة هسة اريدهم..

دفعتة وحجيت

_ الرجاااا يلززم بحجايتةةةة انت وينن حجااايتككك

غمض عيوني همس بعصبية مكتومة

_ابتعدي بالگوة لازم اعصابي.

صرخت حجيت

ما والله هسة اريدهم منكككك يالتسمة اخووي بس دومكم ضديييي انيييي يتيمةةةةة بضل اهلي واخوتي الي ينحلف بيهم..

مجرد حجيت هيج مااحس غير هجان ضاربني راجي من قوة الرجدي انفي نزف وشفتي نشكت..

واخر شخص جنت متوقعتة يرد الصاع صاعين..

بدون سابق انذار ضرب هجان بوكس على وجهة.

رفعني من الارض وگال

_سبق وحجيت وياك لو مو تجي اخوها لو ابوها هم ويمد ايده عليها وهي بذمتي لـ اكسرها.

غمض عيونة اكثر من مرة وفتحهن گال

_ ولعلمك اليوم خسرت عضيدك خلي تفيدك الي حجت عليك.

مشى من گدامي وصل للباب التفت علية حجة بصياح.

_اخر مرة اسألج تجين وياي معززة مكرمة لولا.

شهكت حجيت.

وين مايكونون اطفالي اكون..

ضحك بستهزاء گال

_لعد اگلج من هل يوم يا مشاعر بعد ما عندي خوات ولا اخوان واحد انكس من الثاني طبكم الف مرض.

وشوكت ماتجين بابي مفتوح يالذليتي روحج.

طلع من البيت وسد الباب بقوة..

صارت عيني على زوجة اركان كلة بسببها..

گكت عليها ضربتها نهيت عليها طلعت القضة والمضة بيها شعرها صاربيدي كفشتة تكفش خرمشت وجهة وشگيت حلگة نصدمت شعجب ما حركت ايد..

لحد ماا تعبت ابتعدت عنها اضرب بروحي واركان ولا هامة شي گاعد حاط رجل على رجل ويدخن.

تنهد گام وكف انطة ايدة لزوجتة حجة بهدوء

_ ياعيني ضربتج واذتج اليوم اني اعلمها انطيني ايدج اگومج..

فتحت حلگي من الصدمة..

بجت بصوت وتگول

_تضربني بقسوة تقبلها..

شهكت حجيت

_ ثنينكم نفس الشي الله يخلصني منكم...

ردت عمتي

_ولجن فضحتنة بين الناس شبيجت وانت ام قسوة على كيفج بنية بغداد مال الغسل يغسلج انت وياها مفلوگات الصفحة نوب علية اليتنعوصن وانت لاتكيفين شبيج سترجلتي مال يلطمج على حلگط ويسكتج اكو وحده تحجي وية اخوها سندها عزوتعا هيج بس الي ميتات على ***

صفكت ادينها وغمتنة گات

_عاب هل عيون الي عدجن ولجن من حلاته لو من هيبتة وكاتلات

روحجن علية صدك لو گالو الخيرون للخيرات مدري شنهي طلعتن كلجن نفس الطينة.

غمت روحها گال

_اهمدا اك خايب من دون ربعك.

ضحك اركان وگال

_ انطيني ايدج اكومج.

انطتة ايدها مااحس غير طفة الجكارة بيدها وشمرها بالگاع.

هي صرخت بصوت واني الي يگلك ايدي..

اشر عليها گال

_هذا عقاب الج حتى بعد ما تسجلين لاحد.

وسوالف يحبج مايحبني سولفيها لهل بغلة الي تمشي بكلامج.

التفت وكف گدامها گال

_هذا امي شاهدة عليه لاعصبي ولا هم من يحزنون

مروة انتِ طالك طالك طالك تحرمين عليه ليوم الدين واريد اشوف منعول الصفحة يگول مايعتبر طلاك وعصبي.

عمتي ضحكت گالت

_اييييي خلصتني من هل هايشة.

كمشت رجلية گالت

_اركان اطفالي اريدهم.

دفعها گال

_ مو انت انطيتيني هل فكرة اخذ فتى وسيف اعذبها بيهم لان ماتگدر من دونهم لاكن نسيتي انتِ عندج تلث ولد توئم.

لهل سبب الاطفال هذوله اني ربيتهم وفتى وسيف هذولة نفس الي يصعد وينزل.

وانت حسافة علية نقذتج من اهلج ولو انطوج خبزة بس نسو التربية.

التفت علية گال

وانتِ لاتكيفين هم ما اريدج زوجة للاسف ما استقبل زوجة من جوة ليجوة ولج ادوس على گلبي بالقندة ولا اخليج يمي.

يبنت الحلال لهنا وخلص انتِ بدرب واني بدرب الضاهر ماكو بينة نصيب انتِ ترديلج واحد بي حظ اني ماافيدج.

والجهاا انسيهم مالج يمي ولد اخوي واخذتهم مالكم حك يمي.

وانت تبقين بابيت مال زوجججج معززة مكرمة.

لح بگلمة زوجج گمت وكفت دفعتة من اكتافة حجيت

الله ياخذذذك.

ضحك بستهزاء گال

ولج تعرفين شنو ورثت حبج بنار گلبي ولج ماحبيت ماااحبيييت وحدة بگدج بس حساااافة الحب بيج حسااااافةة والله يا مشاعر كرهت جنس حواء من سوالفج..

غمض عيونة گال

_بشنو اذيتج احجيلي هم شفتي شي مني ولج رفضتيني بعد ما وصلتلج لولا المن هل تخلف ما تحجييين.

لعلمج سمعت تحجين وياها وشفت ملامحج وواضح التقزز من تتكلمين..

سمعتج ودست على گلبي بس حسااافة حبي الك حسااافة.

ابتلع ريگة بلل شفتة غمض عيونة بقوة وفتحهن وكعت دمعة من عينية صد على صفحة كمش راسة لحضات وصد علية گال.

_يبنت الحلال لهنا وخلص الي بينة طلعتي من نفسي عسى ربي يبرد گلبج ويبعد عنج كل هم..

مشاعر انتِ طا...

طول كلامة احس راسي يصدع وحسرة بگلبي شهكت فترت بيه الدنيا بعد ماحسيت على شي...

ما اعرف شگد مر وقت حسيت فتحت عيوني.

بغرفتي متغطاية بعدت الغطة عني لابسة بس اتك بدون شي..

شعري رطب..

گمت اخذت دشداشة لبستها وطلعت.

ورسي بي معركة..

لگيت عمتي تقرأ القران .

كعدت يمها شافتني وكعت دمعتها وحضنتني..

تبجي وتگول

اركان طلگج

المايخاف الله طلگج وحرمني من جهال اوليدي..

ولج ييمة حرمتي روحج وحرمتيني من ريحتهم اخذهم من بين عيوني..

دموعي تنزل واصرخ

_عمةة ليش اخذهم ليششش بس گولي وينن

ضربت على رجلها گالت

_ يگول حولت شغلي لـ اربيل الناصرية مو الي..

شهكت وصرخت بصوت

_لاااااااا عمة لاهيجج لا هيج اريدهم اطفالي..

بيومها عرفت غلطت الشاطر بالف.

مشيت ورة عاطفتي او بالاحرى غبائي واستعجالي.

خسرت هجان واركان وفتى وسيف طلعت من هل دوامة الوحيدة الخسرانة..

كل ثانية ودقيقة تمر اگول هسة على جية..

وهل امل مشة وياي البنات يراسلني يحجن وياي واني اتعذب عاب لاصاير ولا داير..

صرت على اقل شئ ادوخ واوكع اكل مااكل استمرت هل حالة سنة كاملة..

دخانة ٢٠٢٠ وشوفتهم حصرة بگلبي كل يوم تدعي على روحي بالموت لاكن ماريد اموت وهم بعاد عني..

دائما افكر هم شتاقولي هم سألو علية هم بردو لو اكلو؟!

تقريباً صارلي شهر كامل بالمستشفى جرثومة نهت معدتي عايشة على المغذي صايرة عبارة عن هيكل عظمي..

اليوم الصبح سويت عملية عندي ورم على المعدة حاليا انتضر نتيجة الزرع شنو هية..

معقولة الله يكتبلي عمر جديد!!؟؟

شعري بدة يتساقط ورموشي خفيفاات لدرجة مو طبيعية..

عمتي تگول هذا من سوء التغذية والارهاق والعامل النفسي واكد كلامها جيلان وگمرة.

صدك لو گالو وقت الشدة تعرف الي الك والي مو الك.

امي ما اجت غير مرة وحدة.

لاكن مهوال سودة علية ما فارقني هو وعمتي.

گمرة اجت مرتين.

وجيلان بين يوم ويوم يمي.

اله هجان الي اسمع صوتة برة واحس علية من يدخل علية من انام..

ويبقى لحد مااصحى يطلع.

صافنة بالفراغ واليوم حولوني على عزل الصحي لان اتضح عندي كوفيد 19 والمرافق الي وياي هو مهوال واختي شوك.

الي من سمعت ما قبلت ماتجي..

مكان فارغ وحدي بي مااشوف غير شوك ومهوال يحاولون بغيرولي جو لاكنالعامل النفسي عندي معدووم يتبع..

گمرة

.

.

.

..

..

.. سألته على الاثر گال

_تعرضت لحادث بس ماقبل يگول نوع الحادث..

اني هم ما لحيت علية ترطتة على راحتة..

كعدت الصبح جهازي يدك

لگيت ٥مكالمات من جساس.

فتحت خط علية حجة بسرعة

_گميرتي لاتسمعين من احد قبل لاتسمعين من عندي لاتصدگين بيهم..

غمضت عيوني بقوة حجيت بخوف

_ششكوو

رد بعصبية

_خاف اگلج وترفضيني..

ابتلعت ريگي حجيت

_علليك الله شكو والله معايزني سالفة شكل.

رد

_ لاتصدكين بيهم اذا گالو الج جساس مايحبج لاني وكعت بشگار عيونج ومحد سمة علية..

نهة كلامة بضحكة واني صافنة لحضات اردف

_ احلف عليج خبلة يعني شكو وتعالي مو اتصل عليج ليش ماتردين مو تدرين بية افقد كدامج يالضالمة.

تنهدت حجيت

_الله ليش ورطني بحبك ليش هيج تهبطني مو حرام

اخذ نفس گال

_احبج.

ضحكت حجيت

_هو شمبقيني وياك غير حبي الك.

ضحك بصوت گال

_مانتني فوكاها.

رديت

_اي يحبيبي

رد

_حبيبج واهل حبيبج وعشيرت حبيبج و ولد عم حبيبيج ديسم وهجِان يرحولج فدوة.

ضككت حجيت

_ليش باله شخصت اعز ثنين لگلبي.

رد بهدوء

_لان ماخذين حيز من گلبج.

ابتسمت حجيت

_بس انت معشعش بگلبي.

رد بهدوء

_اا معشعش بگليبج انتِ متربعة وقافلة الباب هم.

رديت

_اوي اوي احببببببببببببك

رد ياله گومي ياله ترة گلبي مشلوع منج والله

ضحكت حجيت ليش

رد

_ تحضري اليوم بباب بيتج ناوي امشي عليج..

بدون وعي ذبي الغطة وگمت وكفت من الماس ماعرفت شنو الي احجي..

ضحك گال

_هسة بالوحدة بتلاثة ضبط اني يمج متبعد شي وندخل بغداد.

عقدت حواجبي حجيت

_منو يا ك ليش؟!

رد بثقة

_ عمي ابو صمد و والدي وهجان وحسنين.

شهكت حجيت

_عليك الله

رد

_ليش ولج ماتصدكين هاج سمعي

؛ هجان انتم مو رايحين تمشولي على بنية گلبي

سمعت صوت هجان يضحك ويگول

_اي ياب جايين بس وصيها تسوي گهوة صار زمان على گهوتها..

شهگت سديت الجهاز اكمز واحجي

_شهل حظظ ياللله شگول عليك ياديسم..

بهل اثناء دخل بسيل گالت

_ گمرة ترى جساس وعمامي وياه يمشون عليج.

گعدت بالكاع بطني وجععتني گعدت بمستواي گالت

_ولج شبيج

رديت

_بطني وجعتني من هل اخبار..

ضحكت بصوت گالت

_من الفرح وداعتج.

طلعت بسيل.

اخذت ملابس سبحت وطلعت مشطت شعري ردت اخلي مكياج واشوف شواربي طالعة ركضت لبسيل خيلتها تحفلي بسرعة وية اخر شي دخل ديسم غضيت شفتي بفشلة منة شافني رفع حاجبة گال

_اكو وحدة اليوم موردة شكو.

ضحكت من كل گلبي ركضت حضنتة بقوة حجيت

_ غير لان احبكككك

باس راسي گال

_ والي مفرحج شنو؟!

رفعت راسي صارت عيني بعينة ضحكت هز راسة باابتسامة گال

_ست سنوات لو نقلص؟؟!

زمت شفايفي اخفي فرحتي ضحك بهدوء گال

_الضاهر النية تقليص.

هزيت راسي حجيت

_ احبة والله

بسيل ضحكت بصوت وديسم

رفع حواجبة گال

_ولا تخجلين مني تگولين فشلة اگول كدامة احبة.

حطيت راسي على كتفة حجيت

_مو احسن مااكذب عليك، وكلكم تعرفون بية احبة

تنهد گال

_هذا قرارج ومالي حق اوگف بوجه حياتج..

باس راسي گال

_اذا بيها الخير الج تصير وتم بسرعة واذا بيها عذاب وشلعان گلب الج الله يبعدها عنج كون ولا تصير..

ابتسمت حجيت

_اميين يارب.

استأذن وراح لغرفتة واني رجعت لغرفتي خليت مكياج خفييف..

جنت لابسة فستان بسيط قماش عادي بس بي لاستيك من الخصر.

طلعت كعدت يم بسيل ننتضر ديسم حتى نتغدة.

طول يالة اجة كعدنة تغدينة وغلست المواعين بمكان بسيل.

بتلاثة ضبط ندك الباب.

طلع ديسم شافني ضحك گال

_لبسي حجاب لاتنسين روحج..

هزيت راسي وطلع فتح الباب دخلو.

بسيل راحت قبلي وعرفت عمتي ام جساس جاية.

واني سويت گهوة سادة دخلت الهم بعد ما لبست حجاب احتاريت بمنو ابدا

هجان گاعد اول ماادخل وعمو ابو صدم متصدر الگعدة اريد اروح لعمي يگلي انطي لهجان وهجان يگول مايصير وحلف وعمي هم حلف عاد صديت للصفحة الثاني كاعد جساس بدون تفكير انطيته اله.

وبعدة ديسم الي واضح علية يريد يضحك..

وبعده عمي بس اكيد جساس مايگعد وگال

_والله كفومنج هذا النسوان الزينة تختار حبيبها قبل الكل كبرتي بعيني بنية گليبي..

فتحت عيوني بصدمة على كلامة ردت اطلع صاح وراي هجان گال

_تعالي هنا يمي.

كعدت يمة حط ايدة على كتفي گال

_ انتِ وجودج لازم.

بعدة يحجي وياي حجة جساس

_هجان رحمة لدين محمد انت عووود ابن عمها بعد ايدك عنها هو اشوف ديسم يحضنها لويلزم ايدها اريد اركع راسه بالحايط مو نوب انت.

دنكت راسي خربانة ضحك هجان گال

_ولك منعول منو الي قنعهم الك ترى بعدها حتى ماتسمت بسمك حتى تحجي وتعال گمرة حالها حال بناتي هي غير بعمر لبابة بعد المن هل كلام.

رد ديسم

_عوف الاخ عايش الدور وهاي تاليتها يريد يبعدها عني شلون يخليني احرمه منها حتى ياكل درس.

رد جساس

_ماعولتو تحجون بس كفيلكم العباس الي طالبها منة بس رفضو مااطلع جساس اذا ماالبسكم تهم.

رد علية هجان

_الله يساعدها وياك.

ردعلية جساس

_قصدك الله يساعدني على شگار عيونها.

قاطعهم عمو ابو حربة گال

__ماتستحون انتم ولا جن كبار كاعدين يمكم.

رد علية جساس

_والله ياعمي تحجي هيج لان ماتعرف احساسي من هي كدامي ومااكدر المس ايدها وهذا الكدامك حاااط ايده على ضهرها.

هز راسة گال

_ديسم ابني تعرف جيتنة على شنو وشوفة كدامك مفلفل.

رد جساس

_ عذراً على المقاطعة لاكن عبرت هل مرحلة عمي.

ضحك هجان وديسم وكمل كلامة عمي

_ شوفت عينك اريد اطلب ايد اختك لـ ابن عمك جساس.

رد ديسم

عمي جيتك على راسي وبعيني سبق وحجيت القرار مو الي لـ گمرة شتريد اني حاضر..

رد عمو

_گمرة انت شتگولين

_الي يريده ديسم.

رد ديسم

_خير على خير اذا بيها خير لگمرة تصير واني ماامانع بشئ.

صديت علية و ابتسمت

عمامي ثنينهم باركو النه..

تحمحم عمي گال

_نتفق على الحاضر والغايب شگد تردون.

رد ديسم

_بالنسبة الي الماديات ماتمشي عندي اهم شي سعادتها اذا تبقى علية حاضر گمرة ماتنزل دمعة من عينها بسبب جساس او غيرة وغايبها يصون حبها وعلاقته بيها ليوم الدين.

وانما گمرة مااعرف الي تريدة.

هذا حياتهم ثنينهم مااخل بينهم هم حرين بتصرفاتهم.

وعمرها الفلوس ماتلزم رجل حط عينة او هوة غير زوجتة..

نزلن دموعي لكلامة رد عمي

_عين الله عليك وليدي بس هذا كلام رقم وبس .

رد جساس

_٥٠الحاضر بـ ٧٥ الغايب..

قاطعة عمو

_شدعوة نفس البنيات ١٥بـ١٠

قاطعة جساس

_ للاسف مانزل ربع هذا گميرتي.

ردت عمتي ام جساس

_هسة هايهية صارت جنتي.!؟

رد عليها عمي

_ان شاء الله.

مااحس غير عمتي هلهلت بصوت عالي

ضحكت گامت تقربت عليه باست راسي گالت

منه المال ومنج العيال يبعد روحي كميرة.

بست راسها وگعدت بقو ربع ساعة وطلعو.

وصل للباب گال

_يومييبن بس وتصيرين ملكي كل هذا بفضلها عمي تكتب قصتنة بس تم الخطوبة على خير گوليلها جساس يگول الف رحمة على قبرج من تموتين لو هيج الكاتبات لو مايرادن

(🙂🙂😶)

ابتسمت حجيت

_شوف بالبداية جنت تحجي علية من اراسلها وتگول تطلع ولد تالي هي قنعتني بيك.

ضحك بصوت گال

_ضنيت ضن السوء المن هل حجي بعد عود اوصيج روحي گولي الها.

ضحكت وهو طلع ركضت للبيت اخذت جهازي راسلتها

كتبت

_هلو جوجو شلونج حبيت اگلج وافقت على جساس واليوم اجة مشة علية وحددنة موعد العقد ويگول سلميلي عليها لان قنعتج.

حضنت جهازي حجيت

_شگد احبة يربي

لليل ردت علية

_يا ريتي الف الف مبروك ربي يتمم فركتكم واشوفكم احلى عرسان وراحة البال ماتفارقكم وربي فرحتلج.

ابتسمت حجيت

_ والله جنت خايفة اخذ هل خطوة

ردت

_لا يولي، عوفي هسة خطوبة ومن تتخرجين عود تزوجو ماطول يحبج ينتضرج..

رديت

_ان شاء الله

استئذنت وراحت.

بيوما مااعرف شلون نمت من گد ما فرحانة.

ثاني يوم اجت بان گلبنة البيت گلب بس الاغاني والرقص..

خلصن هل يومين وجساس ماقبل اشتري فستان العقد يگول اجيبة على ذوقي

گعدت الصبح رحنه للصالون اني وبان

اخذ جنطة الفستان الي اول مرة اشوفة

دخلت لغرفة التغيبر لبستة وانصدمت لان فاضح

الون سمائي فاتح بڤ بي اكثر من نزلة.

الظهر كلة طالع بي تعاليك رفاع شفافة.

والصدر محفور كصة القلب عميقة والجوانب شفاف بلون البشرة من الخصر يكثف.

طلعت بان شافتني صوفرت وتگول

_فديتو انا.

كعدت خلتلي مكياج كت كريس لون فضي وبنيات كلش حلو شعري عافته مفتوح نهايته برم وتاج كرستال عريض خلتة مقدمة راسي..

بعد ماكملت اخذت فيديوات بالصالون

وهي طلبت تنشر صور لعيوني بالمكياج وافقت عادي..

ديسم اجة اخذنة اني وبان من الصالون الطريق كله اغاني مشغل.وصلنه للبيت دخلت لغرفة وبان طلعت.

لحضات گاعدة بالغرفة اسمع صوت الطبل والهوسات والهلاهل احساس غريب اجتاحني بروده بجسمي وخوف على توتر..

اخذت جهازي وراسلتها..

_جوجو ادعيلي بعد لحضات بسيطة تفصلني عن خطوبتي خايفة ومتوترة.

دزيتها وبنفس اللحضة ردت

_لاتخافين فكري باايجابية تذكري هذا منو هو نفسه جساس الي تحبي وتعذبتي علية لاتسوين هيج وتخربين فرحج ضحكي وتونسي ودعائي ما يفارقج.

بهل اثناء دخلت بان جرت الجهاز وطلعتني بدون استفسار ضحكت وطلعت وياها..

كعدت على الكوشة التجهيز ولا اروع..

گالو روحي يم لباب حتى يعقدون وفعلا اخذني البنات كعدت يم الباب خلو على راسي شال العقد

بان وبلسم اخت جساس يساعدني فتحت القران وبان حطت هيلات بين اصابعي وصفرطاس بي مي ورد وهيل وياس حاطه بي رجليه

وبلسم لازمه القند واكفه يمي وبان مفتاح وقفل.

ديسم جايب مصوره تصور كل لحضات كلش فرحني بهل شي احسة گاعد بنص گلبي يعرف الي اريدة بدون مااحجي.

طول الوقت منزلة راسي دموعي تنزل مامصدكة راح اصير بااسمة.

تم عقدي من جساس بـ اكمل وجه وخرو الحجاب من راسي كعدت على الكوشه اقل لخمس دقايق دخل جساس.

.

طشو جگليت وارتفعت اصوات الهلاهل الي رفعت راسي اريد اشوف منو الي هلهل ونفس توقعي

بسيل ومودة وجيلان وخالاتي..

نزلن دموعي ميلت راسي جيلان غمزتلي ضحكت شعور مااعرف شلون اوصفة خوف توتر وفرح.

لحضات جابو الكيكة صغيرة عليها صورة تجمعني بـ جساس مباوعتله صفح وضايجة وشعري مهوس صادف بوقتها هستوني گعدت من النوم مااعرف بيهم يمنة حتة قبل لا تصبر بينه علاقة اعتقد ثاني لو ثالث متوسط..

وهو يضحك بيها...

فتحت عيوني بصدمة اله شوي ابجي.

ندست بان الي واكفة وتصفك..

_والله الة اخنكه شلون يخلي هل صوره لا والنوب بالعقد!!!!

دنگت علية حجت

_عوفي الصورة اقري الكتابة يووولل.

ركزت وقرئتة

،،بيوم من الايام كانت گميرتي واليوم اصبحت زوجتي.

يمها حلقتين فضه وذهب.

مجرد قريتها احس الفرحة ماسايعتني

صديت على بان حجيت

_والله الكتابة شفعتلة.

بهل اثناء دخل جساس وتلگو بالهلاهل الزينة وهو كامش سترتة ويركص.

مستحيل واحد يعرف يركص نفسة..

وكف عن الركص گال

_هاي عود خالاتي وبنات خالاتي طلعتن بوخة سنواات يالة حصلتها وهيج هلهولتجن تعلمن مني عيناي

جساس: كللللللللللللللللللووووووووش

هلهولتة رجت الاستقبال رج خربنة ضحك علية.

وخالاتي يگولن حقة وين يالة حصلها.

طلب من المصوره تاخذ نفس لقطة ويه الكيكه

القالب موكلش جبير شاله جساس بيد واني بالايد الثانية ونفس الحركه الي بالقالب سويناها متت ضحك.

اخذ لحلقة صاح لـ بلسم همس الها راحت.

لحضات اجت المصورة تضحك بيدها كتر اسود.

تقربت علية گالت

_ارفع الج شعرج لان بالصور مغطي على ملامحج والفستان مواضح.

استجبت الها ورفعتة كلة حسيتة طلع احلى.

لبسني الذهب وصل للگلادة اخذها وبكل جرئة باسني من عضمة الرقبة.

همست بخجل

_جساااس..

تقصد يبوسني من خدي قريب شفتي وهمس

_وداعة شگار عيونج اذا تحجين ازود.

ضحكت بدون مااحجي.

ردنة نقطع الكيكة حجة جساس.

_ ام دريد وينها.

ردت

_هسة من عيوني

رد

سالمة عيونج خيتي اخدمج بعرس ابو دريد.

ضحكت گالت

_رحمة الله والديك.

انطاها الكيكة فتحت عيوني على كلامة يگولها

جساس:اام دريد هل كيكة امانة مو تخين احد ياكل خلقتنة

ضحكت اخذتها وطلعت.

اقل العشر دقايق دخلت بسيل وبلسم حاملين كيكة تلث طوابق.

خلنها كدامنة گال

_هذا الحجي الزين.

انتبهت على الكتابة الموجودعليها

تم عقد قران گمرتة لـ أبو البأر.

كصيناها وكلني كيك واني كذالك كعدنة اخذ المصورة كم لقطة

تحمحم گال

_يابة شو مغلسين ماكو بوسها ولاتخاف من امها شبيكم على حظي فقدتو الذاكرة..

ضحكت على كلامة وخالاتي ماقصرن ضلن يهوسن.

بس الي حزت بگلبي هي امي وين حتى يخاف منها..

لحضات تقرب الي وابتعد ردت علية خالتي

_شمالك صرعتنة ماتهوسولي وتالي عفتها.

رد عليها هو مركز بعيوني

_خالة استفرد بيها واخذ الي يهواه گليبي بعد حلالي ويحلالي مايهمني اكبر راس، واخاف من عينكم على گميرتي وعويناتها غرگت بشگارهن..

ابتعد صد عليهم حجة بثقة

واهم شي مااخذ راحتي كدامكم..

نهه كلامة بضحكة..

ردت علية

_ويبعد خالتك هم شوف لله بيها وعوف لعرسك شي .

ضحك گال

_خالة لايعبـر بالج على الترابي مو زوج اخليها بحلگ الكال والگلت..

كلها ضحكت على كلامهم بس جساس يقصد خالاتي..

شغلو اغاني وركصنة اني وجساس.

ساعة كامة بس االركص والصور

جساس طلب من بان و بلسم يروح ويانة لمكان التصوير، مو محبتن بيهن حتى يساعدني

اخذنه كومه لقطات والمصورة ماشاء وخلق اضرب من جساس جريئة لدرجه مو طبيعيه وحده من اللقطات كالت

- شبيكم تستحون خو ما تستحون بالكوه اخذ اللقطة بالشفاعات ياستاذ جساس حط راسك على ركبه كمرة وحاوط ادينك بخصرها تجرئ ياعيوني

ياستاذ جساس حط راسك على رگبه كمرة وحاوط ادينك بخصرها تجرئ ياعيوني انت..

ضحك جساس كال

_ والله يا روعة ما ردت اخرب اخلاقج بس الضاهر انت تطربين على الخراب..

ابتسمت گالت

_ مو قصة تخرب ياعيوني بس اللقطان كل ما كانت جريئة ومامطروقة تكون مميزة.

صد على البنات گال

_ بان وبلسم غمضن عيونجن بعدجن صغار،وانت ياروعة الج الي تردي.

دارني عليه احتضن خصري بحركة سريعة كصته لامست كصتة عيونه مقابل عيوني..

ندمجت بعيوني احس غرگت على گولتة.

- تقرب بعد اكثر واذا هاي بوسها بعد احلى.

مجرد سمعت كلامها خجلت كلش بس جساس حلالة الوضع وباسني حتى مانطيت ردة فعل.

والمصورة تكول

-جيد اجمل لقطه لحد الان بعد وحده حتى نختم الجلسه

ضحك بصوت كال

_ عادي قابل شعندي گاعدلج اليوم.

تقرب علية يريد يبوسني عضيتة من انفة صاح وابتعد عني كامش انفة..

صديت على بلسم وبان خربانات ضحك.

والمصورة تگول

-ممتاز الصورة عفوية وكلش حلوة عشتي.

ابتعدت عنه المصورة صاح وراها جساس

_بشرفج روعة اذا خطوبة وهيج لقطات لعد الزفة شلون.

ردت علية

_عرسو وشوفو واللقطة جميلة محتمل اعتمدها

نهت كلامها بضحكة وابتعدت.

صد علية گال

-اي مو هيه الي نعضت حتى تكول حلوة اشتعل عمي سابع عشر وهيه مكضيتها ممتاز وكلش حلو.

بان -بس النتيجة كلش حلوة وتستاهل بعد هل تعب الي اكلتو هيج صوره حلوة

بلسم - تره جمال الصورة والحركه تهون يااخوي تحمل والله حلوه الي يجي من ايدك الله يزيدك

صد عليهن اشر بيدة گال

-انتن شجابجن عليه عود ردتجن عون طلعتن فرعون، هذه الي يسوي زين.

رديت علية

_ اكبر غلط لان الاثنين صديقاتي ومستحيل يصيرن بجانبك يحلو

رفع حاجبة گال

-الله يقصف من دفاعجن ولو شوي.

بان -لالا تره مامرضية منك عمو لاتنسة اني واسلام جمعناكم وهسه هيج تكول

رد عليها .

جساس -بعد عمج بس انتن زودتنها، هم گولي اصير وياه، باله اختي غاسل ايدي منها بتيزاب.

بلسم - ها هيج صار الحجي، كلش زين تعرف گمرة صديقتي واختي مستحيل اصير وياك وانت الغلطان.

وللعلم. خلص الحجز.

باوعلها صفح گال.

_ ياله كدامي لعد.

لبستني بان البركع وطلعنه للبيت.

البنات موجودات بس عمامي وعماتي راجعين.

