رواية لمضه الفصل الحادي والعشرون 21 - بقلم نورهان سليمان

شهد كانت بتجري بسرعة على الطريق وفجأة عربية ماشية بسرعة جداً خبطتها. وقعت في الأرض، هيغمى عليها. وقبل ما تغيب عن الوعي شافت أحمد قدامها مبتسم، وبعدها غابت عن الوعي تماماً. في بيت خلود. خلود كانت قاعدة ماسكة صورة شهد وبتعيط. فهد بقلق: ممكن تبطلي عياط يا قلبي؟ خلود: مش قادرة يا فهد. شهد دي كانت أختي، كانت مالية حياتي وحياة كل اللي حواليها هزار وضحك وحنية. مش قادرة أستوعب إزاي إتخطفت.

فهد: هش. أنا عارف إنها أختك وسندك، وبإذن الله ربنا هيرجعها لينا بالسلامة. بطلي عياط وادعيلها. خلود: يارب. فهد: أنا زعلان منك وماشي. خلود بإستغراب: زعلان مني ليه؟ فهد: أنا خطيبك برضو. اهتمي بالغلابان ده شوية. خلود إتكسفت جامد ووشها كله بقى أحمر. فلاش باك. فهد كان قاعد في مكتبه وباصص في ملف خلود وبيفكر فيها، وإفتكر أول يوم قابلها فيه وإبتسم. فهد: وحشتيني. وأنا مش هستحمل أكتر من كده.

وخرج من المكتب وهو مبتسم ومسك الفون واتصل برقم حد. فهد: السلام عليكم. صوت: وعليكم السلام ورحمة الله وبركاته. الدكتور بيتصل، تتحسد ياض، إيه اللي فكرك بينا؟ فهد: إزيك يا بابا؟ صوت: وإنت فاكر إن عندك أب كمان؟ فهد: ههههه. مالك يا حج إبراهيم؟ إنتا شايل مني بقا؟ إبراهيم: لا مين قال كده. إيه اللي فكرك بينا؟ فهد: بسم الله الرحمن الرحيم. عايز أتجوز. إبراهيم: بطل هزار ياض وقول عايز إيه من الآخر.

فهد بضحك: ههههه. والله ما بهزر يا حج إبراهيم. أنا عايز أتجوز، وبكرة هنروح نطلب إيد العروسة. هه. إبراهيم: فيك الخير والله. بتقولي قبلها بيوم. الساعة 7 يا ابن****. فهد: ههههه. إهدي يا كبير. إبراهيم: إنت خليت فيها كبير ولا صغير. إقفل خليني أجيب حاجة ألبسها، يمكن يمكن العروسة تعيد تفكير وتتجوزني أنا. فهد: وده يابا هههههه. البت مش قد هزارك. وأمي عندها علم بالكلام ده بقا. إبراهيم: واطي. طول عمرك نتن وحيوان. إقفل.

فهد: هههه. سلام يا حج. تاني يوم، راحوا بيت خلود. إبراهيم: السلام عليكم. محمد: وعليكم السلام ورحمة الله. اتفضلوا. إبراهيم: تسلم يا حج. بص بقا يا حج، أحنا جايين نطلب إيد العروسة لبني فهد. فهد دكتور في جامعة بنتك وشافها وأعجب بهدوئها وأخلاقها جداً، فجينا نطلبها بالحلال على سنة الله ورسوله. محمد: عليه أفضل الصلاة والسلام. والله أنا موافق، بس أهم حاجة رأي العروسة، ولا إيه؟ إبراهيم: طبعاً. عند خلود في الأوضة.

هدي: كبرتي يا خلود وبقيتي عروسة قمر. خلود: أنا خايفة أوي يا ماما. هدي: إهدي يا حبيبتي، خير بإذن الله. يلا نروح عشان بينادوكي. خلود خرجت وكانت لابسة دريس أوف وايت ضيق من فوق وبيوسع من تحت، وحزام باللون البني في الوسط. كان الدريس عليه ورود صغيرة. وحطت ميك أب خفيف جداً وكحل خلى لون عيونها العسلي تبان أكتر. كانت قمر بسم الله ما شاء الله. فضلت باصة في الأرض وقعدت على كرسي بعيد. إبراهيم: بسم الله ما شاء الله. قمر.

كل ده وفهد مركز معاها. شكلها جميل أوي، وخلود كانت حاسة بنظراته عليها جامد أوي. إبراهيم: طب نسيبهم لوحدهم شوية. محمد: طبعاً. وخرجوا. فهد: السجادة حلوة، بس أنا أحلى على فكرة. مش ده كان رأيك برضو؟ خلود إتكسفت ووشها بقى أحمر. فهد: أنا الحمد لله كويس، وإنتي إزيك ياختي؟ خلود: ........ فهد: شكلك قمر أوي النهاردة. خلود: ........ فهد ضحك وبدأ يحكيلها عن نفسه كتير. محمد: ها يا ولاد؟

فهد: أنا عن نفسي يا عمي موافق أتجوزها دلوقتي وأمشي. الكل ضحك عليه. إبراهيم: ياض إتقل. قال فهد قال. فهد: بص يا عمي، الخطوبة بعد بكرة. وبعد نقاش طويل وإصرار فهد، كانت الخطوبة بعد بكرة. يوم الخطوبة. شهد لبست فستان دهبي وطرحة دهبي وبندانه سودة وميك أب بسيط جداً. وفهد لبس ببدلة سودة وبرفيوم وشعره لورا. كان مز. فهد شاف خلود. فهد: الله يخربيتك، إنتي حلوة كده إزاي؟ هتنيل، أستنى إزاي؟ أنا عايز أكتب كتابي حالا.

إبراهيم: ياض إتقل شوية. فضحتنا. فهد: هيح أكتر من كده يا حج. الكل ضحك عليه. بعد شوية، فهد أخد خلود للبلكونة. فهد: خلود، أنا حبيتك من أول يوم شوفتك فيه، وعهد عليا أصونك وأحافظ عليكي ليوم الدين. خلود سمعت كلامه، عيطت من الفرحة. فهد: هو إنتوا كده على طول؟ ياساتر. خلود بإستغراب: كده إزاي يعني؟ فهد: زعلانين تعيطوا، فرحانين تعيطوا. ناس فصيلة أقسم بالله. خلود بتحذير: فهد. فهد بعشق: بحبك يا قلب فهد. خلود بهمس: وأنا كمان.

فهد بمكر: وإنتي كمان إيه؟ خلود: ........ قرب منها أكتر ورفع راسها. عيونها في عيونه اللي خطفت قلبها من أول ما شافتها. فهد بهيام: وإنتي كمان إيه يا خلود؟ قوليها وريحي قلبي. خلود: بحبك لأخر حياتي، وهفضل أحبك أكتر كل يوم. فهد قرب وباسها برقة وبكل حب. بك. وعندما سألوني أجاب قلبي بإسمك عشقتك حبيبي فلا تلمني بل لوم قلبي أو عانقني وألثمني بعبير قبلاتك فأرتوي بين ثنايا أضلعي وجدت نفسي أرتوي

أما قلبي فبجوارك ينبض ويريدك بين أحضاني حبيبي خبئني وأحذر نيران غيرتي وآمن عقابي كن لقلبي سلطان أكن لك جارية أفديك بروحي مالهم يسألون كيف إنهارت حصوني؟ أأمام نيران العشق سلطان أو عاصم؟ فأنا منك وأنت مني يا عمري.