رواية لمضه الفصل التاسع عشر 19 - بقلم نورهان سليمان

حنان دخلتلها وحضنتها. _هش بس يا حبيبتي، شر وراح لحاله. إهدي. _ياماما، ده كابوس. كابوس. أنا مربوطة على سريري و.. _أوعى تكملي ياملك. أديكي قولتيها، ده كان مجرد كابوس. وأكيد مش هيأثر فيكي. يلا قومي صلي ركعتين لله أنه خرجك من الكابوس ده. وأفتحي صفحة جديدة مع نفسك يا ملك. وأوعي تخافي، أحنا معاكي وإستحالة نفرط فيكي، فاهمة. _أنا بجد مش عارفة أقولك أي. أنا ربنا عوضني بيكم. _متقوليش. قومي صلي لله وأحكيله كل اللي نفسك فيه.

_حاضر. حنان سبتها لوحدها وكانت فرحانة أنها نادتها "ماما". بس قلقها على شهد كبير. _ياترى إنتي فين يا شهد؟ يارب رجعهالي بسلامة يارب. وهنا الباب خبط جامد أوي. _بسم الله الرحمن الرحيم. مين بيخبط كده؟ وملك طلعت على صوت الخبط كمان. _إدخلي جوه يا ماما وخذي ملك. _حاضر يا ابني. جاسر فتح الباب، لقى أحمد كان غضبان قوي. _أختك فين يا جاسر؟ _عاوز إيه بعد كل اللي حصل؟ لسه عاوز تجرحها أكتر؟ _شهد فين يا بني آدم؟

_شهد مختفية ومش قادرين نوصلها. _أنا عارف هي فين. أختك اتخطفت. _إنت بتقول إيه؟ وأحمد وراه صور شهد ورسالة. _وربي ما هرحمه ابن *** ده. هنا حنان وملك خرجت وسمعت كل كلام أحمد. _ش.. شهد. ووقعت على الأرض، أغمي عليها. _ماما!! عدى يومين والشرطة بتدور في كل مكان، مفيش أثر. وأحمد وجاسر كانوا مع أدم. _إحنا لقينا الفيديو ده. كان فيديو كانت شهد ماشية وراجعة البيت، لما العربية وقفت وشالوها ومشيوا...... _ابن ****. وبعدين هنستني كده؟

أختي مختفية بقالها يومين. أحمد خبط المكتب بإيده جامد. _وديني ما هرحمه. _ممكن تهدوا عشان نعرف نتصرف. جاسر خرج وأحمد قعد وحط راسه بين إيديه. زعلان... مخنوق... ومشتاق. أيوه حبها. حاسس إنه مشتاق ليها. حاسس إنه معطهاش أي حاجة حلوة تفتكره بيها. حب وجودها. دايماً كان بيقارن روان بيها. وباع الغالي برخيص. عند شهد. صحيت من النوم، لقيته جنبها. ولقيت نفسها لابسة قميص نوم تاني وشعرها متسرح، وحاطة ميك أب. عيطت.

_أنا عطيتك مهلتك. وبعدين يلا عشان تفطر. قعدت وشافت صنية عليها أكل وطبق فيه فاكهة وسكينة. _ممكن أدخل الحمام الأول؟ _وماله. بس إوعي شطانتك توزك وتعملي حاجة. ولا تفكري تهربي. _حاضر. قرب منها وباسها وفك الكلبش وقومها. وهي أخدت السكينة من غير ما ياخد باله وحاولت تضربه بيها في جنبه. بس لحظها، مسك السكينة منها ومسك شعرها. _عاوزة تقتليني يا بنت *****. وضربها بالقلم جامد. وقعت أغمي عليها. عمار قرب عليها. _حبيبتي أنا آسف. آسف.

وشالها لسرير تاني وقعد جنبه. بعد شوية شهد صحيت. _صباح الخير. شهد مردتش عليه. _أنا آسف. اتعصبت عليك. _ممكن تسبني لوحدي. _حاضر. وكمل بصرامة. _شهد، الليلة معادنا. وخرج وسابها بتعيط بهستيريا وبتدعي ربنا ينجدها من بين إيديه. عند روان. _هنتحرك الليلة. مش عاوزة غلط، مفهوم. _أمرك، تؤمري بحاجة تانية؟ _عمر مسدسي كويس وهاتلي فوني. _أهو. بس إنتي ناوية على إيه؟ _هتعرف بليل. سيبوني لوحدي.

وبعتت مسدج وكسرت الخط. وهي بتتوعد تنتقم من عمار. ووقفت قدام مرايا وحست على بطنها. _عاوز تشوف بابا صح؟ هخليه يشوفه. وهننتقم منه. متقلقش. وضحكت بشرف. في مستشفى. كانت ملك قاعدة في أوضة. _وحشتيني أوي يا ماما. متتخيليش حصل فيا إيه من بعدك. بس ربنا عوضني خير. عارفة ياماما ربنا عوضني بأخت وأم تانية. بس.. بس أنا محتاجاكي أوي. فوقي بقى يا ماما. ومسكت إيدها وبستها وقعدت تعيط. حست بصابعها بيتحرك. _دكتوررر*

*أحببتك كأنك أول الرجال وآخرهم بعيناي. أحببتك كما لو كنت زمزم، كلما شربت لن أرتوي أبداً.* *كم تمنيت أن أتذوق عبير قبلاتك يا حبيبي.* *كم تمنيت أن تعانقني وفي ثناياك أختفي.* *متيمة أنا حد السماء لنيران غيرتك يا عمري.* *وأخيراً أنا لك وأنت لي. فلا تتخلي عن قلبي.*