اخذت ملابس و سبحت وطلعت لبست تراك كعدت بغرفتي شوي اجت بان مشطت شعري تضحك على جساس

سالتها على اسلام كالت

بان- حياتنه كلش عاديه جنت قبل اكول عليه هادئ بس هسه طلع الحيوان الي بداخله عصبي لابعد الحدود درجه اول بارحه اتصل عمو جساس حجيت وياه صار عصبي ليش تحجين ويه جساس حتى العمو شالها

مهتميت ومن غبائي دخلت للصالة ثارت اعصابه درجه يتقدم عليه ارجع ليوره نضرب ضهري بجهاز حرق الدهون بتعدت منه شوي وبس كلت شبيك اسلام تره هو عمو مااحس

غير ضرب ايده بالجهاز والنبي توقعت نكسرت لان سمعت طكه بس هو ولا هتم كمش اطراف اصابيعه ولواهن طكطكن نفضها بالهوه كمل نقاشه وعصبيته تخيلي وين اكو عاقل يسويها

ضحكت حجيت

-ترى عادي تصير باارقه العوائل.

بان -ولي لاتضحكين عليه لو قبل فتره اجه للبيت بثمانيه باليل والاول مره يتاخر لهل وقت بس شنو قميصه متروس دم وجرح بسيك يم عينه من عقلي كلتله شبيك منين هل دم ولج صدمني بكلامه

يكول -واحد تعرضلي واكل مستحقه

صدك لليل جهازه يمي دزو اله صورة شفتها لو نصدمت كاضي على الولد مطيح حضه ومشوها.

تخيلي والله خربت ضحك عليه نوب شفت فيد دازينه اله طلع رهان ملاكمه بس يا كمرة مطيح حضه بس بالاسم ملاكمه

التمن البنات واستلمني يضحكن علية لان عاضه جساس دخل هجان ابتسم كال

-هجان ا - شلون صرتي

ا استغربت من سؤالة بس ابتسمت حجيت

-حمدلله زينة

مسد على لحيتة ابتسم بهدوء كال

-اي شي تحتاجي كولي اعتبريني اخوج وجساس وينه اليوم اطيح حضة من وراء ابن الذينة وكفتي كلوبنه..

ماعرفت على شنو حجيت

-تسلملي هجان والنعم منك

ابتسم وطلع واستلمتنة تحقيق مودة وحدة ورة الخ بدتها مني

موده - كمرو شصار مصار ويا ج

- ماكو جديد اني وابن خالتج من الروس وابسط شي اليوم.

ردت عليه مشاعر

-صدك شوكت تسون عقد محكمه

كمرة - اكمل جامعة

ردت عليها بان

-صدك ولج خبلة تذكرت قبل كم يوم شغلت الطباخ ونجويت بطرف اصبعي خبضت اللبيت بالصريخ والعياط وانتي حركتي روحج معقوله ماحسيتي

ضحكت حجيت

-بوقتها وجع كلبي اقوة وتغلب على وجع جسمي

بان: وربي خبله مخبله وين اكو وحده تااذي جسمها على مود شرشرح

كمرة - ومن الحب ماقتل

مودة: تحبي

كمرة -اعشكة والعشگ قليل بحقة..

مودة -يالله هذه انتي واكعه ومحد مسمي عليج

كمرة - اوو قديمه هستوج ياله دريتي

مودة -اي والله هستوني

سكتت ثواني صدت على مشاعر حجت

وانتِ مشاعر

قبل لاتجاوبها مشاعر جاوبتها

كمره -اختصرلج الموضوع

اركان يركض وراها وهيه ضاربه الوضع مصره على قرارها رغم واضح الولد يحبهاو كاعدين يتبسمرون بالفيس كل ماادخل التطبيق مشاعر العشرة ماتهون واركان يرد عليها وهجان يدخل بينهم وخلص الموضوع وراسها يااااابس لـ ابعد حد توقعي بيوم يسوي شي اركان بيها لان مااعرف شنو الي تخططلة.

ردت مودة - بس الحب حلو واركان يحبج

مشاعر -ماكو يوم بحياتي أمن بالحب لان ماكو الي يجيد الحب..

موده: ليش اكو مو هذه هجان لو حسين لو ديسم لوجساس و ايهم حتى اركان حسب الي اسمعه يحبج بس ماعرف الي مستولي على كلبج..

ترى يامشاعر واضحه نفس عين الشمس انتي تهوي وهو يحبج لاتخلين زوجتة تعيقكم هيج ويصير عدكم طفل صغير هم يتوج حبكم وهم يعلقكم ببعض..

نصدمت لـ جواب مشاعر.

_اركان مايصير عندة اطفال هذا اول وثانيا سيف وفتى يوفون.

رديت اني

_لاتصيرين انانية، فرج الله على ساعة ماتحسين اله صاير، وشاون تگولين هيج مو خطية حتى لو عندج اطفال بس هو ماعندة تبقى بذمتج هذا.

وانطيج معلومة حرام عليج تمنعي من حقوقة كـ رجل لان انت تزوجتي والرجال ممقصر وياج بشي اشوفج انت الي دا تغلطين بس ماتعترفين.

البنات ايدن كلامي و

ردت مشاعر بضوجة.

_ يا حقوق الي تحجن عليها هو اصلا ماعندة القدرة على***** ماتشوفن لحد الان مطالبني.

صفنت بوجهة حجيت

ليش مو گلتي من تزوج گال تردين تصيرين زوجتي لو اتزوج انت رفضتي لولا؟؟

ردت

_عوفو سالفتي واذا على الحب

-هجان اذه جيلان هواي لو ما كلنه نعرف شسوه بيها مو سنين همه تاركين والقدر جمعهم

وحسين مو وصلج للموت مو خسرتي جنين بسببه ولو مو وقت هل كلام..

وديسم لو ما طلع متزوج ويين ياله صحت علاقتهم ولاتنسين المشاكل الي صارت بس اكدر اكول احسن من غيره

ايهم الوحيد الي مااذة لبابه على كولته انتِ عقاب من رب العالمين ولحد الان منعرف سبب هل كلمات..

وجساس هههه اصلا لاتجيبين طاريه على سوايته اصلا اضوج منه لو ميته شيكول لربه ولو هوة هم نضلم بس من نضري اشوفه صاحب الذنب الاكبر ولحد الان حاقدة علية.

وسليم خو هذه مسلمته لرب العالمين بنيه جنهه العافيه وره طيش حبها دمرت حياتها وهسه وين تاليتها بين الكبور جان كادر يطنش مشاعرها ويتجنبها ويصحيها بما انو اكبر منها بهواااي مو يعلقها بي صارت ماتعرف الصح من الخطا ياسليم ويا سليم.

و اركان خاف نمت بذره حب ب اتجاها بداخلي لاكن زواجة افعاله دفنتهتا لهل بذره وعدمتها من الوجود.

ردت عليها بسيل

بسيل -وانتي تعرفين هل بذره يجي يوم وتتحول الى نبتة وابن عمج بيوم من الايام كال لوالدي

تركت بذره بداخل گلب بنتك ومو بسهوله تكدر تطلعها

بيومها ستهزئت بكلامه لاكن بعدين عرفت قصده انو هل بذره هي الحب و تحولت الى شجره مو نبته لهذه السبب يامشاعر يجي يوم وتذكريني بهل حجايه.

ردت عليها موده

-فعلا كلامج صحيح

سكتت ثواني كالت

-زين سؤال هسه انتي وضعج ويه اركان شنو

مشاعر- غرباء تحت مسمى الزواج

مودة- لعد ليش ماتطلكين

مشاعر -ماكدر

موده -والسبب

مشاعر-ساعات اريد اخلص من عنده وساعات لا انطي اعذار واكول حقه والاكثرلا من كل هذه اطفالي

موده -ترى هذه حب انتي تحبي بس تكابرين واذا على اطفالج ترى كبار واعين اعتقد اعمارهم تجاوزت ال٧ سنوات بعد المن هل اعذار

مشاعر- ماتفهمين قصدي مودة فتى وسيف كلش متعلققين لدرجه اول مايفتحون عيونهم يكولن بابا وين

موده -اوكفيلي همه اطفال منو سيف لو اركان

مشاعر- سيف

موده بستغراب - لعد ليش يكولون لعمهم بابا

مشاعر- لان اول مافتحو عيونهم اركان وياهم وياهم لهل سبب

مودة -اذا تردين من صدك تطلكين الحضانه الج لان اركان عمهم ومتاكده هجان ميخليج محتاجه شي

مشاعر -اركان عاقد عليه سيد ومحكمه والاطفال بااسمه

بسيل -زين شوكت عقد عليج قبل لاتولدين لو بعد الولاده

مشاعر لا بعد الولاده

بسيل -لعد شلون بااسمه وانتو ماتملكون عقد

مشاعر -اركان الحكومه بيده نسخه هجان الثانيه وداهية ماتعرفين الي يسوي شنو..

بسيل -تكدرين تطلبين الطلاك ويسوون مقارنه بين تاريخ ولادتج وعقد المحكمه والسيد وبهل طريقه يثبت انو هوة عمهم

مشاعر - مااكدر

بسيل - السبب

مشاعر- لان مزور التاريخ مسوي عقدنه نفس العقد الي ويه سيف يعني التاريخ والشهود وكل شي

بسيل -هذه معقوله انسان مدبرلها من كل الاطرفف

مودة -كفوو منه اركان بعد صديق هجان شتوقع منه؟؟

بس صدك ولح اذا تردين تطلكين لاتنسين عندج عمج احسن محامي.

بسيل -نصيحه مني تره انت بعدج تحبي لاتكولين ممااحبه لان واضح حبج اله ومساعة انتبهت عيونج تركض وراه

موده -اصلا مفضوحة

كمرة: حاجتني بان على القصةالي مسولفتلها عنها.

صديت عليها حجيت

- بعدين ادزلج حسابها البنية كلش حبيتها لطيفة وترد مو نفس البقية.

هزت راسها اخذت جهازها اكلب بالصور كومه صور الهم ثنينهم اغلب الصور شايلها لو بايسها من خدها والنضرات كارثه ابتسمت صديت عليها حجيت

- ترة مفضوحين والله باين الحب والانسجام

اخذت الجهاز مني لان راسلها اسلام

موده باوعت علينه ابتسمت كالت

مودة- هسه اجه دور وحده غلوسه بالها ولايمنه مدفونه بالقصص اي بان شخبار الحب

بان -اصلا واكعه درجه اريد منه بس غمزه ولج احبه مطين حظ عمامي

مودة -ياصلوات محمد واخيرا وحده منجنت تغزل بحبها.

بان: لعد شعبالج قابل نفسهن طلعي بس كميرتي منهن احنة نكون او لا نكون بالحب.

مودة -ترة داانصدم منكم من لشيطان

با: شبيج والله تعالي انزله الج ولج يخبولج والله تحتارين تحجزين منو.

موده بستغراب منو تنزلي ؟!!

بان -واتباد

ردت موده بدهشه

_لا والله تردين من التطبيق غمزه ياخبله

بان -لاعيوني اريد من علوووش

موده -طيح الله صبغج اني وين احجي وانت وين

بان -وربي علوش يسوى الف اسلام..

موده -طكن عروكج وماادري

بان -كمرة شلونه علوش

ضحكت حجيت لان عرفت تضيع شيش جاوبتها

-جنه العافيه بس هذه الغبيه ناسا عافته وراحت وره امير

بان -متعافية والله اشو علي يخبل فوكاها يحبها

موده-صدك تحجن ولج بان اقصد عن اسلام مو القصص ولا التطبيق

بان - تقريبا حياتي نفس عمه مشاعر بينما قلبه وروحه راحت ويه وفاه سبيل..

والف الحمدلله عايشه بنعيم وخير ابويه بس يم الي يستمه زوجي

اسلام كلش زين وياي مايفرض شي عليه.

حتى علاقتنة جد كلش حلوة..

موده -لا والله راح الطم شنو سالفتجن انتن عفيه ا بنات ال مشلخ كلهن وكحات وما يجرعن ولجن شبيجن كل وحده بجهه

كمرة - بان تكابر مبينه تحبة نتبهت عليها تراسله ومبتسمة

مودة -زين وانت ابد ماتحبي

ركزت على مودة كالت

بان -احب القصص

مشاعر - ولو مو وقت هل كلام بس تدرون قبل اسلام جان يحب لبابه

الكل التفت على لبابه وبان الي كاعدات وحده مقابيل الثانيه

صدمة لبابة واضحه

ردت بان بعدم اهتمام

-اعرف وحتى راد ينهي عليها بس انت مقبلتي عمه

مشاعر -اي صحيح اسلام سولفلج

بان -لا بس سمعته بابا كال هذه بان مو لبابه لو سبيل هذه عدها استعداد تطببك للشط وتطلعك ناشف لهذه بقت بالي.

ومن سأاتة ما نكر جاوب لان هل شي ماضي واني حاضرة ومستقبلة.

جيلان -لاتخلين هل افكار براسج انت واعيه وتعرفين تتصرفين لبابه متزوجه وبنتها بطولها وسبيل الله يرحمها برحمته هسه انتي مستقبلا وحاضره ووماضي

بان -مااكدر اتقبله جان حاط عينه على اخواتي والاكثر سبيل ميت عليها اصلا مدمر صورتها وياه وين مايروح

مااحب اخذ شخص مايحبني مااريد باله وتركو السالفه مااحب ادخل احد بحياتي.

ردت اغير الجوواقترح عليهم فكرتي.

بما انو فتحنه ها موضوع اريد اكوللجن شي بس لاتحششن

جيلان -احجي شنو

كمره -اريد اكتب قصتي

مشاعر -يا قصه

كمره - شبيجن قصه حياتي كلش عاجبني اكتبها

مشاعر -بكيفج انت ادره

بان -كلش حلوة الفكره سوي والله بس ياكاتبة

كمره -جان عاجبني الكاتبة *** بس ايعععع تصرفها مااحبة

بس هسه غيرت اورجانزا

(هاي منو نورتكم 🙂😂🖤)

بان - صدك والله حلو تعاملها ترد على التعليقات والخاص مفتوح بس شعجب اختاريتيها..؟!

كمره باعن القصة الي نقراها اني وبان اسمها لم***********

صادف بيوم جنت مغثوثه من خالتجن كعدت اقره بارت رغم مبتدئه لاكن مابي مبالغ او يتفوق الخيال طبعا اني الوحيده الي اتفاعل بالتعليقات عكس بان الي تقره وتمرغل روحها بسبب علي وتطلع ولجن حتى تصويت متصوت.

فا باليل قريت اسمها ضل براسي اورجانزا شنو معنى ومعقوله اسمها الحقيقي

الف سؤال وسؤال اجه بالي جازفت راسلتها وره دقايق ردت

حجيت وياها هواي بالاخير سالت عن الاسم كالت بحثي بالكوكل

ختمت المراسلة وتركتها تقريبا وره يومين هم رجعت راسلتها وهم على الاسم لان يطلعن بس اقمشه عاد هنا هيه جاوبت

وكالت

_ انو هوه نوع قماش مميز يضيف جماليه خاصه بي رغم هوه مو الاساس لاكن هوه الافضل ومنا بدت صداقتنه درجه حتى ملاحضين علاقتي ويه امي اخر فترة صرت اتجنبها خاصتة من اروح شگد تسمعني كلام.

بس والله هل البنيه بيها طاقه ايجابيه عظيمه تسمع منج بس ماتنطيج حرف منها كملت البارت ساعه تلاثه ونص باليل صادف بوقتها جساس راسلني وضجت راسالتجن كلجن بس هيهى الوحيده ردت عليه ونطلقت وياها سولفتلها عن حياتي كلها من يوم الي اجيت والحد الان.

حتى تفقت وياها تكتب قصتي وسوت الها اعلان بس هسه انتضرها تكمل قصة ناسا

وها تذكرن البنية الي اسمها جوجو هي نفسها اورجانزا بس اني اختصرت الها دلع وهذه هو

مودة - حبيت الفكرة رغم اكرة القصص

مشاعر - متخليها تكتب حياتي عسى وعل نفيد ونستفيد

كمرة - اشوفها اذا قبلت

قنعت البنات نكتب قصتنه ...

صديت على مودة حجيت

-اي مودة شخبارج انت وحسين

ضحكت بهدوء لمعن عيونها كالت

- حياتنه كلش هادئة حسين وشغلة والبيت خاصتة هل فترة كلش مضغوط يريد يصدر كتاب اقتباسات و اشعار واربعة وعشرين ساعة يكتب من غير المجالس ومواليد يروح يقرة بيهن.

جيلان - صدك مودة شصار على الكتاب اتفق عليه لو بعدة

مودة - يوم الاحد حفل توقيع

جيلا -بيها الخير ان شالله التوفيق

مودة- تسلميلي حبيبتي

كمرة: خلص اليوم والضحكه مفاركتني راسلني جساس حجيت وياه شوي

رجعت اداوم ويه ديسم تكمل محاضراتي ارح يمه بالمكتب لحد مايخلص ونرجع

واستمرت حياتي بين الدوام وجساس الله وفقني من ناحيه الدراسة وجساس

صار الدوام الكتروني جساس ارتاح من هل ناحية مشت الايام وصادف اليوم محاضرات الكتروني وبسيل يم بيت عمو وديسم بالجامعة

سبحت طلعت لبست دشداشة قصيرة خيت مرطب فايتمن e وتنت فتحت المحاضرة وامشط شعري ندك الباب وقت ديسم يجي رحت للباب صحت منو

ابتسمت لصوته وهو يكول اني كميرتي

فتحت الباب دخل جساس وسدها بلعت ريكي حجيت

- هلابيك

ابتسم ميل راسه كال

- ياهلا بهل كمر المنور بالنهار

ضحكت حجيت

-شعجب اجيت

سحب نفس زفرة باابتسامة كال

-والله ليش الكذب جنت راجع للبيت شو اشتاكيت لشكار عيونج وضحكت شفاتج والطريق جابني الج

- خبيث والله

-اهاا هسه شحجيت كلت شتاكيت لا يروح بالج بعيد

ضحكت عفته مشيت كدامه اجه وراي مااحس غير شايلني شهكت وحضنته من ركبته بقوة ضحك رفعني وعض ركبتي صحت بي ضحك بقوة كعد على الكرويته ردت اوخر حضني بقوة كال

- مو كافي تحوسين ترة اجرم بيج.

كمرة - جساس ديسم بغرفته فشلة لايجي

جساس - اليوم بالجامعة قبل لااجي حجيت وياه سوالفج بطليها ترة انتي مرتي كدام الله بقت بس اوكل المايستاهلون حتى يوثق كدامهم انتي زوجتي

بس حتى لو تصير علينه الف سالفة احنه بغنى عنها

تلمس حنجي ركز بعيوني كال

-ليش هل اغراء ترة ماتحمل

نصدمت بكلامه ردت اوخر سحبني عليه عض ايدي صحت اخخخخخخ

مااحس غير دفو على شفايفي لحضات هدئت ونصدمت من الموقف بلعت ريكي عضني دفعته وخرت كامشة شفايفي ضحك تلمس سكسوكتة كال

-دشداشة قصيرة وربع ردان ودلع بالبيت ماريد يمج اخوج وليث كل يومين والثالث جاي عليكم

فتحت عيوني مصدومه من كلامة ضحكت حجيت

-اعتقد بيتي اكدر البس اي شي اريده مالك حق تمنعني دام مو بيتك يحلو ابوعيون

ابتسم رفع حاجب كال

-مستعجله على بيتي الضاهر

كمرة - لا وداعتك مامستعجلة بس مااحب تقيدني و اذا صدك تحبني ياجساس ماتمنعني لو تضجور

سحب نفس زفرة كال

- هذة هو بكيفج مااجبرج على شي

ابتسمت حضنتة حجيت

-ممكن تجاوبني ليش حبيتك ترة واكفه هيج معشعش بكلبي

ابتسم كال

-من اعرف الجواب اكلج

كمرة -بس مو تغلس..

صارت عيني على الجهاز مالتي اتذكرت اني بالمحاضرة وفاتحة صوت يتبع...

_رأيكم بالبارت

_ رأيكم بجساس وگمرة ؟!

_لو انتم بمكان گمرة وعندج محاضرة وطلع الصوت متوح شتسوين 🙂؟!

_توقعاتكم للبارت القادم.

اتمنة منكم المشهد الي يعبكم تشاركو عبر ستوري انستا..

رواية لماذا احببتك

البارت السادس.

بقلمي اورجانزا الطائي.

.

.

.

.

.

.

.

....

صدك لو گالو وقت الشدة تعرف الي الك والي مو الك.

امي ما اجت غير مرة وحدة.

لاكن مهوال سودة علية ما فارقني هو وعمتي.

گمرة اجت مرتين.

وجيلان بين يوم ويوم يمي.

اله هجان الي اسمع صوتة برة واحس علية من يدخل علية من انام..

ويبقى لحد مااصحى يطلع.

صافنة بالفراغ واليوم حولوني على عزل الصحي لان اتضح عندي كوفيد 19 والمرافق الي وياي هو مهوال واختي شوك.

الي من سمعت ما قبلت ماتجي..

مكان فارغ وحدي بي مااشوف غير شوك ومهوال يحاولون بغيرولي جو لاكن العامل النفسي عندي معدووم..

مااعرف شلون مرن هل ايام انام والم ياكل بجسمي.

أحيانا اصفن واگول هذا نتائج افعالي.

وبعدها اگول سبب الحياة الي عشتها..

مرت الايام بين العلاج وبين صحوات الموت الي تصير الي

اختنگ درجة دموعي تنزل واضرب على صدري اريد استنشق الهوا..

لحد اليوم من بعد تعرضي للاختناق صحيت على صوت ابد مو غريب علية..

اخر شخص ممكن اتمنة اشوفه واني بهل حالة.

حسيت علية تلمس ايدي الي بيها الكانولاو جهاز قياس دقات القلب والاوكسجين.

حسيت على دفو شفايفة على ايدي..

اسمعه يهمس بصوت خافت

_ليش ذليتيني بحبج وخليتيني اتصرف تصرف ما راضي عنة.

ليش ما انتضرتي اسولفلج.

ليش من سمعتي ما وكفتي وياي

ليش ستهينيتي بية ليش يامشاعر قدمتيني الها.

تدرين وثقت بيج حتى اكثر ما اثق بروحي وانطيتج سري وجنت واثق منج ماتحجي لگائن ميكون وجنت ناوي بهل شهر اطلگها..

بس انتِ خربتي الاول والتالي..

خليتيها تكمشني من ايدي التوجعني وتحجي گدام اليسوة والمايسوة اني مو رجال هل ما تقربت الها واريد اطلگها.

بس اريد اعرف خي شنهي من شكولات تثقين بيها لو ما وحدة استغر اللله منها.

وتصدكين لحد الان مامتندم لان ساعتها لان عرفت اوادمي.

ولج هجان مايتركني لحضة وانت تبيعيني الها.

العتب ماينفع بشئ بعد الصار صار واخذت مقسومي منجن.

رغم الي سويتي كلة بس منعول الصفحة مو راضي يحقد عليج.

ليش وشنو السبب ما اعرف.

مشاعر ورثت حبج بنار گليـبي تعرفين شلون ورثتة لو لا..

ولو هسة انت بسابع نومة ومنو اركان حتى تحسين بي هو الي خرب حياتج واخذ منط اطفالج هه

مشاعر انتِ وفتى واحد اشوفج بفتى رغم ماكو ذرة شبية بينجن.

تدرين ليش احضنها واطمئن لان تخليلها من عطرج او بالاحرى لان تحضنج على الاقل اخذ حضن بنتي واشم ريحة امها بدون تفلسف.

تذكرين السبحة من اصخرج عليها تعرفين ليش اشمها لان لامست ايدج.

اعرف كلش زين كل مرة قبل لاتوصليها الي تجعصيها بيدج والكهرب يفرز رائحة..

تدرين انتِ احنة ثنينة غلطانين لان اني ما عرفت احتويج او انطيج فرصة لحزنج.

وانتِ بالمقابل تصديني واني كرامتي فوك كل شي وبصدج الي ابتعدت لان ما ردت اضغط عليج اگول عوفها اركان تاخذ راحتها بحزنها هي حبته لـ سيف.

وكل دمعة اشوفخا منج على سيف احقد علية زيادة.

وبنفس الوقت بسببي لان اني خليتة يحبج.

بس تبقى ارادة ربج..

طول ما هو يحجي دموعي بعيوني مااريد انزلهن كدامة مغمضتهن وهو حاط راسة على ايدي.

تحمحم وحسيت على حركتة باس راسي همس بصوت هافي

_امني جهالج بخير والحمدلله ثنينهم طلعو الاوائل طلعتي انت مأثرة على سيوفي وياخذ صفارة..

نهة كلامة بضحكة..

لحضات اختفة.

فتحت عيوني نزلن دموعي.

شهكت بصوت وبجيت بقوة احس صار عندي انهيار..

النفس انقطع اتلمس رگبتي اريد اتنفس لحضات دخلت شوك مبتسمة شافتني طلعت تركض.

لحضات رجع دكتور ومهوال واركان وشوك.

حطولي الاوكسجين بالگوة اخذ النفس عيني على اركان الي كامش ايدي..

اشاهك وافتح عيوني بالگوة..

لحد ما شهكت واحس ضربة على راسي گلبت عيوني وفقدت..

احس روحي واكعة بحفرة سودة..

حسيت على بروده بوجهي فتحت عيوني بخفة اول شخص صار كدامي اركان..

ابتسمت وغمضت عيوني..

مر وقت صحيت.

طول فترة العزلة اركان ما فارقني لاكن متجنبني.

واني كرهت واستحقرت روحي لان رد اذيتي بـ حنانة واهتمامة الي..

رغم شهرين وياي لاكن ما جمعنة حديث غير هو يگول شتحسين؟!

ويبقى برة.

اليوم طلع نتيجة المسحة سلبية.

طلعنة من المستشفى.

مهوال راد ياخذني لبيت اهلي لاكن قاطعنة اركان يگول.

_مو بحاجة اهلها بيتها موجود.

رد علية مهوال

_احطها بعيوني اني يمها وشتسوي بالبيت وحدها.؟

رد اركان بكل جمود

_البيت اشتريتة وسجلتة بـ اسم مشاعر لان حصت سيف الها.

ومالكم عذر لان عمتها وياها بعد شكو؟!

رد علية مهوال

_قصدك لـ فتى وسيف.

رد علية بحزم.

_ بالنسبة لـ فتى وسيف هم يورثوني كل شغلي وبيتي الهم لان هم بـ اسمي واعتقد الي يربي اولى.

بينما حصة سيف لزوجتة الي هي مشاعر.

صفني بقرارة معقولة هيج مسوي!؟؟

اخذنة لبيتي عمتي اتلگتني تبجي دخلنة للداخل جنت متوقعة يتلگوني الجهال لاكن ار العكس.

كعدت بالصالة گالت

_نورتي بيتج ييمة.

ابتسمت بدون ماارد.

لليل اجة هجان ربع ساعة گال

_للمرة الرابعة تجين وياي لولا.

ابتسمت ميلت راسي حجيت

_جهاللي.

هز راسة ضرب على رجلة گال

_وصل جوابج.

صد على جيلان گال

_گومي جيلان وراي واجب.

طلع من البيت زعلان.

ارتاكيت على الكرويتة بدون مااحجي شئ.

مجرد دموعي احس ألم بروحي..

حسيت على لمسات على ايدي مانطيت ردة فعل.

لحضات تنهدت وگالت.

_ييمة ماتهونين علية لورايحة وية خيج تراج مالج احد غير لا عبالج اركان بي حظ وينسند علية لا من اخذ وليداتج وغسلي ايدج ليش ما سمعلج ليش نطن خبالاتة.

مو هو الي جابها يستشرف علينة.

شرفنة وشرفنة وهم يخربون بحياتة لو بي نخوة جان حجالي على الاقل.

بس انت هم غلطتي اني الي كبرتهم ما گالي هو ماعندة القدرة....

وگال الج وانت فضحتي تدرين مريوة شحاجية علية.!

راحية لـ اهلها گايلتلهم مو عبث اتزوجني طلع هو مايگدر ي.... ولا يصير اطفال وتزوجني يستر نفسة بـ اطفالي.

ام حلگ الاعوج واذا ما يگدر يعني مفلفلة على ال*** الصمي فوك ما ستر ال***

عساا بـ ابو زايد حتى ما يصير هو الشريف.

طول ما عمتي تحجي اني دموعي تنزل فعلا غلطت من حجيت بسالفتة رغماني الي گلتلها عادي واكو علاج تالي من وراي اني حجوعلية.

گمت من يم عمتي لغرفتي.

شوك بقت يمي لان عمتي ما تگدر.

مددت على لجرباية.

كعدت گدامي گالت

_مشاعر ترى اركان يحبج والله والي سويتي غلط خطية هيج تسوين بي.

تنهدت حجيت

_عوفي السالفة اريد انام.

هزت راسها وطلعت.

ضليت اتگلب وشكل اركان ما راح من بالي.

استرجعت مواقفة وياي.

من عقد علية ببيت اهلي وگال

_ااخذتج من بيت اهلج محد يگدر يحجي.

ومرة من ياخذ فتى يحضنها وينام.

فعلا اني دائما اخلي لفتى من عطري بسالاكثر الغسول مال الجسم لان استخدم غسول طبي ينفع للاطفال هم.

تخيلته گاعد كدامي وعلى رجلينة فتى الي حاضنتة وسيف الي مرتاك على كتفة..

ضحكت لخيالي الواسع هسة يالة تذكرت وين كان عقلي من حاولت ابعدة عني.!؟

عصرت راسي حجيت

_يا الله دخيلك رجعلي اطفالي.

خلص اليوم وحالتي استقرت اول خمس ايام لاكن باليوم السادس

گعدت الصبح على صوت اركان وعمتي اسمعة يگول الها

_وروح ابوي مسموط الصفحة اذا حجيتي لـ بعد ماتشوفين خلقتي.

وهي ترد علية

_لا تكابر ييمة تاليتنة لهل درب.

رد بحذر واضح

_قسم بحروف لقران يا شوك اذا حجيتي بعد ولا اعرفج وانت يمة احرمج حتى من شوفتي.

ثارني فضولي وطلعت من الغرفة.

وصلت يمهم سكتو وار كان ركز بعيوني للحضات غمض تيونة بقوة وطلع..

كعدت حجيت

_شكو شصاير.!؟

شوك دموعها تنزل وايدها على مبسمها

وعمتي صافنة.

عاودت السؤال گالت

_منجلهل مكرن الله ياخذني واخلص منكم.

طلعت للحديقة حجيت وية شوك ماقبلت تحجي.

غسلت وكعدت انطتني عمتي اكل گالت

_اكلي لا وروح الحسين اهج منا.

ضحكت اخذت منها اكلت.

للضهر گاعدين نتغدة دخل اركان

ادعيت عدم الإهتمام لاكن گلبي يدك..

ولحظي الحلو گعد مقابيلي.

ياكل وعينة على عمتي الي زعلانة منة..

