رواية لن اثق بك الفصل السادس 6 - بقلم سلمى شريف

جني: أنتِ معاكِ فلوس تاني؟ أدهم: آه. جني: طب ماشي، هاخد الفيزا دي برضه. أدهم: أنتِ عارفة الرقم السري يا هبلة؟ نظرت جني لأدهم وهي تفكر: مش عارفة. أدهم: هتصرفيهم إزاي؟ جني: مش هصرفهم، أهم حاجة إنك ما تاخدهمش. أدهم وضع يديه على وجهه. جني: أنا داخلة أقيس الهدوم الجديدة. أدهم: روحي ادخلي قيسيهم. بعد خمس دقائق، خرجت جني وكانت ترتدي فستانًا طويلًا لونه أحمر. انبهر أدهم بجمالها ولم يستطع التكلم. جني: حساه وحش، لا مش عجبني.

أدهم: وحش؟ جني: آه. أدهم: ده حلو أوي. ابتسمت جني: شكرًا. أنا هدخل أشوف بقية الهدوم. ارتدت ملابس كثيرة، وجميعهم كانوا رائعين على جني. ورن هاتف أدهم. أدهم: ألو. محمود: ألو يا أدهم. أدهم: مين؟ محمود: أنا محمود. أدهم: أنت جيت من السفر؟ محمود: آه. أدهم: هاجي أزورك النهارده. محمود: تعالى، أنا عازمك أصلاً بكرة بليل. أدهم: ماشي، جاي بس مش لوحدي. محمود: مش فاهم. أدهم: اتجوزت. محمود: بجد! ألف مبروك.

أدهم: الله يبارك فيك. وأنت عامل إيه؟ محمود: خاطب من سما. أدهم: بجد! فرحت لك من قلبي، ربنا يتمم على خير. محمود: يا رب. يلا أنا هقفل، بكرة بليل ألاقيك عندي، تمام؟ أدهم: تمام يا محمود، سلام. جني: مين ده؟ أدهم: صاحب الطفولة، بقاله خمس سنين في أمريكا وجه مصر، هيقعد كام شهر ويمشي. جني: آه، وبعدين يعني؟ أدهم: لسانك ده محتاج يتقطع. جني: أخلص. أدهم: هنروح بكرة عنده. جني: هتروح؟ أدهم: هنروح أنا وأنتِ. جني: بارد.

أدهم: يلا روحي شوفي هتلبسي إيه بكرة. جني: هو غصب؟ أدهم: آه. جني: حاضر. //تاني يوم// في بيت محمود، كانت ترتدي جني فستانًا أزرق قصيرًا منفوشًا. محمود: أهلًا يا أدهم. أدهم: يا أهلًا يا محمود، وحشتني يا صاحبي. أهلًا يا سما. نظرت جني إلى أدهم وهو يسلم على سما وتغيرت. محمود: أهلًا، اسمك إيه؟ جني: اسمي جني، أهلًا. ويأتي محمود ليسلم عليها، يمسك أدهم يده. أدهم: ما بحبش حد يسلم عليها. محمود: ما تقول كده من الأول. أدهم: 😄😄

جني بصوت واطئ: ما أنت سلمت على سما، حد قالك حاجة! أدهم: سما صاحبتي هي كمان من الطفولة، وملكيش دعوة. أدهم: احكيلنا يا محمود على مغامراتك في أمريكا. محمود: مغامرات؟ هههه، أنت أوفر أوي. اتخطبت أنا وسما مباشرة بعد ما سفرنا لأمريكا، وبنزلنا مصر علشان نعمل الفرح هنا علشان باباها ومامتها. وأنتوا اتجوزتوا إزاي؟ أدهم: ما فيش، جواز صالونات عادي. محمود: أدهم بيه يتجوز صالونات! أدهم: لا، ما إحنا حبينا بعض، مش كده يا جوجو؟

وأمسك يديها. جني بقرف: آه، آه طبعًا. يلا هنمشي. محمود: ليه كده؟ ده أنتوا لسه جايين. أدهم: معلش، هنجيلك في فرحك بقى. محمود: آه طبعًا، أنتم أول المعزومين. محمود: يلا سلام. سما: سلااام. أدهم وجني: سلام. جني: إيه اللي أنت عملته هناك ده؟ أدهم: عملت إيه؟ جني: أنت بتستهبل! أنا بحبك. أدهم: لا، المفروض أروح أقوله عجبتني فخطفتها واتجوزتها. جني: آه، علشان ينقذني. أدهم: ينقذك من إيه؟ ده أنا بجيب لك كل حاجة عايزاها.

جني: يعني تخطفني وتعذبني؟ أدهم: أنتِ عمرك ما اتفرجتِ على فيلم أكشن؟ جني: ما عندناش تلفزيون. أدهم: أهو التلفزيون، ابقي اتفرجي. جني: مش متفرجة، أنا داخلة أنام، ومش هنام جنبك غصب تاني. أدهم: أما نشوف. أعطته مخدة وقفلت على نفسها الباب. أدهم: أنتِ هبلة؟ إيه لازمة المخدة دي؟ جني: عشان تنام في الأرض. أدهم: فيه أوضتين ثانيين أقدر أنام فيهم. خرجت جني: تعالى معايا. أدهم: فين؟ جني: ساعدني بس. أدهم: فيه إيه؟

جني: إني أشيل المرتبتين. أدهم: أنتِ هبلة؟ جني بزعيق: ساعدني. أدهم: أساعدك علشان أنام في الأرض؟ جني: آه، وغصب عنك. أدهم: هو مين خاطف مين؟ جني: ملكش دعوة، ساعدني بس. وضعت المرتبة في الغرفة التي تنام فيها، ونام أدهم على الكنبة. ••في نص الليل•• استيقظت جني حتى تشرب، ووجدت أدهم نائمًا. وضعت شيئًا على رأسها حتى تخيف أدهم. جني: بووم. أدهم:....... جني: بووم. أدهم:....... جني: بخ. أدهم:....... أمسكت مخدة وضربت بها أدهم.

أدهم: فيه إيه؟ فيه إيه؟ جني: مش بتتخض ليه؟ أدهم: كنت نايم، أنتِ هبلة؟ جني: أنا غلطانة، أنا داخلة أنام. أدهم: ادخلي. $في الصباح$ جني: آآآآآآآآآآآه.