كملت اكل شوك رادت تطلع گال لها

_شوك اذا ماتزحمين اريد كوب چاي ثگيل يعدل الراس.

تذكرتة قبل من يطلب مني اسويلة چاي.

ابتسمت لاارادية.

كمل اكل گام يغسل.

فجأ لعبت نفسي اريد اتقيئ ركضت للحمام فتحت الباب وتقيئت..

اكح بصوت عالي لان اختنكت ومعدتي اذتني كلش.

درجة من شدة الألم نزل دموعي.

صارت عيني على الكاع عبارة عن دم..

رجف گلبي حسيت اكو شي.

سمعت صوتة يگول

_گومي طلعي لاتصفنين..

التفتت علية واكف بباب الحمام.

مااهتميت غسلت المكان وطلعت ولحد الان نفسي لعبانة.

بالگوة مسيطرةعلى روحي گعدت بالهول.

وكف گدامي گال

_حضري نفسج بين مااجي اخذج للمستشفى.

صديت علية هزيت راسي حجيت

_ مابية شي.

رفع حاجبة والتفت على عمتي گال

_اخذي جنتج للمستشفى استفرغت دم.

شهكت عمتي وضربت على صدرها گالت

_عزا بعينج گومي ولج ناخذج خاف كل شي يصير.

ابتسمت الها حجيت.

_مابية شي بس لان اگلت مرگة احتمال.

قاطعنة وگال

_المرگة موزينة عليج وانت ممنوعة من هل نوع من الاكل والاستفراغ ما الها دخل بالمرگة هذا دم.

گمت من يمهم حجيت

_مااروح اريد انام

رد بعصبية

_مو هية بكيفج بسرعة حضري روحج وتعالي.

رديت

_مالك حق تدخل بية و بكيفي عسا ما اموت لاتدخل.

رد بتهديد

_نفس الحبابة تروحين تحضرين روحج ونطلع بسرعة.

خزرتة حجيت

_ماااروح فهمت.

مشيت من يمهم رحت للغرفة اجة وراي ردت اقفل الباب دفعها وسدها صاح

_من احجي سمعي لا وروح المسموط انعل اللحضة الي رفضتي بسرعة بدون كلام غيري حتى اولي.

رغم خوفي لعصبيتة الي اول مرة اشوفها.

حجيت

_اعتقني ما الك اي دخل بية اطلع اريد انطمر.

رد

_انطمرت عليج العافية وخلصت بسرعة گلت لاتطلعيني من طوري مشاعر.

_كلت لا فهمت لاااااااا مااروح عوفني ترى محد يحس بية اشهر واني على هل نومة يا كانولا يا ابر يا مغذي ياتحاليل كافي تعبت ترى والله مو قوية اتحمل هل شي...

دموعي نزلن ركزت بعيونة حجيت بغصة

_على الاقل اموت واني مرتاحة بعيدة عن الم..

بدون ما يگول كلمة وحدة سحبني لحضنة احتضني بقوة..

حسيت بدفو حضنة زدت بالبجي وصوت شهكاتي ارتفع.

مسد على شعري گال

_كافي بجي وخليني اخذج للمستشفى.

ابتعدت عنة عيونة مقابلة لعيوني ابتسمت قرب ادينة لوجناتي مسح دموعي ابتلعت ريگي حجيت

_ليش هيج تعاملني رغم اذيتك وردت ابعدك.

ليش ترد اذيتي بهل طريقة ليش..

ابتسم وهمس

_ الضرب والصياح ماينفعن عايفج انتِ وضميرج..

ولان تهميني.

ضحكت بستهزاء حجيت

_ اهمك لو صدك اهمك ما اخذت اطفالي مني..

تنهد گال

_ابد مو وقتة هل كلام، بس ارضي تفكيرج

الي تحسي حاليا هو نفس او اقل من احساسي من نويتي تاخذيهم مني بدون سابق انذار او ذنب مقترف مني او مأذيهم كلش زيت تعرفين هل اثنين نقطة ضعفي.

الي يريد يكسرني ويهد حيلي وكياني ياخذ واحد منهم.

_بس انت هديت عافيتي صرت اتمنة الموت اطفالي هم الي على مودهم عشت ويا ك وتحملت كل شي..

اركان_قصدج اني مأذيج؟؟؟

مشاعر تدرين قبل كل كلمة احجيها وياج افكر الف مرة اخاف تتحسسين منها او تضل بخاطرج.

_بس مافكرت من گلت الي تصيرين زوجتي واتمم لو اتزوج.

مافكرت احساسي شنو..

اركان: لا تحاسبيني على شي سويتة اعترف غلط لاكن لو يرجع الوقت هم اسوي.

اتفقت وياها مدة سنة وكلمن يرجع لمكانة.

اكثر من مرة حاولت احجي وياج لاكن انتِ راكبة راسج كل ما احجي وابتعد اني زوجة اخوك

تدرين اصلا حرام تنطقين هل كلمة.

لان انتِ بذمتي ومتزوجج گدام الله والقانون بعد المن هل كلام ماادري.

وشغلة ثانية لعلمج خليتيني اكرة اسم سيف من وراج فرحي يامشاعر حقدت وكرهت انسان يم ربة..

دنگت راسي ماحجيت شي.

مروقت الصمت سيد الموقف..

لحضات اخترق هل صمت صوت اركان يگول.

_شنو حسيتي من حجيتي وية مروة او بالاحرى اتفاقج.

اريد اعرف الدافع الي خلاج تسوين هل حركة.

رفعت راسي ركزت بعيونة حجيت

_اطفالي الي اخذتهم مني، لا حصلتهم ولا حصلتك خسرتكم تلاثتكم.

لحضات صفن بعيوني وحجة بهدوء.

_يهمج تحصليني!؟ وانت الي خططتي حتى تنفريني منج.

بيوم من الايام گلت للبنات اركان ترك بذرة حب اتجاها لاكن نقتلت ردت علية بسيل انو البذرة شما تنطم تحت التراب لابد يجي يوم وتصير نبتة مو اله روي لا نفس الصحراء بوحدة يصير واني هيج صار وياي..

شبة ابتسم وتلمس حاجبة گال

_غيري اخذج للمستشفى.

هزيت راسي مجرد طلعت العبا ه والجوايب مالي خلگ ابدل.

طلعنة مسافة الطريق وصلنة سويت تحاليل من جديد لليل ياله خلصن واتضح ماكو شي حتى الورم طالع الزرع حميد.

لليل رجعنة فتحت الشباك نسمات الهوا الباردة واركان مشغل اغنية لـ مطرب مااعرفة اول مرة اسمعها..

لاكن الكلمات دخلت لگلبي احس لهنا وخلص كل شي ولو هو خالص..

دموعي تنزل وية كلمات الاغنية الي يندنها مع المطرب.

يمكن ما نرجع نحكي

اعطيني وعد ما تبكي

فرجيني هاك الضحكة

اللي بحبا انا

اوعي تزعلي مني تحكي لغيري عني

من وصل لهل مقطع لح على تحكي لغيري عني.

حسيتة من صدك يبسمرني.

صديت على جهة الشباك دموعي تنزل بهدوء..

وصوت الاغنية متناغم مع الوضع..

عيشي العمر واتهني وانسيني أنا

فوتي علاقة أو صداقة

ما تخلي جوالك نقص

كوني القوية لمنا هي بتبكي

لو خسرت شخص في علاقة أو صداقة

ما تخلي جوالك نقص..

خلصت همست بداخلي الف حمد الله بس رجع شغلها بين ما وصلنة للبيت هو مشغلة اربع مرات لدرجة حفظت كلماتها وكرهتها..

نزلت بدون مااحجي شي دكيت الباب طلعتلي عمتي

دخلت بعد ماطمنتها.

كعدت على الجرباية بدون اي حركة ماعرف الي اريد شنو.

اخذت ملابس سبحت سمعت هوسة..

كملت تبديل طلعت للهول بدون ماانشف شعري.

مجرد صارو كدامي شهكت وبجيت اجوني يتراكضون احس حيلي باد ماگدر اخطو خطوة وحدة.

فتى حضنتني وابتعدت راحت لـ اركان لاكن سيف الي ماقبل يبتعد عني..

دموعي تنزل اول مرة احس بطعم الحياة وياهم.

هذولة روحي من هل دنيا شفت العجب من ابتعدو عني وابتعادهم بسببي.

نزل فتى گال

_ رجعتهم الج لاكن يا مشاعر انتِ وضميرج اذا بيوم بعدتيهم عني، ولعلمج جبتهم مو لان تعاطفت وياج لا وداعتج .

طلع من البيت وفتى ماسكتت ضلت تبجي لدرجة تگول

مامي مااحبج احب بابي.

صدك قهرتني.

سبوع وفتى ماتقبل حتى تاكل بالف ياعلي تاكل.

كل حجاية والثانية تگول

_مامي ما احبج اني.

مرت فترة معينة  وخطبو فجر  اختي.

مااعرف شلون صار زواجهم بسرعة بسرعة درجة باجر الزفة مالتهم.

اليوم الحنة البارحة طلعت اني وشوك وعمتي اشترينة ملابس.

بدلت لفتى بدلة بڤ لو جويتي   وسيف قميص اسود وبنطرون جويتي  لبست فستان لون جويتي للركبة  نصف ردان  خليت مكياج  ورفعت شعري من فوك   والبقية عفتة مفتوح.

طولان كلش درجة واصل وية طول الفستان لحد الركبة بس خفان

رغم بشرتي سمرة لاكن احب لونها لا غامقة كلش ولا فاتحة.

نزلت اني وسيف وفتى وشوك.

الاغاني صوتها عالي كلش.

  سيف كعد يم عمتي واني رحت وية شوك نركص.

طلعت اغنية ميلي بخصرك

رغم مو كلش مال ركص بس ركصنة عليها   اخذت شال الي نزلتة وياي  لفيتة على خصري واركص وية الاغنية.

.

حاسس في بقلبي لهفة

عم تدفعني أني روح

وميلها بإيدي وأعزمها

عـ الرقصة وبسري بوح

رح قوي قلبي وما خاف

منو خسارة الإعتراف

ملاك منّزل عـ الأرض

بيستاهل كرماله تبوح

شو عملت فيي من لما؟

لفت عخصرها هالشال

ترقص قدامي وتتغمى

تتلفت يمين شمال

وتهز بشعرها الحرير

ما تمل قلبي الصغير

اي والله دوخني كتير

خصرها الميال

أحلى صبية بشوفها

بأعشق خجلها وخوفها

أعطيني ضلوعك أغمرها

وحط النقط عحروفها

هزي براسك وافقي

وتركي عليّ اللي بقي

سمُّوني بالحب الشقي

«ها بنات 🖤😶 الاغنية عليمن طلعت

»

شوك تصفك  وتركص اجتني فتى تركص وياي اخذت ايدها بيدي ونركص.

رفعت شعري لان عركت  التفتت على جهة الحديقة انصدم بـ اركان وهجان واكفين.

واركان مركز علينة.

من خجلي  ختلت ورة فتى.

شوك استلمتني تحشيش.

بهل اثناء دخلت لبابة وجيلان.

سلمت عليها. كعدت يمها.

اخر مرة شفتها من اجتي علية.

الحلو بعلاقة اركان وهجان ابدد ما تركو بعض.

بقت صداقتهم.

اجو اهل العريس واضح اخواتة غثة مال الله  وحدة تتموع والثانية اني اشتريت هيج وابوي اشترالي هيج.

والثالثة اصلا ولا يمهم بيهن هوان  اله هذا تتنكس تگول ما اكل من مكان.

لليل گالت عمتي راح اروح انت ابقي عرس اختج رفضت ابقة لان بس اني وياها مستحيل اعوفها وحدها.

لبست عباتي فوك الثوب  وطلعنة.

توقعت هجان يودينة لاكن عمتي متصلة على اركان لان ماتوقعت ارجع وياها.

واكفين بالباب  اجة مهوال شاف فتى شالها بوسها گال

_وربج حرام  طالعة نسخة الي ببالي.

ضحكت حيت

_اله طفرة وراثية والله لان عها غمازة تشوفها تشبها.

هز حواجبة گال

_هي كل لبنات حلوات لو بس انت.

ردت علية فتى

_لا مامي هم.

ضحك گال

_بعد روحها لـ امج.

وكف يمنة اركان وية ما حجة مهوال

_خطية انت جفاف اتغزل بيج احسن

طالعة بالازرك غير تخبلين المخبل وداعتج ذكرتيني  بالفرشة مالت زوجة حسنين لونها ازرك وياها وجوه مخاد ثنين لون ابيض وازرك

واليوم منسقة وية فتى وسيف ثبتت علية خوش فرشة.

ضحكت حجيت

_بالة اريد اعرف هذة هم غزل لو عايفني مو احسن.

رفع حاجبة گال

_زوجج يمج مايقصر بالجف...  ااا قصدي غزل.

نهة كلامة بضحكة.

رد علية اركان

_ مهوال ما ناوي تتزوج.

رفع ايدة گال

_بالسلامة خوية وراكم درب قريب.

ضحكت بصوت حجيت

_ جاوب  مساعة حاطني تحشش.

تنهد گال

_ والله يا اركان كاره جنس حواء

عقد حواجبة گال

_ليش،  لعد وفتى منو  محاوطها وتشبة بيها

رد

_منتبه هههه

، والله يااخوي حبيت وماتت البنية الف رحمة على روحها لاكن

بنتك نسختها..

تلقائية وجه اركان مبتسم.

حسيت بي يحب واحد يگول اله بنتك او ابنك على فتى وسيف.

ستأذنة بعد ما نهو كلامهم.

كعدت ورة وسيف يمي وانما فتى يا فتى بحضن اركان هي وفستانها الي غطة..

ارتاكيت على الشباك مغمضة عيوني  لحضات سمعت اغنية ميلي خصرخ  فتحت عيوني  صديت على المراية  الي اركان كان متاكد مني راح انتبة.

اتفاديت النضر اله وصلنة للبيت بعد ما شبعت انحراج منة.

نزلنة گال

_مااگدر ابقى اريد ارجع.

بقت فتى وسيف وعمتي يمة واني نزلت.

دخلت للبيت  نزعت العباه والشال.

اخذت ملابس من غرفتي وطلعت على صوت عمتي.

دخلت للهول  صار كدامي گاعد وفتى وسيف بحضنة.

ضل صافن علية يتبع.

_توقعاتكم للبارت القادم

_رأيكم بالبارت والاحداث

__رأيكم بالسرد، صعب فهمة لو سلس

_باجر ماانزل بارت لان راح اروح لـ بابل عذروني.

وتابعو حسابي الانستا لان انزل بي مشاهد ها يوزرة umkno22

وحساب الواتباد لاتنسوووووumkno22

وحب چبير الكم والتفاعلكم.

اهل الامتحانات شلونكم وية الاسئلة بالي يمكم.

رواية لماذا احببتك

البارت السابع

بقلمي اورجانزا الطائي.

.

.

.

.

.

.

.

.

.

.

.... حال مشاعر..

خلقت مابين النجات والهلاكِ

آهات لـ امرأة فقدت الشغف..

ويدعون بـ انها غرست ظهر احدهم بخناجر مسمومة

أرأيت خنجر يسأل القتيل لما غُرست

ولا تسأل القاتل ما دليل برائتة..

....

كعدت ورة وسيف يمي وانما فتى يا فتى بحضن اركان هي وفستانها الي غطة..

ارتاكيت على الشباك مغمضة عيوني لحضات سمعت اغنية ميلي خصرخ فتحت عيوني صديت على المراية الي اركان كان متاكد مني راح انتبة.

اتفاديت النضر اله وصلنة للبيت بعد ما شبعت انحراج منة.

نزلنة گال

_مااگدر ابقى اريد ارجع.

بقت فتى وسيف وعمتي يمة واني نزلت.

دخلت للبيت نزعت العباه والشال.

اخذت ملابس من غرفتي وطلعت على صوت عمتي.

دخلت للهول صار كدامي گاعد وفتى وسيف بحضنة.

ضل صافن..

تحمحم وتجهاهل وجودي، حضن فتى وسيف

ابتلعت ريگي وانسحبت.

من الهول للمطبخ.

لگيت عمتي حاطة نومي بصرة بـ دلة بيها مي على الطباخ.

ستغربت حجيت

_المن هذا عمة.

التفتت علية گالت

_لـ اركان..

هزيت راسي والتفتت ردت اطلع وگفني صوتها تگول.

_لنيتي تگدرين تسوين اكل لـ اركان لان على غدا البارحة.

ابتسمت حجيت

_اي عادي اسبح سويلة.

طلعت من المطبخ بعد ماتشكرت مني.

طبعاً عمتي تخجلني من تطلب مني شئ لان تتشكر او تگول بلا زحمة عليج.

حتى لو مابية اسوي هل شي لاكن طريقتها تخليني اسوي بدون ضجر.

دخلت للحمام سبحت وطلعت لافة شعري.

لبست شال وللمطبخ طلعت كبة گليتها وطماطة مكثرة دهن ومالحة وشرط لاذعة هو يحبها هيج

وكوب چاي ثگيل.

اخذت لصينية دخلت للهول مالگيتة.

بس عمتي نايمة سيف نايم بحضنها.

رحت للاستقبال ردت ادخل سمعت صوت فتى تگول

_بابي اريد اروح وياك اني مااحب مامي.

رد عليها اركان

_ لاحبيبتي لاتگولين هيج ترى ازعل منج وبعد مااحبج ولا احجي وياج هذة ماما حبيبتج شلون تحجين هيج عليها وتدرين هي تگول اريد اخذ لـ فتى العاب حلوة واذا سمعت تگولين هيج تزعل وتضوج وماتشترياج العاب.

ردت علية

_انت تشتريلي.

_لا ما اشتريلج لان ماتحبين بنتي وتخليها تبجي من كلامج.

ردت

_مااااا بس اني أميرتك وبنتك بابي.

مااحبها لـ مامي لان ماتحبك.

ضحك بصوت گال

_أنتِ وامج أميراتي وبنياتي وحبيباتي.

مايصير تگولين هيج والله ازعل منج.

ردت بضوجة

_بس اني اميرتك ماعلية..

رد عليها بااقناع

_فتى أنتِ هذة العين وامج هذة العين.

ردت علية

_لا اني هذا العين وسيوفي هذا العين.

رد عليها

_ملعونة سيوفي نضرهن لهل عينين.

ردت

_انت حبيبي الي وحدي واني اميرتك وبسس بابيي

رد عليها

_أكره ضعف گلبي اتجاهج انتِ وأمج.

ابتسمت لكلامة وتنهدت دخلت للاستقبال.

كـ العادة حاطها على صدرة وهي صايرة بطولي اله شوي.

شافني رفع راسة وگال

_اكو شي؟!!

رديت بتوتر

_لا بس الاكل..

رد بدون تفاهم

_مااشتهي.

رفعت حاجبي بعدم اهتمام كملت طريقي الطبلات بين الكرويتات صايرات وكفت كدامة حجيت

_ممكن ادينك لحضات؟!

رد رافع حاجبة بستهزا

_وشتسوين بيهن ممكن اعرف بلا زحمة عليج.

زفرت نفسي حجيت

_لـ مرة وحدة سوي الي اگولة.

مد ايد حجيت

بس لحضات اكمش الصينية.

اخذها مني .

طلعت الطبلة خليتها گداما وابتعدت حجيت

_دام الطبلة قريبة عليك من يمك خلي الصينية وتعشة وية جنيتك.

شغلت الاضوية حجة بعصبية مكتومة.

_طفيهن موالثريات مشتغلة.

حركت كتفي حجيت

_لازم يشتغلن شلون تشوف وانت تاكل؟؟؟

هز راسة وحجة

_بس الجاي الاكل اخذي.

رديت علية بعدم انتباه

_سويتلك الطماطة الي تحبها ومااعرف شلون تجرع ملوحتها ودهنها.

رد بـ اختصار

_تعبتج، اخذي راحتج.

طلعت من يمة.

رحت لغرفتي.

مرت الايام واقتنعت اكتب قصتي بس والنهاية معقولة تبقى هيج او منو اله خلگ يقرأ قصص بهل وقت لا اكيد اكو.

رديت لگمرة گلتلها اي موافقة.

كانت بهل وقت تنزل قصة ذات الي مااعرف شلون گدرت جيلان تاخذ الموافقة من هجان.

وقصة جيلان.

رغم اكو خوف من هل خطوة لاكن استمريت.

بهل وقت صرت اگضي اغلب وقتي بالقراءة القصص لو اتواصل وية البنات يوصلن للكاتبة لان خجلت بالبداية.

لاكن بعدها تعودت على الكلام وياها بس مختصر.

«الله وكيلكم شالعة گلبي اسحل الكلام منها 😔🖤»

لبيب نسحبت من القصة.

وبانسحاب لبيب اركان عرف اني وية البنات بيومها اجة رزلني وگال

_اذا انذكر حرف واحد يخصة ويخص سيف ياخذ الجهاز مني وطبعا بوقتها كانت واصلة لـ احداث زواجي من اركان.

لاگدرت اگول اله ولا گدرت اسگت.

يومين احاول شلون افتح الموضوع وياه اخر شي العصر وصل فتى وسيف دزيتله فتى اريد احجي وياه.

فعلاً استجاب لطلبي و دخل.

بعدة لحد الان ببدلتة العسكرية.

طلع جكارة شغلها گال

_محتاجة شي؟!

عضيت شفتي ودخلت بصلب الموضوع

_اركان اني كتبت قصتنة وية البنات وانت وسيف هم مذكورين والقصة مابعد شي وتخلص ولا تگول ليش ماگلتي لان جنت عصبي وماحجيت ولاتگول كذبتي لان اني سكتت ما رديت عليك وهذا هو...

حضن ادينة لصدرة وركز علية بكل برود گال

_اعرف،اكو غيرها لو على هاي دازة علية؟!

رمشت اكثر من مرحة حجيت

_لا ماكو هي هاي بس ليش ماعصبت!؟

زفر نفس من الجگارة وهمس

_بزعت روحي اعوفج على راحتج عسى ما تشدين وصلة وتركصين بالشارع.

مشاعر تسوي الغلط وتحس بروحها غلطانة وبعد ما تشوف نتائج غلطها تجي تنطي علم.

وخفي كلام بحقي وبحق هجان لان سوالفج كلهن يوصلن اله.

وهسة محتاجة شئ لو اروح ترى من البارحة منايم ولا حاط شي بمعدتي.

ابتلعت ريگي حجيت

_عليك الله منو يسولف واني محاجية شي بحقكم ليش تذب براسي.

باوعلي صفح رافع حاجبة.

_اصدك مو انتِ گايلة لـ جيلان علية اني ابو نسوان وبحجة الشرف اتزوج لو كل يوم يمنة بحجة اشوف الجهال وها نسيت اهم شي تحسين نفسج حبيتيني ازيد بعد لو يكفي هل قدر؟!؛

فتحت عيوني بصدمة حجيت

_منو الي يحجيلك؟؟ عليك الله هل فترة ماتجي لان واصل الك هل كلام!؟

بلل شفتة وهمس

_لاتنسين اكو فد أميرة يمج تتمنة تعيش وياي..

غمضت عيوني وفتحتهن عرفتها السخيفة حجيت بعصبية

_والله والله الة اضربها على هل فعلة والنوب شحاجية لهجان هم

_تحبين مهوال اكثر منة و حرام علية نهة على ذات بقت بذمتة وسخيف.

كزيت اسناني ودخلت للبيت بمتحلفة لـ هل سخيفة الي عندي ادري تميز ابوها اكثر بس مو لهل درجة.

بعدني بباب الكلدور صار گدامي عاقد حواجبة صاحبية گال

_شبيج تهبدين ولا يگلك زمال يحجي وياج.

رديت بعصبية

_البرينسس بنتك مصيبةةة يعني تروح تسولف وبعدها هل گدوتها اذا تكبر شتسوي هااا احجييي

اركان..شگلتي؟! بنتي! لو اني متوهم؟

رديت بعدم تركيز

_لعد بنت الجيران، غير طالعة من ضهرك..

ضحك عض شفتة وحجة بمكر

_بنتي بالة اذ شئتي ام ابيتي ماهتم لتصريحج لان فتى اني ربيتها بس طالعة من ضهري هذا واكفة ديري بالج تحجيها گدام احد ترى تثبت التهمة عليج لان قعدت عليج بتاريخ الي جنتي متزوجة..

وشغلة لخ من ٢٠١٤ولهذا يومج مامتقرب الج شلون اجت من زرف الحايط مثلا..

تلمس عينة واردف.

_يابة والنعم منها بنتي

نهه كلامة بضحكة..

حسيت على جفصتي غمضت عيوني بهل لحضة تمنيت الگاع تنشگ وتبلعني.

احس الحرارة امتدت بجسمي.

ردت اطلع من يمة سد المكان و كمش ايدي گال

_منعاً باتاً تمدين ايدج على فتى لان والله ما اتعامل وياج كـ مشاعر الي يضعف گدامها گلبي..

ابتلعت ريگي حجيت

_اريد اربيها كافي كلها يمك وشوف تسولف علية.

رفع حاجبة گال

_هو امها من تربي روحها وتعرف تصرف وتاخذ المواضيع بعقلانية وماتتغلب عليها مشاعرها ولا تتنازل على شغلات الها وتحسم الامر وتكون گد الامانة والسر المگيول الها ذيج هسة الج صاااالح الافعال ما اگلج على عينج حاجب.

بس اكيد بيوم الي اعرف مشاعر تغيرت صارت انسانة واعية وواثقة من نفسها.

عقدت حواجبي وعيوني دمعن حجيت

_احسك تبسمرني؟!

رفع حواجبة گال

_لا خطأ اني احجي الي صاير بهل وقت كل هذني بيج من تعدليهن احطج على عيني وراسي.

ولعلمج مشاعر اعرف بيج عندج مشاعر اتجاهي من خلال نضراتج واهتمامج بس انتِ ما راضية تعترفين بيهن مع نفسج.

حاولي تفكرين بـ زيناتي قبل سيئاتي فكري بـ حبي الج فكري بـ افعالي الج.

غمضت عيوني حجيت

_اعرف بس اني ما اريدك.

تنهد وگال

_السبب..

ستهضمت حجيت

_مو راضية اتقبل وجودك مااعرف ليش رغم اني ممتنة الك الي ما سوو اهلي انت سويتة رغم اعرف بيك تعرف كل شي عنة لاكن لحد هل يوم ما عيرتني بشئ..

دموعي نزلن مسحتهن ضحكت واردفت

_بس انت تستحق وحدة احسن مني تصون حبك الها مو تقدمك لغيرها..

من تستسرها تموت وماتنطي بي مو اقل مطب تحجي..

اركان انت شخص مثالي من اصفن رغم بنت عمك مو شريفة لاكن وگفت وياها ولحد هل لحضة انت وياها.

كل هذا منو يسوي بهل وقت ابن العم بس يريد يفضح حتى يطلع هو ابو الراهي..

انت بيوم جنت شئ حلو اعتمد علية رغم مااعترف اني معتمدة عليك..

بس الله يوفقك وية الي يتمناها گلبك.

الدنيا ماتوگف على بشر اكو من تحبك او من معجبة بيك وانت ماتعرف..

غمض عيونة ضغط على ايدي فتحهن وگال

_للمرة الثالثة تنطين بية، من دنعل مشلوع الصفحة الي حبج ويضعف گدامج..

بس مو صوجج وروحة لمنعول الصفحة ابوي ، صوجي اني الي اذل نفسي لوحدة ماعدها ضمير همها روحها وفوگاها تحجي بـ اسم الحب.

روحي مشاعر الله ومحمد وعلي وياج اهمدة گلبي الي ملفيج ومو راضي يطلعج وانتِ شابعتة مذلة.

يحجي بعصبية مكبوتة وضاغط على ايدي عيونةحمر و اوردة رگبتة وضحت.

ابتلعت ريگي حجيت

_ارر كان ايدي..

صد عليها تركها بهدوء واشر بـ اصبعة السبابة.

_ تدرين عايفج على ذمتي گلت يجي يوم وتنعدل وماتنطي بية وتگول يا زمال اني اريد اكمل حياتي وياك بس طلعتي بذاتة اي مشاعرانت بذاتة وانانية وحقودة.

للاسف يا مشاعر گلبي الي حبج بس اريد اعرف منعول الصفحة ليشششش حبج ليجج على اذيتج او كسرانج بيه لو خذلانج لو شنو بالضبط اشو اطلع من سالفة ادخل بسالفه جديدة واني المتحمل

واگول هذا الي حابها من صغرها تمون.

بس انت شنو من بشر

احجي لاتسكتين احجي مو شلعتي لگلبي

اخذت الاطفال مافاد

ابتعدت ما فاد

اتزوجت مافاد

احاول اتقربلج ما فاد

احجي و گولي يا ابن الزنة كذا وكذا وكذا لاتنطيني امل ومن اتقرب تدفريني منين ما الله راد.

ولوهو الحب مو اجباري هذا مهوال حب تاليته عايش على ذكراها بس الفرق هو ميتة والف رحمه عليها واني عايشة تنطيني امل وتسحبة نفس الي يگولفراگ العدل يموت مايموت.

ولج ورثت حبي الج بنار گلبي وانتِ تحا لين تطفين هل نار بس كل ما تحاولين تزيد وماتنقص هل نار..

طول ما هو يحجي اني ساكتة مااعرف شنو اگول مصدومة على گلامة عصبي لدرجة خفت انطق حرف واحد التزمت الصمت.

ابتعد خطوات عني مااحس غير ضارب ايدة بالباب مال الگلدور وهي من فوك جام وحديد تفلش الجام وما اكتفة بـ لكمة وحدة.

ضرب اكثر من مرة بالحديد بحيث ايدة تنزف دم ابد مو طبيعي الي يگلك مي ومفتوح..

على اثر الصوت فتى وسيفوعمتي اجو بس صدمني كلامة قبل لايطلع.

_ لحد هل لحضة انتِ زوجتي وماطلگتج گلت تنعدل بس للاسف.

هز راسة ونضراتة بقت ببالي..

طلع من البيت عمتي حجت وياة فتى تصيح بابي بابي

مااهتم لـ احد ماسمعت غير صوت شخطة السيارة..

دخلت عمتي تضرب على صدرها وتگول

_ولج شبي احجي يا يمة وليدي راح..

لحضات انتفضت وگالت

_ ولج يمة خابري اخييج اركان عندة ضغط وگلبة عايش على بطارية مدري شريحة لحگي يينة ما صار اله غير شهر من سوة العملية..

شهكت وحجيت

_عمملية ققلب..

گمرة.

.

.

.

جساس - اليوم بالجامعة قبل لااجي حجيت وياه سوالفج بطليها ترة انتي مرتي كدام الله بقت بس اوكل المايستاهلون حتى يوثق كدامهم انتي زوجتي

بس حتى لو تصير علينه الف سالفة احنه بغنى عنها

تلمس حنجي ركز بعيوني كال

-ليش هل اغراء ترة ماتحمل

نصدمت بكلامه ردت اوخر سحبني عليه عض ايدي صحت اخخخخخخ

مااحس غير دفو على شفايفي لحضات هدئت ونصدمت من الموقف بلعت ريكي عضني دفعته وخرت كامشة شفايفي ضحك تلمس سكسوكتة كال

-دشداشة قصيرة وربع ردان ودلع بالبيت ماريد يمج اخوج وليث كل يومين والثالث جاي عليكم

فتحت عيوني مصدومه من كلامة ضحكت حجيت

-اعتقد بيتي اكدر البس اي شي اريده مالك حق تمنعني دام مو بيتك يحلو ابوعيون

ابتسم رفع حاجب كال

-مستعجله على بيتي الضاهر

كمرة - لا وداعتك مامستعجلة بس مااحب تقيدني و اذا صدك تحبني ياجساس ماتمنعني لو تضجور

سحب نفس زفرة كال

- هذة هو بكيفج مااجبرج على شي

ابتسمت حضنتة حجيت

-ممكن تجاوبني ليش حبيتك ترة واكفه هيج معشعش بكلبي

ابتسم كال

-من اعرف الجواب اكلج

كمرة -بس مو تغلس..

صارت عيني على الجهاز مالتي اتذكرت اني بالمحاضرة وفاتحة صوت..

دفعتة وركضت للجهاز تنفست براحة لان خلصانة المحاضرة.

تقرب علية گال

_شبيج هاجن خبالات بيت مشلخ وما ادري.

قلصت عيوني حجيت

_لا وداعتك بس جنت بالمحاضرة.

هز ايدة گال

_توقعت شي مهم

ركزت بوجهة حجيت

_ليش دراستي مو مهمة؟!

رفع حاجبة كرص خدودي گال

_اهميتة دراستج من اهميتج بگلبي واگد مااقبل اتزوج وحدة ماعدها شهادة..

رديت علية

_على كيفك حبيي هو انتَ بالسلك وشلون احب السلك اصلا امووت علية.

ضربني طرف اصابعة گال

_لاتستهزء يحلو ترى خريج والحمد اله والشكر ماكو تعيين.

فتحت عيوني بيد دمة حجيت

_انت خريج گول والله شو ما ادري.

ميل راسة تلمس شعري وهمس

_انت سائلة وما گايل الج.

گمرة.. بس شو محد يعرف لو اني غلطانة؟!

تلمس خدي ميلت لـ ايدة هز راسة مركز بملامحي.

_اي مو مهم احد يعرف بالاخير الشهادة الي مو لـ أحد ومااعتقد احد يفرح او يعتز بيها نفسي.

همهمت حجيت

_حبيت وجهة نضرك حلو

ابتسم وبلل شفتة گال

_لعد ماگلتي لـ روحج شلون اترفع واني ماعندي شهادة؟!

هي شهادة الثالث لحد رئيس عرفات وبعد لو اطك راسي بالحايط ما اترفع.

ضحكت لگلامة حجيت

_ مااهتم بيهن والله لان مااحب السلك، واتمنة انت مو بالسلك.

ابتسم گال

_انطيني نوع شغل غير العسكرية، بي وارد اقل شئ بالشهر مليون وسبعمية خطورة وواجبات خارجية.

رفعت عيوني حجيت

_يعني هسة انت راتبك مليون وسبعمية؟؟

هز حاجبة گال

_اكثر..

رديتي

_يعنيي!؟؟

تقرب علية باس ارنبة انفي گال

_من تصيرين ببيتي انطيج الراتب بيدج انت تحسبي وتورقي وتصرفي.

بس اگلج اياها من هسة مبلغ موبالقليل واحيانا انطي ربعة حتى مااخذ واجبات وية شخصيات.

رغم كل شخصية تدخل العراق اقل شي تنطي ورقتين ونص.

تخيلي انتِ الجيش يخردلج هوااي فلوس عكس الشغل العادي الي يادوب بالشهر جايب ٥٠٠الف اذا مو ٧٠٠.

يعني انطيجياها من الاخير اغلب الي يشتغلون عسكرية مو حباً بـ تراب الوطن او الامان لا وداعتج لام بيها ورار اقوة من البقية وشغل مضمون.

هزيت راسي حجيت

_بس لاتنسة على اقل ساعة الله ياخذ امانتة.

هز راسة گال

_الاعمار بيد الله شوكت ما يحب ياخذها بعد المن هل كلام.

ضحك وغير الموضوع على انو جوعان.

هزيت راسي ورحنة للمطبخ سوينة الغدا اجة ديسم سبح وتغدينة.

للعصر بقو يسولفون واني يمهم.

سويت الهم عشا وتعشينة ديسم استأذن لان عندة شغل..

وية ما راد يروح لغرفتة حجة جساس

_ديسم ترى راح اخذ اختك وياي للاستقبال ما تقبل تگول عيب من ديسم.

ضحك بهدوء هز راسة گال

_الي ترتاحلة تسوي مااجبرها بالاخير انتم متزوجين.

وانت ولا تگعد راحة ويگولون زوجو يعقل لا والله راح تخبل بنيتي وياك.

ضحك جساس گال

_وداعتك بس يقنعون عقلهم بهل كلام.

راح ديسم واني كرصت جساس مااحس غير يصيح بصوت

_ليش تكرصيني..

نهه كلامةبضحكة نبرة كلامة ضحكتني هزيت راسي گال

_امشي گدامي مالج عذر.

اخذت ايدة ورحنة للاستقبال فرشتلة فراش وگعدت مقابيلة.

حط راسة على رجلية وغمض عيونة.

لحضات بسيطة غفة.

ابتسمت وتلمست خدة..

دقايق بسيطة وصاح بصوت

_لا لا ترمون بعدهم شباب ولكم لاترموون ولد الك*** يتبع..

_توقعاتكم للبارت القادم.

_رأيكم بالبارت

_شلونكم مع العاصفة الترابية.

بالنسبة الي من الستةنضفت لحد ما الوحدة رحعت العجة.

_تفاعلكم ابد ابد مو مرضي.

_شلونهن القفلتين تحلاية بسيطة.

_اذا مايصيرن التعليقات ٥٠٠ماانشر البارت 😔

_ هم تنطون سر لـ شخص بوقت العصبية او اذا هو انطة بيكم.

رواية لماذا حببتك

البارت الثامن

بقلمي اورجانزا الطائي.

.

.

.

.

.

.

.

.

.

.

.

.

.

. وية ما راد يروح لغرفتة حجة جساس

_ديسم ترى راح اخذ اختك وياي للاستقبال ما تقبل تگول عيب من ديسم.

ضحك بهدوء هز راسة گال

_الي ترتاحلة تسوي مااجبرها بالاخير  انتم متزوجين.

وانت ولا تگعد راحة ويگولون زوجو يعقل لا والله راح تخبل بنيتي وياك.

ضحك جساس گال

_وداعتك بس يقنعون عقلهم بهل كلام.

راح ديسم واني كرصت جساس مااحس غير يصيح بصوت

_ليش تكرصيني..

نهه كلامةبضحكة نبرة كلامة ضحكتني  هزيت راسي گال

_امشي گدامي مالج عذر.

اخذت ايدة ورحنة للاستقبال فرشتلة  فراش وگعدت مقابيلة.

حط راسة على رجلية وغمض عيونة.

لحضات بسيطة غفة.

ابتسمت وتلمست خدة..

دقايق بسيطة صاح بصوت

_لا  لا ترمون بعدهم شباب ولكم لاترموون  ولد الك***

حاولت اگعدة  بالگوة صحة عييونة حمر  وعاقد حواجبة گام وكف  ضغط على راسة گال

_خو ما خوفتج.!؟

هزيت راسي بنفي وحجيت

_لا بس خفت عليك شبيك لا تغلس احجي هذا ثاني مرة اسمعك.

عصر راسة وركز بعيوني گال

_حوبة المتضاهرين..

عقدت حواجبي حجيت

_يا متضاهرين وشنو حوبة احجي!؛

فرك وجهة بيدة گال

_تذكرين مضاهرات تشرين، من انتفضو على الحكومة؟! 

هزيت راسي بدون مااحجي اريدة يكمل كلام..

ابتلع ريگة وتنهد گال

_بيومها اني جنت على الساتر الي على الجسر ضد المتضاهرين.

شهكت وحجيت

_لا تگول انت قتلت!!؟؟؟

دنك راسة گال

_لا تسبقين انتضري.

غمض عيونة بقوة گال

_ جنت هستوني نازل للبيت اتصلو علية رجعت نفس اليوم بالسبعة المغرب..

اول يوم ماكو شي سلمية.

ثاني يوم كذالك ثالث يوم   واجبي  على الجسر.

من سائت الاوضاع استخدمنة الدخانيات بس قسم بالله  حلفت الفوج ما تنشر دخانية على احد  بس بالارض واماكن متفاوتة.

بيومها   اتصلو علية على اساس دزو دعم النة بس الي صار الك*** ابن الكلب   داز ناس ما تخاف اله ماعدها ضمير من السلمية والاماكن المتفاوتة  للـ تصويب.

تخيلي يصعدون على الساتر ويشمر الدخانية  تصويب بالمتضاهرين.

رغم اني قائدهم لاكن الي صار  انتفضو ضدي.

حتى اطلاق ناري استخدمو  بس الفوج الي مسؤل عنة ما ضرب.

اتصل على جهات معنية  بالبداية انتفضو ضدي بعدها قلبو الموازين علية.

وين يالة گدرت اخذ موافقة من الـ ** حتى يوقفون التصويب المباشر بس گو**** على اساس مايصوبو بس زادو مانقصو.

تخيلي حتى زرعو  جنود من الاستخبارت بنص المضاهرين وبدو يتحرشون ويغتصبون البنات الي انتفضو.

وصلت درجة ماعندي اي كلمة اطريت اتصل على هجان وابلغة.

گدر هجان واركان وياه انو نحا ل نهدأ الوضع  رغم بس احنة ضد  ناس بالدولة.

ضليت اتصل عليهم انطيهم المستجدات وهم حاولو   يزرعون ناس الي يشوفو يتحارش  يخطفو او يبعدو.

شايفة من يگولون   من يگد النة الله ويانة ولج يحترك دمي  وماگدر اتحرك.

لو  الصراخ مالتهم  الي يعذبني   ولج يناشدون شكو سرسري وكو**  الي اتقف عليهم.

كل هذا بجهة  ومن  طلعت من الجسر  لبست مدني وبين الناس.

عينك عينك   واحد  بالمضاهرات تعرفت علية هو المعيل لعائلتة  خمس بنات وامة ابو شهيد وحتى راتب ماعدهم.

هو يشتغل بالتقاطعات.

تصدكين يومين وياه وكاره روحي لان اني ضدهم وهم ما يقبلون اذا مااگل وياهم.

لهناك الولد  منشافني بلا شماغ گال

_مو انت ابو البأر    صفنت بوجهة ما عرفت احجي وياه.

مسد على كتفي وهمس

_دير بالك بس يعرفون بيك من الجيش يقتلونك دمهم  حامي.

شدني الة اخذتة على صفحة حجيت وياه وصدمني  من يطلع ابن صديقي الشهيد الي  على  وكفت بالمعاملة مالتة واراجع كل شهر يستلمون بس طلع الحيوان  السرسري موقف سحبهم يعني يطلع عندي تم سحب المبلغ لاكن بالحقيقة موقفيهن.

يگلي انت وكفت ويانة هواي وابوي يحجي بيك يكول  من تحتاجو روحو اله بس اخبارك نكطعت عني.

تصدكين سبوع وياه هو واصدقاءة وما گال الهم الة بيوم الاكشر.

بالحبوبي  واكفين صارت  بينهم مشاحنات والقوات هدو على المتضاهرين من ضمنهم الكلب  الضابط يعرفني.

تخيلي تقصدني بالضرب  بالعصا وهي بيها شحنات كهربائية.

بعدت الولبد عن الضرب  وية واحد راد قنص علية  صار كدامي  وأمني على عائلتة مجرد گال

_بغداد حُرة  ، اهلي امانة برگبتك، ومشكول الذمة تضرب متضاهر.

بس هذني حجاهن وفقد حياتة.

من  شدة عصبيتي فقدت  حطيتلج الضارب ويامكان الي يوجعك.

اخذت سلاحة وصوبت  ركبة رجلينة ثنينهن.

والي ضرب الولد مسافة بسيطة بينة  ركضت وراه ما حصلتة.

عرفتة من ضمن الجنود الي بالفوج ياكل ويشرب تابي ابن الك*** يجي يريد يقتلني.

اخذت الولد لمستشفى ابن النفيس من بعد معانا قبلو الكوا***

تركتة بالثلاجة وحلفت مايندفن اذا مااخذ ثارة.

رجعت للخيمة حجيت وية اصدقاء الولد والي صدمني  الولد هم يعرفوني وگالي

_لو ما ضارب الضابط ومضروب ويانا  گلنة انت  جاسوس علينة والله مانخليك عايش.

انطيتهم اسماء وصور الولد الي بالاستخبارت واتفقت وياهم ما يقتلون فقط يرمونهم من الجسر.

رجعت  للجسر  والي رماني اختفة.

بيومها رمو ثنين من الجسر.

الي الاغلبية ماتعرفة انو اكو بالجسر قناصين  بس يكتشفون حركة بسيطة  بالماء يرمون مخولين.

لليل  ضهر لون احمر بالسما وهذا دليل المضاهرين يردون ينتفضون علينة.

ثاني يوم ا الضهر والمشاحنات بينه وبين المضاهرين.

والحظ الزفت للفوج الي تحت امري وتلاثة من المندسين اتفقوت وية الفوج واركان وهجان انو اصوب المندسين وبهل حالة على الاقل تستقر يمي.

بهل وقت اشتغل دور الدعابل.

اخذت دخانية  على اساس ارمها على المضاهرين بس النية اضربها على المندسين.

وية  ما صعدت على الستر  اريد ارمي  الدخانية عثرت والعثرة توكعني على الاض  وشيش حديد دخل ببطني.

والدخانية  صارت على فوجي  بعيدة عن المندسين..

مات ثنين بسببي   اخذ سلاحي وصوبت المندسين  بهل اثاني اختنكت واخذوني للمستشفى من هل يوم بعد ما طلعت للمضاهرات..

بالوقت الي جنت بالمستشفى بين ما راح  مفعول الدخانية.

على اساس اطلع بس لي صار  خطفوني  جهة تابعة للكو**.

ما اسولفلج شسوو بية اشكال العذاب عذبوني تخيلي حتى  كهربوني.

سبوعين المي ما شايفة وين ياله اركان گدر يطلعني.

ومااكتفو   بهل شي.

مجرد شفت الشمس لبسوني قضية.

والله لو باقية عليهم يشمروني ورة الشمس لان اتضح  مراقبين اتصالاتي  واني مااحذف مراسلات وهم اخذ جهازي واصلا مراقب..

خمس اشهر بالسجن كل يوم  تحقيق شكل وطلعت اني الي اقتل المتضاهرين تخيلي الي حاول يقتلني كان جندي فجئة ترقة لـ ضابط وهو حتى شهادة سادس ابتدائي ماعندة.

وابد ماانسة هجان وعمي عماد الي رافع  بالقضاية  من غير اركان.

طلعت من السجن  لا عبالج هيج لا بكفالة.

رجعت لدوامي اعتيادي  وعرفت اصدقاء الولد دافني.

بيومها رحت لـ اهل الولد امة كطعت گلبي وكرهت الجيش واهله.

رجعت بالطريق صدفة شفت السگط الي حاول يقتلني.

مشيت وراه لحد ما وكف يم بيت دعارة.

نزلت اخذتة على صفهة وطلعت ضيم الله بي.

كسرت ادينة ورجلينة  بالطلق الي بسلاحة مسحت الاثار وكمشتة السلاح بيدة.

ضليت ادور وراه لحد مالگيت اوراقة والتزوير وكل خياساتة هو ونائب جان ياخذ الاكل لحلگ القادة حتى ملابسهم لداخلية يغسلهن وبين يوم وليلة صار ضابط ابو الخرا.

گدرت اسجنة بمساعد الولد وفوگ القضايا الي عندة عندة  هم خليت الها قضية انتحال شخصية مهمة بالدولة وتهديد قاصرات بنشر صورهن.

اقل شي ياكل  ٥٤ سنة.

دخل للسجن شهرين وطلعو شعراية من العجين.

فوك ما يوكفون وية الناس فتحو قضايا المضاهرات  بس بحجة يرفعون الفوج الي كان تحت امري على اساس ينطون كل واحد خيط.

كيت بالسالفة لان ممعقولة هيج.

حجيت وية اركان گال لاتنطي اسم احد حتى انت گول جنت مجاز، يردون يحاكموكم بحجة قتل المتضاهرين.

وفعلا مانطيت اسمائهم.

مت الايام وهذا الحيوان ويانة تخيلي  صديقة يحجي وية زوجتة وعدها علاقة بي وهو الاغبن ام فلانتريد تسلم عليك.

لحد ما قبل فترة طك فش  تلازمو ثنينهم  والفوج كلة عرف  وصارت فضيحتة بفلس.

طول ما هو يسولف دموعي تنزل  حضنتة وزدت بالبجي اساهك واحجي.

_ليش ماگلت  شو كل هذا ومااعرف بيك  شلون تحملت بس گول..

ضحك بصوت وضغط همس

_اكذب عليج اذا اگول جنت ما اتألم لو حبج نساني لا والله بس هذا اعتبرتة عقاب من رب العالمين لان بسببي اذيتي نفسج ولان اني بالجيش.

ابتسمت  وتلمست وجناتة حجيت

_بس اني ابد ما دعيت عليك. لاتضل تفكر هيج.

هذا قضاء الله وقدرة..

ركز بعيوني وهمس

_احبج گميرتي.

ضحكت حجيت

_اعشقك ياروحها لگميرتك.

ابتعد عني حرك جسمة يمنة يسرة مدد  وفتح ايدة گال

_ تعالي نامي بحضني  نعسان والدنيا طالعة من عيني.

ابتسمت هزيت راسي مددت بصفة حضني  وهمس قريب اذاني

_گميرتي راح اتخذ خطوة جديدة بحياتنة ادعي تمر على خير..

التفتت علية  سند راسة على كصتي گال

_اذا تعزيني لاتگولين شنو السالفة،  خليها صارت اجي واحجيلج عليها واذا لا اسكت وانت غلسي.

ابتسمت وحجيت

_على راحتك حبيبي.

حرك انفة بـ انفي گال

_ احبج يولو.

عضيت شفتي وحجيت

_صدك جساس حبيبي..

رد

هممم

ابتلعت ريگي حجيت

_ليش ماتوشم اسمي بجسمك

رفع حاجبة گال

_من گال ما واشمة؟!!

رديت

صدككك گول والله

هز راسة واشر على گلبة وگال

_هناا.

رديت بحماس

_اشوووف

رفع حواجبة گال

_عيب  باباتي اخاف على اخلاقج.

رفعت حاجبي حجيت

_مؤدبة لاتخاف اريد اشوفة.

ابتعد عني اتوقعتة راح يضهر لوشم فقط.

بس الي صار نزع التيشيرت  حركة لا ارادية شهكت.

حك گال

مو خبصتيني اشوف واوف تالي تشهكين.

ضحك مدد  سحبني لحضنة.

اخذ ايدي باسها وحطها على جهة گلبة  وهمس

_ هنا  واشمة  وداعتج يبعد غوالي گلبي.

ابتسمت  واخذني الواهس نسولف سوة  واني اتلمس بالمكان  ضحك باسها گال

_كافي حركان يولو اريد انام.

ستغربت بس ماحجيت.

ثاني يوم بالستة راح جساس والثمانية الة طلع وراه ديسم.

ضليت اني بالبيت.

على اخر حادثة صارت اعتزلت الصداقات.

اغلب وقتي اگضي وية لبنات او اورجو.

بسيل رجعت للبيت.

مرت الايام وعرفت مشاعر حالتها موزينة طلبت من جساس ياخذني الها طبعاً من بعد اذن ديسم وهو اقترح جساس ياخذني.

حضرت نفسي  للوحدة  اجة جساس تغدينة وطلعنة للناصرية.

وصلنةدنيا ليل  شفت مشاعر حالتها فد مرة وعرفت اركان ماخذ الاطفال منها.

الغلط منها لان هي ابد ابد ما حاولت لو نصف مرة تتقرب الها او تشوفه من منضور اخر.

احيانا الاشياء الي نشوفها احنة لا بد تكون بيها اغلاط..

بالوحدة ونص رجعنة لبغداد.

طلعة وية جساس ابد ما بيها ملل او تعب.

وصلنة للبيت  بات يمنة بيومها.

ثاني يوم الصبح طالع بدون مااعرف.

للتسعة  بسيل راحت لبيت عمو لان مرجان فد مرة متخربطة  اخذت وياها الجهال ولو هم بطولي بس مااشوفهم كبار مدري ليش.

دريد ٢٠١٠مدري٢٠١٢  وجمان يمكن ٢٠١٤ مااعرف بالضبط شگد بس هم كبار  بالمدارس.

طبعاً  اني بذلتة ولا ادرسهم ابد خاصتة دريد  على ديسم هو يدرسهم لان بسيل تحضر للماجستير واكيد مو برضاتها ديسم جبرها.

اليوم بال١١دخل ديسم  شكلة غريب.

سبح وگال

_ساعتين زمان انام وگعديني.

رديت علية

_من عيوني حبيبي بين مااكمل الغدا.

ابتسم ودخل غرفتة.

رحت للمطبخ اتصلت على جساس مايرد.

سويت غدا مقالي  لان اتعاجز من التمن والمرگة ديسم يحب طبخي وجساس كذالك بس على گولت المثل

القرد بعين امو غزال احتمال لان بحبوني يشوفون الاكل طيب وانما عن نفسي مااحب طبخي واحتمال لان بسيل تبدع بالاكل رغم ماجستير ودراسة واطفااها والبيت  وهي كل جمعة اجباري ديسم يتسوك مال اسبوع وتسوي كبة لو كباب وبورك ودولمة هم تلفهن وخليهم بالمجمدة اتذكر اول ما اجيت يمها تسوي لحم بعجيت  تخلي بالمجمدة گلت هسة يطلع لعبان نفس وين يصير بس  شوتة طلع كلش طيب.

مرات اگول اصير نفسها من اتزوج هم  اسوي اكلات بس من مرات اساعدها اگول التوبة

بس على گولتها

_اتعب يوم وست ايام مرتاحة ماعندي شي.

و لو يسون مسابقة اكثر انسانة تجمد تطلع بسيل لان حتى المرگ البيذنجان والبامية  وشبزي تسوي وتخلي بالمجمدة ديسم  ابد ما يگول ليش بالعكس هو يساعدها.

اتذكر مرة سولفت لـ جساس عن شغل بسيل بيوم الجمعة يگلي

_وامج مو راضية خلي تبوس ايدها وجهة وگفة  مو بنتها يمي مگضيتها تگلا لان تتعاجز.

ضحكت رديت علية

_غير زوجة اخوووية

رد

_اي مو كافي تتموعيين،  وديسم يستحق الله امطاه على گد نيتة.

رديت

_اي والله صحيح.

رجعت لواقعي  على ديسم يگول

_ گمرة  لاتگعديني لغيت الشغل.

رديت

_على راحتك.

دخل لغرفتة واني مااگلت.

اخذت ملابس  طلعت دشداشة قصيرة

تذكرت كلام جساس ابتسمت رجعتها اخذت تراك عادي.

ولو جساس حاجي  وياي بصيغة امر فلا اترك هل لبس.

سبحت وطلعت لگيتة مراسلني.

حجيت وياه شوي ونمت  ما گعدت غير على صوت جهازي

ساعة بثمانية ونص

متصل علية   ديسم.

غلقتة وغسلت وجهي مالگيتة بالصالة ولا بالاستقبال رحت لغرفته ضلمه وفاتح السبلت..

تقربت عليه حطيت ايدي على گصتة حارة وجسمو  يرجف عرفته مصخن سويتله كمادات وانطيته علاج خفت الصخونه..

بس بعدة جسمة يرجف.

بالگوة صحة.

گعدت يمة  خليتةياكل  ويرتاح  بس طلب ينام وفعلا نام.

لحد ثاني يوم سهرانه وياه صار شوي احسن..

اجت بسيل ثاني يوم العصر ضاجت لان مگلت الها البارحه.

وهي خطية جانت بالمستشفى وية مرجان.

ضلت هي تداري بي.

شك بروحها كوفيد 19 واخذ مسحة ماطلع بي شي.

مر اسبوع وكل مااتصل بـ جساس يرفضة بوجهي كلش ضجت منه.

ليوم اجة   گعد وطلب من الكل يروح وياه.

فعلا رحة كلنة وصل يم كوفي هستوة يفتتحونة.

ناس هواي  وهجان واركان ثنينهم موجودين  ومهوال هم.

نصدمت من  اختفة لحضات واشوفة هو يكص بالشريط..

دخلو للكوفي  شكلة مميز لدرجة  عيوني تفتر بي  رسومات القمر طاغية على المكان..

گعدت وية ديسم وبسيل.

لحضان اجة جساس ارتاك على الكرسي الي گاعدة علية گال

_شرايكم بالكوفي؟!

رد علية ديسم

_عاش ذوقك كل شي بمكانة الصحيح.

ابتسم گال

_على الاقل استفاد من الهندسة المعمارية بشئ.

رد ديسم

_لو تكمل ماستير تبدع زيادة.

رد جساس

_ اني مهندس معماري وزوجتي دكتورة وين لاكي هل خليط  اني  

اصمم البنايات  وگميرتي تشافي..

ضحك ديسم گال

_ان شاءالله اشوفكم محققين شئ يستحق انتم الاثنين سوة.

صديت على جساس حجيت

_انت مهندس معماري؟!

هز راسة بقبول رديت

_واخيرا عرفت.

ابتسم وگال

_وهل كوفي البسيط من تصميم حضرتي.

فتحت عيوني بصدمة حجيت

__صدك والله كلش حلو

ابتسم گال

_عن اذنك ديسم اجة الوقت الي افاتح گمرة بي.

اخذني من ايدي لنهاية الكوفي كعد وكمش اديني گال

_ گميرتي  اني استقلت  واتنازلت عن رتبتي حاليا  اني مهندس معماري وصاحب كوفي حالي حال كل شخص عادي.

تستمرين وياي ك شخص بسيط خالي الرتبة لو تردين رتبة وبدلة؟!

رغم صدمتي الثالثة لليوم لاكن فرحت ضحكت حجيت

_اصلا احلى خبرر سمعتة والله،  تعرف شگد اكرة السلك يبووو احسهم مخانيث والله  اقوة ماعدهم يتزوجون على زوجاتهم لو يضربون.

ابتسم وگال

_جنت واثق ما تعارضين على هل شي.

لعيونج ولعيون المتضاهرين تركت الرتبة و الراتب.

اريد ابقي حياتي وياج بسلام ما اريد مخاوف مو من الموت لا بالعكس هو حق لان ماا اريد افكر بـ باجر قبل لا اعيش اليوم وياج.

ابتسمت حجيت

_احبببك والله.

ابتسم بدون ما يرد.

بقينة للثمانية باليل  خلص الافتتاح ديسم وبسيل رجعو لاكن بقيت وية جساس لان يريد ياخذني لمكان..

بعد ما  امن الكوفي طلعنة الدنيا ليش والجوء ولا غلطةة.

وصل يم منطقة شعبية بيوتها نصها مدمرة..

وكف يم باب نزل.

فتح الباب الي يمي  وانطاني ايدة  نزلت.

دك الباب لحضات سمعت صوت مرة.

رد جساس

_اني يمة فتحي.

فتحت الباب  وشافت جساس فتحت ادينها گالت

_ وين هل غيبة.

حضن راسها باسة وتخذ ايدها باسها گال

_بالشغل ولله.

اجيت ابشرج يمة اليوم فتحت الكوفي وجبتلج زوجتي مو ردتي تشوفيها..

صدت علية سلمت عليها ودخلت جوه بقة جساس برة لحضات رجع بيدة  كراتين ستغربت وين كانن..

انطاهن للحجية گال

_هذا تحلاية لكوفي  اشتهيتها الكم..

ضلت الحجية تدعيله بالرزق والعافية اخذها الواهس گالت

_ان شاء الله  تزوجت بنية الحلال الي تستاهلك وتشوف وليداتك منها.

رفعت حواجبي مستغربة ضحك جساس گال

_يمة اخذج الواهس گميرتي هي زوجتي  نهة كلامة باابتسامة.

شگد احب نضرات  جساس من يحجي  بية احسة مفتخر بية زوجتة..

بادلتة الابتسامة  والحجية اعتذرت بس جساس ماقبل گالت الها

_تمونين وعادي هي اتزوجها الثانية والثالثة والرابعة.

ردت علية

_الله يحفظك لشبابك وعروستك يبمة.

رد عليها

_ويحفظلج اخياتي يمة، نسيت ابشرج  استقاليت من الجيش وحاليا حُر.

هلهلت بصوت كلش عالي وگالت

_هسة فرحتلك  احسن الك يييمة شستفاد اخيك وانت تستفاد لز ما نگتل كدام عيونهم وا گال  اخ..

ضلينة يمهم ربع ساعة ورجعنة بالطريق سألت عليهم گال

_صديقي الي سولفتلج علية الي ابو كان صديقي الشهيد  هذا ام الشهيد  وابنة الي تصوب بمكاني امة من سامعة متوفية بقن اخواتة يم بيبيتهن  ولهل سبب كل فترة ازورهم.

رديت عليه

_عفية واالله كلش زين.

ابتسم.

وصلنة للبيت  نزل

فتح الجنطة طلع كارتونين  سدها ودكينة الباب دخلنة انطاهن لبسيل گال

_مو بالحيف اهل زوجتي وما  تاخذون تحلاية مستعجلين حتى ما خليتوني افرح بيكم وين ديسم.

ضحكت گالت

_ديسم طلع،  تفظل.

رد عليها راح اگعد بالاستقبال.

فعلا دخل للاستقبال واني سبحت وبدلت طلعت يمة كعدت  لگيتة يگلب بالفيس.

حضني وباس راسي طلع فيديو  لسيف العلياوي  ،

كلتلك عوفهم لاتستلذ بيهم سود گلوبهم  والدغش عاميهم

طول فرگتك خاطر عزيز تصير

بحصرة شوفتك لازم تخليهن

ضنتك بير سوو حتى تشرب ماي

ثاري لدفنتك حفرت مساحيهم

على جسمك لاتدك فلان وفلان كلهم طين

شما لاحاك ماي تروح اساميهم..

ياهو الاعز انه لو والدتك اخييرك بينة

والبينة معزتك

امك جابتك بس انه ربيتك

والدتك عافتك واني المربيك

هي الي عافتك والحضة ماعفتك

اذا يمي جماعة وردت تحجي  وياي

من تباوع علية افتهم سالفتك

وحگ الما اشوفن بيهن الة انت

من طول غيابك شوفي عزلتة.

لو ادري بفركتك هيج يصير لا احب ولا دمعي وشلتة

خليني اقتنع ميت بغير مكان

حتى علية اگول  الحرگة كاتلتة.

الفيديو  كلش اثر بية لان صوت الشاعر واضح علية الانكسار..

صديت علية حجيت هذا منو نا شرة

ابتسم گال

_اركان، الضاهر حفيدة مشيلخ مطلعتها من طورها..

ضحكت حجيت

_هستوك دريت والله قديم هي غير مشوفتة النبي عربي.

هز راسة گال

_مايستاهل والله، وهل مشاعر دمها تجفص بالبطن.

رديت

_ترى حبابة..

صد عبية گال

_لعد گايل وكحة بس الله يسلمها ماتعرف تصرف الواضح.

واوفه هو ابن امة الي يگول مشاعرغلطت. مو حسنين حجة عليها وكدامنة كلنة گال

_مشاعر زوجتي الي يثيبها لحرف يعني يحجي عني.

اخذت جهازي بحثت عن حساب اركان دخلت المنشور الفيديو  لگيتة كاتب فوك

؛؛ كلتلك عوفهم لاتستلذ بيهم سود گلوبهم  والدغش عاميهم

طول فرگتك خاطر عزيز تصير؛

مو كل مرة يكون الاسم على مسمى

لاتنخدعون من الاسم.

ضحكت حجيت

_جساس  من جد اسم مشاعر ولا يمها المفروض تكون كتلة مليئة بالمشاعر بس هي صلبة ولا يم الحب وهل سوالف اصلا اشك هي تحب سيف كانت..

رد علية

_ اللله اعلم منة ليش تصرف هيج..

كتبت تعليق

_عاشو والله فعلا مو كل حامل اسم يحتوي.

نشرت التعليق لگيت هجان راد علية

_ توبة لذاك الواحد الخبزة خبزتنة واعرف بيها  ما تلين اذا تيبس.

راد علية اركان

_بس عا شرتها اكثر منك وضكت فهاوتها وملوحتها وعرفت معدنها

راد عليهم مهوال.

مسوي تاك لمشاعر وكاتب

_ام فتى يحجون عليج  فاعل خير..  يتبع..

_توقعاتكم للبارت القادم

_رأيكم بـ جساس او الي مر بي.

_تشوفون قرارة صح من استقال؟!

_رأيكم بالبارت والسرد وكل حاگة

من يصير 500 تعليق  انشر بارت يخص مشاعر واركان يحجي بي🏃🏃

رواية لماذا احببتك

اابارت التاسع

بقامي اورجانزا الطائي

.

.

.

.

.

.

.

.

.

.

.

.

.

...

؛؛ كلتلك عوفهم لاتستلذ بيهم سود گلوبهم والدغش عاميهم

طول فرگتك خاطر عزيز تصير؛

ضحكت حجيت

_جساس من جد اسم مشاعر ولا يمها المفروض تكون كتلة مليئة بالمشاعر بس هي صلبة ولا يم الحب وهل سوالف اصلا اشك هي تحب سيف كانت..

رد علية

_ اللله اعلم منة ليش تصرف هيج..

كتبت تعليق

_عاشو والله فعلا مو كل حامل اسم يحتوي.

نشرت التعليق لگيت هجان راد علية

_ توبة لذاك الواحد الخبزة خبزتنة واعرف بيها ما تلين اذا تيبس.

راد علية اركان

_بس عا شرتها اكثر منك وضكت فهاوتها وملوحتها وعرفت معدنها

راد عليهم مهوال.

مسوي تاك لمشاعر وكاتب

_ام فتى يحجون عليج فاعل خير.

مشاعر ما رادة علية.

ضحكت صديت على الباب دخل ديسم.

سلم وگال

_العشا جاهز گومو.

جساس ماقبل ياكل واني رغم جوعانة بس سايرتة.

صادف الجو بارد كلش شهر الواحد.

بدون سابق انذار گال

_كملي اخر سنة ببيتي، گميرتي نعجل بزواجنة..

رمشت اكثر من مرة حجيت

_هي سنة وحدة حاليا اني مرحلة خامسة يعني هل سنة ماتتحملها..

اخذ اديني باسهن گال

_ اريد استقر شايفة شلون راسي منعول من ورة هل سالفة يوم بغداد يوم ناصرية.

ابتلعت ريگي حجيت

_بس جساس اذا نتزوج ماارجع للناصرية..

هز راسة بقبول گال

_ اي اعرف واصلا اخذت بيت هنا يمكم بعد الي قسط منة.

من هسة نبدأ نأثث ونجهز لحد ما تخلص هل سنة شتگولين؟!

اخذت نفس حجيت

_لا تسوي هيج اتفقنة اخلص دراسة.

رد بااقناع

_لعد گايل الج لا تخلصين دراسة، يمي ببيتي اخذج للدوام والضهر نرجع وهيج نخلص الوقت بعد شكو..

تنهدت حجيت

_لا عوفة على السنة الي تجي..

هز راسة وسكت.

مابين الي ضوجتة بس واضح علية لان تلقائية من يضوج ياكل بشفتة من الداخل.

ربع ساعة گام گال

_الوقت تأخر وراي طريق.

ابتسمت وحجيت

_توصل بالسلامة اليوم راجع للناصرية؟!

هز حواجبة بنفي وحجة بهدوء

_لا لبيتي غير عندي شغل هنا.

عقدت حواجبي حجيت

_ومن شوكت تبات ببيتك من تجي هنا؟!!

رد

_اوووو من زمان، اخذ راحتي.

زمت شفايفي حجيت

_ تاخذ راحتك موو!!!!

هز راسةگال

_للاسف اي.

طلع من البيت بعد ما ودع ديسم.

بيومها نقهرت كلش لان گال هيج شبسرعة نسة كلامه.

خمس ايام جساس مااجة ومن يسولف وياي على گد السؤال والجواب.

هل شي زعجني وعرقل راحتي حتى دراستي بديت اهملها.

لحد ما جنت گاعدة بالهول وبسيل گدامي اللابتوب گدامها لابسة نضارات واوراق بيدها ودريد گاعد من الجهة اليمنى تدرسة وجمان منالجهة اليسرا.

جذبني شكلهم صفنت عليهم لحضاات قطع صوت بسيل تگول

_مگابلتج كل الوقت بس دراستج اهم من هل صفنات..

ابتسمت حجيت

_مالي واهس مااعرف ليش..

نزعت نضاراتها اشرت للجهال اخذ كتبهم وگامو.

گعدت گدامي گال

_ليش شبيج؟!

ماتحملت اسكت سولفت الها الي صار كلة.

صفنت بوجهي گالت

_وانت شتگولين؟!

رديت

_اريدة وامنيتي اليوم قبل باجر.

ردت

_لعد

تنهدت حجيت

_مااريد هسة لا ادرس.

ردت

_زين ماتخلوها على العيد العرس وهل فترة جهزي.

بهل حالة تبقى اخر مرحلة يمة كمليها.

رديت.

_وديسم خاف مايقبل؟!!

هزت حواجبها گالت

_عوفي علية.

ابتسمت حجيت

_هنيال اخوية عليج.

ابتسمت گالت

_وهنيالة على اخت نفسج.

خلص اليوم واني يوم بسيل گالت

_ديسم يگول براحتها بس اذا توگع بمادة لا تشوفني شكلها.

ضحكت حجيت

_لا ابدد..

اتصلت على جساس وگلتلة موافقة بس على العيد.

التهيت هل ايام ادرس لان خوش اهملتها.

الايام تمشي بسرعة خالتي اجت علية كم مرة طلعنة نجهز البدلة كان ببالي تصميم.

حجيت وية جساس وافق.

راسلت الدار طلب المبلغ مقدم.

وشهر تجهز البدلة.

الشكل كلش مختلف لان اخذت مساعدة من وحدة قريبة علية مصممة بمساعدتها مع الصور الي عاجباتني .

طول الفترة الدار يراسلوني يدزولي مشاهد منها.

طبعاً اللون مختلف عن كل مرة سويتها لون شكري او بيجي على صحراوي..

لدار اتفاقة كلش حلو

بكيفي اني اذا بعد العرس اريدها او بس اجار.

بس اكيد المبلغ يختلف.

الذيل مالتها طولة ست امتار.

والقماش ستن الثخين من غير التول البسيط والتفاصيل الي زادتة جمالية.

المفترض اليوم اروح استلمها اتصلت على جساس گال

_وصلت طلعي.

طلعت واجت وياي بسيل.

مسافة الطريق وصلت يم الدار نزلنة اخذو من جساس بطاقة الوطنية وعقد زواج اول مرة اسمع ياخذون عقد.

بس بسيل تگول لان تصميم احيانا تصير.

اخذت البدلة لبستها اجت فيت على قياسي.

دموعي نزلن احس برهبة لمجرد ارتديتها.

كمشت ايدي بسيل گالت

_ان شاء الله اشوفج احلى عروسة.

ابتسمت بدون مااحجي.

الطرحة طويلة كلش وناوية التسريحة من گدام..

اخذت تاج بلون البدلة.

والمسكة هم طلبتها منهم ياسمين ونوع ثاني للورد لون ابيض نفس الجمبد.

اخذت وياها بدلة ذهبية وقفطان لون وردي فاتح.

جساس اخذ البدلة شالها بـ بوكس يگلي بس اريد اعرف شلون تلبسيها وهي بيها فوك الخمس كيلوات..

اخذت القفطان والبدلة الثانية جساس هم اخذها.

رجعنة للبيت.

سويت جلسات عناية بالبشرة ورموش شهر.

حجزنة قاعة وعزمنة الاقارب كلهم والحلو بطائة الدعوة نصفها سماعة طبية والنصف الاخر نصف بناية..

اليوم 28 برمضان مابعد شي لزواجي.

هل ايام حسيتهن سنين بالگوة مشن.

اول يوم العيد اجو بيت خالتي.

ثاني يوم المفروض العرس بس نسيت اشتري حذاء اتصلت على جساس اريد ابجي.

هو تكفل بي.

رحت للمركز شوفتها الصور الي عاجباتني تسريحة ومكياج.

شعري واصل لحد الركبة وبهل يوم خليتها تگصة لنصف الضهر.

حياة جديدة وبداية جديدة..

سوت الي تسريحة نازكة كلش.

حتى مااستهلگت سبري او ماشات.

لبست البدلة الذهبية صفنت بالمراية دموعي تنزل.

حضنتني خالتي بدون ماتحجي شي.

نص ساعة اجة جساس اخذني للقاعة لان طلبت منه المصورة نحضر قبل مو الحنة بنص ساعة ناخذ راحتنة بالتصوير.

لحد هل لحضة جساس ما يعرف گاصة شعري.

دخلنة للقاعة.

نزعت الوشاح.

صارت عيني على جساس الي نضراتة حرجتني..

دنكت راسي.

اجت المصورة نفسها الي اخذت النة صور العقد.

اخذنة صور كلش هواي گالت سوو هذا لحركة.

يصير جساس وراي محتضن خصري وراسة برگبتي.

واني متخوصرة..

وية مااخذت الصورة همس

_كاصة شعرج؟؟؟

صديت علية صار وجهي قريب كلش علية.

لمعن عيوني حجيت

_ايي..

مااحس غير غط على خصري احسة يريد يعفسني.

عقد حواجبة وحجة بصبية

_مو گلت لاتكصي كم مرة وصيتج.

همست بخفوت

_بداية جديدة..

رد

_انعل ساس القصص الي علمتج كص الشعر بداية جديدة..

رغم هو عصبي بس من جاب طاري القصص صدرت مني ضحكة.

ابتعد عني گال

_گمرة تعبت كافي صور.

فتحت عيوني علية لا بعد اكثر من عشرة..

طلع من القاعة.

وعمتي والمصورة يضحكن.

خلصت النص ساعة رحت لغرفة التبديل والمعازيم اجو المفروض ندخل اني وجساس بس الخبيث لعبها صح رجعها الي لان كصيت شعري.

اجة الوقت الي اطلع بي رحت وكفت يم باب القاعة..

غمضت عيوني واخذت نفس عميق لحضات حست على دفو ايده لامست ايدي.

صديت علية ضحكت.

غمز الي ونفتحت باب القاعة.

على اغنية سمعني نبضك

سمعني نبضك دفيني بنار حضنك

ابيك الليلة وحدك اليا تكون

قرب عليا حس النار اللي فيا

ابي ايديك بايديا نلف الكون

انا وش اقول وانت معايا

وش اقول انسى هوايا

وش اقول انت غلاي

يا فرح عمري معاك الوقت يجري

من شوفك ليه مدري تدوب الروح

انسى اللى فيني من حضنك بين ايديني

يا حبي وكل سنيني فداك الروح

طول ماا الاغنية مشتغلة متمسكة بـ ايد جساس عيني على الكل..

كل الي موجودين شفت منهم اذية..

بالجرح يضحكون بالفرح يتباجون فاهمين الموضوع غلط..

كعدنة على الكوشة اخذنة صور وحناني وطلع.

جنت جايبة ملة صوتها يموت بحيث بدل مااضحك بجيت..

ركصت اني وبان الي مافارقتني رغم مسوية عملية.

شعور يجنن افشل بوصفة الله جبر خاطرنة ثنينة.

لبست قفطان والفستان وبعدها خلصت الحفلة.

رجعنة للبيت وهناك مشغلين اغاني.

ماكذبت خبر لبست ثوب مستور وطلعت وياهم.

هجان واسلام وجساس وديسم ومهوال.

والبنات كلهم مجموعات عمو عماد يحجي على ديسم يگلة

_والله يا ديسم اول مرة اشوف حنة الولد ببيت البنية.

رد علية ديسم

_لا عمي گمرة اخيتي لاكن جساس عضيدي واخوي الي ماولدتة امي.

بيومها ضحكت وركصت وياهم..

لل12خلصت الحفلة وكل واحد راح لمكانة اله اني وبان وبلسم سوينة طاوة طماطة وبيض وگعدنة ناكل.

بان ولا تگعد راحة تربعت گالت

_باعي بنيتي اعلمج باجر شيصير خاف تنصدمين خطية بعدج نونو

ضحكت وحجيت

_لا حبيبي اعرف نحاجة مو البارحة صرتي وتعلميني لاتخليني افضح المستور يوولوو

ضحكت بصوت گالت

_يابلسم اني من خطبني اسلام تقرب حاول يبوسني اني لعبت نفسي وتقيئت علية هذا هووو

ضحكت حجيت

_بلسم ترى برضاتها لا تكذب عليج والله نوب الاحمر شمسوية بالرجال خطية..

ردت

_بعينجن جاكوك خاف تحسدنة عوفو اني ويته واحد اخبل من الثاني.

ردت بلسم

_ههههه والله ضجت علية ترى قرففف وانتن ماعرف شلون تزوجن مجرد التفكير اتقزز

ردت عليها بان

_اوي اوي اوي عيني منو الي ساحلة روحها على هذاك الواحد.

فتحت عيونها گالت

_قصدج منو؟!!!

ردت بان

_تيموو ابو الجفصات بس والله تلوگون

ردت

_ ولج انعجاب وطرف واحد يا الادبسزية.

ضحكت بصوت حجيت

_خوشش حبن وانحبن واخر من يعلم..

ردت بلسم

_اخر من يحجي المفروض اسمع منج لو من اخوي البارحة يگول شو گاعدة غير اليوم الحنة.

حضرت امي ناسية تگول اخوج يتزوج ومن عقلي عبالي يقنعون بيج.

ردت عليها بان.

_اذا انت غبية محد اله حق عليج حبيبتي.

ضحكت وگمت منيمهن لان

اخذنة الوقت للاربعة .

گعدتني بسيل بالعشرة ونص.

بدلت وغسلت وطلعت بلسم وگمرة وياي اخذنة جساس.

تفاجئت لان غير طريق المركز وراحغير طريق تفاجئت من وكف السيارة گال.

_نزلن نزور الكاظم.

نزلنة وياه زرنة وطلعنة.

هذا احلى خطوة اتخذناها.

قبل ايام برمضان رحنة لكربلاء زرنة.

رجعنة للمركز شسورت شعري لبست البدلة بان نصدمت من حجمها تگلي رايحة لمعركة.

ضحكت گعدت خلت الي المكياج وسوو التسريحة رفع كل الشعر والتاج كلش ناعم ونازك.

وكفت گدام المراية

البدلة مفتوحة الاكتاف الضهر نصفة طالع يغطي الطرحة..

نزلات من ورة بسيطة منضمن البدلة.

بڤ كلش چبير حجمها.

كل غاية من البدلة على مود صورة شفتها.

اخذت فيديوات بالمركز ..

لحد مااجة جساس

احلى شي سويناه انطيت ضهري للباب وهو فتحها بيدة لمسكة.

تقرب علية باس كتفي العاري وهمس قريب اذاني

_يبعد غوالي گليبي گميرتي واخيرا..

ابتلعت ريگي نزلن دموعي افتريت اله شافني ابتسم وعيونة لمعن..

لابس قاط رسمي لون اسود وقميص بلون البدلة..

باس راسي وشهةگال

_ شلون بية غرگان بشگار عيونج..

مسح دموعي بيدة گال

_عسى هل دموع بس للفرح ينزلن.

ضحكت وبجيت حجيت

_احبك جسااس.

حضني ويندئ بية تحمحم وهمس قريب علية

_تدرين الشواذي والماكيرة يصورون وانت ماعولتي.

ابتعدت خجلانة من الموقف.

ااخذني للمكان الي نصور بي.

هو ڤيلا مأجرها بس لتصوير جلسة.

اخذنة كذا لقطة والرابع وحده هي الي اريدها.

صعدت طابق الثاني.

مصورة على الدرج والثانية بالطابق الاول والثالثة يمنة.

بمساعدة البنات مديت البدلة والطرحة من الدرج. يعني كعدت على المحجر بس هذة يكون عريض نوعا ما..

وية ما دناخذ الصور نسيت روحي گاعدة على حافة بس اتحرك انگلب والبدلة ثگلها كلة بالذيل.

يعني مامتوازنين صاير الوزن الاثقل للخلف.

وية ما عدلت روحي مااحس غير فلتت ايدي صحت بصوت

عالي ااااااااااااا

فتحت عيوني جساس حاضني ماتحملت بجيت والبنات سحبن البدلة حضنت جساس بقوة واشاهك وابجي بصوت عالي..

لا ن الموقف فلا احسد علية ما اتمنا لعدوي بيوم العرس وبالجلسة

يصير هيج وياي واني مناشهر مخططة لهل صورة

واهسي طار وماقبلت اكمل الصور.

بالساعتين اني ضغطي هابط.

وين يالة ستعدل المصورة عدلت مكياجي واحنة تأخرنة على الزفة.

صح گمت ومشيت بس حيلي يرجف يعني حتى ماتهنين بـ ابسط احلامي.

ولو ماخليتهن بنفسي.

رحنة للقاعة جساس دخل واني بالانتضار اجة ديسم هو الي يدخلني.

اخذت من البنات الوشاح مال البدلة يلف على الرگبة.

حطيتة لان مختلط..

اخذ ايدي باس راسي گال

_گمرة ابد لاتفشليني گدام احد اريدج دومج قوية ولا تستهينين بـ احد اني وياج على المرة قبل الحلوة.

حضنتة بقوة گال

_ يالة بنيتي

اخذ ايدي بيده وكفنة گدام الباب.

لحضات نفتح الباب واشتغلت اغنية الي صدمتني لان جنت اريد مال شيلونا بعييونكم..

قمرٍ آحٍّلى بنآتْ آلدآرٍ ،، على آليَ نآفست نوٍرك

وٍصآرٍتّْ يَآقمرٍ قمرٍة وتشعل بٌـ الفرٍحٍ ليَل لبٌس منْ ضٍيَهآ فجـرٍه

تبآدت وٍآلعيَوٍنْ آليَ تنآظرٍهٍآ بهاّْ تحٍتآرٍ

تفكَرٍ شمس وٍلآ هٍيَ قمرٍ فْيَ منْتصٍفْ شهٍرٍه

وٍكَل مآتنظرٍ ترٍدد صلآة آلله على آلمختآرٍ

وٍعيَن آللهٍ تحٍرٍسهٍآ منْ آلحٍآسدً وٍمن شره

زادن دموعي حضنت ايد ديسم وكف قريب جساس قبل يسلمني الة گال

_هاي گدام الناس كلها انطيتك گمرة مضوية اياك ومن ثم اياك يا جساس تنزل دمعة منها..

وبيوم الي اعرف مأذيها تأكد بدون سابق انذار اخذها واطلع مااهتم لكل واحد دراستها ومن ثم دراستلها ممنوع توكع بمادة.

ضحك جساس گال

_احطها على راسي واغمض عليها بعيوني بالحفظ والصون لا تتخيل تجيك بيوم ودمعتها بسببي هي قمر اضاء عتمة حياتي..

سلمني لجساس وحضنة ثنينة ابد ما تحملت كلامها بجيت بصوت ضحك ديسم گال

_ بعدكم بالبداية وهيج.

حضني جساس ويتحرك بهدوء وية الاغنية..

لحضة اشر بحواجبة وتغيرت الاغنية لـ تخيلي سحب اديني وركصنة سوة مركزة بعيونة والاغنية مشتغلة..

تخيل تحقق حلمنه وصرت اني من قسمتك

هيج وتتشابك ادينه

دفعني وسحبني بقوة علية ارتطم جسمي بي هو حركاتة كلش سريعة واني ناسية شلون تركص.

وتلمع بايدي حلقتك

تخيل البوسه حبيبي

وصل هل مقعط غمز وهمس

تخيليلي اول بوسة.

نهه كلامة بضحكة.

اني وانت وبدله بيضه

من صل لهل مقطع ماا احس بي غير محتضن خصري وشايلني يفتر بية حضنتة بقوة ضحكت وهو يغني وية الاغنية بصوت عالي.

صد على الولد گال

_اركان هجان ديسم حسين شبيكم گاعدين گومو.

دنك علية همس

_نصلح علاقات شلونة.

صدك انتبهت كلهم اجو يركصون.

اني اندمجت وية جساس.

كوه عالكالو منكدر

نستحق هاي السعاده

واصلا شويه علينا

للابد نبقي لبعضنا

ومحد يفارق ادينه

شراح اسوي واني حاضن كمر يضوي

وگف ويلهث راسة على راسي وكمل المقطع

ناراصير ابين ادينك

منين ماتلزمني اجوي..

خلصت الاغنية وهو حاضني.

ابتعد عني تحمحم عاض شفتة.

گعدنة على الكوشة اجاني بابا سلم علية وحجة وياي وراح..

شوي وفتحو اغنية اخوي الزود تلقائية صارت عليني عل ديسم.

تمنيت اركص وياه بس ما جنت منتبها للمنتبه علية.

راح من يمي وبان واكفة لحضات دخل بيدة الة يندك عليها شفافة وبيها ع حديد انطاني وحدة وسحب ايدة و ثنين لبان وبلسم.

هو سحب ديسم حط ايدة بـ ايدي ويدك.

ويگول

اخويه الزود وحزام الضهر

ابد ميطيح وضهره منكسر

الخوه جناح وتعلي البشر

الماله اخوان بالدنيا خسر

من اگول الدنيا ضلمه يركض يضويلي

من اگول الحيل راكد هوه ليشد حيلي

ومن اطيح بعوزه اشوفه روحه لتچيل

اخذت ايدة وندمجت اغنية وية الاغنية واشر عليه

حضن راسي گال

_من يروحلج اخوج فدوة بنيتي.

حضنتة وبجيت.

جساس يباوع النه وعيونة مدمعة ضحك گال

_شبعي من حضنة لان بعد مستحيل تحضني

رد علية ديسم

_اي مو حتى هسةارجعها وياي.

رد بضحك

_لا عمي شعندي غيرج انت الاساس.

استمرت الحفلة وكصصنة الكيك ومن طلعنة انصدمت كومة شباب وكلهم لابسين قوط.

وكفت فرقة تدك وهم يهوسون لـ

_سواها والله سواها أبو البأر سواها

سواها واخذها..

علامة الصدمة وضحت على جساس ضحك وغمض عيونة..

يرمو بالجو ويهوسون والله لـ نركص ركص و نطك الكاشي احنة اهل الولد موش اهل البنية

طلع جساس يمهم سلم عليهم حسي مسويله مفاجئة لان الي عرفتة من بان وبلسم هذولة ضباط وابيهم عقيد والرائد.

جساس من نخطف وماسألو عنة ابتعد عنهم كلهم حتى حساباته وارقامة غيرهن.

بعد وگفة نص ساعة يهوسون اله اخر شي اخذني للفندق بسيارة وحدنة.

الطريق كلة اغاني وركص كل شوي واكفين جماعتة بالشارع يركصون.

وهو وياهم اخر شي ساق وما وكف الهم.

وصلنة للفندق لگينة بان واسلام گدامنة.

واكفة باب الغرفة بان اخذت الي صورة صفح. رغم وحبيتها لاكن مشوشة

دخلنة للغرفة.

قفل الباب وگف گدامي گال

حالف ما امد ايدي عليج قبل لانصلي شكر.

ميلت راسي عليه حجيت

_هسة اغير ملابسي ونصلي

رفع حواجبة گال

_ حتى ااخليج تمشين اعوج وداعتج خوش ام حلك هو شعرج مناسي.

اريد بيدي افتح البدلة..

ركز بعيوني واردف

_انت مو متجددة قبل المكياج لو لا

هزيت راسي حجيت

_اي على مود اصلي.

رد

_لعد عادي بس تگدرين تصلين بهل بدلة؟؟!

رديت

_اي عادي

مد سجادتين صلينة سوية وگمنة.

لم السجادات.

تقرب علية باس راسي وتلمس اكتافي.

لمساتة على ضهري العاري..

حسيت علية فتح القيطان والكلبسات.

هستوة بعد البدلة عن جزئي العلوي دك جهازة مااهتم اله بس انعاد علية الاتصال اكثر من مرة قلقت زيتدة حجيت

_جساس رد

تنهد وفتح خط گال

_انعل مسموط الصفحة ابوك الي خلف عار نفسك احترم ترى عمك اني ولك سرسري ليش تكطع رزقي بسيطة الك الة انعل ساسك.

غلق الجهاز يضحك مسد على لحيتة گال

_السرسري رجعلياها.

رديت

_شلوون

ابتسم واردف

_تذكرين من راسلتج بان وسألتح عن السادي شنو واني گلتلج گولي لـ بان تگول لـ اغبن اسلام هو وهجان خبرة الكلب هسة رجعها يتصل علية.

ضحكت حجيت

_عادي يمون..

ابتسم وتقرب مني اخذت قطعة الداخلية سيت ستن لبستها.

فتح شعري.

قربني الة گال اجة دورج فتحي ازرار القميص

رديت علية

_لاا فدوة..

هز حواجبة ورفع اديني.

فتحت الازرار بدون مااحط عيني على جسمة.

وية اخر زر صاح اخخخخ

شهكت ونتبهت ماكو شي..

رمشت حجيت ماكو شي ليش تصيحح

اخذ ايدي مررها على صدرة حطها مكان قلبة گال

_بعدي ايدج على كيف.

بعدت ايدي من المكان من صدمتي دموعي وگعن..

واسم مجسم قمر نصف منة بيها علامة زائد والنص الاخر بناية نفس الشخابيط بس مكتوب گمرة بتموييج ..

باوعت لعيونه حجيت

_ والله احببك

ابتسم گال

_ اذا انت تحبيني اني عابر هل مرحلة.

تقرب الي وتم زاجنة..

صرت زوجتة شرعا وقانونا وعشقا..

ثاني يوم رجعت من الفندق للبيت.

احلى خمس ايام عشتهن بحياتي هذني.

اگعد الصبح عل صوتة..

نضراتة وكلامة يحسسني بشئ كلش حلو.

والبارحة وصلن الي الصورة مال جلسة العرس نصدمت بكمية الجمال والمشاعر الي بيهنن ماجنت متوقعتهن هيج يكونن خاصة بالصورة الي ردت اوكع من ثگل البدلة ماخذاتها التلث مصورات بحيث من تلث زواية خوف جساس ورعبي واضح.

بس الي ضوجني كل الصور ضاهرةبيهن لون البدلة ابيض فاقع عكس صورة الي اخذتها بان لي لونها كلش واضح.

ماصار هواي من تزوجنة اني وجساس اخر يوم العيد و ورجانزا نشرت الكم مقتطفات من عرسنة.

لحد هل لحضة بعد ماعندي اي احداث كل الي صار وياي بهل ايام..

يمكن ماتعرفون بس من اتفقت وية اورجو عن الروية كانت برواية لم يكن فارس احلامي وجر الوقت لان جانت مامكتملة وحتى جساس مالتقي بي

وهي نشرت ثنين غيرها

يعني انتم شهدتو على حبنة.

والا حداث اكو متفاوتة بعضهن يخصن المضاهرات لان جساس ماقبل نتطرق هواي اله..

وهذا هي حياتي اتمنة عجبتكم

نهاية لكل بداية جديدة✧

_رأيكم بگميرة وجساس

_شتحبون تگولون الهم للعلم گمرة تقرأ الرواية والتعليقات.

البارت مكتمل من الخمسة الفجر جنت سهرانة علية لاكن غلبني النعاس عذروني وشكرا لتحملكم.

بقت بس قصة مشاعر 🙂🖤

وصلو اعلان قصة غرائب القدر 500تعليق وانشر بارت

رواية لماذا احببتك

البارن العاشر.

بقلمي اورجانزا الطائي.

.

.

.

.

.

..

.

.

.

.

.

.

.

.

.

. على اثر الصوت فتى وسيفوعمتي اجو بس صدمني كلامة قبل لايطلع.

_ لحد هل لحضة انتِ زوجتي وماطلگتج گلت تنعدل بس للاسف.

هز راسة ونضراتة بقت ببالي..

طلع من البيت عمتي حجت وياة فتى تصيح بابي بابي

مااهتم لـ احد ماسمعت غير صوت شخطة السيارة..

دخلت عمتي تضرب على صدرها وتگول

_ولج شبي احجي يا يمة وليدي راح..

لحضات انتفضت وگالت

_ ولج يمة خابري اخييج اركان عندة ضغط وگلبة عايش على بطارية مدري شريحة لحگي يينة ما صار اله غير شهر من سوة العملية..

شهكت وحجيت

_عمملية ققلب..

بالگوة گمت اخذت جهازي واتصلت على هجان گلبي يدك خايفة لايصير بي شئ لان الدم فضيع..

لحضات احسها صارت سنين..

رد علية بصوت واهن رديت علية بـ نبرة حزينة باكية

_عفية هجااان تلاحككك اركان طلع عصبي وضارب ايدة بالجام وهو مسوي عملية فدووةة الحكةةة

رد علية بعصبية

_ ما صارت هل ايد اله تنكسر يالة يرتاح وانتِ ماتگعدين راحة راح تموتين الرجال.

سد الجهاز بدون مايسمع حرف واحد..

گعدت بالگاع حضنت رجلية وابجي.

احس روحي لعنة ونزلت عليهم.

تأ نيب الضمير فضيع كارها روحي واريد اصرخ احس حرارة على صدري.

اشاهك وعمتي حضنتني تبجي وياي وتگول

_ ييمة كافي مكابر ثنينكم مو شلعتو گلبي كل يوم واحد صاير بي شي...

لاتبجين يبعد روحي هسة يرجع هو دومة متسرع وعصبي اني اعلمة الة ارزلة..

ولج احجي يمة مد ايدة عليج

گولي حتى اكسرها اله شلون يمد ايدة عليج واني موجودة.

حضنتها بقوة وكارها نفسي هو كل الي صار بسببي وعمتي تلوم بي..

دفنت راسي بحضنها حجيت

_عمة للمرة الثالثة اتخلة عنة وهو عصب عمة والله مااعرف الي اريدة شنو

شهگت واردفت

_اريد امانة ووجودة بس ماريد قربة اريد حنانة واهتمامة بس ماريدة شنو الي اريده ما اعرف..

احب اسمع كلامة بس اكرة لمساتة اغار من فتى علية بس مااحبةةة..

اشاهگ وابجي احس صوتي بالگوة يطلع الله اعلم شلون هسة هو مسوي عملية واني دفعتة من صدرة..

شدت على حضنها بدون ما تحجي شي.

مر وقت واني تفكيري يروح ويجي..

ابتعدت عنها..

لهمت شفايفي اخذت جهازي مترددة..

اتصلت علية طول يالة رد.

سبق كلامي  هطول دموعي غمضت وضغطت على ايدي حجيت

_ لگيتة لو لا.

.

سمعت صوت تنهيدتة الي ابد ماتبشر بخير..

لحضات همس بصوت يادوب ينسمع.

_الله يعلم بحالة حالياً بغرفة العمليات..

ماتحملت شهكت ودموعي  زادن بحيث ما سيطرت عليهن..

اسمعة يگول

_ قبل ساعة وصل الدكتور المسؤل عن حالتة وهسة گال الجهاز لازم يتجدد لان ضغط قوي عليها من غير اعصابة التالفة والعامل النفسي وياهن ماتتحمل حالتة لازم يغيرونها..

سكت ثواني. اردف

_احييج خيتي گدرتي تهدمين عضيدي واخوي الي ما جابتة امج.

گلامة أذاني بزيادة.

شمرت الجهاز على عمتي وابجي بصوت مسموع.

احس فقدت الشغف للحياة ليش هيج ماعندي حظ وبخت ليش تدمرت حياتة بسببي ليش دائما اغرسة بضهرة ليش ياربي ليش الي ديصير وياي..

نفسي ضاق وعيوني سوربن.

اسمع عمتي تحجي على هجان لان هيج حجة وياي.

گمت من يمها متركية على الحايط.

صارت گدامي فتى عاقجة وجهة وعيونها مدمعة متخوصرة.

بدون سابق انذار گالت

_ ما احبج مامي ما احبج اني اريد بابي ما اريدج.

يمكن جنت متحملة اخر خصلة بحياتي.

بس فتى كلامها خناجير عمية وتغرس بگلبي..

بنتي الي حاربت بس علمودها هي واخوها هيج تحجي لعد لو ما محاربة شتسوي..

رغم الغواش والحرارة الي برجلية مشيت لغرفتي.

فتحت الباب ودخلت فترت بية الدنيا بحيث مااحسيت على نفسي من فقدت الوعي غير على صوت الهوسة..

فتحت عيوني يم الجرباية متمددة..

راسي ثگيل حيل..

طلعت من الغرفة صار گدامي هجان الي ابد ما ردت اشوفه بهل وقت..

اشر بيده وطلع.

رحت وراه وكف بالطارمة گال

_بدون لف ودوران مشاعر استقري على شي لاتخلين الرجال كل يومين والثالث صاير بي شي.

ترى حرام عليج تردي گولي فلان اريدك ما تردي تطلگي وفضيها خيتي هو هم اله حق عليج لاتجرين طول وعرض ولعلمج ترى اركان ميهمة الشكل لو على الكل واتمام وشهوات اوووووووو كان من زمان او من تزوج بنت عمة مو هسة يدورهن منج.

اركان يريد شخص يحبة او يبادلة المشاعر والاهتمام.

يعني هسة حاط تنضيم دقات القلب وانت مصخمة وملطمة وفو كل هذا

ايدة هم ١٠ازرارات وتجبير لان مكسورة .

رحمة لربكم داخلين حلبة هم الجهال مو هيج ولج كل يومبن ومخابرة الحك ضرب ايدة.

بس اريد افهم هسة من نكسرت وتشكلت برگبتة منو فادة انتِ؟!!!

الي مامهتمتلة لو منو.؟!

مايفهم المره الي ما تريدني اطلگها مو حاطها ومنعول ساسي ومااعرف راسي من رجلي من ورة كلامها.

هز ايدة گال

_فتى تنتضرة وانت تنامين شنو نگلبت الاحداث؟!

اول ما دخلنة ركضتلة ولج لو سيف عايش هم ما حبها هيج.

تنهد واردف

_ولو الحجي مضيوع وياج بس اعتبري اني لو مهوال ولا تنكدين علية فترة مرضة.

وانت طلعي من قوقعتج ترى سيف ما حبيتي انت مجرد حبيتي اهتمامة بيج.

مشاعر الحب حلو حاولي لمرة وحدة تعيشي كما هو بدون استبدالاتج.

اشر بـ اصبعة السبابة گال

_اركان باجر يروح للبيت مالته مايقبل يبقى هنا وعلى عمى عيونة دخل..

هزيت راسي ردت امشي من يمة .

سحبني لحضنة باس راسي گال

_همي مصلحتج والله.

هزيت راسي مبتسمة.

رجعت للهول الاستقبال ضواه طافي والجهال ماكو..

سألت عمتي گالت يم اركان.

ابد ما عندي الجرئة اروح واشوفة رغم بالي يمة..

تجددت ودخلت لغرفتي.

فرشت السجادة وگعدت اصلي.

اخذت القران فتحت سورة يس اقرأ ودموعي تنزل..

للتلاثة باليل اني اقرأ قران.

صدقت وگمت احس عيوني ما اگدر افتحهن..

طلعت غسلت وجهي ورجعت  للغرفة.

بحثت عن  بطارية القلب او منضم دقات القلب  .

من ضمن تعليمات بعد العملية المفروض يبقى من يوم الى اسبوع بالمستشفى..

وهو اليوم طلع...

عرفت كذا معلومة منها

يبتعد عن التوتر والعصبية والكتمال والسهر.

كل شهر يسوي فوصات شاملة.

ما يستخدم الجهاز لفترات طويلة.

يبتعد عن الاماكن الي بيها الاجهزة مثل الفرن المايكرويف البراد السبلت والمكيف والخ..

البرودة والحرارة تأثر علية سلبياً.

وهو نايم بالاستقبال والسبلت مشتغل وهل شئ موزين.

بالبداية ترددت اروح بس تذمرت وگمت.

لگيت عمتي گاعدة تصلي.

فتحت باب الاستقبال اضلم وضو كلش خافت من الحديقة ..

دخلت  تلمست مكان الريمون ماكو.

شغلت الثريا  ضواها خفيف.

بحثت عنة ماكو.

توقعت يمة لان مالگيتة.

صديت علية ولا يگعد راحة.

فتى على ايدة اليسرة نص جسمها على صدرة

وسيف جهة اليمنى بحضنة.

والله كارثة لعد لو ممسوي عملية شلون تنام اذا هو مسوي ونايمة هيج.

ضربت على گصتي بخفة حجيت

_هسة انت شعليج بس اريد افهم.

تقربت عليهم اخذت الريمون طفيت السبلت وطلعت.

صارت عمتي گدامي گاعدة على الجرباية  مبتسمة.

تقربت عليها حجيت

_شبيج عمة.

ردت

_والله يعمة رجلية ما حاملاتني راح اتگرم.

رديت عليها

_اسم الله الرحمن  لاتگولين هيج..

ضربت على رجليها گال

_قابل مجذبة ييمة،

تنهدت واشرت براسها  گالت

_شلونة خو ما حاطم بحضنة،  ابو لبيب گال مايصير ضغط علبة لان يوگف الجهاز مدري البطارية.

رديت عليها

_اصلاً اركان لا ابالي  وفتى نايمة على صدرة وبالتحديد جهة گلبة.

هزت راسها گالت

_يمة  فدوة لطولج وخريها عنة هذا مخبل ابد مو عاقل..

رجعت للاستقبال واني ضامنة يحجي علية.

تقربت عليهم.

فتى من جهة الحايط صايرة.

حاولت ابعدها عنة  ماگدرت لا نايمة على بطنها  أيد حاضنة رگبة اركان  والثانية جوة المخدة.

طلعت ايدها الي حاضنة رگبتة.

ودفعتها شوي عنة..

وية ما ردت اگوم همس

_مو اگلج الك*** ا توب  وتصير شلنفص  وانت ماتوبين..

ولا رديت علية.

طلعت من الاستقبال.

عفية هل  انسان غريب.

دخلت يم عمتي. ضليت گاعدة وياها.

لحد ما اذن صليت ونمت بالهول...

حسيت على صوت جهاز يدك

فتحت عيوني  گعدت شفت الجهاز مالت اركان بس لبارحة شفتة يم راسة..

هزيت راسي ناسية الجهاز بيدي وافكر..؟

انتبهت على الاسم  تچايتي. بس الرقم نهايتة0005 رقمة مميز وسهل..

خلص الاتصال رجعتة لمكانة هم رجع اتصل.

وديتة اله اخذة بدون ما يحجي.

طلعت  غسلت وجهي  وسويت ريوك.

للعصر اجة  هجان مثگل وجهة علية.

گعد يمنة شوي وطلع يم اركان.

لحضات صاحني هجان دخلت عليهم.

لگيتة  گاعد يم اركان.

حجيت بهدوء

_ها هجان!؟

بدون ما يصد علية يفتح بـ ازرارات قميص اركان كال

_ جيبي  قميص وبنطرون او دشداشة احسن ما تضايقة.

صفنت علية ورديت

_ماعندة هنا ملابس..

صد علية حجة بستهزاء

_تشاقين؟!

هزيت راسي بنفي

وگال

_صدك تحجون انتم  ملابس ماعندك هنا؟؟ غير متزوجين وماتردون يشكون بيكم..

دبروها الي هسة اريد ملابس منين اجيب.؟!

رد

_نفس الاوادم تروح لبيتي.

رد هجان

_انت منطي مجال  وداعتك  أمري لـ الله وين المفتاح لو عايفة مفتوح..

رد اركان

_الله يساعدها عليك، لو منها جان طلگتك بساعيتها شبيك جنك عجوز حدبة بس تحجي اخذ استراحة.

وتعال اختك شعليها اني الي مامخلي هنا.

لان تعرف طبيعة شغلي.

رد اركان هوة وياخذ المفتاح  ويگوم.

_  والله تستاهل الي تسوي بيك من گد ما تدافع  طغت عليك.

على يوم تخابرني تگول جلطتة و سافر لدار السلام.

بس تعرف انت ماعندك ذنوب لان الله يسلم اخيتي اخذتهن كلهن منك لهل سبب امن من تستودع.

رد اركان بضحك

_لعد شگد ملطلط، و اختك نسختك  بالتصرفات والاطباع.

يعني لاتحجي عليها لان هذني سويليفاتك.

عفتهم وردت اطلع  اسمعة يگول

_ماعجبها كلامك اروح لبيتك احسن.

والله اشك بـ هجان اخوي لان علاقتة بـ اركان كلش قوية بحيث يرزل بية  بالطالعة والنازلة.

طلع ورة  ربع ساعة  رجع.

غيرو وطلعو.

گعدت وية عمتي نسولف.

_ييمة انطي فرصة لـ اركان انت واضح تحبي وبنفسج  الي مات الله اله حق عليه.

كلامها كان مفاجئ الي لان نسولف بالاثاث ودخلت بصميم الموضوع.

صفنت بوجهة لحضات حجيت

_مااريد اتعلق واصلاً ما أعرف مشاعري اتجاها.

ردت علية بـ اقناع

_ييمة هذا قدر ربج  والله ضاملج ااحسن وأركان شاريج بـ ماي عيونة.

هزيت راسي بدون مااحجي.

للعشرة باليل اجة هجان بدون اركان.

ركضت علية فتى تگول

_خالو  وين بابي؟؟؟

دنك عليها  تلمس خدودها گال

_ بالبيت  باجر يجي..

نزلن دموعها گالت

_اني احب بابي اريد اروحلة.

شالها ورد عليها

_امج موجودة ابقي يمها اليوم..

ردت بـ زعل

_اني مااحب مامي تحجي عليك انت وبابي ماتحبكم..

عضيت شفتي وغمضت.

الجنية ولا تگعد راحة شوكت گايلة اكرهم..

رد عليها هجان

_هذا يمها تحب او ماتحب ما تغير شئ صيري احسن منها وابقي يمها.

ردت علية

_اروح وياك توديني لـ بابي 

رد

_ياروحه لخالج   زين شتگولين اخذج  للماركت واشتريلج حلويات الي تحبيهم وكيك؟؟

حضنتة گالت

_لا اني بابي يشتريلي ومااريد من غير بابي.

ضحك بهدوء وسايرها

_بابييج يگول باجر اجي اخذها واشتريلها.

حضنتة وتبجي بصوت

_اريد بابي ماعلية.

تنهد گال الها

_اخذج  بس عوفي البجي..

ضحكت بصوت عالي گالت

_ خالو انت هم تضعف گدام دموعي..

ضحك هجان گال

'يا ملعونة تكذبين علية وهذا دموع التماسيح عوفيهن  يالة  بدلي بين ما احجي وية امج حتى اوديج.

نزلها  شمرت ضفيرتها  بالهوة و تخوصرت گالت

_ يا خالو انت وبابي تحبون مامي ومامي ماتحبكم تحب خالو مهوال.

رد عليها

_مو گلت الج يروح خالج مايصير تنقلين كلام لان يگومون يكرهون امج.

ردت علية

_يعني انت تكرة مامي؟!

رد عليها

_ملعونة روحي بدلي بسرعة لا  ما اخذج والله.

واني حلفت.

حضنتة بقوة وتكول

_ها لان احبكم هيج تسوون بية بس مامي ماتحبكم تحبوها.

عافتة تضحك وتركض..

هز راسة يضحك.

گعد گال

_مشاعر عندي كلام وياج..

عمتي گامت گالت

_اخذو راحتكم اروح ارتاح..

گام الها باس  راسها گال

_راحتنة يمج خالة  لاتنسين اني ماكل وشارب يمكم قبل لاتصير مشاعر جنتكم.

انت على راسي وبالعكس لو ما اعرف انتِ  تنصحيها وتعقليها فلا اجي واحجي واني  متعنيلج اريدج تحجين وياها وتخليها تعقل  لان لو ما انتِ  الله اعلم  شصار بـ مشاعر..

دمعن عيونها باست كتفة گالت

_ والله ييمة مشاعر بنيتي سوت الي ماسونة بنيات بطني  وكفت الي بمرضتي  شلون تريدني ابعد عنها...

واذا عليها هي واركان والله ثنينهم نفس المعزة اعزهم هو وليدي وهي بنيتي.

رد عليها

_والنعم من اصلج  خالة اعرفج والكفل زينب،استريحي  وسمعيني وشوفي كلامي بي غلط.

ردت علية

_حشة من الغلط يمة.

  گعدها وگعد يمها.

ودخل بالموضوع.

_ اركان ماقبل يجي لهذا البيت يگول البيت  الها من سيف وما اگعد بي  وشي اكيد هذا عذر.

حاليا موجود ببيتة، حالتة متدهوة مو مال عناد ولا  عصبية  يراد اله راحة بال  واهم شئ بعدو عن البروده والاجهزة.

السبلت الي بغرفتة   فصلتة من الرئيسي بدون علمة لان اولد ما دخل  شغلة.

والي بالديوانية هم فصلتة   بقة الي بالصالة هذا ماگدرت اسوي لان اكيد يشك وهو اصلا عارف اني فاصلهن بس غلس.

يبقى شئ واحد منو يداري بهل فترة وهو يكابر؟؟

اني يومية اجي اله بس ما متوفر كل الوقت،  عندي واجبات وباليل ما اگدر ابقى لان جناجلي تبقى وحدها اخاف عليها..

ردت علية عمتي

_اني يمة  لا تخاف وتضايق روحك مرتك هم الها حق عليك وشغلكم اعرفة مالكم راحة..

كمش ايد عمتي باسها  سحبتها منة  گالت

_استغفر الله يمة مايصير..

ابتسم واردف

_ انتِ هم يالة صحتج خالة..

مشاعر زوجتة وتتحملة نفس ماهو  بعز ضوجتة منها گعد يداري بيها بالمستشفى.

صد علية گال

_ من اول يوم دخلتي مستشفى اركان اجاج وماقبل يبتعد عنج ولعلمج  حتى بالعزل هو وياج.

على الاقل رجعي تعبة وضيم گلبة كل هل سنوات.

داري لان اركان تعب وكل اخ او تنهيدة منة تنحسب عليج لان اذيتي هواي.

اني اخوج مايقبل  احجي عليج  يسويها سالفة اذا گلت مقصرة.

هذا فرصة الج  تجازين تعبة  وطعنج الة والحر تكفي الاشارة..

نزلن دموعي حجيت

_ واذا ما قبل؟!!

رد

_تتحملين  وتحسين شلون هل فترة عذبتي.

اعتبري الدنيا دارت واختلفت الادوار..

هزيت راسي بدون ما احجي شي.

تنهد گال

_حضري روحج  تجين وياي اوديج  للبيت.

وخالة تنتِ بكيفج تروحين او لا  بس اريد منج اذا تروحين سبوع مالج دخل بي.

على الاقل ينطر يطلب منها.

ردت علية عمتي

_عين العقل، ابقة هنا  واراوح عليهم.

عفتهم ورحت  اخذت عباتي  بدون شي.

طلعت وية هجان و فتى.

دخلنة للبيت.

كلة ضلام بضلام.

شغل الاضوية وراح لغرفتة فتحها.

ضلو ثنينهم بالغرفة.

راحت الهم فتى  اسمع صوت ضحكة وياها..

صفنت على مكاني الي گاعدة بي.

قبل سنوات جنت هنا گاعدة وهو يم عمتي  من طلب چاي مني

من ولدت والبنج بية واصيح  يريد بالكوب مو الستكان يتشرط..

ضحكت وهزيت راسي..

طلعت من هل بيت برضاتي توقعت ماارجع الة..

كل راحتي بي رغم تزوج اركان بس ماشفت اذية منه هنا..

مسحت دموعي.

طلع هجان  قرب علية  باس راسي گال

_اذا عندج ذرة مشاعر لـ اىكان تمسكي بيها لان اركان مايتعوض وداعتج بگلبي.

رديت علية بـ اختصار

_اي.

تنهد وطلع.

نزعت العباه بقت بالهول.

نعست كلش مددت.

مر وقت ما حسيت على روحي نايمة..

گعدت على صوت طكطكة.

فتى گاعدة يمي مشغلة كارتون.

رحت للمطبخ طلعت دجاجة  سويتها تشريب وبعدها شويتها.

المطبخ  كامل مسواگة.

سويت التمن   وطلعت من المطبخ صا گدامي  يتركة الحايط.

وايدة مجبرة ولابس  ستاند محاوط رگبتة وايدة..

وصدرة جهة اليسرى محطوط عليها لاصق عمليات..

صفن بوجهي للحضات  بعدها ابتعد ولا كأنو گدامة..

نضفت البيت كلة تراب..

للوحدة ونص خلصت.

ردت اسبح ماعندي ملابس هنا.

اتصلت على عمتي  گالت هسة ادزهن.

بس طلبت منها تجي على الغدة.

اقل لربع ساعة جابت  سلة بيها ملابس الي.

اخذتهن منها  وسويت صينية نطيتها الها توديها لـ اركان ريوك.

  واني رحت اسبح.

طلعت عمتي مشطت شعري.

ردت البس الحجاب ضربتني بخفة على ايدي گالت

_تستحين من الحيطان ومادري.

ماحجيت شي بس لفيت شعري

رحت للمطبخ صبيت اكل  وديته للهول.

كعدت گالت

_يمة ترى اركان گال ماريد ريوك انتضر الغدا.

  گمت طلعت اكلة هو هم.

رحت لغرفتة فتحتها  لگيت الجهاز  بيدة ومبتسم.

شافني رفع حاجبة.

ادعيت عدم اهتمام رحت نزلت الصينية يمة..

حجيت

_هذا الغدا..

ردت اطلع گال

_صيحي لـ  والدتي وياج.

هزيت راسي وگلت لعمتي.

گامت راحت اله  طولت ياله اجت بيدها الصينية.

گعدت گالت

_ من تودين الاكل  گعدي يمة  لان ما يگدر ياكل بيدة.

رد يت عليها

_ان شاء الله.

كعدنة  تغدينة  وغسلت المواعين.

لحضات دك جهازي هجان.

علمني على دواء وراح.

اخذت  مي ورحت لغرفتة.

فتحت علاگة الادوية ونطيتة اخذهن.

طلعت من يمة سديت الضوا  وطلعت لان مدد ويتثاوب.

بمعنى يريد. ينام.

اقترحت لعمتي تجي يمنة ومن بعد اصرار وافقت.

باليل  دخلت اله فتحت الضو گعد وفتى بحضنة.

عقد حواجبة  تقدمت علية انطيتة العلاج  اخذة وطلعت.

نص ساعة رجعت علية بيدي صينية العشة.

گعدت يمة  سويت اله لفات يا كل بدون مايحجي.

فتى نايمة..

كح  انطيتة مي..

وكملت الة الاكل.

قبل لا اطلع نطيتة العلاج وحت يم عمتي.

تعشينة وگعدنة نتابع تلفزيون.

للعشرة  طلعت  سويت فواكة  وديت لعمتي  واخذت ماعون لـ اركان.

دخلت  انطيتة الماعون.

وعيونة   تفتر حولي بحيرة..

استمريت اسبوع على هل منوال  الصبح يجي هجان  وبقية الوقت  اگضي يم عمتي.

لگيت بيدة الجهاز اخذتة حس علية ما بررت  انطيتة العلاج وطلعت

ونفس الشي وديت اله العشة عشيتة وطلعت.

بعد العشة اخذت اله فواكة.

انطيتة  ركز بوجهي گال

_ليش هل اهتمام؟!!

ابتلعت ريگي رديت بهدوء

_هذا واجبي، انت بمرضي داريتني..

  عض شفته گال

_يعني تردين المعروف..

رديت

_لا اعوضك عن تعبك الي تعبتة علية..

دموع وضحن بعيونة  وحجة بعصبية مكتومة

_ ما اريد تعويض منج عن فرض اريدج انتِ من  وحدج تگولين اداريك مو اخوج يفرض عليج.

غمض عيونة وضغط على گلبة بيدة گال

_منعول الصفحة، ذلني الج بس لاتتوقعين  تشوفين اركان المذلول بحبج لا والكفل زينب يا مشاعر..

اشر على الباب گال

_طفي الضوء وطلعي برة.

رديت

_أركان..

رد بعصبية

_ششش طلعي برة تمنيت اسمع منج  كلمة تطيب گلبي.

ما كمل كلامة رد

_ طلعيي بسرعة ما اريد اشوفج طلللللعييي...

طلعت من يمة لان عصبيتة زادت.

رحت يم عمتي  ربع ساعة طلعومن الغرفة.

لحضات ما اسمع غير طبة قوية..

ركضنة اني وعمتي ونشوف اركان واكع بالكاع. يتبع..

_رأيكم بالبارت.

_توقعاتكم بالبارت

_سويت قناة تلي الي يريد الرابط يراسلني.

_تفاعلوو على البارت.

_اخذ رأيكم

تقريباً  بقة لختام الرواية  احداث لثلاث بارتات

اختصرعا بـ بارت او بارتين؟!؟

جاوبوني هنا.

رواية لماذا احببتك

البرت الحادي عشر

بقلمبي اورجانزا الطائي.

.

.

.

.

.

.

.

.

.

.

.

...

غمض عيونة وضغط على گلبة بيدة گال

_منعول الصفحة، ذلني الج بس لاتتوقعين  تشوفين اركان المذلول بحبج لا والكفل زينب يا مشاعر..

اشر على الباب گال

_طفي الضوء وطلعي برة.

رديت

_أركان..

رد بعصبية

_ششش طلعي برة تمنيت اسمع منج  كلمة تطيب گلبي.

ما كمل كلامة رد

_ طلعيي بسرعة ما اريد اشوفج طلللللعييي...

طلعت من يمة لان عصبيتة زادت.

رحت يم عمتي  ربع ساعة طلعومن الغرفة.

لحضات ما اسمع غير طبة قوية..

ركضنة اني وعمتي ونشوف اركان واكع بالكاع

شهگت وتقربت علية

گلبتة لان واكع على وجهة..

مغمض عيونة بقوة وعاقد حواجبة.

بالگوة گومتة.

وديناه للغرفة.

لحضات هدئ  عمتي گالت

_مشاعر يمة خابري اخيج..

قاطها

_مابية شي بس اريد ارتاح طفو الضوة..

حجت وياه عمتي عند وقفل يريد ينام..

طلعت من الغرفة.

فتى رادت تروح يمة ماقبل طلعت زعلانة..

بقيت على وگفتي بدون ما احجي.

صد علية عقد حواجبة  كال

_بلا زحمه طلعي وسدي الباب.

ههزيت راسي بهدوء.

طفيت الضو وسديت الباب  وگعدت على طرف الجرباية.

شغل تيبلام  وحجة.

_وجودج هنا شنو معنا؟!

رديت

_زوجتك.

سكت ثواني تنهد گال

_مشاعر عليج بروح الحسين طلعي تعبان ومابية اتحمل برود اعصابج..

ابتلعت ريگي حجيت

_ يابرود ماتگلي ترى اني هم دخت وياكما اعرف الي تريدة شنو.

اركان: لعلمج تعاملج واضح انو مجبورة تداريني وبالاخص كلامج..

ميلت راسي حجيت

_اركان شبيك يامجبورة، ترى والله وداعة جهالي ثنينهم اني لو مو من گلبي اريد اجي هنا ترى ولا اوصل عتبة البيت شنو ماعرفتني كل هل مدى....

وللعلم ترى مداريتك لان شفتك شلون معتني بية وبالاخير زوجتك ان شئت او ابيت..

رد

_افهميني مايهمني زوجتك اختك بنتك الي يهمني گلبها ينبض الي

عمي وحق الي اخذ حق اخيتة ماريد غير نضرة الاهتمام والحب من عيونج.

ولج مشاعر شايفة نضراتج شلونها

كلها حقد وكره ولامبالا وقرف.

حقدتي حقج جبرتج تزوجيني لان ردت اخذ الاطفال ولو ما واكعة فتى وهبطتيني ومحد ماخذها  وترديني ابقيهم يمج ولج فتى هذه روحي

من هل دنيا  النفس الييصعد وينزل وانحرم منها لا والله..

والمرة الثانية يا ست مشاعر من اخذتهم منج هم حقج علية.

بس القرف وال، اشمئزاز ليش شايفتني ازني لو شنو  بااضبط.

غمضت عيوني بقوة وحجيت

_اركان خلي نخصم الموضوع..

احجي بدون ماتقاطعني.

تريدني اكذب بمشاعري اتجاهك واكول احبك وماگدر اعيش من دونك؟!

اني انسانة واضحة ابد مااحب اجامل،  صح عندي مشاعر اتجاهك  واحب تعاملك وياي والاخص حنيتك علية  رغم الي صار بس ما سئت الي بحجاية..

هل شي ما انساه الك.

تريدني احبك نفس حبك الي ولو ماتوقع اوصل لهل درجة بس انت ساعدني ايد وحدة ماتصفك..

للعلم جنت عايشة بضروف صعبة وبعدها اعترفلي سيف وزواجي فجئة صار ماجنت حاسبة حساب اله..

وانت ماشفتك ولا تعرفت عليك عن قرب.

والي جنت اسمعة من سيف انو انت

انسان عصبي، مغرور، متملك، وحنين.

غير هل اربع صفات ماسمعتهن من سيارة  ارسخن ببالي.

بدون سابق انذار بيوم يطلع سيف وترجع انت تگلي مات وأمنج يمي.

اني حتى مو نفس الناس حزنت وبجيت   امي تجي تلومني لان تزوجت غريب.

ومن طلعو علية الاشاعة اقاربك  داسو على گلبي.

وانتبدل ماتحتويني بعد ماتزوجنة لا فضلت انو تحاول وتبتعد بدون ماتحتوي.

رغم بعدك  نبتت بذرة حب اتجاهك.

بس انت دفنتها بيدك من تزوجت وهم مانطيت علم بشي.

كل ما افتقدك واحس بحاجة وجودك  انهي هلمشاعر لان اگول هو تزوج وخف مو بحالج احتفضي بكرامتج..

انتهت هل فترة وزوجتك تتصل علية  بحجة الاعتذار لعبت ملعوب واني الغبية صدكت هل شي.

بس قسم بالله بيوم الي حسيت الي دااسوي غلط ورا اخسرك للابد نهيت هل شي وهي گالت اله احجي لـ اركان

الغلط الي سويتة بحت بسرك.  وانما الابعدك عن اطفالي احس من حقي لان اطفالي مايشوفون غيرك وصلت عد فتى ما احبج مامي.

وانت عاقبتني ورجعت الصاع صاعين ونص.

سنة حارمني من شوفتهم.

وبالاخير گابلت المستشفيات من جرثومة لـ ورم وختمتها كوفيد19

كل هذني صارن وياي.

اني هسة گاعد اگلك اريد مساعدتك حتى اعشقك مو بس احب اهتمامك..

غمضت عيوني وابتلعت ريگي فتحتهن  همست بصوت مسموع..

_اريد اكمل ديني وياك تقبل اركان.؟!!!

مر وقت طويل بس صوت انفاسنة بالغرفة خفت لايكون فاقد الوعب حجيت

_اركاان؟! ¡!!

رد من بعد تنهيدة.

_لا ما اقبل ذليتيني بما فية الكفاية.

بدون سابق انذار وگعن دموعي..

هو سكت واني التزمت الصمت.

لحضات گال

_ساعديني اتغطة.

بدون مااحجي  تقربت علية غطيتة وابتعدت.

ردت اطلع بس غيرت رأيي  مددت بصفة من الجهة الثانية وتغطين وياه...

نفض الغطة وگال

_خييير ياطيرر؟؟

شكوو نايمة يمي!

رديت

_غرفتي ونايمة بيها عندك اعتراض!؟؟؟

رد

_اي عندي لان تعيقين حركتي.

رفعت حواجبي وحجيت

_على كيفك ترى الجرباية  نفرين مو نفر واعيق وهسة ياله نام.

رد

_تعرفين بروحج مستفزة وخبيثة لو لا؟!

فتحت عيوني حجيت

_اي اعرف وانت تعرف بروحك مايعجبك العجب كل مرة برأي!

رد منتفض

_اني من شوكت هيج؟؟

_من زمااان.

رد علية

_ابد ما جان عندج هل لسان بس طابگتيلي الكاتبات  وصايرتلي  متكلمة عودين..

رديت

_اركان عليك الله من يومي هيج مااعرف اذا ما ارد  الكاتبات شعليهن مو بشر حالنة شيك هم انت وهم جساس.

رد

_لان تغير اسلوبج،،  ولعلمج اني خايف على الكاتبات منج خاف تعلميهن اسلوبج الخ**

انتفضت وحجيت بعصبية

_تنام لاوالله العظيم هسة اطلع خبالاتي عليك ترى كافي مناگر.

رد

_معاجبج كلامي الباب يوسع جمل   تفضلي.

ماحجيت شي بس تمددت وتغطيت

وهو بقة يحجي  اخر شي  هستوني غفيت فززني.

وخر الغطة من راسي وگال

_عودين هذا الي تكتب  قصتج المعضمة  هم تعرف خلالاتج وحقدج لو تعرف انتِ انسانة واعية.

والي يقرون هم يعيدون اغلاطج لو يتعلمون منهن ولو اذا انتِ ماتتحاجين ومطلعة الحياه من عيني  هنشلون تلگيهن يصفگلج دام يردن قصتج المعضمة.

گعدت مقابيه وحجيت

_اصلا يكرهونك والله العظيم  وكلهن يحجن عليك ويدعن هم  ومتعاطفات وياي.

رد

_لا يالكعبة، هذني ادعيتهن لعبن بحالي لعب لعد شگد *****

رديت

_شنو هذا شبيك يا اركان عليك الله هيج المرض هيجك علية  اريد انام والله نعسانةة

رد

_نامي اكو واحد لازمج بس انتِ كارثة.

رديت

_اي صحيح.

رد

_شو تستهزئين؟؟؟

رديت واني اتغطة

_لا وين..

ما اعرف شلون نمت تفكير و  توتر وخوف وقلق كلهن مجموعات.

گعدت الصبح نفس العادة.

طلعت من الغرفة  سويت ريوك وگعدت سيف وفتى للمدرسة.

فتى عيونها مورمة وزعلانة.

اجة هجان  من شافهم اخذهم هو لان اركان مايگدر ياخذهم..

گعدت عمتي وجهة يضحك.

تريكنة سوية  .

نضفت البيت وحطيت الفاصولية على الطباخ.

التمن كمل بس المرگة تفور..

سبحت وطلعت عمتي  مشطت الي.

صارت بـ 11 واركان مگعد..

خفت علية لان مو عادتة ينام لهل وقت.

ردت اروح للغرفة  وگفني صوت عمتي تگول

_حضريلة الريوك وروحي گعدي.

رديت عليها مبتسمة

_هم صح..

رحت  سلگت بيض وگعدت اراسل البنات.

جساس فاتح موضوع زواجة وية  گمرة.

ومودة دازة فيديو.

دخلت علية  هي وحسيت وايليا  واگفين وبنصهم ستاند نفاخ وبالاخير نفاخة لون اسود.

ضحكت لان اعرف هذا معرفة جنس الجنين.

ثقب لنفاخة  ايليا  وطلع منها لون وردي..

الفرحة الي بعيونهم  نزلن دموعي..

حسين ابد ما يتعوض  اتذكر كانت تعشق شئ اسمة خالد  والي هوابن شيخ و صديق حسين.

  بوقتها شگد حاول وياها بـ كل الاساليب بس هي ابد رافضة.

بس الحلو بـ حسين يگدر ينهي عليها وهو ابن عمها.

و رغم انطوها اله  وهو ما اخذها  وكان يگول اريد روحها  وبالها  وتفكيرها مو جسمها..

هل انسان  ما فد يوم اجت موده وگالت زين كله تصيحة حسيوان  بمقصد تشبها بالحيوانات...

رغم ما عرفتة غير بعد زواجة من مودة بس ذرة من الله.

دزت صور هم مال جلسة كلش حلوات وهي بطنها كلش بارزة.

رديت عليها

_الف الف مبروك تتربة بعزكم ودلالكم يقلبي.

ردت

_ويبارك بيج ام فتاوي يوم الج واشوف ابن اركان بحضنج.

غلست مجاوبت بس اكتفيت بالابتسامة.

ردت عليها گمرة

_ شايفة السرسرية احسن منج يعني ماتكولين حامل غير بشهر الرابع على كلامج والي واضح انت بشهر السابع  طالعة قوطية ببسي بغداد ابو الربع.

بس فدوة لحبيبي ايليا يخبل طالع  وحسين الصاك  شلون قبل بيج.

ردت عليها

_ههه ولج والله خفت لا نفس كل مرة يصير ويوكع.

واني قوطية ببسي احسن من سعفة المطيرچيرة.

ضحكت على ردها

لان گمرة رغم اصغر منة بس طويلة  واطول منة.

وبان اطول من گمرة.

ردت عليها گمرة

_على الاقل السعفة  تحط الناس جواها مو القوطية تنشمر بالزبل.

ردت مودة

_ يا تحطين الناس جواج اگلج مطيرجية  وعوفي نهاية حديثنة لازم منگار.

ردت عليهن جيلان.

_عندي الجن خبر من اول بارحة عرفت ولحد الان ممصدگة والله العظيم  جسمي يرجف، مااعرف اذا هذا نهاية اختبارنة من رب العالمين اولا..

ردينة عليها بنفس الوقت

_شكو ولج

الي يگلك موقتيها لهل جملة.

ردت

_لاتنصدمن بس اني حامل..

من صدمتي وگع الجهاز من ايدي

وجسمي قشعر..

اخذتة ورديت

_عليج الله صدك والله ممصدكة..

ردت گمرة

_يمة يمة يمة اروووح فدوة لـ احلى ام والله تستاهلون يربي واشوف ابنكم الله..

ردت مودة

_هذا فعلاً  نهاية الاختبار لان انتم ثنينكم تمسكو ببعض واجتازيتو هل مشاكل وهجان متقي بـ اهل البيت،  تستاهلين كل الخير يتربة او تتربة بعزكم ودلالكم..

ردت

_تسلمن الي والله مصدومة وكلام الدكتورة وگف عقلي.

ردت گمرة

_شلون؟

ردت

_تذكرن من سويت عملية

گالو استئصلو  الرحم   اتذكر بس هجان يگول لا البيوض  وگالو  بعد مايصير اطفال.

بس هسة الدكتورة تگول

_بيوض الانثى  ماعندي بس الذكر  گلتلها جنت اراجع.

رديت عليها

زين انت العادة تجيج لولا؟؟

ردت

_قبل اي بس كل خمس اشهر اقل اليوم وماجنت متوقعتها عادة  اگول سبب العلاقة.

لان  مو نفس العادة يعني يادوب قطرتين تلاثة.

ترى سالفة تحيير.

ردت عليها مودة

_يحلوة والله  نجبر خاطرج  انت تدرين بـ هجان لازم سبوتات كل سبت يجي للعباس من  رجعتي  اله ولحد الان

والعباس جبير بخاطرة هم ماعندة ولد وهم جان يتمنة منج طفل بس مايبين ويكابر..

ردت

_اي اعرف بي حتى للأمير علي يروح  من يرجع،  احتمال صدك جبر بخاطرنة تدرن اخر مرة خالتي امة تگلة

_تزوج  وحدة تخلفلك  وجيبلك ولد   وخلي هاي للونسة.

والله قهرتني بكلامها..

رديت عليها

_ماتبطل سوالفها هي الي تگول على بنتها ماتگعد بلا الزلم والكح** تتوقعيها تكول هيج،  ولج اني صار بيه العجب وبالجذب ما اتصلت عليه.

ردت مودة

_ يوووو عاد ماتفك وشگال هجان اكيد ماسكت

ردت

_اي ماسكت گال الها

لعد اشوف مرة لـ ابوي تونسة بيها حظ  وانت للخلفة.

ضحكت بصوت ورديت عليها

_عزاا والله ولا يگعد راحة هههههه

ردت

_غير طلعت من البيت بس هو  بباب الشارع  باس راسها وگال الها

_ عذريني يمة بس ردت اشوفج شعور جيلان من تحجين هيج عليها وگدامها.

ردت مودة

_ولكم هل رجال معشعش  بگلبي

تدرين احب حنانة علينة كلنة  رغم بنات خالاتة بس يحسسنة اخواتة  تخيلي من يجي مايدخل البيت اذا حسين ماموجود وشرط بيدة بقلاوة وكنافة  من الناصرية لكربلاء.

والسبت اشتهيتها وهوما اجة علينة  الاحد اتصلت علية ليش ما اجة گال زرت ورجعت  گال محتاجة شي عبالجن الصم واگلة لا گلتله اي والله مشتهية بقلاوة من الناصرية.

ولجن والله صدمني  باليل بالتسعة بباب بيتنة جايب كنافة نوعين وبقلاوة  غير لو ما عيب ابوسة

خربت من الضحك على رسالتها رديت عليها.

_اول شي  شايفاته يجي علية يطيح حضي يسحل كرامتي ذهابا وايابا  ومن يريد يطلع يبوس راسي  يخليني ولا اشيل بگلبي علية.

وانت يالمصلحجية خرب ولج والله كارثة  يمج  الف مكان يسوي هل نوعين وتردين من الناصرية.

ردت جيلان

_هههه بيةمها گال الي رايح لـ ام بطن شكلها  تتنسة لان بـ ايليا هم اتصلت علية على باجة وهسة كنافة واضح بنية بيها.

گلتله  خلي خدمة توصيل كال لا مكان شعبي ما عدهم مواقع.

ردت مودة

_ غير اتنسة تقبلن تطلع ببنتي كنافة   بس والله مااحجيلجن الرزايل الي ترزلت بيها من قبل نبع الرزايل مو الحنان  على ام بطن تتصلين على الولد  يجي من الناصرية على مود كنافة جان ستحيتي

ردت جيلان

_لا عادي والله فرح من ححيتي وياه، وصدك شو گمرة اختفت؟؟

ردت گمرة

_اقرا مراسلتجن  وتعالي ارجع اعلق عليجن

جيلان هيج ابن خالتي قاسي  وياج بالعلاقة لا لا وين بان خلي تجي تشوف ابوها الي جانت تزامط بي  هم هذولة السلك خطية الله وگعج انت ومشاعر بيهم لو مشعيران ما شايفة هل قسوة منه بعدها 

ضحكت ورديت

_ولج انت ولا تخجيلين ام حلك  ماعندج استوب.

ردت جيلان

_ ام لسان اني وين جنت احجي وانت وين.

وتعالي هاي ياهي الي  تشمت اعتقد جساااس بالسلك وعلى ايد هجان وياه وياه..

وبان لاتحجين سالفتها   مصيبة.

ردت  مودة

_ كفو منج گمرة والله انتبهت بس گلت مو مال احجي لان نسولف بموضوع جدي هههههه

ردت گمرة

_ ماتشوفين ما حجيت وياجن لحد ما طلعتن من السالفة رجعت علقت الها و مشاعر  ام الستوب انت اصلا المفروض ينطوج جائزة اذا بـ اول تلث ايام كبل صرتي حامل لعد شگد ماتستووحين.

رديت عليها

_اگلج انت حطيتيني براسج!

ضحكت گالت

_لا حبيبي لطيف مو نفسجن.

جيت ارد عليها اشتميت ريحة تذكرت البيض

ركضت للمطبخ  طفيت الطباخ.

طلعت البيض قشرتهن.

حضرت الصينية واخذتها للغرفة.

فتحت الباب  لگيتة گاعد ومرتا ك على لتاج.

اخذت نفس وزفرتة ابتسمت لتذكري كلامة لبارحة...

دخلت خليت الصينية على الميز حجيت

_صباح الخير.

هز راسةبدون ما يحجة  .

سويت له لفة ونطيتة   رفع حاجبة گال

_لا مغسل وجهي ولا ماخذ العلاج قبل الاكل بنص ساعة؛؟

عضيت شفتي نسيت علاجة اليوم..

صديت علية مبتسم.

  عقدت حواجبي مبتسمة..

هز راسة وگام وكف گال

_ متغيرة المزاج.

قبل لا ارد طلع من الغرفة.

مرن 15يوم واليوم هجان اخذ اركان يفتحون التجبيرة.

بهل ايام بعدت كل الحقد والكره من بالي.

شفت اركان من ناحية ثانية.

رغم قسة وياي كلش بحيث يرزل على اتفهشي بس  نضراتة نفسهن..

گاعدة وية عمتي بالهول.

ربع ساعة دخلو..

اركان وجهة ما يتفسر..

ولا حجة وياي.

دخل وراه هجان.

حاط ايدة الي بيها الساعة بجيب البنطرون والثانية بيها محابس والسبحة والاوراق مكورهن..

تحمحم گال

_من رخصتج خالة تعالن  برة.

مجرد گال هيج نعصر گلبي..

طلعنة وراه..

ارتاك على سياج الحديقة گال

_ ايد اركان خايسة.

عمتي شهكت واني رديت علية

_مفهمت؟!

غمض عيونه لحضات فتحهن وحجة مرة وحدة.

_من فتحو التجبيرة لگو ايدة الي مخيطة ازراراتها مفتوحة وخايسة لان مايصير يبقن كل هل ايام.

وهن لاتعقيم ولا تغيير ضماد.

اعادو خياطهن بس احتمال ينفتحن جديد لان اللحم تالف.

لهل سبب لازم تعقمين وتغييرين ضماد بس باليل.

وبالنهار تعوفيها مفتوحة.

ضامن ما يخليج تمدين ايدج تسوينها اله بس حضريله الاغراض ونبهي.

رديت علية

_خوش..

  تنهد گال

_محتاجين شي؟؟

رديت

_لا تسلم.

ابتسم طرف شفتة وعمتي حجت

_ ييمة نسيت ابارك الك

ان شاء الله  تقرةعينك بشوفتة هو وامة سالمين غالمين، الله انطاك على گد نيتك الصافية..

ابتسم بخفة گال

_عندي اهم شي جيلان..

عقدت حواجبي حجيت لان نبرة صوتة بيها حزن..

_ليش صاير شي.

ابتسم وعض شفتة گال

_خايف عليها لايصير  بيها شي، هي سبق ومسوية كذا عملية لگلبها.

هزت راسها عمتي  گالت

_ دام الله موجود لاتخاف نفس مازرع هل طفل  تطلع منها هي وياه سالمين.

رد على عمتي

_الله يسمع منج.

رديت علية

_ لا تبين الها هل شي، تضوج ترى..

ابتسم گال

_  بان عرفت وخبصت الامة  اريد اجي.

ضحكت حجيت

_ هي شلون صارت؟؟

رد

_حمد الله زينة.

رديت والنعم بالله.

راد يطلع گال

_صدك خالة  الثلاثاء معزومة يمنة تجي بان.

ردت علية عمتي

_يا زينها هل عزيمة ان شاء الله اذا عايشين نجي.

طلع هجان ورجعنة بالهول.

سويت عشا وديت الاكل يم عمتي  ودخلت للغرفه

مدد وايده على وجهة.

تقربت علية گعدت يمة حجيت

_ اركان..

رد بهمهمة.

لمست ايدة  فتحت الساعة وحجيت

_گوم تعشة

رد

_ما اريد.

نگرت على ايدة حجيت

_گوم اركان..

ما حجة شي وخرت ايدة من وجهة وحجيت

_گوم لخاطري انت بلا غدا.

فتح عيونه صارت عيني بعينة..

مر وقت  وابتسم بخفة..

عقد حواجبة بخفة گال

_متغيرة..

_بشنو؟!

بلع ريگة وهمس

_بتعاملج  وين الي تجيب الاكل من ورة خشمها ووين والي تلح وياي وتضل صافنة بوجهي..

غمضت عيوني وابتعدت عنة حجيت

_ ليش تحرجني  بكلامك،  وماعرف.

ضحك بخفة گال

_ لا متغيرة هوااي هسة وين الحمد الله جنتي نفس السعلوة گاعدة  وبالها ماعرف وين.

صديت علية فتحت عيوني  حجيت

_ انيي سعلوة شكراً  الك لعد انت شلون حاب سعلوة؟

ابتسم  ولهم شفاتة گال

_مو حتى منضم حطيت من وراج  شفطتي عافيتي.

دمعن عيوني حجيت

_اعتذر

صفن لحضات وهمس

_منج الداء ومنج الدواء، اذية الحبيب زي اكل الزبيب تمونين على گلبي..

ضحكت حجيت

_هنيالي بيك..

رد بتنهيدة

_هنيال گلبي العشگج واجمل عشگ راواني..

دمعن عيوني وشهگت  حضنتة وابجي.

ضحك بصوت عالي گال

_داء گليبي  ودواء جروحي..

زدت بالبجي وحجيت بصوت يادوب ينسمع

_احبببك والله

حضني بقوة گال

_من عاب گلبي الي بيوم قرر يبتعد عنج.

انتِ ضحكتي  وانتِ احزاني  وانتِ دائي وانتِ دوائي..

هنيالة گليبي الي عشگج.

ابتعدت عنة وحجيت

_اذيتك هواي بس احبك والله..

ابتسم گال

_معقولة هيج تغيرتي والله گلبج عاشگ سواني.

غمضت عيوني حجيت

التغيير حلوو

بعد اديني  وحضني بدون كلام.

ابتسمت مرتاحة احس هم شگبرة ونزل عن گلبي.

مر وقت ابتعدت عنة حجيت

_ گوم تعشة..

عدل المخدة    وتمدد.

_اركان گوم ياله.

_روحي تعشي ما اشتهي هسة.

رديت

_عليك الله گوم

سحبني من ايدي حضني گال

_نامي  بس والله اذا تتنعوصين اخنگج خليني يوم واحد مرتاح.

سكتت ماحجيت شي.

بادلتة الحضن باس راسي گال

_الله يستر اليوم خايف يصير شي بية وعيني مشابعة منج..

رديت

_اسم الله عليك

حضني اقوة..

مر وقت  واني شبة ردت اغفي..

سمعت صوت الجرص.

لحضات نفتح الباب.

دخلت فتى   شافتنة شهگت گالت

_ اسفة اسفة..

طلعت من الغرفة.

بعدت عن اركان  اضحك واركان يگول

_والله خوش گلت هسة تجي تنام بالنص وتگول بعد ما احبك بابي

ضحكت حجيت لا ترى فتى جبيرة وتفهم بس هي ماتحبني من ورااك.

رفع حاجبة گال

_قصدج من  ورة  كلامج علية وعلى خالها.

فتى الدنيا كلها بكفة واني وخالها بكفه  لاتحكطين گورج ويانة.

نهة كلامة بضحكة..

لحضات ندك الباب  فتحتة دخلت عمتي گالت

_اركان عمك عايلتة اجو يشوفوك.

عقد حواجبة وگال

_كل الهلا بيهم.

گام وگف  طلع ملابس گال

_اسبح واطلع الهم.

طلعت عمتي  واني ضجت..

تقرب علية حضني گال

_ لاتربطين علاقتي بعمي وياج.

باسني من خدي وطلع.

غيرت دشداشتي لان بيها ضيك.

او بالاحرى هي عادية بس لان اني ما متعوددة اطلع هيج.

لبست حجاب وطلعت سلمت عليهم اكلهم طبيعيين  لا ضايجين ولا شي.

رجعت سويت جاي للضيافة.

بين  ما صار الجاي طلعت كيك  حطيتهن بماعون واليوم هجان جايب بقلاوة وياه من اجة هم طلعتهن.

بهل اثناء دخل اركان   وكف گدامي سبحة بيدة  صرت اضوج من لسبح.

لابس كلبية  سمائي كلش حلو بيها..

فر السبحة بيدة گال

_سويتي گهوة؟!

رديت

_لا ليش.

ابتسم وتقرب  وگف يم الطباخ گال

_لان عمي وابنة هنا وماتسوة ماتسوين.

رديت

_هسة اسوي لعد..

رد

طلعي الگهوة  والدلة  الفناجين  وروحي ودي الجاي والضيافة للهول.

ردت

_خوش بس ترى فشلة تتأخر عمك وحدة..

رد

_لا  زلمة يمة.

منوو

ابتسم وگال

_ سيف ليش مو بعينج  لگيتة يسولف وياه وفاتحين موضوع هم.

ضحكت و رديت

_صددك

هز راسة مبتسم

_ عمي وابنة ثنينهم مندمجين وياه يسولفون.

رديت

_والله خوش

اشر على الضيافة گال

_ياله وديهن وتعالي.

  اخذت الضيافة وديتها يمهن  حطيتهن على الطبلة

ورجعت اخذت الجاي  نطيتهن وطلعت.

وگفت يم اركان   حاط المي والگهوة ينتضرها تفور..

ارتاكيت على الكاونتر حجيت

_تحبها؟

صد للنص گال

_لا

رديت

_لعد ليش تسويها؟؟

تحمحم گال

_لان هذا عادة من عادات العرب  يجي لضيف نكرمة  والگهوة من ضمن الضيافة.

رديت

_زينن

ابتسم گال

_تدرين انتِ نفس الگهوة.

رديت بصدمة

_اني وليش عود

بلل شفتة وارد

_  رائحتها  تشد الشخص يحتسيها وانما هي مرة المذاق..

وانتِ كذالك رغم فهاوة ملامحج وحدة لسانج تشدين الشخص لمعرفتج  وانما داخلج يندم الشخص.

رديت

_وليش باله

رد مبتسم

_ لان تشلعين الگلب.

ضحكت وحجيت

_تدري كلش احبها خاصتة الي يسويها هجان.

رفع حاجبة گال

_هجان ينتقم بالگهوة يسويها مرة زيادة عن الزوم وانتِ تحبينها؟؟

هزيت راسي حجيت

_اي والله كلش احبها.

ضحك بدون ما يحجي.

طفة الطباخ  واخذ فنجان واحد بيده.

طلع  گال

_راح ادزلج سيف ياخذ الضيافة.

انتضرت شوي واجة سيف  شال الصينية وطلع.

گعدت  بالهول يمهن.

مر وقت  وشتميت عطر لعبت نفسي وهاجت معدتي.

ركضت للحمام تقيئت  ونفس كل مرة دم..

ارتاحيت شوي ورجعت..

گعدت بالهول.

دخل اركان اشر براسة وطلع.

رحت ورا

دخلت للغرفة گال

_شبيج هم رجع التقيئ

رديت علية

_اي.

گال

_اخذج للمستشفى؟

رديت

_لا والله ميحتاح  هسة شوي اگعد بالهول وارجع انام..

رد

_على راحتج لاتضغطين على روحج.

رديت

_اوك.

طلعنة  كعدت بالهول وهو راح للاستقبال.

صدت علية زوجة عمة گالت

_شنو بيج سمعنة مريضة بالسرطان..

ردت عمتي

_يا خية اسم الله منين الج هذا الحجي اسم الله الرحمن.

ردت

_والله مادري منين سمعت.

صدت علية واردفت

_مناويين تسوون طفل..

اخذت كوب المي اشرب گالت عمتي

_  الحجي بينة هي شاكة بروحها حامل..

غصيت بالمي  احسة طلع من خشمي..

و اكح..

_ يا شبيج خية..

ردت عمتي

_لان گالت ما اسولف تريد تفاجئ  رجلها واني حجيت

صدت علية واردفت

ييمة عذريني لساني فالت..

ابتسمت حجيت

_عادي عمة..

عن اذنكم اروح..

طلعت من الهول  واضحك..

والله صدمتني شنو هل رد.

دخلت للغرفة مددت   من بعد تفكير  نمت..

حسيت على سيف يگعدني گمت  طلعت للاستقبال كلهم مجموعين سمعت اركان يگول

_ عمي اريد ارجع اعقد على  بنتك.

رد علية عمة

_غالي اعتبرها الك،  بس انت مو متزوج؟؟

رد علية

_مجرد كسرتها لان باحت بسري وهسة اريد اعيش حياتي.

رد علية عمة

_تعال اخذ ها مگبعة.

دخلت للاستقبال  حجيت

_اركان تعال..

طلع وراي

دخلت للغرفة وحدي.

احس الدنيا نسدت بوجهي على الكلام الي سمعتة

معقولة يسوي هيج معقولة يكسر بية مرة ثانية؟؟!!  ماتحملت اسكت 

دخل للغرفة  وگفت گدامة حجيت

_ليش خليتني احبك ليش من حبيتك هيج سويت ليش..

والله حبيتك وانتَ شسويت غير ذليتني بهل حب الاگشر، بسببك فتحت گلبي من جديد.

والله العظيم وصلت درجة اغار من بنتك عليك وهسة تگول ردت اخذ حگ بوحج بـ السر الي مأمنج علية؟؟!!!

كل هل حقد اتجاهي لان گلت انتَ ماعندك القدرة¡

المفرووض اتوقعها منك لان نذل  وانااااني  الله ياخذك واخلص منك الله يقصف عمرك عسى هل منضم الي بگلبك يعطل واخلص من مرض اسمة اركاااان.

اكرهك اكرهكك  بعد ماابقى يمك دقيقة وحدة والاطفال اخذهم مااريدهم كل هل عذاب تعذبتة على مودهم تالي يگولون مانحبج ويختاااروكك وانتَ مو ابوهم عووووود زوج امهم؟؟

طلگني اركان طلگنيي اريد ارتاح من هل مرض اللعين  الله خلصني من الاورام السرطانية وو گعني بمرض اتعس منة..

بكل برود اعصاب گال

_انتِ طالق.

شهگت وفزعت  اخذ النفس بالگوة التفتت  شفت عمتي بيدها كوب مي   ركزت بية گالت

_اسم الله الرحمن شبيج  بس تهذربين

مسحت وجهي  والدموع  ماخذة مجراها  حضنت عمتي بجيت

باست راسي وگالت

_ييمة شبيج عين الماصلت على النبي.

رديت عليها

_عمةة اركان  اخذ حقة مني وطلگني

بعدتني عنها وعقدت حواجبها گالت

_ولج ييمة انت نايمة وهو بالهول شجابة عليج وطلگج؟!!

مسحت دموعي حجيت

_والله سألي  وشوووفي.

صاحت لـ اركان لحضان ودخل مبتسم..

اشرت علية گالت

_ولك ييمة انت مطلك مشاعر؟!

رفع حواجبة گال

_بطل سحرجن شنهي  جايات تسحرلي وما ادري؟!

ضربتة بخفة عمتي على كتفة گالت

_احچي ولك لا ازعل منك ماتشوفها مصوفرة  گاعدة من النوم مفزوعة.

حضن اكتاف عمتي وركز علية مبتسم گال

_الله حتى بـ احلامج مرافقج،شوفي يوم لعد شگد تحبني هل بنية الله على الظالم..

نهة كلامة بضحكة

صحت بضوجة

_شوفي عمةةة

ردت

_الله شبلاني بيكم على يوم تشيلون جنازتي.

ولكم مصاگيع وگفتو گلبي  اويلي عليكم ييمة.

دك جهازة فتح خط  ثواني سدة.

  مااعرف شسوة بالجهاز واسمع صوت طفل  يصيح  ااااخخ لا هيج اخخخ  ايدي 

طلع اركان من البيت يركض .....  يتبع.

_ توقعاتكم للبارت القادم

_رأبكم بالبارت

_تفاعلو على لفقرات..

رواية لماذا احببتك

البارت الثاني عشر

بقلمي اورجانزا الطائي.

.

.

.

.

.

.

.

.

.

.

.

....

دك جهازة فتح خط

لحضات معدودة عيونة نگلبن لون احمرر واعصابة وضحن..

غلق الخط من المتصل..

مااعرف شسوة بالجهاز ثواني واسمع صوت طفل يصيح ااااخخ لا هيج اخخخ ايدي ..

مجرد سمعت هيج فز گليي.

طلع اركان من الغرفة يركض...

عمتي طلعت وراه اسمها يگول الها

_رواء محتاجتني..

ردت علية

_عوفها لاتوصل الها والله والله اذا تجيبها ما ارضة عليك ليوم الدين ما عولت خلصت من هل ساقطة ببنت عمك نوب تجيبلي هل شكول..

رد عليها

_لاتحجين عليها هيج واني رايح، قفلو البوب لان مااجي.

طلع من البيت و عمتي تصيح وراه وهو ماسمع الها.

بين تأثير الحلم والواقع احس ضغط قوي على راسي..

غمضت عيوني قوي احاول استرجع الي صار قبل لا انام وليش هل حلم بالتحديد؟!

وبهل وقت!

معقولة اركان محاجي عمة وجيتهم ما الها داعي ليش ما أجو قبل هو صار اله 15 يوم..

وتچايتي منو هذا؟؟

ورواء هاي منو نوب

يالله شنو ومنو دختتت والله...

گمت وكفت طلعت للهول لگيت عمتي گاعدة على الكرويتة وواضح عليها القلق..

گعدت يمها بدون مااحجي..

دموعي نزلن حاسة اكو شي راح يصير.

الف سؤال براسي شعجب عمتي ما گالت اتصلي على هجان ليش ساكتة وقلقانة!!

معقولة الطفل ابن اركان؟

بس هو مامتزوج

واحتمال هم ستر اوحاط وحدة يجمع حسنات على گولتة؟!

ضغطت على راسي بقوة وحجيت

_عمة منو هل طفل وليش گلتي لـ اركان ما ارضة عليك ليوم الدين؟!..

غمضت عيونها وهزت راسها گالت

_يجي وهو يفهمج تعبت منة كل يوم جايبلي مرة شكل..

رديت بضعف

_هي منو شنو الصلة الي بينهم ..

هزت راسها بدون ماتحجي.

ارتاكيت على الكرويتة انتضر وصول اركان حتى اعرف منو الي يحجي عنها..

ما حسيت غير نايمة على نفس گعدتي.

فزيت على صوت الباب يندك.

طلعت عمتي قبلي فتحت باب الشارع واني واكفة بباب الكلدور.

كامشة گلبي بيدي احس راح انكسر منة..

لحضات حسيتهن سنوات صارن.

دخل اركان گايد ولد يطلع عمرة بـ ال12او 13سنة نص شعرة مزين صفر والنص الثاني شعر اسود نازل لرگبتة..

ملامحة متشوهة ماينشاف من كثرة الوروم والطكع البنفسجية والزرقة..

شكلة بهل عمر مرعب..

مايگدر يمشي بالگوة يخطو الخطوة..

لحد هل لحضة امنت بس من دخلت بنية مو بالعمر الصغير..

متوسطة العمر وكلش حلوة عيونها زرك والوجهة ابيض بس مخربة طكعة زركة يم عينها وشفايفها الدم يابس بيهن..

لابسة عباه خليجية ونص شعرة طالع من الحجاب..

عمتي شافتها صاحت

_ والله والله هل رواء ما تدخل البيت بس تعبر الباب اطلع نوب علية بنات الشوارع..

اركان طلعهاااا لا اهجم حياتك والله العظيم ..

عمتي منفعلة وتصيح وتعيط والبنية الي تدعة رواء ختلت وره اركان حاضنة ايدة..

توقعت اركان يبعدها او يبتعد بس الي صدمني حضن اركان الها وتمسكة بيها وبالولد..

فتحت عيوني نزلن دموعي وحجيت باانكسار

_ارركان...

صد علية ركز بعيوني لحضات گال

_ بعد عافيتة ، انتضري افهمج كل شي لا تحكمين على شي..

هزيت راسي حجيت

_انتضر لعد شعندي حتى اذا الي ببالي بعد ماتشوف خلقتي..

ابتسم طرف شفتة گال

_تردينها علية زلة!

هزيت راسي..

تحمحم گال

_ حبيتي رواء روحي وية مشاعر.

غمضت عيوني بقوة شنو حبيبتي شنو روحي وية مشاعر؟!

ابتسمت اشرت لها.

دخلنة للبيت وهي واضح الخوف بعيونها.

طلعت فتى شافتها ركضت حضنتها وتصيح

_مامي رواء اجيتي..

فتحت عيوني بصدمة رد فعل فتى صدمني..

رواء حضنتها وتبجي تگول

_يعمري مشتاقتلج والله..

ابتعدت عنها گالت

_ليش البارحة ما خابرتي على بابي حتى اسولفلج الي صار وياي..

ردت بـ اقناع

_البارحة ماگدرت لان نمت من وقت..

ردت فتى مأشرة على عين رواء

_منو ضربج.؟

ردت باابتسامة

_محد بس وكعت على وجهي..

ماناقشتها فتى ابتعدت بهدوء.

دخلتها لغرفتي گعدت على الجرباية منزلة راسها..

ضليت واكفة وصافنة عليها..

لحضات رفعت راسها ركزت بعيوني گالت

_اسفة والله لو ما مجبورة ما سوي هيج..

نضراتها صفنتني لان لون عينها والحمار محاوطة ولمعة دموعها يصفن..

دنكت راسي حجيت

_ما اعرف شنو الي سويتي او انتِ منو ومنين تعرفج فتى درجة تناديج مامي!؟

بس اگلج، عندي ثقة بـ اركان وانتِ على راسي واداريج بعيوني.

اذا شفتي نضراتي الج هذا صدمة لا اكثر.

واعتذر منج على كلام عمتي اذا اسائت الج بحرف.

اعتبريها والدتج او عزيها على معزة اركان.

رمشت اكثر من مرة گالت

_يعني ماتكرهيني؟؟

رديت عليها

_لا اكيد ليش اكرهج مسويتلي شي او دايستلي على طرف حتى اكرهج؟؟..

ردت بفهاوة

_هااا

رمشت اكثر من مرة ابتسمت لشكل عيونها البرائة واضحة بيهن..

خوفي لاتطلع زوجة اركان واني منعجبية بشكل عيونها وملامحها.

تنهدت حجيت

_ ارتاحي بين ما ارجع، اعتبري البيت بيتج.

هزت راسها.

واني تقدمت ردت اطلع من الغرفة وگفني صوتها تگول

_ مشاعر سؤال.

التفتت عليها مبتسمة حجيت

_تفظلي.

سكتت ثواني واردفت

_انتِ تحبينة؟؟...

عقدت حواجبي باانزعاج حجيت

_اي طبعاً عندج شك؟!

هزت راسها بنفي.

طلعت من الغرفة للاستقبال.

دخلت لگيت اركان واكف يم عمتي ويسولف وياها وهي صادة على صفحة.

كعدت كدامهم..

عمتي صدت علية گالت

_عود اوصيج خل يضحك عليج بحجايتين وقبلي..

رد عليها اركان

_انتِ وياي ضدي مو اگول البنية واگعة بمصيبة واني اوله بيها من الغريب..

سكت ثواني اردف

_يمة الغريب ذيب شمعرفنة شيسوي بيها وهي لا حول ولا قوة بنية مالها سند وتلد.

رد علية عمتي

_انتَ غريب عن مشاعر يعني ذيب هم؟!!

ضرب ايد بـ ايد گال

_اني وين احجي هي وين تحجي، رحمة لـ ابوي مسموط لصفحة قبلي ترى واصلة وياي اروح احرگ كبر ابوي اخلي حتى بالگبر مامرتاح.

هم الله حاركة بنار جهنم واني حاركة واشوف منو يگول لا من دنعل صفحتة الي يورطني ويلف راسة.

ترى تعبت منكم اريد كو**سرسري ابن ك** گال يامسموط الصفحة اني وياك.

من باب احنة واحنة ومن باب الله مايخلصني منكم.

ردت عمتي بعياط.

_گول موتي واخلص..

اني هم ن سوالفك الماتتسولف هم راح الف راسي نفس ابوك وذيج هسة احجي...

رد عليها

_ هو الله لو يسوي فضل ويخلصني من هل حياه عاد جهنم ولا ناس بوجهين تاكل بنص بيتي وتطلع تحجي بعرضي.

سمعي زين يمة.

رواء واخوها يعيشون هنا ان شئتي ام ابيتي لان بط گلبي شگد قنعت وحجيت.

ردت علية

_مالي گعدة بهل بيت لعد.

جاوبها

_الي ترتاحيلة سوي.

طلع من الاستقبال عصبي صديت على عمتي الي حاجتني..

_ تجين وياي لو تبقين يمة بعد هل بيت ما ابقة بي..

رديت عليها.

_ما اسوي شي قبل ما اركان يسولف الي ما اريد اتخذ خطوة خطأ واخسر كل شي..

على الاقل من احجي اعرف شنو ومنو واطون صاحبة موقف مو اطلع وياج واني ما فاهمة شية..

ضربت صدرها گالت

_انه اسولفلج.

هزيت راسي حجيت

_عذريني عمة بس والله حالفة مااسمع غير منة هو وبس..

غمتني وطلعت.

ضحكت لان اول مرة تسويها..

بقيت گاعدة بمكاني حتى ما الي واهس اسوي اكل.

اريد اشوف اركان واسمع منة..

لان خايفة اسبق الحدث واخذ قرار اتندم بي او اشك بي.

واثقة منة مامتزوج ولا يتزوج..

بس وسواس يگلي حلمج راح يتحقق

او بالاحرى اني انسانة من النوع الي تأمن بهل خرافات و اثق بالروئية خاصتة بكل مرة تصيب بس هل مرة اتمنة تخطأ.....

غمضت عيوني حجيت

_مشاعر اركان يحبج وانت هم تحبينة لاتفكرين بشي..

طلعت من الاستقبال صار سيف گدامي يگول

_ماما ليش بيبي راحت؟!

ابتسمت حجيت

_بس اليوم باجر او عگبة تجي..

هز راسة والتفت راد يمشي صد علية گال

_ ماما خالة رواء حبابة ماتضرب بس يضربها..

واني احبها لان تحبنة اني وفتى.

وما تأذينة وتسوي النة ايس كريم كلش طيب.

ابتسمت لكلامة حجيت

_اعرف حبابة ولهل سبب بابا جابها.

هز راسة وعافني.

كملت طريقي رحت لغرفتي.

داهمتني ذكرى عيد ميلاد فتى وسيف.

واتصالات مروة من جهازي.

والسبحة والعطر وبالاخير زواجهم..

هم نفس الفترة الي بدأ القرب بينة..

هزيت راسي ابعد هل افكار..

تقربت للباب اسمع صوت رواء تبجي واركان يهون عليها ويگول

_ششش ياله حبيبتي لخاطري سكتي اذا ما تهتمين الي اهتمي للطفل الي بداخل احشائج..

ردت

_واني شمصبرني غير الطفل ول البعد گتلني وجاب اخرتي.

رد

_لاتحجين هيج ازعل منج وانتِ تعرفيني من ازعل شسوي...

فتحت الباب مصدومة من الي سمعتة.

بس انذهلت بالمنضر الي گدامي...

اركان حاضن رواء وهي مبادلتة الحضن وتبجي..

وگعت دمعتي من هل منضر.

صدمني رد فعلة من بعدها بهدوء ويمسح دموعها ويعدل شعرها الطالع..

ضحكت بستهزاء وطلعت من الغرفة بعد ما غلقتها بقوة.

ركضت للاستقبال.

حضنت جسمي وگعدت على الكرويتة.

دموعي تنزل اريد اصدك انو هم مابينهم علاقة.

بس الطفل والبعد وحبيبتي لا اكيد اكو شي..

ضربت راسي بقوة حجيت بهمس

_ضلي غبية انتِ تنتضرين يگلج تزوجت ياله تصدكين؟؟

بجيت بالزايد..

اتوقعتة يجي ويبرر بس هو عبث ولا وصلني.

لليل هدئت نوعا ما.

ارتاكيت على الكرويتة وغفيت..

حسيت على اركان يشيلني.

نعسانة وتعبانة لدرجة مو طبيعة.

غلق الضو وسد الباب حطني على الجرباية.

حسيت علية يفتح بالباب مال الكنتور.

لحضات اختفة الصوت..

كملت نومتي.

فزيت على حركاتة..

احتضني بدون ما يحجي.

نمت على صدرة رغم اكو خوف بداخلي.

وخايفة لا هذا اخر حضن بينة..

حاولت انام ماگدرت واتخيلها هي بحضنة لو رسمت سيناريو هم داخل الغرفة...

شهگت تلقائي.

بعدت هل افكار وهو همس بصوت مسموع

_ بالج لايروح بعيد خلي نضيف..

فتحت عيوني وگعدت كدامة اريد احجي..

فهمت معنى حركتي رفع روحها وارتاك على التاج.

حاضن ادينة مبتسم..

تنهدت وحجيت

_رواء منو وشنو تقرب الك؟!

ركز علية وحچة

_انتِ شفكرتي شنو موقعها بهل بيت؟!..

ابتلعت ريگي وحجيت

_اخت بس الي اعرفها ماعندك اخوات..

نوب گلت لا هذه بنت اختة.

واخير شي توقعت..

سكتت لان متأكد اذا اگول زوجة يلزمها علية.

رد علية

_كملي اخر توقع لج شنو؟؟

رديت

_ما اعرف انت اعرف..

اخذ نفس وزفرة

_اني اگلج زوجة؟!

هزيت راسي بقبول بدون ما ازيد كلام..

سكت لحضات تنهد گال

_رواء اعز من روحي علية رغم صغر عمرها لاكن واثقة على روحها وهل شي الي يقربني ناحيتها.

حامل الها سبع اشهر.

مستقرة بـ دهوك الي شفتي وياها اخوها عمرة ١١سنة.

بس الي يشوفة يتوقع اكبر لان عضمة خشن.

رواء و اوراس الوحيدين لـ شجن.

ساكنين وية ابوهم الي مايعرف الرحمة شنو من بعد وفاة شجن.

لان توفت من بعد ولادتها لـ اوراس بشهرين ونص.

سبب تشمع بالكبد وڤايروس بالكلى.

. اكتشفو مرضها بخلال فترة حملها بس ما گدرو يعالجوها لان حامل وزوجها اكثر من مرة اقترح يسقطون الطفل بس هي ترفض بكل مرة..

لان ماعدها غير ٦بنات.

وهل ولد الوحيد.

ابوهم الي هو سامر اعرفة صديقي قبل وفاة شجن كان انسان مختلف جذريًا..

يعشق شئ اسمة شجن.

تخيلي لو يخيرو بين الجنة وبين شجن يختار شجن.

على گولتة شجنة روحي شلون اتخلة عنها.

للعلم بعد ولادتها بـ اسبوع اتبرعالها بـ كلى بس مفاد هل شي.

الله مقاسم الها عمر جديد

لاكن هو مو راضي يصدك هل شي.

سامر كردي الاب..

اوراس ماخذ ملامح امة..

و رواء ماخذة شكل امها وملامح ابوها.

بمرور الوقت سامر ماگدر على موت شجن..

تخيلي مگابل المقبرة وگاعد.

مايعرف الدنيا طشت او رشت.

رواء عمرها ٢٣سنة.

مسحت دموعي حجيت

_الله يرحم شجن ويصبر سامر بس صلتك بيهم شنو؟!..

هز راسة گال

_تعرفين ابوي مسموط الصفحة؟!.

بالگوة لزمت نفسي ما اضحك..

حجيت

_اي اعرفة على كلامكم.

_شبيج يابة ضحكي تراه اذا ماطلعتي الضحكة تنجلطين.

ضحكت حجيت

_عليك الله شلون عرفت ردت اضحك؟!.

_لان حجيتي بضغط واضح على نبرة صوتج.

_همم

_المهم يا دائي ابوي المسموط قبل لا تطلب الطلاك منة امي

عارفة بي مزوج و عندة بنية وحدة وهل بنية متزوجة.

وامها للبنية ميتة بحادث سير.

وبوقتها اعرف بي متزوج واني اشوف احتياجات شجن الي هي اختي من المسموط ابوي.

يعني رواء و اوراس ولد وبنت اختي من ابوي المسموط.

فتحت عيوني بصدمة حجيت

_عليك الله صدك؟!!.

رد

_و رواء زوجها توفة قبل ٥اشهر.

رديت

_يااا خطية والله..

بدون ما يرد علية اخذ جهازة.

فتح فيديو انطاني الجهاز.

شفتة وشهگت.

اوراس رافعينة من ادينة فلقة بس بالشورت..

و واحد يضربة بصوندة على جسمة

لحضات ترك الضرب و واحد بيدة مكينة زينو نص شعرة..

وهو بدون حركة بس يصيح..

منضر كفيل يبجيني ويوگع مني الجهاز.

حضني اركان وباس راسي وگال

_حقي باليل اطلع اجيبهم؟!

هزيت راسي حجيت

_اصلا عاشت ايدك شلون وحشيين ليش هيج يضربو ومنو هذولة؟!

_.. هذا الي زينة عمة والثاني ابن عمة.

رديت

_لعد وابو وين؟!

رد

_ابو بي حالة نفسية مايطلع من البيت مالهم ويأذي بنفسة.

واغلب طلعاته للمقبرة ليل يبقة يمها لحد ثاني يوم يرجع مايعرف بنفسة شماكل.

رديت

_لعد عمتي ليش ترفض وجود رواء مالها ذنب، لو لان اولاد ضرتها؟!

رد

_لج باباتي هذه خالتي اخت امي شلون صارت ضرتها وامي عايشة؟؟

رفضها كان سبب شجن لان ماقبلت تجي تعيش ويانة.

وخلاف بينهم والاكثر سامر بوقت خطب بنت خالتي وبعدها فسخو وتزوج شجن

سالفة خبط ماتفهمين راسها من رجلها.

هزيت راسي بعدني عن حضنة گال

_ ملعونة كم سب سبيتيني من البارحة ولحد الان!!

ضحكت حجيت

_ماسبيت بس حجيت وجنت احاول اصدك انو مابينكم علاقة.

بس تعاااال صدك

شلون تحضن بيها وليش فتى تصيحها مامي.؟

رد

_بنت اختي مالج حك يمي وثانيا فترة الي اخذت الاطفال تركتهم يم رواء شهر بعدها رجعنة..

ومامي لان شافت رواء تبجي وبوقتها عمها ضاربها وگالت ماعندي حتى طفل يگول ماما مات ابني.

فتى تبرت بـ مامي رواء.

رديت

_والله هل طفلة كل يوم تصدمني.

بس وين رجعتهم من رجعت دهوك؟؟

تمدد وسحبني لحضنة گال

_مكان امين اثق بي اكثر من روحي..

رديت

_منوو؟؟!

رد

_نعـسان عندج مانع؟!.

رديت

_اي اگعد.

گعد وسحبني اله گال

احيانا افكر شلون حبيت شخص مجهول لا احجي وياه ولا اشوفة ولا معاشرة؟!

حتى التناسي مانفع وياج.

ابتسمت حجيت

_الله قاسمني الك احتمال!.

رد

قصدج واقع هل شي مو احتمال.

رديت

_ايي..

حضنتة ونمت مرتاحة ما على بالي هم..

اتمنة هل راحة تدوم لگلبي وبالي.

وجود اركان بحياتي راحة.

هل انسان تعويذة سحرية وگعت على گلبي...

مرت الايام واجة شهر رمضان..

طول هل فترة رواء واوراس يمنة.

رواء ولدت ولد سمتة ارام.

وجيلان كذالك ولدت هم ولد وسمو أبو الحسن.

جيلان ما اعرف شلون الله طلعها سالمة بعد ما تعرضت لحادث سير..

أبو الحسن صار روح هجان بحيث ما يوكع من ايدة.

وبعد ما گام يناغي ويضحك كل جيات هجان وياه ابنة.

اليوم ١٠رمضان هجان عازمنة على للفطور.

رحنة الهم ساعة اربعة ونص العصر.

ساعدت جيلان بالشغل.

وتفاجئت بـ امي شايلة ابو الحسن بيدها ماتقبل تعوفه.

هل شي صدمني وفرحني خاصتة تقربت من جيلان.

گعدنة بعد الفطور بالحديقة كلنة.

هجان تبرع يسوي الگهوة.

انطاني ابو الحسن واخذ جيلان و دخلو للمطبخ.

اركان گاعد يمي اخذة مني يلاعبة..

بهل اثناء رجعو هجان وجيلان بيدها صينية فناجين.

قدمت النة اخذنة اركان عافها يمه بدون ما يشربها.

ضحك هجان گال

_اركان اريد انخيك بسالفة وانيه اعرفك ماتردني وبالاخير مايرد الكريم اله البخيل.

رد علية اركان

_ما يعيجك غير لسانك گول.

اخذت ابن هجان منة وهو عدل گعدتة.

رد هجان

_ بنص بيتي وصبيتلك گهوة ورديتنة لان ماشربتها.

تقبلها اسويها ببيتك؟!.

رد اركان

_على عيني وراسي انتَ وگهوتك بس يا اخوي الروح ماتهواها

رد هجان

_افا عليك الگهوة تحجي عليها

رد اركان

_عمي هايهية.

من بعد نقاشات حجة هجان

_ما الوم لنسوان من يسألون على الطفل.

اي مشاعر واركان شوكت ناويين تسوون طفل مو كافي طولتو.

نهة كلامة بغمزة لـ اركان الي غص بالگهوة..

ضحك گال

_له له له شبيك عضيدي.

اخذ مي شرب گال

_سلامة گلبك بس فك ياخة هم شربتني گهوة وهم تسولف.

رد

_لا مو بالحيف بس اسأل لاتاخذ بغير قصد.

هز راسة گال

_ ملاعيبك كلهن عندي يا خوي.

رد هجان

_ الفكرة وصلت الك وما وصلت لـ بنية امي

طول ما هم يحجون اني اريد اجمع بكلامهم حتى افهم القصد.

بس مجرد فهمت قصد هجان حجيت

_هجاااان شبيك.

الكل ضحكو علية واني يا كاع انشگي وبلعيني.

خلص اليوم ورجعنة للبيت بعد السحور.

مجرد صليت ونمت.

ثاني يوم گعدت بال١٢ بين ما صليا ونضفت البيت گعدت رواء ساعدتني بالفطور.

مشت الايام على هل منوال حياتنة هادئة.

اليوم اول عيد اعتبرة الي يم اركان.

راح الصبح للصلاة ورجع الضهر وياه عمتي.

سلمت عليها وعايدتها.

باليل طلعت اشترينة ملابس لزواج گمرة وجساس.

رجعنة الفجر.

خلصن هل يومين ترتيب وتعديل.

بـ اخر يوم العيد زفتها

البارحة الحنة مالتها رحت الها.

زواجهم كلش حلو

وسوالف جساس الي مزيدة العرس جمالية.

بيوم الزفة الكل كاعدين مركزين على جساس وگمرة شلون يركصون..

وواضح نضراتهم شلون حلوة..

لحضات واشر جساس لـ اركان وهجان وحسين اسلام.

وفعلا كلنة ركصنة وياهم.

يوم كلش حلو قضيناه.

بوقت الزفافة تطلع من القاعة

اصدقاء جساس مسوين عراضة اله.

متفقين وية اركان وهو منطيهم العنوان والوقت.

طلعنة لنص الطريق رجعنة لان رواء تخربطت.

اخذناها للمستشفى مابيها اي شي.

رجعنة للناصرية ميتيين تعبب

فتى وسيف نايمين.

شالهم اركان دخلهم للبيت.

سبحت ورجعت للغرفة مددت.

واركان اخذ ملابسة وراح يسبح

لحضات حاوطني لحضنة.

تقرب الي وتم كل شي بينة..

باس راسي گال

_ابد ما بيوم جنت اتوقع تصيرين من نصيبي بس سبحانة الي زرع المحبة بگلبج اتجاهي.

حبج الداء وانتِ الدواء..

اتمنة ما بفد يوم اخذل ثقتج اتجاهي وتأكدي انتِ گاعدة بين عيوني بكل خطوة اخطيها كفيلج حي الدارين من يوم الي حبيتج ولحد هل يوم ما نضرت لوحدة.

جنت اشوفج بين عيوني.

سمارج عمة عيوني وثبتج بگليبي.

عسى الله مايحرمني منج وعمري على عمرج.

نزلن دموعي مسحن گال

_حرام عليج اعترفلج وانتِ تبجين..

نهه كلامة بضحكة واردف

_انتِ احلى وحدة شافتها عيني.

رديت

_ بس گلي شلون احلى وحدة واكو احلى بهوواي مني.

رد

_يـ الداء والدواء ما سامعة بـهل مثل القرد بعين امة غزال واني اشوفج احلى من الغزال نفسة.

عكس ما يشوفج غيري.

ضحكت وحجيت

_لا هاي هية هزيت ابو الثقة على هل مثل..

كرص خدودي گال

_انعل صفحة الثقة ولا بو هل ثقة.

ميلت راسي حجيت

_تذكر بيوم گلت من يجي الوقت المناسب اگلج يم منو عفت الجهال؟؟

رد اي اتذكر وعفتهم يم هجان وجيلان وقبل لاتحجين وتسوين شاكل ذمتهم.

فتحت عيوني بصدمة حجيت

_عليك الله اگول ليش جيلان تگول لاتخافين عليهم أمني.

حضني وگال

_واريد هل شي يبقة سر ماتحجين بي لطير الطاير.

اتناسي..

هزيت راسي حجيت

_ان شاء الله..

لحد هل نقطة خلصت حياتي شفتوها بمرورتها قبل حلاتها..

مو كل زواج يعني حلو او بالاحرى مو كل زوجة اخ تگدر تتأقلم.

هواي شفت عدهم هل شي عادي بس والله هذا كلام لان اني ماگدرت اعترف مو بس ابادل..

رغم سيف الي سواه كرهني بروحي لان اني الي عانيت وما فهمت شئ..

غلطة وتندمت عليها سالفة سر اركان لان من المفترض اكون اكثر نضج ومااحجي بي يبقة سر.

واتمنة الي تقرأ قصتي ماتعيد اغلاطي واولهن ما اسمع المقابل.

كونو على ثقة الي يحب مايأذي.

والدليل اركان رغم الاذية الي حصلها مني كان ردة الي مختلف بعيد عن الانتقام.

مشاعر زهرت وعرفت شنو المشاعر والحب من اركان شاركني حياتي وهذا دليل على انو الشخص الصح هو الانسب لـ اكمال الحياه.

بالمناسبة اركان يسلم عليكم كلكم ويعتذر على تجاوزة بحقكم.

ويگول الكم

كنا غرباء تحت شعار الزواج واصبحنا عشاق..

وخلصت الحدوتة ✧

شكراً لتحملكم تأخري.

واتمنة منكم تتابعون قصة غرائب القدر يتم نشرها بعد الامتحانات.

رأيكم بالبارت الاخير.

واهم شئ رأيكم الصريح بـ طريقة السرد وانقال الاحداث.

واكثر بارت دوخكم من ناحية السرد.

منشو لـ اكثر مشهد حبيتو

وشلونه انتقال الحلم للواقع بالبارت السابق؟!

وسبب تأخير البارت حالتي الصحية تدهورت.

والي متابعيني على الانستا يعروفون.

umkno22 يوزر الانستا

يـا مسـاء العـافية

يُـبـا مـشتاقـة لسـوالفچن كـومه.

تعـالن تـربعن أسـولف الچن

من ختمت الروايـة كتبت نهاية شخيتين وللصـراحة الظروف الي صـارت معـاي نَستنـي الأول والتـالي

واليـوم بالصدفة وصلنـي تعليقات عن نهايتهم

دخلت للبـارتات وانصدم مناشرتهـا🥲

تـردن أنشرهن؟ لو لا بـراحتـكم كتبو الي تـ  أشوف الأكثـريـه لمن.

وسـالفة ثـانيـة

بَعد لمـاذا كتبت أكثـر من روايـة

الي حَبـو لماذا راح يحبـون اِحتدام أكثر

شـوفو هذا الاعلان الصغيـر عنهـا وأتمنـى تضيفوهـا للمكتبة وتقـروهـا لان نـازل منهـا ٢٠ بارت والحمد الله مكتملـة كتابتهـا فقط تنـزيل يومي..

الـرواية غريبة وحديثة قديمة بنفس الوقت

تدور أحداثها عن الأم  أرتيـاد  وإلي راح تلاحظون كمية النفاق والغل والكراهية والضلم بحقها بس رغم كل الضروف واگفة وصامدة لأجل أولادها تغلبت على المجتمع بتحملها وطاقتها الإيجابية والمحبة للجميع

قصـة الأم مـا تطول غير البارتين حتى تعرفون المغـزات الي تصير بالمستقبل ..

كـُل سـر من أسرارهـا له أثـر بالمستقبل لدرجة ينقلب أحداث الرواية!.

أولادهـا السبعـة يظهرون بالرواية

وكُل قصة من حياتهم الها جو وأحداث عجيبة نمُر عليهن مرور الكرام بدون ما نتعمق..

تبدأ ألرواية من البنت المدللة المحاصرة من قبل أخوتها السبعة تحاول تكسر كل الحواجز في سبيل تطلع من جو الملل او بالاحرى حياتها تخلو من الجو العائلي..

أُمسية ولقـاء تغير حيـاتها 180 درجة منها للأفضل والأسوء

حياه روكنا عبارة عن أكشن وغموض وراح تلاحظون هل شي من أول بارت الها ..

الرواية يتغلب عليها الجو الفكاهي والاكشن والغموض بالبداية تشوفون مكس بين الظلم والنفاق والرومنسية شلون إنجمعن سوى ما أدري للصراحة لان جديات عائلة عبارة عن الأبتسامة ما تفارق وجوهم..

والروايـة تدور أحداثها بين العـراق والكويت

النشر يكون يـومـي وإذا يزيـد تفـاعلكم على البارتات يصيـر الكم بارتين باليـوم لان الروايـة مكتمـلة وفقط نـشر.

يـا مسـاء العـافية

يُـبـا مـشتاقـة لسـوالفچن كـومه.

تعـالن تـربعن أسـولف الچن

من ختمت الروايـة كتبت نهاية شخيتين وللصـراحة الظروف الي صـارت معـاي نَستنـي الأول والتـالي

واليـوم بالصدفة وصلنـي تعليقات عن نهايتهم

دخلت للبـارتات وانصدم مناشرتهـا🥲

تـردن أنشرهن؟ لو لا بـراحتـكم كتبو الي تـ أشوف الأكثـريـه لمن.

وسـالفة ثـانيـة

بَعد لمـاذا كتبت أكثـر من روايـة

الي حَبـو لماذا راح يحبـون اِحتدام أكثر

شـوفو هذا الاعلان الصغيـر عنهـا وأتمنـى تضيفوهـا للمكتبة وتقـروهـا لان نـازل منهـا ٢٠ بارت والحمد الله مكتملـة كتابتهـا فقط تنـزيل يومي..

الـرواية غريبة وحديثة قديمة بنفس الوقت

تدور أحداثها عن الأم أرتيـاد وإلي راح تلاحظون كمية النفاق والغل والكراهية والضلم بحقها بس رغم كل الضروف واگفة وصامدة لأجل أولادها تغلبت على المجتمع بتحملها وطاقتها الإيجابية والمحبة للجميع

قصـة الأم مـا تطول غير البارتين حتى تعرفون المغـزات الي تصير بالمستقبل ..

كـُل سـر من أسرارهـا له أثـر بالمستقبل لدرجة ينقلب أحداث الرواية!.

أولادهـا السبعـة يظهرون بالرواية

وكُل قصة من حياتهم الها جو وأحداث عجيبة نمُر عليهن مرور الكرام بدون ما نتعمق..

تبدأ ألرواية من البنت المدللة المحاصرة من قبل أخوتها السبعة تحاول تكسر كل الحواجز في سبيل تطلع من جو الملل او بالاحرى حياتها تخلو من الجو العائلي..

أُمسية ولقـاء تغير حيـاتها 180 درجة منها للأفضل والأسوء

حياه روكنا عبارة عن أكشن وغموض وراح تلاحظون هل شي من أول بارت الها ..

الرواية يتغلب عليها الجو الفكاهي والاكشن والغموض بالبداية تشوفون مكس بين الظلم والنفاق والرومنسية شلون إنجمعن سوى ما أدري للصراحة لان جديات عائلة عبارة عن الأبتسامة ما تفارق وجوهم..

والروايـة تدور أحداثها بين العـراق والكويت

النشر يكون يـومـي وإذا يزيـد تفـاعلكم على البارتات يصيـر الكم بارتين باليـوم لان الروايـة مكتمـلة وفقط نـشر.